|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 7
|
1. Info |
| To: | agni | |
| From: | vāmadeva gautama | |
| Metres: | 1st set of styles: triṣṭup (7, 10, 11); anuṣṭup (4, 6); nicṛttriṣṭup (8, 9); bhuriktriṣṭup (1); svarāḍuṣnik (2); nicṛdanuṣṭup (3); virāḍanuṣṭup (5) 2nd set of styles: anuṣṭubh (2-6); triṣṭubh (7-11); jagatī (1) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.007.01 (Mandala. Sukta. Rik)
3.5.06.01 (Ashtaka. Adhyaya. Varga. Rik)
04.01.098 (Mandala. Anuvāka. Rik)
Samhita Devanagari Accented
अ॒यमि॒ह प्र॑थ॒मो धा॑यि धा॒तृभि॒र्होता॒ यजि॑ष्ठो अध्व॒रेष्वीड्यः॑ ।
यमप्न॑वानो॒ भृग॑वो विरुरु॒चुर्वने॑षु चि॒त्रं वि॒भ्वं॑ वि॒शेवि॑शे ॥
Samhita Devanagari Nonaccented
अयमिह प्रथमो धायि धातृभिर्होता यजिष्ठो अध्वरेष्वीड्यः ।
यमप्नवानो भृगवो विरुरुचुर्वनेषु चित्रं विभ्वं विशेविशे ॥
Samhita Transcription Accented
ayámihá prathamó dhāyi dhātṛ́bhirhótā yájiṣṭho adhvaréṣvī́ḍyaḥ ǀ
yámápnavāno bhṛ́gavo virurucúrváneṣu citrám vibhvám viśéviśe ǁ
Samhita Transcription Nonaccented
ayamiha prathamo dhāyi dhātṛbhirhotā yajiṣṭho adhvareṣvīḍyaḥ ǀ
yamapnavāno bhṛgavo virurucurvaneṣu citram vibhvam viśeviśe ǁ
Padapatha Devanagari Accented
अ॒यम् । इ॒ह । प्र॒थ॒मः । धा॒यि॒ । धा॒तृऽभिः॑ । होता॑ । यजि॑ष्ठः । अ॒ध्व॒रेषु॑ । ईड्यः॑ ।
यम् । अप्न॑वानः । भृग॑वः । वि॒ऽरु॒रु॒चुः । वने॑षु । चि॒त्रम् । वि॒ऽभ्व॑म् । वि॒शेऽवि॑शे ॥
Padapatha Devanagari Nonaccented
अयम् । इह । प्रथमः । धायि । धातृऽभिः । होता । यजिष्ठः । अध्वरेषु । ईड्यः ।
यम् । अप्नवानः । भृगवः । विऽरुरुचुः । वनेषु । चित्रम् । विऽभ्वम् । विशेऽविशे ॥
Padapatha Transcription Accented
ayám ǀ ihá ǀ prathamáḥ ǀ dhāyi ǀ dhātṛ́-bhiḥ ǀ hótā ǀ yájiṣṭhaḥ ǀ adhvaréṣu ǀ ī́ḍyaḥ ǀ
yám ǀ ápnavānaḥ ǀ bhṛ́gavaḥ ǀ vi-rurucúḥ ǀ váneṣu ǀ citrám ǀ vi-bhvám ǀ viśé-viśe ǁ
Padapatha Transcription Nonaccented
ayam ǀ iha ǀ prathamaḥ ǀ dhāyi ǀ dhātṛ-bhiḥ ǀ hotā ǀ yajiṣṭhaḥ ǀ adhvareṣu ǀ īḍyaḥ ǀ
yam ǀ apnavānaḥ ǀ bhṛgavaḥ ǀ vi-rurucuḥ ǀ vaneṣu ǀ citram ǀ vi-bhvam ǀ viśe-viśe ǁ
