|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 53
|
1. Info |
| To: | savitṛ | |
| From: | vāmadeva gautama | |
| Metres: | 1st set of styles: nicṛjjagatī (1, 3, 6, 7); virāḍjagatī (2); svarāḍjagatī (4); jagatī (5) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.053.01 (Mandala. Sukta. Rik)
3.8.04.01 (Ashtaka. Adhyaya. Varga. Rik)
04.05.052 (Mandala. Anuvāka. Rik)
Samhita Devanagari Accented
तद्दे॒वस्य॑ सवि॒तुर्वार्यं॑ म॒हद्वृ॑णी॒महे॒ असु॑रस्य॒ प्रचे॑तसः ।
छ॒र्दिर्येन॑ दा॒शुषे॒ यच्छ॑ति॒ त्मना॒ तन्नो॑ म॒हाँ उद॑यांदे॒वो अ॒क्तुभिः॑ ॥
Samhita Devanagari Nonaccented
तद्देवस्य सवितुर्वार्यं महद्वृणीमहे असुरस्य प्रचेतसः ।
छर्दिर्येन दाशुषे यच्छति त्मना तन्नो महाँ उदयांदेवो अक्तुभिः ॥
Samhita Transcription Accented
táddevásya savitúrvā́ryam mahádvṛṇīmáhe ásurasya prácetasaḥ ǀ
chardíryéna dāśúṣe yácchati tmánā tánno mahā́m̐ údayāndevó aktúbhiḥ ǁ
Samhita Transcription Nonaccented
taddevasya saviturvāryam mahadvṛṇīmahe asurasya pracetasaḥ ǀ
chardiryena dāśuṣe yacchati tmanā tanno mahām̐ udayāndevo aktubhiḥ ǁ
Padapatha Devanagari Accented
तत् । दे॒वस्य॑ । स॒वि॒तुः । वार्य॑म् । म॒हत् । वृ॒णी॒महे॑ । असु॑रस्य । प्रऽचे॑तसः ।
छ॒र्दिः । येन॑ । दा॒शुषे॑ । यच्छ॑ति । त्मना॑ । तत् । नः॒ । म॒हान् । उत् । अ॒या॒न् । दे॒वः । अ॒क्तुऽभिः॑ ॥
Padapatha Devanagari Nonaccented
तत् । देवस्य । सवितुः । वार्यम् । महत् । वृणीमहे । असुरस्य । प्रऽचेतसः ।
छर्दिः । येन । दाशुषे । यच्छति । त्मना । तत् । नः । महान् । उत् । अयान् । देवः । अक्तुऽभिः ॥
Padapatha Transcription Accented
tát ǀ devásya ǀ savitúḥ ǀ vā́ryam ǀ mahát ǀ vṛṇīmáhe ǀ ásurasya ǀ prá-cetasaḥ ǀ
chardíḥ ǀ yéna ǀ dāśúṣe ǀ yácchati ǀ tmánā ǀ tát ǀ naḥ ǀ mahā́n ǀ út ǀ ayān ǀ deváḥ ǀ aktú-bhiḥ ǁ
Padapatha Transcription Nonaccented
tat ǀ devasya ǀ savituḥ ǀ vāryam ǀ mahat ǀ vṛṇīmahe ǀ asurasya ǀ pra-cetasaḥ ǀ
chardiḥ ǀ yena ǀ dāśuṣe ǀ yacchati ǀ tmanā ǀ tat ǀ naḥ ǀ mahān ǀ ut ǀ ayān ǀ devaḥ ǀ aktu-bhiḥ ǁ
04.053.02 (Mandala. Sukta. Rik)
3.8.04.02 (Ashtaka. Adhyaya. Varga. Rik)
