|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 85
|
1. Info |
| To: | varuṇa | |
| From: | atri bhauma | |
| Metres: | 1st set of styles: nicṛttriṣṭup (3, 4, 6, 8); virāṭtrisṭup (1, 2); svarāṭpaṅkti (5); brāhmyuṣnik (7) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.085.01 (Mandala. Sukta. Rik)
4.4.30.01 (Ashtaka. Adhyaya. Varga. Rik)
05.06.092 (Mandala. Anuvāka. Rik)
Samhita Devanagari Accented
प्र स॒म्राजे॑ बृ॒हद॑र्चा गभी॒रं ब्रह्म॑ प्रि॒यं वरु॑णाय श्रु॒ताय॑ ।
वि यो ज॒घान॑ शमि॒तेव॒ चर्मो॑प॒स्तिरे॑ पृथि॒वीं सूर्या॑य ॥
Samhita Devanagari Nonaccented
प्र सम्राजे बृहदर्चा गभीरं ब्रह्म प्रियं वरुणाय श्रुताय ।
वि यो जघान शमितेव चर्मोपस्तिरे पृथिवीं सूर्याय ॥
Samhita Transcription Accented
prá samrā́je bṛhádarcā gabhīrám bráhma priyám váruṇāya śrutā́ya ǀ
ví yó jaghā́na śamitéva cármopastíre pṛthivī́m sū́ryāya ǁ
Samhita Transcription Nonaccented
pra samrāje bṛhadarcā gabhīram brahma priyam varuṇāya śrutāya ǀ
vi yo jaghāna śamiteva carmopastire pṛthivīm sūryāya ǁ
Padapatha Devanagari Accented
प्र । स॒म्ऽराजे॑ । बृ॒हत् । अ॒र्च॒ । ग॒भी॒रम् । ब्रह्म॑ । प्रि॒यम् । वरु॑णाय । श्रु॒ताय॑ ।
वि । यः । ज॒घान॑ । श॒मि॒ताऽइ॑व । चर्म॑ । उ॒प॒ऽस्तिरे॑ । पृ॒थि॒वीम् । सूर्या॑य ॥
Padapatha Devanagari Nonaccented
प्र । सम्ऽराजे । बृहत् । अर्च । गभीरम् । ब्रह्म । प्रियम् । वरुणाय । श्रुताय ।
वि । यः । जघान । शमिताऽइव । चर्म । उपऽस्तिरे । पृथिवीम् । सूर्याय ॥
Padapatha Transcription Accented
prá ǀ sam-rā́je ǀ bṛhát ǀ arca ǀ gabhīrám ǀ bráhma ǀ priyám ǀ váruṇāya ǀ śrutā́ya ǀ
ví ǀ yáḥ ǀ jaghā́na ǀ śamitā́-iva ǀ cárma ǀ upa-stíre ǀ pṛthivī́m ǀ sū́ryāya ǁ
Padapatha Transcription Nonaccented
pra ǀ sam-rāje ǀ bṛhat ǀ arca ǀ gabhīram ǀ brahma ǀ priyam ǀ varuṇāya ǀ śrutāya ǀ
vi ǀ yaḥ ǀ jaghāna ǀ śamitā-iva ǀ carma ǀ upa-stire ǀ pṛthivīm ǀ sūryāya ǁ
05.085.02 (Mandala. Sukta. Rik)
4.4.30.02 (Ashtaka. Adhyaya. Varga. Rik)
05.06.093 (Mandala. Anuvāka. Rik)
Samhita Devanagari Accented
वने॑षु॒ व्यं१॒॑तरि॑क्षं ततान॒ वाज॒मर्व॑त्सु॒ पय॑ उ॒स्रिया॑सु ।
हृ॒त्सु क्रतुं॒ वरु॑णो अ॒प्स्व१॒॑ग्निं दि॒वि सूर्य॑मदधा॒त्सोम॒मद्रौ॑ ॥
Samhita Devanagari Nonaccented
