|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 54
|
1. Info |
| To: | savitṛ | |
| From: | vāmadeva gautama | |
| Metres: | 1st set of styles: svarāṭtriṣṭup (3-5); bhuriktriṣṭup (1); nicṛttriṣṭup (2); triṣṭup (6) 2nd set of styles: jagatī (1-5); triṣṭubh (6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.054.01 (Mandala. Sukta. Rik)
3.8.05.01 (Ashtaka. Adhyaya. Varga. Rik)
04.05.059 (Mandala. Anuvāka. Rik)
Samhita Devanagari Accented
अभू॑द्दे॒वः स॑वि॒ता वंद्यो॒ नु न॑ इ॒दानी॒मह्न॑ उप॒वाच्यो॒ नृभिः॑ ।
वि यो रत्ना॒ भज॑ति मान॒वेभ्यः॒ श्रेष्ठं॑ नो॒ अत्र॒ द्रवि॑णं॒ यथा॒ दध॑त् ॥
Samhita Devanagari Nonaccented
अभूद्देवः सविता वंद्यो नु न इदानीमह्न उपवाच्यो नृभिः ।
वि यो रत्ना भजति मानवेभ्यः श्रेष्ठं नो अत्र द्रविणं यथा दधत् ॥
Samhita Transcription Accented
ábhūddeváḥ savitā́ vándyo nú na idā́nīmáhna upavā́cyo nṛ́bhiḥ ǀ
ví yó rátnā bhájati mānavébhyaḥ śréṣṭham no átra dráviṇam yáthā dádhat ǁ
Samhita Transcription Nonaccented
abhūddevaḥ savitā vandyo nu na idānīmahna upavācyo nṛbhiḥ ǀ
vi yo ratnā bhajati mānavebhyaḥ śreṣṭham no atra draviṇam yathā dadhat ǁ
Padapatha Devanagari Accented
अभू॑त् । दे॒वः । स॒वि॒ता । वन्द्यः॑ । नु । नः॒ । इ॒दानी॑म् । अह्नः॑ । उ॒प॒ऽवाच्यः॑ । नृऽभिः॑ ।
वि । यः । रत्ना॑ । भज॑ति । मा॒न॒वेभ्यः॑ । श्रेष्ठ॑म् । नः॒ । अत्र॑ । द्रवि॑णम् । यथा॑ । दध॑त् ॥
Padapatha Devanagari Nonaccented
अभूत् । देवः । सविता । वन्द्यः । नु । नः । इदानीम् । अह्नः । उपऽवाच्यः । नृऽभिः ।
वि । यः । रत्ना । भजति । मानवेभ्यः । श्रेष्ठम् । नः । अत्र । द्रविणम् । यथा । दधत् ॥
Padapatha Transcription Accented
ábhūt ǀ deváḥ ǀ savitā́ ǀ vándyaḥ ǀ nú ǀ naḥ ǀ idā́nīm ǀ áhnaḥ ǀ upa-vā́cyaḥ ǀ nṛ́-bhiḥ ǀ
ví ǀ yáḥ ǀ rátnā ǀ bhájati ǀ mānavébhyaḥ ǀ śréṣṭham ǀ naḥ ǀ átra ǀ dráviṇam ǀ yáthā ǀ dádhat ǁ
Padapatha Transcription Nonaccented
abhūt ǀ devaḥ ǀ savitā ǀ vandyaḥ ǀ nu ǀ naḥ ǀ idānīm ǀ ahnaḥ ǀ upa-vācyaḥ ǀ nṛ-bhiḥ ǀ
vi ǀ yaḥ ǀ ratnā ǀ bhajati ǀ mānavebhyaḥ ǀ śreṣṭham ǀ naḥ ǀ atra ǀ draviṇam ǀ yathā ǀ dadhat ǁ
04.054.02 (Mandala. Sukta. Rik)
