|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 11
|
1. Info |
| To: | agni | |
| From: | sutambhara ātreya | |
| Metres: | 1st set of styles: nicṛjjagatī (1, 3, 5); jagatī (2, 6); virāḍjagatī (4) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.011.01 (Mandala. Sukta. Rik)
4.1.03.01 (Ashtaka. Adhyaya. Varga. Rik)
05.01.100 (Mandala. Anuvāka. Rik)
Samhita Devanagari Accented
जन॑स्य गो॒पा अ॑जनिष्ट॒ जागृ॑विर॒ग्निः सु॒दक्षः॑ सुवि॒ताय॒ नव्य॑से ।
घृ॒तप्र॑तीको बृह॒ता दि॑वि॒स्पृशा॑ द्यु॒मद्वि भा॑ति भर॒तेभ्यः॒ शुचिः॑ ॥
Samhita Devanagari Nonaccented
जनस्य गोपा अजनिष्ट जागृविरग्निः सुदक्षः सुविताय नव्यसे ।
घृतप्रतीको बृहता दिविस्पृशा द्युमद्वि भाति भरतेभ्यः शुचिः ॥
Samhita Transcription Accented
jánasya gopā́ ajaniṣṭa jā́gṛviragníḥ sudákṣaḥ suvitā́ya návyase ǀ
ghṛtápratīko bṛhatā́ divispṛ́śā dyumádví bhāti bharatébhyaḥ śúciḥ ǁ
Samhita Transcription Nonaccented
janasya gopā ajaniṣṭa jāgṛviragniḥ sudakṣaḥ suvitāya navyase ǀ
ghṛtapratīko bṛhatā divispṛśā dyumadvi bhāti bharatebhyaḥ śuciḥ ǁ
Padapatha Devanagari Accented
जन॑स्य । गो॒पाः । अ॒ज॒नि॒ष्ट॒ । जागृ॑विः । अ॒ग्निः । सु॒ऽदक्षः॑ । सु॒वि॒ताय॑ । नव्य॑से ।
घृ॒तऽप्र॑तीकः । बृ॒ह॒ता । दि॒वि॒ऽस्पृशा॑ । द्यु॒ऽमत् । वि । भा॒ति॒ । भ॒र॒तेभ्यः॑ । शुचिः॑ ॥
Padapatha Devanagari Nonaccented
जनस्य । गोपाः । अजनिष्ट । जागृविः । अग्निः । सुऽदक्षः । सुविताय । नव्यसे ।
घृतऽप्रतीकः । बृहता । दिविऽस्पृशा । द्युऽमत् । वि । भाति । भरतेभ्यः । शुचिः ॥
Padapatha Transcription Accented
jánasya ǀ gopā́ḥ ǀ ajaniṣṭa ǀ jā́gṛviḥ ǀ agníḥ ǀ su-dákṣaḥ ǀ suvitā́ya ǀ návyase ǀ
ghṛtá-pratīkaḥ ǀ bṛhatā́ ǀ divi-spṛ́śā ǀ dyu-mát ǀ ví ǀ bhāti ǀ bharatébhyaḥ ǀ śúciḥ ǁ
Padapatha Transcription Nonaccented
janasya ǀ gopāḥ ǀ ajaniṣṭa ǀ jāgṛviḥ ǀ agniḥ ǀ su-dakṣaḥ ǀ suvitāya ǀ navyase ǀ
ghṛta-pratīkaḥ ǀ bṛhatā ǀ divi-spṛśā ǀ dyu-mat ǀ vi ǀ bhāti ǀ bharatebhyaḥ ǀ śuciḥ ǁ
05.011.02 (Mandala. Sukta. Rik)
4.1.03.02 (Ashtaka. Adhyaya. Varga. Rik)
05.01.101 (Mandala. Anuvāka. Rik)
Samhita Devanagari Accented
