|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 12
|
1. Info |
| To: | agni | |
| From: | sutambhara ātreya | |
| Metres: | 1st set of styles: triṣṭup (3-5); svarāṭpaṅkti (1, 2); nicṛttriṣṭup (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.012.01 (Mandala. Sukta. Rik)
4.1.04.01 (Ashtaka. Adhyaya. Varga. Rik)
05.01.106 (Mandala. Anuvāka. Rik)
Samhita Devanagari Accented
प्राग्नये॑ बृह॒ते य॒ज्ञिया॑य ऋ॒तस्य॒ वृष्णे॒ असु॑राय॒ मन्म॑ ।
घृ॒तं न य॒ज्ञ आ॒स्ये॒३॒॑ सुपू॑तं॒ गिरं॑ भरे वृष॒भाय॑ प्रती॒चीं ॥
Samhita Devanagari Nonaccented
प्राग्नये बृहते यज्ञियाय ऋतस्य वृष्णे असुराय मन्म ।
घृतं न यज्ञ आस्ये सुपूतं गिरं भरे वृषभाय प्रतीचीं ॥
Samhita Transcription Accented
prā́gnáye bṛhaté yajñíyāya ṛtásya vṛ́ṣṇe ásurāya mánma ǀ
ghṛtám ná yajñá āsye súpūtam gíram bhare vṛṣabhā́ya pratīcī́m ǁ
Samhita Transcription Nonaccented
prāgnaye bṛhate yajñiyāya ṛtasya vṛṣṇe asurāya manma ǀ
ghṛtam na yajña āsye supūtam giram bhare vṛṣabhāya pratīcīm ǁ
Padapatha Devanagari Accented
प्र । अ॒ग्नये॑ । बृ॒ह॒ते । य॒ज्ञिया॑य । ऋ॒तस्य॑ । वृष्णे॑ । असु॑राय । मन्म॑ ।
घृ॒तम् । न । य॒ज्ञे । आ॒स्ये॑ । सुऽपू॑तम् । गिर॑म् । भ॒रे॒ । वृ॒ष॒भाय॑ । प्र॒ती॒चीम् ॥
Padapatha Devanagari Nonaccented
प्र । अग्नये । बृहते । यज्ञियाय । ऋतस्य । वृष्णे । असुराय । मन्म ।
घृतम् । न । यज्ञे । आस्ये । सुऽपूतम् । गिरम् । भरे । वृषभाय । प्रतीचीम् ॥
Padapatha Transcription Accented
prá ǀ agnáye ǀ bṛhaté ǀ yajñíyāya ǀ ṛtásya ǀ vṛ́ṣṇe ǀ ásurāya ǀ mánma ǀ
ghṛtám ǀ ná ǀ yajñé ǀ āsyé ǀ sú-pūtam ǀ gíram ǀ bhare ǀ vṛṣabhā́ya ǀ pratīcī́m ǁ
Padapatha Transcription Nonaccented
pra ǀ agnaye ǀ bṛhate ǀ yajñiyāya ǀ ṛtasya ǀ vṛṣṇe ǀ asurāya ǀ manma ǀ
ghṛtam ǀ na ǀ yajñe ǀ āsye ǀ su-pūtam ǀ giram ǀ bhare ǀ vṛṣabhāya ǀ pratīcīm ǁ
05.012.02 (Mandala. Sukta. Rik)
4.1.04.02 (Ashtaka. Adhyaya. Varga. Rik)
05.01.107 (Mandala. Anuvāka. Rik)
Samhita Devanagari Accented
