|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 6
Sūkta 41
|
1. Info |
| To: | indra | |
| From: | bharadvāja bārhaspatya | |
| Metres: | 1st set of styles: triṣṭup (2-4); virāṭtrisṭup (1); bhurikpaṅkti (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
06.041.01 (Mandala. Sukta. Rik)
4.7.13.01 (Ashtaka. Adhyaya. Varga. Rik)
06.03.105 (Mandala. Anuvāka. Rik)
Samhita Devanagari Accented
अहे॑ळमान॒ उप॑ याहि य॒ज्ञं तुभ्यं॑ पवंत॒ इंद॑वः सु॒तासः॑ ।
गावो॒ न व॑ज्रि॒न्त्स्वमोको॒ अच्छेंद्रा ग॑हि प्रथ॒मो य॒ज्ञिया॑नां ॥
Samhita Devanagari Nonaccented
अहेळमान उप याहि यज्ञं तुभ्यं पवंत इंदवः सुतासः ।
गावो न वज्रिन्त्स्वमोको अच्छेंद्रा गहि प्रथमो यज्ञियानां ॥
Samhita Transcription Accented
áheḷamāna úpa yāhi yajñám túbhyam pavanta índavaḥ sutā́saḥ ǀ
gā́vo ná vajrintsvámóko ácchéndrā́ gahi prathamó yajñíyānām ǁ
Samhita Transcription Nonaccented
aheḷamāna upa yāhi yajñam tubhyam pavanta indavaḥ sutāsaḥ ǀ
gāvo na vajrintsvamoko acchendrā gahi prathamo yajñiyānām ǁ
Padapatha Devanagari Accented
अहे॑ळमानः । उप॑ । या॒हि॒ । य॒ज्ञम् । तुभ्य॑म् । प॒व॒न्ते॒ । इन्द॑वः । सु॒तासः॑ ।
गावः॑ । न । व॒ज्रि॒न् । स्वम् । ओकः॑ । अच्छ॑ । इन्द्र॑ । आ । ग॒हि॒ । प्र॒थ॒मः । य॒ज्ञिया॑नाम् ॥
Padapatha Devanagari Nonaccented
अहेळमानः । उप । याहि । यज्ञम् । तुभ्यम् । पवन्ते । इन्दवः । सुतासः ।
गावः । न । वज्रिन् । स्वम् । ओकः । अच्छ । इन्द्र । आ । गहि । प्रथमः । यज्ञियानाम् ॥
Padapatha Transcription Accented
áheḷamānaḥ ǀ úpa ǀ yāhi ǀ yajñám ǀ túbhyam ǀ pavante ǀ índavaḥ ǀ sutā́saḥ ǀ
gā́vaḥ ǀ ná ǀ vajrin ǀ svám ǀ ókaḥ ǀ áccha ǀ índra ǀ ā́ ǀ gahi ǀ prathamáḥ ǀ yajñíyānām ǁ
Padapatha Transcription Nonaccented
aheḷamānaḥ ǀ upa ǀ yāhi ǀ yajñam ǀ tubhyam ǀ pavante ǀ indavaḥ ǀ sutāsaḥ ǀ
gāvaḥ ǀ na ǀ vajrin ǀ svam ǀ okaḥ ǀ accha ǀ indra ǀ ā ǀ gahi ǀ prathamaḥ ǀ yajñiyānām ǁ
06.041.02 (Mandala. Sukta. Rik)
4.7.13.02 (Ashtaka. Adhyaya. Varga. Rik)
06.03.106 (Mandala. Anuvāka. Rik)
Samhita Devanagari Accented
या ते॑ का॒कुत्सुकृ॑ता॒ या वरि॑ष्ठा॒ यया॒ शश्व॒त्पिब॑सि॒ मध्व॑ ऊ॒र्मिं ।
