|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 35
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: triṣṭup (1, 7, 10, 11); nicṛttriṣṭup (2, 3, 6, 8); bhurikpaṅkti (4); svarāṭpaṅkti (5); virāṭtrisṭup (9) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.035.01 (Mandala. Sukta. Rik)
3.2.17.01 (Ashtaka. Adhyaya. Varga. Rik)
03.03.086 (Mandala. Anuvāka. Rik)
Samhita Devanagari Accented
तिष्ठा॒ हरी॒ रथ॒ आ यु॒ज्यमा॑ना या॒हि वा॒युर्न नि॒युतो॑ नो॒ अच्छ॑ ।
पिबा॒स्यंधो॑ अ॒भिसृ॑ष्टो अ॒स्मे इंद्र॒ स्वाहा॑ ररि॒मा ते॒ मदा॑य ॥
Samhita Devanagari Nonaccented
तिष्ठा हरी रथ आ युज्यमाना याहि वायुर्न नियुतो नो अच्छ ।
पिबास्यंधो अभिसृष्टो अस्मे इंद्र स्वाहा ररिमा ते मदाय ॥
Samhita Transcription Accented
tíṣṭhā hárī rátha ā́ yujyámānā yāhí vāyúrná niyúto no áccha ǀ
píbāsyándho abhísṛṣṭo asmé índra svā́hā rarimā́ te mádāya ǁ
Samhita Transcription Nonaccented
tiṣṭhā harī ratha ā yujyamānā yāhi vāyurna niyuto no accha ǀ
pibāsyandho abhisṛṣṭo asme indra svāhā rarimā te madāya ǁ
Padapatha Devanagari Accented
तिष्ठ॑ । हरी॒ इति॑ । रथे॑ । आ । यु॒ज्यमा॑ना । या॒हि । वा॒युः । न । नि॒ऽयुतः॑ । नः॒ । अच्छ॑ ।
पिबा॑सि । अन्धः॑ । अ॒भिऽसृ॑ष्टः । अ॒स्मे इति॑ । इन्द्र॑ । स्वाहा॑ । र॒रि॒म । ते॒ । मदा॑य ॥
Padapatha Devanagari Nonaccented
तिष्ठ । हरी इति । रथे । आ । युज्यमाना । याहि । वायुः । न । निऽयुतः । नः । अच्छ ।
पिबासि । अन्धः । अभिऽसृष्टः । अस्मे इति । इन्द्र । स्वाहा । ररिम । ते । मदाय ॥
Padapatha Transcription Accented
tíṣṭha ǀ hárī íti ǀ ráthe ǀ ā́ ǀ yujyámānā ǀ yāhí ǀ vāyúḥ ǀ ná ǀ ni-yútaḥ ǀ naḥ ǀ áccha ǀ
píbāsi ǀ ándhaḥ ǀ abhí-sṛṣṭaḥ ǀ asmé íti ǀ índra ǀ svā́hā ǀ rarimá ǀ te ǀ mádāya ǁ
Padapatha Transcription Nonaccented
tiṣṭha ǀ harī iti ǀ rathe ǀ ā ǀ yujyamānā ǀ yāhi ǀ vāyuḥ ǀ na ǀ ni-yutaḥ ǀ naḥ ǀ accha ǀ
pibāsi ǀ andhaḥ ǀ abhi-sṛṣṭaḥ ǀ asme iti ǀ indra ǀ svāhā ǀ rarima ǀ te ǀ madāya ǁ
03.035.02 (Mandala. Sukta. Rik)
3.2.17.02 (Ashtaka. Adhyaya. Varga. Rik)
03.03.087 (Mandala. Anuvāka. Rik)
Samhita Devanagari Accented
उपा॑जि॒रा पु॑रुहू॒ताय॒ सप्ती॒ हरी॒ रथ॑स्य धू॒र्ष्वा यु॑नज्मि ।
द्र॒वद्यथा॒ संभृ॑तं वि॒श्वत॑श्चि॒दुपे॒मं य॒ज्ञमा व॑हात॒ इंद्रं॑ ॥
Samhita Devanagari Nonaccented
उपाजिरा पुरुहूताय सप्ती हरी रथस्य धूर्ष्वा युनज्मि ।