3.8.05.02 (Ashtaka. Adhyaya. Varga. Rik)
04.05.060 (Mandala. Anuvāka. Rik)
Samhita Devanagari Accented
दे॒वेभ्यो॒ हि प्र॑थ॒मं य॒ज्ञिये॑भ्योऽमृत॒त्वं सु॒वसि॑ भा॒गमु॑त्त॒मं ।
आदिद्दा॒मानं॑ सवित॒र्व्यू॑र्णुषेऽनूची॒ना जी॑वि॒ता मानु॑षेभ्यः ॥
Samhita Devanagari Nonaccented
देवेभ्यो हि प्रथमं यज्ञियेभ्योऽमृतत्वं सुवसि भागमुत्तमं ।
आदिद्दामानं सवितर्व्यूर्णुषेऽनूचीना जीविता मानुषेभ्यः ॥
Samhita Transcription Accented
devébhyo hí prathamám yajñíyebhyo’mṛtatvám suvási bhāgámuttamám ǀ
ā́díddāmā́nam savitarvyū́rṇuṣe’nūcīnā́ jīvitā́ mā́nuṣebhyaḥ ǁ
Samhita Transcription Nonaccented
devebhyo hi prathamam yajñiyebhyo’mṛtatvam suvasi bhāgamuttamam ǀ
ādiddāmānam savitarvyūrṇuṣe’nūcīnā jīvitā mānuṣebhyaḥ ǁ
Padapatha Devanagari Accented
दे॒वेभ्यः॑ । हि । प्र॒थ॒मम् । य॒ज्ञिये॑भ्यः । अ॒मृ॒त॒ऽत्वम् । सु॒वसि॑ । भा॒गम् । उ॒त्ऽत॒मम् ।
आत् । इत् । दा॒मान॑म् । स॒वि॒तः॒ । वि । ऊ॒र्णु॒षे॒ । अ॒नू॒ची॒ना । जी॒वि॒ता । मानु॑षेभ्यः ॥
Padapatha Devanagari Nonaccented
देवेभ्यः । हि । प्रथमम् । यज्ञियेभ्यः । अमृतऽत्वम् । सुवसि । भागम् । उत्ऽतमम् ।
आत् । इत् । दामानम् । सवितः । वि । ऊर्णुषे । अनूचीना । जीविता । मानुषेभ्यः ॥
Padapatha Transcription Accented
devébhyaḥ ǀ hí ǀ prathamám ǀ yajñíyebhyaḥ ǀ amṛta-tvám ǀ suvási ǀ bhāgám ǀ ut-tamám ǀ
ā́t ǀ ít ǀ dāmā́nam ǀ savitaḥ ǀ ví ǀ ūrṇuṣe ǀ anūcīnā́ ǀ jīvitā́ ǀ mā́nuṣebhyaḥ ǁ
Padapatha Transcription Nonaccented
devebhyaḥ ǀ hi ǀ prathamam ǀ yajñiyebhyaḥ ǀ amṛta-tvam ǀ suvasi ǀ bhāgam ǀ ut-tamam ǀ
āt ǀ it ǀ dāmānam ǀ savitaḥ ǀ vi ǀ ūrṇuṣe ǀ anūcīnā ǀ jīvitā ǀ mānuṣebhyaḥ ǁ
04.054.03 (Mandala. Sukta. Rik)
3.8.05.03 (Ashtaka. Adhyaya. Varga. Rik)
04.05.061 (Mandala. Anuvāka. Rik)
Samhita Devanagari Accented
अचि॑त्ती॒ यच्च॑कृ॒मा दैव्ये॒ जने॑ दी॒नैर्दक्षैः॒ प्रभू॑ती पूरुष॒त्वता॑ ।
दे॒वेषु॑ च सवित॒र्मानु॑षेषु च॒ त्वं नो॒ अत्र॑ सुवता॒दना॑गसः ॥
Samhita Devanagari Nonaccented
अचित्ती यच्चकृमा दैव्ये जने दीनैर्दक्षैः प्रभूती पूरुषत्वता ।
देवेषु च सवितर्मानुषेषु च त्वं नो अत्र सुवतादनागसः ॥
Samhita Transcription Accented
