|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 36
|
1. Info |
| To: | indra | |
| From: | 1-9, 11: viśvāmitra gāthina; 10: ghora āṅgirasa |
|
| Metres: | 1st set of styles: triṣṭup (1, 7, 10, 11); nicṛttriṣṭup (2, 3, 6, 8); bhurikpaṅkti (4); svarāṭpaṅkti (5); virāṭtrisṭup (9) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.036.01 (Mandala. Sukta. Rik)
3.2.19.01 (Ashtaka. Adhyaya. Varga. Rik)
03.03.097 (Mandala. Anuvāka. Rik)
Samhita Devanagari Accented
इ॒मामू॒ षु प्रभृ॑तिं सा॒तये॑ धाः॒ शश्व॑च्छश्वदू॒तिभि॒र्याद॑मानः ।
सु॒तेसु॑ते वावृधे॒ वर्ध॑नेभि॒र्यः कर्म॑भिर्म॒हद्भिः॒ सुश्रु॑तो॒ भूत् ॥
Samhita Devanagari Nonaccented
इमामू षु प्रभृतिं सातये धाः शश्वच्छश्वदूतिभिर्यादमानः ।
सुतेसुते वावृधे वर्धनेभिर्यः कर्मभिर्महद्भिः सुश्रुतो भूत् ॥
Samhita Transcription Accented
imā́mū ṣú prábhṛtim sātáye dhāḥ śáśvacchaśvadūtíbhiryā́damānaḥ ǀ
sutésute vāvṛdhe várdhanebhiryáḥ kármabhirmahádbhiḥ súśruto bhū́t ǁ
Samhita Transcription Nonaccented
imāmū ṣu prabhṛtim sātaye dhāḥ śaśvacchaśvadūtibhiryādamānaḥ ǀ
sutesute vāvṛdhe vardhanebhiryaḥ karmabhirmahadbhiḥ suśruto bhūt ǁ
Padapatha Devanagari Accented
इ॒माम् । ऊं॒ इति॑ । सु । प्रऽभृ॑तिम् । सा॒तये॑ । धाः॒ । शश्व॑त्ऽशश्वत् । ऊ॒तिऽभिः॑ । याद॑मानः ।
सु॒तेऽसु॑ते । व॒वृ॒धे॒ । वर्ध॑नेभिः । यः । कर्म॑ऽभिः । म॒हत्ऽभिः॑ । सुऽश्रु॑तः । भूत् ॥
Padapatha Devanagari Nonaccented
इमाम् । ऊं इति । सु । प्रऽभृतिम् । सातये । धाः । शश्वत्ऽशश्वत् । ऊतिऽभिः । यादमानः ।
सुतेऽसुते । ववृधे । वर्धनेभिः । यः । कर्मऽभिः । महत्ऽभिः । सुऽश्रुतः । भूत् ॥
Padapatha Transcription Accented
imā́m ǀ ūṃ íti ǀ sú ǀ prá-bhṛtim ǀ sātáye ǀ dhāḥ ǀ śáśvat-śaśvat ǀ ūtí-bhiḥ ǀ yā́damānaḥ ǀ
suté-sute ǀ vavṛdhe ǀ várdhanebhiḥ ǀ yáḥ ǀ kárma-bhiḥ ǀ mahát-bhiḥ ǀ sú-śrutaḥ ǀ bhū́t ǁ
Padapatha Transcription Nonaccented
imām ǀ ūṃ iti ǀ su ǀ pra-bhṛtim ǀ sātaye ǀ dhāḥ ǀ śaśvat-śaśvat ǀ ūti-bhiḥ ǀ yādamānaḥ ǀ
sute-sute ǀ vavṛdhe ǀ vardhanebhiḥ ǀ yaḥ ǀ karma-bhiḥ ǀ mahat-bhiḥ ǀ su-śrutaḥ ǀ bhūt ǁ
03.036.02 (Mandala. Sukta. Rik)
3.2.19.02 (Ashtaka. Adhyaya. Varga. Rik)
03.03.098 (Mandala. Anuvāka. Rik)
Samhita Devanagari Accented
इंद्रा॑य॒ सोमाः॑ प्र॒दिवो॒ विदा॑ना ऋ॒भुर्येभि॒र्वृष॑पर्वा॒ विहा॑याः ।
प्र॒य॒म्यमा॑ना॒न्प्रति॒ षू गृ॑भा॒येंद्र॒ पिब॒ वृष॑धूतस्य॒ वृष्णः॑ ॥