ऋ॒तं चि॑कित्व ऋ॒तमिच्चि॑किद्ध्यृ॒तस्य॒ धारा॒ अनु॑ तृंधि पू॒र्वीः ।
नाहं या॒तुं सह॑सा॒ न द्व॒येन॑ ऋ॒तं स॑पाम्यरु॒षस्य॒ वृष्णः॑ ॥
Samhita Devanagari Nonaccented
ऋतं चिकित्व ऋतमिच्चिकिद्ध्यृतस्य धारा अनु तृंधि पूर्वीः ।
नाहं यातुं सहसा न द्वयेन ऋतं सपाम्यरुषस्य वृष्णः ॥
Samhita Transcription Accented
ṛtám cikitva ṛtámíccikiddhyṛtásya dhā́rā ánu tṛndhi pūrvī́ḥ ǀ
nā́hám yātúm sáhasā ná dvayéna ṛtám sapāmyaruṣásya vṛ́ṣṇaḥ ǁ
Samhita Transcription Nonaccented
ṛtam cikitva ṛtamiccikiddhyṛtasya dhārā anu tṛndhi pūrvīḥ ǀ
nāham yātum sahasā na dvayena ṛtam sapāmyaruṣasya vṛṣṇaḥ ǁ
Padapatha Devanagari Accented
ऋ॒तम् । चि॒कि॒त्वः॒ । ऋ॒तम् । इत् । चि॒कि॒द्धि॒ । ऋ॒तस्य॑ । धाराः॑ । अनु॑ । तृ॒न्धि॒ । पू॒र्वीः ।
न । अ॒हम् । या॒तुम् । सह॑सा । न । द्व॒येन॑ । ऋ॒तम् । स॒पा॒मि॒ । अ॒रु॒षस्य॑ । वृष्णः॑ ॥
Padapatha Devanagari Nonaccented
ऋतम् । चिकित्वः । ऋतम् । इत् । चिकिद्धि । ऋतस्य । धाराः । अनु । तृन्धि । पूर्वीः ।
न । अहम् । यातुम् । सहसा । न । द्वयेन । ऋतम् । सपामि । अरुषस्य । वृष्णः ॥
Padapatha Transcription Accented
ṛtám ǀ cikitvaḥ ǀ ṛtám ǀ ít ǀ cikiddhi ǀ ṛtásya ǀ dhā́rāḥ ǀ ánu ǀ tṛndhi ǀ pūrvī́ḥ ǀ
ná ǀ ahám ǀ yātúm ǀ sáhasā ǀ ná ǀ dvayéna ǀ ṛtám ǀ sapāmi ǀ aruṣásya ǀ vṛ́ṣṇaḥ ǁ
Padapatha Transcription Nonaccented
ṛtam ǀ cikitvaḥ ǀ ṛtam ǀ it ǀ cikiddhi ǀ ṛtasya ǀ dhārāḥ ǀ anu ǀ tṛndhi ǀ pūrvīḥ ǀ
na ǀ aham ǀ yātum ǀ sahasā ǀ na ǀ dvayena ǀ ṛtam ǀ sapāmi ǀ aruṣasya ǀ vṛṣṇaḥ ǁ
05.012.03 (Mandala. Sukta. Rik)
4.1.04.03 (Ashtaka. Adhyaya. Varga. Rik)
05.01.108 (Mandala. Anuvāka. Rik)
Samhita Devanagari Accented
कया॑ नो अग्न ऋ॒तय॑न्नृ॒तेन॒ भुवो॒ नवे॑दा उ॒चथ॑स्य॒ नव्यः॑ ।
वेदा॑ मे दे॒व ऋ॑तु॒पा ऋ॑तू॒नां नाहं पतिं॑ सनि॒तुर॒स्य रा॒यः ॥
Samhita Devanagari Nonaccented
कया नो अग्न ऋतयन्नृतेन भुवो नवेदा उचथस्य नव्यः ।
वेदा मे देव ऋतुपा ऋतूनां नाहं पतिं सनितुरस्य रायः ॥
Samhita Transcription Accented
