|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 33
|
1. Info |
| To: | indra | |
| From: | medhyātithi kāṇva | |
| Metres: | 1st set of styles: virāḍbṛhatī (4, 7, 8, 10, 12); nicṛdbṛhatī (6, 9, 11, 14, 15); bṛhatī (1-3, 5); gāyatrī (16, 18); anuṣṭup (17, 19); ārcībhurigbṛhatī (13) 2nd set of styles: bṛhatī (1-15); gāyatrī (16-18); anuṣṭubh (19) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.033.01 (Mandala. Sukta. Rik)
6.3.07.01 (Ashtaka. Adhyaya. Varga. Rik)
08.05.049 (Mandala. Anuvāka. Rik)
Samhita Devanagari Accented
व॒यं घ॑ त्वा सु॒तावं॑त॒ आपो॒ न वृ॒क्तब॑र्हिषः ।
प॒वित्र॑स्य प्र॒स्रव॑णेषु वृत्रह॒न्परि॑ स्तो॒तार॑ आसते ॥
Samhita Devanagari Nonaccented
वयं घ त्वा सुतावंत आपो न वृक्तबर्हिषः ।
पवित्रस्य प्रस्रवणेषु वृत्रहन्परि स्तोतार आसते ॥
Samhita Transcription Accented
vayám gha tvā sutā́vanta ā́po ná vṛktábarhiṣaḥ ǀ
pavítrasya prasrávaṇeṣu vṛtrahanpári stotā́ra āsate ǁ
Samhita Transcription Nonaccented
vayam gha tvā sutāvanta āpo na vṛktabarhiṣaḥ ǀ
pavitrasya prasravaṇeṣu vṛtrahanpari stotāra āsate ǁ
Padapatha Devanagari Accented
व॒यम् । घ॒ । त्वा॒ । सु॒तऽव॑न्तः । आपः॑ । न । वृ॒क्तऽब॑र्हिषः ।
प॒वित्र॑स्य । प्र॒ऽस्रव॑णेषु । वृ॒त्र॒ऽह॒न् । परि॑ । स्तो॒तारः॑ । आ॒स॒ते॒ ॥
Padapatha Devanagari Nonaccented
वयम् । घ । त्वा । सुतऽवन्तः । आपः । न । वृक्तऽबर्हिषः ।
पवित्रस्य । प्रऽस्रवणेषु । वृत्रऽहन् । परि । स्तोतारः । आसते ॥
Padapatha Transcription Accented
vayám ǀ gha ǀ tvā ǀ sutá-vantaḥ ǀ ā́paḥ ǀ ná ǀ vṛktá-barhiṣaḥ ǀ
pavítrasya ǀ pra-srávaṇeṣu ǀ vṛtra-han ǀ pári ǀ stotā́raḥ ǀ āsate ǁ
Padapatha Transcription Nonaccented
vayam ǀ gha ǀ tvā ǀ suta-vantaḥ ǀ āpaḥ ǀ na ǀ vṛkta-barhiṣaḥ ǀ
pavitrasya ǀ pra-sravaṇeṣu ǀ vṛtra-han ǀ pari ǀ stotāraḥ ǀ āsate ǁ
08.033.02 (Mandala. Sukta. Rik)
6.3.07.02 (Ashtaka. Adhyaya. Varga. Rik)
08.05.050 (Mandala. Anuvāka. Rik)
Samhita Devanagari Accented
स्वरं॑ति त्वा सु॒ते नरो॒ वसो॑ निरे॒क उ॒क्थिनः॑ ।
क॒दा सु॒तं तृ॑षा॒ण ओक॒ आ ग॑म॒ इंद्र॑ स्व॒ब्दीव॒ वंस॑गः ॥
Samhita Devanagari Nonaccented
स्वरंति त्वा सुते नरो वसो निरेक उक्थिनः ।
कदा सुतं तृषाण ओक आ गम इंद्र स्वब्दीव वंसगः ॥
Samhita Transcription Accented
sváranti tvā suté náro váso nireká ukthínaḥ ǀ
kadā́ sutám tṛṣāṇá óka ā́ gama índra svabdī́va váṃsagaḥ ǁ
Samhita Transcription Nonaccented
svaranti tvā sute naro vaso nireka ukthinaḥ ǀ
kadā sutam tṛṣāṇa oka ā gama indra svabdīva vaṃsagaḥ ǁ
Padapatha Devanagari Accented
स्वर॑न्ति । त्वा॒ । सु॒ते । नरः॑ । वसो॒ इति॑ । नि॒रे॒के । उ॒क्थिनः॑ ।
क॒दा । सु॒तम् । तृ॒षा॒णः । ओकः॑ । आ । ग॒मः॒ । इन्द्र॑ । स्व॒ब्दीऽइ॑व । वंस॑गः ॥
Padapatha Devanagari Nonaccented
स्वरन्ति । त्वा । सुते । नरः । वसो इति । निरेके । उक्थिनः ।
कदा । सुतम् । तृषाणः । ओकः । आ । गमः । इन्द्र । स्वब्दीऽइव । वंसगः ॥
Padapatha Transcription Accented
sváranti ǀ tvā ǀ suté ǀ náraḥ ǀ váso íti ǀ nireké ǀ ukthínaḥ ǀ
kadā́ ǀ sutám ǀ tṛṣāṇáḥ ǀ ókaḥ ǀ ā́ ǀ gamaḥ ǀ índra ǀ svabdī́-iva ǀ váṃsagaḥ ǁ
Padapatha Transcription Nonaccented
svaranti ǀ tvā ǀ sute ǀ naraḥ ǀ vaso iti ǀ nireke ǀ ukthinaḥ ǀ
kadā ǀ sutam ǀ tṛṣāṇaḥ ǀ okaḥ ǀ ā ǀ gamaḥ ǀ indra ǀ svabdī-iva ǀ vaṃsagaḥ ǁ
08.033.03 (Mandala. Sukta. Rik)
