|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 30
|
1. Info |
| To: | indra | |
| From: | vasiṣṭha maitrāvaruṇi | |
| Metres: | 1st set of styles: svarāṭpaṅkti (4, 5); virāṭtrisṭup (1); nicṛttriṣṭup (2); nicṛtpaṅkti (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.030.01 (Mandala. Sukta. Rik)
5.3.14.01 (Ashtaka. Adhyaya. Varga. Rik)
07.02.104 (Mandala. Anuvāka. Rik)
Samhita Devanagari Accented
आ नो॑ देव॒ शव॑सा याहि शुष्मि॒न्भवा॑ वृ॒ध इं॑द्र रा॒यो अ॒स्य ।
म॒हे नृ॒म्णाय॑ नृपते सुवज्र॒ महि॑ क्ष॒त्राय॒ पौंस्या॑य शूर ॥
Samhita Devanagari Nonaccented
आ नो देव शवसा याहि शुष्मिन्भवा वृध इंद्र रायो अस्य ।
महे नृम्णाय नृपते सुवज्र महि क्षत्राय पौंस्याय शूर ॥
Samhita Transcription Accented
ā́ no deva śávasā yāhi śuṣminbhávā vṛdhá indra rāyó asyá ǀ
mahé nṛmṇā́ya nṛpate suvajra máhi kṣatrā́ya páuṃsyāya śūra ǁ
Samhita Transcription Nonaccented
ā no deva śavasā yāhi śuṣminbhavā vṛdha indra rāyo asya ǀ
mahe nṛmṇāya nṛpate suvajra mahi kṣatrāya pauṃsyāya śūra ǁ
Padapatha Devanagari Accented
आ । नः॒ । दे॒व॒ । शव॑सा । या॒हि॒ । शु॒ष्मि॒न् । भव॑ । वृ॒धः । इ॒न्द्र॒ । रा॒यः । अ॒स्य ।
म॒हे । नृ॒म्णाय॑ । नृ॒ऽप॒ते॒ । सु॒ऽव॒ज्र॒ । महि॑ । क्ष॒त्राय॑ । पौंस्या॑य । शू॒र॒ ॥
Padapatha Devanagari Nonaccented
आ । नः । देव । शवसा । याहि । शुष्मिन् । भव । वृधः । इन्द्र । रायः । अस्य ।
महे । नृम्णाय । नृऽपते । सुऽवज्र । महि । क्षत्राय । पौंस्याय । शूर ॥
Padapatha Transcription Accented
ā́ ǀ naḥ ǀ deva ǀ śávasā ǀ yāhi ǀ śuṣmin ǀ bháva ǀ vṛdháḥ ǀ indra ǀ rāyáḥ ǀ asyá ǀ
mahé ǀ nṛmṇā́ya ǀ nṛ-pate ǀ su-vajra ǀ máhi ǀ kṣatrā́ya ǀ páuṃsyāya ǀ śūra ǁ
Padapatha Transcription Nonaccented
ā ǀ naḥ ǀ deva ǀ śavasā ǀ yāhi ǀ śuṣmin ǀ bhava ǀ vṛdhaḥ ǀ indra ǀ rāyaḥ ǀ asya ǀ
mahe ǀ nṛmṇāya ǀ nṛ-pate ǀ su-vajra ǀ mahi ǀ kṣatrāya ǀ pauṃsyāya ǀ śūra ǁ
07.030.02 (Mandala. Sukta. Rik)
5.3.14.02 (Ashtaka. Adhyaya. Varga. Rik)
07.02.105 (Mandala. Anuvāka. Rik)
Samhita Devanagari Accented
हवं॑त उ त्वा॒ हव्यं॒ विवा॑चि त॒नूषु॒ शूराः॒ सूर्य॑स्य सा॒तौ ।
त्वं विश्वे॑षु॒ सेन्यो॒ जने॑षु॒ त्वं वृ॒त्राणि॑ रंधया सु॒हंतु॑ ॥
Samhita Devanagari Nonaccented
हवंत उ त्वा हव्यं विवाचि तनूषु शूराः सूर्यस्य सातौ ।
त्वं विश्वेषु सेन्यो जनेषु त्वं वृत्राणि रंधया सुहंतु ॥
Samhita Transcription Accented
hávanta u tvā hávyam vívāci tanū́ṣu śū́rāḥ sū́ryasya sātáu ǀ
tvám víśveṣu sényo jáneṣu tvám vṛtrā́ṇi randhayā suhántu ǁ
Samhita Transcription Nonaccented
havanta u tvā havyam vivāci tanūṣu śūrāḥ sūryasya sātau ǀ
tvam viśveṣu senyo janeṣu tvam vṛtrāṇi randhayā suhantu ǁ
Padapatha Devanagari Accented
हव॑न्ते । ऊं॒ इति॑ । त्वा॒ । हव्य॑म् । विऽवा॑चि । त॒नूषु॑ । शूराः॑ । सूर्य॑स्य । सा॒तौ ।