द्रवद्यथा संभृतं विश्वतश्चिदुपेमं यज्ञमा वहात इंद्रं ॥
Samhita Transcription Accented
úpājirā́ puruhūtā́ya sáptī hárī ráthasya dhūrṣvā́ yunajmi ǀ
dravádyáthā sámbhṛtam viśvátaścidúpemám yajñámā́ vahāta índram ǁ
Samhita Transcription Nonaccented
upājirā puruhūtāya saptī harī rathasya dhūrṣvā yunajmi ǀ
dravadyathā sambhṛtam viśvataścidupemam yajñamā vahāta indram ǁ
Padapatha Devanagari Accented
उप॑ । अ॒जि॒रा । पु॒रु॒ऽहू॒ताय॑ । सप्ती॒ इति॑ । हरी॒ इति॑ । रथ॑स्य । धूः॒ऽसु । आ । यु॒न॒ज्मि॒ ।
द्र॒वत् । यथा॑ । सम्ऽभृ॑तम् । वि॒श्वतः॑ । चि॒त् । उप॑ । इ॒मम् । य॒ज्ञम् । आ । व॒हा॒तः॒ । इन्द्र॑म् ॥
Padapatha Devanagari Nonaccented
उप । अजिरा । पुरुऽहूताय । सप्ती इति । हरी इति । रथस्य । धूःऽसु । आ । युनज्मि ।
द्रवत् । यथा । सम्ऽभृतम् । विश्वतः । चित् । उप । इमम् । यज्ञम् । आ । वहातः । इन्द्रम् ॥
Padapatha Transcription Accented
úpa ǀ ajirā́ ǀ puru-hūtā́ya ǀ sáptī íti ǀ hárī íti ǀ ráthasya ǀ dhūḥ-sú ǀ ā́ ǀ yunajmi ǀ
dravát ǀ yáthā ǀ sám-bhṛtam ǀ viśvátaḥ ǀ cit ǀ úpa ǀ imám ǀ yajñám ǀ ā́ ǀ vahātaḥ ǀ índram ǁ
Padapatha Transcription Nonaccented
upa ǀ ajirā ǀ puru-hūtāya ǀ saptī iti ǀ harī iti ǀ rathasya ǀ dhūḥ-su ǀ ā ǀ yunajmi ǀ
dravat ǀ yathā ǀ sam-bhṛtam ǀ viśvataḥ ǀ cit ǀ upa ǀ imam ǀ yajñam ǀ ā ǀ vahātaḥ ǀ indram ǁ
03.035.03 (Mandala. Sukta. Rik)
3.2.17.03 (Ashtaka. Adhyaya. Varga. Rik)
03.03.088 (Mandala. Anuvāka. Rik)
Samhita Devanagari Accented
उपो॑ नयस्व॒ वृष॑णा तपु॒ष्पोतेम॑व॒ त्वं वृ॑षभ स्वधावः ।
ग्रसे॑ता॒मश्वा॒ वि मु॑चे॒ह शोणा॑ दि॒वेदि॑वे स॒दृशी॑रद्धि धा॒नाः ॥
Samhita Devanagari Nonaccented
उपो नयस्व वृषणा तपुष्पोतेमव त्वं वृषभ स्वधावः ।
ग्रसेतामश्वा वि मुचेह शोणा दिवेदिवे सदृशीरद्धि धानाः ॥
Samhita Transcription Accented
úpo nayasva vṛ́ṣaṇā tapuṣpótémava tvám vṛṣabha svadhāvaḥ ǀ
grásetāmáśvā ví mucehá śóṇā divédive sadṛ́śīraddhi dhānā́ḥ ǁ
Samhita Transcription Nonaccented
upo nayasva vṛṣaṇā tapuṣpotemava tvam vṛṣabha svadhāvaḥ ǀ
grasetāmaśvā vi muceha śoṇā divedive sadṛśīraddhi dhānāḥ ǁ
Padapatha Devanagari Accented
उपो॒ इति॑ । न॒य॒स्व॒ । वृष॑णा । त॒पुः॒ऽपा । उ॒त । ई॒म् । अ॒व॒ । त्वम् । वृ॒ष॒भ॒ । स्व॒धा॒ऽवः॒ ।
ग्रसे॑ताम् । अश्वा॑ । वि । मु॒च॒ । इ॒ह । शोणा॑ । दि॒वेऽदि॑वे । स॒ऽदृशीः॑ । अ॒द्धि॒ । धा॒नाः ॥
Padapatha Devanagari Nonaccented
