|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 69
|
1. Info |
| To: | mitra, varuṇa | |
| From: | urucakri ātreya | |
| Metres: | 1st set of styles: nicṛttriṣṭup (1, 2); virāṭtrisṭup (3, 4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.069.01 (Mandala. Sukta. Rik)
4.4.07.01 (Ashtaka. Adhyaya. Varga. Rik)
05.05.097 (Mandala. Anuvāka. Rik)
Samhita Devanagari Accented
त्री रो॑च॒ना व॑रुण॒ त्रीँरु॒त द्यूंत्रीणि॑ मित्र धारयथो॒ रजां॑सि ।
वा॒वृ॒धा॒नाव॒मतिं॑ क्ष॒त्रिय॒स्यानु॑ व्र॒तं रक्ष॑माणावजु॒र्यं ॥
Samhita Devanagari Nonaccented
त्री रोचना वरुण त्रीँरुत द्यूंत्रीणि मित्र धारयथो रजांसि ।
वावृधानावमतिं क्षत्रियस्यानु व्रतं रक्षमाणावजुर्यं ॥
Samhita Transcription Accented
trī́ rocanā́ varuṇa trī́m̐rutá dyū́ntrī́ṇi mitra dhārayatho rájāṃsi ǀ
vāvṛdhānā́vamátim kṣatríyasyā́nu vratám rákṣamāṇāvajuryám ǁ
Samhita Transcription Nonaccented
trī rocanā varuṇa trīm̐ruta dyūntrīṇi mitra dhārayatho rajāṃsi ǀ
vāvṛdhānāvamatim kṣatriyasyānu vratam rakṣamāṇāvajuryam ǁ
Padapatha Devanagari Accented
त्री । रो॒च॒ना । व॒रु॒ण॒ । त्रीन् । उ॒त । द्यून् । त्रीणि॑ । मि॒त्र॒ । धा॒र॒य॒थः॒ । रजां॑सि ।
व॒वृ॒धा॒नौ । अ॒मति॑म् । क्ष॒त्रिय॑स्य । अनु॑ । व्र॒तम् । रक्ष॑माणौ । अ॒जु॒र्यम् ॥
Padapatha Devanagari Nonaccented
त्री । रोचना । वरुण । त्रीन् । उत । द्यून् । त्रीणि । मित्र । धारयथः । रजांसि ।
ववृधानौ । अमतिम् । क्षत्रियस्य । अनु । व्रतम् । रक्षमाणौ । अजुर्यम् ॥
Padapatha Transcription Accented
trī́ ǀ rocanā́ ǀ varuṇa ǀ trī́n ǀ utá ǀ dyū́n ǀ trī́ṇi ǀ mitra ǀ dhārayathaḥ ǀ rájāṃsi ǀ
vavṛdhānáu ǀ amátim ǀ kṣatríyasya ǀ ánu ǀ vratám ǀ rákṣamāṇau ǀ ajuryám ǁ
Padapatha Transcription Nonaccented
trī ǀ rocanā ǀ varuṇa ǀ trīn ǀ uta ǀ dyūn ǀ trīṇi ǀ mitra ǀ dhārayathaḥ ǀ rajāṃsi ǀ
vavṛdhānau ǀ amatim ǀ kṣatriyasya ǀ anu ǀ vratam ǀ rakṣamāṇau ǀ ajuryam ǁ
05.069.02 (Mandala. Sukta. Rik)
4.4.07.02 (Ashtaka. Adhyaya. Varga. Rik)
05.05.098 (Mandala. Anuvāka. Rik)
Samhita Devanagari Accented
इरा॑वतीर्वरुण धे॒नवो॑ वां॒ मधु॑मद्वां॒ सिंध॑वो मित्र दुह्रे ।
त्रय॑स्तस्थुर्वृष॒भास॑स्तिसृ॒णां धि॒षणा॑नां रेतो॒धा वि द्यु॒मंतः॑ ॥
Samhita Devanagari Nonaccented