04.007.02 (Mandala. Sukta. Rik)
3.5.06.02 (Ashtaka. Adhyaya. Varga. Rik)
04.01.099 (Mandala. Anuvāka. Rik)
Samhita Devanagari Accented
अग्ने॑ क॒दा त॑ आनु॒षग्भुव॑द्दे॒वस्य॒ चेत॑नं ।
अधा॒ हि त्वा॑ जगृभ्रि॒रे मर्ता॑सो वि॒क्ष्वीड्यं॑ ॥
Samhita Devanagari Nonaccented
अग्ने कदा त आनुषग्भुवद्देवस्य चेतनं ।
अधा हि त्वा जगृभ्रिरे मर्तासो विक्ष्वीड्यं ॥
Samhita Transcription Accented
ágne kadā́ ta ānuṣágbhúvaddevásya cétanam ǀ
ádhā hí tvā jagṛbhriré mártāso vikṣvī́ḍyam ǁ
Samhita Transcription Nonaccented
agne kadā ta ānuṣagbhuvaddevasya cetanam ǀ
adhā hi tvā jagṛbhrire martāso vikṣvīḍyam ǁ
Padapatha Devanagari Accented
अग्ने॑ । क॒दा । ते॒ । आ॒नु॒षक् । भुव॑त् । दे॒वस्य॑ । चेत॑नम् ।
अध॑ । हि । त्वा॒ । ज॒गृ॒भ्रि॒रे । मर्ता॑सः । वि॒क्षु । ईड्य॑म् ॥
Padapatha Devanagari Nonaccented
अग्ने । कदा । ते । आनुषक् । भुवत् । देवस्य । चेतनम् ।
अध । हि । त्वा । जगृभ्रिरे । मर्तासः । विक्षु । ईड्यम् ॥
Padapatha Transcription Accented
ágne ǀ kadā́ ǀ te ǀ ānuṣák ǀ bhúvat ǀ devásya ǀ cétanam ǀ
ádha ǀ hí ǀ tvā ǀ jagṛbhriré ǀ mártāsaḥ ǀ vikṣú ǀ ī́ḍyam ǁ
Padapatha Transcription Nonaccented
agne ǀ kadā ǀ te ǀ ānuṣak ǀ bhuvat ǀ devasya ǀ cetanam ǀ
adha ǀ hi ǀ tvā ǀ jagṛbhrire ǀ martāsaḥ ǀ vikṣu ǀ īḍyam ǁ
04.007.03 (Mandala. Sukta. Rik)
3.5.06.03 (Ashtaka. Adhyaya. Varga. Rik)
04.01.100 (Mandala. Anuvāka. Rik)
Samhita Devanagari Accented
ऋ॒तावा॑नं॒ विचे॑तसं॒ पश्यं॑तो॒ द्यामि॑व॒ स्तृभिः॑ ।
विश्वे॑षामध्व॒राणां॑ हस्क॒र्तारं॒ दमे॑दमे ॥
Samhita Devanagari Nonaccented
ऋतावानं विचेतसं पश्यंतो द्यामिव स्तृभिः ।
विश्वेषामध्वराणां हस्कर्तारं दमेदमे ॥
Samhita Transcription Accented
ṛtā́vānam vícetasam páśyanto dyā́miva stṛ́bhiḥ ǀ
víśveṣāmadhvarā́ṇām haskartā́ram dámedame ǁ
Samhita Transcription Nonaccented
ṛtāvānam vicetasam paśyanto dyāmiva stṛbhiḥ ǀ
viśveṣāmadhvarāṇām haskartāram damedame ǁ
Padapatha Devanagari Accented
ऋ॒तऽवा॑नम् । विऽचे॑तसम् । पश्य॑न्तः । द्याम्ऽइ॑व । स्तृऽभिः॑ ।
विश्वे॑षाम् । अ॒ध्व॒राणा॑म् । ह॒स्क॒र्तार॑म् । दमे॑ऽदमे ॥