Samhita Devanagari Nonaccented
इंद्राय सोमाः प्रदिवो विदाना ऋभुर्येभिर्वृषपर्वा विहायाः ।
प्रयम्यमानान्प्रति षू गृभायेंद्र पिब वृषधूतस्य वृष्णः ॥
Samhita Transcription Accented
índrāya sómāḥ pradívo vídānā ṛbhúryébhirvṛ́ṣaparvā víhāyāḥ ǀ
prayamyámānānpráti ṣū́ gṛbhāyéndra píba vṛ́ṣadhūtasya vṛ́ṣṇaḥ ǁ
Samhita Transcription Nonaccented
indrāya somāḥ pradivo vidānā ṛbhuryebhirvṛṣaparvā vihāyāḥ ǀ
prayamyamānānprati ṣū gṛbhāyendra piba vṛṣadhūtasya vṛṣṇaḥ ǁ
Padapatha Devanagari Accented
इन्द्रा॑य । सोमाः॑ । प्र॒ऽदिवः॑ । विदा॑नाः । ऋ॒भुः । येभिः॑ । वृष॑ऽपर्वा । विऽहा॑याः ।
प्र॒ऽय॒म्यमा॑नान् । प्रति॑ । सु । गृ॒भा॒य॒ । इन्द्र॑ । पिब॑ । वृष॑ऽधूतस्य । वृष्णः॑ ॥
Padapatha Devanagari Nonaccented
इन्द्राय । सोमाः । प्रऽदिवः । विदानाः । ऋभुः । येभिः । वृषऽपर्वा । विऽहायाः ।
प्रऽयम्यमानान् । प्रति । सु । गृभाय । इन्द्र । पिब । वृषऽधूतस्य । वृष्णः ॥
Padapatha Transcription Accented
índrāya ǀ sómāḥ ǀ pra-dívaḥ ǀ vídānāḥ ǀ ṛbhúḥ ǀ yébhiḥ ǀ vṛ́ṣa-parvā ǀ ví-hāyāḥ ǀ
pra-yamyámānān ǀ práti ǀ sú ǀ gṛbhāya ǀ índra ǀ píba ǀ vṛ́ṣa-dhūtasya ǀ vṛ́ṣṇaḥ ǁ
Padapatha Transcription Nonaccented
indrāya ǀ somāḥ ǀ pra-divaḥ ǀ vidānāḥ ǀ ṛbhuḥ ǀ yebhiḥ ǀ vṛṣa-parvā ǀ vi-hāyāḥ ǀ
pra-yamyamānān ǀ prati ǀ su ǀ gṛbhāya ǀ indra ǀ piba ǀ vṛṣa-dhūtasya ǀ vṛṣṇaḥ ǁ
03.036.03 (Mandala. Sukta. Rik)
3.2.19.03 (Ashtaka. Adhyaya. Varga. Rik)
03.03.099 (Mandala. Anuvāka. Rik)
Samhita Devanagari Accented
पिबा॒ वर्ध॑स्व॒ तव॑ घा सु॒तास॒ इंद्र॒ सोमा॑सः प्रथ॒मा उ॒तेमे ।
यथापि॑बः पू॒र्व्याँ इं॑द्र॒ सोमाँ॑ ए॒वा पा॑हि॒ पन्यो॑ अ॒द्या नवी॑यान् ॥
Samhita Devanagari Nonaccented
पिबा वर्धस्व तव घा सुतास इंद्र सोमासः प्रथमा उतेमे ।
यथापिबः पूर्व्याँ इंद्र सोमाँ एवा पाहि पन्यो अद्या नवीयान् ॥
Samhita Transcription Accented
píbā várdhasva táva ghā sutā́sa índra sómāsaḥ prathamā́ utémé ǀ
yáthā́pibaḥ pūrvyā́m̐ indra sómām̐ evā́ pāhi pányo adyā́ návīyān ǁ
Samhita Transcription Nonaccented
pibā vardhasva tava ghā sutāsa indra somāsaḥ prathamā uteme ǀ
yathāpibaḥ pūrvyām̐ indra somām̐ evā pāhi panyo adyā navīyān ǁ
Padapatha Devanagari Accented
पिब॑ । वर्ध॑स्व । तव॑ । घ॒ । सु॒तासः॑ । इन्द्र॑ । सोमा॑सः । प्र॒थ॒माः । उ॒त । इ॒मे ।
यथा॑ । अपि॑बः । पू॒र्व्यान् । इ॒न्द्र॒ । सोमा॑न् । ए॒व । पा॒हि॒ । पन्यः॑ । अ॒द्य । नवी॑यान् ॥
