|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 67
|
1. Info |
| To: | mitra, varuṇa | |
| From: | yajata ātreya | |
| Metres: | 1st set of styles: nicṛdanuṣṭup (1, 2, 4); virāḍanuṣṭup (3, 5) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.067.01 (Mandala. Sukta. Rik)
4.4.05.01 (Ashtaka. Adhyaya. Varga. Rik)
05.05.087 (Mandala. Anuvāka. Rik)
Samhita Devanagari Accented
बळि॒त्था दे॑व निष्कृ॒तमादि॑त्या यज॒तं बृ॒हत् ।
वरु॑ण॒ मित्रार्य॑म॒न्वर्षि॑ष्ठं क्ष॒त्रमा॑शाथे ॥
Samhita Devanagari Nonaccented
बळित्था देव निष्कृतमादित्या यजतं बृहत् ।
वरुण मित्रार्यमन्वर्षिष्ठं क्षत्रमाशाथे ॥
Samhita Transcription Accented
báḷitthā́ deva niṣkṛtámā́dityā yajatám bṛhát ǀ
váruṇa mítrā́ryamanvárṣiṣṭham kṣatrámāśāthe ǁ
Samhita Transcription Nonaccented
baḷitthā deva niṣkṛtamādityā yajatam bṛhat ǀ
varuṇa mitrāryamanvarṣiṣṭham kṣatramāśāthe ǁ
Padapatha Devanagari Accented
बट् । इ॒त्था । दे॒वा॒ । निः॒ऽकृ॒तम् । आदि॑त्या । य॒ज॒तम् । बृ॒हत् ।
वरु॑ण । मित्र॑ । अर्य॑मन् । वर्षि॑ष्ठम् । क्ष॒त्रम् । आ॒शा॒थे॒ इति॑ ॥
Padapatha Devanagari Nonaccented
बट् । इत्था । देवा । निःऽकृतम् । आदित्या । यजतम् । बृहत् ।
वरुण । मित्र । अर्यमन् । वर्षिष्ठम् । क्षत्रम् । आशाथे इति ॥
Padapatha Transcription Accented
báṭ ǀ itthā́ ǀ devā ǀ niḥ-kṛtám ǀ ā́dityā ǀ yajatám ǀ bṛhát ǀ
váruṇa ǀ mítra ǀ áryaman ǀ várṣiṣṭham ǀ kṣatrám ǀ āśāthe íti ǁ
Padapatha Transcription Nonaccented
baṭ ǀ itthā ǀ devā ǀ niḥ-kṛtam ǀ ādityā ǀ yajatam ǀ bṛhat ǀ
varuṇa ǀ mitra ǀ aryaman ǀ varṣiṣṭham ǀ kṣatram ǀ āśāthe iti ǁ
05.067.02 (Mandala. Sukta. Rik)
4.4.05.02 (Ashtaka. Adhyaya. Varga. Rik)
05.05.088 (Mandala. Anuvāka. Rik)
Samhita Devanagari Accented
आ यद्योनिं॑ हिर॒ण्ययं॒ वरु॑ण॒ मित्र॒ सद॑थः ।
ध॒र्तारा॑ चर्षणी॒नां यं॒तं सु॒म्नं रि॑शादसा ॥
Samhita Devanagari Nonaccented
आ यद्योनिं हिरण्ययं वरुण मित्र सदथः ।
धर्तारा चर्षणीनां यंतं सुम्नं रिशादसा ॥
Samhita Transcription Accented
ā́ yádyónim hiraṇyáyam váruṇa mítra sádathaḥ ǀ
dhartā́rā carṣaṇīnā́m yantám sumnám riśādasā ǁ
Samhita Transcription Nonaccented
ā yadyonim hiraṇyayam varuṇa mitra sadathaḥ ǀ
dhartārā carṣaṇīnām yantam sumnam riśādasā ǁ