Padapatha Devanagari Nonaccented
ऋतऽवानम् । विऽचेतसम् । पश्यन्तः । द्याम्ऽइव । स्तृऽभिः ।
विश्वेषाम् । अध्वराणाम् । हस्कर्तारम् । दमेऽदमे ॥
Padapatha Transcription Accented
ṛtá-vānam ǀ ví-cetasam ǀ páśyantaḥ ǀ dyā́m-iva ǀ stṛ́-bhiḥ ǀ
víśveṣām ǀ adhvarā́ṇām ǀ haskartā́ram ǀ dáme-dame ǁ
Padapatha Transcription Nonaccented
ṛta-vānam ǀ vi-cetasam ǀ paśyantaḥ ǀ dyām-iva ǀ stṛ-bhiḥ ǀ
viśveṣām ǀ adhvarāṇām ǀ haskartāram ǀ dame-dame ǁ
04.007.04 (Mandala. Sukta. Rik)
3.5.06.04 (Ashtaka. Adhyaya. Varga. Rik)
04.01.101 (Mandala. Anuvāka. Rik)
Samhita Devanagari Accented
आ॒शुं दू॒तं वि॒वस्व॑तो॒ विश्वा॒ यश्च॑र्ष॒णीर॒भि ।
आ ज॑भ्रुः के॒तुमा॒यवो॒ भृग॑वाणं वि॒शेवि॑शे ॥
Samhita Devanagari Nonaccented
आशुं दूतं विवस्वतो विश्वा यश्चर्षणीरभि ।
आ जभ्रुः केतुमायवो भृगवाणं विशेविशे ॥
Samhita Transcription Accented
āśúm dūtám vivásvato víśvā yáścarṣaṇī́rabhí ǀ
ā́ jabhruḥ ketúmāyávo bhṛ́gavāṇam viśéviśe ǁ
Samhita Transcription Nonaccented
āśum dūtam vivasvato viśvā yaścarṣaṇīrabhi ǀ
ā jabhruḥ ketumāyavo bhṛgavāṇam viśeviśe ǁ
Padapatha Devanagari Accented
आ॒शुम् । दू॒तम् । वि॒वस्व॑तः । विश्वाः॑ । यः । च॒र्ष॒णीः । अ॒भि ।
आ । ज॒भ्रुः॒ । के॒तुम् । आ॒यवः॑ । भृग॑वाणम् । वि॒शेऽवि॑शे ॥
Padapatha Devanagari Nonaccented
आशुम् । दूतम् । विवस्वतः । विश्वाः । यः । चर्षणीः । अभि ।
आ । जभ्रुः । केतुम् । आयवः । भृगवाणम् । विशेऽविशे ॥
Padapatha Transcription Accented
āśúm ǀ dūtám ǀ vivásvataḥ ǀ víśvāḥ ǀ yáḥ ǀ carṣaṇī́ḥ ǀ abhí ǀ
ā́ ǀ jabhruḥ ǀ ketúm ǀ āyávaḥ ǀ bhṛ́gavāṇam ǀ viśé-viśe ǁ
Padapatha Transcription Nonaccented
āśum ǀ dūtam ǀ vivasvataḥ ǀ viśvāḥ ǀ yaḥ ǀ carṣaṇīḥ ǀ abhi ǀ
ā ǀ jabhruḥ ǀ ketum ǀ āyavaḥ ǀ bhṛgavāṇam ǀ viśe-viśe ǁ
04.007.05 (Mandala. Sukta. Rik)
3.5.06.05 (Ashtaka. Adhyaya. Varga. Rik)
04.01.102 (Mandala. Anuvāka. Rik)
Samhita Devanagari Accented
तमीं॒ होता॑रमानु॒षक्चि॑कि॒त्वांसं॒ नि षे॑दिरे ।
र॒ण्वं पा॑व॒कशो॑चिषं॒ यजि॑ष्ठं स॒प्त धाम॑भिः ॥
Samhita Devanagari Nonaccented
तमीं होतारमानुषक्चिकित्वांसं नि षेदिरे ।
रण्वं पावकशोचिषं यजिष्ठं सप्त धामभिः ॥
