|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 19
|
1. Info |
| To: | agni | |
| From: | vavri ātreya | |
| Metres: | 1st set of styles: gāyatrī (1); nicṛdgāyatrī (2); anuṣṭup (3); bhuriguṣṇik (4); nicṛtpaṅkti (5) 2nd set of styles: gāyatrī (1, 2); anuṣṭubh (3, 4); virāḍrūpā (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.019.01 (Mandala. Sukta. Rik)
4.1.11.01 (Ashtaka. Adhyaya. Varga. Rik)
05.02.021 (Mandala. Anuvāka. Rik)
Samhita Devanagari Accented
अ॒भ्य॑व॒स्थाः प्र जा॑यंते॒ प्र व॒व्रेर्व॒व्रिश्चि॑केत ।
उ॒पस्थे॑ मा॒तुर्वि च॑ष्टे ॥
Samhita Devanagari Nonaccented
अभ्यवस्थाः प्र जायंते प्र वव्रेर्वव्रिश्चिकेत ।
उपस्थे मातुर्वि चष्टे ॥
Samhita Transcription Accented
abhyávasthā́ḥ prá jāyante prá vavrérvavríściketa ǀ
upásthe mātúrví caṣṭe ǁ
Samhita Transcription Nonaccented
abhyavasthāḥ pra jāyante pra vavrervavriściketa ǀ
upasthe māturvi caṣṭe ǁ
Padapatha Devanagari Accented
अ॒भि । अ॒व॒ऽस्थाः । प्र । जा॒य॒न्ते॒ । प्र । व॒व्रेः । व॒व्रिः । चि॒के॒त॒ ।
उ॒पऽस्थे॑ । मा॒तुः । वि । च॒ष्टे॒ ॥
Padapatha Devanagari Nonaccented
अभि । अवऽस्थाः । प्र । जायन्ते । प्र । वव्रेः । वव्रिः । चिकेत ।
उपऽस्थे । मातुः । वि । चष्टे ॥
Padapatha Transcription Accented
abhí ǀ ava-sthā́ḥ ǀ prá ǀ jāyante ǀ prá ǀ vavréḥ ǀ vavríḥ ǀ ciketa ǀ
upá-sthe ǀ mātúḥ ǀ ví ǀ caṣṭe ǁ
Padapatha Transcription Nonaccented
abhi ǀ ava-sthāḥ ǀ pra ǀ jāyante ǀ pra ǀ vavreḥ ǀ vavriḥ ǀ ciketa ǀ
upa-sthe ǀ mātuḥ ǀ vi ǀ caṣṭe ǁ
05.019.02 (Mandala. Sukta. Rik)
4.1.11.02 (Ashtaka. Adhyaya. Varga. Rik)
05.02.022 (Mandala. Anuvāka. Rik)
Samhita Devanagari Accented
जु॒हु॒रे वि चि॒तयं॒तोऽनि॑मिषं नृ॒म्णं पां॑ति ।
आ दृ॒ळ्हां पुरं॑ विविशुः ॥
Samhita Devanagari Nonaccented
जुहुरे वि चितयंतोऽनिमिषं नृम्णं पांति ।
आ दृळ्हां पुरं विविशुः ॥
Samhita Transcription Accented
juhuré ví citáyantó’nimiṣam nṛmṇám pānti ǀ
ā́ dṛḷhā́m púram viviśuḥ ǁ
Samhita Transcription Nonaccented
juhure vi citayanto’nimiṣam nṛmṇam pānti ǀ
ā dṛḷhām puram viviśuḥ ǁ
Padapatha Devanagari Accented
जु॒हु॒रे । वि । चि॒तय॑न्तः । अनि॑ऽमिषम् । नृ॒म्णम् । पा॒न्ति॒ ।
आ । दृ॒ळ्हाम् । पुर॑म् । वि॒वि॒शुः॒ ॥
Padapatha Devanagari Nonaccented