वनेषु व्यंतरिक्षं ततान वाजमर्वत्सु पय उस्रियासु ।
हृत्सु क्रतुं वरुणो अप्स्वग्निं दिवि सूर्यमदधात्सोममद्रौ ॥
Samhita Transcription Accented
váneṣu vyántárikṣam tatāna vā́jamárvatsu páya usríyāsu ǀ
hṛtsú krátum váruṇo apsvágním diví sū́ryamadadhātsómamádrau ǁ
Samhita Transcription Nonaccented
vaneṣu vyantarikṣam tatāna vājamarvatsu paya usriyāsu ǀ
hṛtsu kratum varuṇo apsvagnim divi sūryamadadhātsomamadrau ǁ
Padapatha Devanagari Accented
वने॑षु । वि । अ॒न्तरि॑क्षम् । त॒ता॒न॒ । वाज॑म् । अर्व॑त्ऽसु । पयः॑ । उ॒स्रिया॑सु ।
हृ॒त्ऽसु । क्रतु॑म् । वरु॑णः । अ॒प्ऽसु । अ॒ग्निम् । दि॒वि । सूर्य॑म् । अ॒द॒धा॒त् । सोम॑म् । अद्रौ॑ ॥
Padapatha Devanagari Nonaccented
वनेषु । वि । अन्तरिक्षम् । ततान । वाजम् । अर्वत्ऽसु । पयः । उस्रियासु ।
हृत्ऽसु । क्रतुम् । वरुणः । अप्ऽसु । अग्निम् । दिवि । सूर्यम् । अदधात् । सोमम् । अद्रौ ॥
Padapatha Transcription Accented
váneṣu ǀ ví ǀ antárikṣam ǀ tatāna ǀ vā́jam ǀ árvat-su ǀ páyaḥ ǀ usríyāsu ǀ
hṛt-sú ǀ krátum ǀ váruṇaḥ ǀ ap-sú ǀ agním ǀ diví ǀ sū́ryam ǀ adadhāt ǀ sómam ǀ ádrau ǁ
Padapatha Transcription Nonaccented
vaneṣu ǀ vi ǀ antarikṣam ǀ tatāna ǀ vājam ǀ arvat-su ǀ payaḥ ǀ usriyāsu ǀ
hṛt-su ǀ kratum ǀ varuṇaḥ ǀ ap-su ǀ agnim ǀ divi ǀ sūryam ǀ adadhāt ǀ somam ǀ adrau ǁ
05.085.03 (Mandala. Sukta. Rik)
4.4.30.03 (Ashtaka. Adhyaya. Varga. Rik)
05.06.094 (Mandala. Anuvāka. Rik)
Samhita Devanagari Accented
नी॒चीन॑बारं॒ वरु॑णः॒ कवं॑धं॒ प्र स॑सर्ज॒ रोद॑सी अं॒तरि॑क्षं ।
तेन॒ विश्व॑स्य॒ भुव॑नस्य॒ राजा॒ यवं॒ न वृ॒ष्टिर्व्यु॑नत्ति॒ भूम॑ ॥
Samhita Devanagari Nonaccented
नीचीनबारं वरुणः कवंधं प्र ससर्ज रोदसी अंतरिक्षं ।
तेन विश्वस्य भुवनस्य राजा यवं न वृष्टिर्व्युनत्ति भूम ॥
Samhita Transcription Accented
nīcī́nabāram váruṇaḥ kávandham prá sasarja ródasī antárikṣam ǀ
téna víśvasya bhúvanasya rā́jā yávam ná vṛṣṭírvyúnatti bhū́ma ǁ
Samhita Transcription Nonaccented
nīcīnabāram varuṇaḥ kavandham pra sasarja rodasī antarikṣam ǀ
tena viśvasya bhuvanasya rājā yavam na vṛṣṭirvyunatti bhūma ǁ
Padapatha Devanagari Accented
नी॒चीन॑ऽबारम् । वरु॑णः । कव॑न्धम् । प्र । स॒स॒र्ज॒ । रोद॑सी॒ इति॑ । अ॒न्तरि॑क्षम् ।