6.3.07.03 (Ashtaka. Adhyaya. Varga. Rik)
08.05.051 (Mandala. Anuvāka. Rik)
Samhita Devanagari Accented
कण्वे॑भिर्धृष्ण॒वा धृ॒षद्वाजं॑ दर्षि सह॒स्रिणं॑ ।
पि॒शंग॑रूपं मघवन्विचर्षणे म॒क्षू गोमं॑तमीमहे ॥
Samhita Devanagari Nonaccented
कण्वेभिर्धृष्णवा धृषद्वाजं दर्षि सहस्रिणं ।
पिशंगरूपं मघवन्विचर्षणे मक्षू गोमंतमीमहे ॥
Samhita Transcription Accented
káṇvebhirdhṛṣṇavā́ dhṛṣádvā́jam darṣi sahasríṇam ǀ
piśáṅgarūpam maghavanvicarṣaṇe makṣū́ gómantamīmahe ǁ
Samhita Transcription Nonaccented
kaṇvebhirdhṛṣṇavā dhṛṣadvājam darṣi sahasriṇam ǀ
piśaṅgarūpam maghavanvicarṣaṇe makṣū gomantamīmahe ǁ
Padapatha Devanagari Accented
कण्वे॑भिः । धृ॒ष्णो॒ इति॑ । आ । धृ॒षत् । वाज॑म् । द॒र्षि॒ । स॒ह॒स्रिण॑म् ।
पि॒शङ्ग॑ऽरूपम् । म॒घ॒ऽव॒न् । वि॒ऽच॒र्ष॒णे॒ । म॒क्षु । गोऽम॑न्तम् । ई॒म॒हे॒ ॥
Padapatha Devanagari Nonaccented
कण्वेभिः । धृष्णो इति । आ । धृषत् । वाजम् । दर्षि । सहस्रिणम् ।
पिशङ्गऽरूपम् । मघऽवन् । विऽचर्षणे । मक्षु । गोऽमन्तम् । ईमहे ॥
Padapatha Transcription Accented
káṇvebhiḥ ǀ dhṛṣṇo íti ǀ ā́ ǀ dhṛṣát ǀ vā́jam ǀ darṣi ǀ sahasríṇam ǀ
piśáṅga-rūpam ǀ magha-van ǀ vi-carṣaṇe ǀ makṣú ǀ gó-mantam ǀ īmahe ǁ
Padapatha Transcription Nonaccented
kaṇvebhiḥ ǀ dhṛṣṇo iti ǀ ā ǀ dhṛṣat ǀ vājam ǀ darṣi ǀ sahasriṇam ǀ
piśaṅga-rūpam ǀ magha-van ǀ vi-carṣaṇe ǀ makṣu ǀ go-mantam ǀ īmahe ǁ
08.033.04 (Mandala. Sukta. Rik)
6.3.07.04 (Ashtaka. Adhyaya. Varga. Rik)
08.05.052 (Mandala. Anuvāka. Rik)
Samhita Devanagari Accented
पा॒हि गायांध॑सो॒ मद॒ इंद्रा॑य मेध्यातिथे ।
यः सम्मि॑श्लो॒ हर्यो॒र्यः सु॒ते सचा॑ व॒ज्री रथो॑ हिर॒ण्ययः॑ ॥
Samhita Devanagari Nonaccented
पाहि गायांधसो मद इंद्राय मेध्यातिथे ।
यः सम्मिश्लो हर्योर्यः सुते सचा वज्री रथो हिरण्ययः ॥
Samhita Transcription Accented
pāhí gā́yā́ndhaso máda índrāya medhyātithe ǀ
yáḥ sámmiślo háryoryáḥ suté sácā vajrī́ rátho hiraṇyáyaḥ ǁ
Samhita Transcription Nonaccented
pāhi gāyāndhaso mada indrāya medhyātithe ǀ
yaḥ sammiślo haryoryaḥ sute sacā vajrī ratho hiraṇyayaḥ ǁ
Padapatha Devanagari Accented
पा॒हि । गाय॑ । अन्ध॑सः । मदे॑ । इन्द्रा॑य । मे॒ध्य॒ऽअ॒ति॒थे॒ ।
यः । सम्ऽमि॑श्लः । हर्योः॑ । यः । सु॒ते । सचा॑ । व॒ज्री । रथः॑ । हि॒र॒ण्ययः॑ ॥
Padapatha Devanagari Nonaccented
पाहि । गाय । अन्धसः । मदे । इन्द्राय । मेध्यऽअतिथे ।
यः । सम्ऽमिश्लः । हर्योः । यः । सुते । सचा । वज्री । रथः । हिरण्ययः ॥
Padapatha Transcription Accented
pāhí ǀ gā́ya ǀ ándhasaḥ ǀ máde ǀ índrāya ǀ medhya-atithe ǀ
yáḥ ǀ sám-miślaḥ ǀ háryoḥ ǀ yáḥ ǀ suté ǀ sácā ǀ vajrī́ ǀ ráthaḥ ǀ hiraṇyáyaḥ ǁ
Padapatha Transcription Nonaccented
pāhi ǀ gāya ǀ andhasaḥ ǀ made ǀ indrāya ǀ medhya-atithe ǀ
yaḥ ǀ sam-miślaḥ ǀ haryoḥ ǀ yaḥ ǀ sute ǀ sacā ǀ vajrī ǀ rathaḥ ǀ hiraṇyayaḥ ǁ
08.033.05 (Mandala. Sukta. Rik)
6.3.07.05 (Ashtaka. Adhyaya. Varga. Rik)
08.05.053 (Mandala. Anuvāka. Rik)
Samhita Devanagari Accented
यः सु॑ष॒व्यः सु॒दक्षि॑ण इ॒नो यः सु॒क्रतु॑र्गृ॒णे ।
य आ॑क॒रः स॒हस्रा॒ यः श॒ताम॑घ॒ इंद्रो॒ यः पू॒र्भिदा॑रि॒तः ॥
Samhita Devanagari Nonaccented
यः सुषव्यः सुदक्षिण इनो यः सुक्रतुर्गृणे ।
य आकरः सहस्रा यः शतामघ इंद्रो यः पूर्भिदारितः ॥
Samhita Transcription Accented
yáḥ suṣavyáḥ sudákṣiṇa inó yáḥ sukráturgṛṇé ǀ
yá ākaráḥ sahásrā yáḥ śatā́magha índro yáḥ pūrbhídāritáḥ ǁ
