|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 27
|
1. Info |
| To: | viśvedevās | |
| From: | manu vaivasvata | |
| Metres: | 1st set of styles: paṅktiḥ (2, 8, 14, 20); nicṛtpaṅkti (4, 6, 16, 22); nicṛdbṛhatī (1, 7, 9); virāḍbṛhatī (5, 11, 13); bṛhatī (18, 19, 21); śaṅkummatībṛhatī (3); pādanicṛtpaṅkti (10); ārcīsvarāṭpaṅkti (12); ārcībṛhatī (15); virāṭpaṅkti (17) 2nd set of styles: bṛhatī (1, 3, 5, 7, 9, 11, 13, 15, 17, 19, 21); satobṛhatī (2, 4, 6, 8, 10, 12, 14, 16, 18, 20, 22) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.027.01 (Mandala. Sukta. Rik)
6.2.31.01 (Ashtaka. Adhyaya. Varga. Rik)
08.04.146 (Mandala. Anuvāka. Rik)
Samhita Devanagari Accented
अ॒ग्निरु॒क्थे पु॒रोहि॑तो॒ ग्रावा॑णो ब॒र्हिर॑ध्व॒रे ।
ऋ॒चा या॑मि म॒रुतो॒ ब्रह्म॑ण॒स्पतिं॑ दे॒वाँ अवो॒ वरे॑ण्यं ॥
Samhita Devanagari Nonaccented
अग्निरुक्थे पुरोहितो ग्रावाणो बर्हिरध्वरे ।
ऋचा यामि मरुतो ब्रह्मणस्पतिं देवाँ अवो वरेण्यं ॥
Samhita Transcription Accented
agnírukthé puróhito grā́vāṇo barhíradhvaré ǀ
ṛcā́ yāmi marúto bráhmaṇaspátim devā́m̐ ávo váreṇyam ǁ
Samhita Transcription Nonaccented
agnirukthe purohito grāvāṇo barhiradhvare ǀ
ṛcā yāmi maruto brahmaṇaspatim devām̐ avo vareṇyam ǁ
Padapatha Devanagari Accented
अ॒ग्निः । उ॒क्थे । पु॒रःऽहि॑तः । ग्रावा॑णः । ब॒र्हिः । अ॒ध्व॒रे ।
ऋ॒चा । या॒मि॒ । म॒रुतः॑ । ब्रह्म॑णः । पति॑म् । दे॒वान् । अवः॑ । वरे॑ण्यम् ॥
Padapatha Devanagari Nonaccented
अग्निः । उक्थे । पुरःऽहितः । ग्रावाणः । बर्हिः । अध्वरे ।
ऋचा । यामि । मरुतः । ब्रह्मणः । पतिम् । देवान् । अवः । वरेण्यम् ॥
Padapatha Transcription Accented
agníḥ ǀ ukthé ǀ puráḥ-hitaḥ ǀ grā́vāṇaḥ ǀ barhíḥ ǀ adhvaré ǀ
ṛcā́ ǀ yāmi ǀ marútaḥ ǀ bráhmaṇaḥ ǀ pátim ǀ devā́n ǀ ávaḥ ǀ váreṇyam ǁ
Padapatha Transcription Nonaccented
agniḥ ǀ ukthe ǀ puraḥ-hitaḥ ǀ grāvāṇaḥ ǀ barhiḥ ǀ adhvare ǀ
ṛcā ǀ yāmi ǀ marutaḥ ǀ brahmaṇaḥ ǀ patim ǀ devān ǀ avaḥ ǀ vareṇyam ǁ
08.027.02 (Mandala. Sukta. Rik)
6.2.31.02 (Ashtaka. Adhyaya. Varga. Rik)
08.04.147 (Mandala. Anuvāka. Rik)
Samhita Devanagari Accented
आ प॒शुं गा॑सि पृथि॒वीं वन॒स्पती॑नु॒षासा॒ नक्त॒मोष॑धीः ।
विश्वे॑ च नो वसवो विश्ववेदसो धी॒नां भू॑त प्रावि॒तारः॑ ॥
Samhita Devanagari Nonaccented
आ पशुं गासि पृथिवीं वनस्पतीनुषासा नक्तमोषधीः ।
विश्वे च नो वसवो विश्ववेदसो धीनां भूत प्रावितारः ॥
Samhita Transcription Accented
ā́ paśúm gāsi pṛthivī́m vánaspátīnuṣā́sā náktamóṣadhīḥ ǀ
víśve ca no vasavo viśvavedaso dhīnā́m bhūta prāvitā́raḥ ǁ
Samhita Transcription Nonaccented
ā paśum gāsi pṛthivīm vanaspatīnuṣāsā naktamoṣadhīḥ ǀ
viśve ca no vasavo viśvavedaso dhīnām bhūta prāvitāraḥ ǁ
Padapatha Devanagari Accented
आ । प॒शुम् । गा॒सि॒ । पृ॒थि॒वीम् । वन॒स्पती॑न् । उ॒षसा॑ । नक्त॑म् । ओष॑धीः ।
विश्वे॑ । च॒ । नः॒ । व॒स॒वः॒ । वि॒श्व॒ऽवे॒द॒सः॒ । धी॒नाम् । भू॒त॒ । प्र॒ऽअ॒वि॒तारः॑ ॥
Padapatha Devanagari Nonaccented
आ । पशुम् । गासि । पृथिवीम् । वनस्पतीन् । उषसा । नक्तम् । ओषधीः ।
विश्वे । च । नः । वसवः । विश्वऽवेदसः । धीनाम् । भूत । प्रऽअवितारः ॥
Padapatha Transcription Accented
ā́ ǀ paśúm ǀ gāsi ǀ pṛthivī́m ǀ vánaspátīn ǀ uṣásā ǀ náktam ǀ óṣadhīḥ ǀ
víśve ǀ ca ǀ naḥ ǀ vasavaḥ ǀ viśva-vedasaḥ ǀ dhīnā́m ǀ bhūta ǀ pra-avitā́raḥ ǁ
Padapatha Transcription Nonaccented
ā ǀ paśum ǀ gāsi ǀ pṛthivīm ǀ vanaspatīn ǀ uṣasā ǀ naktam ǀ oṣadhīḥ ǀ
viśve ǀ ca ǀ naḥ ǀ vasavaḥ ǀ viśva-vedasaḥ ǀ dhīnām ǀ bhūta ǀ pra-avitāraḥ ǁ
08.027.03 (Mandala. Sukta. Rik)
6.2.31.03 (Ashtaka. Adhyaya. Varga. Rik)
08.04.148 (Mandala. Anuvāka. Rik)
Samhita Devanagari Accented
प्र सू न॑ एत्वध्व॒रो॒३॒॑ऽग्ना दे॒वेषु॑ पू॒र्व्यः ।
आ॒दि॒त्येषु॒ प्र वरु॑णे धृ॒तव्र॑ते म॒रुत्सु॑ वि॒श्वभा॑नुषु ॥
Samhita Devanagari Nonaccented
प्र सू न एत्वध्वरोऽग्ना देवेषु पूर्व्यः ।
आदित्येषु प्र वरुणे धृतव्रते मरुत्सु विश्वभानुषु ॥
Samhita Transcription Accented
prá sū́ na etvadhvaró’gnā́ devéṣu pūrvyáḥ ǀ
ādityéṣu prá váruṇe dhṛtávrate marútsu viśvábhānuṣu ǁ