तेन॑ । विश्व॑स्य । भुव॑नस्य । राजा॑ । यव॑म् । न । वृ॒ष्टिः । वि । उ॒न॒त्ति॒ । भूम॑ ॥
Padapatha Devanagari Nonaccented
नीचीनऽबारम् । वरुणः । कवन्धम् । प्र । ससर्ज । रोदसी इति । अन्तरिक्षम् ।
तेन । विश्वस्य । भुवनस्य । राजा । यवम् । न । वृष्टिः । वि । उनत्ति । भूम ॥
Padapatha Transcription Accented
nīcī́na-bāram ǀ váruṇaḥ ǀ kávandham ǀ prá ǀ sasarja ǀ ródasī íti ǀ antárikṣam ǀ
téna ǀ víśvasya ǀ bhúvanasya ǀ rā́jā ǀ yávam ǀ ná ǀ vṛṣṭíḥ ǀ ví ǀ unatti ǀ bhū́ma ǁ
Padapatha Transcription Nonaccented
nīcīna-bāram ǀ varuṇaḥ ǀ kavandham ǀ pra ǀ sasarja ǀ rodasī iti ǀ antarikṣam ǀ
tena ǀ viśvasya ǀ bhuvanasya ǀ rājā ǀ yavam ǀ na ǀ vṛṣṭiḥ ǀ vi ǀ unatti ǀ bhūma ǁ
05.085.04 (Mandala. Sukta. Rik)
4.4.30.04 (Ashtaka. Adhyaya. Varga. Rik)
05.06.095 (Mandala. Anuvāka. Rik)
Samhita Devanagari Accented
उ॒नत्ति॒ भूमिं॑ पृथि॒वीमु॒त द्यां य॒दा दु॒ग्धं वरु॑णो॒ वष्ट्यादित् ।
सम॒भ्रेण॑ वसत॒ पर्व॑तासस्तविषी॒यंतः॑ श्रथयंत वी॒राः ॥
Samhita Devanagari Nonaccented
उनत्ति भूमिं पृथिवीमुत द्यां यदा दुग्धं वरुणो वष्ट्यादित् ।
समभ्रेण वसत पर्वतासस्तविषीयंतः श्रथयंत वीराः ॥
Samhita Transcription Accented
unátti bhū́mim pṛthivī́mutá dyā́m yadā́ dugdhám váruṇo váṣṭyā́dít ǀ
sámabhréṇa vasata párvatāsastaviṣīyántaḥ śrathayanta vīrā́ḥ ǁ
Samhita Transcription Nonaccented
unatti bhūmim pṛthivīmuta dyām yadā dugdham varuṇo vaṣṭyādit ǀ
samabhreṇa vasata parvatāsastaviṣīyantaḥ śrathayanta vīrāḥ ǁ
Padapatha Devanagari Accented
उ॒नत्ति॑ । भूमि॑म् । पृ॒थि॒वीम् । उ॒त । द्याम् । य॒दा । दु॒ग्धम् । वरु॑णः । वष्टि॑ । आत् । इत् ।
सम् । अ॒भ्रेण॑ । व॒स॒त॒ । पर्व॑तासः । त॒वि॒षी॒ऽयन्तः॑ । श्र॒थ॒य॒न्त॒ । वी॒राः ॥
Padapatha Devanagari Nonaccented
उनत्ति । भूमिम् । पृथिवीम् । उत । द्याम् । यदा । दुग्धम् । वरुणः । वष्टि । आत् । इत् ।
सम् । अभ्रेण । वसत । पर्वतासः । तविषीऽयन्तः । श्रथयन्त । वीराः ॥
Padapatha Transcription Accented
unátti ǀ bhū́mim ǀ pṛthivī́m ǀ utá ǀ dyā́m ǀ yadā́ ǀ dugdhám ǀ váruṇaḥ ǀ váṣṭi ǀ ā́t ǀ ít ǀ
sám ǀ abhréṇa ǀ vasata ǀ párvatāsaḥ ǀ taviṣī-yántaḥ ǀ śrathayanta ǀ vīrā́ḥ ǁ
Padapatha Transcription Nonaccented
unatti ǀ bhūmim ǀ pṛthivīm ǀ uta ǀ dyām ǀ yadā ǀ dugdham ǀ varuṇaḥ ǀ vaṣṭi ǀ āt ǀ it ǀ
