|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 47
|
1. Info |
| To: | 1: vāyu; 2-4: indra, vāyu |
|
| From: | vāmadeva gautama | |
| Metres: | 1st set of styles: anuṣṭup (1, 3); bhuriguṣṇik (2); nicṛdanuṣṭup (4) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.047.01 (Mandala. Sukta. Rik)
3.7.23.01 (Ashtaka. Adhyaya. Varga. Rik)
04.05.008 (Mandala. Anuvāka. Rik)
Samhita Devanagari Accented
वायो॑ शु॒क्रो अ॑यामि ते॒ मध्वो॒ अग्रं॒ दिवि॑ष्टिषु ।
आ या॑हि॒ सोम॑पीतये स्पा॒र्हो दे॑व नि॒युत्व॑ता ॥
Samhita Devanagari Nonaccented
वायो शुक्रो अयामि ते मध्वो अग्रं दिविष्टिषु ।
आ याहि सोमपीतये स्पार्हो देव नियुत्वता ॥
Samhita Transcription Accented
vā́yo śukró ayāmi te mádhvo ágram díviṣṭiṣu ǀ
ā́ yāhi sómapītaye spārhó deva niyútvatā ǁ
Samhita Transcription Nonaccented
vāyo śukro ayāmi te madhvo agram diviṣṭiṣu ǀ
ā yāhi somapītaye spārho deva niyutvatā ǁ
Padapatha Devanagari Accented
वायो॒ इति॑ । शु॒क्रः । अ॒या॒मि॒ । ते॒ । मध्वः॑ । अग्र॑म् । दिवि॑ष्टिषु ।
आ । या॒हि॒ । सोम॑ऽपीतये । स्पा॒र्हः । दे॒व॒ । नि॒युत्व॑ता ॥
Padapatha Devanagari Nonaccented
वायो इति । शुक्रः । अयामि । ते । मध्वः । अग्रम् । दिविष्टिषु ।
आ । याहि । सोमऽपीतये । स्पार्हः । देव । नियुत्वता ॥
Padapatha Transcription Accented
vā́yo íti ǀ śukráḥ ǀ ayāmi ǀ te ǀ mádhvaḥ ǀ ágram ǀ díviṣṭiṣu ǀ
ā́ ǀ yāhi ǀ sóma-pītaye ǀ spārháḥ ǀ deva ǀ niyútvatā ǁ
Padapatha Transcription Nonaccented
vāyo iti ǀ śukraḥ ǀ ayāmi ǀ te ǀ madhvaḥ ǀ agram ǀ diviṣṭiṣu ǀ
ā ǀ yāhi ǀ soma-pītaye ǀ spārhaḥ ǀ deva ǀ niyutvatā ǁ
04.047.02 (Mandala. Sukta. Rik)
3.7.23.02 (Ashtaka. Adhyaya. Varga. Rik)
04.05.009 (Mandala. Anuvāka. Rik)
Samhita Devanagari Accented
इंद्र॑श्च वायवेषां॒ सोमा॑नां पी॒तिम॑र्हथः ।
यु॒वां हि यंतींद॑वो नि॒म्नमापो॒ न स॒ध्र्य॑क् ॥
Samhita Devanagari Nonaccented
इंद्रश्च वायवेषां सोमानां पीतिमर्हथः ।
युवां हि यंतींदवो निम्नमापो न सध्र्यक् ॥
Samhita Transcription Accented
índraśca vāyaveṣām sómānām pītímarhathaḥ ǀ
yuvā́m hí yántī́ndavo nimnámā́po ná sadhryák ǁ
Samhita Transcription Nonaccented
indraśca vāyaveṣām somānām pītimarhathaḥ ǀ
yuvām hi yantīndavo nimnamāpo na sadhryak ǁ
Padapatha Devanagari Accented
इन्द्रः॑ । च॒ । वा॒यो॒ इति॑ । ए॒षा॒म् । सोमा॑नाम् । पी॒तिम् । अ॒र्ह॒थः॒ ।
यु॒वाम् । हि । यन्ति॑ । इन्द॑वः । नि॒म्नम् । आपः॑ । न । स॒ध्र्य॑क् ॥
Padapatha Devanagari Nonaccented
इन्द्रः । च । वायो इति । एषाम् । सोमानाम् । पीतिम् । अर्हथः ।
युवाम् । हि । यन्ति । इन्दवः । निम्नम् । आपः । न । सध्र्यक् ॥
Padapatha Transcription Accented
índraḥ ǀ ca ǀ vāyo íti ǀ eṣām ǀ sómānām ǀ pītím ǀ arhathaḥ ǀ
yuvā́m ǀ hí ǀ yánti ǀ índavaḥ ǀ nimnám ǀ ā́paḥ ǀ ná ǀ sadhryák ǁ
Padapatha Transcription Nonaccented