Samhita Transcription Nonaccented
pra sū na etvadhvaro’gnā deveṣu pūrvyaḥ ǀ
ādityeṣu pra varuṇe dhṛtavrate marutsu viśvabhānuṣu ǁ
Padapatha Devanagari Accented
प्र । सु । नः॒ । ए॒तु॒ । अ॒ध्व॒रः । अ॒ग्ना । दे॒वेषु॑ । पू॒र्व्यः ।
आ॒दि॒त्येषु॑ । प्र । वरु॑णे । धृ॒तऽव्र॑ते । म॒रुत्ऽसु॑ । वि॒श्वऽभा॑नुषु ॥
Padapatha Devanagari Nonaccented
प्र । सु । नः । एतु । अध्वरः । अग्ना । देवेषु । पूर्व्यः ।
आदित्येषु । प्र । वरुणे । धृतऽव्रते । मरुत्ऽसु । विश्वऽभानुषु ॥
Padapatha Transcription Accented
prá ǀ sú ǀ naḥ ǀ etu ǀ adhvaráḥ ǀ agnā́ ǀ devéṣu ǀ pūrvyáḥ ǀ
ādityéṣu ǀ prá ǀ váruṇe ǀ dhṛtá-vrate ǀ marút-su ǀ viśvá-bhānuṣu ǁ
Padapatha Transcription Nonaccented
pra ǀ su ǀ naḥ ǀ etu ǀ adhvaraḥ ǀ agnā ǀ deveṣu ǀ pūrvyaḥ ǀ
ādityeṣu ǀ pra ǀ varuṇe ǀ dhṛta-vrate ǀ marut-su ǀ viśva-bhānuṣu ǁ
08.027.04 (Mandala. Sukta. Rik)
6.2.31.04 (Ashtaka. Adhyaya. Varga. Rik)
08.04.149 (Mandala. Anuvāka. Rik)
Samhita Devanagari Accented
विश्वे॒ हि ष्मा॒ मन॑वे वि॒श्ववे॑दसो॒ भुव॑न्वृ॒धे रि॒शाद॑सः ।
अरि॑ष्टेभिः पा॒युभि॑र्विश्ववेदसो॒ यंता॑ नोऽवृ॒कं छ॒र्दिः ॥
Samhita Devanagari Nonaccented
विश्वे हि ष्मा मनवे विश्ववेदसो भुवन्वृधे रिशादसः ।
अरिष्टेभिः पायुभिर्विश्ववेदसो यंता नोऽवृकं छर्दिः ॥
Samhita Transcription Accented
víśve hí ṣmā mánave viśvávedaso bhúvanvṛdhé riśā́dasaḥ ǀ
áriṣṭebhiḥ pāyúbhirviśvavedaso yántā no’vṛkám chardíḥ ǁ
Samhita Transcription Nonaccented
viśve hi ṣmā manave viśvavedaso bhuvanvṛdhe riśādasaḥ ǀ
ariṣṭebhiḥ pāyubhirviśvavedaso yantā no’vṛkam chardiḥ ǁ
Padapatha Devanagari Accented
विश्वे॑ । हि । स्म॒ । मन॑वे । वि॒श्वऽवे॑दसः । भुव॑न् । वृ॒धे । रि॒शाद॑सः ।
अरि॑ष्टेभिः । पा॒युऽभिः॑ । वि॒श्व॒ऽवे॒द॒सः॒ । यन्त॑ । नः॒ । अ॒वृ॒कम् । छ॒र्दिः ॥
Padapatha Devanagari Nonaccented
विश्वे । हि । स्म । मनवे । विश्वऽवेदसः । भुवन् । वृधे । रिशादसः ।
अरिष्टेभिः । पायुऽभिः । विश्वऽवेदसः । यन्त । नः । अवृकम् । छर्दिः ॥
Padapatha Transcription Accented
víśve ǀ hí ǀ sma ǀ mánave ǀ viśvá-vedasaḥ ǀ bhúvan ǀ vṛdhé ǀ riśā́dasaḥ ǀ
áriṣṭebhiḥ ǀ pāyú-bhiḥ ǀ viśva-vedasaḥ ǀ yánta ǀ naḥ ǀ avṛkám ǀ chardíḥ ǁ
Padapatha Transcription Nonaccented
viśve ǀ hi ǀ sma ǀ manave ǀ viśva-vedasaḥ ǀ bhuvan ǀ vṛdhe ǀ riśādasaḥ ǀ
ariṣṭebhiḥ ǀ pāyu-bhiḥ ǀ viśva-vedasaḥ ǀ yanta ǀ naḥ ǀ avṛkam ǀ chardiḥ ǁ
08.027.05 (Mandala. Sukta. Rik)
6.2.31.05 (Ashtaka. Adhyaya. Varga. Rik)
08.04.150 (Mandala. Anuvāka. Rik)
Samhita Devanagari Accented
आ नो॑ अ॒द्य सम॑नसो॒ गंता॒ विश्वे॑ स॒जोष॑सः ।
ऋ॒चा गि॒रा मरु॑तो॒ देव्यदि॑ते॒ सद॑ने॒ पस्त्ये॑ महि ॥
Samhita Devanagari Nonaccented
आ नो अद्य समनसो गंता विश्वे सजोषसः ।
ऋचा गिरा मरुतो देव्यदिते सदने पस्त्ये महि ॥
Samhita Transcription Accented
ā́ no adyá sámanaso gántā víśve sajóṣasaḥ ǀ
ṛcā́ girā́ máruto dévyádite sádane pástye mahi ǁ
Samhita Transcription Nonaccented
ā no adya samanaso gantā viśve sajoṣasaḥ ǀ
ṛcā girā maruto devyadite sadane pastye mahi ǁ
Padapatha Devanagari Accented
आ । नः॒ । अ॒द्य । सऽम॑नसः । गन्त॑ । विश्वे॑ । स॒ऽजोष॑सः ।
ऋ॒चा । गि॒रा । मरु॑तः । देवि॑ । अदि॑ते । सद॑ने । पस्त्ये॑ । म॒हि॒ ॥
Padapatha Devanagari Nonaccented
आ । नः । अद्य । सऽमनसः । गन्त । विश्वे । सऽजोषसः ।
ऋचा । गिरा । मरुतः । देवि । अदिते । सदने । पस्त्ये । महि ॥
Padapatha Transcription Accented
ā́ ǀ naḥ ǀ adyá ǀ sá-manasaḥ ǀ gánta ǀ víśve ǀ sa-jóṣasaḥ ǀ
ṛcā́ ǀ girā́ ǀ márutaḥ ǀ dévi ǀ ádite ǀ sádane ǀ pástye ǀ mahi ǁ
Padapatha Transcription Nonaccented
ā ǀ naḥ ǀ adya ǀ sa-manasaḥ ǀ ganta ǀ viśve ǀ sa-joṣasaḥ ǀ
ṛcā ǀ girā ǀ marutaḥ ǀ devi ǀ adite ǀ sadane ǀ pastye ǀ mahi ǁ
08.027.06 (Mandala. Sukta. Rik)
6.2.32.01 (Ashtaka. Adhyaya. Varga. Rik)
08.04.151 (Mandala. Anuvāka. Rik)
Samhita Devanagari Accented
अ॒भि प्रि॒या म॑रुतो॒ या वो॒ अश्व्या॑ ह॒व्या मि॑त्र प्रया॒थन॑ ।
आ ब॒र्हिरिंद्रो॒ वरु॑णस्तु॒रा नर॑ आदि॒त्यासः॑ सदंतु नः ॥
Samhita Devanagari Nonaccented
अभि प्रिया मरुतो या वो अश्व्या हव्या मित्र प्रयाथन ।