Samhita Transcription Accented
támīm hótāramānuṣákcikitvā́ṃsam ní ṣedire ǀ
raṇvám pāvakáśociṣam yájiṣṭham saptá dhā́mabhiḥ ǁ
Samhita Transcription Nonaccented
tamīm hotāramānuṣakcikitvāṃsam ni ṣedire ǀ
raṇvam pāvakaśociṣam yajiṣṭham sapta dhāmabhiḥ ǁ
Padapatha Devanagari Accented
तम् । ई॒म् । होता॑रम् । आ॒नु॒षक् । चि॒कि॒त्वांस॑म् । नि । से॒दि॒रे॒ ।
र॒ण्वम् । पा॒व॒कऽशो॑चिषम् । यजि॑ष्ठम् । स॒प्त । धाम॑ऽभिः ॥
Padapatha Devanagari Nonaccented
तम् । ईम् । होतारम् । आनुषक् । चिकित्वांसम् । नि । सेदिरे ।
रण्वम् । पावकऽशोचिषम् । यजिष्ठम् । सप्त । धामऽभिः ॥
Padapatha Transcription Accented
tám ǀ īm ǀ hótāram ǀ ānuṣák ǀ cikitvā́ṃsam ǀ ní ǀ sedire ǀ
raṇvám ǀ pāvaká-śociṣam ǀ yájiṣṭham ǀ saptá ǀ dhā́ma-bhiḥ ǁ
Padapatha Transcription Nonaccented
tam ǀ īm ǀ hotāram ǀ ānuṣak ǀ cikitvāṃsam ǀ ni ǀ sedire ǀ
raṇvam ǀ pāvaka-śociṣam ǀ yajiṣṭham ǀ sapta ǀ dhāma-bhiḥ ǁ
04.007.06 (Mandala. Sukta. Rik)
3.5.07.01 (Ashtaka. Adhyaya. Varga. Rik)
04.01.103 (Mandala. Anuvāka. Rik)
Samhita Devanagari Accented
तं शश्व॑तीषु मा॒तृषु॒ वन॒ आ वी॒तं अश्रि॑तं ।
चि॒त्रं संतं॒ गुहा॑ हि॒तं सु॒वेदं॑ कूचिद॒र्थिनं॑ ॥
Samhita Devanagari Nonaccented
तं शश्वतीषु मातृषु वन आ वीतं अश्रितं ।
चित्रं संतं गुहा हितं सुवेदं कूचिदर्थिनं ॥
Samhita Transcription Accented
tám śáśvatīṣu mātṛ́ṣu vána ā́ vītám áśritam ǀ
citrám sántam gúhā hitám suvédam kūcidarthínam ǁ
Samhita Transcription Nonaccented
tam śaśvatīṣu mātṛṣu vana ā vītam aśritam ǀ
citram santam guhā hitam suvedam kūcidarthinam ǁ
Padapatha Devanagari Accented
तम् । शश्व॑तीषु । मा॒तृषु॑ । वने॑ । आ । वी॒तम् । अश्रि॑तम् ।
चि॒त्रम् । सन्त॑म् । गुहा॑ । हि॒तम् । सु॒ऽवेद॑म् । कू॒चि॒त्ऽअ॒र्थिन॑म् ॥
Padapatha Devanagari Nonaccented
तम् । शश्वतीषु । मातृषु । वने । आ । वीतम् । अश्रितम् ।
चित्रम् । सन्तम् । गुहा । हितम् । सुऽवेदम् । कूचित्ऽअर्थिनम् ॥
Padapatha Transcription Accented
tám ǀ śáśvatīṣu ǀ mātṛ́ṣu ǀ váne ǀ ā́ ǀ vītám ǀ áśritam ǀ
citrám ǀ sántam ǀ gúhā ǀ hitám ǀ su-védam ǀ kūcit-arthínam ǁ