04.05.053 (Mandala. Anuvāka. Rik)
Samhita Devanagari Accented
दि॒वो ध॒र्ता भुव॑नस्य प्र॒जाप॑तिः पि॒शंगं॑ द्रा॒पिं प्रति॑ मुंचते क॒विः ।
वि॒च॒क्ष॒णः प्र॒थय॑न्नापृ॒णन्नु॒र्वजी॑जनत्सवि॒ता सु॒म्नमु॒क्थ्यं॑ ॥
Samhita Devanagari Nonaccented
दिवो धर्ता भुवनस्य प्रजापतिः पिशंगं द्रापिं प्रति मुंचते कविः ।
विचक्षणः प्रथयन्नापृणन्नुर्वजीजनत्सविता सुम्नमुक्थ्यं ॥
Samhita Transcription Accented
divó dhartā́ bhúvanasya prajā́patiḥ piśáṅgam drāpím práti muñcate kavíḥ ǀ
vicakṣaṇáḥ pratháyannāpṛṇánnurvájījanatsavitā́ sumnámukthyam ǁ
Samhita Transcription Nonaccented
divo dhartā bhuvanasya prajāpatiḥ piśaṅgam drāpim prati muñcate kaviḥ ǀ
vicakṣaṇaḥ prathayannāpṛṇannurvajījanatsavitā sumnamukthyam ǁ
Padapatha Devanagari Accented
दि॒वः । ध॒र्ता । भुव॑नस्य । प्र॒जाऽप॑तिः । पि॒शङ्ग॑म् । द्रा॒पिम् । प्रति॑ । मु॒ञ्च॒ते॒ । क॒विः ।
वि॒ऽच॒क्ष॒णः । प्र॒थय॑न् । आ॒ऽपृ॒णन् । उ॒रु । अजी॑जनत् । स॒वि॒ता । सु॒म्नम् । उ॒क्थ्य॑म् ॥
Padapatha Devanagari Nonaccented
दिवः । धर्ता । भुवनस्य । प्रजाऽपतिः । पिशङ्गम् । द्रापिम् । प्रति । मुञ्चते । कविः ।
विऽचक्षणः । प्रथयन् । आऽपृणन् । उरु । अजीजनत् । सविता । सुम्नम् । उक्थ्यम् ॥
Padapatha Transcription Accented
diváḥ ǀ dhartā́ ǀ bhúvanasya ǀ prajā́-patiḥ ǀ piśáṅgam ǀ drāpím ǀ práti ǀ muñcate ǀ kavíḥ ǀ
vi-cakṣaṇáḥ ǀ pratháyan ǀ ā-pṛṇán ǀ urú ǀ ájījanat ǀ savitā́ ǀ sumnám ǀ ukthyám ǁ
Padapatha Transcription Nonaccented
divaḥ ǀ dhartā ǀ bhuvanasya ǀ prajā-patiḥ ǀ piśaṅgam ǀ drāpim ǀ prati ǀ muñcate ǀ kaviḥ ǀ
vi-cakṣaṇaḥ ǀ prathayan ǀ ā-pṛṇan ǀ uru ǀ ajījanat ǀ savitā ǀ sumnam ǀ ukthyam ǁ
04.053.03 (Mandala. Sukta. Rik)
3.8.04.03 (Ashtaka. Adhyaya. Varga. Rik)
04.05.054 (Mandala. Anuvāka. Rik)
Samhita Devanagari Accented
आप्रा॒ रजां॑सि दि॒व्यानि॒ पार्थि॑वा॒ श्लोकं॑ दे॒वः कृ॑णुते॒ स्वाय॒ धर्म॑णे ।
प्र बा॒हू अ॑स्राक्सवि॒ता सवी॑मनि निवे॒शय॑न्प्रसु॒वन्न॒क्तुभि॒र्जग॑त् ॥
Samhita Devanagari Nonaccented
आप्रा रजांसि दिव्यानि पार्थिवा श्लोकं देवः कृणुते स्वाय धर्मणे ।
प्र बाहू अस्राक्सविता सवीमनि निवेशयन्प्रसुवन्नक्तुभिर्जगत् ॥