इरावतीर्वरुण धेनवो वां मधुमद्वां सिंधवो मित्र दुह्रे ।
त्रयस्तस्थुर्वृषभासस्तिसृणां धिषणानां रेतोधा वि द्युमंतः ॥
Samhita Transcription Accented
írāvatīrvaruṇa dhenávo vām mádhumadvām síndhavo mitra duhre ǀ
tráyastasthurvṛṣabhā́sastisṛṇā́m dhiṣáṇānām retodhā́ ví dyumántaḥ ǁ
Samhita Transcription Nonaccented
irāvatīrvaruṇa dhenavo vām madhumadvām sindhavo mitra duhre ǀ
trayastasthurvṛṣabhāsastisṛṇām dhiṣaṇānām retodhā vi dyumantaḥ ǁ
Padapatha Devanagari Accented
इरा॑ऽवतीः । व॒रु॒ण॒ । धे॒नवः॑ । वा॒म् । मधु॑ऽमत् । वा॒म् । सिन्ध॑वः । मि॒त्र॒ । दु॒ह्रे॒ ।
त्रयः॑ । त॒स्थुः॒ । वृ॒ष॒भासः॑ । ति॒सॄ॒णाम् । धि॒षणा॑नाम् । रे॒तः॒ऽधाः । वि । द्यु॒ऽमन्तः॑ ॥
Padapatha Devanagari Nonaccented
इराऽवतीः । वरुण । धेनवः । वाम् । मधुऽमत् । वाम् । सिन्धवः । मित्र । दुह्रे ।
त्रयः । तस्थुः । वृषभासः । तिसॄणाम् । धिषणानाम् । रेतःऽधाः । वि । द्युऽमन्तः ॥
Padapatha Transcription Accented
írā-vatīḥ ǀ varuṇa ǀ dhenávaḥ ǀ vām ǀ mádhu-mat ǀ vām ǀ síndhavaḥ ǀ mitra ǀ duhre ǀ
tráyaḥ ǀ tasthuḥ ǀ vṛṣabhā́saḥ ǀ tisṝṇā́m ǀ dhiṣáṇānām ǀ retaḥ-dhā́ḥ ǀ ví ǀ dyu-mántaḥ ǁ
Padapatha Transcription Nonaccented
irā-vatīḥ ǀ varuṇa ǀ dhenavaḥ ǀ vām ǀ madhu-mat ǀ vām ǀ sindhavaḥ ǀ mitra ǀ duhre ǀ
trayaḥ ǀ tasthuḥ ǀ vṛṣabhāsaḥ ǀ tisṝṇām ǀ dhiṣaṇānām ǀ retaḥ-dhāḥ ǀ vi ǀ dyu-mantaḥ ǁ
05.069.03 (Mandala. Sukta. Rik)
4.4.07.03 (Ashtaka. Adhyaya. Varga. Rik)
05.05.099 (Mandala. Anuvāka. Rik)
Samhita Devanagari Accented
प्रा॒तर्दे॒वीमदि॑तिं जोहवीमि म॒ध्यंदि॑न॒ उदि॑ता॒ सूर्य॑स्य ।
रा॒ये मि॑त्रावरुणा स॒र्वता॒तेळे॑ तो॒काय॒ तन॑याय॒ शं योः ॥
Samhita Devanagari Nonaccented
प्रातर्देवीमदितिं जोहवीमि मध्यंदिन उदिता सूर्यस्य ।
राये मित्रावरुणा सर्वतातेळे तोकाय तनयाय शं योः ॥
Samhita Transcription Accented
prātárdevī́máditim johavīmi madhyáṃdina úditā sū́ryasya ǀ
rāyé mitrāvaruṇā sarvátātéḷe tokā́ya tánayāya śám yóḥ ǁ
Samhita Transcription Nonaccented
prātardevīmaditim johavīmi madhyaṃdina uditā sūryasya ǀ
rāye mitrāvaruṇā sarvatāteḷe tokāya tanayāya śam yoḥ ǁ
Padapatha Devanagari Accented
प्रा॒तः । दे॒वीम् । अदि॑तिम् । जो॒ह॒वी॒मि॒ । म॒ध्यन्दि॑ने । उत्ऽइ॑ता । सूर्य॑स्य ।
