|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 6
|
1. Info |
| To: | agni | |
| From: | vāmadeva gautama | |
| Metres: | 1st set of styles: virāṭtrisṭup (1, 3, 5, 8, 11); bhurikpaṅkti (2, 4, 9); svarāṭpaṅkti (6); nicṛttriṣṭup (7); triṣṭup (10) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.006.01 (Mandala. Sukta. Rik)
3.5.04.01 (Ashtaka. Adhyaya. Varga. Rik)
04.01.087 (Mandala. Anuvāka. Rik)
Samhita Devanagari Accented
ऊ॒र्ध्व ऊ॒ षु णो॑ अध्वरस्य होत॒रग्ने॒ तिष्ठ॑ दे॒वता॑ता॒ यजी॑यान् ।
त्वं हि विश्व॑म॒भ्यसि॒ मन्म॒ प्र वे॒धस॑श्चित्तिरसि मनी॒षां ॥
Samhita Devanagari Nonaccented
ऊर्ध्व ऊ षु णो अध्वरस्य होतरग्ने तिष्ठ देवताता यजीयान् ।
त्वं हि विश्वमभ्यसि मन्म प्र वेधसश्चित्तिरसि मनीषां ॥
Samhita Transcription Accented
ūrdhvá ū ṣú ṇo adhvarasya hotarágne tíṣṭha devátātā yájīyān ǀ
tvám hí víśvamabhyási mánma prá vedhásaścittirasi manīṣā́m ǁ
Samhita Transcription Nonaccented
ūrdhva ū ṣu ṇo adhvarasya hotaragne tiṣṭha devatātā yajīyān ǀ
tvam hi viśvamabhyasi manma pra vedhasaścittirasi manīṣām ǁ
Padapatha Devanagari Accented
ऊ॒र्ध्वः । ऊं॒ इति॑ । सु । नः॒ । अ॒ध्व॒र॒स्य॒ । हो॒तः॒ । अग्ने॑ । तिष्ठ॑ । दे॒वऽता॑ता । यजी॑यान् ।
त्वम् । हि । विश्व॑म् । अ॒भि । असि॑ । मन्म॑ । प्र । वे॒धसः॑ । चि॒त् । ति॒र॒सि॒ । म॒नी॒षाम् ॥
Padapatha Devanagari Nonaccented
ऊर्ध्वः । ऊं इति । सु । नः । अध्वरस्य । होतः । अग्ने । तिष्ठ । देवऽताता । यजीयान् ।
त्वम् । हि । विश्वम् । अभि । असि । मन्म । प्र । वेधसः । चित् । तिरसि । मनीषाम् ॥
Padapatha Transcription Accented
ūrdhváḥ ǀ ūṃ íti ǀ sú ǀ naḥ ǀ adhvarasya ǀ hotaḥ ǀ ágne ǀ tíṣṭha ǀ devá-tātā ǀ yájīyān ǀ
tvám ǀ hí ǀ víśvam ǀ abhí ǀ ási ǀ mánma ǀ prá ǀ vedhásaḥ ǀ cit ǀ tirasi ǀ manīṣā́m ǁ
Padapatha Transcription Nonaccented
ūrdhvaḥ ǀ ūṃ iti ǀ su ǀ naḥ ǀ adhvarasya ǀ hotaḥ ǀ agne ǀ tiṣṭha ǀ deva-tātā ǀ yajīyān ǀ
tvam ǀ hi ǀ viśvam ǀ abhi ǀ asi ǀ manma ǀ pra ǀ vedhasaḥ ǀ cit ǀ tirasi ǀ manīṣām ǁ
04.006.02 (Mandala. Sukta. Rik)
3.5.04.02 (Ashtaka. Adhyaya. Varga. Rik)
04.01.088 (Mandala. Anuvāka. Rik)
Samhita Devanagari Accented
अमू॑रो॒ होता॒ न्य॑सादि वि॒क्ष्व१॒॑ग्निर्मं॒द्रो वि॒दथे॑षु॒ प्रचे॑ताः ।
ऊ॒र्ध्वं भा॒नुं स॑वि॒तेवा॑श्रे॒न्मेते॑व धू॒मं स्त॑भाय॒दुप॒ द्यां ॥