Samhita Transcription Nonaccented
yaḥ suṣavyaḥ sudakṣiṇa ino yaḥ sukraturgṛṇe ǀ
ya ākaraḥ sahasrā yaḥ śatāmagha indro yaḥ pūrbhidāritaḥ ǁ
Padapatha Devanagari Accented
यः । सु॒ऽस॒व्यः । सु॒ऽदक्षि॑णः । इ॒नः । यः । सु॒ऽक्रतुः॑ । गृ॒णे ।
यः । आ॒ऽक॒रः । स॒हस्रा॑ । यः । श॒तऽम॑घः । इन्द्रः॑ । यः । पूः॒ऽभित् । आ॒रि॒तः ॥
Padapatha Devanagari Nonaccented
यः । सुऽसव्यः । सुऽदक्षिणः । इनः । यः । सुऽक्रतुः । गृणे ।
यः । आऽकरः । सहस्रा । यः । शतऽमघः । इन्द्रः । यः । पूःऽभित् । आरितः ॥
Padapatha Transcription Accented
yáḥ ǀ su-savyáḥ ǀ su-dákṣiṇaḥ ǀ ináḥ ǀ yáḥ ǀ su-krátuḥ ǀ gṛṇé ǀ
yáḥ ǀ ā-karáḥ ǀ sahásrā ǀ yáḥ ǀ śatá-maghaḥ ǀ índraḥ ǀ yáḥ ǀ pūḥ-bhít ǀ āritáḥ ǁ
Padapatha Transcription Nonaccented
yaḥ ǀ su-savyaḥ ǀ su-dakṣiṇaḥ ǀ inaḥ ǀ yaḥ ǀ su-kratuḥ ǀ gṛṇe ǀ
yaḥ ǀ ā-karaḥ ǀ sahasrā ǀ yaḥ ǀ śata-maghaḥ ǀ indraḥ ǀ yaḥ ǀ pūḥ-bhit ǀ āritaḥ ǁ
08.033.06 (Mandala. Sukta. Rik)
6.3.08.01 (Ashtaka. Adhyaya. Varga. Rik)
08.05.054 (Mandala. Anuvāka. Rik)
Samhita Devanagari Accented
यो धृ॑षि॒तो योऽवृ॑तो॒ यो अस्ति॒ श्मश्रु॑षु श्रि॒तः ।
विभू॑तद्युम्न॒श्च्यव॑नः पुरुष्टु॒तः क्रत्वा॒ गौरि॑व शाकि॒नः ॥
Samhita Devanagari Nonaccented
यो धृषितो योऽवृतो यो अस्ति श्मश्रुषु श्रितः ।
विभूतद्युम्नश्च्यवनः पुरुष्टुतः क्रत्वा गौरिव शाकिनः ॥
Samhita Transcription Accented
yó dhṛṣitó yó’vṛto yó ásti śmáśruṣu śritáḥ ǀ
víbhūtadyumnaścyávanaḥ puruṣṭutáḥ krátvā gáuriva śākináḥ ǁ
Samhita Transcription Nonaccented
yo dhṛṣito yo’vṛto yo asti śmaśruṣu śritaḥ ǀ
vibhūtadyumnaścyavanaḥ puruṣṭutaḥ kratvā gauriva śākinaḥ ǁ
Padapatha Devanagari Accented
यः । धृ॒षि॒तः । यः । अवृ॑तः । यः । अस्ति॑ । श्मश्रु॑षु । श्रि॒तः ।
विभू॑तऽद्युम्नः । च्यव॑नः । पु॒रु॒ऽस्तु॒तः । क्रत्वा॑ । गौःऽइ॑व । शा॒कि॒नः ॥
Padapatha Devanagari Nonaccented
यः । धृषितः । यः । अवृतः । यः । अस्ति । श्मश्रुषु । श्रितः ।
विभूतऽद्युम्नः । च्यवनः । पुरुऽस्तुतः । क्रत्वा । गौःऽइव । शाकिनः ॥
Padapatha Transcription Accented
yáḥ ǀ dhṛṣitáḥ ǀ yáḥ ǀ ávṛtaḥ ǀ yáḥ ǀ ásti ǀ śmáśruṣu ǀ śritáḥ ǀ
víbhūta-dyumnaḥ ǀ cyávanaḥ ǀ puru-stutáḥ ǀ krátvā ǀ gáuḥ-iva ǀ śākináḥ ǁ
Padapatha Transcription Nonaccented
yaḥ ǀ dhṛṣitaḥ ǀ yaḥ ǀ avṛtaḥ ǀ yaḥ ǀ asti ǀ śmaśruṣu ǀ śritaḥ ǀ
vibhūta-dyumnaḥ ǀ cyavanaḥ ǀ puru-stutaḥ ǀ kratvā ǀ gauḥ-iva ǀ śākinaḥ ǁ
08.033.07 (Mandala. Sukta. Rik)
6.3.08.02 (Ashtaka. Adhyaya. Varga. Rik)
08.05.055 (Mandala. Anuvāka. Rik)
Samhita Devanagari Accented
क ईं॑ वेद सु॒ते सचा॒ पिबं॑तं॒ कद्वयो॑ दधे ।
अ॒यं यः पुरो॑ विभि॒नत्त्योज॑सा मंदा॒नः शि॒प्र्यंध॑सः ॥
Samhita Devanagari Nonaccented
क ईं वेद सुते सचा पिबंतं कद्वयो दधे ।
अयं यः पुरो विभिनत्त्योजसा मंदानः शिप्र्यंधसः ॥
Samhita Transcription Accented
ká īm veda suté sácā píbantam kádváyo dadhe ǀ
ayám yáḥ púro vibhináttyójasā mandānáḥ śipryándhasaḥ ǁ
Samhita Transcription Nonaccented
ka īm veda sute sacā pibantam kadvayo dadhe ǀ
ayam yaḥ puro vibhinattyojasā mandānaḥ śipryandhasaḥ ǁ
Padapatha Devanagari Accented
कः । ई॒म् । वे॒द॒ । सु॒ते । सचा॑ । पिब॑न्तम् । कत् । वयः॑ । द॒धे॒ ।
अ॒यम् । यः । पुरः॑ । वि॒ऽभि॒नत्ति॑ । ओज॑सा । म॒न्दा॒नः । शि॒प्री । अन्ध॑सः ॥
Padapatha Devanagari Nonaccented
कः । ईम् । वेद । सुते । सचा । पिबन्तम् । कत् । वयः । दधे ।