उपो इति । नयस्व । वृषणा । तपुःऽपा । उत । ईम् । अव । त्वम् । वृषभ । स्वधाऽवः ।
ग्रसेताम् । अश्वा । वि । मुच । इह । शोणा । दिवेऽदिवे । सऽदृशीः । अद्धि । धानाः ॥
Padapatha Transcription Accented
úpo íti ǀ nayasva ǀ vṛ́ṣaṇā ǀ tapuḥ-pā́ ǀ utá ǀ īm ǀ ava ǀ tvám ǀ vṛṣabha ǀ svadhā-vaḥ ǀ
grásetām ǀ áśvā ǀ ví ǀ muca ǀ ihá ǀ śóṇā ǀ divé-dive ǀ sa-dṛ́śīḥ ǀ addhi ǀ dhānā́ḥ ǁ
Padapatha Transcription Nonaccented
upo iti ǀ nayasva ǀ vṛṣaṇā ǀ tapuḥ-pā ǀ uta ǀ īm ǀ ava ǀ tvam ǀ vṛṣabha ǀ svadhā-vaḥ ǀ
grasetām ǀ aśvā ǀ vi ǀ muca ǀ iha ǀ śoṇā ǀ dive-dive ǀ sa-dṛśīḥ ǀ addhi ǀ dhānāḥ ǁ
03.035.04 (Mandala. Sukta. Rik)
3.2.17.04 (Ashtaka. Adhyaya. Varga. Rik)
03.03.089 (Mandala. Anuvāka. Rik)
Samhita Devanagari Accented
ब्रह्म॑णा ते ब्रह्म॒युजा॑ युनज्मि॒ हरी॒ सखा॑या सध॒माद॑ आ॒शू ।
स्थि॒रं रथं॑ सु॒खमिं॑द्राधि॒तिष्ठ॑न्प्रजा॒नन्वि॒द्वाँ उप॑ याहि॒ सोमं॑ ॥
Samhita Devanagari Nonaccented
ब्रह्मणा ते ब्रह्मयुजा युनज्मि हरी सखाया सधमाद आशू ।
स्थिरं रथं सुखमिंद्राधितिष्ठन्प्रजानन्विद्वाँ उप याहि सोमं ॥
Samhita Transcription Accented
bráhmaṇā te brahmayújā yunajmi hárī sákhāyā sadhamā́da āśū́ ǀ
sthirám rátham sukhámindrādhitíṣṭhanprajānánvidvā́m̐ úpa yāhi sómam ǁ
Samhita Transcription Nonaccented
brahmaṇā te brahmayujā yunajmi harī sakhāyā sadhamāda āśū ǀ
sthiram ratham sukhamindrādhitiṣṭhanprajānanvidvām̐ upa yāhi somam ǁ
Padapatha Devanagari Accented
ब्रह्म॑णा । ते॒ । ब्र॒ह्म॒ऽयुजा॑ । यु॒न॒ज्मि॒ । हरी॒ इति॑ । सखा॑या । स॒ध॒ऽमादे॑ । आ॒शू इति॑ ।
स्थि॒रम् । रथ॑म् । सु॒ऽखम् । इ॒न्द्र॒ । अ॒धि॒ऽतिष्ठ॑न् । प्र॒ऽजा॒नन् । वि॒द्वान् । उप॑ । या॒हि॒ । सोम॑म् ॥
Padapatha Devanagari Nonaccented
ब्रह्मणा । ते । ब्रह्मऽयुजा । युनज्मि । हरी इति । सखाया । सधऽमादे । आशू इति ।
स्थिरम् । रथम् । सुऽखम् । इन्द्र । अधिऽतिष्ठन् । प्रऽजानन् । विद्वान् । उप । याहि । सोमम् ॥
Padapatha Transcription Accented
bráhmaṇā ǀ te ǀ brahma-yújā ǀ yunajmi ǀ hárī íti ǀ sákhāyā ǀ sadha-mā́de ǀ āśū́ íti ǀ
sthirám ǀ rátham ǀ su-khám ǀ indra ǀ adhi-tíṣṭhan ǀ pra-jānán ǀ vidvā́n ǀ úpa ǀ yāhi ǀ sómam ǁ
Padapatha Transcription Nonaccented
brahmaṇā ǀ te ǀ brahma-yujā ǀ yunajmi ǀ harī iti ǀ sakhāyā ǀ sadha-māde ǀ āśū iti ǀ
sthiram ǀ ratham ǀ su-kham ǀ indra ǀ adhi-tiṣṭhan ǀ pra-jānan ǀ vidvān ǀ upa ǀ yāhi ǀ somam ǁ