káyā no agna ṛtáyannṛténa bhúvo návedā ucáthasya návyaḥ ǀ
védā me devá ṛtupā́ ṛtūnā́m nā́hám pátim sanitúrasyá rāyáḥ ǁ
Samhita Transcription Nonaccented
kayā no agna ṛtayannṛtena bhuvo navedā ucathasya navyaḥ ǀ
vedā me deva ṛtupā ṛtūnām nāham patim saniturasya rāyaḥ ǁ
Padapatha Devanagari Accented
कया॑ । नः॒ । अ॒ग्ने॒ । ऋ॒तय॑न् । ऋ॒तेन॑ । भुवः॑ । नवे॑दाः । उ॒चथ॑स्य । नव्यः॑ ।
वेद॑ । मे॒ । दे॒वः । ऋ॒तु॒ऽपाः । ऋ॒तू॒नाम् । न । अ॒हम् । पति॑म् । स॒नि॒तुः । अ॒स्य । रा॒यः ॥
Padapatha Devanagari Nonaccented
कया । नः । अग्ने । ऋतयन् । ऋतेन । भुवः । नवेदाः । उचथस्य । नव्यः ।
वेद । मे । देवः । ऋतुऽपाः । ऋतूनाम् । न । अहम् । पतिम् । सनितुः । अस्य । रायः ॥
Padapatha Transcription Accented
káyā ǀ naḥ ǀ agne ǀ ṛtáyan ǀ ṛténa ǀ bhúvaḥ ǀ návedāḥ ǀ ucáthasya ǀ návyaḥ ǀ
véda ǀ me ǀ deváḥ ǀ ṛtu-pā́ḥ ǀ ṛtūnā́m ǀ ná ǀ ahám ǀ pátim ǀ sanitúḥ ǀ asyá ǀ rāyáḥ ǁ
Padapatha Transcription Nonaccented
kayā ǀ naḥ ǀ agne ǀ ṛtayan ǀ ṛtena ǀ bhuvaḥ ǀ navedāḥ ǀ ucathasya ǀ navyaḥ ǀ
veda ǀ me ǀ devaḥ ǀ ṛtu-pāḥ ǀ ṛtūnām ǀ na ǀ aham ǀ patim ǀ sanituḥ ǀ asya ǀ rāyaḥ ǁ
05.012.04 (Mandala. Sukta. Rik)
4.1.04.04 (Ashtaka. Adhyaya. Varga. Rik)
05.01.109 (Mandala. Anuvāka. Rik)
Samhita Devanagari Accented
के ते॑ अग्ने रि॒पवे॒ बंध॑नासः॒ के पा॒यवः॑ सनिषंत द्यु॒मंतः॑ ।
के धा॒सिम॑ग्ने॒ अनृ॑तस्य पांति॒ क आस॑तो॒ वच॑सः संति गो॒पाः ॥
Samhita Devanagari Nonaccented
के ते अग्ने रिपवे बंधनासः के पायवः सनिषंत द्युमंतः ।
के धासिमग्ने अनृतस्य पांति क आसतो वचसः संति गोपाः ॥
Samhita Transcription Accented
ké te agne ripáve bándhanāsaḥ ké pāyávaḥ saniṣanta dyumántaḥ ǀ
ké dhāsímagne ánṛtasya pānti ká ā́sato vácasaḥ santi gopā́ḥ ǁ
Samhita Transcription Nonaccented
ke te agne ripave bandhanāsaḥ ke pāyavaḥ saniṣanta dyumantaḥ ǀ
ke dhāsimagne anṛtasya pānti ka āsato vacasaḥ santi gopāḥ ǁ
Padapatha Devanagari Accented
के । ते॒ । अ॒ग्ने॒ । रि॒पवे॑ । बन्ध॑नासः । के । पा॒यवः॑ । स॒नि॒ष॒न्त॒ । द्यु॒ऽमन्तः॑ ।