अयम् । यः । पुरः । विऽभिनत्ति । ओजसा । मन्दानः । शिप्री । अन्धसः ॥
Padapatha Transcription Accented
káḥ ǀ īm ǀ veda ǀ suté ǀ sácā ǀ píbantam ǀ kát ǀ váyaḥ ǀ dadhe ǀ
ayám ǀ yáḥ ǀ púraḥ ǀ vi-bhinátti ǀ ójasā ǀ mandānáḥ ǀ śiprī́ ǀ ándhasaḥ ǁ
Padapatha Transcription Nonaccented
kaḥ ǀ īm ǀ veda ǀ sute ǀ sacā ǀ pibantam ǀ kat ǀ vayaḥ ǀ dadhe ǀ
ayam ǀ yaḥ ǀ puraḥ ǀ vi-bhinatti ǀ ojasā ǀ mandānaḥ ǀ śiprī ǀ andhasaḥ ǁ
08.033.08 (Mandala. Sukta. Rik)
6.3.08.03 (Ashtaka. Adhyaya. Varga. Rik)
08.05.056 (Mandala. Anuvāka. Rik)
Samhita Devanagari Accented
दा॒ना मृ॒गो न वा॑र॒णः पु॑रु॒त्रा च॒रथं॑ दधे ।
नकि॑ष्ट्वा॒ नि य॑म॒दा सु॒ते ग॑मो म॒हांश्च॑र॒स्योज॑सा ॥
Samhita Devanagari Nonaccented
दाना मृगो न वारणः पुरुत्रा चरथं दधे ।
नकिष्ट्वा नि यमदा सुते गमो महांश्चरस्योजसा ॥
Samhita Transcription Accented
dānā́ mṛgó ná vāraṇáḥ purutrā́ carátham dadhe ǀ
nákiṣṭvā ní yamadā́ suté gamo mahā́ṃścarasyójasā ǁ
Samhita Transcription Nonaccented
dānā mṛgo na vāraṇaḥ purutrā caratham dadhe ǀ
nakiṣṭvā ni yamadā sute gamo mahāṃścarasyojasā ǁ
Padapatha Devanagari Accented
दा॒ना । मृ॒गः । न । वा॒र॒णः । पु॒रु॒ऽत्रा । च॒रथ॑म् । द॒धे॒ ।
नकिः॑ । त्वा॒ । नि । य॒म॒त् । आ । सु॒ते । ग॒मः॒ । म॒हान् । च॒र॒सि॒ । ओज॑सा ॥
Padapatha Devanagari Nonaccented
दाना । मृगः । न । वारणः । पुरुऽत्रा । चरथम् । दधे ।
नकिः । त्वा । नि । यमत् । आ । सुते । गमः । महान् । चरसि । ओजसा ॥
Padapatha Transcription Accented
dānā́ ǀ mṛgáḥ ǀ ná ǀ vāraṇáḥ ǀ puru-trā́ ǀ carátham ǀ dadhe ǀ
nákiḥ ǀ tvā ǀ ní ǀ yamat ǀ ā́ ǀ suté ǀ gamaḥ ǀ mahā́n ǀ carasi ǀ ójasā ǁ
Padapatha Transcription Nonaccented
dānā ǀ mṛgaḥ ǀ na ǀ vāraṇaḥ ǀ puru-trā ǀ caratham ǀ dadhe ǀ
nakiḥ ǀ tvā ǀ ni ǀ yamat ǀ ā ǀ sute ǀ gamaḥ ǀ mahān ǀ carasi ǀ ojasā ǁ
08.033.09 (Mandala. Sukta. Rik)
6.3.08.04 (Ashtaka. Adhyaya. Varga. Rik)
08.05.057 (Mandala. Anuvāka. Rik)
Samhita Devanagari Accented
य उ॒ग्रः सन्ननि॑ष्टृतः स्थि॒रो रणा॑य॒ संस्कृ॑तः ।
यदि॑ स्तो॒तुर्म॒घवा॑ शृ॒णव॒द्धवं॒ नेंद्रो॑ योष॒त्या ग॑मत् ॥
Samhita Devanagari Nonaccented
य उग्रः सन्ननिष्टृतः स्थिरो रणाय संस्कृतः ।
यदि स्तोतुर्मघवा शृणवद्धवं नेंद्रो योषत्या गमत् ॥
Samhita Transcription Accented
yá ugráḥ sánnániṣṭṛtaḥ sthiró ráṇāya sáṃskṛtaḥ ǀ
yádi stotúrmaghávā śṛṇávaddhávam néndro yoṣatyā́ gamat ǁ
Samhita Transcription Nonaccented
ya ugraḥ sannaniṣṭṛtaḥ sthiro raṇāya saṃskṛtaḥ ǀ
yadi stoturmaghavā śṛṇavaddhavam nendro yoṣatyā gamat ǁ
Padapatha Devanagari Accented
यः । उ॒ग्रः । सन् । अनि॑ऽस्तृतः । स्थि॒रः । रणा॑य । संस्कृ॑तः ।
यदि॑ । स्तो॒तुः । म॒घऽवा॑ । शृ॒णव॑त् । हव॑म् । न । इन्द्रः॑ । यो॒ष॒ति॒ । आ । ग॒म॒त् ॥
Padapatha Devanagari Nonaccented
यः । उग्रः । सन् । अनिऽस्तृतः । स्थिरः । रणाय । संस्कृतः ।
यदि । स्तोतुः । मघऽवा । शृणवत् । हवम् । न । इन्द्रः । योषति । आ । गमत् ॥
Padapatha Transcription Accented
yáḥ ǀ ugráḥ ǀ sán ǀ áni-stṛtaḥ ǀ sthiráḥ ǀ ráṇāya ǀ sáṃskṛtaḥ ǀ
yádi ǀ stotúḥ ǀ maghá-vā ǀ śṛṇávat ǀ hávam ǀ ná ǀ índraḥ ǀ yoṣati ǀ ā́ ǀ gamat ǁ
Padapatha Transcription Nonaccented
yaḥ ǀ ugraḥ ǀ san ǀ ani-stṛtaḥ ǀ sthiraḥ ǀ raṇāya ǀ saṃskṛtaḥ ǀ
yadi ǀ stotuḥ ǀ magha-vā ǀ śṛṇavat ǀ havam ǀ na ǀ indraḥ ǀ yoṣati ǀ ā ǀ gamat ǁ
