|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 35
|
1. Info |
| To: | soma pavamāna | |
| From: | prabhūvasu āṅgirasa | |
| Metres: | 1st set of styles: gāyatrī (1, 2, 4-6); virāḍgāyatrī (3) 2nd set of styles: gāyatrī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.035.01 (Mandala. Sukta. Rik)
6.8.25.01 (Ashtaka. Adhyaya. Varga. Rik)
09.02.061 (Mandala. Anuvāka. Rik)
Samhita Devanagari Accented
आ नः॑ पवस्व॒ धार॑या॒ पव॑मान र॒यिं पृ॒थुं ।
यया॒ ज्योति॑र्वि॒दासि॑ नः ॥
Samhita Devanagari Nonaccented
आ नः पवस्व धारया पवमान रयिं पृथुं ।
यया ज्योतिर्विदासि नः ॥
Samhita Transcription Accented
ā́ naḥ pavasva dhā́rayā pávamāna rayím pṛthúm ǀ
yáyā jyótirvidā́si naḥ ǁ
Samhita Transcription Nonaccented
ā naḥ pavasva dhārayā pavamāna rayim pṛthum ǀ
yayā jyotirvidāsi naḥ ǁ
Padapatha Devanagari Accented
आ । नः॒ । प॒व॒स्व॒ । धार॑या । पव॑मान । र॒यिम् । पृ॒थुम् ।
यया॑ । ज्योतिः॑ । वि॒दासि॑ । नः॒ ॥
Padapatha Devanagari Nonaccented
आ । नः । पवस्व । धारया । पवमान । रयिम् । पृथुम् ।
यया । ज्योतिः । विदासि । नः ॥
Padapatha Transcription Accented
ā́ ǀ naḥ ǀ pavasva ǀ dhā́rayā ǀ pávamāna ǀ rayím ǀ pṛthúm ǀ
yáyā ǀ jyótiḥ ǀ vidā́si ǀ naḥ ǁ
Padapatha Transcription Nonaccented
ā ǀ naḥ ǀ pavasva ǀ dhārayā ǀ pavamāna ǀ rayim ǀ pṛthum ǀ
yayā ǀ jyotiḥ ǀ vidāsi ǀ naḥ ǁ
09.035.02 (Mandala. Sukta. Rik)
6.8.25.02 (Ashtaka. Adhyaya. Varga. Rik)
09.02.062 (Mandala. Anuvāka. Rik)
Samhita Devanagari Accented
इंदो॑ समुद्रमींखय॒ पव॑स्व विश्वमेजय ।
रा॒यो ध॒र्ता न॒ ओज॑सा ॥
Samhita Devanagari Nonaccented
इंदो समुद्रमींखय पवस्व विश्वमेजय ।
रायो धर्ता न ओजसा ॥
Samhita Transcription Accented
índo samudramīṅkhaya pávasva viśvamejaya ǀ
rāyó dhartā́ na ójasā ǁ
Samhita Transcription Nonaccented
indo samudramīṅkhaya pavasva viśvamejaya ǀ
rāyo dhartā na ojasā ǁ
Padapatha Devanagari Accented
इन्दो॒ इति॑ । स॒मु॒द्र॒म्ऽई॒ङ्ख॒य॒ । पव॑स्व । वि॒श्व॒म्ऽए॒ज॒य॒ ।
रा॒यः । ध॒र्ता । नः॒ । ओज॑सा ॥
Padapatha Devanagari Nonaccented
इन्दो इति । समुद्रम्ऽईङ्खय । पवस्व । विश्वम्ऽएजय ।
रायः । धर्ता । नः । ओजसा ॥
Padapatha Transcription Accented
índo íti ǀ samudram-īṅkhaya ǀ pávasva ǀ viśvam-ejaya ǀ
rāyáḥ ǀ dhartā́ ǀ naḥ ǀ ójasā ǁ
Padapatha Transcription Nonaccented
indo iti ǀ samudram-īṅkhaya ǀ pavasva ǀ viśvam-ejaya ǀ
rāyaḥ ǀ dhartā ǀ naḥ ǀ ojasā ǁ
09.035.03 (Mandala. Sukta. Rik)
6.8.25.03 (Ashtaka. Adhyaya. Varga. Rik)
09.02.063 (Mandala. Anuvāka. Rik)
Samhita Devanagari Accented
त्वया॑ वी॒रेण॑ वीरवो॒ऽभि ष्या॑म पृतन्य॒तः ।
क्षरा॑ णो अ॒भि वार्यं॑ ॥
Samhita Devanagari Nonaccented
त्वया वीरेण वीरवोऽभि ष्याम पृतन्यतः ।
क्षरा णो अभि वार्यं ॥
Samhita Transcription Accented
tváyā vīréṇa vīravo’bhí ṣyāma pṛtanyatáḥ ǀ
kṣárā ṇo abhí vā́ryam ǁ
Samhita Transcription Nonaccented
tvayā vīreṇa vīravo’bhi ṣyāma pṛtanyataḥ ǀ
kṣarā ṇo abhi vāryam ǁ