Padapatha Devanagari Nonaccented
पिब । वर्धस्व । तव । घ । सुतासः । इन्द्र । सोमासः । प्रथमाः । उत । इमे ।
यथा । अपिबः । पूर्व्यान् । इन्द्र । सोमान् । एव । पाहि । पन्यः । अद्य । नवीयान् ॥
Padapatha Transcription Accented
píba ǀ várdhasva ǀ táva ǀ gha ǀ sutā́saḥ ǀ índra ǀ sómāsaḥ ǀ prathamā́ḥ ǀ utá ǀ imé ǀ
yáthā ǀ ápibaḥ ǀ pūrvyā́n ǀ indra ǀ sómān ǀ evá ǀ pāhi ǀ pányaḥ ǀ adyá ǀ návīyān ǁ
Padapatha Transcription Nonaccented
piba ǀ vardhasva ǀ tava ǀ gha ǀ sutāsaḥ ǀ indra ǀ somāsaḥ ǀ prathamāḥ ǀ uta ǀ ime ǀ
yathā ǀ apibaḥ ǀ pūrvyān ǀ indra ǀ somān ǀ eva ǀ pāhi ǀ panyaḥ ǀ adya ǀ navīyān ǁ
03.036.04 (Mandala. Sukta. Rik)
3.2.19.04 (Ashtaka. Adhyaya. Varga. Rik)
03.03.100 (Mandala. Anuvāka. Rik)
Samhita Devanagari Accented
म॒हाँ अम॑त्रो वृ॒जने॑ विर॒प्श्यु१॒॑ग्रं शवः॑ पत्यते धृ॒ष्ण्वोजः॑ ।
नाह॑ विव्याच पृथि॒वी च॒नैनं॒ यत्सोमा॑सो॒ हर्य॑श्व॒ममं॑दन् ॥
Samhita Devanagari Nonaccented
महाँ अमत्रो वृजने विरप्श्युग्रं शवः पत्यते धृष्ण्वोजः ।
नाह विव्याच पृथिवी चनैनं यत्सोमासो हर्यश्वममंदन् ॥
Samhita Transcription Accented
mahā́m̐ ámatro vṛjáne virapśyúgrám śávaḥ patyate dhṛṣṇvójaḥ ǀ
nā́ha vivyāca pṛthivī́ canáinam yátsómāso háryaśvamámandan ǁ
Samhita Transcription Nonaccented
mahām̐ amatro vṛjane virapśyugram śavaḥ patyate dhṛṣṇvojaḥ ǀ
nāha vivyāca pṛthivī canainam yatsomāso haryaśvamamandan ǁ
Padapatha Devanagari Accented
म॒हान् । अम॑त्रः । वृ॒जने॑ । वि॒ऽर॒प्शी । उ॒ग्रम् । शवः॑ । प॒त्य॒ते॒ । धृ॒ष्णु । ओजः॑ ।
न । अह॑ । वि॒व्या॒च॒ । पृ॒थि॒वी । च॒न । ए॒न॒म् । यत् । सोमा॑सः । हरि॑ऽअश्वम् । अम॑न्दन् ॥
Padapatha Devanagari Nonaccented
महान् । अमत्रः । वृजने । विऽरप्शी । उग्रम् । शवः । पत्यते । धृष्णु । ओजः ।
न । अह । विव्याच । पृथिवी । चन । एनम् । यत् । सोमासः । हरिऽअश्वम् । अमन्दन् ॥
Padapatha Transcription Accented
mahā́n ǀ ámatraḥ ǀ vṛjáne ǀ vi-rapśī́ ǀ ugrám ǀ śávaḥ ǀ patyate ǀ dhṛṣṇú ǀ ójaḥ ǀ
ná ǀ áha ǀ vivyāca ǀ pṛthivī́ ǀ caná ǀ enam ǀ yát ǀ sómāsaḥ ǀ hári-aśvam ǀ ámandan ǁ
Padapatha Transcription Nonaccented
mahān ǀ amatraḥ ǀ vṛjane ǀ vi-rapśī ǀ ugram ǀ śavaḥ ǀ patyate ǀ dhṛṣṇu ǀ ojaḥ ǀ
na ǀ aha ǀ vivyāca ǀ pṛthivī ǀ cana ǀ enam ǀ yat ǀ somāsaḥ ǀ hari-aśvam ǀ amandan ǁ
03.036.05 (Mandala. Sukta. Rik)