य॒ज्ञस्य॑ के॒तुं प्र॑थ॒मं पु॒रोहि॑तम॒ग्निं नर॑स्त्रिषध॒स्थे समी॑धिरे ।
इंद्रे॑ण दे॒वैः स॒रथं॒ स ब॒र्हिषि॒ सीद॒न्नि होता॑ य॒जथा॑य सु॒क्रतुः॑ ॥
Samhita Devanagari Nonaccented
यज्ञस्य केतुं प्रथमं पुरोहितमग्निं नरस्त्रिषधस्थे समीधिरे ।
इंद्रेण देवैः सरथं स बर्हिषि सीदन्नि होता यजथाय सुक्रतुः ॥
Samhita Transcription Accented
yajñásya ketúm prathamám puróhitamagním nárastriṣadhasthé sámīdhire ǀ
índreṇa deváiḥ sarátham sá barhíṣi sī́danní hótā yajáthāya sukrátuḥ ǁ
Samhita Transcription Nonaccented
yajñasya ketum prathamam purohitamagnim narastriṣadhasthe samīdhire ǀ
indreṇa devaiḥ saratham sa barhiṣi sīdanni hotā yajathāya sukratuḥ ǁ
Padapatha Devanagari Accented
य॒ज्ञस्य॑ । के॒तुम् । प्र॒थ॒मम् । पु॒रःऽहि॑तम् । अ॒ग्निम् । नरः॑ । त्रि॒ऽस॒ध॒स्थे । सम् । ई॒धि॒रे॒ ।
इन्द्रे॑ण । दे॒वैः । स॒ऽरथ॑म् । सः । ब॒र्हिषि॑ । सीद॑त् । नि । होता॑ । य॒जथा॑य । सु॒ऽक्रतुः॑ ॥
Padapatha Devanagari Nonaccented
यज्ञस्य । केतुम् । प्रथमम् । पुरःऽहितम् । अग्निम् । नरः । त्रिऽसधस्थे । सम् । ईधिरे ।
इन्द्रेण । देवैः । सऽरथम् । सः । बर्हिषि । सीदत् । नि । होता । यजथाय । सुऽक्रतुः ॥
Padapatha Transcription Accented
yajñásya ǀ ketúm ǀ prathamám ǀ puráḥ-hitam ǀ agním ǀ náraḥ ǀ tri-sadhasthé ǀ sám ǀ īdhire ǀ
índreṇa ǀ deváiḥ ǀ sa-rátham ǀ sáḥ ǀ barhíṣi ǀ sī́dat ǀ ní ǀ hótā ǀ yajáthāya ǀ su-krátuḥ ǁ
Padapatha Transcription Nonaccented
yajñasya ǀ ketum ǀ prathamam ǀ puraḥ-hitam ǀ agnim ǀ naraḥ ǀ tri-sadhasthe ǀ sam ǀ īdhire ǀ
indreṇa ǀ devaiḥ ǀ sa-ratham ǀ saḥ ǀ barhiṣi ǀ sīdat ǀ ni ǀ hotā ǀ yajathāya ǀ su-kratuḥ ǁ
05.011.03 (Mandala. Sukta. Rik)
4.1.03.03 (Ashtaka. Adhyaya. Varga. Rik)
05.01.102 (Mandala. Anuvāka. Rik)
Samhita Devanagari Accented
अस॑म्मृष्टो जायसे मा॒त्रोः शुचि॑र्मं॒द्रः क॒विरुद॑तिष्ठो वि॒वस्व॑तः ।
घृ॒तेन॑ त्वावर्धयन्नग्न आहुत धू॒मस्ते॑ के॒तुर॑भवद्दि॒वि श्रि॒तः ॥
Samhita Devanagari Nonaccented
असम्मृष्टो जायसे मात्रोः शुचिर्मंद्रः कविरुदतिष्ठो विवस्वतः ।
घृतेन त्वावर्धयन्नग्न आहुत धूमस्ते केतुरभवद्दिवि श्रितः ॥
Samhita Transcription Accented
