|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 86
|
1. Info |
| To: | agni, indra | |
| From: | atri bhauma | |
| Metres: | 1st set of styles: svarāḍuṣnik (1, 4, 5); virāḍanuṣṭup (2, 3); virāṭpūrvānuṣṭup (6) 2nd set of styles: anuṣṭubh (1-5); virāṭpūrvā (6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.086.01 (Mandala. Sukta. Rik)
4.4.32.01 (Ashtaka. Adhyaya. Varga. Rik)
05.06.100 (Mandala. Anuvāka. Rik)
Samhita Devanagari Accented
इंद्रा॑ग्नी॒ यमव॑थ उ॒भा वाजे॑षु॒ मर्त्यं॑ ।
दृ॒ळ्हा चि॒त्स प्र भे॑दति द्यु॒म्ना वाणी॑रिव त्रि॒तः ॥
Samhita Devanagari Nonaccented
इंद्राग्नी यमवथ उभा वाजेषु मर्त्यं ।
दृळ्हा चित्स प्र भेदति द्युम्ना वाणीरिव त्रितः ॥
Samhita Transcription Accented
índrāgnī yámávatha ubhā́ vā́jeṣu mártyam ǀ
dṛḷhā́ citsá prá bhedati dyumnā́ vā́ṇīriva tritáḥ ǁ
Samhita Transcription Nonaccented
indrāgnī yamavatha ubhā vājeṣu martyam ǀ
dṛḷhā citsa pra bhedati dyumnā vāṇīriva tritaḥ ǁ
Padapatha Devanagari Accented
इन्द्रा॑ग्नी॒ इति॑ । यम् । अव॑थः । उ॒भा । वाजे॑षु । मर्त्य॑म् ।
दृ॒ळ्हा । चि॒त् । सः । प्र । भे॒द॒ति॒ । द्यु॒म्ना । वाणीः॑ऽइव । त्रि॒तः ॥
Padapatha Devanagari Nonaccented
इन्द्राग्नी इति । यम् । अवथः । उभा । वाजेषु । मर्त्यम् ।
दृळ्हा । चित् । सः । प्र । भेदति । द्युम्ना । वाणीःऽइव । त्रितः ॥
Padapatha Transcription Accented
índrāgnī íti ǀ yám ǀ ávathaḥ ǀ ubhā́ ǀ vā́jeṣu ǀ mártyam ǀ
dṛḷhā́ ǀ cit ǀ sáḥ ǀ prá ǀ bhedati ǀ dyumnā́ ǀ vā́ṇīḥ-iva ǀ tritáḥ ǁ
Padapatha Transcription Nonaccented
indrāgnī iti ǀ yam ǀ avathaḥ ǀ ubhā ǀ vājeṣu ǀ martyam ǀ
dṛḷhā ǀ cit ǀ saḥ ǀ pra ǀ bhedati ǀ dyumnā ǀ vāṇīḥ-iva ǀ tritaḥ ǁ
05.086.02 (Mandala. Sukta. Rik)
4.4.32.02 (Ashtaka. Adhyaya. Varga. Rik)
05.06.101 (Mandala. Anuvāka. Rik)
Samhita Devanagari Accented
या पृत॑नासु दु॒ष्टरा॒ या वाजे॑षु श्र॒वाय्या॑ ।
या पंच॑ चर्ष॒णीर॒भीं॑द्रा॒ग्नी ता ह॑वामहे ॥
Samhita Devanagari Nonaccented
या पृतनासु दुष्टरा या वाजेषु श्रवाय्या ।
या पंच चर्षणीरभींद्राग्नी ता हवामहे ॥
Samhita Transcription Accented
yā́ pṛ́tanāsu duṣṭárā yā́ vā́jeṣu śravā́yyā ǀ