03.035.05 (Mandala. Sukta. Rik)
3.2.17.05 (Ashtaka. Adhyaya. Varga. Rik)
03.03.090 (Mandala. Anuvāka. Rik)
Samhita Devanagari Accented
मा ते॒ हरी॒ वृष॑णा वी॒तपृ॑ष्ठा॒ नि री॑रम॒न्यज॑मानासो अ॒न्ये ।
अ॒त्याया॑हि॒ शश्व॑तो व॒यं तेऽरं॑ सु॒तेभिः॑ कृणवाम॒ सोमैः॑ ॥
Samhita Devanagari Nonaccented
मा ते हरी वृषणा वीतपृष्ठा नि रीरमन्यजमानासो अन्ये ।
अत्यायाहि शश्वतो वयं तेऽरं सुतेभिः कृणवाम सोमैः ॥
Samhita Transcription Accented
mā́ te hárī vṛ́ṣaṇā vītápṛṣṭhā ní rīramanyájamānāso anyé ǀ
atyā́yāhi śáśvato vayám té’ram sutébhiḥ kṛṇavāma sómaiḥ ǁ
Samhita Transcription Nonaccented
mā te harī vṛṣaṇā vītapṛṣṭhā ni rīramanyajamānāso anye ǀ
atyāyāhi śaśvato vayam te’ram sutebhiḥ kṛṇavāma somaiḥ ǁ
Padapatha Devanagari Accented
मा । ते॒ । हरी॒ इति॑ । वृष॑णा । वी॒तऽपृ॑ष्ठा । नि । री॒र॒म॒न् । यज॑मानासः । अ॒न्ये ।
अ॒ति॒ऽआया॑हि । शश्व॑तः । व॒यम् । ते॒ । अर॑म् । सु॒तेभिः॑ । कृ॒ण॒वा॒म॒ । सोमैः॑ ॥
Padapatha Devanagari Nonaccented
मा । ते । हरी इति । वृषणा । वीतऽपृष्ठा । नि । रीरमन् । यजमानासः । अन्ये ।
अतिऽआयाहि । शश्वतः । वयम् । ते । अरम् । सुतेभिः । कृणवाम । सोमैः ॥
Padapatha Transcription Accented
mā́ ǀ te ǀ hárī íti ǀ vṛ́ṣaṇā ǀ vītá-pṛṣṭhā ǀ ní ǀ rīraman ǀ yájamānāsaḥ ǀ anyé ǀ
ati-ā́yāhi ǀ śáśvataḥ ǀ vayám ǀ te ǀ áram ǀ sutébhiḥ ǀ kṛṇavāma ǀ sómaiḥ ǁ
Padapatha Transcription Nonaccented
mā ǀ te ǀ harī iti ǀ vṛṣaṇā ǀ vīta-pṛṣṭhā ǀ ni ǀ rīraman ǀ yajamānāsaḥ ǀ anye ǀ
ati-āyāhi ǀ śaśvataḥ ǀ vayam ǀ te ǀ aram ǀ sutebhiḥ ǀ kṛṇavāma ǀ somaiḥ ǁ
03.035.06 (Mandala. Sukta. Rik)
3.2.18.01 (Ashtaka. Adhyaya. Varga. Rik)
03.03.091 (Mandala. Anuvāka. Rik)
Samhita Devanagari Accented
तवा॒यं सोम॒स्त्वमेह्य॒र्वाङ् श॑श्वत्त॒मं सु॒मना॑ अ॒स्य पा॑हि ।
अ॒स्मिन्य॒ज्ञे ब॒र्हिष्या नि॒षद्या॑ दधि॒ष्वेमं ज॒ठर॒ इंदु॑मिंद्र ॥
Samhita Devanagari Nonaccented
तवायं सोमस्त्वमेह्यर्वाङ् शश्वत्तमं सुमना अस्य पाहि ।
अस्मिन्यज्ञे बर्हिष्या निषद्या दधिष्वेमं जठर इंदुमिंद्र ॥
Samhita Transcription Accented
távāyám sómastváméhyarvā́ṅ śaśvattamám sumánā asyá pāhi ǀ
asmínyajñé barhíṣyā́ niṣádyā dadhiṣvémám jaṭhára índumindra ǁ
Samhita Transcription Nonaccented
tavāyam somastvamehyarvāṅ śaśvattamam sumanā asya pāhi ǀ
asminyajñe barhiṣyā niṣadyā dadhiṣvemam jaṭhara indumindra ǁ