Samhita Transcription Accented
ā́prā rájāṃsi divyā́ni pā́rthivā ślókam deváḥ kṛṇute svā́ya dhármaṇe ǀ
prá bāhū́ asrāksavitā́ sávīmani niveśáyanprasuvánnaktúbhirjágat ǁ
Samhita Transcription Nonaccented
āprā rajāṃsi divyāni pārthivā ślokam devaḥ kṛṇute svāya dharmaṇe ǀ
pra bāhū asrāksavitā savīmani niveśayanprasuvannaktubhirjagat ǁ
Padapatha Devanagari Accented
आ । अ॒प्राः॒ । रजां॑सि । दि॒व्यानि॑ । पार्थि॑वा । श्लोक॑म् । दे॒वः । कृ॒णु॒ते॒ । स्वाय॑ । धर्म॑णे ।
प्र । बा॒हू इति॑ । अ॒स्रा॒क् । स॒वि॒ता । सवी॑मनि । नि॒ऽवे॒शय॑न् । प्र॒ऽसु॒वन् । अ॒क्तुऽभिः॑ । जग॑त् ॥
Padapatha Devanagari Nonaccented
आ । अप्राः । रजांसि । दिव्यानि । पार्थिवा । श्लोकम् । देवः । कृणुते । स्वाय । धर्मणे ।
प्र । बाहू इति । अस्राक् । सविता । सवीमनि । निऽवेशयन् । प्रऽसुवन् । अक्तुऽभिः । जगत् ॥
Padapatha Transcription Accented
ā́ ǀ aprāḥ ǀ rájāṃsi ǀ divyā́ni ǀ pā́rthivā ǀ ślókam ǀ deváḥ ǀ kṛṇute ǀ svā́ya ǀ dhármaṇe ǀ
prá ǀ bāhū́ íti ǀ asrāk ǀ savitā́ ǀ sávīmani ǀ ni-veśáyan ǀ pra-suván ǀ aktú-bhiḥ ǀ jágat ǁ
Padapatha Transcription Nonaccented
ā ǀ aprāḥ ǀ rajāṃsi ǀ divyāni ǀ pārthivā ǀ ślokam ǀ devaḥ ǀ kṛṇute ǀ svāya ǀ dharmaṇe ǀ
pra ǀ bāhū iti ǀ asrāk ǀ savitā ǀ savīmani ǀ ni-veśayan ǀ pra-suvan ǀ aktu-bhiḥ ǀ jagat ǁ
04.053.04 (Mandala. Sukta. Rik)
3.8.04.04 (Ashtaka. Adhyaya. Varga. Rik)
04.05.055 (Mandala. Anuvāka. Rik)
Samhita Devanagari Accented
अदा॑भ्यो॒ भुव॑नानि प्र॒चाक॑शद्व्र॒तानि॑ दे॒वः स॑वि॒ताभि र॑क्षते ।
प्रास्रा॑ग्बा॒हू भुव॑नस्य प्र॒जाभ्यो॑ धृ॒तव्र॑तो म॒हो अज्म॑स्य राजति ॥
Samhita Devanagari Nonaccented
अदाभ्यो भुवनानि प्रचाकशद्व्रतानि देवः सविताभि रक्षते ।
प्रास्राग्बाहू भुवनस्य प्रजाभ्यो धृतव्रतो महो अज्मस्य राजति ॥
Samhita Transcription Accented
ádābhyo bhúvanāni pracā́kaśadvratā́ni deváḥ savitā́bhí rakṣate ǀ
prā́srāgbāhū́ bhúvanasya prajā́bhyo dhṛtávrato mahó ájmasya rājati ǁ
Samhita Transcription Nonaccented
adābhyo bhuvanāni pracākaśadvratāni devaḥ savitābhi rakṣate ǀ
