|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 29
|
1. Info |
| To: | indra | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (4, 5); svarāṭpaṅkti (1); virāṭtrisṭup (2); paṅktiḥ (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.029.01 (Mandala. Sukta. Rik)
5.3.13.01 (Ashtaka. Adhyaya. Varga. Rik)
07.02.099 (Mandala. Anuvāka. Rik)
Samhita Devanagari Accented
अ॒यं सोम॑ इंद्र॒ तुभ्यं॑ सुन्व॒ आ तु प्र या॑हि हरिव॒स्तदो॑काः ।
पिबा॒ त्व१॒॑स्य सुषु॑तस्य॒ चारो॒र्ददो॑ म॒घानि॑ मघवन्निया॒नः ॥
Samhita Devanagari Nonaccented
अयं सोम इंद्र तुभ्यं सुन्व आ तु प्र याहि हरिवस्तदोकाः ।
पिबा त्वस्य सुषुतस्य चारोर्ददो मघानि मघवन्नियानः ॥
Samhita Transcription Accented
ayám sóma indra túbhyam sunva ā́ tú prá yāhi harivastádokāḥ ǀ
píbā tvásyá súṣutasya cā́rordádo maghā́ni maghavanniyānáḥ ǁ
Samhita Transcription Nonaccented
ayam soma indra tubhyam sunva ā tu pra yāhi harivastadokāḥ ǀ
pibā tvasya suṣutasya cārordado maghāni maghavanniyānaḥ ǁ
Padapatha Devanagari Accented
अ॒यम् । सोमः॑ । इ॒न्द्र॒ । तुभ्य॑म् । सु॒न्वे॒ । आ । तु । प्र । या॒हि॒ । ह॒रि॒ऽवः॒ । तत्ऽओ॑काः ।
पिब॑ । तु । अ॒स्य । सुऽसु॑तस्य । चारोः॑ । ददः॑ । म॒घानि॑ । म॒घ॒ऽव॒न् । इ॒या॒नः ॥
Padapatha Devanagari Nonaccented
अयम् । सोमः । इन्द्र । तुभ्यम् । सुन्वे । आ । तु । प्र । याहि । हरिऽवः । तत्ऽओकाः ।
पिब । तु । अस्य । सुऽसुतस्य । चारोः । ददः । मघानि । मघऽवन् । इयानः ॥
Padapatha Transcription Accented
ayám ǀ sómaḥ ǀ indra ǀ túbhyam ǀ sunve ǀ ā́ ǀ tú ǀ prá ǀ yāhi ǀ hari-vaḥ ǀ tát-okāḥ ǀ
píba ǀ tú ǀ asyá ǀ sú-sutasya ǀ cā́roḥ ǀ dádaḥ ǀ maghā́ni ǀ magha-van ǀ iyānáḥ ǁ
Padapatha Transcription Nonaccented
ayam ǀ somaḥ ǀ indra ǀ tubhyam ǀ sunve ǀ ā ǀ tu ǀ pra ǀ yāhi ǀ hari-vaḥ ǀ tat-okāḥ ǀ
piba ǀ tu ǀ asya ǀ su-sutasya ǀ cāroḥ ǀ dadaḥ ǀ maghāni ǀ magha-van ǀ iyānaḥ ǁ
07.029.02 (Mandala. Sukta. Rik)
5.3.13.02 (Ashtaka. Adhyaya. Varga. Rik)
07.02.100 (Mandala. Anuvāka. Rik)
Samhita Devanagari Accented
ब्रह्म॑न्वीर॒ ब्रह्म॑कृतिं जुषा॒णो॑ऽर्वाची॒नो हरि॑भिर्याहि॒ तूयं॑ ।