Padapatha Transcription Nonaccented
tam ǀ śaśvatīṣu ǀ mātṛṣu ǀ vane ǀ ā ǀ vītam ǀ aśritam ǀ
citram ǀ santam ǀ guhā ǀ hitam ǀ su-vedam ǀ kūcit-arthinam ǁ
04.007.07 (Mandala. Sukta. Rik)
3.5.07.02 (Ashtaka. Adhyaya. Varga. Rik)
04.01.104 (Mandala. Anuvāka. Rik)
Samhita Devanagari Accented
स॒सस्य॒ यद्वियु॑ता॒ सस्मि॒न्नूध॑न्नृ॒तस्य॒ धाम॑न्र॒णयं॑त दे॒वाः ।
म॒हाँ अ॒ग्निर्नम॑सा रा॒तह॑व्यो॒ वेर॑ध्व॒राय॒ सद॒मिदृ॒तावा॑ ॥
Samhita Devanagari Nonaccented
ससस्य यद्वियुता सस्मिन्नूधन्नृतस्य धामन्रणयंत देवाः ।
महाँ अग्निर्नमसा रातहव्यो वेरध्वराय सदमिदृतावा ॥
Samhita Transcription Accented
sasásya yádvíyutā sásminnū́dhannṛtásya dhā́manraṇáyanta devā́ḥ ǀ
mahā́m̐ agnírnámasā rātáhavyo véradhvarā́ya sádamídṛtā́vā ǁ
Samhita Transcription Nonaccented
sasasya yadviyutā sasminnūdhannṛtasya dhāmanraṇayanta devāḥ ǀ
mahām̐ agnirnamasā rātahavyo veradhvarāya sadamidṛtāvā ǁ
Padapatha Devanagari Accented
स॒सस्य॑ । यत् । विऽयु॑ता । सस्मि॑न् । ऊध॑न् । ऋ॒तस्य॑ । धाम॑न् । र॒णय॑न्त । दे॒वाः ।
म॒हान् । अ॒ग्निः । नम॑सा । रा॒तऽह॑व्यः । वेः । अ॒ध्व॒राय॑ । सद॑म् । इत् । ऋ॒तऽवा॑ ॥
Padapatha Devanagari Nonaccented
ससस्य । यत् । विऽयुता । सस्मिन् । ऊधन् । ऋतस्य । धामन् । रणयन्त । देवाः ।
महान् । अग्निः । नमसा । रातऽहव्यः । वेः । अध्वराय । सदम् । इत् । ऋतऽवा ॥
Padapatha Transcription Accented
sasásya ǀ yát ǀ ví-yutā ǀ sásmin ǀ ū́dhan ǀ ṛtásya ǀ dhā́man ǀ raṇáyanta ǀ devā́ḥ ǀ
mahā́n ǀ agníḥ ǀ námasā ǀ rātá-havyaḥ ǀ véḥ ǀ adhvarā́ya ǀ sádam ǀ ít ǀ ṛtá-vā ǁ
Padapatha Transcription Nonaccented
sasasya ǀ yat ǀ vi-yutā ǀ sasmin ǀ ūdhan ǀ ṛtasya ǀ dhāman ǀ raṇayanta ǀ devāḥ ǀ
mahān ǀ agniḥ ǀ namasā ǀ rāta-havyaḥ ǀ veḥ ǀ adhvarāya ǀ sadam ǀ it ǀ ṛta-vā ǁ
04.007.08 (Mandala. Sukta. Rik)
3.5.07.03 (Ashtaka. Adhyaya. Varga. Rik)
04.01.105 (Mandala. Anuvāka. Rik)
Samhita Devanagari Accented
वेर॑ध्व॒रस्य॑ दू॒त्या॑नि वि॒द्वानु॒भे अं॒ता रोद॑सी संचिकि॒त्वान् ।
दू॒त ई॑यसे प्र॒दिव॑ उरा॒णो वि॒दुष्ट॑रो दि॒व आ॒रोध॑नानि ॥
Samhita Devanagari Nonaccented