prāsrāgbāhū bhuvanasya prajābhyo dhṛtavrato maho ajmasya rājati ǁ
Padapatha Devanagari Accented
अदा॑भ्यः । भुव॑नानि । प्र॒ऽचाक॑शत् । व्र॒तानि॑ । दे॒वः । स॒वि॒ता । अ॒भि । र॒क्ष॒ते॒ ।
प्र । अ॒स्रा॒क् । बा॒हू इति॑ । भुव॑नस्य । प्र॒ऽजाभ्यः॑ । धृ॒तऽव्र॑तः । म॒हः । अज्म॑स्य । रा॒ज॒ति॒ ॥
Padapatha Devanagari Nonaccented
अदाभ्यः । भुवनानि । प्रऽचाकशत् । व्रतानि । देवः । सविता । अभि । रक्षते ।
प्र । अस्राक् । बाहू इति । भुवनस्य । प्रऽजाभ्यः । धृतऽव्रतः । महः । अज्मस्य । राजति ॥
Padapatha Transcription Accented
ádābhyaḥ ǀ bhúvanāni ǀ pra-cā́kaśat ǀ vratā́ni ǀ deváḥ ǀ savitā́ ǀ abhí ǀ rakṣate ǀ
prá ǀ asrāk ǀ bāhū́ íti ǀ bhúvanasya ǀ pra-jā́bhyaḥ ǀ dhṛtá-vrataḥ ǀ maháḥ ǀ ájmasya ǀ rājati ǁ
Padapatha Transcription Nonaccented
adābhyaḥ ǀ bhuvanāni ǀ pra-cākaśat ǀ vratāni ǀ devaḥ ǀ savitā ǀ abhi ǀ rakṣate ǀ
pra ǀ asrāk ǀ bāhū iti ǀ bhuvanasya ǀ pra-jābhyaḥ ǀ dhṛta-vrataḥ ǀ mahaḥ ǀ ajmasya ǀ rājati ǁ
04.053.05 (Mandala. Sukta. Rik)
3.8.04.05 (Ashtaka. Adhyaya. Varga. Rik)
04.05.056 (Mandala. Anuvāka. Rik)
Samhita Devanagari Accented
त्रिरं॒तरि॑क्षं सवि॒ता म॑हित्व॒ना त्री रजां॑सि परि॒भुस्त्रीणि॑ रोच॒ना ।
ति॒स्रो दिवः॑ पृथि॒वीस्ति॒स्र इ॑न्वति त्रि॒भिर्व्र॒तैर॒भि नो॑ रक्षति॒ त्मना॑ ॥
Samhita Devanagari Nonaccented
त्रिरंतरिक्षं सविता महित्वना त्री रजांसि परिभुस्त्रीणि रोचना ।
तिस्रो दिवः पृथिवीस्तिस्र इन्वति त्रिभिर्व्रतैरभि नो रक्षति त्मना ॥
Samhita Transcription Accented
trírantárikṣam savitā́ mahitvanā́ trī́ rájāṃsi paribhústrī́ṇi rocanā́ ǀ
tisró dívaḥ pṛthivī́stisrá invati tribhírvratáirabhí no rakṣati tmánā ǁ
Samhita Transcription Nonaccented
trirantarikṣam savitā mahitvanā trī rajāṃsi paribhustrīṇi rocanā ǀ
tisro divaḥ pṛthivīstisra invati tribhirvratairabhi no rakṣati tmanā ǁ
Padapatha Devanagari Accented
त्रिः । अ॒न्तरि॑क्षम् । स॒वि॒ता । म॒हि॒ऽत्व॒ना । त्री । रजां॑सि । प॒रि॒ऽभूः । त्रीणि॑ । रो॒च॒ना ।
ति॒स्रः । दिवः॑ । पृ॒थि॒वीः । ति॒स्रः । इ॒न्व॒ति॒ । त्रि॒ऽभिः । व्र॒तैः । अ॒भि । नः॒ । र॒क्ष॒ति॒ । त्मना॑ ॥
Padapatha Devanagari Nonaccented
