|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 42
|
1. Info |
| To: | kapiñjala ivendraḥ | |
| From: | gṛtsamada bhārgava śaunaka | |
| Metres: | 1st set of styles: triṣṭup 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.042.01 (Mandala. Sukta. Rik)
2.8.11.01 (Ashtaka. Adhyaya. Varga. Rik)
02.04.104 (Mandala. Anuvāka. Rik)
Samhita Devanagari Accented
कनि॑क्रदज्ज॒नुषं॑ प्रब्रुवा॒ण इय॑र्ति॒ वाच॑मरि॒तेव॒ नावं॑ ।
सु॒मं॒गल॑श्च शकुने॒ भवा॑सि॒ मा त्वा॒ का चि॑दभि॒भा विश्व्या॑ विदत् ॥
Samhita Devanagari Nonaccented
कनिक्रदज्जनुषं प्रब्रुवाण इयर्ति वाचमरितेव नावं ।
सुमंगलश्च शकुने भवासि मा त्वा का चिदभिभा विश्व्या विदत् ॥
Samhita Transcription Accented
kánikradajjanúṣam prabruvāṇá íyarti vā́camaritéva nā́vam ǀ
sumaṅgálaśca śakune bhávāsi mā́ tvā kā́ cidabhibhā́ víśvyā vidat ǁ
Samhita Transcription Nonaccented
kanikradajjanuṣam prabruvāṇa iyarti vācamariteva nāvam ǀ
sumaṅgalaśca śakune bhavāsi mā tvā kā cidabhibhā viśvyā vidat ǁ
Padapatha Devanagari Accented
कनि॑क्रदत् । ज॒नुष॑म् । प्र॒ऽब्रु॒वा॒णः । इय॑र्ति । वाच॑म् । अ॒रि॒ताऽइ॑व । नाव॑म् ।
सु॒ऽम॒ङ्गलः॑ । च॒ । श॒कु॒ने॒ । भवा॑सि । मा । त्वा॒ । का । चि॒त् । अ॒भि॒ऽभा । विश्व्या॑ । वि॒द॒त् ॥
Padapatha Devanagari Nonaccented
कनिक्रदत् । जनुषम् । प्रऽब्रुवाणः । इयर्ति । वाचम् । अरिताऽइव । नावम् ।
सुऽमङ्गलः । च । शकुने । भवासि । मा । त्वा । का । चित् । अभिऽभा । विश्व्या । विदत् ॥
Padapatha Transcription Accented
kánikradat ǀ janúṣam ǀ pra-bruvāṇáḥ ǀ íyarti ǀ vā́cam ǀ aritā́-iva ǀ nā́vam ǀ
su-maṅgálaḥ ǀ ca ǀ śakune ǀ bhávāsi ǀ mā́ ǀ tvā ǀ kā́ ǀ cit ǀ abhi-bhā́ ǀ víśvyā ǀ vidat ǁ
Padapatha Transcription Nonaccented
kanikradat ǀ januṣam ǀ pra-bruvāṇaḥ ǀ iyarti ǀ vācam ǀ aritā-iva ǀ nāvam ǀ
su-maṅgalaḥ ǀ ca ǀ śakune ǀ bhavāsi ǀ mā ǀ tvā ǀ kā ǀ cit ǀ abhi-bhā ǀ viśvyā ǀ vidat ǁ
02.042.02 (Mandala. Sukta. Rik)
2.8.11.02 (Ashtaka. Adhyaya. Varga. Rik)
02.04.105 (Mandala. Anuvāka. Rik)
Samhita Devanagari Accented
मा त्वा॑ श्ये॒न उद्व॑धी॒न्मा सु॑प॒र्णो मा त्वा॑ विद॒दिषु॑मान्वी॒रो अस्ता॑ ।
पित्र्या॒मनु॑ प्र॒दिशं॒ कनि॑क्रदत्सुमं॒गलो॑ भद्रवा॒दी व॑दे॒ह ॥
Samhita Devanagari Nonaccented
मा त्वा श्येन उद्वधीन्मा सुपर्णो मा त्वा विददिषुमान्वीरो अस्ता ।
पित्र्यामनु प्रदिशं कनिक्रदत्सुमंगलो भद्रवादी वदेह ॥
Samhita Transcription Accented
mā́ tvā śyená údvadhīnmā́ suparṇó mā́ tvā vidadíṣumānvīró ástā ǀ
pítryāmánu pradíśam kánikradatsumaṅgálo bhadravādī́ vadehá ǁ
Samhita Transcription Nonaccented
mā tvā śyena udvadhīnmā suparṇo mā tvā vidadiṣumānvīro astā ǀ