तया॑ पाहि॒ प्र ते॑ अध्व॒र्युर॑स्था॒त्सं ते॒ वज्रो॑ वर्ततामिंद्र ग॒व्युः ॥
Samhita Devanagari Nonaccented
या ते काकुत्सुकृता या वरिष्ठा यया शश्वत्पिबसि मध्व ऊर्मिं ।
तया पाहि प्र ते अध्वर्युरस्थात्सं ते वज्रो वर्ततामिंद्र गव्युः ॥
Samhita Transcription Accented
yā́ te kākútsúkṛtā yā́ váriṣṭhā yáyā śáśvatpíbasi mádhva ūrmím ǀ
táyā pāhi prá te adhvaryúrasthātsám te vájro vartatāmindra gavyúḥ ǁ
Samhita Transcription Nonaccented
yā te kākutsukṛtā yā variṣṭhā yayā śaśvatpibasi madhva ūrmim ǀ
tayā pāhi pra te adhvaryurasthātsam te vajro vartatāmindra gavyuḥ ǁ
Padapatha Devanagari Accented
या । ते॒ । का॒कुत् । सुऽकृ॑ता । या । वरि॑ष्ठा । यया॑ । शश्व॑त् । पिब॑सि । मध्वः॑ । ऊ॒र्मिम् ।
तया॑ । पा॒हि॒ । प्र । ते॒ । अ॒ध्व॒र्युः । अ॒स्था॒त् । सम् । ते॒ । वज्रः॑ । व॒र्त॒ता॒म् । इ॒न्द्र॒ । ग॒व्युः ॥
Padapatha Devanagari Nonaccented
या । ते । काकुत् । सुऽकृता । या । वरिष्ठा । यया । शश्वत् । पिबसि । मध्वः । ऊर्मिम् ।
तया । पाहि । प्र । ते । अध्वर्युः । अस्थात् । सम् । ते । वज्रः । वर्तताम् । इन्द्र । गव्युः ॥
Padapatha Transcription Accented
yā́ ǀ te ǀ kākút ǀ sú-kṛtā ǀ yā́ ǀ váriṣṭhā ǀ yáyā ǀ śáśvat ǀ píbasi ǀ mádhvaḥ ǀ ūrmím ǀ
táyā ǀ pāhi ǀ prá ǀ te ǀ adhvaryúḥ ǀ asthāt ǀ sám ǀ te ǀ vájraḥ ǀ vartatām ǀ indra ǀ gavyúḥ ǁ
Padapatha Transcription Nonaccented
yā ǀ te ǀ kākut ǀ su-kṛtā ǀ yā ǀ variṣṭhā ǀ yayā ǀ śaśvat ǀ pibasi ǀ madhvaḥ ǀ ūrmim ǀ
tayā ǀ pāhi ǀ pra ǀ te ǀ adhvaryuḥ ǀ asthāt ǀ sam ǀ te ǀ vajraḥ ǀ vartatām ǀ indra ǀ gavyuḥ ǁ
06.041.03 (Mandala. Sukta. Rik)
4.7.13.03 (Ashtaka. Adhyaya. Varga. Rik)
06.03.107 (Mandala. Anuvāka. Rik)
Samhita Devanagari Accented
ए॒ष द्र॒प्सो वृ॑ष॒भो वि॒श्वरू॑प॒ इंद्रा॑य॒ वृष्णे॒ सम॑कारि॒ सोमः॑ ।
ए॒तं पि॑ब हरिवः स्थातरुग्र॒ यस्येशि॑षे प्र॒दिवि॒ यस्ते॒ अन्नं॑ ॥
Samhita Devanagari Nonaccented
एष द्रप्सो वृषभो विश्वरूप इंद्राय वृष्णे समकारि सोमः ।
एतं पिब हरिवः स्थातरुग्र यस्येशिषे प्रदिवि यस्ते अन्नं ॥
Samhita Transcription Accented
eṣá drapsó vṛṣabhó viśvárūpa índrāya vṛ́ṣṇe sámakāri sómaḥ ǀ
etám piba harivaḥ sthātarugra yásyéśiṣe pradívi yáste ánnam ǁ
Samhita Transcription Nonaccented