ácittī yáccakṛmā́ dáivye jáne dīnáirdákṣaiḥ prábhūtī pūruṣatvátā ǀ
devéṣu ca savitarmā́nuṣeṣu ca tvám no átra suvatādánāgasaḥ ǁ
Samhita Transcription Nonaccented
acittī yaccakṛmā daivye jane dīnairdakṣaiḥ prabhūtī pūruṣatvatā ǀ
deveṣu ca savitarmānuṣeṣu ca tvam no atra suvatādanāgasaḥ ǁ
Padapatha Devanagari Accented
अचि॑त्ती । यत् । च॒कृ॒म । दैव्ये॑ । जने॑ । दी॒नैः । दक्षः॑ । प्रऽभू॑ती । पु॒रु॒ष॒त्वता॑ ।
दे॒वेषु॑ । च॒ । स॒वि॒तः॒ । मानु॑षेषु । च॒ । त्वम् । नः॒ । अत्र॑ । सु॒व॒ता॒त् । अना॑गसः ॥
Padapatha Devanagari Nonaccented
अचित्ती । यत् । चकृम । दैव्ये । जने । दीनैः । दक्षः । प्रऽभूती । पुरुषत्वता ।
देवेषु । च । सवितः । मानुषेषु । च । त्वम् । नः । अत्र । सुवतात् । अनागसः ॥
Padapatha Transcription Accented
ácittī ǀ yát ǀ cakṛmá ǀ dáivye ǀ jáne ǀ dīnáiḥ ǀ dákṣaḥ ǀ prá-bhūtī ǀ puruṣatvátā ǀ
devéṣu ǀ ca ǀ savitaḥ ǀ mā́nuṣeṣu ǀ ca ǀ tvám ǀ naḥ ǀ átra ǀ suvatāt ǀ ánāgasaḥ ǁ
Padapatha Transcription Nonaccented
acittī ǀ yat ǀ cakṛma ǀ daivye ǀ jane ǀ dīnaiḥ ǀ dakṣaḥ ǀ pra-bhūtī ǀ puruṣatvatā ǀ
deveṣu ǀ ca ǀ savitaḥ ǀ mānuṣeṣu ǀ ca ǀ tvam ǀ naḥ ǀ atra ǀ suvatāt ǀ anāgasaḥ ǁ
04.054.04 (Mandala. Sukta. Rik)
3.8.05.04 (Ashtaka. Adhyaya. Varga. Rik)
04.05.062 (Mandala. Anuvāka. Rik)
Samhita Devanagari Accented
न प्र॒मिये॑ सवि॒तुर्दैव्य॑स्य॒ तद्यथा॒ विश्वं॒ भुव॑नं धारयि॒ष्यति॑ ।
यत्पृ॑थि॒व्या वरि॑म॒न्ना स्वं॑गु॒रिर्वर्ष्मं॑दि॒वः सु॒वति॑ स॒त्यम॑स्य॒ तत् ॥
Samhita Devanagari Nonaccented
न प्रमिये सवितुर्दैव्यस्य तद्यथा विश्वं भुवनं धारयिष्यति ।
यत्पृथिव्या वरिमन्ना स्वंगुरिर्वर्ष्मंदिवः सुवति सत्यमस्य तत् ॥
Samhita Transcription Accented
ná pramíye savitúrdáivyasya tádyáthā víśvam bhúvanam dhārayiṣyáti ǀ
yátpṛthivyā́ várimannā́ svaṅgurírvárṣmandiváḥ suváti satyámasya tát ǁ
Samhita Transcription Nonaccented
na pramiye saviturdaivyasya tadyathā viśvam bhuvanam dhārayiṣyati ǀ
yatpṛthivyā varimannā svaṅgurirvarṣmandivaḥ suvati satyamasya tat ǁ
Padapatha Devanagari Accented
न । प्र॒ऽमिये॑ । स॒वि॒तुः । दैव्य॑स्य । तत् । यथा॑ । विश्व॑म् । भुव॑नम् । धा॒र॒यि॒ष्यति॑ ।