3.2.19.05 (Ashtaka. Adhyaya. Varga. Rik)
03.03.101 (Mandala. Anuvāka. Rik)
Samhita Devanagari Accented
म॒हाँ उ॒ग्रो वा॑वृधे वी॒र्या॑य स॒माच॑क्रे वृष॒भः काव्ये॑न ।
इंद्रो॒ भगो॑ वाज॒दा अ॑स्य॒ गावः॒ प्र जा॑यंते॒ दक्षि॑णा अस्य पू॒र्वीः ॥
Samhita Devanagari Nonaccented
महाँ उग्रो वावृधे वीर्याय समाचक्रे वृषभः काव्येन ।
इंद्रो भगो वाजदा अस्य गावः प्र जायंते दक्षिणा अस्य पूर्वीः ॥
Samhita Transcription Accented
mahā́m̐ ugró vāvṛdhe vīryā́ya samā́cakre vṛṣabháḥ kā́vyena ǀ
índro bhágo vājadā́ asya gā́vaḥ prá jāyante dákṣiṇā asya pūrvī́ḥ ǁ
Samhita Transcription Nonaccented
mahām̐ ugro vāvṛdhe vīryāya samācakre vṛṣabhaḥ kāvyena ǀ
indro bhago vājadā asya gāvaḥ pra jāyante dakṣiṇā asya pūrvīḥ ǁ
Padapatha Devanagari Accented
म॒हान् । उ॒ग्रः । व॒वृ॒धे॒ । वी॒र्या॑य । स॒म्ऽआच॑क्रे । वृ॒ष॒भः । काव्ये॑न ।
इन्द्रः॑ । भगः॑ । वा॒ज॒ऽदाः । अ॒स्य॒ । गावः॑ । प्र । जा॒य॒न्ते॒ । दक्षि॑णाः । अ॒स्य॒ । पू॒र्वीः ॥
Padapatha Devanagari Nonaccented
महान् । उग्रः । ववृधे । वीर्याय । सम्ऽआचक्रे । वृषभः । काव्येन ।
इन्द्रः । भगः । वाजऽदाः । अस्य । गावः । प्र । जायन्ते । दक्षिणाः । अस्य । पूर्वीः ॥
Padapatha Transcription Accented
mahā́n ǀ ugráḥ ǀ vavṛdhe ǀ vīryā́ya ǀ sam-ā́cakre ǀ vṛṣabháḥ ǀ kā́vyena ǀ
índraḥ ǀ bhágaḥ ǀ vāja-dā́ḥ ǀ asya ǀ gā́vaḥ ǀ prá ǀ jāyante ǀ dákṣiṇāḥ ǀ asya ǀ pūrvī́ḥ ǁ
Padapatha Transcription Nonaccented
mahān ǀ ugraḥ ǀ vavṛdhe ǀ vīryāya ǀ sam-ācakre ǀ vṛṣabhaḥ ǀ kāvyena ǀ
indraḥ ǀ bhagaḥ ǀ vāja-dāḥ ǀ asya ǀ gāvaḥ ǀ pra ǀ jāyante ǀ dakṣiṇāḥ ǀ asya ǀ pūrvīḥ ǁ
03.036.06 (Mandala. Sukta. Rik)
3.2.20.01 (Ashtaka. Adhyaya. Varga. Rik)
03.03.102 (Mandala. Anuvāka. Rik)
Samhita Devanagari Accented
प्र यत्सिंध॑वः प्रस॒वं यथाय॒न्नापः॑ समु॒द्रं र॒थ्ये॑व जग्मुः ।
अत॑श्चि॒दिंद्रः॒ सद॑सो॒ वरी॑या॒न्यदीं॒ सोमः॑ पृ॒णति॑ दु॒ग्धो अं॒शुः ॥
Samhita Devanagari Nonaccented
प्र यत्सिंधवः प्रसवं यथायन्नापः समुद्रं रथ्येव जग्मुः ।
अतश्चिदिंद्रः सदसो वरीयान्यदीं सोमः पृणति दुग्धो अंशुः ॥
Samhita Transcription Accented
prá yátsíndhavaḥ prasavám yáthā́yannā́paḥ samudrám rathyéva jagmuḥ ǀ
átaścidíndraḥ sádaso várīyānyádīm sómaḥ pṛṇáti dugdhó aṃśúḥ ǁ
Samhita Transcription Nonaccented
pra yatsindhavaḥ prasavam yathāyannāpaḥ samudram rathyeva jagmuḥ ǀ