pitryāmanu pradiśam kanikradatsumaṅgalo bhadravādī vadeha ǁ
Padapatha Devanagari Accented
मा । त्वा॒ । श्ये॒नः । उत् । व॒धी॒त् । मा । सु॒ऽप॒र्णः । मा । त्वा॒ । वि॒द॒त् । इषु॑ऽमान् । वी॒रः । अस्ता॑ ।
पित्र्या॑म् । अनु॑ । प्र॒ऽदिश॑म् । कनि॑क्रदत् । सु॒ऽम॒ङ्गलः॑ । भ॒द्र॒ऽवा॒दी । व॒द॒ । इ॒ह ॥
Padapatha Devanagari Nonaccented
मा । त्वा । श्येनः । उत् । वधीत् । मा । सुऽपर्णः । मा । त्वा । विदत् । इषुऽमान् । वीरः । अस्ता ।
पित्र्याम् । अनु । प्रऽदिशम् । कनिक्रदत् । सुऽमङ्गलः । भद्रऽवादी । वद । इह ॥
Padapatha Transcription Accented
mā́ ǀ tvā ǀ śyenáḥ ǀ út ǀ vadhīt ǀ mā́ ǀ su-parṇáḥ ǀ mā́ ǀ tvā ǀ vidat ǀ íṣu-mān ǀ vīráḥ ǀ ástā ǀ
pítryām ǀ ánu ǀ pra-díśam ǀ kánikradat ǀ su-maṅgálaḥ ǀ bhadra-vādī́ ǀ vada ǀ ihá ǁ
Padapatha Transcription Nonaccented
mā ǀ tvā ǀ śyenaḥ ǀ ut ǀ vadhīt ǀ mā ǀ su-parṇaḥ ǀ mā ǀ tvā ǀ vidat ǀ iṣu-mān ǀ vīraḥ ǀ astā ǀ
pitryām ǀ anu ǀ pra-diśam ǀ kanikradat ǀ su-maṅgalaḥ ǀ bhadra-vādī ǀ vada ǀ iha ǁ
02.042.03 (Mandala. Sukta. Rik)
2.8.11.03 (Ashtaka. Adhyaya. Varga. Rik)
02.04.106 (Mandala. Anuvāka. Rik)
Samhita Devanagari Accented
अव॑ क्रंद दक्षिण॒तो गृ॒हाणां॑ सुमं॒गलो॑ भद्रवा॒दी श॑कुंते ।
मा नः॑ स्ते॒न ई॑शत॒ माघशं॑सो बृ॒हद्व॑देम वि॒दथे॑ सु॒वीराः॑ ॥
Samhita Devanagari Nonaccented
अव क्रंद दक्षिणतो गृहाणां सुमंगलो भद्रवादी शकुंते ।
मा नः स्तेन ईशत माघशंसो बृहद्वदेम विदथे सुवीराः ॥
Samhita Transcription Accented
áva kranda dakṣiṇató gṛhā́ṇām sumaṅgálo bhadravādī́ śakunte ǀ
mā́ naḥ stená īśata mā́gháśaṃso bṛhádvadema vidáthe suvī́rāḥ ǁ
Samhita Transcription Nonaccented
ava kranda dakṣiṇato gṛhāṇām sumaṅgalo bhadravādī śakunte ǀ
mā naḥ stena īśata māghaśaṃso bṛhadvadema vidathe suvīrāḥ ǁ
Padapatha Devanagari Accented
अव॑ । क्र॒न्द॒ । द॒क्षि॒ण॒तः । गृ॒हाणा॑म् । सु॒ऽम॒ङ्गलः॑ । भ॒द्र॒ऽवा॒दी । श॒कु॒न्ते॒ ।
मा । नः॒ । स्ते॒नः । ई॒श॒त॒ । मा । अ॒घऽशं॑सः । बृ॒हत् । व॒दे॒म॒ । वि॒दथे॑ । सु॒ऽवीराः॑ ॥
Padapatha Devanagari Nonaccented
अव । क्रन्द । दक्षिणतः । गृहाणाम् । सुऽमङ्गलः । भद्रऽवादी । शकुन्ते ।
मा । नः । स्तेनः । ईशत । मा । अघऽशंसः । बृहत् । वदेम । विदथे । सुऽवीराः ॥
Padapatha Transcription Accented
áva ǀ kranda ǀ dakṣiṇatáḥ ǀ gṛhā́ṇām ǀ su-maṅgálaḥ ǀ bhadra-vādī́ ǀ śakunte ǀ
mā́ ǀ naḥ ǀ stenáḥ ǀ īśata ǀ mā́ ǀ aghá-śaṃsaḥ ǀ bṛhát ǀ vadema ǀ vidáthe ǀ su-vī́rāḥ ǁ
Padapatha Transcription Nonaccented
ava ǀ kranda ǀ dakṣiṇataḥ ǀ gṛhāṇām ǀ su-maṅgalaḥ ǀ bhadra-vādī ǀ śakunte ǀ
mā ǀ naḥ ǀ stenaḥ ǀ īśata ǀ mā ǀ agha-śaṃsaḥ ǀ bṛhat ǀ vadema ǀ vidathe ǀ su-vīrāḥ ǁ