रा॒ये । मि॒त्रा॒व॒रु॒णा॒ । स॒र्वऽता॑ता । ईळे॑ । तो॒काय॑ । तन॑याय । शम् । योः ॥
Padapatha Devanagari Nonaccented
प्रातः । देवीम् । अदितिम् । जोहवीमि । मध्यन्दिने । उत्ऽइता । सूर्यस्य ।
राये । मित्रावरुणा । सर्वऽताता । ईळे । तोकाय । तनयाय । शम् । योः ॥
Padapatha Transcription Accented
prātáḥ ǀ devī́m ǀ áditim ǀ johavīmi ǀ madhyándine ǀ út-itā ǀ sū́ryasya ǀ
rāyé ǀ mitrāvaruṇā ǀ sarvá-tātā ǀ ī́ḷe ǀ tokā́ya ǀ tánayāya ǀ śám ǀ yóḥ ǁ
Padapatha Transcription Nonaccented
prātaḥ ǀ devīm ǀ aditim ǀ johavīmi ǀ madhyandine ǀ ut-itā ǀ sūryasya ǀ
rāye ǀ mitrāvaruṇā ǀ sarva-tātā ǀ īḷe ǀ tokāya ǀ tanayāya ǀ śam ǀ yoḥ ǁ
05.069.04 (Mandala. Sukta. Rik)
4.4.07.04 (Ashtaka. Adhyaya. Varga. Rik)
05.05.100 (Mandala. Anuvāka. Rik)
Samhita Devanagari Accented
या ध॒र्तारा॒ रज॑सो रोच॒नस्यो॒तादि॒त्या दि॒व्या पार्थि॑वस्य ।
न वां॑ दे॒वा अ॒मृता॒ आ मि॑नंति व्र॒तानि॑ मित्रावरुणा ध्रु॒वाणि॑ ॥
Samhita Devanagari Nonaccented
या धर्तारा रजसो रोचनस्योतादित्या दिव्या पार्थिवस्य ।
न वां देवा अमृता आ मिनंति व्रतानि मित्रावरुणा ध्रुवाणि ॥
Samhita Transcription Accented
yā́ dhartā́rā rájaso rocanásyotā́dityā́ divyā́ pā́rthivasya ǀ
ná vām devā́ amṛ́tā ā́ minanti vratā́ni mitrāvaruṇā dhruvā́ṇi ǁ
Samhita Transcription Nonaccented
yā dhartārā rajaso rocanasyotādityā divyā pārthivasya ǀ
na vām devā amṛtā ā minanti vratāni mitrāvaruṇā dhruvāṇi ǁ
Padapatha Devanagari Accented
या । ध॒र्तारा॑ । रज॑सः । रो॒च॒नस्य॑ । उ॒त । आ॒दि॒त्या । दि॒व्या । पार्थि॑वस्य ।
न । वा॒म् । दे॒वाः । अ॒मृताः॑ । आ । मि॒न॒न्ति॒ । व्र॒तानि॑ । मि॒त्रा॒व॒रु॒णा॒ । ध्रु॒वाणि॑ ॥
Padapatha Devanagari Nonaccented
या । धर्तारा । रजसः । रोचनस्य । उत । आदित्या । दिव्या । पार्थिवस्य ।
न । वाम् । देवाः । अमृताः । आ । मिनन्ति । व्रतानि । मित्रावरुणा । ध्रुवाणि ॥
Padapatha Transcription Accented
yā́ ǀ dhartā́rā ǀ rájasaḥ ǀ rocanásya ǀ utá ǀ ādityā́ ǀ divyā́ ǀ pā́rthivasya ǀ
ná ǀ vām ǀ devā́ḥ ǀ amṛ́tāḥ ǀ ā́ ǀ minanti ǀ vratā́ni ǀ mitrāvaruṇā ǀ dhruvā́ṇi ǁ
Padapatha Transcription Nonaccented
yā ǀ dhartārā ǀ rajasaḥ ǀ rocanasya ǀ uta ǀ ādityā ǀ divyā ǀ pārthivasya ǀ
na ǀ vām ǀ devāḥ ǀ amṛtāḥ ǀ ā ǀ minanti ǀ vratāni ǀ mitrāvaruṇā ǀ dhruvāṇi ǁ