त्रिः । अन्तरिक्षम् । सविता । महिऽत्वना । त्री । रजांसि । परिऽभूः । त्रीणि । रोचना ।
तिस्रः । दिवः । पृथिवीः । तिस्रः । इन्वति । त्रिऽभिः । व्रतैः । अभि । नः । रक्षति । त्मना ॥
Padapatha Transcription Accented
tríḥ ǀ antárikṣam ǀ savitā́ ǀ mahi-tvanā́ ǀ trī́ ǀ rájāṃsi ǀ pari-bhū́ḥ ǀ trī́ṇi ǀ rocanā́ ǀ
tisráḥ ǀ dívaḥ ǀ pṛthivī́ḥ ǀ tisráḥ ǀ invati ǀ tri-bhíḥ ǀ vratáiḥ ǀ abhí ǀ naḥ ǀ rakṣati ǀ tmánā ǁ
Padapatha Transcription Nonaccented
triḥ ǀ antarikṣam ǀ savitā ǀ mahi-tvanā ǀ trī ǀ rajāṃsi ǀ pari-bhūḥ ǀ trīṇi ǀ rocanā ǀ
tisraḥ ǀ divaḥ ǀ pṛthivīḥ ǀ tisraḥ ǀ invati ǀ tri-bhiḥ ǀ vrataiḥ ǀ abhi ǀ naḥ ǀ rakṣati ǀ tmanā ǁ
04.053.06 (Mandala. Sukta. Rik)
3.8.04.06 (Ashtaka. Adhyaya. Varga. Rik)
04.05.057 (Mandala. Anuvāka. Rik)
Samhita Devanagari Accented
बृ॒हत्सु॑म्नः प्रसवी॒ता नि॒वेश॑नो॒ जग॑तः स्था॒तुरु॒भय॑स्य॒ यो व॒शी ।
स नो॑ दे॒वः स॑वि॒ता शर्म॑ यच्छत्व॒स्मे क्षया॑य त्रि॒वरू॑थ॒मंह॑सः ॥
Samhita Devanagari Nonaccented
बृहत्सुम्नः प्रसवीता निवेशनो जगतः स्थातुरुभयस्य यो वशी ।
स नो देवः सविता शर्म यच्छत्वस्मे क्षयाय त्रिवरूथमंहसः ॥
Samhita Transcription Accented
bṛhátsumnaḥ prasavītā́ nivéśano jágataḥ sthātúrubháyasya yó vaśī́ ǀ
sá no deváḥ savitā́ śárma yacchatvasmé kṣáyāya trivárūthamáṃhasaḥ ǁ
Samhita Transcription Nonaccented
bṛhatsumnaḥ prasavītā niveśano jagataḥ sthāturubhayasya yo vaśī ǀ
sa no devaḥ savitā śarma yacchatvasme kṣayāya trivarūthamaṃhasaḥ ǁ
Padapatha Devanagari Accented
बृ॒हत्ऽसु॑म्नः । प्र॒ऽस॒वि॒ता । नि॒ऽवेश॑नः । जग॑तः । स्था॒तुः । उ॒भय॑स्य । यः । व॒शी ।
सः । नः॒ । दे॒वः । स॒वि॒ता । शर्म॑ । य॒च्छ॒तु॒ । अ॒स्मे इति॑ । क्षया॑य । त्रि॒ऽवरू॑थम् । अंह॑सः ॥
Padapatha Devanagari Nonaccented
बृहत्ऽसुम्नः । प्रऽसविता । निऽवेशनः । जगतः । स्थातुः । उभयस्य । यः । वशी ।
सः । नः । देवः । सविता । शर्म । यच्छतु । अस्मे इति । क्षयाय । त्रिऽवरूथम् । अंहसः ॥
Padapatha Transcription Accented
bṛhát-sumnaḥ ǀ pra-savitā́ ǀ ni-véśanaḥ ǀ jágataḥ ǀ sthātúḥ ǀ ubháyasya ǀ yáḥ ǀ vaśī́ ǀ