08.033.10 (Mandala. Sukta. Rik)
6.3.08.05 (Ashtaka. Adhyaya. Varga. Rik)
08.05.058 (Mandala. Anuvāka. Rik)
Samhita Devanagari Accented
स॒त्यमि॒त्था वृषेद॑सि॒ वृष॑जूति॒र्नोऽवृ॑तः ।
वृषा॒ ह्यु॑ग्र शृण्वि॒षे प॑रा॒वति॒ वृषो॑ अर्वा॒वति॑ श्रु॒तः ॥
Samhita Devanagari Nonaccented
सत्यमित्था वृषेदसि वृषजूतिर्नोऽवृतः ।
वृषा ह्युग्र शृण्विषे परावति वृषो अर्वावति श्रुतः ॥
Samhita Transcription Accented
satyámitthā́ vṛ́ṣédasi vṛ́ṣajūtirnó’vṛtaḥ ǀ
vṛ́ṣā hyúgra śṛṇviṣé parāváti vṛ́ṣo arvāváti śrutáḥ ǁ
Samhita Transcription Nonaccented
satyamitthā vṛṣedasi vṛṣajūtirno’vṛtaḥ ǀ
vṛṣā hyugra śṛṇviṣe parāvati vṛṣo arvāvati śrutaḥ ǁ
Padapatha Devanagari Accented
स॒त्यम् । इ॒त्था । वृषा॑ । इत् । अ॒सि॒ । वृष॑ऽजूतिः । नः॒ । अवृ॑तः ।
वृषा॑ । हि । उ॒ग्र॒ । शृ॒ण्वि॒षे । प॒रा॒ऽवति॑ । वृषो॒ इति॑ । अ॒र्वा॒ऽवति॑ । श्रु॒तः ॥
Padapatha Devanagari Nonaccented
सत्यम् । इत्था । वृषा । इत् । असि । वृषऽजूतिः । नः । अवृतः ।
वृषा । हि । उग्र । शृण्विषे । पराऽवति । वृषो इति । अर्वाऽवति । श्रुतः ॥
Padapatha Transcription Accented
satyám ǀ itthā́ ǀ vṛ́ṣā ǀ ít ǀ asi ǀ vṛ́ṣa-jūtiḥ ǀ naḥ ǀ ávṛtaḥ ǀ
vṛ́ṣā ǀ hí ǀ ugra ǀ śṛṇviṣé ǀ parā-váti ǀ vṛ́ṣo íti ǀ arvā-váti ǀ śrutáḥ ǁ
Padapatha Transcription Nonaccented
satyam ǀ itthā ǀ vṛṣā ǀ it ǀ asi ǀ vṛṣa-jūtiḥ ǀ naḥ ǀ avṛtaḥ ǀ
vṛṣā ǀ hi ǀ ugra ǀ śṛṇviṣe ǀ parā-vati ǀ vṛṣo iti ǀ arvā-vati ǀ śrutaḥ ǁ
08.033.11 (Mandala. Sukta. Rik)
6.3.09.01 (Ashtaka. Adhyaya. Varga. Rik)
08.05.059 (Mandala. Anuvāka. Rik)
Samhita Devanagari Accented
वृष॑णस्ते अ॒भीश॑वो॒ वृषा॒ कशा॑ हिर॒ण्ययी॑ ।
वृषा॒ रथो॑ मघव॒न्वृष॑णा॒ हरी॒ वृषा॒ त्वं श॑तक्रतो ॥
Samhita Devanagari Nonaccented
वृषणस्ते अभीशवो वृषा कशा हिरण्ययी ।
वृषा रथो मघवन्वृषणा हरी वृषा त्वं शतक्रतो ॥
Samhita Transcription Accented
vṛ́ṣaṇaste abhī́śavo vṛ́ṣā káśā hiraṇyáyī ǀ
vṛ́ṣā rátho maghavanvṛ́ṣaṇā hárī vṛ́ṣā tvám śatakrato ǁ
Samhita Transcription Nonaccented
vṛṣaṇaste abhīśavo vṛṣā kaśā hiraṇyayī ǀ
vṛṣā ratho maghavanvṛṣaṇā harī vṛṣā tvam śatakrato ǁ
Padapatha Devanagari Accented
वृष॑णः । ते॒ । अ॒भीश॑वः । वृषा॑ । कशा॑ । हि॒र॒ण्ययी॑ ।
वृषा॑ । रथः॑ । म॒घ॒ऽव॒न् । वृष॑णा । हरी॒ इति॑ । वृषा॑ । त्वम् । श॒त॒क्र॒तो॒ इति॑ शतऽक्रतो ॥
Padapatha Devanagari Nonaccented
वृषणः । ते । अभीशवः । वृषा । कशा । हिरण्ययी ।
वृषा । रथः । मघऽवन् । वृषणा । हरी इति । वृषा । त्वम् । शतक्रतो इति शतऽक्रतो ॥
Padapatha Transcription Accented
vṛ́ṣaṇaḥ ǀ te ǀ abhī́śavaḥ ǀ vṛ́ṣā ǀ káśā ǀ hiraṇyáyī ǀ
vṛ́ṣā ǀ ráthaḥ ǀ magha-van ǀ vṛ́ṣaṇā ǀ hárī íti ǀ vṛ́ṣā ǀ tvám ǀ śatakrato íti śata-krato ǁ
Padapatha Transcription Nonaccented
vṛṣaṇaḥ ǀ te ǀ abhīśavaḥ ǀ vṛṣā ǀ kaśā ǀ hiraṇyayī ǀ
vṛṣā ǀ rathaḥ ǀ magha-van ǀ vṛṣaṇā ǀ harī iti ǀ vṛṣā ǀ tvam ǀ śatakrato iti śata-krato ǁ
08.033.12 (Mandala. Sukta. Rik)
6.3.09.02 (Ashtaka. Adhyaya. Varga. Rik)
08.05.060 (Mandala. Anuvāka. Rik)
Samhita Devanagari Accented
वृषा॒ सोता॑ सुनोतु ते॒ वृष॑न्नृजीपि॒न्ना भ॑र ।
वृषा॑ दधन्वे॒ वृष॑णं न॒दीष्वा तुभ्यं॑ स्थातर्हरीणां ॥
Samhita Devanagari Nonaccented
वृषा सोता सुनोतु ते वृषन्नृजीपिन्ना भर ।
वृषा दधन्वे वृषणं नदीष्वा तुभ्यं स्थातर्हरीणां ॥
Samhita Transcription Accented
vṛ́ṣā sótā sunotu te vṛ́ṣannṛjīpinnā́ bhara ǀ