sam ǀ abhreṇa ǀ vasata ǀ parvatāsaḥ ǀ taviṣī-yantaḥ ǀ śrathayanta ǀ vīrāḥ ǁ
05.085.05 (Mandala. Sukta. Rik)
4.4.30.05 (Ashtaka. Adhyaya. Varga. Rik)
05.06.096 (Mandala. Anuvāka. Rik)
Samhita Devanagari Accented
इ॒मामू॒ ष्वा॑सु॒रस्य॑ श्रु॒तस्य॑ म॒हीं मा॒यां वरु॑णस्य॒ प्र वो॑चं ।
माने॑नेव तस्थि॒वाँ अं॒तरि॑क्षे॒ वि यो म॒मे पृ॑थि॒वीं सूर्ये॑ण ॥
Samhita Devanagari Nonaccented
इमामू ष्वासुरस्य श्रुतस्य महीं मायां वरुणस्य प्र वोचं ।
मानेनेव तस्थिवाँ अंतरिक्षे वि यो ममे पृथिवीं सूर्येण ॥
Samhita Transcription Accented
imā́mū ṣvā́surásya śrutásya mahī́m māyā́m váruṇasya prá vocam ǀ
mā́neneva tasthivā́m̐ antárikṣe ví yó mamé pṛthivī́m sū́ryeṇa ǁ
Samhita Transcription Nonaccented
imāmū ṣvāsurasya śrutasya mahīm māyām varuṇasya pra vocam ǀ
māneneva tasthivām̐ antarikṣe vi yo mame pṛthivīm sūryeṇa ǁ
Padapatha Devanagari Accented
इ॒माम् । ऊं॒ इति॑ । सु । आ॒सु॒रस्य॑ । श्रु॒तस्य॑ । म॒हीम् । मा॒याम् । वरु॑णस्य । प्र । वो॒च॒म् ।
माने॑नऽइव । त॒स्थि॒ऽवान् । अ॒न्तरि॑क्षे । वि । यः । म॒मे । पृ॒थि॒वीम् । सूर्ये॑ण ॥
Padapatha Devanagari Nonaccented
इमाम् । ऊं इति । सु । आसुरस्य । श्रुतस्य । महीम् । मायाम् । वरुणस्य । प्र । वोचम् ।
मानेनऽइव । तस्थिऽवान् । अन्तरिक्षे । वि । यः । ममे । पृथिवीम् । सूर्येण ॥
Padapatha Transcription Accented
imā́m ǀ ūṃ íti ǀ sú ǀ āsurásya ǀ śrutásya ǀ mahī́m ǀ māyā́m ǀ váruṇasya ǀ prá ǀ vocam ǀ
mā́nena-iva ǀ tasthi-vā́n ǀ antárikṣe ǀ ví ǀ yáḥ ǀ mamé ǀ pṛthivī́m ǀ sū́ryeṇa ǁ
Padapatha Transcription Nonaccented
imām ǀ ūṃ iti ǀ su ǀ āsurasya ǀ śrutasya ǀ mahīm ǀ māyām ǀ varuṇasya ǀ pra ǀ vocam ǀ
mānena-iva ǀ tasthi-vān ǀ antarikṣe ǀ vi ǀ yaḥ ǀ mame ǀ pṛthivīm ǀ sūryeṇa ǁ
05.085.06 (Mandala. Sukta. Rik)
4.4.31.01 (Ashtaka. Adhyaya. Varga. Rik)
05.06.097 (Mandala. Anuvāka. Rik)
Samhita Devanagari Accented
इ॒मामू॒ नु क॒वित॑मस्य मा॒यां म॒हीं दे॒वस्य॒ नकि॒रा द॑धर्ष ।
एकं॒ यदु॒द्ना न पृ॒णंत्येनी॑रासिं॒चंती॑र॒वन॑यः समु॒द्रं ॥
Samhita Devanagari Nonaccented
इमामू नु कवितमस्य मायां महीं देवस्य नकिरा दधर्ष ।
एकं यदुद्ना न पृणंत्येनीरासिंचंतीरवनयः समुद्रं ॥
Samhita Transcription Accented
imā́mū nú kavítamasya māyā́m mahī́m devásya nákirā́ dadharṣa ǀ