sáḥ ǀ naḥ ǀ deváḥ ǀ savitā́ ǀ śárma ǀ yacchatu ǀ asmé íti ǀ kṣáyāya ǀ tri-várūtham ǀ áṃhasaḥ ǁ
Padapatha Transcription Nonaccented
bṛhat-sumnaḥ ǀ pra-savitā ǀ ni-veśanaḥ ǀ jagataḥ ǀ sthātuḥ ǀ ubhayasya ǀ yaḥ ǀ vaśī ǀ
saḥ ǀ naḥ ǀ devaḥ ǀ savitā ǀ śarma ǀ yacchatu ǀ asme iti ǀ kṣayāya ǀ tri-varūtham ǀ aṃhasaḥ ǁ
04.053.07 (Mandala. Sukta. Rik)
3.8.04.07 (Ashtaka. Adhyaya. Varga. Rik)
04.05.058 (Mandala. Anuvāka. Rik)
Samhita Devanagari Accented
आगं॑दे॒व ऋ॒तुभि॒र्वर्ध॑तु॒ क्षयं॒ दधा॑तु नः सवि॒ता सु॑प्र॒जामिषं॑ ।
स नः॑ क्ष॒पाभि॒रह॑भिश्च जिन्वतु प्र॒जावं॑तं र॒यिम॒स्मे समि॑न्वतु ॥
Samhita Devanagari Nonaccented
आगंदेव ऋतुभिर्वर्धतु क्षयं दधातु नः सविता सुप्रजामिषं ।
स नः क्षपाभिरहभिश्च जिन्वतु प्रजावंतं रयिमस्मे समिन्वतु ॥
Samhita Transcription Accented
ā́gandevá ṛtúbhirvárdhatu kṣáyam dádhātu naḥ savitā́ suprajā́míṣam ǀ
sá naḥ kṣapā́bhiráhabhiśca jinvatu prajā́vantam rayímasmé sáminvatu ǁ
Samhita Transcription Nonaccented
āgandeva ṛtubhirvardhatu kṣayam dadhātu naḥ savitā suprajāmiṣam ǀ
sa naḥ kṣapābhirahabhiśca jinvatu prajāvantam rayimasme saminvatu ǁ
Padapatha Devanagari Accented
आ । अ॒ग॒न् । दे॒वः । ऋ॒तुऽभिः॑ । वर्ध॑तु । क्षय॑म् । दधा॑तु । नः॒ । स॒वि॒ता । सु॒ऽप्र॒जाम् । इष॑म् ।
सः । नः॒ । क्ष॒पाभिः॑ । अह॑ऽभिः । च॒ । जि॒न्व॒तु॒ । प्र॒जाऽव॑न्तम् । र॒यिम् । अ॒स्मे इति॑ । सम् । इ॒न्व॒तु॒ ॥
Padapatha Devanagari Nonaccented
आ । अगन् । देवः । ऋतुऽभिः । वर्धतु । क्षयम् । दधातु । नः । सविता । सुऽप्रजाम् । इषम् ।
सः । नः । क्षपाभिः । अहऽभिः । च । जिन्वतु । प्रजाऽवन्तम् । रयिम् । अस्मे इति । सम् । इन्वतु ॥
Padapatha Transcription Accented
ā́ ǀ agan ǀ deváḥ ǀ ṛtú-bhiḥ ǀ várdhatu ǀ kṣáyam ǀ dádhātu ǀ naḥ ǀ savitā́ ǀ su-prajā́m ǀ íṣam ǀ
sáḥ ǀ naḥ ǀ kṣapā́bhiḥ ǀ áha-bhiḥ ǀ ca ǀ jinvatu ǀ prajā́-vantam ǀ rayím ǀ asmé íti ǀ sám ǀ invatu ǁ
Padapatha Transcription Nonaccented
ā ǀ agan ǀ devaḥ ǀ ṛtu-bhiḥ ǀ vardhatu ǀ kṣayam ǀ dadhātu ǀ naḥ ǀ savitā ǀ su-prajām ǀ iṣam ǀ
saḥ ǀ naḥ ǀ kṣapābhiḥ ǀ aha-bhiḥ ǀ ca ǀ jinvatu ǀ prajā-vantam ǀ rayim ǀ asme iti ǀ sam ǀ invatu ǁ