|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 34
|
1. Info |
| To: | soma pavamāna | |
| From: | trita āptya | |
| Metres: | 1st set of styles: nicṛdgāyatrī (1, 2, 4); gāyatrī (3, 5, 6) 2nd set of styles: gāyatrī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.034.01 (Mandala. Sukta. Rik)
6.8.24.01 (Ashtaka. Adhyaya. Varga. Rik)
09.02.055 (Mandala. Anuvāka. Rik)
Samhita Devanagari Accented
प्र सु॑वा॒नो धार॑या॒ तनेंदु॑र्हिन्वा॒नो अ॑र्षति ।
रु॒जद्दृ॒ळ्हा व्योज॑सा ॥
Samhita Devanagari Nonaccented
प्र सुवानो धारया तनेंदुर्हिन्वानो अर्षति ।
रुजद्दृळ्हा व्योजसा ॥
Samhita Transcription Accented
prá suvānó dhā́rayā tánéndurhinvānó arṣati ǀ
rujáddṛḷhā́ vyójasā ǁ
Samhita Transcription Nonaccented
pra suvāno dhārayā tanendurhinvāno arṣati ǀ
rujaddṛḷhā vyojasā ǁ
Padapatha Devanagari Accented
प्र । सु॒वा॒नः । धार॑या । तना॑ । इन्दुः॑ । हि॒न्वा॒नः । अ॒र्ष॒ति॒ ।
रु॒जत् । दृ॒ळ्हा । वि । ओज॑सा ॥
Padapatha Devanagari Nonaccented
प्र । सुवानः । धारया । तना । इन्दुः । हिन्वानः । अर्षति ।
रुजत् । दृळ्हा । वि । ओजसा ॥
Padapatha Transcription Accented
prá ǀ suvānáḥ ǀ dhā́rayā ǀ tánā ǀ índuḥ ǀ hinvānáḥ ǀ arṣati ǀ
ruját ǀ dṛḷhā́ ǀ ví ǀ ójasā ǁ
Padapatha Transcription Nonaccented
pra ǀ suvānaḥ ǀ dhārayā ǀ tanā ǀ induḥ ǀ hinvānaḥ ǀ arṣati ǀ
rujat ǀ dṛḷhā ǀ vi ǀ ojasā ǁ
09.034.02 (Mandala. Sukta. Rik)
6.8.24.02 (Ashtaka. Adhyaya. Varga. Rik)
09.02.056 (Mandala. Anuvāka. Rik)
Samhita Devanagari Accented
सु॒त इंद्रा॑य वा॒यवे॒ वरु॑णाय म॒रुद्भ्यः॑ ।
सोमो॑ अर्षति॒ विष्ण॑वे ॥
Samhita Devanagari Nonaccented
सुत इंद्राय वायवे वरुणाय मरुद्भ्यः ।
सोमो अर्षति विष्णवे ॥
Samhita Transcription Accented
sutá índrāya vāyáve váruṇāya marúdbhyaḥ ǀ
sómo arṣati víṣṇave ǁ
Samhita Transcription Nonaccented
suta indrāya vāyave varuṇāya marudbhyaḥ ǀ
somo arṣati viṣṇave ǁ
Padapatha Devanagari Accented
सु॒तः । इन्द्रा॑य । वा॒यवे॑ । वरु॑णाय । म॒रुत्ऽभ्यः॑ ।
सोमः॑ । अ॒र्ष॒ति॒ । विष्ण॑वे ॥
Padapatha Devanagari Nonaccented
सुतः । इन्द्राय । वायवे । वरुणाय । मरुत्ऽभ्यः ।
सोमः । अर्षति । विष्णवे ॥
Padapatha Transcription Accented
sutáḥ ǀ índrāya ǀ vāyáve ǀ váruṇāya ǀ marút-bhyaḥ ǀ