Samhita Devanagari Nonaccented
अमूरो होता न्यसादि विक्ष्वग्निर्मंद्रो विदथेषु प्रचेताः ।
ऊर्ध्वं भानुं सवितेवाश्रेन्मेतेव धूमं स्तभायदुप द्यां ॥
Samhita Transcription Accented
ámūro hótā nyásādi vikṣvágnírmandró vidátheṣu prácetāḥ ǀ
ūrdhvám bhānúm savitévāśrenméteva dhūmám stabhāyadúpa dyā́m ǁ
Samhita Transcription Nonaccented
amūro hotā nyasādi vikṣvagnirmandro vidatheṣu pracetāḥ ǀ
ūrdhvam bhānum savitevāśrenmeteva dhūmam stabhāyadupa dyām ǁ
Padapatha Devanagari Accented
अमू॑रः । होता॑ । नि । अ॒सा॒दि॒ । वि॒क्षु । अ॒ग्निः । म॒न्द्रः । वि॒दथे॑षु । प्रऽचे॑ताः ।
ऊ॒र्ध्वम् । भा॒नुम् । स॒वि॒ताऽइ॑व । अ॒श्रे॒त् । मेता॑ऽइव । धू॒मम् । स्त॒भा॒य॒त् । उप॑ । द्याम् ॥
Padapatha Devanagari Nonaccented
अमूरः । होता । नि । असादि । विक्षु । अग्निः । मन्द्रः । विदथेषु । प्रऽचेताः ।
ऊर्ध्वम् । भानुम् । सविताऽइव । अश्रेत् । मेताऽइव । धूमम् । स्तभायत् । उप । द्याम् ॥
Padapatha Transcription Accented
ámūraḥ ǀ hótā ǀ ní ǀ asādi ǀ vikṣú ǀ agníḥ ǀ mandráḥ ǀ vidátheṣu ǀ prá-cetāḥ ǀ
ūrdhvám ǀ bhānúm ǀ savitā́-iva ǀ aśret ǀ métā-iva ǀ dhūmám ǀ stabhāyat ǀ úpa ǀ dyā́m ǁ
Padapatha Transcription Nonaccented
amūraḥ ǀ hotā ǀ ni ǀ asādi ǀ vikṣu ǀ agniḥ ǀ mandraḥ ǀ vidatheṣu ǀ pra-cetāḥ ǀ
ūrdhvam ǀ bhānum ǀ savitā-iva ǀ aśret ǀ metā-iva ǀ dhūmam ǀ stabhāyat ǀ upa ǀ dyām ǁ
04.006.03 (Mandala. Sukta. Rik)
3.5.04.03 (Ashtaka. Adhyaya. Varga. Rik)
04.01.089 (Mandala. Anuvāka. Rik)
Samhita Devanagari Accented
य॒ता सु॑जू॒र्णी रा॒तिनी॑ घृ॒ताची॑ प्रदक्षि॒णिद्दे॒वता॑तिमुरा॒णः ।
उदु॒ स्वरु॑र्नव॒जा नाक्रः प॒श्वो अ॑नक्ति॒ सुधि॑तः सु॒मेकः॑ ॥
Samhita Devanagari Nonaccented
यता सुजूर्णी रातिनी घृताची प्रदक्षिणिद्देवतातिमुराणः ।
उदु स्वरुर्नवजा नाक्रः पश्वो अनक्ति सुधितः सुमेकः ॥
Samhita Transcription Accented
yatā́ sujūrṇī́ rātínī ghṛtā́cī pradakṣiṇíddevátātimurāṇáḥ ǀ
údu svárurnavajā́ nā́kráḥ paśvó anakti súdhitaḥ sumékaḥ ǁ
Samhita Transcription Nonaccented
yatā sujūrṇī rātinī ghṛtācī pradakṣiṇiddevatātimurāṇaḥ ǀ
udu svarurnavajā nākraḥ paśvo anakti sudhitaḥ sumekaḥ ǁ
Padapatha Devanagari Accented
य॒ता । सु॒ऽजू॒र्णिः । रा॒तिनी॑ । घृ॒ताची॑ । प्र॒ऽद॒क्षि॒णित् । दे॒वऽता॑तिम् । उ॒रा॒णः ।