ékam yádudnā́ ná pṛṇántyénīrāsiñcántīravánayaḥ samudrám ǁ
Samhita Transcription Nonaccented
imāmū nu kavitamasya māyām mahīm devasya nakirā dadharṣa ǀ
ekam yadudnā na pṛṇantyenīrāsiñcantīravanayaḥ samudram ǁ
Padapatha Devanagari Accented
इ॒माम् । ऊं॒ इति॑ । नु । क॒विऽत॑मस्य । मा॒याम् । म॒हीम् । दे॒वस्य॑ । नकिः॑ । आ । द॒ध॒र्ष॒ ।
एक॑म् । यत् । उ॒द्ना । न । पृ॒णन्ति॑ । एनीः॑ । आ॒ऽसि॒ञ्चन्तीः॑ । अ॒वन॑यः । स॒मु॒द्रम् ॥
Padapatha Devanagari Nonaccented
इमाम् । ऊं इति । नु । कविऽतमस्य । मायाम् । महीम् । देवस्य । नकिः । आ । दधर्ष ।
एकम् । यत् । उद्ना । न । पृणन्ति । एनीः । आऽसिञ्चन्तीः । अवनयः । समुद्रम् ॥
Padapatha Transcription Accented
imā́m ǀ ūṃ íti ǀ nú ǀ kaví-tamasya ǀ māyā́m ǀ mahī́m ǀ devásya ǀ nákiḥ ǀ ā́ ǀ dadharṣa ǀ
ékam ǀ yát ǀ udnā́ ǀ ná ǀ pṛṇánti ǀ énīḥ ǀ ā-siñcántīḥ ǀ avánayaḥ ǀ samudrám ǁ
Padapatha Transcription Nonaccented
imām ǀ ūṃ iti ǀ nu ǀ kavi-tamasya ǀ māyām ǀ mahīm ǀ devasya ǀ nakiḥ ǀ ā ǀ dadharṣa ǀ
ekam ǀ yat ǀ udnā ǀ na ǀ pṛṇanti ǀ enīḥ ǀ ā-siñcantīḥ ǀ avanayaḥ ǀ samudram ǁ
05.085.07 (Mandala. Sukta. Rik)
4.4.31.02 (Ashtaka. Adhyaya. Varga. Rik)
05.06.098 (Mandala. Anuvāka. Rik)
Samhita Devanagari Accented
अ॒र्य॒म्यं॑ वरुण मि॒त्र्यं॑ वा॒ सखा॑यं वा॒ सद॒मिद्भ्रात॑रं वा ।
वे॒शं वा॒ नित्यं॑ वरु॒णार॑णं वा॒ यत्सी॒माग॑श्चकृ॒मा शि॒श्रथ॒स्तत् ॥
Samhita Devanagari Nonaccented
अर्यम्यं वरुण मित्र्यं वा सखायं वा सदमिद्भ्रातरं वा ।
वेशं वा नित्यं वरुणारणं वा यत्सीमागश्चकृमा शिश्रथस्तत् ॥
Samhita Transcription Accented
aryamyám varuṇa mitryám vā sákhāyam vā sádamídbhrā́taram vā ǀ
veśám vā nítyam varuṇā́raṇam vā yátsīmā́gaścakṛmā́ śiśráthastát ǁ
Samhita Transcription Nonaccented
aryamyam varuṇa mitryam vā sakhāyam vā sadamidbhrātaram vā ǀ
veśam vā nityam varuṇāraṇam vā yatsīmāgaścakṛmā śiśrathastat ǁ
Padapatha Devanagari Accented
अ॒र्य॒म्य॑म् । व॒रु॒ण॒ । मि॒त्र्य॑म् । वा॒ । सखा॑यम् । वा॒ । सद॑म् । इत् । भ्रात॑रम् । वा॒ ।
वे॒शम् । वा॒ । नित्य॑म् । व॒रु॒ण॒ । अर॑णम् । वा॒ । यत् । सी॒म् । आगः॑ । च॒कृ॒म । शि॒श्रथः॑ । तत् ॥
Padapatha Devanagari Nonaccented
अर्यम्यम् । वरुण । मित्र्यम् । वा । सखायम् । वा । सदम् । इत् । भ्रातरम् । वा ।