वेरध्वरस्य दूत्यानि विद्वानुभे अंता रोदसी संचिकित्वान् ।
दूत ईयसे प्रदिव उराणो विदुष्टरो दिव आरोधनानि ॥
Samhita Transcription Accented
véradhvarásya dūtyā́ni vidvā́nubhé antā́ ródasī saṃcikitvā́n ǀ
dūtá īyase pradíva urāṇó vidúṣṭaro divá āródhanāni ǁ
Samhita Transcription Nonaccented
veradhvarasya dūtyāni vidvānubhe antā rodasī saṃcikitvān ǀ
dūta īyase pradiva urāṇo viduṣṭaro diva ārodhanāni ǁ
Padapatha Devanagari Accented
वेः । अ॒ध्व॒रस्य॑ । दू॒त्या॑नि । वि॒द्वान् । उ॒भे इति॑ । अ॒न्तरिति॑ । रोद॑सी॒ इति॑ । स॒म्ऽचि॒कि॒त्वान् ।
दू॒तः । ई॒य॒से॒ । प्र॒ऽदिवः॑ । उ॒रा॒णः । वि॒दुःऽत॑रः । दि॒वः । आ॒ऽरोध॑नानि ॥
Padapatha Devanagari Nonaccented
वेः । अध्वरस्य । दूत्यानि । विद्वान् । उभे इति । अन्तरिति । रोदसी इति । सम्ऽचिकित्वान् ।
दूतः । ईयसे । प्रऽदिवः । उराणः । विदुःऽतरः । दिवः । आऽरोधनानि ॥
Padapatha Transcription Accented
véḥ ǀ adhvarásya ǀ dūtyā́ni ǀ vidvā́n ǀ ubhé íti ǀ antáríti ǀ ródasī íti ǀ sam-cikitvā́n ǀ
dūtáḥ ǀ īyase ǀ pra-dívaḥ ǀ urāṇáḥ ǀ vidúḥ-taraḥ ǀ diváḥ ǀ ā-ródhanāni ǁ
Padapatha Transcription Nonaccented
veḥ ǀ adhvarasya ǀ dūtyāni ǀ vidvān ǀ ubhe iti ǀ antariti ǀ rodasī iti ǀ sam-cikitvān ǀ
dūtaḥ ǀ īyase ǀ pra-divaḥ ǀ urāṇaḥ ǀ viduḥ-taraḥ ǀ divaḥ ǀ ā-rodhanāni ǁ
04.007.09 (Mandala. Sukta. Rik)
3.5.07.04 (Ashtaka. Adhyaya. Varga. Rik)
04.01.106 (Mandala. Anuvāka. Rik)
Samhita Devanagari Accented
कृ॒ष्णं त॒ एम॒ रुश॑तः पु॒रो भाश्च॑रि॒ष्ण्व१॒॑र्चिर्वपु॑षा॒मिदेकं॑ ।
यदप्र॑वीता॒ दध॑ते ह॒ गर्भं॑ स॒द्यश्चि॑ज्जा॒तो भव॒सीदु॑ दू॒तः ॥
Samhita Devanagari Nonaccented
कृष्णं त एम रुशतः पुरो भाश्चरिष्ण्वर्चिर्वपुषामिदेकं ।
यदप्रवीता दधते ह गर्भं सद्यश्चिज्जातो भवसीदु दूतः ॥
Samhita Transcription Accented
kṛṣṇám ta éma rúśataḥ puró bhā́ścariṣṇvárcírvápuṣāmídékam ǀ
yádápravītā dádhate ha gárbham sadyáścijjātó bhávasī́du dūtáḥ ǁ
Samhita Transcription Nonaccented
kṛṣṇam ta ema ruśataḥ puro bhāścariṣṇvarcirvapuṣāmidekam ǀ
yadapravītā dadhate ha garbham sadyaścijjāto bhavasīdu dūtaḥ ǁ
Padapatha Devanagari Accented