आ बर्हिरिंद्रो वरुणस्तुरा नर आदित्यासः सदंतु नः ॥
Samhita Transcription Accented
abhí priyā́ maruto yā́ vo áśvyā havyā́ mitra prayāthána ǀ
ā́ barhíríndro váruṇasturā́ nára ādityā́saḥ sadantu naḥ ǁ
Samhita Transcription Nonaccented
abhi priyā maruto yā vo aśvyā havyā mitra prayāthana ǀ
ā barhirindro varuṇasturā nara ādityāsaḥ sadantu naḥ ǁ
Padapatha Devanagari Accented
अ॒भि । प्रि॒या । म॒रु॒तः॒ । या । वः॒ । अश्व्या॑ । ह॒व्या । मि॒त्र॒ । प्र॒ऽया॒थन॑ ।
आ । ब॒र्हिः । इन्द्रः॑ । वरु॑णः । तु॒राः । नरः॑ । आ॒दि॒त्यासः॑ । स॒द॒न्तु॒ । नः॒ ॥
Padapatha Devanagari Nonaccented
अभि । प्रिया । मरुतः । या । वः । अश्व्या । हव्या । मित्र । प्रऽयाथन ।
आ । बर्हिः । इन्द्रः । वरुणः । तुराः । नरः । आदित्यासः । सदन्तु । नः ॥
Padapatha Transcription Accented
abhí ǀ priyā́ ǀ marutaḥ ǀ yā́ ǀ vaḥ ǀ áśvyā ǀ havyā́ ǀ mitra ǀ pra-yāthána ǀ
ā́ ǀ barhíḥ ǀ índraḥ ǀ váruṇaḥ ǀ turā́ḥ ǀ náraḥ ǀ ādityā́saḥ ǀ sadantu ǀ naḥ ǁ
Padapatha Transcription Nonaccented
abhi ǀ priyā ǀ marutaḥ ǀ yā ǀ vaḥ ǀ aśvyā ǀ havyā ǀ mitra ǀ pra-yāthana ǀ
ā ǀ barhiḥ ǀ indraḥ ǀ varuṇaḥ ǀ turāḥ ǀ naraḥ ǀ ādityāsaḥ ǀ sadantu ǀ naḥ ǁ
08.027.07 (Mandala. Sukta. Rik)
6.2.32.02 (Ashtaka. Adhyaya. Varga. Rik)
08.04.152 (Mandala. Anuvāka. Rik)
Samhita Devanagari Accented
व॒यं वो॑ वृ॒क्तब॑र्हिषो हि॒तप्र॑यस आनु॒षक् ।
सु॒तसो॑मासो वरुण हवामहे मनु॒ष्वदि॒द्धाग्न॑यः ॥
Samhita Devanagari Nonaccented
वयं वो वृक्तबर्हिषो हितप्रयस आनुषक् ।
सुतसोमासो वरुण हवामहे मनुष्वदिद्धाग्नयः ॥
Samhita Transcription Accented
vayám vo vṛktábarhiṣo hitáprayasa ānuṣák ǀ
sutásomāso varuṇa havāmahe manuṣvádiddhā́gnayaḥ ǁ
Samhita Transcription Nonaccented
vayam vo vṛktabarhiṣo hitaprayasa ānuṣak ǀ
sutasomāso varuṇa havāmahe manuṣvadiddhāgnayaḥ ǁ
Padapatha Devanagari Accented
व॒यम् । वः॒ । वृ॒क्तऽब॑र्हिषः । हि॒तऽप्र॑यसः । आ॒नु॒षक् ।
सु॒तऽसो॑मासः । व॒रु॒ण॒ । ह॒वा॒म॒हे॒ । म॒नु॒ष्वत् । इ॒द्धऽअ॑ग्नयः ॥
Padapatha Devanagari Nonaccented
वयम् । वः । वृक्तऽबर्हिषः । हितऽप्रयसः । आनुषक् ।
सुतऽसोमासः । वरुण । हवामहे । मनुष्वत् । इद्धऽअग्नयः ॥
Padapatha Transcription Accented
vayám ǀ vaḥ ǀ vṛktá-barhiṣaḥ ǀ hitá-prayasaḥ ǀ ānuṣák ǀ
sutá-somāsaḥ ǀ varuṇa ǀ havāmahe ǀ manuṣvát ǀ iddhá-agnayaḥ ǁ
Padapatha Transcription Nonaccented
vayam ǀ vaḥ ǀ vṛkta-barhiṣaḥ ǀ hita-prayasaḥ ǀ ānuṣak ǀ
suta-somāsaḥ ǀ varuṇa ǀ havāmahe ǀ manuṣvat ǀ iddha-agnayaḥ ǁ
08.027.08 (Mandala. Sukta. Rik)
6.2.32.03 (Ashtaka. Adhyaya. Varga. Rik)
08.04.153 (Mandala. Anuvāka. Rik)
Samhita Devanagari Accented
आ प्र या॑त॒ मरु॑तो॒ विष्णो॒ अश्वि॑ना॒ पूष॒न्माकी॑नया धि॒या ।
इंद्र॒ आ या॑तु प्रथ॒मः स॑नि॒ष्युभि॒र्वृषा॒ यो वृ॑त्र॒हा गृ॒णे ॥
Samhita Devanagari Nonaccented
आ प्र यात मरुतो विष्णो अश्विना पूषन्माकीनया धिया ।
इंद्र आ यातु प्रथमः सनिष्युभिर्वृषा यो वृत्रहा गृणे ॥
Samhita Transcription Accented
ā́ prá yāta máruto víṣṇo áśvinā pū́ṣanmā́kīnayā dhiyā́ ǀ
índra ā́ yātu prathamáḥ saniṣyúbhirvṛ́ṣā yó vṛtrahā́ gṛṇé ǁ
Samhita Transcription Nonaccented
ā pra yāta maruto viṣṇo aśvinā pūṣanmākīnayā dhiyā ǀ
indra ā yātu prathamaḥ saniṣyubhirvṛṣā yo vṛtrahā gṛṇe ǁ
Padapatha Devanagari Accented
आ । प्र । या॒त॒ । मरु॑तः । विष्णो॒ इति॑ । अश्वि॑ना । पूष॑न् । माकी॑नया । धि॒या ।
इन्द्रः॑ । आ । या॒तु॒ । प्र॒थ॒मः । स॒नि॒ष्युऽभिः॑ । वृषा॑ । यः । वृ॒त्र॒ऽहा । गृ॒णे ॥
Padapatha Devanagari Nonaccented
आ । प्र । यात । मरुतः । विष्णो इति । अश्विना । पूषन् । माकीनया । धिया ।
इन्द्रः । आ । यातु । प्रथमः । सनिष्युऽभिः । वृषा । यः । वृत्रऽहा । गृणे ॥
Padapatha Transcription Accented
ā́ ǀ prá ǀ yāta ǀ márutaḥ ǀ víṣṇo íti ǀ áśvinā ǀ pū́ṣan ǀ mā́kīnayā ǀ dhiyā́ ǀ
índraḥ ǀ ā́ ǀ yātu ǀ prathamáḥ ǀ saniṣyú-bhiḥ ǀ vṛ́ṣā ǀ yáḥ ǀ vṛtra-hā́ ǀ gṛṇé ǁ
Padapatha Transcription Nonaccented
ā ǀ pra ǀ yāta ǀ marutaḥ ǀ viṣṇo iti ǀ aśvinā ǀ pūṣan ǀ mākīnayā ǀ dhiyā ǀ
indraḥ ǀ ā ǀ yātu ǀ prathamaḥ ǀ saniṣyu-bhiḥ ǀ vṛṣā ǀ yaḥ ǀ vṛtra-hā ǀ gṛṇe ǁ
08.027.09 (Mandala. Sukta. Rik)