उत् । ऊं॒ इति॑ । स्वरुः॑ । न॒व॒ऽजाः । न । अ॒क्रः । प॒श्वः । अ॒न॒क्ति॒ । सुऽधि॑तः । सु॒ऽमेकः॑ ॥
Padapatha Devanagari Nonaccented
यता । सुऽजूर्णिः । रातिनी । घृताची । प्रऽदक्षिणित् । देवऽतातिम् । उराणः ।
उत् । ऊं इति । स्वरुः । नवऽजाः । न । अक्रः । पश्वः । अनक्ति । सुऽधितः । सुऽमेकः ॥
Padapatha Transcription Accented
yatā́ ǀ su-jūrṇíḥ ǀ rātínī ǀ ghṛtā́cī ǀ pra-dakṣiṇít ǀ devá-tātim ǀ urāṇáḥ ǀ
út ǀ ūṃ íti ǀ sváruḥ ǀ nava-jā́ḥ ǀ ná ǀ akráḥ ǀ paśváḥ ǀ anakti ǀ sú-dhitaḥ ǀ su-mékaḥ ǁ
Padapatha Transcription Nonaccented
yatā ǀ su-jūrṇiḥ ǀ rātinī ǀ ghṛtācī ǀ pra-dakṣiṇit ǀ deva-tātim ǀ urāṇaḥ ǀ
ut ǀ ūṃ iti ǀ svaruḥ ǀ nava-jāḥ ǀ na ǀ akraḥ ǀ paśvaḥ ǀ anakti ǀ su-dhitaḥ ǀ su-mekaḥ ǁ
04.006.04 (Mandala. Sukta. Rik)
3.5.04.04 (Ashtaka. Adhyaya. Varga. Rik)
04.01.090 (Mandala. Anuvāka. Rik)
Samhita Devanagari Accented
स्ती॒र्णे ब॒र्हिषि॑ समिधा॒ने अ॒ग्ना ऊ॒र्ध्वो अ॑ध्व॒र्युर्जु॑जुषा॒णो अ॑स्थात् ।
पर्य॒ग्निः प॑शु॒पा न होता॑ त्रिवि॒ष्ट्ये॑ति प्र॒दिव॑ उरा॒णः ॥
Samhita Devanagari Nonaccented
स्तीर्णे बर्हिषि समिधाने अग्ना ऊर्ध्वो अध्वर्युर्जुजुषाणो अस्थात् ।
पर्यग्निः पशुपा न होता त्रिविष्ट्येति प्रदिव उराणः ॥
Samhita Transcription Accented
stīrṇé barhíṣi samidhāné agnā́ ūrdhvó adhvaryúrjujuṣāṇó asthāt ǀ
páryagníḥ paśupā́ ná hótā triviṣṭyéti pradíva urāṇáḥ ǁ
Samhita Transcription Nonaccented
stīrṇe barhiṣi samidhāne agnā ūrdhvo adhvaryurjujuṣāṇo asthāt ǀ
paryagniḥ paśupā na hotā triviṣṭyeti pradiva urāṇaḥ ǁ
Padapatha Devanagari Accented
स्ती॒र्णे । ब॒र्हिषि॑ । स॒म्ऽइ॒धा॒ने । अ॒ग्नौ । ऊ॒र्ध्वः । अ॒ध्व॒र्युः । जु॒जु॒षा॒णः । अ॒स्था॒त् ।
परि॑ । अ॒ग्निः । प॒शु॒ऽपाः । न । होता॑ । त्रि॒ऽवि॒ष्टि । ए॒ति॒ । प्र॒ऽदिवः॑ । उ॒रा॒णः ॥
Padapatha Devanagari Nonaccented
स्तीर्णे । बर्हिषि । सम्ऽइधाने । अग्नौ । ऊर्ध्वः । अध्वर्युः । जुजुषाणः । अस्थात् ।
परि । अग्निः । पशुऽपाः । न । होता । त्रिऽविष्टि । एति । प्रऽदिवः । उराणः ॥
Padapatha Transcription Accented
stīrṇé ǀ barhíṣi ǀ sam-idhāné ǀ agnáu ǀ ūrdhváḥ ǀ adhvaryúḥ ǀ jujuṣāṇáḥ ǀ asthāt ǀ
pári ǀ agníḥ ǀ paśu-pā́ḥ ǀ ná ǀ hótā ǀ tri-viṣṭí ǀ eti ǀ pra-dívaḥ ǀ urāṇáḥ ǁ
Padapatha Transcription Nonaccented
stīrṇe ǀ barhiṣi ǀ sam-idhāne ǀ agnau ǀ ūrdhvaḥ ǀ adhvaryuḥ ǀ jujuṣāṇaḥ ǀ asthāt ǀ