यत् । पृ॒थि॒व्याः । वरि॑मन् । आ । सु॒ऽअ॒ङ्गु॒रिः । वर्ष्म॑न् । दि॒वः । सु॒वति॑ । स॒त्यम् । अ॒स्य॒ । तत् ॥
Padapatha Devanagari Nonaccented
न । प्रऽमिये । सवितुः । दैव्यस्य । तत् । यथा । विश्वम् । भुवनम् । धारयिष्यति ।
यत् । पृथिव्याः । वरिमन् । आ । सुऽअङ्गुरिः । वर्ष्मन् । दिवः । सुवति । सत्यम् । अस्य । तत् ॥
Padapatha Transcription Accented
ná ǀ pra-míye ǀ savitúḥ ǀ dáivyasya ǀ tát ǀ yáthā ǀ víśvam ǀ bhúvanam ǀ dhārayiṣyáti ǀ
yát ǀ pṛthivyā́ḥ ǀ váriman ǀ ā́ ǀ su-aṅguríḥ ǀ várṣman ǀ diváḥ ǀ suváti ǀ satyám ǀ asya ǀ tát ǁ
Padapatha Transcription Nonaccented
na ǀ pra-miye ǀ savituḥ ǀ daivyasya ǀ tat ǀ yathā ǀ viśvam ǀ bhuvanam ǀ dhārayiṣyati ǀ
yat ǀ pṛthivyāḥ ǀ variman ǀ ā ǀ su-aṅguriḥ ǀ varṣman ǀ divaḥ ǀ suvati ǀ satyam ǀ asya ǀ tat ǁ
04.054.05 (Mandala. Sukta. Rik)
3.8.05.05 (Ashtaka. Adhyaya. Varga. Rik)
04.05.063 (Mandala. Anuvāka. Rik)
Samhita Devanagari Accented
इंद्र॑ज्येष्ठान्बृ॒हद्भ्यः॒ पर्व॑तेभ्यः॒ क्षयाँ॑ एभ्यः सुवसि प॒स्त्या॑वतः ।
यथा॑यथा प॒तयं॑तो वियेमि॒र ए॒वैव त॑स्थुः सवितः स॒वाय॑ ते ॥
Samhita Devanagari Nonaccented
इंद्रज्येष्ठान्बृहद्भ्यः पर्वतेभ्यः क्षयाँ एभ्यः सुवसि पस्त्यावतः ।
यथायथा पतयंतो वियेमिर एवैव तस्थुः सवितः सवाय ते ॥
Samhita Transcription Accented
índrajyeṣṭhānbṛhádbhyaḥ párvatebhyaḥ kṣáyām̐ ebhyaḥ suvasi pastyā́vataḥ ǀ
yáthāyathā patáyanto viyemirá eváivá tasthuḥ savitaḥ savā́ya te ǁ
Samhita Transcription Nonaccented
indrajyeṣṭhānbṛhadbhyaḥ parvatebhyaḥ kṣayām̐ ebhyaḥ suvasi pastyāvataḥ ǀ
yathāyathā patayanto viyemira evaiva tasthuḥ savitaḥ savāya te ǁ
Padapatha Devanagari Accented
इन्द्र॑ऽज्येष्ठान् । बृ॒हत्ऽभ्यः॑ । पर्व॑तेभ्यः । क्षया॑न् । ए॒भ्यः॒ । सु॒व॒सि॒ । प॒स्त्य॑ऽवतः ।
यथा॑ऽयथा । प॒तय॑न्तः । वि॒ऽये॒मि॒रे । ए॒व । ए॒व । त॒स्थुः॒ । स॒वि॒त॒रिति॑ । स॒वाय॑ । ते॒ ॥
Padapatha Devanagari Nonaccented
इन्द्रऽज्येष्ठान् । बृहत्ऽभ्यः । पर्वतेभ्यः । क्षयान् । एभ्यः । सुवसि । पस्त्यऽवतः ।
यथाऽयथा । पतयन्तः । विऽयेमिरे । एव । एव । तस्थुः । सवितरिति । सवाय । ते ॥
Padapatha Transcription Accented