वेशम् । वा । नित्यम् । वरुण । अरणम् । वा । यत् । सीम् । आगः । चकृम । शिश्रथः । तत् ॥
Padapatha Transcription Accented
aryamyám ǀ varuṇa ǀ mitryám ǀ vā ǀ sákhāyam ǀ vā ǀ sádam ǀ ít ǀ bhrā́taram ǀ vā ǀ
veśám ǀ vā ǀ nítyam ǀ varuṇa ǀ áraṇam ǀ vā ǀ yát ǀ sīm ǀ ā́gaḥ ǀ cakṛmá ǀ śiśráthaḥ ǀ tát ǁ
Padapatha Transcription Nonaccented
aryamyam ǀ varuṇa ǀ mitryam ǀ vā ǀ sakhāyam ǀ vā ǀ sadam ǀ it ǀ bhrātaram ǀ vā ǀ
veśam ǀ vā ǀ nityam ǀ varuṇa ǀ araṇam ǀ vā ǀ yat ǀ sīm ǀ āgaḥ ǀ cakṛma ǀ śiśrathaḥ ǀ tat ǁ
05.085.08 (Mandala. Sukta. Rik)
4.4.31.03 (Ashtaka. Adhyaya. Varga. Rik)
05.06.099 (Mandala. Anuvāka. Rik)
Samhita Devanagari Accented
कि॒त॒वासो॒ यद्रि॑रि॒पुर्न दी॒वि यद्वा॑ घा स॒त्यमु॒त यन्न वि॒द्म ।
सर्वा॒ ता वि ष्य॑ शिथि॒रेव॑ दे॒वाधा॑ ते स्याम वरुण प्रि॒यासः॑ ॥
Samhita Devanagari Nonaccented
कितवासो यद्रिरिपुर्न दीवि यद्वा घा सत्यमुत यन्न विद्म ।
सर्वा ता वि ष्य शिथिरेव देवाधा ते स्याम वरुण प्रियासः ॥
Samhita Transcription Accented
kitavā́so yádriripúrná dīví yádvā ghā satyámutá yánná vidmá ǀ
sárvā tā́ ví ṣya śithiréva devā́dhā te syāma varuṇa priyā́saḥ ǁ
Samhita Transcription Nonaccented
kitavāso yadriripurna dīvi yadvā ghā satyamuta yanna vidma ǀ
sarvā tā vi ṣya śithireva devādhā te syāma varuṇa priyāsaḥ ǁ
Padapatha Devanagari Accented
कि॒त॒वासः॑ । यत् । रि॒रि॒पुः । न । दी॒वि । यत् । वा॒ । घ॒ । स॒त्यम् । उ॒त । यत् । न । वि॒द्म ।
सर्वा॑ । ता । वि । स्य॒ । शि॒थि॒राऽइ॑व । दे॒व॒ । अध॑ । ते॒ । स्या॒म॒ । व॒रु॒ण॒ । प्रि॒यासः॑ ॥
Padapatha Devanagari Nonaccented
कितवासः । यत् । रिरिपुः । न । दीवि । यत् । वा । घ । सत्यम् । उत । यत् । न । विद्म ।
सर्वा । ता । वि । स्य । शिथिराऽइव । देव । अध । ते । स्याम । वरुण । प्रियासः ॥
Padapatha Transcription Accented
kitavā́saḥ ǀ yát ǀ riripúḥ ǀ ná ǀ dīví ǀ yát ǀ vā ǀ gha ǀ satyám ǀ utá ǀ yát ǀ ná ǀ vidmá ǀ
sárvā ǀ tā́ ǀ ví ǀ sya ǀ śithirā́-iva ǀ deva ǀ ádha ǀ te ǀ syāma ǀ varuṇa ǀ priyā́saḥ ǁ
Padapatha Transcription Nonaccented
kitavāsaḥ ǀ yat ǀ riripuḥ ǀ na ǀ dīvi ǀ yat ǀ vā ǀ gha ǀ satyam ǀ uta ǀ yat ǀ na ǀ vidma ǀ
sarvā ǀ tā ǀ vi ǀ sya ǀ śithirā-iva ǀ deva ǀ adha ǀ te ǀ syāma ǀ varuṇa ǀ priyāsaḥ ǁ