pari ǀ agniḥ ǀ paśu-pāḥ ǀ na ǀ hotā ǀ tri-viṣṭi ǀ eti ǀ pra-divaḥ ǀ urāṇaḥ ǁ
04.006.05 (Mandala. Sukta. Rik)
3.5.04.05 (Ashtaka. Adhyaya. Varga. Rik)
04.01.091 (Mandala. Anuvāka. Rik)
Samhita Devanagari Accented
परि॒ त्मना॑ मि॒तद्रु॑रेति॒ होता॒ग्निर्मं॒द्रो मधु॑वचा ऋ॒तावा॑ ।
द्रवं॑त्यस्य वा॒जिनो॒ न शोका॒ भयं॑ते॒ विश्वा॒ भुव॑ना॒ यदभ्रा॑ट् ॥
Samhita Devanagari Nonaccented
परि त्मना मितद्रुरेति होताग्निर्मंद्रो मधुवचा ऋतावा ।
द्रवंत्यस्य वाजिनो न शोका भयंते विश्वा भुवना यदभ्राट् ॥
Samhita Transcription Accented
pári tmánā mitádrureti hótāgnírmandró mádhuvacā ṛtā́vā ǀ
drávantyasya vājíno ná śókā bháyante víśvā bhúvanā yádábhrāṭ ǁ
Samhita Transcription Nonaccented
pari tmanā mitadrureti hotāgnirmandro madhuvacā ṛtāvā ǀ
dravantyasya vājino na śokā bhayante viśvā bhuvanā yadabhrāṭ ǁ
Padapatha Devanagari Accented
परि॑ । त्मना॑ । मि॒तऽद्रुः॑ । ए॒ति॒ । होता॑ । अ॒ग्निः । म॒न्द्रः । मधु॑ऽवचाः । ऋ॒तऽवा॑ ।
द्रव॑न्ति । अ॒स्य॒ । वा॒जिनः॑ । न । शोकाः॑ । भय॑न्ते । विश्वा॑ । भुव॑ना । यत् । अभ्रा॑ट् ॥
Padapatha Devanagari Nonaccented
परि । त्मना । मितऽद्रुः । एति । होता । अग्निः । मन्द्रः । मधुऽवचाः । ऋतऽवा ।
द्रवन्ति । अस्य । वाजिनः । न । शोकाः । भयन्ते । विश्वा । भुवना । यत् । अभ्राट् ॥
Padapatha Transcription Accented
pári ǀ tmánā ǀ mitá-druḥ ǀ eti ǀ hótā ǀ agníḥ ǀ mandráḥ ǀ mádhu-vacāḥ ǀ ṛtá-vā ǀ
drávanti ǀ asya ǀ vājínaḥ ǀ ná ǀ śókāḥ ǀ bháyante ǀ víśvā ǀ bhúvanā ǀ yát ǀ ábhrāṭ ǁ
Padapatha Transcription Nonaccented
pari ǀ tmanā ǀ mita-druḥ ǀ eti ǀ hotā ǀ agniḥ ǀ mandraḥ ǀ madhu-vacāḥ ǀ ṛta-vā ǀ
dravanti ǀ asya ǀ vājinaḥ ǀ na ǀ śokāḥ ǀ bhayante ǀ viśvā ǀ bhuvanā ǀ yat ǀ abhrāṭ ǁ
04.006.06 (Mandala. Sukta. Rik)
3.5.05.01 (Ashtaka. Adhyaya. Varga. Rik)
04.01.092 (Mandala. Anuvāka. Rik)
Samhita Devanagari Accented
भ॒द्रा ते॑ अग्ने स्वनीक सं॒दृग्घो॒रस्य॑ स॒तो विषु॑णस्य॒ चारुः॑ ।
न यत्ते॑ शो॒चिस्तम॑सा॒ वरं॑त॒ न ध्व॒स्मान॑स्त॒न्वी॒३॒॑ रेप॒ आ धुः॑ ॥
Samhita Devanagari Nonaccented
भद्रा ते अग्ने स्वनीक संदृग्घोरस्य सतो विषुणस्य चारुः ।
न यत्ते शोचिस्तमसा वरंत न ध्वस्मानस्तन्वी रेप आ धुः ॥
Samhita Transcription Accented
bhadrā́ te agne svanīka saṃdṛ́gghorásya sató víṣuṇasya cā́ruḥ ǀ
ná yátte śocístámasā váranta ná dhvasmā́nastanvī́ répa ā́ dhuḥ ǁ