índra-jyeṣṭhān ǀ bṛhát-bhyaḥ ǀ párvatebhyaḥ ǀ kṣáyān ǀ ebhyaḥ ǀ suvasi ǀ pastyá-vataḥ ǀ
yáthā-yathā ǀ patáyantaḥ ǀ vi-yemiré ǀ evá ǀ evá ǀ tasthuḥ ǀ savitaríti ǀ savā́ya ǀ te ǁ
Padapatha Transcription Nonaccented
indra-jyeṣṭhān ǀ bṛhat-bhyaḥ ǀ parvatebhyaḥ ǀ kṣayān ǀ ebhyaḥ ǀ suvasi ǀ pastya-vataḥ ǀ
yathā-yathā ǀ patayantaḥ ǀ vi-yemire ǀ eva ǀ eva ǀ tasthuḥ ǀ savitariti ǀ savāya ǀ te ǁ
04.054.06 (Mandala. Sukta. Rik)
3.8.05.06 (Ashtaka. Adhyaya. Varga. Rik)
04.05.064 (Mandala. Anuvāka. Rik)
Samhita Devanagari Accented
ये ते॒ त्रिरह॑न्त्सवितः स॒वासो॑ दि॒वेदि॑वे॒ सौभ॑गमासु॒वंति॑ ।
इंद्रो॒ द्यावा॑पृथि॒वी सिंधु॑र॒द्भिरा॑दि॒त्यैर्नो॒ अदि॑तिः॒ शर्म॑ यंसत् ॥
Samhita Devanagari Nonaccented
ये ते त्रिरहन्त्सवितः सवासो दिवेदिवे सौभगमासुवंति ।
इंद्रो द्यावापृथिवी सिंधुरद्भिरादित्यैर्नो अदितिः शर्म यंसत् ॥
Samhita Transcription Accented
yé te tríráhantsavitaḥ savā́so divédive sáubhagamāsuvánti ǀ
índro dyā́vāpṛthivī́ síndhuradbhírādityáirno áditiḥ śárma yaṃsat ǁ
Samhita Transcription Nonaccented
ye te trirahantsavitaḥ savāso divedive saubhagamāsuvanti ǀ
indro dyāvāpṛthivī sindhuradbhirādityairno aditiḥ śarma yaṃsat ǁ
Padapatha Devanagari Accented
ये । ते॒ । त्रिः । अह॑न् । स॒वि॒त॒रिति॑ । स॒वासः॑ । दि॒वेऽदि॑वे । सौभ॑गम् । आ॒ऽसु॒वन्ति॑ ।
इन्द्रः॑ । द्यावा॑पृथि॒वी इति॑ । सिन्धुः॑ । अ॒त्ऽभिः । आ॒दि॒त्यैः । नः॒ । अदि॑तिः । शर्म॑ । यं॒स॒त् ॥
Padapatha Devanagari Nonaccented
ये । ते । त्रिः । अहन् । सवितरिति । सवासः । दिवेऽदिवे । सौभगम् । आऽसुवन्ति ।
इन्द्रः । द्यावापृथिवी इति । सिन्धुः । अत्ऽभिः । आदित्यैः । नः । अदितिः । शर्म । यंसत् ॥
Padapatha Transcription Accented
yé ǀ te ǀ tríḥ ǀ áhan ǀ savitaríti ǀ savā́saḥ ǀ divé-dive ǀ sáubhagam ǀ ā-suvánti ǀ
índraḥ ǀ dyā́vāpṛthivī́ íti ǀ síndhuḥ ǀ at-bhíḥ ǀ ādityáiḥ ǀ naḥ ǀ áditiḥ ǀ śárma ǀ yaṃsat ǁ
Padapatha Transcription Nonaccented
ye ǀ te ǀ triḥ ǀ ahan ǀ savitariti ǀ savāsaḥ ǀ dive-dive ǀ saubhagam ǀ ā-suvanti ǀ
indraḥ ǀ dyāvāpṛthivī iti ǀ sindhuḥ ǀ at-bhiḥ ǀ ādityaiḥ ǀ naḥ ǀ aditiḥ ǀ śarma ǀ yaṃsat ǁ