त्वम् । विश्वे॑षु । सेन्यः॑ । जने॑षु । त्वम् । वृ॒त्राणि॑ । र॒न्ध॒य॒ । सु॒ऽहन्तु॑ ॥
Padapatha Devanagari Nonaccented
हवन्ते । ऊं इति । त्वा । हव्यम् । विऽवाचि । तनूषु । शूराः । सूर्यस्य । सातौ ।
त्वम् । विश्वेषु । सेन्यः । जनेषु । त्वम् । वृत्राणि । रन्धय । सुऽहन्तु ॥
Padapatha Transcription Accented
hávante ǀ ūṃ íti ǀ tvā ǀ hávyam ǀ ví-vāci ǀ tanū́ṣu ǀ śū́rāḥ ǀ sū́ryasya ǀ sātáu ǀ
tvám ǀ víśveṣu ǀ sényaḥ ǀ jáneṣu ǀ tvám ǀ vṛtrā́ṇi ǀ randhaya ǀ su-hántu ǁ
Padapatha Transcription Nonaccented
havante ǀ ūṃ iti ǀ tvā ǀ havyam ǀ vi-vāci ǀ tanūṣu ǀ śūrāḥ ǀ sūryasya ǀ sātau ǀ
tvam ǀ viśveṣu ǀ senyaḥ ǀ janeṣu ǀ tvam ǀ vṛtrāṇi ǀ randhaya ǀ su-hantu ǁ
07.030.03 (Mandala. Sukta. Rik)
5.3.14.03 (Ashtaka. Adhyaya. Varga. Rik)
07.02.106 (Mandala. Anuvāka. Rik)
Samhita Devanagari Accented
अहा॒ यदिं॑द्र सु॒दिना॑ व्यु॒च्छांदधो॒ यत्के॒तुमु॑प॒मं स॒मत्सु॑ ।
न्य१॒॑ग्निः सी॑द॒दसु॑रो॒ न होता॑ हुवा॒नो अत्र॑ सु॒भगा॑य दे॒वान् ॥
Samhita Devanagari Nonaccented
अहा यदिंद्र सुदिना व्युच्छांदधो यत्केतुमुपमं समत्सु ।
न्यग्निः सीददसुरो न होता हुवानो अत्र सुभगाय देवान् ॥
Samhita Transcription Accented
áhā yádindra sudínā vyucchā́ndádho yátketúmupamám samátsu ǀ
nyágníḥ sīdadásuro ná hótā huvānó átra subhágāya devā́n ǁ
Samhita Transcription Nonaccented
ahā yadindra sudinā vyucchāndadho yatketumupamam samatsu ǀ
nyagniḥ sīdadasuro na hotā huvāno atra subhagāya devān ǁ
Padapatha Devanagari Accented
अहा॑ । यत् । इ॒न्द्र॒ । सु॒ऽदिना॑ । वि॒ऽउ॒च्छान् । दधः॑ । यत् । के॒तुम् । उ॒प॒ऽमम् । स॒मत्ऽसु॑ ।
नि । अ॒ग्निः । सी॒द॒त् । असु॑रः । न । होता॑ । हु॒वा॒नः । अत्र॑ । सु॒ऽभगा॑य । दे॒वान् ॥
Padapatha Devanagari Nonaccented
अहा । यत् । इन्द्र । सुऽदिना । विऽउच्छान् । दधः । यत् । केतुम् । उपऽमम् । समत्ऽसु ।
नि । अग्निः । सीदत् । असुरः । न । होता । हुवानः । अत्र । सुऽभगाय । देवान् ॥
Padapatha Transcription Accented
áhā ǀ yát ǀ indra ǀ su-dínā ǀ vi-ucchā́n ǀ dádhaḥ ǀ yát ǀ ketúm ǀ upa-mám ǀ samát-su ǀ
ní ǀ agníḥ ǀ sīdat ǀ ásuraḥ ǀ ná ǀ hótā ǀ huvānáḥ ǀ átra ǀ su-bhágāya ǀ devā́n ǁ
Padapatha Transcription Nonaccented
ahā ǀ yat ǀ indra ǀ su-dinā ǀ vi-ucchān ǀ dadhaḥ ǀ yat ǀ ketum ǀ upa-mam ǀ samat-su ǀ
ni ǀ agniḥ ǀ sīdat ǀ asuraḥ ǀ na ǀ hotā ǀ huvānaḥ ǀ atra ǀ su-bhagāya ǀ devān ǁ
07.030.04 (Mandala. Sukta. Rik)
5.3.14.04 (Ashtaka. Adhyaya. Varga. Rik)
07.02.107 (Mandala. Anuvāka. Rik)
Samhita Devanagari Accented
व॒यं ते त॑ इंद्र॒ ये च॑ देव॒ स्तवं॑त शूर॒ दद॑तो म॒घानि॑ ।
यच्छा॑ सू॒रिभ्य॑ उप॒मं वरू॑थं स्वा॒भुवो॑ जर॒णाम॑श्नवंत ॥
Samhita Devanagari Nonaccented
वयं ते त इंद्र ये च देव स्तवंत शूर ददतो मघानि ।
यच्छा सूरिभ्य उपमं वरूथं स्वाभुवो जरणामश्नवंत ॥