6.2.32.04 (Ashtaka. Adhyaya. Varga. Rik)
08.04.154 (Mandala. Anuvāka. Rik)
Samhita Devanagari Accented
वि नो॑ देवासो अद्रु॒होऽच्छि॑द्रं॒ शर्म॑ यच्छत ।
न यद्दू॒राद्व॑सवो॒ नू चि॒दंति॑तो॒ वरू॑थमाद॒धर्ष॑ति ॥
Samhita Devanagari Nonaccented
वि नो देवासो अद्रुहोऽच्छिद्रं शर्म यच्छत ।
न यद्दूराद्वसवो नू चिदंतितो वरूथमादधर्षति ॥
Samhita Transcription Accented
ví no devāso adruhó’cchidram śárma yacchata ǀ
ná yáddūrā́dvasavo nū́ cidántito várūthamādadhárṣati ǁ
Samhita Transcription Nonaccented
vi no devāso adruho’cchidram śarma yacchata ǀ
na yaddūrādvasavo nū cidantito varūthamādadharṣati ǁ
Padapatha Devanagari Accented
वि । नः॒ । दे॒वा॒सः॒ । अ॒द्रु॒हः॒ । अच्छि॑द्रम् । शर्म॑ । य॒च्छ॒त॒ ।
न । यत् । दू॒रात् । व॒स॒वः॒ । नु । चि॒त् । अन्ति॑तः । वरू॑थम् । आ॒ऽद॒धर्ष॑ति ॥
Padapatha Devanagari Nonaccented
वि । नः । देवासः । अद्रुहः । अच्छिद्रम् । शर्म । यच्छत ।
न । यत् । दूरात् । वसवः । नु । चित् । अन्तितः । वरूथम् । आऽदधर्षति ॥
Padapatha Transcription Accented
ví ǀ naḥ ǀ devāsaḥ ǀ adruhaḥ ǀ ácchidram ǀ śárma ǀ yacchata ǀ
ná ǀ yát ǀ dūrā́t ǀ vasavaḥ ǀ nú ǀ cit ǀ ántitaḥ ǀ várūtham ǀ ā-dadhárṣati ǁ
Padapatha Transcription Nonaccented
vi ǀ naḥ ǀ devāsaḥ ǀ adruhaḥ ǀ acchidram ǀ śarma ǀ yacchata ǀ
na ǀ yat ǀ dūrāt ǀ vasavaḥ ǀ nu ǀ cit ǀ antitaḥ ǀ varūtham ǀ ā-dadharṣati ǁ
08.027.10 (Mandala. Sukta. Rik)
6.2.32.05 (Ashtaka. Adhyaya. Varga. Rik)
08.04.155 (Mandala. Anuvāka. Rik)
Samhita Devanagari Accented
अस्ति॒ हि वः॑ सजा॒त्यं॑ रिशादसो॒ देवा॑सो॒ अस्त्याप्यं॑ ।
प्र णः॒ पूर्व॑स्मै सुवि॒ताय॑ वोचत म॒क्षू सु॒म्नाय॒ नव्य॑से ॥
Samhita Devanagari Nonaccented
अस्ति हि वः सजात्यं रिशादसो देवासो अस्त्याप्यं ।
प्र णः पूर्वस्मै सुविताय वोचत मक्षू सुम्नाय नव्यसे ॥
Samhita Transcription Accented
ásti hí vaḥ sajātyám riśādaso dévāso ástyā́pyam ǀ
prá ṇaḥ pū́rvasmai suvitā́ya vocata makṣū́ sumnā́ya návyase ǁ
Samhita Transcription Nonaccented
asti hi vaḥ sajātyam riśādaso devāso astyāpyam ǀ
pra ṇaḥ pūrvasmai suvitāya vocata makṣū sumnāya navyase ǁ
Padapatha Devanagari Accented
अस्ति॑ । हि । वः॒ । स॒ऽजा॒त्य॑म् । रि॒शा॒द॒सः॒ । देवा॑सः । अस्ति॑ । आप्य॑म् ।
प्र । नः॒ । पूर्व॑स्मै । सु॒वि॒ताय॑ । वो॒च॒त॒ । म॒क्षु । सु॒म्नाय॑ । नव्य॑से ॥
Padapatha Devanagari Nonaccented
अस्ति । हि । वः । सऽजात्यम् । रिशादसः । देवासः । अस्ति । आप्यम् ।
प्र । नः । पूर्वस्मै । सुविताय । वोचत । मक्षु । सुम्नाय । नव्यसे ॥
Padapatha Transcription Accented
ásti ǀ hí ǀ vaḥ ǀ sa-jātyám ǀ riśādasaḥ ǀ dévāsaḥ ǀ ásti ǀ ā́pyam ǀ
prá ǀ naḥ ǀ pū́rvasmai ǀ suvitā́ya ǀ vocata ǀ makṣú ǀ sumnā́ya ǀ návyase ǁ
Padapatha Transcription Nonaccented
asti ǀ hi ǀ vaḥ ǀ sa-jātyam ǀ riśādasaḥ ǀ devāsaḥ ǀ asti ǀ āpyam ǀ
pra ǀ naḥ ǀ pūrvasmai ǀ suvitāya ǀ vocata ǀ makṣu ǀ sumnāya ǀ navyase ǁ
08.027.11 (Mandala. Sukta. Rik)
6.2.33.01 (Ashtaka. Adhyaya. Varga. Rik)
08.04.156 (Mandala. Anuvāka. Rik)
Samhita Devanagari Accented
इ॒दा हि व॒ उप॑स्तुतिमि॒दा वा॒मस्य॑ भ॒क्तये॑ ।
उप॑ वो विश्ववेदसो नम॒स्युराँ असृ॒क्ष्यन्या॑मिव ॥
Samhita Devanagari Nonaccented
इदा हि व उपस्तुतिमिदा वामस्य भक्तये ।
उप वो विश्ववेदसो नमस्युराँ असृक्ष्यन्यामिव ॥
Samhita Transcription Accented
idā́ hí va úpastutimidā́ vāmásya bhaktáye ǀ
úpa vo viśvavedaso namasyúrā́m̐ ásṛkṣyányāmiva ǁ
Samhita Transcription Nonaccented
idā hi va upastutimidā vāmasya bhaktaye ǀ
upa vo viśvavedaso namasyurām̐ asṛkṣyanyāmiva ǁ
Padapatha Devanagari Accented
इ॒दा । हि । वः॒ । उप॑ऽस्तुतिम् । इ॒दा । वा॒मस्य॑ । भ॒क्तये॑ ।
उप॑ । वः॒ । वि॒श्व॒ऽवे॒द॒सः॒ । न॒म॒स्युः । आ । असृ॑क्षि । अन्या॑म्ऽइव ॥
Padapatha Devanagari Nonaccented
इदा । हि । वः । उपऽस्तुतिम् । इदा । वामस्य । भक्तये ।
उप । वः । विश्वऽवेदसः । नमस्युः । आ । असृक्षि । अन्याम्ऽइव ॥
Padapatha Transcription Accented
idā́ ǀ hí ǀ vaḥ ǀ úpa-stutim ǀ idā́ ǀ vāmásya ǀ bhaktáye ǀ
úpa ǀ vaḥ ǀ viśva-vedasaḥ ǀ namasyúḥ ǀ ā́ ǀ ásṛkṣi ǀ ányām-iva ǁ
Padapatha Transcription Nonaccented