Samhita Transcription Nonaccented
bhadrā te agne svanīka saṃdṛgghorasya sato viṣuṇasya cāruḥ ǀ
na yatte śocistamasā varanta na dhvasmānastanvī repa ā dhuḥ ǁ
Padapatha Devanagari Accented
भ॒द्रा । ते॒ । अ॒ग्ने॒ । सु॒ऽअ॒नी॒क॒ । स॒म्ऽदृक् । घो॒रस्य॑ । स॒तः । विषु॑णस्य । चारुः॑ ।
न । यत् । ते॒ । शो॒चिः । तम॑सा । वर॑न्त । न । ध्व॒स्मानः॑ । त॒न्वि॑ । रेपः॑ । आ । धु॒रिति॑ धुः ॥
Padapatha Devanagari Nonaccented
भद्रा । ते । अग्ने । सुऽअनीक । सम्ऽदृक् । घोरस्य । सतः । विषुणस्य । चारुः ।
न । यत् । ते । शोचिः । तमसा । वरन्त । न । ध्वस्मानः । तन्वि । रेपः । आ । धुरिति धुः ॥
Padapatha Transcription Accented
bhadrā́ ǀ te ǀ agne ǀ su-anīka ǀ sam-dṛ́k ǀ ghorásya ǀ satáḥ ǀ víṣuṇasya ǀ cā́ruḥ ǀ
ná ǀ yát ǀ te ǀ śocíḥ ǀ támasā ǀ váranta ǀ ná ǀ dhvasmā́naḥ ǀ tanví ǀ répaḥ ǀ ā́ ǀ dhuríti dhuḥ ǁ
Padapatha Transcription Nonaccented
bhadrā ǀ te ǀ agne ǀ su-anīka ǀ sam-dṛk ǀ ghorasya ǀ sataḥ ǀ viṣuṇasya ǀ cāruḥ ǀ
na ǀ yat ǀ te ǀ śociḥ ǀ tamasā ǀ varanta ǀ na ǀ dhvasmānaḥ ǀ tanvi ǀ repaḥ ǀ ā ǀ dhuriti dhuḥ ǁ
04.006.07 (Mandala. Sukta. Rik)
3.5.05.02 (Ashtaka. Adhyaya. Varga. Rik)
04.01.093 (Mandala. Anuvāka. Rik)
Samhita Devanagari Accented
न यस्य॒ सातु॒र्जनि॑तो॒रवा॑रि॒ न मा॒तरा॑पि॒तरा॒ नू चि॑दि॒ष्टौ ।
अधा॑ मि॒त्रो न सुधि॑तः पाव॒को॒३॒॑ऽग्निर्दी॑दाय॒ मानु॑षीषु वि॒क्षु ॥
Samhita Devanagari Nonaccented
न यस्य सातुर्जनितोरवारि न मातरापितरा नू चिदिष्टौ ।
अधा मित्रो न सुधितः पावकोऽग्निर्दीदाय मानुषीषु विक्षु ॥
Samhita Transcription Accented
ná yásya sā́turjánitorávāri ná mātárāpitárā nū́ cidiṣṭáu ǀ
ádhā mitró ná súdhitaḥ pāvakó’gnírdīdāya mā́nuṣīṣu vikṣú ǁ
Samhita Transcription Nonaccented
na yasya sāturjanitoravāri na mātarāpitarā nū cidiṣṭau ǀ
adhā mitro na sudhitaḥ pāvako’gnirdīdāya mānuṣīṣu vikṣu ǁ
Padapatha Devanagari Accented
न । यस्य॑ । सातुः॑ । जनि॑तोः । अवा॑रि । न । मा॒तरा॑पि॒तरा॑ । नु । चि॒त् । इ॒ष्टौ ।
अध॑ । मि॒त्रः । न । सुऽधि॑तः । पा॒व॒कः । अ॒ग्निः । दी॒दा॒य॒ । मानु॑षीषु । वि॒क्षु ॥
Padapatha Devanagari Nonaccented
न । यस्य । सातुः । जनितोः । अवारि । न । मातरापितरा । नु । चित् । इष्टौ ।
अध । मित्रः । न । सुऽधितः । पावकः । अग्निः । दीदाय । मानुषीषु । विक्षु ॥
Padapatha Transcription Accented