ataścidindraḥ sadaso varīyānyadīm somaḥ pṛṇati dugdho aṃśuḥ ǁ
Padapatha Devanagari Accented
प्र । यत् । सिन्ध॑वः । प्र॒ऽस॒वम् । यथा॑ । आय॑न् । आपः॑ । स॒मु॒द्रम् । र॒थ्या॑ऽइव । ज॒ग्मुः॒ ।
अतः॑ । चि॒त् । इन्द्रः॑ । सद॑सः । वरी॑यान् । यत् । ई॒म् । सोमः॑ । पृ॒णति॑ । दु॒ग्धः । अं॒शुः ॥
Padapatha Devanagari Nonaccented
प्र । यत् । सिन्धवः । प्रऽसवम् । यथा । आयन् । आपः । समुद्रम् । रथ्याऽइव । जग्मुः ।
अतः । चित् । इन्द्रः । सदसः । वरीयान् । यत् । ईम् । सोमः । पृणति । दुग्धः । अंशुः ॥
Padapatha Transcription Accented
prá ǀ yát ǀ síndhavaḥ ǀ pra-savám ǀ yáthā ǀ ā́yan ǀ ā́paḥ ǀ samudrám ǀ rathyā́-iva ǀ jagmuḥ ǀ
átaḥ ǀ cit ǀ índraḥ ǀ sádasaḥ ǀ várīyān ǀ yát ǀ īm ǀ sómaḥ ǀ pṛṇáti ǀ dugdháḥ ǀ aṃśúḥ ǁ
Padapatha Transcription Nonaccented
pra ǀ yat ǀ sindhavaḥ ǀ pra-savam ǀ yathā ǀ āyan ǀ āpaḥ ǀ samudram ǀ rathyā-iva ǀ jagmuḥ ǀ
ataḥ ǀ cit ǀ indraḥ ǀ sadasaḥ ǀ varīyān ǀ yat ǀ īm ǀ somaḥ ǀ pṛṇati ǀ dugdhaḥ ǀ aṃśuḥ ǁ
03.036.07 (Mandala. Sukta. Rik)
3.2.20.02 (Ashtaka. Adhyaya. Varga. Rik)
03.03.103 (Mandala. Anuvāka. Rik)
Samhita Devanagari Accented
स॒मु॒द्रेण॒ सिंध॑वो॒ याद॑माना॒ इंद्रा॑य॒ सोमं॒ सुषु॑तं॒ भरं॑तः ।
अं॒शुं दु॑हंति ह॒स्तिनो॑ भ॒रित्रै॒र्मध्वः॑ पुनंति॒ धार॑या प॒वित्रैः॑ ॥
Samhita Devanagari Nonaccented
समुद्रेण सिंधवो यादमाना इंद्राय सोमं सुषुतं भरंतः ।
अंशुं दुहंति हस्तिनो भरित्रैर्मध्वः पुनंति धारया पवित्रैः ॥
Samhita Transcription Accented
samudréṇa síndhavo yā́damānā índrāya sómam súṣutam bhárantaḥ ǀ
aṃśúm duhanti hastíno bharítrairmádhvaḥ punanti dhā́rayā pavítraiḥ ǁ
Samhita Transcription Nonaccented
samudreṇa sindhavo yādamānā indrāya somam suṣutam bharantaḥ ǀ
aṃśum duhanti hastino bharitrairmadhvaḥ punanti dhārayā pavitraiḥ ǁ
Padapatha Devanagari Accented
स॒मु॒द्रेण॑ । सिन्ध॑वः । याद॑मानाः । इन्द्रा॑य । सोम॑म् । सुऽसु॑तम् । भर॑न्तः ।
अं॒शुम् । दु॒ह॒न्ति॒ । ह॒स्तिनः॑ । भ॒रित्रैः॑ । मध्वः॑ । पु॒न॒न्ति॒ । धार॑या । प॒वित्रैः॑ ॥
Padapatha Devanagari Nonaccented
समुद्रेण । सिन्धवः । यादमानाः । इन्द्राय । सोमम् । सुऽसुतम् । भरन्तः ।
अंशुम् । दुहन्ति । हस्तिनः । भरित्रैः । मध्वः । पुनन्ति । धारया । पवित्रैः ॥
Padapatha Transcription Accented
samudréṇa ǀ síndhavaḥ ǀ yā́damānāḥ ǀ índrāya ǀ sómam ǀ sú-sutam ǀ bhárantaḥ ǀ
aṃśúm ǀ duhanti ǀ hastínaḥ ǀ bharítraiḥ ǀ mádhvaḥ ǀ punanti ǀ dhā́rayā ǀ pavítraiḥ ǁ