sómaḥ ǀ arṣati ǀ víṣṇave ǁ
Padapatha Transcription Nonaccented
sutaḥ ǀ indrāya ǀ vāyave ǀ varuṇāya ǀ marut-bhyaḥ ǀ
somaḥ ǀ arṣati ǀ viṣṇave ǁ
09.034.03 (Mandala. Sukta. Rik)
6.8.24.03 (Ashtaka. Adhyaya. Varga. Rik)
09.02.057 (Mandala. Anuvāka. Rik)
Samhita Devanagari Accented
वृषा॑णं॒ वृष॑भिर्य॒तं सु॒न्वंति॒ सोम॒मद्रि॑भिः ।
दु॒हंति॒ शक्म॑ना॒ पयः॑ ॥
Samhita Devanagari Nonaccented
वृषाणं वृषभिर्यतं सुन्वंति सोममद्रिभिः ।
दुहंति शक्मना पयः ॥
Samhita Transcription Accented
vṛ́ṣāṇam vṛ́ṣabhiryatám sunvánti sómamádribhiḥ ǀ
duhánti śákmanā páyaḥ ǁ
Samhita Transcription Nonaccented
vṛṣāṇam vṛṣabhiryatam sunvanti somamadribhiḥ ǀ
duhanti śakmanā payaḥ ǁ
Padapatha Devanagari Accented
वृषा॑णम् । वृष॑ऽभिः । य॒तम् । सु॒न्वन्ति॑ । सोम॑म् । अद्रि॑ऽभिः ।
दु॒हन्ति॑ । शक्म॑ना । पयः॑ ॥
Padapatha Devanagari Nonaccented
वृषाणम् । वृषऽभिः । यतम् । सुन्वन्ति । सोमम् । अद्रिऽभिः ।
दुहन्ति । शक्मना । पयः ॥
Padapatha Transcription Accented
vṛ́ṣāṇam ǀ vṛ́ṣa-bhiḥ ǀ yatám ǀ sunvánti ǀ sómam ǀ ádri-bhiḥ ǀ
duhánti ǀ śákmanā ǀ páyaḥ ǁ
Padapatha Transcription Nonaccented
vṛṣāṇam ǀ vṛṣa-bhiḥ ǀ yatam ǀ sunvanti ǀ somam ǀ adri-bhiḥ ǀ
duhanti ǀ śakmanā ǀ payaḥ ǁ
09.034.04 (Mandala. Sukta. Rik)
6.8.24.04 (Ashtaka. Adhyaya. Varga. Rik)
09.02.058 (Mandala. Anuvāka. Rik)
Samhita Devanagari Accented
भुव॑त्त्रि॒तस्य॒ मर्ज्यो॒ भुव॒दिंद्रा॑य मत्स॒रः ।
सं रू॒पैर॑ज्यते॒ हरिः॑ ॥
Samhita Devanagari Nonaccented
भुवत्त्रितस्य मर्ज्यो भुवदिंद्राय मत्सरः ।
सं रूपैरज्यते हरिः ॥
Samhita Transcription Accented
bhúvattritásya márjyo bhúvadíndrāya matsaráḥ ǀ
sám rūpáirajyate háriḥ ǁ
Samhita Transcription Nonaccented
bhuvattritasya marjyo bhuvadindrāya matsaraḥ ǀ
sam rūpairajyate hariḥ ǁ
Padapatha Devanagari Accented
भुव॑त् । त्रि॒तस्य॑ । मर्ज्यः॑ । भुव॑त् । इन्द्रा॑य । म॒त्स॒रः ।
सम् । रू॒पैः । अ॒ज्य॒ते॒ । हरिः॑ ॥
Padapatha Devanagari Nonaccented
भुवत् । त्रितस्य । मर्ज्यः । भुवत् । इन्द्राय । मत्सरः ।
सम् । रूपैः । अज्यते । हरिः ॥
Padapatha Transcription Accented
bhúvat ǀ tritásya ǀ márjyaḥ ǀ bhúvat ǀ índrāya ǀ matsaráḥ ǀ
sám ǀ rūpáiḥ ǀ ajyate ǀ háriḥ ǁ
Padapatha Transcription Nonaccented