ná ǀ yásya ǀ sā́tuḥ ǀ jánitoḥ ǀ ávāri ǀ ná ǀ mātárāpitárā ǀ nú ǀ cit ǀ iṣṭáu ǀ
ádha ǀ mitráḥ ǀ ná ǀ sú-dhitaḥ ǀ pāvakáḥ ǀ agníḥ ǀ dīdāya ǀ mā́nuṣīṣu ǀ vikṣú ǁ
Padapatha Transcription Nonaccented
na ǀ yasya ǀ sātuḥ ǀ janitoḥ ǀ avāri ǀ na ǀ mātarāpitarā ǀ nu ǀ cit ǀ iṣṭau ǀ
adha ǀ mitraḥ ǀ na ǀ su-dhitaḥ ǀ pāvakaḥ ǀ agniḥ ǀ dīdāya ǀ mānuṣīṣu ǀ vikṣu ǁ
04.006.08 (Mandala. Sukta. Rik)
3.5.05.03 (Ashtaka. Adhyaya. Varga. Rik)
04.01.094 (Mandala. Anuvāka. Rik)
Samhita Devanagari Accented
द्विर्यं पंच॒ जीज॑नन्त्सं॒वसा॑नाः॒ स्वसा॑रो अ॒ग्निं मानु॑षीषु वि॒क्षु ।
उ॒ष॒र्बुध॑मथ॒र्यो॒३॒॑ न दंतं॑ शु॒क्रं स्वासं॑ पर॒शुं न ति॒ग्मं ॥
Samhita Devanagari Nonaccented
द्विर्यं पंच जीजनन्त्संवसानाः स्वसारो अग्निं मानुषीषु विक्षु ।
उषर्बुधमथर्यो न दंतं शुक्रं स्वासं परशुं न तिग्मं ॥
Samhita Transcription Accented
dvíryám páñca jī́janantsaṃvásānāḥ svásāro agním mā́nuṣīṣu vikṣú ǀ
uṣarbúdhamatharyó ná dántam śukrám svā́sam paraśúm ná tigmám ǁ
Samhita Transcription Nonaccented
dviryam pañca jījanantsaṃvasānāḥ svasāro agnim mānuṣīṣu vikṣu ǀ
uṣarbudhamatharyo na dantam śukram svāsam paraśum na tigmam ǁ
Padapatha Devanagari Accented
द्विः । यम् । पञ्च॑ । जीज॑नन् । स॒म्ऽवसा॑नाः । स्वसा॑रः । अ॒ग्निम् । मानु॑षीषु । वि॒क्षु ।
उ॒षः॒ऽबुध॑म् । अ॒थ॒र्यः॑ । न । दन्त॑म् । शु॒क्रम् । सु॒ऽआस॑म् । प॒र॒शुम् । न । ति॒ग्मम् ॥
Padapatha Devanagari Nonaccented
द्विः । यम् । पञ्च । जीजनन् । सम्ऽवसानाः । स्वसारः । अग्निम् । मानुषीषु । विक्षु ।
उषःऽबुधम् । अथर्यः । न । दन्तम् । शुक्रम् । सुऽआसम् । परशुम् । न । तिग्मम् ॥
Padapatha Transcription Accented
dvíḥ ǀ yám ǀ páñca ǀ jī́janan ǀ sam-vásānāḥ ǀ svásāraḥ ǀ agním ǀ mā́nuṣīṣu ǀ vikṣú ǀ
uṣaḥ-búdham ǀ atharyáḥ ǀ ná ǀ dántam ǀ śukrám ǀ su-ā́sam ǀ paraśúm ǀ ná ǀ tigmám ǁ
Padapatha Transcription Nonaccented
dviḥ ǀ yam ǀ pañca ǀ jījanan ǀ sam-vasānāḥ ǀ svasāraḥ ǀ agnim ǀ mānuṣīṣu ǀ vikṣu ǀ
uṣaḥ-budham ǀ atharyaḥ ǀ na ǀ dantam ǀ śukram ǀ su-āsam ǀ paraśum ǀ na ǀ tigmam ǁ
04.006.09 (Mandala. Sukta. Rik)
3.5.05.04 (Ashtaka. Adhyaya. Varga. Rik)
04.01.095 (Mandala. Anuvāka. Rik)
Samhita Devanagari Accented
तव॒ त्ये अ॑ग्ने ह॒रितो॑ घृत॒स्ना रोहि॑तास ऋ॒ज्वंचः॒ स्वंचः॑ ।