Padapatha Devanagari Accented
तव॑ । अ॒यम् । सोमः॑ । त्वम् । आ । इ॒हि॒ । अ॒र्वाङ् । श॒श्व॒त्ऽत॒मम् । सु॒ऽमनाः॑ । अ॒स्य । पा॒हि॒ ।
अ॒स्मिन् । य॒ज्ञे । ब॒र्हिषि॑ । आ । नि॒ऽसद्य॑ । द॒धि॒ष्व । इ॒मम् । ज॒ठरे॑ । इन्दु॑म् । इ॒न्द्र॒ ॥
Padapatha Devanagari Nonaccented
तव । अयम् । सोमः । त्वम् । आ । इहि । अर्वाङ् । शश्वत्ऽतमम् । सुऽमनाः । अस्य । पाहि ।
अस्मिन् । यज्ञे । बर्हिषि । आ । निऽसद्य । दधिष्व । इमम् । जठरे । इन्दुम् । इन्द्र ॥
Padapatha Transcription Accented
táva ǀ ayám ǀ sómaḥ ǀ tvám ǀ ā́ ǀ ihi ǀ arvā́ṅ ǀ śaśvat-tamám ǀ su-mánāḥ ǀ asyá ǀ pāhi ǀ
asmín ǀ yajñé ǀ barhíṣi ǀ ā́ ǀ ni-sádya ǀ dadhiṣvá ǀ imám ǀ jaṭháre ǀ índum ǀ indra ǁ
Padapatha Transcription Nonaccented
tava ǀ ayam ǀ somaḥ ǀ tvam ǀ ā ǀ ihi ǀ arvāṅ ǀ śaśvat-tamam ǀ su-manāḥ ǀ asya ǀ pāhi ǀ
asmin ǀ yajñe ǀ barhiṣi ǀ ā ǀ ni-sadya ǀ dadhiṣva ǀ imam ǀ jaṭhare ǀ indum ǀ indra ǁ
03.035.07 (Mandala. Sukta. Rik)
3.2.18.02 (Ashtaka. Adhyaya. Varga. Rik)
03.03.092 (Mandala. Anuvāka. Rik)
Samhita Devanagari Accented
स्ती॒र्णं ते॑ ब॒र्हिः सु॒त इं॑द्र॒ सोमः॑ कृ॒ता धा॒ना अत्त॑वे ते॒ हरि॑भ्यां ।
तदो॑कसे पुरु॒शाका॑य॒ वृष्णे॑ म॒रुत्व॑ते॒ तुभ्यं॑ रा॒ता ह॒वींषि॑ ॥
Samhita Devanagari Nonaccented
स्तीर्णं ते बर्हिः सुत इंद्र सोमः कृता धाना अत्तवे ते हरिभ्यां ।
तदोकसे पुरुशाकाय वृष्णे मरुत्वते तुभ्यं राता हवींषि ॥
Samhita Transcription Accented
stīrṇám te barhíḥ sutá indra sómaḥ kṛtā́ dhānā́ áttave te háribhyām ǀ
tádokase puruśā́kāya vṛ́ṣṇe marútvate túbhyam rātā́ havī́ṃṣi ǁ
Samhita Transcription Nonaccented
stīrṇam te barhiḥ suta indra somaḥ kṛtā dhānā attave te haribhyām ǀ
tadokase puruśākāya vṛṣṇe marutvate tubhyam rātā havīṃṣi ǁ
Padapatha Devanagari Accented
स्ती॒र्णम् । ते॒ । ब॒र्हिः । सु॒तः । इ॒न्द्र॒ । सोमः॑ । कृ॒ताः । धा॒नाः । अत्त॑वे । ते॒ । हरि॑ऽभ्याम् ।
तत्ऽओ॑कसे । पु॒रु॒ऽशाका॑य । वृष्णे॑ । म॒रुत्व॑ते । तुभ्य॑म् । रा॒ता । ह॒वींषि॑ ॥
Padapatha Devanagari Nonaccented
स्तीर्णम् । ते । बर्हिः । सुतः । इन्द्र । सोमः । कृताः । धानाः । अत्तवे । ते । हरिऽभ्याम् ।
तत्ऽओकसे । पुरुऽशाकाय । वृष्णे । मरुत्वते । तुभ्यम् । राता । हवींषि ॥
Padapatha Transcription Accented
stīrṇám ǀ te ǀ barhíḥ ǀ sutáḥ ǀ indra ǀ sómaḥ ǀ kṛtā́ḥ ǀ dhānā́ḥ ǀ áttave ǀ te ǀ hári-bhyām ǀ