के । धा॒सिम् । अ॒ग्ने॒ । अनृ॑तस्य । पा॒न्ति॒ । के । अस॑तः । वच॑सः । स॒न्ति॒ । गो॒पाः ॥
Padapatha Devanagari Nonaccented
के । ते । अग्ने । रिपवे । बन्धनासः । के । पायवः । सनिषन्त । द्युऽमन्तः ।
के । धासिम् । अग्ने । अनृतस्य । पान्ति । के । असतः । वचसः । सन्ति । गोपाः ॥
Padapatha Transcription Accented
ké ǀ te ǀ agne ǀ ripáve ǀ bándhanāsaḥ ǀ ké ǀ pāyávaḥ ǀ saniṣanta ǀ dyu-mántaḥ ǀ
ké ǀ dhāsím ǀ agne ǀ ánṛtasya ǀ pānti ǀ ké ǀ ásataḥ ǀ vácasaḥ ǀ santi ǀ gopā́ḥ ǁ
Padapatha Transcription Nonaccented
ke ǀ te ǀ agne ǀ ripave ǀ bandhanāsaḥ ǀ ke ǀ pāyavaḥ ǀ saniṣanta ǀ dyu-mantaḥ ǀ
ke ǀ dhāsim ǀ agne ǀ anṛtasya ǀ pānti ǀ ke ǀ asataḥ ǀ vacasaḥ ǀ santi ǀ gopāḥ ǁ
05.012.05 (Mandala. Sukta. Rik)
4.1.04.05 (Ashtaka. Adhyaya. Varga. Rik)
05.01.110 (Mandala. Anuvāka. Rik)
Samhita Devanagari Accented
सखा॑यस्ते॒ विषु॑णा अग्न ए॒ते शि॒वासः॒ संतो॒ अशि॑वा अभूवन् ।
अधू॑र्षत स्व॒यमे॒ते वचो॑भिर्ऋजूय॒ते वृ॑जि॒नानि॑ ब्रु॒वंतः॑ ॥
Samhita Devanagari Nonaccented
सखायस्ते विषुणा अग्न एते शिवासः संतो अशिवा अभूवन् ।
अधूर्षत स्वयमेते वचोभिर्ऋजूयते वृजिनानि ब्रुवंतः ॥
Samhita Transcription Accented
sákhāyaste víṣuṇā agna eté śivā́saḥ sánto áśivā abhūvan ǀ
ádhūrṣata svayámeté vácobhirṛjūyaté vṛjinā́ni bruvántaḥ ǁ
Samhita Transcription Nonaccented
sakhāyaste viṣuṇā agna ete śivāsaḥ santo aśivā abhūvan ǀ
adhūrṣata svayamete vacobhirṛjūyate vṛjināni bruvantaḥ ǁ
Padapatha Devanagari Accented
सखा॑यः । ते॒ । विषु॑णाः । अ॒ग्ने॒ । ए॒ते । शि॒वासः॑ । सन्तः॑ । अशि॑वाः । अ॒भू॒व॒न् ।
अधू॑र्षत । स्व॒यम् । ए॒ते । वचः॑ऽभिः । ऋ॒जु॒ऽय॒ते । वृ॒जि॒नानि॑ । ब्रु॒वन्तः॑ ॥
Padapatha Devanagari Nonaccented
सखायः । ते । विषुणाः । अग्ने । एते । शिवासः । सन्तः । अशिवाः । अभूवन् ।
अधूर्षत । स्वयम् । एते । वचःऽभिः । ऋजुऽयते । वृजिनानि । ब्रुवन्तः ॥
Padapatha Transcription Accented
sákhāyaḥ ǀ te ǀ víṣuṇāḥ ǀ agne ǀ eté ǀ śivā́saḥ ǀ sántaḥ ǀ áśivāḥ ǀ abhūvan ǀ