कृ॒ष्णम् । ते॒ । एम॑ । रुश॑तः । पु॒रः । भाः । च॒रि॒ष्णु । अ॒र्चिः । वपु॑षाम् । इत् । एक॑म् ।
यत् । अप्र॑ऽवीता । दध॑ते । ह॒ । गर्भ॑म् । स॒द्यः । चि॒त् । जा॒तः । भव॑सि । इत् । ऊं॒ इति॑ । दू॒तः ॥
Padapatha Devanagari Nonaccented
कृष्णम् । ते । एम । रुशतः । पुरः । भाः । चरिष्णु । अर्चिः । वपुषाम् । इत् । एकम् ।
यत् । अप्रऽवीता । दधते । ह । गर्भम् । सद्यः । चित् । जातः । भवसि । इत् । ऊं इति । दूतः ॥
Padapatha Transcription Accented
kṛṣṇám ǀ te ǀ éma ǀ rúśataḥ ǀ puráḥ ǀ bhā́ḥ ǀ cariṣṇú ǀ arcíḥ ǀ vápuṣām ǀ ít ǀ ékam ǀ
yát ǀ ápra-vītā ǀ dádhate ǀ ha ǀ gárbham ǀ sadyáḥ ǀ cit ǀ jātáḥ ǀ bhávasi ǀ ít ǀ ūṃ íti ǀ dūtáḥ ǁ
Padapatha Transcription Nonaccented
kṛṣṇam ǀ te ǀ ema ǀ ruśataḥ ǀ puraḥ ǀ bhāḥ ǀ cariṣṇu ǀ arciḥ ǀ vapuṣām ǀ it ǀ ekam ǀ
yat ǀ apra-vītā ǀ dadhate ǀ ha ǀ garbham ǀ sadyaḥ ǀ cit ǀ jātaḥ ǀ bhavasi ǀ it ǀ ūṃ iti ǀ dūtaḥ ǁ
04.007.10 (Mandala. Sukta. Rik)
3.5.07.05 (Ashtaka. Adhyaya. Varga. Rik)
04.01.107 (Mandala. Anuvāka. Rik)
Samhita Devanagari Accented
स॒द्यो जा॒तस्य॒ ददृ॑शान॒मोजो॒ यद॑स्य॒ वातो॑ अनु॒वाति॑ शो॒चिः ।
वृ॒णक्ति॑ ति॒ग्माम॑त॒सेषु॑ जि॒ह्वां स्थि॒रा चि॒दन्ना॑ दयते॒ वि जंभैः॑ ॥
Samhita Devanagari Nonaccented
सद्यो जातस्य ददृशानमोजो यदस्य वातो अनुवाति शोचिः ।
वृणक्ति तिग्मामतसेषु जिह्वां स्थिरा चिदन्ना दयते वि जंभैः ॥
Samhita Transcription Accented
sadyó jātásya dádṛśānamójo yádasya vā́to anuvā́ti śocíḥ ǀ
vṛṇákti tigmā́mataséṣu jihvā́m sthirā́ cidánnā dayate ví jámbhaiḥ ǁ
Samhita Transcription Nonaccented
sadyo jātasya dadṛśānamojo yadasya vāto anuvāti śociḥ ǀ
vṛṇakti tigmāmataseṣu jihvām sthirā cidannā dayate vi jambhaiḥ ǁ
Padapatha Devanagari Accented
स॒द्यः । जा॒तस्य॑ । ददृ॑शानम् । ओजः॑ । यत् । अ॒स्य॒ । वातः॑ । अ॒नु॒ऽवाति॑ । शो॒चिः ।
वृ॒णक्ति॑ । ति॒ग्माम् । अ॒त॒सेषु॑ । जि॒ह्वाम् । स्थि॒रा । चि॒त् । अन्ना॑ । द॒य॒ते॒ । वि । जम्भैः॑ ॥
Padapatha Devanagari Nonaccented
सद्यः । जातस्य । ददृशानम् । ओजः । यत् । अस्य । वातः । अनुऽवाति । शोचिः ।
वृणक्ति । तिग्माम् । अतसेषु । जिह्वाम् । स्थिरा । चित् । अन्ना । दयते । वि । जम्भैः ॥