yā́ páñca carṣaṇī́rabhī́ndrāgnī́ tā́ havāmahe ǁ
Samhita Transcription Nonaccented
yā pṛtanāsu duṣṭarā yā vājeṣu śravāyyā ǀ
yā pañca carṣaṇīrabhīndrāgnī tā havāmahe ǁ
Padapatha Devanagari Accented
या । पृत॑नासु । दु॒स्तरा॑ । या । वाजे॑षु । श्र॒वाय्या॑ ।
या । पञ्च॑ । च॒र्ष॒णीः । अ॒भि । इ॒न्द्रा॒ग्नी इति॑ । ता । ह॒वा॒म॒हे॒ ॥
Padapatha Devanagari Nonaccented
या । पृतनासु । दुस्तरा । या । वाजेषु । श्रवाय्या ।
या । पञ्च । चर्षणीः । अभि । इन्द्राग्नी इति । ता । हवामहे ॥
Padapatha Transcription Accented
yā́ ǀ pṛ́tanāsu ǀ dustárā ǀ yā́ ǀ vā́jeṣu ǀ śravā́yyā ǀ
yā́ ǀ páñca ǀ carṣaṇī́ḥ ǀ abhí ǀ indrāgnī́ íti ǀ tā́ ǀ havāmahe ǁ
Padapatha Transcription Nonaccented
yā ǀ pṛtanāsu ǀ dustarā ǀ yā ǀ vājeṣu ǀ śravāyyā ǀ
yā ǀ pañca ǀ carṣaṇīḥ ǀ abhi ǀ indrāgnī iti ǀ tā ǀ havāmahe ǁ
05.086.03 (Mandala. Sukta. Rik)
4.4.32.03 (Ashtaka. Adhyaya. Varga. Rik)
05.06.102 (Mandala. Anuvāka. Rik)
Samhita Devanagari Accented
तयो॒रिदम॑व॒च्छव॑स्ति॒ग्मा दि॒द्युन्म॒घोनोः॑ ।
प्रति॒ द्रुणा॒ गभ॑स्त्यो॒र्गवां॑ वृत्र॒घ्न एष॑ते ॥
Samhita Devanagari Nonaccented
तयोरिदमवच्छवस्तिग्मा दिद्युन्मघोनोः ।
प्रति द्रुणा गभस्त्योर्गवां वृत्रघ्न एषते ॥
Samhita Transcription Accented
táyorídámavacchávastigmā́ didyúnmaghónoḥ ǀ
práti drúṇā gábhastyorgávām vṛtraghná éṣate ǁ
Samhita Transcription Nonaccented
tayoridamavacchavastigmā didyunmaghonoḥ ǀ
prati druṇā gabhastyorgavām vṛtraghna eṣate ǁ
Padapatha Devanagari Accented
तयोः॑ । इत् । अम॑ऽवत् । शवः॑ । ति॒ग्मा । दि॒द्युत् । म॒घोनोः॑ ।
प्रति॑ । द्रुणा॑ । गभ॑स्त्योः । गवा॑म् । वृ॒त्र॒ऽघ्ने । आ । ई॒ष॒ते॒ ॥
Padapatha Devanagari Nonaccented
तयोः । इत् । अमऽवत् । शवः । तिग्मा । दिद्युत् । मघोनोः ।
प्रति । द्रुणा । गभस्त्योः । गवाम् । वृत्रऽघ्ने । आ । ईषते ॥
Padapatha Transcription Accented
táyoḥ ǀ ít ǀ áma-vat ǀ śávaḥ ǀ tigmā́ ǀ didyút ǀ maghónoḥ ǀ
práti ǀ drúṇā ǀ gábhastyoḥ ǀ gávām ǀ vṛtra-ghné ǀ ā́ ǀ īṣate ǁ
Padapatha Transcription Nonaccented
tayoḥ ǀ it ǀ ama-vat ǀ śavaḥ ǀ tigmā ǀ didyut ǀ maghonoḥ ǀ
prati ǀ druṇā ǀ gabhastyoḥ ǀ gavām ǀ vṛtra-ghne ǀ ā ǀ īṣate ǁ