अ॒स्मिन्नू॒ षु सव॑ने मादय॒स्वोप॒ ब्रह्मा॑णि शृणव इ॒मा नः॑ ॥
Samhita Devanagari Nonaccented
ब्रह्मन्वीर ब्रह्मकृतिं जुषाणोऽर्वाचीनो हरिभिर्याहि तूयं ।
अस्मिन्नू षु सवने मादयस्वोप ब्रह्माणि शृणव इमा नः ॥
Samhita Transcription Accented
bráhmanvīra bráhmakṛtim juṣāṇo’rvācīnó háribhiryāhi tū́yam ǀ
asmínnū ṣú sávane mādayasvópa bráhmāṇi śṛṇava imā́ naḥ ǁ
Samhita Transcription Nonaccented
brahmanvīra brahmakṛtim juṣāṇo’rvācīno haribhiryāhi tūyam ǀ
asminnū ṣu savane mādayasvopa brahmāṇi śṛṇava imā naḥ ǁ
Padapatha Devanagari Accented
ब्रह्म॑न् । वी॒र॒ । ब्रह्म॑ऽकृतिम् । जु॒षा॒णः । अ॒र्वा॒ची॒नः । हरि॑ऽभिः । या॒हि॒ । तूय॑म् ।
अ॒स्मिन् । ऊं॒ इति॑ । सु । सव॑ने । मा॒द॒य॒स्व॒ । उप॑ । ब्रह्मा॑णि । शृ॒ण॒वः॒ । इ॒मा । नः॒ ॥
Padapatha Devanagari Nonaccented
ब्रह्मन् । वीर । ब्रह्मऽकृतिम् । जुषाणः । अर्वाचीनः । हरिऽभिः । याहि । तूयम् ।
अस्मिन् । ऊं इति । सु । सवने । मादयस्व । उप । ब्रह्माणि । शृणवः । इमा । नः ॥
Padapatha Transcription Accented
bráhman ǀ vīra ǀ bráhma-kṛtim ǀ juṣāṇáḥ ǀ arvācīnáḥ ǀ hári-bhiḥ ǀ yāhi ǀ tū́yam ǀ
asmín ǀ ūṃ íti ǀ sú ǀ sávane ǀ mādayasva ǀ úpa ǀ bráhmāṇi ǀ śṛṇavaḥ ǀ imā́ ǀ naḥ ǁ
Padapatha Transcription Nonaccented
brahman ǀ vīra ǀ brahma-kṛtim ǀ juṣāṇaḥ ǀ arvācīnaḥ ǀ hari-bhiḥ ǀ yāhi ǀ tūyam ǀ
asmin ǀ ūṃ iti ǀ su ǀ savane ǀ mādayasva ǀ upa ǀ brahmāṇi ǀ śṛṇavaḥ ǀ imā ǀ naḥ ǁ
07.029.03 (Mandala. Sukta. Rik)
5.3.13.03 (Ashtaka. Adhyaya. Varga. Rik)
07.02.101 (Mandala. Anuvāka. Rik)
Samhita Devanagari Accented
का ते॑ अ॒स्त्यरं॑कृतिः सू॒क्तैः क॒दा नू॒नं ते॑ मघवंदाशेम ।
विश्वा॑ म॒तीरा त॑तने त्वा॒याधा॑ म इंद्र शृणवो॒ हवे॒मा ॥
Samhita Devanagari Nonaccented
का ते अस्त्यरंकृतिः सूक्तैः कदा नूनं ते मघवंदाशेम ।
विश्वा मतीरा ततने त्वायाधा म इंद्र शृणवो हवेमा ॥
Samhita Transcription Accented
kā́ te astyáraṃkṛtiḥ sūktáiḥ kadā́ nūnám te maghavandāśema ǀ
víśvā matī́rā́ tatane tvāyā́dhā ma indra śṛṇavo hávemā́ ǁ
Samhita Transcription Nonaccented
kā te astyaraṃkṛtiḥ sūktaiḥ kadā nūnam te maghavandāśema ǀ