idā ǀ hi ǀ vaḥ ǀ upa-stutim ǀ idā ǀ vāmasya ǀ bhaktaye ǀ
upa ǀ vaḥ ǀ viśva-vedasaḥ ǀ namasyuḥ ǀ ā ǀ asṛkṣi ǀ anyām-iva ǁ
08.027.12 (Mandala. Sukta. Rik)
6.2.33.02 (Ashtaka. Adhyaya. Varga. Rik)
08.04.157 (Mandala. Anuvāka. Rik)
Samhita Devanagari Accented
उदु॒ ष्य वः॑ सवि॒ता सु॑प्रणीत॒योऽस्था॑दू॒र्ध्वो वरे॑ण्यः ।
नि द्वि॒पाद॒श्चतु॑ष्पादो अ॒र्थिनोऽवि॑श्रन्पतयि॒ष्णवः॑ ॥
Samhita Devanagari Nonaccented
उदु ष्य वः सविता सुप्रणीतयोऽस्थादूर्ध्वो वरेण्यः ।
नि द्विपादश्चतुष्पादो अर्थिनोऽविश्रन्पतयिष्णवः ॥
Samhita Transcription Accented
údu ṣyá vaḥ savitā́ supraṇītayó’sthādūrdhvó váreṇyaḥ ǀ
ní dvipā́daścátuṣpādo arthínó’viśranpatayiṣṇávaḥ ǁ
Samhita Transcription Nonaccented
udu ṣya vaḥ savitā supraṇītayo’sthādūrdhvo vareṇyaḥ ǀ
ni dvipādaścatuṣpādo arthino’viśranpatayiṣṇavaḥ ǁ
Padapatha Devanagari Accented
उत् । ऊं॒ इति॑ । स्यः । वः॒ । स॒वि॒ता । सु॒ऽप्र॒नी॒त॒यः॒ । अस्था॑त् । ऊ॒र्ध्वः । वरे॑ण्यः ।
नि । द्वि॒ऽपादः॑ । चतुः॑ऽपादः । अ॒र्थिनः॑ । अवि॑श्रन् । प॒त॒यि॒ष्णवः॑ ॥
Padapatha Devanagari Nonaccented
उत् । ऊं इति । स्यः । वः । सविता । सुऽप्रनीतयः । अस्थात् । ऊर्ध्वः । वरेण्यः ।
नि । द्विऽपादः । चतुःऽपादः । अर्थिनः । अविश्रन् । पतयिष्णवः ॥
Padapatha Transcription Accented
út ǀ ūṃ íti ǀ syáḥ ǀ vaḥ ǀ savitā́ ǀ su-pranītayaḥ ǀ ásthāt ǀ ūrdhváḥ ǀ váreṇyaḥ ǀ
ní ǀ dvi-pā́daḥ ǀ cátuḥ-pādaḥ ǀ arthínaḥ ǀ áviśran ǀ patayiṣṇávaḥ ǁ
Padapatha Transcription Nonaccented
ut ǀ ūṃ iti ǀ syaḥ ǀ vaḥ ǀ savitā ǀ su-pranītayaḥ ǀ asthāt ǀ ūrdhvaḥ ǀ vareṇyaḥ ǀ
ni ǀ dvi-pādaḥ ǀ catuḥ-pādaḥ ǀ arthinaḥ ǀ aviśran ǀ patayiṣṇavaḥ ǁ
08.027.13 (Mandala. Sukta. Rik)
6.2.33.03 (Ashtaka. Adhyaya. Varga. Rik)
08.04.158 (Mandala. Anuvāka. Rik)
Samhita Devanagari Accented
दे॒वंदे॑वं॒ वोऽव॑से दे॒वंदे॑वम॒भिष्ट॑ये ।
दे॒वंदे॑वं हुवेम॒ वाज॑सातये गृ॒णंतो॑ दे॒व्या धि॒या ॥
Samhita Devanagari Nonaccented
देवंदेवं वोऽवसे देवंदेवमभिष्टये ।
देवंदेवं हुवेम वाजसातये गृणंतो देव्या धिया ॥
Samhita Transcription Accented
deváṃdevam vó’vase deváṃdevamabhíṣṭaye ǀ
deváṃdevam huvema vā́jasātaye gṛṇánto devyā́ dhiyā́ ǁ
Samhita Transcription Nonaccented
devaṃdevam vo’vase devaṃdevamabhiṣṭaye ǀ
devaṃdevam huvema vājasātaye gṛṇanto devyā dhiyā ǁ
Padapatha Devanagari Accented
दे॒वम्ऽदे॑वम् । वः॒ । अव॑से । दे॒वम्ऽदे॑वम् । अ॒भिष्ट॑ये ।
दे॒वम्ऽदे॑वम् । हु॒वे॒म॒ । वाज॑ऽसातये । गृ॒णन्तः॑ । दे॒व्या । धि॒या ॥
Padapatha Devanagari Nonaccented
देवम्ऽदेवम् । वः । अवसे । देवम्ऽदेवम् । अभिष्टये ।
देवम्ऽदेवम् । हुवेम । वाजऽसातये । गृणन्तः । देव्या । धिया ॥
Padapatha Transcription Accented
devám-devam ǀ vaḥ ǀ ávase ǀ devám-devam ǀ abhíṣṭaye ǀ
devám-devam ǀ huvema ǀ vā́ja-sātaye ǀ gṛṇántaḥ ǀ devyā́ ǀ dhiyā́ ǁ
Padapatha Transcription Nonaccented
devam-devam ǀ vaḥ ǀ avase ǀ devam-devam ǀ abhiṣṭaye ǀ
devam-devam ǀ huvema ǀ vāja-sātaye ǀ gṛṇantaḥ ǀ devyā ǀ dhiyā ǁ
08.027.14 (Mandala. Sukta. Rik)
6.2.33.04 (Ashtaka. Adhyaya. Varga. Rik)
08.04.159 (Mandala. Anuvāka. Rik)
Samhita Devanagari Accented
दे॒वासो॒ हि ष्मा॒ मन॑वे॒ सम॑न्यवो॒ विश्वे॑ सा॒कं सरा॑तयः ।
ते नो॑ अ॒द्य ते अ॑प॒रं तु॒चे तु नो॒ भवं॑तु वरिवो॒विदः॑ ॥
Samhita Devanagari Nonaccented
देवासो हि ष्मा मनवे समन्यवो विश्वे साकं सरातयः ।
ते नो अद्य ते अपरं तुचे तु नो भवंतु वरिवोविदः ॥
Samhita Transcription Accented
devā́so hí ṣmā mánave sámanyavo víśve sākám sárātayaḥ ǀ
té no adyá té aparám tucé tú no bhávantu varivovídaḥ ǁ
Samhita Transcription Nonaccented
devāso hi ṣmā manave samanyavo viśve sākam sarātayaḥ ǀ
te no adya te aparam tuce tu no bhavantu varivovidaḥ ǁ
Padapatha Devanagari Accented
दे॒वासः॑ । हि । स्म॒ । मन॑वे । सऽम॑न्यवः । विश्वे॑ । सा॒कम् । सऽरा॑तयः ।
ते । नः॒ । अ॒द्य । ते । अ॒प॒रम् । तु॒चे । तु । नः॒ । भव॑न्तु । व॒रि॒वः॒ऽविदः॑ ॥
Padapatha Devanagari Nonaccented
देवासः । हि । स्म । मनवे । सऽमन्यवः । विश्वे । साकम् । सऽरातयः ।
ते । नः । अद्य । ते । अपरम् । तुचे । तु । नः । भवन्तु । वरिवःऽविदः ॥