ásammṛṣṭo jāyase mātróḥ śúcirmandráḥ kavírúdatiṣṭho vivásvataḥ ǀ
ghṛténa tvāvardhayannagna āhuta dhūmáste ketúrabhavaddiví śritáḥ ǁ
Samhita Transcription Nonaccented
asammṛṣṭo jāyase mātroḥ śucirmandraḥ kavirudatiṣṭho vivasvataḥ ǀ
ghṛtena tvāvardhayannagna āhuta dhūmaste keturabhavaddivi śritaḥ ǁ
Padapatha Devanagari Accented
अस॑म्ऽमृष्टः । जा॒य॒से॒ । मा॒त्रोः । शुचिः॑ । म॒न्द्रः । क॒विः । उत् । अ॒ति॒ष्ठः॒ । वि॒वस्व॑तः ।
घृ॒तेन॑ । त्वा॒ । अ॒व॒र्ध॒य॒न् । अ॒ग्ने॒ । आ॒ऽहु॒त॒ । धू॒मः । ते॒ । के॒तुः । अ॒भ॒व॒त् । दि॒वि । श्रि॒तः ॥
Padapatha Devanagari Nonaccented
असम्ऽमृष्टः । जायसे । मात्रोः । शुचिः । मन्द्रः । कविः । उत् । अतिष्ठः । विवस्वतः ।
घृतेन । त्वा । अवर्धयन् । अग्ने । आऽहुत । धूमः । ते । केतुः । अभवत् । दिवि । श्रितः ॥
Padapatha Transcription Accented
ásam-mṛṣṭaḥ ǀ jāyase ǀ mātróḥ ǀ śúciḥ ǀ mandráḥ ǀ kavíḥ ǀ út ǀ atiṣṭhaḥ ǀ vivásvataḥ ǀ
ghṛténa ǀ tvā ǀ avardhayan ǀ agne ǀ ā-huta ǀ dhūmáḥ ǀ te ǀ ketúḥ ǀ abhavat ǀ diví ǀ śritáḥ ǁ
Padapatha Transcription Nonaccented
asam-mṛṣṭaḥ ǀ jāyase ǀ mātroḥ ǀ śuciḥ ǀ mandraḥ ǀ kaviḥ ǀ ut ǀ atiṣṭhaḥ ǀ vivasvataḥ ǀ
ghṛtena ǀ tvā ǀ avardhayan ǀ agne ǀ ā-huta ǀ dhūmaḥ ǀ te ǀ ketuḥ ǀ abhavat ǀ divi ǀ śritaḥ ǁ
05.011.04 (Mandala. Sukta. Rik)
4.1.03.04 (Ashtaka. Adhyaya. Varga. Rik)
05.01.103 (Mandala. Anuvāka. Rik)
Samhita Devanagari Accented
अ॒ग्निर्नो॑ य॒ज्ञमुप॑ वेतु साधु॒याग्निं नरो॒ वि भ॑रंते गृ॒हेगृ॑हे ।
अ॒ग्निर्दू॒तो अ॑भवद्धव्य॒वाह॑नो॒ऽग्निं वृ॑णा॒ना वृ॑णते क॒विक्र॑तुं ॥
Samhita Devanagari Nonaccented
अग्निर्नो यज्ञमुप वेतु साधुयाग्निं नरो वि भरंते गृहेगृहे ।
अग्निर्दूतो अभवद्धव्यवाहनोऽग्निं वृणाना वृणते कविक्रतुं ॥
Samhita Transcription Accented
agnírno yajñámúpa vetu sādhuyā́gním náro ví bharante gṛhégṛhe ǀ
agnírdūtó abhavaddhavyavā́hano’gním vṛṇānā́ vṛṇate kavíkratum ǁ
Samhita Transcription Nonaccented
agnirno yajñamupa vetu sādhuyāgnim naro vi bharante gṛhegṛhe ǀ
agnirdūto abhavaddhavyavāhano’gnim vṛṇānā vṛṇate kavikratum ǁ
Padapatha Devanagari Accented
अ॒ग्निः । नः॒ । य॒ज्ञम् । उप॑ । वे॒तु॒ । सा॒धु॒ऽया । अ॒ग्निम् । नरः॑ । वि । भ॒र॒न्ते॒ । गृ॒हेऽगृ॑हे ।