tát-okase ǀ puru-śā́kāya ǀ vṛ́ṣṇe ǀ marútvate ǀ túbhyam ǀ rātā́ ǀ havī́ṃṣi ǁ
Padapatha Transcription Nonaccented
stīrṇam ǀ te ǀ barhiḥ ǀ sutaḥ ǀ indra ǀ somaḥ ǀ kṛtāḥ ǀ dhānāḥ ǀ attave ǀ te ǀ hari-bhyām ǀ
tat-okase ǀ puru-śākāya ǀ vṛṣṇe ǀ marutvate ǀ tubhyam ǀ rātā ǀ havīṃṣi ǁ
03.035.08 (Mandala. Sukta. Rik)
3.2.18.03 (Ashtaka. Adhyaya. Varga. Rik)
03.03.093 (Mandala. Anuvāka. Rik)
Samhita Devanagari Accented
इ॒मं नरः॒ पर्व॑ता॒स्तुभ्य॒मापः॒ समिं॑द्र॒ गोभि॒र्मधु॑मंतमक्रन् ।
तस्या॒गत्या॑ सु॒मना॑ ऋष्व पाहि प्रजा॒नन्वि॒द्वान्प॒थ्या॒३॒॑ अनु॒ स्वाः ॥
Samhita Devanagari Nonaccented
इमं नरः पर्वतास्तुभ्यमापः समिंद्र गोभिर्मधुमंतमक्रन् ।
तस्यागत्या सुमना ऋष्व पाहि प्रजानन्विद्वान्पथ्या अनु स्वाः ॥
Samhita Transcription Accented
imám náraḥ párvatāstúbhyamā́paḥ sámindra góbhirmádhumantamakran ǀ
tásyāgátyā sumánā ṛṣva pāhi prajānánvidvā́npathyā́ ánu svā́ḥ ǁ
Samhita Transcription Nonaccented
imam naraḥ parvatāstubhyamāpaḥ samindra gobhirmadhumantamakran ǀ
tasyāgatyā sumanā ṛṣva pāhi prajānanvidvānpathyā anu svāḥ ǁ
Padapatha Devanagari Accented
इ॒मम् । नरः॑ । पर्व॑ताः । तुभ्य॑म् । आपः॑ । सम् । इ॒न्द्र॒ । गोभिः॑ । मधु॑ऽमन्तम् । अ॒क्र॒न् ।
तस्य॑ । आ॒ऽगत्य॑ । सु॒ऽमनाः॑ । ऋ॒ष्व॒ । पा॒हि॒ । प्र॒ऽजा॒नन् । वि॒द्वान् । प॒थ्याः॑ । अनु॑ । स्वाः ॥
Padapatha Devanagari Nonaccented
इमम् । नरः । पर्वताः । तुभ्यम् । आपः । सम् । इन्द्र । गोभिः । मधुऽमन्तम् । अक्रन् ।
तस्य । आऽगत्य । सुऽमनाः । ऋष्व । पाहि । प्रऽजानन् । विद्वान् । पथ्याः । अनु । स्वाः ॥
Padapatha Transcription Accented
imám ǀ náraḥ ǀ párvatāḥ ǀ túbhyam ǀ ā́paḥ ǀ sám ǀ indra ǀ góbhiḥ ǀ mádhu-mantam ǀ akran ǀ
tásya ǀ ā-gátya ǀ su-mánāḥ ǀ ṛṣva ǀ pāhi ǀ pra-jānán ǀ vidvā́n ǀ pathyā́ḥ ǀ ánu ǀ svā́ḥ ǁ
Padapatha Transcription Nonaccented
imam ǀ naraḥ ǀ parvatāḥ ǀ tubhyam ǀ āpaḥ ǀ sam ǀ indra ǀ gobhiḥ ǀ madhu-mantam ǀ akran ǀ
tasya ǀ ā-gatya ǀ su-manāḥ ǀ ṛṣva ǀ pāhi ǀ pra-jānan ǀ vidvān ǀ pathyāḥ ǀ anu ǀ svāḥ ǁ
03.035.09 (Mandala. Sukta. Rik)
3.2.18.04 (Ashtaka. Adhyaya. Varga. Rik)
03.03.094 (Mandala. Anuvāka. Rik)
Samhita Devanagari Accented
याँ आभ॑जो म॒रुत॑ इंद्र॒ सोमे॒ ये त्वामव॑र्ध॒न्नभ॑वन्ग॒णस्ते॑ ।
तेभि॑रे॒तं स॒जोषा॑ वावशा॒नो॒३॒॑ऽग्नेः पि॑ब जि॒ह्वया॒ सोम॑मिंद्र ॥
Samhita Devanagari Nonaccented