Samhita Transcription Accented
vayám té ta indra yé ca deva stávanta śūra dádato maghā́ni ǀ
yácchā sūríbhya upamám várūtham svābhúvo jaraṇā́maśnavanta ǁ
Samhita Transcription Nonaccented
vayam te ta indra ye ca deva stavanta śūra dadato maghāni ǀ
yacchā sūribhya upamam varūtham svābhuvo jaraṇāmaśnavanta ǁ
Padapatha Devanagari Accented
व॒यम् । ते । ते॒ । इ॒न्द्र॒ । ये । च॒ । दे॒व॒ । स्तव॑न्त । शू॒र॒ । दद॑तः । म॒घानि॑ ।
यच्छ॑ । सू॒रिऽभ्यः॑ । उ॒प॒ऽमम् । वरू॑थम् । सु॒ऽआ॒भुवः॑ । ज॒र॒णाम् । अ॒श्न॒व॒न्त॒ ॥
Padapatha Devanagari Nonaccented
वयम् । ते । ते । इन्द्र । ये । च । देव । स्तवन्त । शूर । ददतः । मघानि ।
यच्छ । सूरिऽभ्यः । उपऽमम् । वरूथम् । सुऽआभुवः । जरणाम् । अश्नवन्त ॥
Padapatha Transcription Accented
vayám ǀ té ǀ te ǀ indra ǀ yé ǀ ca ǀ deva ǀ stávanta ǀ śūra ǀ dádataḥ ǀ maghā́ni ǀ
yáccha ǀ sūrí-bhyaḥ ǀ upa-mám ǀ várūtham ǀ su-ābhúvaḥ ǀ jaraṇā́m ǀ aśnavanta ǁ
Padapatha Transcription Nonaccented
vayam ǀ te ǀ te ǀ indra ǀ ye ǀ ca ǀ deva ǀ stavanta ǀ śūra ǀ dadataḥ ǀ maghāni ǀ
yaccha ǀ sūri-bhyaḥ ǀ upa-mam ǀ varūtham ǀ su-ābhuvaḥ ǀ jaraṇām ǀ aśnavanta ǁ
07.030.05 (Mandala. Sukta. Rik)
5.3.14.05 (Ashtaka. Adhyaya. Varga. Rik)
07.02.108 (Mandala. Anuvāka. Rik)
Samhita Devanagari Accented
वो॒चेमेदिंद्रं॑ म॒घवा॑नमेनं म॒हो रा॒यो राध॑सो॒ यद्दद॑न्नः ।
यो अर्च॑तो॒ ब्रह्म॑कृति॒मवि॑ष्ठो यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
वोचेमेदिंद्रं मघवानमेनं महो रायो राधसो यद्ददन्नः ।
यो अर्चतो ब्रह्मकृतिमविष्ठो यूयं पात स्वस्तिभिः सदा नः ॥
Samhita Transcription Accented
vocémédíndram maghávānamenam mahó rāyó rā́dhaso yáddádannaḥ ǀ
yó árcato bráhmakṛtimáviṣṭho yūyám pāta svastíbhiḥ sádā naḥ ǁ
Samhita Transcription Nonaccented
vocemedindram maghavānamenam maho rāyo rādhaso yaddadannaḥ ǀ
yo arcato brahmakṛtimaviṣṭho yūyam pāta svastibhiḥ sadā naḥ ǁ
Padapatha Devanagari Accented
वो॒चेम॑ । इत् । इन्द्र॑म् । म॒घऽवा॑नम् । ए॒न॒म् । म॒हः । रा॒यः । राध॑सः । यत् । दद॑त् । नः॒ ।
यः । अर्च॑तः । ब्रह्म॑ऽकृतिम् । अवि॑ष्ठः । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
वोचेम । इत् । इन्द्रम् । मघऽवानम् । एनम् । महः । रायः । राधसः । यत् । ददत् । नः ।
यः । अर्चतः । ब्रह्मऽकृतिम् । अविष्ठः । यूयम् । पात । स्वस्तिऽभिः । सदा । नः ॥
Padapatha Transcription Accented
vocéma ǀ ít ǀ índram ǀ maghá-vānam ǀ enam ǀ maháḥ ǀ rāyáḥ ǀ rā́dhasaḥ ǀ yát ǀ dádat ǀ naḥ ǀ
yáḥ ǀ árcataḥ ǀ bráhma-kṛtim ǀ áviṣṭhaḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
vocema ǀ it ǀ indram ǀ magha-vānam ǀ enam ǀ mahaḥ ǀ rāyaḥ ǀ rādhasaḥ ǀ yat ǀ dadat ǀ naḥ ǀ
yaḥ ǀ arcataḥ ǀ brahma-kṛtim ǀ aviṣṭhaḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