bhuvat ǀ tritasya ǀ marjyaḥ ǀ bhuvat ǀ indrāya ǀ matsaraḥ ǀ
sam ǀ rūpaiḥ ǀ ajyate ǀ hariḥ ǁ
09.034.05 (Mandala. Sukta. Rik)
6.8.24.05 (Ashtaka. Adhyaya. Varga. Rik)
09.02.059 (Mandala. Anuvāka. Rik)
Samhita Devanagari Accented
अ॒भीमृ॒तस्य॑ वि॒ष्टपं॑ दुह॒ते पृश्नि॑मातरः ।
चारु॑ प्रि॒यत॑मं ह॒विः ॥
Samhita Devanagari Nonaccented
अभीमृतस्य विष्टपं दुहते पृश्निमातरः ।
चारु प्रियतमं हविः ॥
Samhita Transcription Accented
abhī́mṛtásya viṣṭápam duhaté pṛ́śnimātaraḥ ǀ
cā́ru priyátamam havíḥ ǁ
Samhita Transcription Nonaccented
abhīmṛtasya viṣṭapam duhate pṛśnimātaraḥ ǀ
cāru priyatamam haviḥ ǁ
Padapatha Devanagari Accented
अ॒भि । ई॒म् । ऋ॒तस्य॑ । वि॒ष्टप॑म् । दु॒ह॒ते । पृश्नि॑ऽमातरः ।
चारु॑ । प्रि॒यऽत॑मम् । ह॒विः ॥
Padapatha Devanagari Nonaccented
अभि । ईम् । ऋतस्य । विष्टपम् । दुहते । पृश्निऽमातरः ।
चारु । प्रियऽतमम् । हविः ॥
Padapatha Transcription Accented
abhí ǀ īm ǀ ṛtásya ǀ viṣṭápam ǀ duhaté ǀ pṛ́śni-mātaraḥ ǀ
cā́ru ǀ priyá-tamam ǀ havíḥ ǁ
Padapatha Transcription Nonaccented
abhi ǀ īm ǀ ṛtasya ǀ viṣṭapam ǀ duhate ǀ pṛśni-mātaraḥ ǀ
cāru ǀ priya-tamam ǀ haviḥ ǁ
09.034.06 (Mandala. Sukta. Rik)
6.8.24.06 (Ashtaka. Adhyaya. Varga. Rik)
09.02.060 (Mandala. Anuvāka. Rik)
Samhita Devanagari Accented
समे॑न॒मह्रु॑ता इ॒मा गिरो॑ अर्षंति स॒स्रुतः॑ ।
धे॒नूर्वा॒श्रो अ॑वीवशत् ॥
Samhita Devanagari Nonaccented
समेनमह्रुता इमा गिरो अर्षंति सस्रुतः ।
धेनूर्वाश्रो अवीवशत् ॥
Samhita Transcription Accented
sámenamáhrutā imā́ gíro arṣanti sasrútaḥ ǀ
dhenū́rvāśró avīvaśat ǁ
Samhita Transcription Nonaccented
samenamahrutā imā giro arṣanti sasrutaḥ ǀ
dhenūrvāśro avīvaśat ǁ
Padapatha Devanagari Accented
सम् । ए॒न॒म् । अह्रु॑ताः । इ॒माः । गिरः॑ । अ॒र्ष॒न्ति॒ । स॒ऽस्रुतः॑ ।
धे॒नूः । वा॒श्रः । अ॒वी॒व॒श॒न् ॥
Padapatha Devanagari Nonaccented
सम् । एनम् । अह्रुताः । इमाः । गिरः । अर्षन्ति । सऽस्रुतः ।
धेनूः । वाश्रः । अवीवशन् ॥
Padapatha Transcription Accented
sám ǀ enam ǀ áhrutāḥ ǀ imā́ḥ ǀ gíraḥ ǀ arṣanti ǀ sa-srútaḥ ǀ
dhenū́ḥ ǀ vāśráḥ ǀ avīvaśan ǁ
Padapatha Transcription Nonaccented
sam ǀ enam ǀ ahrutāḥ ǀ imāḥ ǀ giraḥ ǀ arṣanti ǀ sa-srutaḥ ǀ
dhenūḥ ǀ vāśraḥ ǀ avīvaśan ǁ