indraḥ ǀ ca ǀ vāyo iti ǀ eṣām ǀ somānām ǀ pītim ǀ arhathaḥ ǀ
yuvām ǀ hi ǀ yanti ǀ indavaḥ ǀ nimnam ǀ āpaḥ ǀ na ǀ sadhryak ǁ
04.047.03 (Mandala. Sukta. Rik)
3.7.23.03 (Ashtaka. Adhyaya. Varga. Rik)
04.05.010 (Mandala. Anuvāka. Rik)
Samhita Devanagari Accented
वाय॒विंद्र॑श्च शु॒ष्मिणा॑ स॒रथं॑ शवसस्पती ।
नि॒युत्वं॑ता न ऊ॒तय॒ आ या॑तं॒ सोम॑पीतये ॥
Samhita Devanagari Nonaccented
वायविंद्रश्च शुष्मिणा सरथं शवसस्पती ।
नियुत्वंता न ऊतय आ यातं सोमपीतये ॥
Samhita Transcription Accented
vā́yavíndraśca śuṣmíṇā sarátham śavasaspatī ǀ
niyútvantā na ūtáya ā́ yātam sómapītaye ǁ
Samhita Transcription Nonaccented
vāyavindraśca śuṣmiṇā saratham śavasaspatī ǀ
niyutvantā na ūtaya ā yātam somapītaye ǁ
Padapatha Devanagari Accented
वायो॒ इति॑ । इन्द्रः॑ । च॒ । शु॒ष्मिणा॑ । स॒ऽरथ॑म् । श॒व॒सः॒ । प॒ती॒ इति॑ ।
नि॒युत्व॑न्ता । नः॒ । ऊ॒तये॑ । आ । या॒त॒म् । सोम॑ऽपीतये ॥
Padapatha Devanagari Nonaccented
वायो इति । इन्द्रः । च । शुष्मिणा । सऽरथम् । शवसः । पती इति ।
नियुत्वन्ता । नः । ऊतये । आ । यातम् । सोमऽपीतये ॥
Padapatha Transcription Accented
vā́yo íti ǀ índraḥ ǀ ca ǀ śuṣmíṇā ǀ sa-rátham ǀ śavasaḥ ǀ patī íti ǀ
niyútvantā ǀ naḥ ǀ ūtáye ǀ ā́ ǀ yātam ǀ sóma-pītaye ǁ
Padapatha Transcription Nonaccented
vāyo iti ǀ indraḥ ǀ ca ǀ śuṣmiṇā ǀ sa-ratham ǀ śavasaḥ ǀ patī iti ǀ
niyutvantā ǀ naḥ ǀ ūtaye ǀ ā ǀ yātam ǀ soma-pītaye ǁ
04.047.04 (Mandala. Sukta. Rik)
3.7.23.04 (Ashtaka. Adhyaya. Varga. Rik)
04.05.011 (Mandala. Anuvāka. Rik)
Samhita Devanagari Accented
या वां॒ संति॑ पुरु॒स्पृहो॑ नि॒युतो॑ दा॒शुषे॑ नरा ।
अ॒स्मे ता य॑ज्ञवाह॒सेंद्र॑वायू॒ नि य॑च्छतं ॥
Samhita Devanagari Nonaccented
या वां संति पुरुस्पृहो नियुतो दाशुषे नरा ।
अस्मे ता यज्ञवाहसेंद्रवायू नि यच्छतं ॥
Samhita Transcription Accented
yā́ vām sánti puruspṛ́ho niyúto dāśúṣe narā ǀ
asmé tā́ yajñavāhaséndravāyū ní yacchatam ǁ
Samhita Transcription Nonaccented
yā vām santi puruspṛho niyuto dāśuṣe narā ǀ
asme tā yajñavāhasendravāyū ni yacchatam ǁ
Padapatha Devanagari Accented
याः । वा॒म् । सन्ति॑ । पु॒रु॒ऽस्पृहः॑ । नि॒ऽयुतः॑ । दा॒शुषे॑ । न॒रा॒ ।
अ॒स्मे इति॑ । ताः । य॒ज्ञ॒ऽवा॒ह॒सा॒ । इन्द्र॑वायू॒ इति॑ । नि । य॒च्छ॒त॒म् ॥
Padapatha Devanagari Nonaccented
याः । वाम् । सन्ति । पुरुऽस्पृहः । निऽयुतः । दाशुषे । नरा ।
अस्मे इति । ताः । यज्ञऽवाहसा । इन्द्रवायू इति । नि । यच्छतम् ॥
Padapatha Transcription Accented
yā́ḥ ǀ vām ǀ sánti ǀ puru-spṛ́haḥ ǀ ni-yútaḥ ǀ dāśúṣe ǀ narā ǀ
asmé íti ǀ tā́ḥ ǀ yajña-vāhasā ǀ índravāyū íti ǀ ní ǀ yacchatam ǁ
Padapatha Transcription Nonaccented
yāḥ ǀ vām ǀ santi ǀ puru-spṛhaḥ ǀ ni-yutaḥ ǀ dāśuṣe ǀ narā ǀ
asme iti ǀ tāḥ ǀ yajña-vāhasā ǀ indravāyū iti ǀ ni ǀ yacchatam ǁ