viśvā matīrā tatane tvāyādhā ma indra śṛṇavo havemā ǁ
Padapatha Devanagari Accented
का । ते॒ । अ॒स्ति॒ । अर॑म्ऽकृतिः । सु॒ऽउ॒क्तैः । क॒दा । नू॒नम् । ते॒ । म॒घ॒ऽव॒न् । दा॒शे॒म॒ ।
विश्वाः॑ । म॒तीः । आ । त॒त॒ने॒ । त्वा॒ऽया । अध॑ । मे॒ । इ॒न्द्र॒ । शृ॒ण॒वः॒ । हवा॑ । इ॒मा ॥
Padapatha Devanagari Nonaccented
का । ते । अस्ति । अरम्ऽकृतिः । सुऽउक्तैः । कदा । नूनम् । ते । मघऽवन् । दाशेम ।
विश्वाः । मतीः । आ । ततने । त्वाऽया । अध । मे । इन्द्र । शृणवः । हवा । इमा ॥
Padapatha Transcription Accented
kā́ ǀ te ǀ asti ǀ áram-kṛtiḥ ǀ su-uktáiḥ ǀ kadā́ ǀ nūnám ǀ te ǀ magha-van ǀ dāśema ǀ
víśvāḥ ǀ matī́ḥ ǀ ā́ ǀ tatane ǀ tvā-yā́ ǀ ádha ǀ me ǀ indra ǀ śṛṇavaḥ ǀ hávā ǀ imā́ ǁ
Padapatha Transcription Nonaccented
kā ǀ te ǀ asti ǀ aram-kṛtiḥ ǀ su-uktaiḥ ǀ kadā ǀ nūnam ǀ te ǀ magha-van ǀ dāśema ǀ
viśvāḥ ǀ matīḥ ǀ ā ǀ tatane ǀ tvā-yā ǀ adha ǀ me ǀ indra ǀ śṛṇavaḥ ǀ havā ǀ imā ǁ
07.029.04 (Mandala. Sukta. Rik)
5.3.13.04 (Ashtaka. Adhyaya. Varga. Rik)
07.02.102 (Mandala. Anuvāka. Rik)
Samhita Devanagari Accented
उ॒तो घा॒ ते पु॑रु॒ष्या॒३॒॑ इदा॑स॒न्येषां॒ पूर्वे॑षा॒मशृ॑णो॒र्ऋषी॑णां ।
अधा॒हं त्वा॑ मघवंजोहवीमि॒ त्वं न॑ इंद्रासि॒ प्रम॑तिः पि॒तेव॑ ॥
Samhita Devanagari Nonaccented
उतो घा ते पुरुष्या इदासन्येषां पूर्वेषामशृणोर्ऋषीणां ।
अधाहं त्वा मघवंजोहवीमि त्वं न इंद्रासि प्रमतिः पितेव ॥
Samhita Transcription Accented
utó ghā té puruṣyā́ ídāsanyéṣām pū́rveṣāmáśṛṇorṛ́ṣīṇām ǀ
ádhāhám tvā maghavañjohavīmi tvám na indrāsi prámatiḥ pitéva ǁ
Samhita Transcription Nonaccented
uto ghā te puruṣyā idāsanyeṣām pūrveṣāmaśṛṇorṛṣīṇām ǀ
adhāham tvā maghavañjohavīmi tvam na indrāsi pramatiḥ piteva ǁ
Padapatha Devanagari Accented
उ॒तो इति॑ । घ॒ । ते । पु॒रु॒ष्याः॑ । इत् । आ॒स॒न् । येषा॑म् । पूर्वे॑षाम् । अशृ॑णोः । ऋषी॑णाम् ।
अध॑ । अ॒हम् । त्वा॒ । म॒घ॒ऽव॒न् । जो॒ह॒वी॒मि॒ । त्वम् । नः॒ । इ॒न्द्र॒ । अ॒सि॒ । प्रऽम॑तिः । पि॒ताऽइ॑व ॥
Padapatha Devanagari Nonaccented
उतो इति । घ । ते । पुरुष्याः । इत् । आसन् । येषाम् । पूर्वेषाम् । अशृणोः । ऋषीणाम् ।
अध । अहम् । त्वा । मघऽवन् । जोहवीमि । त्वम् । नः । इन्द्र । असि । प्रऽमतिः । पिताऽइव ॥