eṣa drapso vṛṣabho viśvarūpa indrāya vṛṣṇe samakāri somaḥ ǀ
etam piba harivaḥ sthātarugra yasyeśiṣe pradivi yaste annam ǁ
Padapatha Devanagari Accented
ए॒षः । द्र॒प्सः । वृ॒ष॒भः । वि॒श्वऽरू॑पः । इन्द्रा॑य । वृष्णे॑ । सम् । अ॒का॒रि॒ । सोमः॑ ।
ए॒तम् । पि॒ब॒ । ह॒रि॒ऽवः॒ । स्था॒तः॒ । उ॒ग्र॒ । यस्य॑ । ईशि॑षे । प्र॒ऽदिवि॑ । यः । ते॒ । अन्न॑म् ॥
Padapatha Devanagari Nonaccented
एषः । द्रप्सः । वृषभः । विश्वऽरूपः । इन्द्राय । वृष्णे । सम् । अकारि । सोमः ।
एतम् । पिब । हरिऽवः । स्थातः । उग्र । यस्य । ईशिषे । प्रऽदिवि । यः । ते । अन्नम् ॥
Padapatha Transcription Accented
eṣáḥ ǀ drapsáḥ ǀ vṛṣabháḥ ǀ viśvá-rūpaḥ ǀ índrāya ǀ vṛ́ṣṇe ǀ sám ǀ akāri ǀ sómaḥ ǀ
etám ǀ piba ǀ hari-vaḥ ǀ sthātaḥ ǀ ugra ǀ yásya ǀ ī́śiṣe ǀ pra-dívi ǀ yáḥ ǀ te ǀ ánnam ǁ
Padapatha Transcription Nonaccented
eṣaḥ ǀ drapsaḥ ǀ vṛṣabhaḥ ǀ viśva-rūpaḥ ǀ indrāya ǀ vṛṣṇe ǀ sam ǀ akāri ǀ somaḥ ǀ
etam ǀ piba ǀ hari-vaḥ ǀ sthātaḥ ǀ ugra ǀ yasya ǀ īśiṣe ǀ pra-divi ǀ yaḥ ǀ te ǀ annam ǁ
06.041.04 (Mandala. Sukta. Rik)
4.7.13.04 (Ashtaka. Adhyaya. Varga. Rik)
06.03.108 (Mandala. Anuvāka. Rik)
Samhita Devanagari Accented
सु॒तः सोमो॒ असु॑तादिंद्र॒ वस्या॑न॒यं श्रेयां॑चिकि॒तुषे॒ रणा॑य ।
ए॒तं ति॑तिर्व॒ उप॑ याहि य॒ज्ञं तेन॒ विश्वा॒स्तवि॑षी॒रा पृ॑णस्व ॥
Samhita Devanagari Nonaccented
सुतः सोमो असुतादिंद्र वस्यानयं श्रेयांचिकितुषे रणाय ।
एतं तितिर्व उप याहि यज्ञं तेन विश्वास्तविषीरा पृणस्व ॥
Samhita Transcription Accented
sutáḥ sómo ásutādindra vásyānayám śréyāñcikitúṣe ráṇāya ǀ
etám titirva úpa yāhi yajñám téna víśvāstáviṣīrā́ pṛṇasva ǁ
Samhita Transcription Nonaccented
sutaḥ somo asutādindra vasyānayam śreyāñcikituṣe raṇāya ǀ
etam titirva upa yāhi yajñam tena viśvāstaviṣīrā pṛṇasva ǁ
Padapatha Devanagari Accented
सु॒तः । सोमः॑ । असु॑तात् । इ॒न्द्र॒ । वस्या॑न् । अ॒यम् । श्रेया॑न् । चि॒कि॒तुषे॑ । रणा॑य ।
ए॒तम् । ति॒ति॒र्वः॒ । उप॑ । या॒हि॒ । य॒ज्ञम् । तेन॑ । विश्वाः॑ । तवि॑षीः । आ । पृ॒ण॒स्व॒ ॥
Padapatha Devanagari Nonaccented
सुतः । सोमः । असुतात् । इन्द्र । वस्यान् । अयम् । श्रेयान् । चिकितुषे । रणाय ।