05.086.04 (Mandala. Sukta. Rik)
4.4.32.04 (Ashtaka. Adhyaya. Varga. Rik)
05.06.103 (Mandala. Anuvāka. Rik)
Samhita Devanagari Accented
ता वा॒मेषे॒ रथा॑नामिंद्रा॒ग्नी ह॑वामहे ।
पती॑ तु॒रस्य॒ राध॑सो वि॒द्वांसा॒ गिर्व॑णस्तमा ॥
Samhita Devanagari Nonaccented
ता वामेषे रथानामिंद्राग्नी हवामहे ।
पती तुरस्य राधसो विद्वांसा गिर्वणस्तमा ॥
Samhita Transcription Accented
tā́ vāméṣe ráthānāmindrāgnī́ havāmahe ǀ
pátī turásya rā́dhaso vidvā́ṃsā gírvaṇastamā ǁ
Samhita Transcription Nonaccented
tā vāmeṣe rathānāmindrāgnī havāmahe ǀ
patī turasya rādhaso vidvāṃsā girvaṇastamā ǁ
Padapatha Devanagari Accented
आ । वा॒म् । एषे॑ । रथा॑नाम् । इ॒न्द्रा॒ग्नी इति॑ । ह॒वा॒म॒हे॒ ।
पती॒ इति॑ । तु॒रस्य॑ । राध॑सः । वि॒द्वांसा॑ । गिर्व॑णःऽतमा ॥
Padapatha Devanagari Nonaccented
आ । वाम् । एषे । रथानाम् । इन्द्राग्नी इति । हवामहे ।
पती इति । तुरस्य । राधसः । विद्वांसा । गिर्वणःऽतमा ॥
Padapatha Transcription Accented
ā́ ǀ vām ǀ éṣe ǀ ráthānām ǀ indrāgnī́ íti ǀ havāmahe ǀ
pátī íti ǀ turásya ǀ rā́dhasaḥ ǀ vidvā́ṃsā ǀ gírvaṇaḥ-tamā ǁ
Padapatha Transcription Nonaccented
ā ǀ vām ǀ eṣe ǀ rathānām ǀ indrāgnī iti ǀ havāmahe ǀ
patī iti ǀ turasya ǀ rādhasaḥ ǀ vidvāṃsā ǀ girvaṇaḥ-tamā ǁ
05.086.05 (Mandala. Sukta. Rik)
4.4.32.05 (Ashtaka. Adhyaya. Varga. Rik)
05.06.104 (Mandala. Anuvāka. Rik)
Samhita Devanagari Accented
ता वृ॒धंता॒वनु॒ द्यून्मर्ता॑य दे॒वाव॒दभा॑ ।
अर्हं॑ता चित्पु॒रो द॒धेऽंशे॑व दे॒वावर्व॑ते ॥
Samhita Devanagari Nonaccented
ता वृधंतावनु द्यून्मर्ताय देवावदभा ।
अर्हंता चित्पुरो दधेऽंशेव देवावर्वते ॥
Samhita Transcription Accented
tā́ vṛdhántāvánu dyū́nmártāya devā́vadábhā ǀ
árhantā citpuró dadhé’ṃśeva devā́várvate ǁ
Samhita Transcription Nonaccented
tā vṛdhantāvanu dyūnmartāya devāvadabhā ǀ
arhantā citpuro dadhe’ṃśeva devāvarvate ǁ
Padapatha Devanagari Accented
ता । वृ॒धन्तौ॑ । अनु॑ । द्यून् । मर्ता॑य । दे॒वौ । अ॒दभा॑ ।
अर्ह॑न्ता । चि॒त् । पु॒रः । द॒धे॒ । अंशा॑ऽइव । दे॒वौ । अर्व॑ते ॥
Padapatha Devanagari Nonaccented
ता । वृधन्तौ । अनु । द्यून् । मर्ताय । देवौ । अदभा ।