Padapatha Transcription Accented
utó íti ǀ gha ǀ té ǀ puruṣyā́ḥ ǀ ít ǀ āsan ǀ yéṣām ǀ pū́rveṣām ǀ áśṛṇoḥ ǀ ṛ́ṣīṇām ǀ
ádha ǀ ahám ǀ tvā ǀ magha-van ǀ johavīmi ǀ tvám ǀ naḥ ǀ indra ǀ asi ǀ prá-matiḥ ǀ pitā́-iva ǁ
Padapatha Transcription Nonaccented
uto iti ǀ gha ǀ te ǀ puruṣyāḥ ǀ it ǀ āsan ǀ yeṣām ǀ pūrveṣām ǀ aśṛṇoḥ ǀ ṛṣīṇām ǀ
adha ǀ aham ǀ tvā ǀ magha-van ǀ johavīmi ǀ tvam ǀ naḥ ǀ indra ǀ asi ǀ pra-matiḥ ǀ pitā-iva ǁ
07.029.05 (Mandala. Sukta. Rik)
5.3.13.05 (Ashtaka. Adhyaya. Varga. Rik)
07.02.103 (Mandala. Anuvāka. Rik)
Samhita Devanagari Accented
वो॒चेमेदिंद्रं॑ म॒घवा॑नमेनं म॒हो रा॒यो राध॑सो॒ यद्दद॑न्नः ।
यो अर्च॑तो॒ ब्रह्म॑कृति॒मवि॑ष्ठो यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
वोचेमेदिंद्रं मघवानमेनं महो रायो राधसो यद्ददन्नः ।
यो अर्चतो ब्रह्मकृतिमविष्ठो यूयं पात स्वस्तिभिः सदा नः ॥
Samhita Transcription Accented
vocémédíndram maghávānamenam mahó rāyó rā́dhaso yáddádannaḥ ǀ
yó árcato bráhmakṛtimáviṣṭho yūyám pāta svastíbhiḥ sádā naḥ ǁ
Samhita Transcription Nonaccented
vocemedindram maghavānamenam maho rāyo rādhaso yaddadannaḥ ǀ
yo arcato brahmakṛtimaviṣṭho yūyam pāta svastibhiḥ sadā naḥ ǁ
Padapatha Devanagari Accented
वो॒चेम॑ । इत् । इन्द्र॑म् । म॒घऽवा॑नम् । ए॒न॒म् । म॒हः । रा॒यः । राध॑सः । यत् । दद॑त् । नः॒ ।
यः । अर्च॑तः । ब्रह्म॑ऽकृतिम् । अवि॑ष्ठः । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
वोचेम । इत् । इन्द्रम् । मघऽवानम् । एनम् । महः । रायः । राधसः । यत् । ददत् । नः ।
यः । अर्चतः । ब्रह्मऽकृतिम् । अविष्ठः । यूयम् । पात । स्वस्तिऽभिः । सदा । नः ॥
Padapatha Transcription Accented
vocéma ǀ ít ǀ índram ǀ maghá-vānam ǀ enam ǀ maháḥ ǀ rāyáḥ ǀ rā́dhasaḥ ǀ yát ǀ dádat ǀ naḥ ǀ
yáḥ ǀ árcataḥ ǀ bráhma-kṛtim ǀ áviṣṭhaḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
vocema ǀ it ǀ indram ǀ magha-vānam ǀ enam ǀ mahaḥ ǀ rāyaḥ ǀ rādhasaḥ ǀ yat ǀ dadat ǀ naḥ ǀ
yaḥ ǀ arcataḥ ǀ brahma-kṛtim ǀ aviṣṭhaḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