Padapatha Transcription Accented
devā́saḥ ǀ hí ǀ sma ǀ mánave ǀ sá-manyavaḥ ǀ víśve ǀ sākám ǀ sá-rātayaḥ ǀ
té ǀ naḥ ǀ adyá ǀ té ǀ aparám ǀ tucé ǀ tú ǀ naḥ ǀ bhávantu ǀ varivaḥ-vídaḥ ǁ
Padapatha Transcription Nonaccented
devāsaḥ ǀ hi ǀ sma ǀ manave ǀ sa-manyavaḥ ǀ viśve ǀ sākam ǀ sa-rātayaḥ ǀ
te ǀ naḥ ǀ adya ǀ te ǀ aparam ǀ tuce ǀ tu ǀ naḥ ǀ bhavantu ǀ varivaḥ-vidaḥ ǁ
08.027.15 (Mandala. Sukta. Rik)
6.2.33.05 (Ashtaka. Adhyaya. Varga. Rik)
08.04.160 (Mandala. Anuvāka. Rik)
Samhita Devanagari Accented
प्र वः॑ शंसाम्यद्रुहः सं॒स्थ उप॑स्तुतीनां ।
न तं धू॒र्तिर्व॑रुण मित्र॒ मर्त्यं॒ यो वो॒ धाम॒भ्योऽवि॑धत् ॥
Samhita Devanagari Nonaccented
प्र वः शंसाम्यद्रुहः संस्थ उपस्तुतीनां ।
न तं धूर्तिर्वरुण मित्र मर्त्यं यो वो धामभ्योऽविधत् ॥
Samhita Transcription Accented
prá vaḥ śaṃsāmyadruhaḥ saṃsthá úpastutīnām ǀ
ná tám dhūrtírvaruṇa mitra mártyam yó vo dhā́mabhyó’vidhat ǁ
Samhita Transcription Nonaccented
pra vaḥ śaṃsāmyadruhaḥ saṃstha upastutīnām ǀ
na tam dhūrtirvaruṇa mitra martyam yo vo dhāmabhyo’vidhat ǁ
Padapatha Devanagari Accented
प्र । वः॒ । शं॒सा॒मि॒ । अ॒द्रु॒हः॒ । स॒म्ऽस्थे । उप॑ऽस्तुतीनाम् ।
न । तम् । धू॒र्तिः । व॒रु॒ण॒ । मि॒त्र॒ । मर्त्य॑म् । यः । वः॒ । धाम॑ऽभ्यः । अवि॑धत् ॥
Padapatha Devanagari Nonaccented
प्र । वः । शंसामि । अद्रुहः । सम्ऽस्थे । उपऽस्तुतीनाम् ।
न । तम् । धूर्तिः । वरुण । मित्र । मर्त्यम् । यः । वः । धामऽभ्यः । अविधत् ॥
Padapatha Transcription Accented
prá ǀ vaḥ ǀ śaṃsāmi ǀ adruhaḥ ǀ sam-sthé ǀ úpa-stutīnām ǀ
ná ǀ tám ǀ dhūrtíḥ ǀ varuṇa ǀ mitra ǀ mártyam ǀ yáḥ ǀ vaḥ ǀ dhā́ma-bhyaḥ ǀ ávidhat ǁ
Padapatha Transcription Nonaccented
pra ǀ vaḥ ǀ śaṃsāmi ǀ adruhaḥ ǀ sam-sthe ǀ upa-stutīnām ǀ
na ǀ tam ǀ dhūrtiḥ ǀ varuṇa ǀ mitra ǀ martyam ǀ yaḥ ǀ vaḥ ǀ dhāma-bhyaḥ ǀ avidhat ǁ
08.027.16 (Mandala. Sukta. Rik)
6.2.33.06 (Ashtaka. Adhyaya. Varga. Rik)
08.04.161 (Mandala. Anuvāka. Rik)
Samhita Devanagari Accented
प्र स क्षयं॑ तिरते॒ वि म॒हीरिषो॒ यो वो॒ वरा॑य॒ दाश॑ति ।
प्र प्र॒जाभि॑र्जायते॒ धर्म॑ण॒स्पर्यरि॑ष्टः॒ सर्व॑ एधते ॥
Samhita Devanagari Nonaccented
प्र स क्षयं तिरते वि महीरिषो यो वो वराय दाशति ।
प्र प्रजाभिर्जायते धर्मणस्पर्यरिष्टः सर्व एधते ॥
Samhita Transcription Accented
prá sá kṣáyam tirate ví mahī́ríṣo yó vo várāya dā́śati ǀ
prá prajā́bhirjāyate dhármaṇaspáryáriṣṭaḥ sárva edhate ǁ
Samhita Transcription Nonaccented
pra sa kṣayam tirate vi mahīriṣo yo vo varāya dāśati ǀ
pra prajābhirjāyate dharmaṇasparyariṣṭaḥ sarva edhate ǁ
Padapatha Devanagari Accented
प्र । सः । क्षय॑म् । ति॒र॒ते॒ । वि । म॒हीः । इषः॑ । यः । वः॒ । वरा॑य । दाश॑ति ।
प्र । प्र॒ऽजाभिः॑ । जा॒य॒ते॒ । धर्म॑णः । परि॑ । अरि॑ष्टः । सर्वः॑ । ए॒ध॒ते॒ ॥
Padapatha Devanagari Nonaccented
प्र । सः । क्षयम् । तिरते । वि । महीः । इषः । यः । वः । वराय । दाशति ।
प्र । प्रऽजाभिः । जायते । धर्मणः । परि । अरिष्टः । सर्वः । एधते ॥
Padapatha Transcription Accented
prá ǀ sáḥ ǀ kṣáyam ǀ tirate ǀ ví ǀ mahī́ḥ ǀ íṣaḥ ǀ yáḥ ǀ vaḥ ǀ várāya ǀ dā́śati ǀ
prá ǀ pra-jā́bhiḥ ǀ jāyate ǀ dhármaṇaḥ ǀ pári ǀ áriṣṭaḥ ǀ sárvaḥ ǀ edhate ǁ
Padapatha Transcription Nonaccented
pra ǀ saḥ ǀ kṣayam ǀ tirate ǀ vi ǀ mahīḥ ǀ iṣaḥ ǀ yaḥ ǀ vaḥ ǀ varāya ǀ dāśati ǀ
pra ǀ pra-jābhiḥ ǀ jāyate ǀ dharmaṇaḥ ǀ pari ǀ ariṣṭaḥ ǀ sarvaḥ ǀ edhate ǁ
08.027.17 (Mandala. Sukta. Rik)
6.2.34.01 (Ashtaka. Adhyaya. Varga. Rik)
08.04.162 (Mandala. Anuvāka. Rik)
Samhita Devanagari Accented
ऋ॒ते स विं॑दते यु॒धः सु॒गेभि॑र्या॒त्यध्व॑नः ।
अ॒र्य॒मा मि॒त्रो वरु॑णः॒ सरा॑तयो॒ यं त्रायं॑ते स॒जोष॑सः ॥
Samhita Devanagari Nonaccented
ऋते स विंदते युधः सुगेभिर्यात्यध्वनः ।
अर्यमा मित्रो वरुणः सरातयो यं त्रायंते सजोषसः ॥
Samhita Transcription Accented
ṛté sá vindate yudháḥ sugébhiryātyádhvanaḥ ǀ
aryamā́ mitró váruṇaḥ sárātayo yám trā́yante sajóṣasaḥ ǁ
Samhita Transcription Nonaccented
ṛte sa vindate yudhaḥ sugebhiryātyadhvanaḥ ǀ
aryamā mitro varuṇaḥ sarātayo yam trāyante sajoṣasaḥ ǁ