vṛ́ṣā dadhanve vṛ́ṣaṇam nadī́ṣvā́ túbhyam sthātarharīṇām ǁ
Samhita Transcription Nonaccented
vṛṣā sotā sunotu te vṛṣannṛjīpinnā bhara ǀ
vṛṣā dadhanve vṛṣaṇam nadīṣvā tubhyam sthātarharīṇām ǁ
Padapatha Devanagari Accented
वृषा॑ । सोता॑ । सु॒नो॒तु॒ । ते॒ । वृष॑न् । ऋ॒जी॒पि॒न् । आ । भ॒र॒ ।
वृषा॑ । द॒ध॒न्वे॒ । वृष॑णम् । न॒दीषु॑ । आ । तुभ्य॑म् । स्था॒तः॒ । ह॒री॒णा॒म् ॥
Padapatha Devanagari Nonaccented
वृषा । सोता । सुनोतु । ते । वृषन् । ऋजीपिन् । आ । भर ।
वृषा । दधन्वे । वृषणम् । नदीषु । आ । तुभ्यम् । स्थातः । हरीणाम् ॥
Padapatha Transcription Accented
vṛ́ṣā ǀ sótā ǀ sunotu ǀ te ǀ vṛ́ṣan ǀ ṛjīpin ǀ ā́ ǀ bhara ǀ
vṛ́ṣā ǀ dadhanve ǀ vṛ́ṣaṇam ǀ nadī́ṣu ǀ ā́ ǀ túbhyam ǀ sthātaḥ ǀ harīṇām ǁ
Padapatha Transcription Nonaccented
vṛṣā ǀ sotā ǀ sunotu ǀ te ǀ vṛṣan ǀ ṛjīpin ǀ ā ǀ bhara ǀ
vṛṣā ǀ dadhanve ǀ vṛṣaṇam ǀ nadīṣu ǀ ā ǀ tubhyam ǀ sthātaḥ ǀ harīṇām ǁ
08.033.13 (Mandala. Sukta. Rik)
6.3.09.03 (Ashtaka. Adhyaya. Varga. Rik)
08.05.061 (Mandala. Anuvāka. Rik)
Samhita Devanagari Accented
एंद्र॑ याहि पी॒तये॒ मधु॑ शविष्ठ सो॒म्यं ।
नायमच्छा॑ म॒घवा॑ शृ॒णव॒द्गिरो॒ ब्रह्मो॒क्था च॑ सु॒क्रतुः॑ ॥
Samhita Devanagari Nonaccented
एंद्र याहि पीतये मधु शविष्ठ सोम्यं ।
नायमच्छा मघवा शृणवद्गिरो ब्रह्मोक्था च सुक्रतुः ॥
Samhita Transcription Accented
éndra yāhi pītáye mádhu śaviṣṭha somyám ǀ
nā́yámácchā maghávā śṛṇávadgíro bráhmokthā́ ca sukrátuḥ ǁ
Samhita Transcription Nonaccented
endra yāhi pītaye madhu śaviṣṭha somyam ǀ
nāyamacchā maghavā śṛṇavadgiro brahmokthā ca sukratuḥ ǁ
Padapatha Devanagari Accented
आ । इ॒न्द्र॒ । या॒हि॒ । पी॒तये॑ । मधु॑ । श॒वि॒ष्ठ॒ । सो॒म्यम् ।
न । अ॒यम् । अच्छ॑ । म॒घऽवा॑ । शृ॒णव॑त् । गिरः॑ । ब्रह्म॑ । उ॒क्था । च॒ । सु॒ऽक्रतुः॑ ॥
Padapatha Devanagari Nonaccented
आ । इन्द्र । याहि । पीतये । मधु । शविष्ठ । सोम्यम् ।
न । अयम् । अच्छ । मघऽवा । शृणवत् । गिरः । ब्रह्म । उक्था । च । सुऽक्रतुः ॥
Padapatha Transcription Accented
ā́ ǀ indra ǀ yāhi ǀ pītáye ǀ mádhu ǀ śaviṣṭha ǀ somyám ǀ
ná ǀ ayám ǀ áccha ǀ maghá-vā ǀ śṛṇávat ǀ gíraḥ ǀ bráhma ǀ ukthā́ ǀ ca ǀ su-krátuḥ ǁ
Padapatha Transcription Nonaccented
ā ǀ indra ǀ yāhi ǀ pītaye ǀ madhu ǀ śaviṣṭha ǀ somyam ǀ
na ǀ ayam ǀ accha ǀ magha-vā ǀ śṛṇavat ǀ giraḥ ǀ brahma ǀ ukthā ǀ ca ǀ su-kratuḥ ǁ
08.033.14 (Mandala. Sukta. Rik)
6.3.09.04 (Ashtaka. Adhyaya. Varga. Rik)
08.05.062 (Mandala. Anuvāka. Rik)
Samhita Devanagari Accented
वहं॑तु त्वा रथे॒ष्ठामा हर॑यो रथ॒युजः॑ ।
ति॒रश्चि॑द॒र्यं सव॑नानि वृत्रहन्न॒न्येषां॒ या श॑तक्रतो ॥
Samhita Devanagari Nonaccented
वहंतु त्वा रथेष्ठामा हरयो रथयुजः ।
तिरश्चिदर्यं सवनानि वृत्रहन्नन्येषां या शतक्रतो ॥
Samhita Transcription Accented
váhantu tvā ratheṣṭhā́mā́ hárayo rathayújaḥ ǀ
tiráścidaryám sávanāni vṛtrahannanyéṣām yā́ śatakrato ǁ
Samhita Transcription Nonaccented
vahantu tvā ratheṣṭhāmā harayo rathayujaḥ ǀ
tiraścidaryam savanāni vṛtrahannanyeṣām yā śatakrato ǁ
Padapatha Devanagari Accented
वह॑न्तु । त्वा॒ । र॒थे॒ऽस्थाम् । आ । हर॑यः । र॒थ॒ऽयुजः॑ ।
ति॒रः । चि॒त् । अ॒र्यम् । सव॑नानि । वृ॒त्र॒ऽह॒न् । अ॒न्येषा॑म् । या । श॒त॒क्र॒तो॒ इति॑ शतऽक्रतो ॥
Padapatha Devanagari Nonaccented
वहन्तु । त्वा । रथेऽस्थाम् । आ । हरयः । रथऽयुजः ।