Padapatha Transcription Accented
sadyáḥ ǀ jātásya ǀ dádṛśānam ǀ ójaḥ ǀ yát ǀ asya ǀ vā́taḥ ǀ anu-vā́ti ǀ śocíḥ ǀ
vṛṇákti ǀ tigmā́m ǀ ataséṣu ǀ jihvā́m ǀ sthirā́ ǀ cit ǀ ánnā ǀ dayate ǀ ví ǀ jámbhaiḥ ǁ
Padapatha Transcription Nonaccented
sadyaḥ ǀ jātasya ǀ dadṛśānam ǀ ojaḥ ǀ yat ǀ asya ǀ vātaḥ ǀ anu-vāti ǀ śociḥ ǀ
vṛṇakti ǀ tigmām ǀ ataseṣu ǀ jihvām ǀ sthirā ǀ cit ǀ annā ǀ dayate ǀ vi ǀ jambhaiḥ ǁ
04.007.11 (Mandala. Sukta. Rik)
3.5.07.06 (Ashtaka. Adhyaya. Varga. Rik)
04.01.108 (Mandala. Anuvāka. Rik)
Samhita Devanagari Accented
तृ॒षु यदन्ना॑ तृ॒षुणा॑ व॒वक्ष॑ तृ॒षुं दू॒तं कृ॑णुते य॒ह्वो अ॒ग्निः ।
वात॑स्य मे॒ळिं स॑चते नि॒जूर्व॑न्ना॒शुं न वा॑जयते हि॒न्वे अर्वा॑ ॥
Samhita Devanagari Nonaccented
तृषु यदन्ना तृषुणा ववक्ष तृषुं दूतं कृणुते यह्वो अग्निः ।
वातस्य मेळिं सचते निजूर्वन्नाशुं न वाजयते हिन्वे अर्वा ॥
Samhita Transcription Accented
tṛṣú yádánnā tṛṣúṇā vavákṣa tṛṣúm dūtám kṛṇute yahvó agníḥ ǀ
vā́tasya meḷím sacate nijū́rvannāśúm ná vājayate hinvé árvā ǁ
Samhita Transcription Nonaccented
tṛṣu yadannā tṛṣuṇā vavakṣa tṛṣum dūtam kṛṇute yahvo agniḥ ǀ
vātasya meḷim sacate nijūrvannāśum na vājayate hinve arvā ǁ
Padapatha Devanagari Accented
तृ॒षु । यत् । अन्ना॑ । तृ॒षुणा॑ । व॒वक्ष॑ । तृ॒षुम् । दू॒तम् । कृ॒णु॒ते॒ । य॒ह्वः । अ॒ग्निः ।
वात॑स्य । मे॒ळिम् । स॒च॒ते॒ । नि॒ऽजूर्व॑न् । आ॒शुम् । न । वा॒ज॒य॒ते॒ । हि॒न्वे । अर्वा॑ ॥
Padapatha Devanagari Nonaccented
तृषु । यत् । अन्ना । तृषुणा । ववक्ष । तृषुम् । दूतम् । कृणुते । यह्वः । अग्निः ।
वातस्य । मेळिम् । सचते । निऽजूर्वन् । आशुम् । न । वाजयते । हिन्वे । अर्वा ॥
Padapatha Transcription Accented
tṛṣú ǀ yát ǀ ánnā ǀ tṛṣúṇā ǀ vavákṣa ǀ tṛṣúm ǀ dūtám ǀ kṛṇute ǀ yahváḥ ǀ agníḥ ǀ
vā́tasya ǀ meḷím ǀ sacate ǀ ni-jū́rvan ǀ āśúm ǀ ná ǀ vājayate ǀ hinvé ǀ árvā ǁ
Padapatha Transcription Nonaccented
tṛṣu ǀ yat ǀ annā ǀ tṛṣuṇā ǀ vavakṣa ǀ tṛṣum ǀ dūtam ǀ kṛṇute ǀ yahvaḥ ǀ agniḥ ǀ
vātasya ǀ meḷim ǀ sacate ǀ ni-jūrvan ǀ āśum ǀ na ǀ vājayate ǀ hinve ǀ arvā ǁ