Padapatha Devanagari Accented
ऋ॒ते । सः । वि॒न्द॒ते॒ । यु॒धः । सु॒ऽगेभिः॑ । या॒ति॒ । अध्व॑नः ।
अ॒र्य॒मा । मि॒त्रः । वरु॑णः । सऽरा॑तयः । यम् । त्राय॑न्ते । स॒ऽजोष॑सः ॥
Padapatha Devanagari Nonaccented
ऋते । सः । विन्दते । युधः । सुऽगेभिः । याति । अध्वनः ।
अर्यमा । मित्रः । वरुणः । सऽरातयः । यम् । त्रायन्ते । सऽजोषसः ॥
Padapatha Transcription Accented
ṛté ǀ sáḥ ǀ vindate ǀ yudháḥ ǀ su-gébhiḥ ǀ yāti ǀ ádhvanaḥ ǀ
aryamā́ ǀ mitráḥ ǀ váruṇaḥ ǀ sá-rātayaḥ ǀ yám ǀ trā́yante ǀ sa-jóṣasaḥ ǁ
Padapatha Transcription Nonaccented
ṛte ǀ saḥ ǀ vindate ǀ yudhaḥ ǀ su-gebhiḥ ǀ yāti ǀ adhvanaḥ ǀ
aryamā ǀ mitraḥ ǀ varuṇaḥ ǀ sa-rātayaḥ ǀ yam ǀ trāyante ǀ sa-joṣasaḥ ǁ
08.027.18 (Mandala. Sukta. Rik)
6.2.34.02 (Ashtaka. Adhyaya. Varga. Rik)
08.04.163 (Mandala. Anuvāka. Rik)
Samhita Devanagari Accented
अज्रे॑ चिदस्मै कृणुथा॒ न्यंच॑नं दु॒र्गे चि॒दा सु॑सर॒णं ।
ए॒षा चि॑दस्माद॒शनिः॑ प॒रो नु सास्रे॑धंती॒ वि न॑श्यतु ॥
Samhita Devanagari Nonaccented
अज्रे चिदस्मै कृणुथा न्यंचनं दुर्गे चिदा सुसरणं ।
एषा चिदस्मादशनिः परो नु सास्रेधंती वि नश्यतु ॥
Samhita Transcription Accented
ájre cidasmai kṛṇuthā nyáñcanam durgé cidā́ susaraṇám ǀ
eṣā́ cidasmādaśániḥ paró nú sā́sredhantī ví naśyatu ǁ
Samhita Transcription Nonaccented
ajre cidasmai kṛṇuthā nyañcanam durge cidā susaraṇam ǀ
eṣā cidasmādaśaniḥ paro nu sāsredhantī vi naśyatu ǁ
Padapatha Devanagari Accented
अज्रे॑ । चि॒त् । अ॒स्मै॒ । कृ॒णु॒थ॒ । नि॒ऽअञ्च॑नम् । दुः॒ऽगे । चि॒त् । आ । सु॒ऽस॒र॒णम् ।
ए॒षा । चि॒त् । अ॒स्मा॒त् । अ॒शनिः॑ । प॒रः । नु । सा । अस्रे॑धन्ती । वि । न॒श्य॒तु॒ ॥
Padapatha Devanagari Nonaccented
अज्रे । चित् । अस्मै । कृणुथ । निऽअञ्चनम् । दुःऽगे । चित् । आ । सुऽसरणम् ।
एषा । चित् । अस्मात् । अशनिः । परः । नु । सा । अस्रेधन्ती । वि । नश्यतु ॥
Padapatha Transcription Accented
ájre ǀ cit ǀ asmai ǀ kṛṇutha ǀ ni-áñcanam ǀ duḥ-gé ǀ cit ǀ ā́ ǀ su-saraṇám ǀ
eṣā́ ǀ cit ǀ asmāt ǀ aśániḥ ǀ paráḥ ǀ nú ǀ sā́ ǀ ásredhantī ǀ ví ǀ naśyatu ǁ
Padapatha Transcription Nonaccented
ajre ǀ cit ǀ asmai ǀ kṛṇutha ǀ ni-añcanam ǀ duḥ-ge ǀ cit ǀ ā ǀ su-saraṇam ǀ
eṣā ǀ cit ǀ asmāt ǀ aśaniḥ ǀ paraḥ ǀ nu ǀ sā ǀ asredhantī ǀ vi ǀ naśyatu ǁ
08.027.19 (Mandala. Sukta. Rik)
6.2.34.03 (Ashtaka. Adhyaya. Varga. Rik)
08.04.164 (Mandala. Anuvāka. Rik)
Samhita Devanagari Accented
यद॒द्य सूर्य॑ उद्य॒ति प्रिय॑क्षत्रा ऋ॒तं द॒ध ।
यन्नि॒म्रुचि॑ प्र॒बुधि॑ विश्ववेदसो॒ यद्वा॑ म॒ध्यंदि॑ने दि॒वः ॥
Samhita Devanagari Nonaccented
यदद्य सूर्य उद्यति प्रियक्षत्रा ऋतं दध ।
यन्निम्रुचि प्रबुधि विश्ववेदसो यद्वा मध्यंदिने दिवः ॥
Samhita Transcription Accented
yádadyá sū́rya udyatí príyakṣatrā ṛtám dadhá ǀ
yánnimrúci prabúdhi viśvavedaso yádvā madhyáṃdine diváḥ ǁ
Samhita Transcription Nonaccented
yadadya sūrya udyati priyakṣatrā ṛtam dadha ǀ
yannimruci prabudhi viśvavedaso yadvā madhyaṃdine divaḥ ǁ
Padapatha Devanagari Accented
यत् । अ॒द्य । सूर्यः॑ । उ॒त्ऽय॒ति । प्रिय॑ऽक्षत्राः । ऋ॒तम् । द॒ध ।
यत् । नि॒ऽम्रुचि॑ । प्र॒ऽबुधि॑ । वि॒श्व॒ऽवे॒द॒सः॒ । यत् । वा॒ । म॒ध्यन्दि॑ने । दि॒वः ॥
Padapatha Devanagari Nonaccented
यत् । अद्य । सूर्यः । उत्ऽयति । प्रियऽक्षत्राः । ऋतम् । दध ।
यत् । निऽम्रुचि । प्रऽबुधि । विश्वऽवेदसः । यत् । वा । मध्यन्दिने । दिवः ॥
Padapatha Transcription Accented
yát ǀ adyá ǀ sū́ryaḥ ǀ ut-yatí ǀ príya-kṣatrāḥ ǀ ṛtám ǀ dadhá ǀ
yát ǀ ni-mrúci ǀ pra-búdhi ǀ viśva-vedasaḥ ǀ yát ǀ vā ǀ madhyándine ǀ diváḥ ǁ
Padapatha Transcription Nonaccented
yat ǀ adya ǀ sūryaḥ ǀ ut-yati ǀ priya-kṣatrāḥ ǀ ṛtam ǀ dadha ǀ
yat ǀ ni-mruci ǀ pra-budhi ǀ viśva-vedasaḥ ǀ yat ǀ vā ǀ madhyandine ǀ divaḥ ǁ
08.027.20 (Mandala. Sukta. Rik)
6.2.34.04 (Ashtaka. Adhyaya. Varga. Rik)
08.04.165 (Mandala. Anuvāka. Rik)
Samhita Devanagari Accented
यद्वा॑भिपि॒त्वे अ॑सुरा ऋ॒तं य॒ते छ॒र्दिर्ये॒म वि दा॒शुषे॑ ।
व॒यं तद्वो॑ वसवो विश्ववेदस॒ उप॑ स्थेयाम॒ मध्य॒ आ ॥
Samhita Devanagari Nonaccented
यद्वाभिपित्वे असुरा ऋतं यते छर्दिर्येम वि दाशुषे ।