जुहुरे । वि । चितयन्तः । अनिऽमिषम् । नृम्णम् । पान्ति ।
आ । दृळ्हाम् । पुरम् । विविशुः ॥
Padapatha Transcription Accented
juhuré ǀ ví ǀ citáyantaḥ ǀ áni-miṣam ǀ nṛmṇám ǀ pānti ǀ
ā́ ǀ dṛḷhā́m ǀ púram ǀ viviśuḥ ǁ
Padapatha Transcription Nonaccented
juhure ǀ vi ǀ citayantaḥ ǀ ani-miṣam ǀ nṛmṇam ǀ pānti ǀ
ā ǀ dṛḷhām ǀ puram ǀ viviśuḥ ǁ
05.019.03 (Mandala. Sukta. Rik)
4.1.11.03 (Ashtaka. Adhyaya. Varga. Rik)
05.02.023 (Mandala. Anuvāka. Rik)
Samhita Devanagari Accented
आ श्वै॑त्रे॒यस्य॑ जं॒तवो॑ द्यु॒मद्व॑र्धंत कृ॒ष्टयः॑ ।
नि॒ष्कग्री॑वो बृ॒हदु॑क्थ ए॒ना मध्वा॒ न वा॑ज॒युः ॥
Samhita Devanagari Nonaccented
आ श्वैत्रेयस्य जंतवो द्युमद्वर्धंत कृष्टयः ।
निष्कग्रीवो बृहदुक्थ एना मध्वा न वाजयुः ॥
Samhita Transcription Accented
ā́ śvaitreyásya jantávo dyumádvardhanta kṛṣṭáyaḥ ǀ
niṣkágrīvo bṛháduktha enā́ mádhvā ná vājayúḥ ǁ
Samhita Transcription Nonaccented
ā śvaitreyasya jantavo dyumadvardhanta kṛṣṭayaḥ ǀ
niṣkagrīvo bṛhaduktha enā madhvā na vājayuḥ ǁ
Padapatha Devanagari Accented
आ । श्वै॒त्रे॒यस्य॑ । ज॒न्तवः॑ । द्यु॒ऽमत् । व॒र्ध॒न्त॒ । कृ॒ष्टयः॑ ।
नि॒ष्कऽग्री॑वः । बृ॒हत्ऽउ॑क्थः । ए॒ना । मध्वा॑ । न । वा॒ज॒ऽयुः ॥
Padapatha Devanagari Nonaccented
आ । श्वैत्रेयस्य । जन्तवः । द्युऽमत् । वर्धन्त । कृष्टयः ।
निष्कऽग्रीवः । बृहत्ऽउक्थः । एना । मध्वा । न । वाजऽयुः ॥
Padapatha Transcription Accented
ā́ ǀ śvaitreyásya ǀ jantávaḥ ǀ dyu-mát ǀ vardhanta ǀ kṛṣṭáyaḥ ǀ
niṣká-grīvaḥ ǀ bṛhát-ukthaḥ ǀ enā́ ǀ mádhvā ǀ ná ǀ vāja-yúḥ ǁ
Padapatha Transcription Nonaccented
ā ǀ śvaitreyasya ǀ jantavaḥ ǀ dyu-mat ǀ vardhanta ǀ kṛṣṭayaḥ ǀ
niṣka-grīvaḥ ǀ bṛhat-ukthaḥ ǀ enā ǀ madhvā ǀ na ǀ vāja-yuḥ ǁ
05.019.04 (Mandala. Sukta. Rik)
4.1.11.04 (Ashtaka. Adhyaya. Varga. Rik)
05.02.024 (Mandala. Anuvāka. Rik)
Samhita Devanagari Accented
प्रि॒यं दु॒ग्धं न काम्य॒मजा॑मि जा॒म्योः सचा॑ ।
घ॒र्मो न वाज॑जठ॒रोऽद॑ब्धः॒ शश्व॑तो॒ दभः॑ ॥
Samhita Devanagari Nonaccented
प्रियं दुग्धं न काम्यमजामि जाम्योः सचा ।
घर्मो न वाजजठरोऽदब्धः शश्वतो दभः ॥
Samhita Transcription Accented
priyám dugdhám ná kā́myamájāmi jāmyóḥ sácā ǀ
gharmó ná vā́jajaṭharó’dabdhaḥ śáśvato dábhaḥ ǁ
Samhita Transcription Nonaccented
priyam dugdham na kāmyamajāmi jāmyoḥ sacā ǀ