ádhūrṣata ǀ svayám ǀ eté ǀ vácaḥ-bhiḥ ǀ ṛju-yaté ǀ vṛjinā́ni ǀ bruvántaḥ ǁ
Padapatha Transcription Nonaccented
sakhāyaḥ ǀ te ǀ viṣuṇāḥ ǀ agne ǀ ete ǀ śivāsaḥ ǀ santaḥ ǀ aśivāḥ ǀ abhūvan ǀ
adhūrṣata ǀ svayam ǀ ete ǀ vacaḥ-bhiḥ ǀ ṛju-yate ǀ vṛjināni ǀ bruvantaḥ ǁ
05.012.06 (Mandala. Sukta. Rik)
4.1.04.06 (Ashtaka. Adhyaya. Varga. Rik)
05.01.111 (Mandala. Anuvāka. Rik)
Samhita Devanagari Accented
यस्ते॑ अग्ने॒ नम॑सा य॒ज्ञमीट्ट॑ ऋ॒तं स पा॑त्यरु॒षस्य॒ वृष्णः॑ ।
तस्य॒ क्षयः॑ पृ॒थुरा सा॒धुरे॑तु प्र॒सर्स्रा॑णस्य॒ नहु॑षस्य॒ शेषः॑ ॥
Samhita Devanagari Nonaccented
यस्ते अग्ने नमसा यज्ञमीट्ट ऋतं स पात्यरुषस्य वृष्णः ।
तस्य क्षयः पृथुरा साधुरेतु प्रसर्स्राणस्य नहुषस्य शेषः ॥
Samhita Transcription Accented
yáste agne námasā yajñámī́ṭṭa ṛtám sá pātyaruṣásya vṛ́ṣṇaḥ ǀ
tásya kṣáyaḥ pṛthúrā́ sādhúretu prasársrāṇasya náhuṣasya śéṣaḥ ǁ
Samhita Transcription Nonaccented
yaste agne namasā yajñamīṭṭa ṛtam sa pātyaruṣasya vṛṣṇaḥ ǀ
tasya kṣayaḥ pṛthurā sādhuretu prasarsrāṇasya nahuṣasya śeṣaḥ ǁ
Padapatha Devanagari Accented
यः । ते॒ । अ॒ग्ने॒ । नम॑सा । य॒ज्ञम् । ईट्टे॑ । ऋ॒तम् । सः । पा॒ति॒ । अ॒रु॒षस्य॑ । वृष्णः॑ ।
तस्य॑ । क्षयः॑ । पृ॒थुः । आ । सा॒धुः । ए॒तु॒ । प्र॒ऽसर्स्रा॑णस्य । नहु॑षस्य । शेषः॑ ॥
Padapatha Devanagari Nonaccented
यः । ते । अग्ने । नमसा । यज्ञम् । ईट्टे । ऋतम् । सः । पाति । अरुषस्य । वृष्णः ।
तस्य । क्षयः । पृथुः । आ । साधुः । एतु । प्रऽसर्स्राणस्य । नहुषस्य । शेषः ॥
Padapatha Transcription Accented
yáḥ ǀ te ǀ agne ǀ námasā ǀ yajñám ǀ ī́ṭṭe ǀ ṛtám ǀ sáḥ ǀ pāti ǀ aruṣásya ǀ vṛ́ṣṇaḥ ǀ
tásya ǀ kṣáyaḥ ǀ pṛthúḥ ǀ ā́ ǀ sādhúḥ ǀ etu ǀ pra-sársrāṇasya ǀ náhuṣasya ǀ śéṣaḥ ǁ
Padapatha Transcription Nonaccented
yaḥ ǀ te ǀ agne ǀ namasā ǀ yajñam ǀ īṭṭe ǀ ṛtam ǀ saḥ ǀ pāti ǀ aruṣasya ǀ vṛṣṇaḥ ǀ
tasya ǀ kṣayaḥ ǀ pṛthuḥ ǀ ā ǀ sādhuḥ ǀ etu ǀ pra-sarsrāṇasya ǀ nahuṣasya ǀ śeṣaḥ ǁ