वयं तद्वो वसवो विश्ववेदस उप स्थेयाम मध्य आ ॥
Samhita Transcription Accented
yádvābhipitvé asurā ṛtám yaté chardíryemá ví dāśúṣe ǀ
vayám tádvo vasavo viśvavedasa úpa stheyāma mádhya ā́ ǁ
Samhita Transcription Nonaccented
yadvābhipitve asurā ṛtam yate chardiryema vi dāśuṣe ǀ
vayam tadvo vasavo viśvavedasa upa stheyāma madhya ā ǁ
Padapatha Devanagari Accented
यत् । वा॒ । अ॒भि॒ऽपि॒त्वे । अ॒सु॒राः॒ । ऋ॒तम् । य॒ते । छ॒र्दिः । ये॒म । वि । दा॒शुषे॑ ।
व॒यम् । तत् । वः॒ । व॒स॒वः॒ । वि॒श्व॒ऽवे॒द॒सः॒ । उप॑ । स्थे॒या॒म॒ । मध्ये॑ । आ ॥
Padapatha Devanagari Nonaccented
यत् । वा । अभिऽपित्वे । असुराः । ऋतम् । यते । छर्दिः । येम । वि । दाशुषे ।
वयम् । तत् । वः । वसवः । विश्वऽवेदसः । उप । स्थेयाम । मध्ये । आ ॥
Padapatha Transcription Accented
yát ǀ vā ǀ abhi-pitvé ǀ asurāḥ ǀ ṛtám ǀ yaté ǀ chardíḥ ǀ yemá ǀ ví ǀ dāśúṣe ǀ
vayám ǀ tát ǀ vaḥ ǀ vasavaḥ ǀ viśva-vedasaḥ ǀ úpa ǀ stheyāma ǀ mádhye ǀ ā́ ǁ
Padapatha Transcription Nonaccented
yat ǀ vā ǀ abhi-pitve ǀ asurāḥ ǀ ṛtam ǀ yate ǀ chardiḥ ǀ yema ǀ vi ǀ dāśuṣe ǀ
vayam ǀ tat ǀ vaḥ ǀ vasavaḥ ǀ viśva-vedasaḥ ǀ upa ǀ stheyāma ǀ madhye ǀ ā ǁ
08.027.21 (Mandala. Sukta. Rik)
6.2.34.05 (Ashtaka. Adhyaya. Varga. Rik)
08.04.166 (Mandala. Anuvāka. Rik)
Samhita Devanagari Accented
यद॒द्य सूर॒ उदि॑ते॒ यन्म॒ध्यंदि॑न आ॒तुचि॑ ।
वा॒मं ध॒त्थ मन॑वे विश्ववेदसो॒ जुह्वा॑नाय॒ प्रचे॑तसे ॥
Samhita Devanagari Nonaccented
यदद्य सूर उदिते यन्मध्यंदिन आतुचि ।
वामं धत्थ मनवे विश्ववेदसो जुह्वानाय प्रचेतसे ॥
Samhita Transcription Accented
yádadyá sū́ra údite yánmadhyáṃdina ātúci ǀ
vāmám dhatthá mánave viśvavedaso júhvānāya prácetase ǁ
Samhita Transcription Nonaccented
yadadya sūra udite yanmadhyaṃdina ātuci ǀ
vāmam dhattha manave viśvavedaso juhvānāya pracetase ǁ
Padapatha Devanagari Accented
यत् । अ॒द्य । सूरे॑ । उत्ऽइ॑ते । यत् । म॒ध्यन्दि॑ने । आ॒ऽतुचि॑ ।
वा॒मम् । ध॒त्थ । मन॑वे । वि॒श्व॒ऽवे॒द॒सः॒ । जुह्वा॑नाय । प्रऽचे॑तसे ॥
Padapatha Devanagari Nonaccented
यत् । अद्य । सूरे । उत्ऽइते । यत् । मध्यन्दिने । आऽतुचि ।
वामम् । धत्थ । मनवे । विश्वऽवेदसः । जुह्वानाय । प्रऽचेतसे ॥
Padapatha Transcription Accented
yát ǀ adyá ǀ sū́re ǀ út-ite ǀ yát ǀ madhyándine ǀ ā-túci ǀ
vāmám ǀ dhatthá ǀ mánave ǀ viśva-vedasaḥ ǀ júhvānāya ǀ prá-cetase ǁ
Padapatha Transcription Nonaccented
yat ǀ adya ǀ sūre ǀ ut-ite ǀ yat ǀ madhyandine ǀ ā-tuci ǀ
vāmam ǀ dhattha ǀ manave ǀ viśva-vedasaḥ ǀ juhvānāya ǀ pra-cetase ǁ
08.027.22 (Mandala. Sukta. Rik)
6.2.34.06 (Ashtaka. Adhyaya. Varga. Rik)
08.04.167 (Mandala. Anuvāka. Rik)
Samhita Devanagari Accented
व॒यं तद्वः॑ सम्राज॒ आ वृ॑णीमहे पु॒त्रो न ब॑हु॒पाय्यं॑ ।
अ॒श्याम॒ तदा॑दित्या॒ जुह्व॑तो ह॒विर्येन॒ वस्यो॒ऽनशा॑महै ॥
Samhita Devanagari Nonaccented
वयं तद्वः सम्राज आ वृणीमहे पुत्रो न बहुपाय्यं ।
अश्याम तदादित्या जुह्वतो हविर्येन वस्योऽनशामहै ॥
Samhita Transcription Accented
vayám tádvaḥ samrāja ā́ vṛṇīmahe putró ná bahupā́yyam ǀ
aśyā́ma tádādityā júhvato havíryéna vásyo’náśāmahai ǁ
Samhita Transcription Nonaccented
vayam tadvaḥ samrāja ā vṛṇīmahe putro na bahupāyyam ǀ
aśyāma tadādityā juhvato haviryena vasyo’naśāmahai ǁ
Padapatha Devanagari Accented
व॒यम् । तत् । वः॒ । स॒म्ऽरा॒जः॒ । आ । वृ॒णी॒म॒हे॒ । पु॒त्रः । न । ब॒हु॒ऽपाय्य॑म् ।
अ॒श्याम॑ । तत् । आ॒दि॒त्याः॒ । जुह्व॑तः । ह॒विः । येन॑ । वस्यः॑ । अ॒नशा॑महै ॥
Padapatha Devanagari Nonaccented
वयम् । तत् । वः । सम्ऽराजः । आ । वृणीमहे । पुत्रः । न । बहुऽपाय्यम् ।
अश्याम । तत् । आदित्याः । जुह्वतः । हविः । येन । वस्यः । अनशामहै ॥
Padapatha Transcription Accented
vayám ǀ tát ǀ vaḥ ǀ sam-rājaḥ ǀ ā́ ǀ vṛṇīmahe ǀ putráḥ ǀ ná ǀ bahu-pā́yyam ǀ
aśyā́ma ǀ tát ǀ ādityāḥ ǀ júhvataḥ ǀ havíḥ ǀ yéna ǀ vásyaḥ ǀ anáśāmahai ǁ
Padapatha Transcription Nonaccented
vayam ǀ tat ǀ vaḥ ǀ sam-rājaḥ ǀ ā ǀ vṛṇīmahe ǀ putraḥ ǀ na ǀ bahu-pāyyam ǀ
aśyāma ǀ tat ǀ ādityāḥ ǀ juhvataḥ ǀ haviḥ ǀ yena ǀ vasyaḥ ǀ anaśāmahai ǁ