Padapatha Devanagari Accented
आ । यत् । योनि॑म् । हि॒र॒ण्यय॑म् । वरु॑ण । मित्र॑ । सद॑थः ।
ध॒र्तारा॑ । च॒र्ष॒णी॒नाम् । य॒न्तम् । सु॒म्नम् । रि॒शा॒द॒सा॒ ॥
Padapatha Devanagari Nonaccented
आ । यत् । योनिम् । हिरण्ययम् । वरुण । मित्र । सदथः ।
धर्तारा । चर्षणीनाम् । यन्तम् । सुम्नम् । रिशादसा ॥
Padapatha Transcription Accented
ā́ ǀ yát ǀ yónim ǀ hiraṇyáyam ǀ váruṇa ǀ mítra ǀ sádathaḥ ǀ
dhartā́rā ǀ carṣaṇīnā́m ǀ yantám ǀ sumnám ǀ riśādasā ǁ
Padapatha Transcription Nonaccented
ā ǀ yat ǀ yonim ǀ hiraṇyayam ǀ varuṇa ǀ mitra ǀ sadathaḥ ǀ
dhartārā ǀ carṣaṇīnām ǀ yantam ǀ sumnam ǀ riśādasā ǁ
05.067.03 (Mandala. Sukta. Rik)
4.4.05.03 (Ashtaka. Adhyaya. Varga. Rik)
05.05.089 (Mandala. Anuvāka. Rik)
Samhita Devanagari Accented
विश्वे॒ हि वि॒श्ववे॑दसो॒ वरु॑णो मि॒त्रो अ॑र्य॒मा ।
व्र॒ता प॒देव॑ सश्चिरे॒ पांति॒ मर्त्यं॑ रि॒षः ॥
Samhita Devanagari Nonaccented
विश्वे हि विश्ववेदसो वरुणो मित्रो अर्यमा ।
व्रता पदेव सश्चिरे पांति मर्त्यं रिषः ॥
Samhita Transcription Accented
víśve hí viśvávedaso váruṇo mitró aryamā́ ǀ
vratā́ padéva saścire pā́nti mártyam riṣáḥ ǁ
Samhita Transcription Nonaccented
viśve hi viśvavedaso varuṇo mitro aryamā ǀ
vratā padeva saścire pānti martyam riṣaḥ ǁ
Padapatha Devanagari Accented
विश्वे॑ । हि । वि॒श्वऽवे॑दसः । वरु॑णः । मि॒त्रः । अ॒र्य॒मा ।
व्र॒ता । प॒दाऽइ॑व । स॒श्चि॒रे॒ । पान्ति॑ । मर्त्य॑म् । रि॒षः ॥
Padapatha Devanagari Nonaccented
विश्वे । हि । विश्वऽवेदसः । वरुणः । मित्रः । अर्यमा ।
व्रता । पदाऽइव । सश्चिरे । पान्ति । मर्त्यम् । रिषः ॥
Padapatha Transcription Accented
víśve ǀ hí ǀ viśvá-vedasaḥ ǀ váruṇaḥ ǀ mitráḥ ǀ aryamā́ ǀ
vratā́ ǀ padā́-iva ǀ saścire ǀ pā́nti ǀ mártyam ǀ riṣáḥ ǁ
Padapatha Transcription Nonaccented
viśve ǀ hi ǀ viśva-vedasaḥ ǀ varuṇaḥ ǀ mitraḥ ǀ aryamā ǀ
vratā ǀ padā-iva ǀ saścire ǀ pānti ǀ martyam ǀ riṣaḥ ǁ
05.067.04 (Mandala. Sukta. Rik)
4.4.05.04 (Ashtaka. Adhyaya. Varga. Rik)
05.05.090 (Mandala. Anuvāka. Rik)
Samhita Devanagari Accented
ते हि स॒त्या ऋ॑त॒स्पृश॑ ऋ॒तावा॑नो॒ जने॑जने ।
सु॒नी॒थासः॑ सु॒दान॑वो॒ऽंहोश्चि॑दुरु॒चक्र॑यः ॥
Samhita Devanagari Nonaccented
ते हि सत्या ऋतस्पृश ऋतावानो जनेजने ।