याँ आभजो मरुत इंद्र सोमे ये त्वामवर्धन्नभवन्गणस्ते ।
तेभिरेतं सजोषा वावशानोऽग्नेः पिब जिह्वया सोममिंद्र ॥
Samhita Transcription Accented
yā́m̐ ā́bhajo marúta indra sóme yé tvā́mávardhannábhavangaṇáste ǀ
tébhiretám sajóṣā vāvaśāno’gnéḥ piba jihváyā sómamindra ǁ
Samhita Transcription Nonaccented
yām̐ ābhajo maruta indra some ye tvāmavardhannabhavangaṇaste ǀ
tebhiretam sajoṣā vāvaśāno’gneḥ piba jihvayā somamindra ǁ
Padapatha Devanagari Accented
यान् । आ । अभ॑जः । म॒रुतः॑ । इ॒न्द्र॒ । सोमे॑ । ये । त्वाम् । अव॑र्धन् । अभ॑वन् । ग॒णः । ते॒ ।
तेभिः॑ । ए॒तम् । स॒ऽजोषाः॑ । वा॒व॒शा॒नः । अ॒ग्नेः । पि॒ब॒ । जि॒ह्वया॑ । सोम॑म् । इ॒न्द्र॒ ॥
Padapatha Devanagari Nonaccented
यान् । आ । अभजः । मरुतः । इन्द्र । सोमे । ये । त्वाम् । अवर्धन् । अभवन् । गणः । ते ।
तेभिः । एतम् । सऽजोषाः । वावशानः । अग्नेः । पिब । जिह्वया । सोमम् । इन्द्र ॥
Padapatha Transcription Accented
yā́n ǀ ā́ ǀ ábhajaḥ ǀ marútaḥ ǀ indra ǀ sóme ǀ yé ǀ tvā́m ǀ ávardhan ǀ ábhavan ǀ gaṇáḥ ǀ te ǀ
tébhiḥ ǀ etám ǀ sa-jóṣāḥ ǀ vāvaśānáḥ ǀ agnéḥ ǀ piba ǀ jihváyā ǀ sómam ǀ indra ǁ
Padapatha Transcription Nonaccented
yān ǀ ā ǀ abhajaḥ ǀ marutaḥ ǀ indra ǀ some ǀ ye ǀ tvām ǀ avardhan ǀ abhavan ǀ gaṇaḥ ǀ te ǀ
tebhiḥ ǀ etam ǀ sa-joṣāḥ ǀ vāvaśānaḥ ǀ agneḥ ǀ piba ǀ jihvayā ǀ somam ǀ indra ǁ
03.035.10 (Mandala. Sukta. Rik)
3.2.18.05 (Ashtaka. Adhyaya. Varga. Rik)
03.03.095 (Mandala. Anuvāka. Rik)
Samhita Devanagari Accented
इंद्र॒ पिब॑ स्व॒धया॑ चित्सु॒तस्या॒ग्नेर्वा॑ पाहि जि॒ह्वया॑ यजत्र ।
अ॒ध्व॒र्योर्वा॒ प्रय॑तं शक्र॒ हस्ता॒द्धोतु॑र्वा य॒ज्ञं ह॒विषो॑ जुषस्व ॥
Samhita Devanagari Nonaccented
इंद्र पिब स्वधया चित्सुतस्याग्नेर्वा पाहि जिह्वया यजत्र ।
अध्वर्योर्वा प्रयतं शक्र हस्ताद्धोतुर्वा यज्ञं हविषो जुषस्व ॥
Samhita Transcription Accented
índra píba svadháyā citsutásyāgnérvā pāhi jihváyā yajatra ǀ
adhvaryórvā práyatam śakra hástāddhóturvā yajñám havíṣo juṣasva ǁ
Samhita Transcription Nonaccented
indra piba svadhayā citsutasyāgnervā pāhi jihvayā yajatra ǀ
adhvaryorvā prayatam śakra hastāddhoturvā yajñam haviṣo juṣasva ǁ
Padapatha Devanagari Accented
इन्द्र॑ । पिब॑ । स्व॒धया॑ । चि॒त् । सु॒तस्य॑ । अ॒ग्नेः । वा॒ । पा॒हि॒ । जि॒ह्वया॑ । य॒ज॒त्र॒ ।
अ॒ध्व॒र्योः । वा॒ । प्रऽय॑तम् । श॒क्र॒ । हस्ता॑त् । होतुः॑ । वा॒ । य॒ज्ञम् । ह॒विषः॑ । जु॒ष॒स्व॒ ॥