gharmo na vājajaṭharo’dabdhaḥ śaśvato dabhaḥ ǁ
Padapatha Devanagari Accented
प्रि॒यम् । दु॒ग्धम् । न । काम्य॑म् । अजा॑मि । जा॒म्योः । सचा॑ ।
घ॒र्मः । न । वाज॑ऽजठरः । अद॑ब्धः । शश्व॑तः । दभः॑ ॥
Padapatha Devanagari Nonaccented
प्रियम् । दुग्धम् । न । काम्यम् । अजामि । जाम्योः । सचा ।
घर्मः । न । वाजऽजठरः । अदब्धः । शश्वतः । दभः ॥
Padapatha Transcription Accented
priyám ǀ dugdhám ǀ ná ǀ kā́myam ǀ ájāmi ǀ jāmyóḥ ǀ sácā ǀ
gharmáḥ ǀ ná ǀ vā́ja-jaṭharaḥ ǀ ádabdhaḥ ǀ śáśvataḥ ǀ dábhaḥ ǁ
Padapatha Transcription Nonaccented
priyam ǀ dugdham ǀ na ǀ kāmyam ǀ ajāmi ǀ jāmyoḥ ǀ sacā ǀ
gharmaḥ ǀ na ǀ vāja-jaṭharaḥ ǀ adabdhaḥ ǀ śaśvataḥ ǀ dabhaḥ ǁ
05.019.05 (Mandala. Sukta. Rik)
4.1.11.05 (Ashtaka. Adhyaya. Varga. Rik)
05.02.025 (Mandala. Anuvāka. Rik)
Samhita Devanagari Accented
क्रीळ॑न्नो रश्म॒ आ भु॑वः॒ सं भस्म॑ना वा॒युना॒ वेवि॑दानः ।
ता अ॑स्य संधृ॒षजो॒ न ति॒ग्माः सुसं॑शिता व॒क्ष्यो॑ वक्षणे॒स्थाः ॥
Samhita Devanagari Nonaccented
क्रीळन्नो रश्म आ भुवः सं भस्मना वायुना वेविदानः ।
ता अस्य संधृषजो न तिग्माः सुसंशिता वक्ष्यो वक्षणेस्थाः ॥
Samhita Transcription Accented
krī́ḷanno raśma ā́ bhuvaḥ sám bhásmanā vāyúnā vévidānaḥ ǀ
tā́ asya sandhṛṣájo ná tigmā́ḥ súsaṃśitā vakṣyó vakṣaṇesthā́ḥ ǁ
Samhita Transcription Nonaccented
krīḷanno raśma ā bhuvaḥ sam bhasmanā vāyunā vevidānaḥ ǀ
tā asya sandhṛṣajo na tigmāḥ susaṃśitā vakṣyo vakṣaṇesthāḥ ǁ
Padapatha Devanagari Accented
क्रीळ॑न् । नः॒ । र॒श्मे॒ । आ । भु॒वः॒ । सम् । भस्म॑ना । वा॒युना॑ । वेवि॑दानः ।
ताः । अ॒स्य॒ । स॒न् । धृ॒षजः॑ । न । ति॒ग्माः । सुऽसं॑शिताः । व॒क्ष्यः॑ । व॒क्ष॒णे॒ऽस्थाः ॥
Padapatha Devanagari Nonaccented
क्रीळन् । नः । रश्मे । आ । भुवः । सम् । भस्मना । वायुना । वेविदानः ।
ताः । अस्य । सन् । धृषजः । न । तिग्माः । सुऽसंशिताः । वक्ष्यः । वक्षणेऽस्थाः ॥
Padapatha Transcription Accented
krī́ḷan ǀ naḥ ǀ raśme ǀ ā́ ǀ bhuvaḥ ǀ sám ǀ bhásmanā ǀ vāyúnā ǀ vévidānaḥ ǀ
tā́ḥ ǀ asya ǀ san ǀ dhṛṣájaḥ ǀ ná ǀ tigmā́ḥ ǀ sú-saṃśitāḥ ǀ vakṣyáḥ ǀ vakṣaṇe-sthā́ḥ ǁ
Padapatha Transcription Nonaccented
krīḷan ǀ naḥ ǀ raśme ǀ ā ǀ bhuvaḥ ǀ sam ǀ bhasmanā ǀ vāyunā ǀ vevidānaḥ ǀ
tāḥ ǀ asya ǀ san ǀ dhṛṣajaḥ ǀ na ǀ tigmāḥ ǀ su-saṃśitāḥ ǀ vakṣyaḥ ǀ vakṣaṇe-sthāḥ ǁ