तिरः । चित् । अर्यम् । सवनानि । वृत्रऽहन् । अन्येषाम् । या । शतक्रतो इति शतऽक्रतो ॥
Padapatha Transcription Accented
váhantu ǀ tvā ǀ rathe-sthā́m ǀ ā́ ǀ hárayaḥ ǀ ratha-yújaḥ ǀ
tiráḥ ǀ cit ǀ aryám ǀ sávanāni ǀ vṛtra-han ǀ anyéṣām ǀ yā́ ǀ śatakrato íti śata-krato ǁ
Padapatha Transcription Nonaccented
vahantu ǀ tvā ǀ rathe-sthām ǀ ā ǀ harayaḥ ǀ ratha-yujaḥ ǀ
tiraḥ ǀ cit ǀ aryam ǀ savanāni ǀ vṛtra-han ǀ anyeṣām ǀ yā ǀ śatakrato iti śata-krato ǁ
08.033.15 (Mandala. Sukta. Rik)
6.3.09.05 (Ashtaka. Adhyaya. Varga. Rik)
08.05.063 (Mandala. Anuvāka. Rik)
Samhita Devanagari Accented
अ॒स्माक॑म॒द्यांत॑मं॒ स्तोमं॑ धिष्व महामह ।
अ॒स्माकं॑ ते॒ सव॑ना संतु॒ शंत॑मा॒ मदा॑य द्युक्ष सोमपाः ॥
Samhita Devanagari Nonaccented
अस्माकमद्यांतमं स्तोमं धिष्व महामह ।
अस्माकं ते सवना संतु शंतमा मदाय द्युक्ष सोमपाः ॥
Samhita Transcription Accented
asmā́kamadyā́ntamam stómam dhiṣva mahāmaha ǀ
asmā́kam te sávanā santu śáṃtamā mádāya dyukṣa somapāḥ ǁ
Samhita Transcription Nonaccented
asmākamadyāntamam stomam dhiṣva mahāmaha ǀ
asmākam te savanā santu śaṃtamā madāya dyukṣa somapāḥ ǁ
Padapatha Devanagari Accented
अ॒स्माक॑म् । अ॒द्य । अन्त॑मम् । स्तोम॑म् । धि॒ष्व॒ । म॒हा॒ऽम॒ह॒ ।
अ॒स्माक॑म् । ते॒ । सव॑ना । स॒न्तु॒ । शम्ऽत॑मा । मदा॑य । द्यु॒क्ष॒ । सो॒म॒ऽपाः॒ ॥
Padapatha Devanagari Nonaccented
अस्माकम् । अद्य । अन्तमम् । स्तोमम् । धिष्व । महाऽमह ।
अस्माकम् । ते । सवना । सन्तु । शम्ऽतमा । मदाय । द्युक्ष । सोमऽपाः ॥
Padapatha Transcription Accented
asmā́kam ǀ adyá ǀ ántamam ǀ stómam ǀ dhiṣva ǀ mahā-maha ǀ
asmā́kam ǀ te ǀ sávanā ǀ santu ǀ śám-tamā ǀ mádāya ǀ dyukṣa ǀ soma-pāḥ ǁ
Padapatha Transcription Nonaccented
asmākam ǀ adya ǀ antamam ǀ stomam ǀ dhiṣva ǀ mahā-maha ǀ
asmākam ǀ te ǀ savanā ǀ santu ǀ śam-tamā ǀ madāya ǀ dyukṣa ǀ soma-pāḥ ǁ
08.033.16 (Mandala. Sukta. Rik)
6.3.10.01 (Ashtaka. Adhyaya. Varga. Rik)
08.05.064 (Mandala. Anuvāka. Rik)
Samhita Devanagari Accented
न॒हि षस्तव॒ नो मम॑ शा॒स्त्रे अ॒न्यस्य॒ रण्य॑ति ।
यो अ॒स्मान्वी॒र आन॑यत् ॥
Samhita Devanagari Nonaccented
नहि षस्तव नो मम शास्त्रे अन्यस्य रण्यति ।
यो अस्मान्वीर आनयत् ॥
Samhita Transcription Accented
nahí ṣástáva nó máma śāstré anyásya ráṇyati ǀ
yó asmā́nvīrá ā́nayat ǁ
Samhita Transcription Nonaccented
nahi ṣastava no mama śāstre anyasya raṇyati ǀ
yo asmānvīra ānayat ǁ
Padapatha Devanagari Accented
न॒हि । सः । तव॑ । नः॒ । मम॑ । शा॒स्त्रे । अ॒न्यस्य॑ । रण्य॑ति ।
यः । अ॒स्मान् । वी॒रः । आ । अन॑यत् ॥
Padapatha Devanagari Nonaccented
नहि । सः । तव । नः । मम । शास्त्रे । अन्यस्य । रण्यति ।
यः । अस्मान् । वीरः । आ । अनयत् ॥
Padapatha Transcription Accented
nahí ǀ sáḥ ǀ táva ǀ naḥ ǀ máma ǀ śāstré ǀ anyásya ǀ ráṇyati ǀ
yáḥ ǀ asmā́n ǀ vīráḥ ǀ ā́ ǀ ánayat ǁ
Padapatha Transcription Nonaccented
nahi ǀ saḥ ǀ tava ǀ naḥ ǀ mama ǀ śāstre ǀ anyasya ǀ raṇyati ǀ
yaḥ ǀ asmān ǀ vīraḥ ǀ ā ǀ anayat ǁ
08.033.17 (Mandala. Sukta. Rik)
6.3.10.02 (Ashtaka. Adhyaya. Varga. Rik)
08.05.065 (Mandala. Anuvāka. Rik)
Samhita Devanagari Accented
इंद्र॑श्चिद्घा॒ तद॑ब्रवीत्स्त्रि॒या अ॑शा॒स्यं मनः॑ ।
उ॒तो अह॒ क्रतुं॑ र॒घुं ॥
Samhita Devanagari Nonaccented
इंद्रश्चिद्घा तदब्रवीत्स्त्रिया अशास्यं मनः ।
उतो अह क्रतुं रघुं ॥