सुनीथासः सुदानवोऽंहोश्चिदुरुचक्रयः ॥
Samhita Transcription Accented
té hí satyā́ ṛtaspṛ́śa ṛtā́vāno jánejane ǀ
sunīthā́saḥ sudā́navo’ṃhóścidurucákrayaḥ ǁ
Samhita Transcription Nonaccented
te hi satyā ṛtaspṛśa ṛtāvāno janejane ǀ
sunīthāsaḥ sudānavo’ṃhościdurucakrayaḥ ǁ
Padapatha Devanagari Accented
ते । हि । स॒त्याः । ऋ॒त॒ऽस्पृशः॑ । ऋ॒तऽवा॑नः । जने॑ऽजने ।
सु॒ऽनी॒थासः॑ । सु॒ऽदान॑वः । अं॒होः । चि॒त् । उ॒रु॒ऽचक्र॑यः ॥
Padapatha Devanagari Nonaccented
ते । हि । सत्याः । ऋतऽस्पृशः । ऋतऽवानः । जनेऽजने ।
सुऽनीथासः । सुऽदानवः । अंहोः । चित् । उरुऽचक्रयः ॥
Padapatha Transcription Accented
té ǀ hí ǀ satyā́ḥ ǀ ṛta-spṛ́śaḥ ǀ ṛtá-vānaḥ ǀ jáne-jane ǀ
su-nīthā́saḥ ǀ su-dā́navaḥ ǀ aṃhóḥ ǀ cit ǀ uru-cákrayaḥ ǁ
Padapatha Transcription Nonaccented
te ǀ hi ǀ satyāḥ ǀ ṛta-spṛśaḥ ǀ ṛta-vānaḥ ǀ jane-jane ǀ
su-nīthāsaḥ ǀ su-dānavaḥ ǀ aṃhoḥ ǀ cit ǀ uru-cakrayaḥ ǁ
05.067.05 (Mandala. Sukta. Rik)
4.4.05.05 (Ashtaka. Adhyaya. Varga. Rik)
05.05.091 (Mandala. Anuvāka. Rik)
Samhita Devanagari Accented
को नु वां॑ मि॒त्रास्तु॑तो॒ वरु॑णो वा त॒नूनां॑ ।
तत्सु वा॒मेष॑ते म॒तिरत्रि॑भ्य॒ एष॑ते म॒तिः ॥
Samhita Devanagari Nonaccented
को नु वां मित्रास्तुतो वरुणो वा तनूनां ।
तत्सु वामेषते मतिरत्रिभ्य एषते मतिः ॥
Samhita Transcription Accented
kó nú vām mitrā́stuto váruṇo vā tanū́nām ǀ
tátsú vāméṣate matírátribhya éṣate matíḥ ǁ
Samhita Transcription Nonaccented
ko nu vām mitrāstuto varuṇo vā tanūnām ǀ
tatsu vāmeṣate matiratribhya eṣate matiḥ ǁ
Padapatha Devanagari Accented
कः । नु । वा॒म् । मि॒त्र॒ । अस्तु॑तः । वरु॑णः । वा॒ । त॒नूना॑म् ।
तत् । सु । वा॒म् । आ । ई॒ष॒ते॒ । म॒तिः । अत्रि॑ऽभ्यः । आ । ई॒ष॒ते॒ । म॒तिः ॥
Padapatha Devanagari Nonaccented
कः । नु । वाम् । मित्र । अस्तुतः । वरुणः । वा । तनूनाम् ।
तत् । सु । वाम् । आ । ईषते । मतिः । अत्रिऽभ्यः । आ । ईषते । मतिः ॥
Padapatha Transcription Accented
káḥ ǀ nú ǀ vām ǀ mitra ǀ ástutaḥ ǀ váruṇaḥ ǀ vā ǀ tanū́nām ǀ
tát ǀ sú ǀ vām ǀ ā́ ǀ īṣate ǀ matíḥ ǀ átri-bhyaḥ ǀ ā́ ǀ īṣate ǀ matíḥ ǁ
Padapatha Transcription Nonaccented
kaḥ ǀ nu ǀ vām ǀ mitra ǀ astutaḥ ǀ varuṇaḥ ǀ vā ǀ tanūnām ǀ
tat ǀ su ǀ vām ǀ ā ǀ īṣate ǀ matiḥ ǀ atri-bhyaḥ ǀ ā ǀ īṣate ǀ matiḥ ǁ