अर्हन्ता । चित् । पुरः । दधे । अंशाऽइव । देवौ । अर्वते ॥
Padapatha Transcription Accented
tā́ ǀ vṛdhántau ǀ ánu ǀ dyū́n ǀ mártāya ǀ deváu ǀ adábhā ǀ
árhantā ǀ cit ǀ puráḥ ǀ dadhe ǀ áṃśā-iva ǀ deváu ǀ árvate ǁ
Padapatha Transcription Nonaccented
tā ǀ vṛdhantau ǀ anu ǀ dyūn ǀ martāya ǀ devau ǀ adabhā ǀ
arhantā ǀ cit ǀ puraḥ ǀ dadhe ǀ aṃśā-iva ǀ devau ǀ arvate ǁ
05.086.06 (Mandala. Sukta. Rik)
4.4.32.06 (Ashtaka. Adhyaya. Varga. Rik)
05.06.105 (Mandala. Anuvāka. Rik)
Samhita Devanagari Accented
ए॒वेंद्रा॒ग्निभ्या॒महा॑वि ह॒व्यं शू॒ष्यं॑ घृ॒तं न पू॒तमद्रि॑भिः ।
ता सू॒रिषु॒ श्रवो॑ बृ॒हद्र॒यिं गृ॒णत्सु॑ दिधृत॒मिषं॑ गृ॒णत्सु॑ दिधृतं ॥
Samhita Devanagari Nonaccented
एवेंद्राग्निभ्यामहावि हव्यं शूष्यं घृतं न पूतमद्रिभिः ।
ता सूरिषु श्रवो बृहद्रयिं गृणत्सु दिधृतमिषं गृणत्सु दिधृतं ॥
Samhita Transcription Accented
evéndrāgníbhyāmáhāvi havyám śūṣyám ghṛtám ná pūtámádribhiḥ ǀ
tā́ sūríṣu śrávo bṛhádrayím gṛṇátsu didhṛtamíṣam gṛṇátsu didhṛtam ǁ
Samhita Transcription Nonaccented
evendrāgnibhyāmahāvi havyam śūṣyam ghṛtam na pūtamadribhiḥ ǀ
tā sūriṣu śravo bṛhadrayim gṛṇatsu didhṛtamiṣam gṛṇatsu didhṛtam ǁ
Padapatha Devanagari Accented
ए॒व । इ॒न्द्रा॒ग्निऽभ्या॑म् । अहा॑वि । ह॒व्यम् । शू॒ष्य॑म् । घृ॒तम् । न । पू॒तम् । अद्रि॑ऽभिः ।
ता । सू॒रिषु॑ । श्रवः॑ । बृ॒हत् । र॒यिम् । गृ॒णत्ऽसु॑ । दि॒धृ॒त॒म् । इष॑म् । गृ॒णत्ऽसु॑ । दि॒धृ॒त॒म् ॥
Padapatha Devanagari Nonaccented
एव । इन्द्राग्निऽभ्याम् । अहावि । हव्यम् । शूष्यम् । घृतम् । न । पूतम् । अद्रिऽभिः ।
ता । सूरिषु । श्रवः । बृहत् । रयिम् । गृणत्ऽसु । दिधृतम् । इषम् । गृणत्ऽसु । दिधृतम् ॥
Padapatha Transcription Accented
evá ǀ indrāgní-bhyām ǀ áhāvi ǀ havyám ǀ śūṣyám ǀ ghṛtám ǀ ná ǀ pūtám ǀ ádri-bhiḥ ǀ
tā́ ǀ sūríṣu ǀ śrávaḥ ǀ bṛhát ǀ rayím ǀ gṛṇát-su ǀ didhṛtam ǀ íṣam ǀ gṛṇát-su ǀ didhṛtam ǁ
Padapatha Transcription Nonaccented
eva ǀ indrāgni-bhyām ǀ ahāvi ǀ havyam ǀ śūṣyam ǀ ghṛtam ǀ na ǀ pūtam ǀ adri-bhiḥ ǀ
tā ǀ sūriṣu ǀ śravaḥ ǀ bṛhat ǀ rayim ǀ gṛṇat-su ǀ didhṛtam ǀ iṣam ǀ gṛṇat-su ǀ didhṛtam ǁ