अ॒ग्निः । दू॒तः । अ॒भ॒व॒त् । ह॒व्य॒ऽवाह॑नः । अ॒ग्निम् । वृ॒णा॒नाः । वृ॒ण॒ते॒ । क॒विऽक्र॑तुम् ॥
Padapatha Devanagari Nonaccented
अग्निः । नः । यज्ञम् । उप । वेतु । साधुऽया । अग्निम् । नरः । वि । भरन्ते । गृहेऽगृहे ।
अग्निः । दूतः । अभवत् । हव्यऽवाहनः । अग्निम् । वृणानाः । वृणते । कविऽक्रतुम् ॥
Padapatha Transcription Accented
agníḥ ǀ naḥ ǀ yajñám ǀ úpa ǀ vetu ǀ sādhu-yā́ ǀ agním ǀ náraḥ ǀ ví ǀ bharante ǀ gṛhé-gṛhe ǀ
agníḥ ǀ dūtáḥ ǀ abhavat ǀ havya-vā́hanaḥ ǀ agním ǀ vṛṇānā́ḥ ǀ vṛṇate ǀ kaví-kratum ǁ
Padapatha Transcription Nonaccented
agniḥ ǀ naḥ ǀ yajñam ǀ upa ǀ vetu ǀ sādhu-yā ǀ agnim ǀ naraḥ ǀ vi ǀ bharante ǀ gṛhe-gṛhe ǀ
agniḥ ǀ dūtaḥ ǀ abhavat ǀ havya-vāhanaḥ ǀ agnim ǀ vṛṇānāḥ ǀ vṛṇate ǀ kavi-kratum ǁ
05.011.05 (Mandala. Sukta. Rik)
4.1.03.05 (Ashtaka. Adhyaya. Varga. Rik)
05.01.104 (Mandala. Anuvāka. Rik)
Samhita Devanagari Accented
तुभ्ये॒दम॑ग्ने॒ मधु॑मत्तमं॒ वच॒स्तुभ्यं॑ मनी॒षा इ॒यम॑स्तु॒ शं हृ॒दे ।
त्वां गिरः॒ सिंधु॑मिवा॒वनी॑र्म॒हीरा पृ॑णंति॒ शव॑सा व॒र्धयं॑ति च ॥
Samhita Devanagari Nonaccented
तुभ्येदमग्ने मधुमत्तमं वचस्तुभ्यं मनीषा इयमस्तु शं हृदे ।
त्वां गिरः सिंधुमिवावनीर्महीरा पृणंति शवसा वर्धयंति च ॥
Samhita Transcription Accented
túbhyedámagne mádhumattamam vácastúbhyam manīṣā́ iyámastu śám hṛdé ǀ
tvā́m gíraḥ síndhumivāvánīrmahī́rā́ pṛṇanti śávasā vardháyanti ca ǁ
Samhita Transcription Nonaccented
tubhyedamagne madhumattamam vacastubhyam manīṣā iyamastu śam hṛde ǀ
tvām giraḥ sindhumivāvanīrmahīrā pṛṇanti śavasā vardhayanti ca ǁ
Padapatha Devanagari Accented
तुभ्य॑ । इ॒दम् । अ॒ग्ने॒ । मधु॑मत्ऽतमम् । वचः॑ । तुभ्य॑म् । म॒नी॒षा । इ॒यम् । अ॒स्तु॒ । शम् । हृ॒दे ।
त्वाम् । गिरः॑ । सिन्धु॑म्ऽइव । अ॒वनीः॑ । म॒हीः । आ । पृ॒ण॒न्ति॒ । शव॑सा । व॒र्धय॑न्ति । च॒ ॥
Padapatha Devanagari Nonaccented
तुभ्य । इदम् । अग्ने । मधुमत्ऽतमम् । वचः । तुभ्यम् । मनीषा । इयम् । अस्तु । शम् । हृदे ।
त्वाम् । गिरः । सिन्धुम्ऽइव । अवनीः । महीः । आ । पृणन्ति । शवसा । वर्धयन्ति । च ॥
Padapatha Transcription Accented