Padapatha Transcription Nonaccented
samudreṇa ǀ sindhavaḥ ǀ yādamānāḥ ǀ indrāya ǀ somam ǀ su-sutam ǀ bharantaḥ ǀ
aṃśum ǀ duhanti ǀ hastinaḥ ǀ bharitraiḥ ǀ madhvaḥ ǀ punanti ǀ dhārayā ǀ pavitraiḥ ǁ
03.036.08 (Mandala. Sukta. Rik)
3.2.20.03 (Ashtaka. Adhyaya. Varga. Rik)
03.03.104 (Mandala. Anuvāka. Rik)
Samhita Devanagari Accented
ह्र॒दा इ॑व कु॒क्षयः॑ सोम॒धानाः॒ समी॑ विव्याच॒ सव॑ना पु॒रूणि॑ ।
अन्ना॒ यदिंद्रः॑ प्रथ॒मा व्याश॑ वृ॒त्रं ज॑घ॒न्वाँ अ॑वृणीत॒ सोमं॑ ॥
Samhita Devanagari Nonaccented
ह्रदा इव कुक्षयः सोमधानाः समी विव्याच सवना पुरूणि ।
अन्ना यदिंद्रः प्रथमा व्याश वृत्रं जघन्वाँ अवृणीत सोमं ॥
Samhita Transcription Accented
hradā́ iva kukṣáyaḥ somadhā́nāḥ sámī vivyāca sávanā purū́ṇi ǀ
ánnā yádíndraḥ prathamā́ vyā́śa vṛtrám jaghanvā́m̐ avṛṇīta sómam ǁ
Samhita Transcription Nonaccented
hradā iva kukṣayaḥ somadhānāḥ samī vivyāca savanā purūṇi ǀ
annā yadindraḥ prathamā vyāśa vṛtram jaghanvām̐ avṛṇīta somam ǁ
Padapatha Devanagari Accented
ह्र॒दाःऽइ॑व । कु॒क्षयः॑ । सो॒म॒ऽधानाः॑ । सम् । ई॒मिति॑ । वि॒व्या॒च॒ । सव॑ना । पु॒रूणि॑ ।
अन्ना॑ । यत् । इन्द्रः॑ । प्र॒थ॒मा । वि । आश॑ । वृ॒त्रम् । ज॒घ॒न्वान् । अ॒वृ॒णी॒त॒ । सोम॑म् ॥
Padapatha Devanagari Nonaccented
ह्रदाःऽइव । कुक्षयः । सोमऽधानाः । सम् । ईमिति । विव्याच । सवना । पुरूणि ।
अन्ना । यत् । इन्द्रः । प्रथमा । वि । आश । वृत्रम् । जघन्वान् । अवृणीत । सोमम् ॥
Padapatha Transcription Accented
hradā́ḥ-iva ǀ kukṣáyaḥ ǀ soma-dhā́nāḥ ǀ sám ǀ īmíti ǀ vivyāca ǀ sávanā ǀ purū́ṇi ǀ
ánnā ǀ yát ǀ índraḥ ǀ prathamā́ ǀ ví ǀ ā́śa ǀ vṛtrám ǀ jaghanvā́n ǀ avṛṇīta ǀ sómam ǁ
Padapatha Transcription Nonaccented
hradāḥ-iva ǀ kukṣayaḥ ǀ soma-dhānāḥ ǀ sam ǀ īmiti ǀ vivyāca ǀ savanā ǀ purūṇi ǀ
annā ǀ yat ǀ indraḥ ǀ prathamā ǀ vi ǀ āśa ǀ vṛtram ǀ jaghanvān ǀ avṛṇīta ǀ somam ǁ
03.036.09 (Mandala. Sukta. Rik)
3.2.20.04 (Ashtaka. Adhyaya. Varga. Rik)
03.03.105 (Mandala. Anuvāka. Rik)
Samhita Devanagari Accented
आ तू भ॑र॒ माकि॑रे॒तत्परि॑ ष्ठाद्वि॒द्मा हि त्वा॒ वसु॑पतिं॒ वसू॑नां ।
इंद्र॒ यत्ते॒ माहि॑नं॒ दत्र॒मस्त्य॒स्मभ्यं॒ तद्ध॑र्यश्व॒ प्र यं॑धि ॥
Samhita Devanagari Nonaccented
आ तू भर माकिरेतत्परि ष्ठाद्विद्मा हि त्वा वसुपतिं वसूनां ।
इंद्र यत्ते माहिनं दत्रमस्त्यस्मभ्यं तद्धर्यश्व प्र यंधि ॥