अ॒रु॒षासो॒ वृष॑ण ऋजुमु॒ष्का आ दे॒वता॑तिमह्वंत द॒स्माः ॥
Samhita Devanagari Nonaccented
तव त्ये अग्ने हरितो घृतस्ना रोहितास ऋज्वंचः स्वंचः ।
अरुषासो वृषण ऋजुमुष्का आ देवतातिमह्वंत दस्माः ॥
Samhita Transcription Accented
táva tyé agne haríto ghṛtasnā́ róhitāsa ṛjváñcaḥ sváñcaḥ ǀ
aruṣā́so vṛ́ṣaṇa ṛjumuṣkā́ ā́ devátātimahvanta dasmā́ḥ ǁ
Samhita Transcription Nonaccented
tava tye agne harito ghṛtasnā rohitāsa ṛjvañcaḥ svañcaḥ ǀ
aruṣāso vṛṣaṇa ṛjumuṣkā ā devatātimahvanta dasmāḥ ǁ
Padapatha Devanagari Accented
तव॑ । त्ये । अ॒ग्ने॒ । ह॒रितः॑ । घृ॒त॒ऽस्नाः । रोहि॑तासः । ऋ॒जु॒ऽअञ्चः॑ । सु॒ऽअञ्चः॑ ।
अ॒रु॒षासः॑ । वृष॑णः । ऋ॒जु॒ऽमु॒ष्काः । आ । दे॒वऽता॑तिम् । अ॒ह्व॒न्त॒ । द॒स्माः ॥
Padapatha Devanagari Nonaccented
तव । त्ये । अग्ने । हरितः । घृतऽस्नाः । रोहितासः । ऋजुऽअञ्चः । सुऽअञ्चः ।
अरुषासः । वृषणः । ऋजुऽमुष्काः । आ । देवऽतातिम् । अह्वन्त । दस्माः ॥
Padapatha Transcription Accented
táva ǀ tyé ǀ agne ǀ harítaḥ ǀ ghṛta-snā́ḥ ǀ róhitāsaḥ ǀ ṛju-áñcaḥ ǀ su-áñcaḥ ǀ
aruṣā́saḥ ǀ vṛ́ṣaṇaḥ ǀ ṛju-muṣkā́ḥ ǀ ā́ ǀ devá-tātim ǀ ahvanta ǀ dasmā́ḥ ǁ
Padapatha Transcription Nonaccented
tava ǀ tye ǀ agne ǀ haritaḥ ǀ ghṛta-snāḥ ǀ rohitāsaḥ ǀ ṛju-añcaḥ ǀ su-añcaḥ ǀ
aruṣāsaḥ ǀ vṛṣaṇaḥ ǀ ṛju-muṣkāḥ ǀ ā ǀ deva-tātim ǀ ahvanta ǀ dasmāḥ ǁ
04.006.10 (Mandala. Sukta. Rik)
3.5.05.05 (Ashtaka. Adhyaya. Varga. Rik)
04.01.096 (Mandala. Anuvāka. Rik)
Samhita Devanagari Accented
ये ह॒ त्ये ते॒ सह॑माना अ॒यास॑स्त्वे॒षासो॑ अग्ने अ॒र्चय॒श्चरं॑ति ।
श्ये॒नासो॒ न दु॑वस॒नासो॒ अर्थं॑ तुविष्व॒णसो॒ मारु॑तं॒ न शर्धः॑ ॥
Samhita Devanagari Nonaccented
ये ह त्ये ते सहमाना अयासस्त्वेषासो अग्ने अर्चयश्चरंति ।
श्येनासो न दुवसनासो अर्थं तुविष्वणसो मारुतं न शर्धः ॥
Samhita Transcription Accented
yé ha tyé te sáhamānā ayā́sastveṣā́so agne arcáyaścáranti ǀ
śyenā́so ná duvasanā́so ártham tuviṣvaṇáso mā́rutam ná śárdhaḥ ǁ
Samhita Transcription Nonaccented
ye ha tye te sahamānā ayāsastveṣāso agne arcayaścaranti ǀ
śyenāso na duvasanāso artham tuviṣvaṇaso mārutam na śardhaḥ ǁ
Padapatha Devanagari Accented
ये । ह॒ । त्ये । ते॒ । सह॑मानाः । अ॒यासः॑ । त्वे॒षासः॑ । अ॒ग्ने॒ । अ॒र्चयः॑ । चर॑न्ति ।
श्ये॒नासः॑ । न । दु॒व॒स॒नासः॑ । अर्थ॑म् । तु॒वि॒ऽस्व॒नसः॑ । मारु॑तम् । न । शर्धः॑ ॥