túbhya ǀ idám ǀ agne ǀ mádhumat-tamam ǀ vácaḥ ǀ túbhyam ǀ manīṣā́ ǀ iyám ǀ astu ǀ śám ǀ hṛdé ǀ
tvā́m ǀ gíraḥ ǀ síndhum-iva ǀ avánīḥ ǀ mahī́ḥ ǀ ā́ ǀ pṛṇanti ǀ śávasā ǀ vardháyanti ǀ ca ǁ
Padapatha Transcription Nonaccented
tubhya ǀ idam ǀ agne ǀ madhumat-tamam ǀ vacaḥ ǀ tubhyam ǀ manīṣā ǀ iyam ǀ astu ǀ śam ǀ hṛde ǀ
tvām ǀ giraḥ ǀ sindhum-iva ǀ avanīḥ ǀ mahīḥ ǀ ā ǀ pṛṇanti ǀ śavasā ǀ vardhayanti ǀ ca ǁ
05.011.06 (Mandala. Sukta. Rik)
4.1.03.06 (Ashtaka. Adhyaya. Varga. Rik)
05.01.105 (Mandala. Anuvāka. Rik)
Samhita Devanagari Accented
त्वाम॑ग्ने॒ अंगि॑रसो॒ गुहा॑ हि॒तमन्व॑विंदंछिश्रिया॒णं वने॑वने ।
स जा॑यसे म॒थ्यमा॑नः॒ सहो॑ म॒हत्त्वामा॑हुः॒ सह॑सस्पु॒त्रमं॑गिरः ॥
Samhita Devanagari Nonaccented
त्वामग्ने अंगिरसो गुहा हितमन्वविंदंछिश्रियाणं वनेवने ।
स जायसे मथ्यमानः सहो महत्त्वामाहुः सहसस्पुत्रमंगिरः ॥
Samhita Transcription Accented
tvā́magne áṅgiraso gúhā hitámánvavindañchiśriyāṇám vánevane ǀ
sá jāyase mathyámānaḥ sáho maháttvā́māhuḥ sáhasasputrámaṅgiraḥ ǁ
Samhita Transcription Nonaccented
tvāmagne aṅgiraso guhā hitamanvavindañchiśriyāṇam vanevane ǀ
sa jāyase mathyamānaḥ saho mahattvāmāhuḥ sahasasputramaṅgiraḥ ǁ
Padapatha Devanagari Accented
त्वाम् । अ॒ग्ने॒ । अङ्गि॑रसः । गुहा॑ । हि॒तम् । अनु॑ । अ॒वि॒न्द॒न् । शि॒श्रि॒या॒णम् । वने॑ऽवने ।
सः । जा॒य॒से॒ । म॒थ्यमा॑नः । सहः॑ । म॒हत् । त्वाम् । आ॒हुः॒ । सह॑सः । पु॒त्रम् । अ॒ङ्गि॒रः॒ ॥
Padapatha Devanagari Nonaccented
त्वाम् । अग्ने । अङ्गिरसः । गुहा । हितम् । अनु । अविन्दन् । शिश्रियाणम् । वनेऽवने ।
सः । जायसे । मथ्यमानः । सहः । महत् । त्वाम् । आहुः । सहसः । पुत्रम् । अङ्गिरः ॥
Padapatha Transcription Accented
tvā́m ǀ agne ǀ áṅgirasaḥ ǀ gúhā ǀ hitám ǀ ánu ǀ avindan ǀ śiśriyāṇám ǀ váne-vane ǀ
sáḥ ǀ jāyase ǀ mathyámānaḥ ǀ sáhaḥ ǀ mahát ǀ tvā́m ǀ āhuḥ ǀ sáhasaḥ ǀ putrám ǀ aṅgiraḥ ǁ
Padapatha Transcription Nonaccented
tvām ǀ agne ǀ aṅgirasaḥ ǀ guhā ǀ hitam ǀ anu ǀ avindan ǀ śiśriyāṇam ǀ vane-vane ǀ
saḥ ǀ jāyase ǀ mathyamānaḥ ǀ sahaḥ ǀ mahat ǀ tvām ǀ āhuḥ ǀ sahasaḥ ǀ putram ǀ aṅgiraḥ ǁ