Samhita Transcription Accented
ā́ tū́ bhara mā́kiretátpári ṣṭhādvidmā́ hí tvā vásupatim vásūnām ǀ
índra yátte mā́hinam dátramástyasmábhyam táddharyaśva prá yandhi ǁ
Samhita Transcription Nonaccented
ā tū bhara mākiretatpari ṣṭhādvidmā hi tvā vasupatim vasūnām ǀ
indra yatte māhinam datramastyasmabhyam taddharyaśva pra yandhi ǁ
Padapatha Devanagari Accented
आ । तु । भ॒र॒ । माकिः॑ । ए॒तत् । परि॑ । स्था॒त् । वि॒द्म । हि । त्वा॒ । वसु॑ऽपतिम् । वसू॑नाम् ।
इन्द्र॑ । यत् । ते॒ । माहि॑नम् । दत्र॑म् । अस्ति॑ । अ॒स्मभ्य॑म् । तत् । ह॒रि॒ऽअ॒श्व॒ । प्र । य॒न्धि॒ ॥
Padapatha Devanagari Nonaccented
आ । तु । भर । माकिः । एतत् । परि । स्थात् । विद्म । हि । त्वा । वसुऽपतिम् । वसूनाम् ।
इन्द्र । यत् । ते । माहिनम् । दत्रम् । अस्ति । अस्मभ्यम् । तत् । हरिऽअश्व । प्र । यन्धि ॥
Padapatha Transcription Accented
ā́ ǀ tú ǀ bhara ǀ mā́kiḥ ǀ etát ǀ pári ǀ sthāt ǀ vidmá ǀ hí ǀ tvā ǀ vásu-patim ǀ vásūnām ǀ
índra ǀ yát ǀ te ǀ mā́hinam ǀ dátram ǀ ásti ǀ asmábhyam ǀ tát ǀ hari-aśva ǀ prá ǀ yandhi ǁ
Padapatha Transcription Nonaccented
ā ǀ tu ǀ bhara ǀ mākiḥ ǀ etat ǀ pari ǀ sthāt ǀ vidma ǀ hi ǀ tvā ǀ vasu-patim ǀ vasūnām ǀ
indra ǀ yat ǀ te ǀ māhinam ǀ datram ǀ asti ǀ asmabhyam ǀ tat ǀ hari-aśva ǀ pra ǀ yandhi ǁ
03.036.10 (Mandala. Sukta. Rik)
3.2.20.05 (Ashtaka. Adhyaya. Varga. Rik)
03.03.106 (Mandala. Anuvāka. Rik)
Samhita Devanagari Accented
अ॒स्मे प्र यं॑धि मघवन्नृजीषि॒न्निंद्र॑ रा॒यो वि॒श्ववा॑रस्य॒ भूरेः॑ ।
अ॒स्मे श॒तं श॒रदो॑ जी॒वसे॑ धा अ॒स्मे वी॒रांछश्व॑त इंद्र शिप्रिन् ॥
Samhita Devanagari Nonaccented
अस्मे प्र यंधि मघवन्नृजीषिन्निंद्र रायो विश्ववारस्य भूरेः ।
अस्मे शतं शरदो जीवसे धा अस्मे वीरांछश्वत इंद्र शिप्रिन् ॥
Samhita Transcription Accented
asmé prá yandhi maghavannṛjīṣinníndra rāyó viśvávārasya bhū́reḥ ǀ
asmé śatám śarádo jīváse dhā asmé vīrā́ñcháśvata indra śiprin ǁ
Samhita Transcription Nonaccented
asme pra yandhi maghavannṛjīṣinnindra rāyo viśvavārasya bhūreḥ ǀ
asme śatam śarado jīvase dhā asme vīrāñchaśvata indra śiprin ǁ
Padapatha Devanagari Accented
अ॒स्मे इति॑ । प्र । य॒न्धि॒ । म॒घ॒ऽव॒न् । ऋ॒जी॒षि॒न् । इन्द्र॑ । रा॒यः । वि॒श्वऽवा॑रस्य । भूरेः॑ ।
अ॒स्मे इति॑ । श॒तम् । श॒रदः॑ । जी॒वसे॑ । धाः॒ । अ॒स्मे इति॑ । वी॒रान् । शश्व॑तः । इ॒न्द्र॒ । शि॒प्रि॒न् ॥