एतम् । तितिर्वः । उप । याहि । यज्ञम् । तेन । विश्वाः । तविषीः । आ । पृणस्व ॥
Padapatha Transcription Accented
sutáḥ ǀ sómaḥ ǀ ásutāt ǀ indra ǀ vásyān ǀ ayám ǀ śréyān ǀ cikitúṣe ǀ ráṇāya ǀ
etám ǀ titirvaḥ ǀ úpa ǀ yāhi ǀ yajñám ǀ téna ǀ víśvāḥ ǀ táviṣīḥ ǀ ā́ ǀ pṛṇasva ǁ
Padapatha Transcription Nonaccented
sutaḥ ǀ somaḥ ǀ asutāt ǀ indra ǀ vasyān ǀ ayam ǀ śreyān ǀ cikituṣe ǀ raṇāya ǀ
etam ǀ titirvaḥ ǀ upa ǀ yāhi ǀ yajñam ǀ tena ǀ viśvāḥ ǀ taviṣīḥ ǀ ā ǀ pṛṇasva ǁ
06.041.05 (Mandala. Sukta. Rik)
4.7.13.05 (Ashtaka. Adhyaya. Varga. Rik)
06.03.109 (Mandala. Anuvāka. Rik)
Samhita Devanagari Accented
ह्वया॑मसि॒ त्वेंद्र॑ याह्य॒र्वाङरं॑ ते॒ सोम॑स्त॒न्वे॑ भवाति ।
शत॑क्रतो मा॒दय॑स्वा सु॒तेषु॒ प्रास्माँ अ॑व॒ पृत॑नासु॒ प्र वि॒क्षु ॥
Samhita Devanagari Nonaccented
ह्वयामसि त्वेंद्र याह्यर्वाङरं ते सोमस्तन्वे भवाति ।
शतक्रतो मादयस्वा सुतेषु प्रास्माँ अव पृतनासु प्र विक्षु ॥
Samhita Transcription Accented
hváyāmasi tvéndra yāhyarvā́ṅáram te sómastanvé bhavāti ǀ
śátakrato mādáyasvā sutéṣu prā́smā́m̐ ava pṛ́tanāsu prá vikṣú ǁ
Samhita Transcription Nonaccented
hvayāmasi tvendra yāhyarvāṅaram te somastanve bhavāti ǀ
śatakrato mādayasvā suteṣu prāsmām̐ ava pṛtanāsu pra vikṣu ǁ
Padapatha Devanagari Accented
ह्वया॑मसि । त्वा॒ । आ । इ॒न्द्र॒ । या॒हि॒ । अ॒र्वाङ् । अर॑म् । ते॒ । सोमः॑ । त॒न्वे॑ । भ॒वा॒ति॒ ।
शत॑क्रतो॒ इति॒ शत॑ऽक्रतो । मा॒दय॑स्व । सु॒तेषु॑ । प्र । अ॒स्मान् । अ॒व॒ । पृत॑नासु । प्र । वि॒क्षु ॥
Padapatha Devanagari Nonaccented
ह्वयामसि । त्वा । आ । इन्द्र । याहि । अर्वाङ् । अरम् । ते । सोमः । तन्वे । भवाति ।
शतक्रतो इति शतऽक्रतो । मादयस्व । सुतेषु । प्र । अस्मान् । अव । पृतनासु । प्र । विक्षु ॥
Padapatha Transcription Accented
hváyāmasi ǀ tvā ǀ ā́ ǀ indra ǀ yāhi ǀ arvā́ṅ ǀ áram ǀ te ǀ sómaḥ ǀ tanvé ǀ bhavāti ǀ
śátakrato íti śáta-krato ǀ mādáyasva ǀ sutéṣu ǀ prá ǀ asmā́n ǀ ava ǀ pṛ́tanāsu ǀ prá ǀ vikṣú ǁ
Padapatha Transcription Nonaccented
hvayāmasi ǀ tvā ǀ ā ǀ indra ǀ yāhi ǀ arvāṅ ǀ aram ǀ te ǀ somaḥ ǀ tanve ǀ bhavāti ǀ
śatakrato iti śata-krato ǀ mādayasva ǀ suteṣu ǀ pra ǀ asmān ǀ ava ǀ pṛtanāsu ǀ pra ǀ vikṣu ǁ