Padapatha Devanagari Nonaccented
इन्द्र । पिब । स्वधया । चित् । सुतस्य । अग्नेः । वा । पाहि । जिह्वया । यजत्र ।
अध्वर्योः । वा । प्रऽयतम् । शक्र । हस्तात् । होतुः । वा । यज्ञम् । हविषः । जुषस्व ॥
Padapatha Transcription Accented
índra ǀ píba ǀ svadháyā ǀ cit ǀ sutásya ǀ agnéḥ ǀ vā ǀ pāhi ǀ jihváyā ǀ yajatra ǀ
adhvaryóḥ ǀ vā ǀ prá-yatam ǀ śakra ǀ hástāt ǀ hótuḥ ǀ vā ǀ yajñám ǀ havíṣaḥ ǀ juṣasva ǁ
Padapatha Transcription Nonaccented
indra ǀ piba ǀ svadhayā ǀ cit ǀ sutasya ǀ agneḥ ǀ vā ǀ pāhi ǀ jihvayā ǀ yajatra ǀ
adhvaryoḥ ǀ vā ǀ pra-yatam ǀ śakra ǀ hastāt ǀ hotuḥ ǀ vā ǀ yajñam ǀ haviṣaḥ ǀ juṣasva ǁ
03.035.11 (Mandala. Sukta. Rik)
3.2.18.06 (Ashtaka. Adhyaya. Varga. Rik)
03.03.096 (Mandala. Anuvāka. Rik)
Samhita Devanagari Accented
शु॒नं हु॑वेम म॒घवा॑न॒मिंद्र॑म॒स्मिन्भरे॒ नृत॑मं॒ वाज॑सातौ ।
शृ॒ण्वंत॑मु॒ग्रमू॒तये॑ स॒मत्सु॒ घ्नंतं॑ वृ॒त्राणि॑ सं॒जितं॒ धना॑नां ॥
Samhita Devanagari Nonaccented
शुनं हुवेम मघवानमिंद्रमस्मिन्भरे नृतमं वाजसातौ ।
शृण्वंतमुग्रमूतये समत्सु घ्नंतं वृत्राणि संजितं धनानां ॥
Samhita Transcription Accented
śunám huvema maghávānamíndramasmínbháre nṛ́tamam vā́jasātau ǀ
śṛṇvántamugrámūtáye samátsu ghnántam vṛtrā́ṇi saṃjítam dhánānām ǁ
Samhita Transcription Nonaccented
śunam huvema maghavānamindramasminbhare nṛtamam vājasātau ǀ
śṛṇvantamugramūtaye samatsu ghnantam vṛtrāṇi saṃjitam dhanānām ǁ
Padapatha Devanagari Accented
शु॒नम् । हु॒वे॒म॒ । म॒घऽवा॑नम् । इन्द्र॑म् । अ॒स्मिन् । भरे॑ । नृऽत॑मम् । वाज॑ऽसातौ ।
शृ॒ण्वन्त॑म् । उ॒ग्रम् । ऊ॒तये॑ । स॒मत्ऽसु॑ । घ्नन्त॑म् । वृ॒त्राणि॑ । स॒म्ऽजित॑म् । धना॑नाम् ॥
Padapatha Devanagari Nonaccented
शुनम् । हुवेम । मघऽवानम् । इन्द्रम् । अस्मिन् । भरे । नृऽतमम् । वाजऽसातौ ।
शृण्वन्तम् । उग्रम् । ऊतये । समत्ऽसु । घ्नन्तम् । वृत्राणि । सम्ऽजितम् । धनानाम् ॥
Padapatha Transcription Accented
śunám ǀ huvema ǀ maghá-vānam ǀ índram ǀ asmín ǀ bháre ǀ nṛ́-tamam ǀ vā́ja-sātau ǀ
śṛṇvántam ǀ ugrám ǀ ūtáye ǀ samát-su ǀ ghnántam ǀ vṛtrā́ṇi ǀ sam-jítam ǀ dhánānām ǁ
Padapatha Transcription Nonaccented
śunam ǀ huvema ǀ magha-vānam ǀ indram ǀ asmin ǀ bhare ǀ nṛ-tamam ǀ vāja-sātau ǀ
śṛṇvantam ǀ ugram ǀ ūtaye ǀ samat-su ǀ ghnantam ǀ vṛtrāṇi ǀ sam-jitam ǀ dhanānām ǁ