Padapatha Devanagari Nonaccented
अस्मे इति । प्र । यन्धि । मघऽवन् । ऋजीषिन् । इन्द्र । रायः । विश्वऽवारस्य । भूरेः ।
अस्मे इति । शतम् । शरदः । जीवसे । धाः । अस्मे इति । वीरान् । शश्वतः । इन्द्र । शिप्रिन् ॥
Padapatha Transcription Accented
asmé íti ǀ prá ǀ yandhi ǀ magha-van ǀ ṛjīṣin ǀ índra ǀ rāyáḥ ǀ viśvá-vārasya ǀ bhū́reḥ ǀ
asmé íti ǀ śatám ǀ śarádaḥ ǀ jīváse ǀ dhāḥ ǀ asmé íti ǀ vīrā́n ǀ śáśvataḥ ǀ indra ǀ śiprin ǁ
Padapatha Transcription Nonaccented
asme iti ǀ pra ǀ yandhi ǀ magha-van ǀ ṛjīṣin ǀ indra ǀ rāyaḥ ǀ viśva-vārasya ǀ bhūreḥ ǀ
asme iti ǀ śatam ǀ śaradaḥ ǀ jīvase ǀ dhāḥ ǀ asme iti ǀ vīrān ǀ śaśvataḥ ǀ indra ǀ śiprin ǁ
03.036.11 (Mandala. Sukta. Rik)
3.2.20.06 (Ashtaka. Adhyaya. Varga. Rik)
03.03.107 (Mandala. Anuvāka. Rik)
Samhita Devanagari Accented
शु॒नं हु॑वेम म॒घवा॑न॒मिंद्र॑म॒स्मिन्भरे॒ नृत॑मं॒ वाज॑सातौ ।
शृ॒ण्वंत॑मु॒ग्रमू॒तये॑ स॒मत्सु॒ घ्नंतं॑ वृ॒त्राणि॑ सं॒जितं॒ धना॑नां ॥
Samhita Devanagari Nonaccented
शुनं हुवेम मघवानमिंद्रमस्मिन्भरे नृतमं वाजसातौ ।
शृण्वंतमुग्रमूतये समत्सु घ्नंतं वृत्राणि संजितं धनानां ॥
Samhita Transcription Accented
śunám huvema maghávānamíndramasmínbháre nṛ́tamam vā́jasātau ǀ
śṛṇvántamugrámūtáye samátsu ghnántam vṛtrā́ṇi saṃjítam dhánānām ǁ
Samhita Transcription Nonaccented
śunam huvema maghavānamindramasminbhare nṛtamam vājasātau ǀ
śṛṇvantamugramūtaye samatsu ghnantam vṛtrāṇi saṃjitam dhanānām ǁ
Padapatha Devanagari Accented
शु॒नम् । हु॒वे॒म॒ । म॒घऽवा॑नम् । इन्द्र॑म् । अ॒स्मिन् । भरे॑ । नृऽत॑मम् । वाज॑ऽसातौ ।
शृ॒ण्वन्त॑म् । उ॒ग्रम् । ऊ॒तये॑ । स॒मत्ऽसु॑ । घ्नन्त॑म् । वृ॒त्राणि॑ । स॒म्ऽजित॑म् । धना॑नाम् ॥
Padapatha Devanagari Nonaccented
शुनम् । हुवेम । मघऽवानम् । इन्द्रम् । अस्मिन् । भरे । नृऽतमम् । वाजऽसातौ ।
शृण्वन्तम् । उग्रम् । ऊतये । समत्ऽसु । घ्नन्तम् । वृत्राणि । सम्ऽजितम् । धनानाम् ॥
Padapatha Transcription Accented
śunám ǀ huvema ǀ maghá-vānam ǀ índram ǀ asmín ǀ bháre ǀ nṛ́-tamam ǀ vā́ja-sātau ǀ
śṛṇvántam ǀ ugrám ǀ ūtáye ǀ samát-su ǀ ghnántam ǀ vṛtrā́ṇi ǀ sam-jítam ǀ dhánānām ǁ
Padapatha Transcription Nonaccented
śunam ǀ huvema ǀ magha-vānam ǀ indram ǀ asmin ǀ bhare ǀ nṛ-tamam ǀ vāja-sātau ǀ
śṛṇvantam ǀ ugram ǀ ūtaye ǀ samat-su ǀ ghnantam ǀ vṛtrāṇi ǀ sam-jitam ǀ dhanānām ǁ