Samhita Transcription Accented
índraścidghā tádabravītstriyā́ aśāsyám mánaḥ ǀ
utó áha krátum raghúm ǁ
Samhita Transcription Nonaccented
indraścidghā tadabravītstriyā aśāsyam manaḥ ǀ
uto aha kratum raghum ǁ
Padapatha Devanagari Accented
इन्द्रः॑ । चि॒त् । घ॒ । तत् । अ॒ब्र॒वी॒त् । स्त्रि॒याः । अ॒शा॒स्यम् । मनः॑ ।
उ॒तो इति॑ । अह॑ । क्रतु॑म् । र॒घुम् ॥
Padapatha Devanagari Nonaccented
इन्द्रः । चित् । घ । तत् । अब्रवीत् । स्त्रियाः । अशास्यम् । मनः ।
उतो इति । अह । क्रतुम् । रघुम् ॥
Padapatha Transcription Accented
índraḥ ǀ cit ǀ gha ǀ tát ǀ abravīt ǀ striyā́ḥ ǀ aśāsyám ǀ mánaḥ ǀ
utó íti ǀ áha ǀ krátum ǀ raghúm ǁ
Padapatha Transcription Nonaccented
indraḥ ǀ cit ǀ gha ǀ tat ǀ abravīt ǀ striyāḥ ǀ aśāsyam ǀ manaḥ ǀ
uto iti ǀ aha ǀ kratum ǀ raghum ǁ
08.033.18 (Mandala. Sukta. Rik)
6.3.10.03 (Ashtaka. Adhyaya. Varga. Rik)
08.05.066 (Mandala. Anuvāka. Rik)
Samhita Devanagari Accented
सप्ती॑ चिद्घा मद॒च्युता॑ मिथु॒ना व॑हतो॒ रथं॑ ।
ए॒वेद्धूर्वृष्ण॒ उत्त॑रा ॥
Samhita Devanagari Nonaccented
सप्ती चिद्घा मदच्युता मिथुना वहतो रथं ।
एवेद्धूर्वृष्ण उत्तरा ॥
Samhita Transcription Accented
sáptī cidghā madacyútā mithunā́ vahato rátham ǀ
evéddhū́rvṛ́ṣṇa úttarā ǁ
Samhita Transcription Nonaccented
saptī cidghā madacyutā mithunā vahato ratham ǀ
eveddhūrvṛṣṇa uttarā ǁ
Padapatha Devanagari Accented
सप्ती॒ इति॑ । चि॒त् । घ॒ । म॒द॒ऽच्युता॑ । मि॒थु॒ना । व॒ह॒तः॒ । रथ॑म् ।
ए॒व । इत् । धूः । वृष्णः॑ । उत्ऽत॑रा ॥
Padapatha Devanagari Nonaccented
सप्ती इति । चित् । घ । मदऽच्युता । मिथुना । वहतः । रथम् ।
एव । इत् । धूः । वृष्णः । उत्ऽतरा ॥
Padapatha Transcription Accented
sáptī íti ǀ cit ǀ gha ǀ mada-cyútā ǀ mithunā́ ǀ vahataḥ ǀ rátham ǀ
evá ǀ ít ǀ dhū́ḥ ǀ vṛ́ṣṇaḥ ǀ út-tarā ǁ
Padapatha Transcription Nonaccented
saptī iti ǀ cit ǀ gha ǀ mada-cyutā ǀ mithunā ǀ vahataḥ ǀ ratham ǀ
eva ǀ it ǀ dhūḥ ǀ vṛṣṇaḥ ǀ ut-tarā ǁ
08.033.19 (Mandala. Sukta. Rik)
6.3.10.04 (Ashtaka. Adhyaya. Varga. Rik)
08.05.067 (Mandala. Anuvāka. Rik)
Samhita Devanagari Accented
अ॒धः प॑श्यस्व॒ मोपरि॑ संत॒रां पा॑द॒कौ ह॑र ।
मा ते॑ कशप्ल॒कौ दृ॑श॒न् स्त्री हि ब्र॒ह्मा ब॒भूवि॑थ ॥
Samhita Devanagari Nonaccented
अधः पश्यस्व मोपरि संतरां पादकौ हर ।
मा ते कशप्लकौ दृशन् स्त्री हि ब्रह्मा बभूविथ ॥
Samhita Transcription Accented
adháḥ paśyasva mópári saṃtarā́m pādakáu hara ǀ
mā́ te kaśaplakáu dṛśan strī́ hí brahmā́ babhū́vitha ǁ
Samhita Transcription Nonaccented
adhaḥ paśyasva mopari saṃtarām pādakau hara ǀ
mā te kaśaplakau dṛśan strī hi brahmā babhūvitha ǁ
Padapatha Devanagari Accented
अ॒धः । प॒श्य॒स्व॒ । मा । उ॒परि॑ । स॒म्ऽत॒राम् । पा॒द॒कौ । ह॒र॒ ।
मा । ते॒ । क॒श॒ऽप्ल॒कौ । दृ॒श॒न् । स्त्री । हि । ब्र॒ह्मा । ब॒भूवि॑थ ॥
Padapatha Devanagari Nonaccented
अधः । पश्यस्व । मा । उपरि । सम्ऽतराम् । पादकौ । हर ।
मा । ते । कशऽप्लकौ । दृशन् । स्त्री । हि । ब्रह्मा । बभूविथ ॥
Padapatha Transcription Accented
adháḥ ǀ paśyasva ǀ mā́ ǀ upári ǀ sam-tarā́m ǀ pādakáu ǀ hara ǀ
mā́ ǀ te ǀ kaśa-plakáu ǀ dṛśan ǀ strī́ ǀ hí ǀ brahmā́ ǀ babhū́vitha ǁ
Padapatha Transcription Nonaccented
adhaḥ ǀ paśyasva ǀ mā ǀ upari ǀ sam-tarām ǀ pādakau ǀ hara ǀ
mā ǀ te ǀ kaśa-plakau ǀ dṛśan ǀ strī ǀ hi ǀ brahmā ǀ babhūvitha ǁ