Padapatha Devanagari Nonaccented
ये । ह । त्ये । ते । सहमानाः । अयासः । त्वेषासः । अग्ने । अर्चयः । चरन्ति ।
श्येनासः । न । दुवसनासः । अर्थम् । तुविऽस्वनसः । मारुतम् । न । शर्धः ॥
Padapatha Transcription Accented
yé ǀ ha ǀ tyé ǀ te ǀ sáhamānāḥ ǀ ayā́saḥ ǀ tveṣā́saḥ ǀ agne ǀ arcáyaḥ ǀ cáranti ǀ
śyenā́saḥ ǀ ná ǀ duvasanā́saḥ ǀ ártham ǀ tuvi-svanásaḥ ǀ mā́rutam ǀ ná ǀ śárdhaḥ ǁ
Padapatha Transcription Nonaccented
ye ǀ ha ǀ tye ǀ te ǀ sahamānāḥ ǀ ayāsaḥ ǀ tveṣāsaḥ ǀ agne ǀ arcayaḥ ǀ caranti ǀ
śyenāsaḥ ǀ na ǀ duvasanāsaḥ ǀ artham ǀ tuvi-svanasaḥ ǀ mārutam ǀ na ǀ śardhaḥ ǁ
04.006.11 (Mandala. Sukta. Rik)
3.5.05.06 (Ashtaka. Adhyaya. Varga. Rik)
04.01.097 (Mandala. Anuvāka. Rik)
Samhita Devanagari Accented
अका॑रि॒ ब्रह्म॑ समिधान॒ तुभ्यं॒ शंसा॑त्यु॒क्थं यज॑ते॒ व्यू॑ धाः ।
होता॑रम॒ग्निं मनु॑षो॒ नि षे॑दुर्नम॒स्यंत॑ उ॒शिजः॒ शंस॑मा॒योः ॥
Samhita Devanagari Nonaccented
अकारि ब्रह्म समिधान तुभ्यं शंसात्युक्थं यजते व्यू धाः ।
होतारमग्निं मनुषो नि षेदुर्नमस्यंत उशिजः शंसमायोः ॥
Samhita Transcription Accented
ákāri bráhma samidhāna túbhyam śáṃsātyukthám yájate vyū́ dhāḥ ǀ
hótāramagním mánuṣo ní ṣedurnamasyánta uśíjaḥ śáṃsamāyóḥ ǁ
Samhita Transcription Nonaccented
akāri brahma samidhāna tubhyam śaṃsātyuktham yajate vyū dhāḥ ǀ
hotāramagnim manuṣo ni ṣedurnamasyanta uśijaḥ śaṃsamāyoḥ ǁ
Padapatha Devanagari Accented
अका॑रि । ब्रह्म॑ । स॒म्ऽइ॒धा॒न॒ । तुभ्य॑म् । शंसा॑ति । उ॒क्थम् । यज॑ते । वि । ऊं॒ इति॑ । धाः॒ ।
होता॑रम् । अ॒ग्निम् । मनु॑षः । नि । से॒दुः॒ । न॒म॒स्यन्तः॑ । उ॒शिजः॑ । शंस॑म् । आ॒योः ॥
Padapatha Devanagari Nonaccented
अकारि । ब्रह्म । सम्ऽइधान । तुभ्यम् । शंसाति । उक्थम् । यजते । वि । ऊं इति । धाः ।
होतारम् । अग्निम् । मनुषः । नि । सेदुः । नमस्यन्तः । उशिजः । शंसम् । आयोः ॥
Padapatha Transcription Accented
ákāri ǀ bráhma ǀ sam-idhāna ǀ túbhyam ǀ śáṃsāti ǀ ukthám ǀ yájate ǀ ví ǀ ūṃ íti ǀ dhāḥ ǀ
hótāram ǀ agním ǀ mánuṣaḥ ǀ ní ǀ seduḥ ǀ namasyántaḥ ǀ uśíjaḥ ǀ śáṃsam ǀ āyóḥ ǁ
Padapatha Transcription Nonaccented
akāri ǀ brahma ǀ sam-idhāna ǀ tubhyam ǀ śaṃsāti ǀ uktham ǀ yajate ǀ vi ǀ ūṃ iti ǀ dhāḥ ǀ
hotāram ǀ agnim ǀ manuṣaḥ ǀ ni ǀ seduḥ ǀ namasyantaḥ ǀ uśijaḥ ǀ śaṃsam ǀ āyoḥ ǁ