Padapatha Devanagari Accented
त्वया॑ । वी॒रेण॑ । वी॒र॒ऽवः॒ । अ॒भि । स्या॒म॒ । पृ॒त॒न्य॒तः ।
क्षर॑ । नः॒ । अ॒भि । वार्य॑म् ॥
Padapatha Devanagari Nonaccented
त्वया । वीरेण । वीरऽवः । अभि । स्याम । पृतन्यतः ।
क्षर । नः । अभि । वार्यम् ॥
Padapatha Transcription Accented
tváyā ǀ vīréṇa ǀ vīra-vaḥ ǀ abhí ǀ syāma ǀ pṛtanyatáḥ ǀ
kṣára ǀ naḥ ǀ abhí ǀ vā́ryam ǁ
Padapatha Transcription Nonaccented
tvayā ǀ vīreṇa ǀ vīra-vaḥ ǀ abhi ǀ syāma ǀ pṛtanyataḥ ǀ
kṣara ǀ naḥ ǀ abhi ǀ vāryam ǁ
09.035.04 (Mandala. Sukta. Rik)
6.8.25.04 (Ashtaka. Adhyaya. Varga. Rik)
09.02.064 (Mandala. Anuvāka. Rik)
Samhita Devanagari Accented
प्र वाज॒मिंदु॑रिष्यति॒ सिषा॑सन्वाज॒सा ऋषिः॑ ।
व्र॒ता वि॑दा॒न आयु॑धा ॥
Samhita Devanagari Nonaccented
प्र वाजमिंदुरिष्यति सिषासन्वाजसा ऋषिः ।
व्रता विदान आयुधा ॥
Samhita Transcription Accented
prá vā́jamínduriṣyati síṣāsanvājasā́ ṛ́ṣiḥ ǀ
vratā́ vidāná ā́yudhā ǁ
Samhita Transcription Nonaccented
pra vājaminduriṣyati siṣāsanvājasā ṛṣiḥ ǀ
vratā vidāna āyudhā ǁ
Padapatha Devanagari Accented
प्र । वाज॑म् । इन्दुः॑ । इ॒ष्य॒ति॒ । सिसा॑सन् । वा॒ज॒ऽसाः । ऋषिः॑ ।
व्र॒ता । वि॒दा॒नः । आयु॑धा ॥
Padapatha Devanagari Nonaccented
प्र । वाजम् । इन्दुः । इष्यति । सिसासन् । वाजऽसाः । ऋषिः ।
व्रता । विदानः । आयुधा ॥
Padapatha Transcription Accented
prá ǀ vā́jam ǀ índuḥ ǀ iṣyati ǀ sísāsan ǀ vāja-sā́ḥ ǀ ṛ́ṣiḥ ǀ
vratā́ ǀ vidānáḥ ǀ ā́yudhā ǁ
Padapatha Transcription Nonaccented
pra ǀ vājam ǀ induḥ ǀ iṣyati ǀ sisāsan ǀ vāja-sāḥ ǀ ṛṣiḥ ǀ
vratā ǀ vidānaḥ ǀ āyudhā ǁ
09.035.05 (Mandala. Sukta. Rik)
6.8.25.05 (Ashtaka. Adhyaya. Varga. Rik)
09.02.065 (Mandala. Anuvāka. Rik)
Samhita Devanagari Accented
तं गी॒र्भिर्वा॑चमींख॒यं पु॑ना॒नं वा॑सयामसि ।
सोमं॒ जन॑स्य॒ गोप॑तिं ॥
Samhita Devanagari Nonaccented
तं गीर्भिर्वाचमींखयं पुनानं वासयामसि ।
सोमं जनस्य गोपतिं ॥
Samhita Transcription Accented
tám gīrbhírvācamīṅkhayám punānám vāsayāmasi ǀ
sómam jánasya gópatim ǁ
Samhita Transcription Nonaccented
tam gīrbhirvācamīṅkhayam punānam vāsayāmasi ǀ
somam janasya gopatim ǁ
Padapatha Devanagari Accented
तम् । गीः॒ऽभिः । वा॒च॒म्ऽई॒ङ्ख॒यम् । पु॒ना॒नम् । वा॒स॒या॒म॒सि॒ ।
सोम॑म् । जन॑स्य । गोऽप॑तिम् ॥
Padapatha Devanagari Nonaccented
तम् । गीःऽभिः । वाचम्ऽईङ्खयम् । पुनानम् । वासयामसि ।
सोमम् । जनस्य । गोऽपतिम् ॥
Padapatha Transcription Accented
tám ǀ gīḥ-bhíḥ ǀ vācam-īṅkhayám ǀ punānám ǀ vāsayāmasi ǀ
sómam ǀ jánasya ǀ gó-patim ǁ
Padapatha Transcription Nonaccented
tam ǀ gīḥ-bhiḥ ǀ vācam-īṅkhayam ǀ punānam ǀ vāsayāmasi ǀ
somam ǀ janasya ǀ go-patim ǁ
09.035.06 (Mandala. Sukta. Rik)
6.8.25.06 (Ashtaka. Adhyaya. Varga. Rik)
09.02.066 (Mandala. Anuvāka. Rik)
Samhita Devanagari Accented
विश्वो॒ यस्य॑ व्र॒ते जनो॑ दा॒धार॒ धर्म॑ण॒स्पतेः॑ ।
पु॒ना॒नस्य॑ प्र॒भूव॑सोः ॥
Samhita Devanagari Nonaccented
विश्वो यस्य व्रते जनो दाधार धर्मणस्पतेः ।
पुनानस्य प्रभूवसोः ॥
Samhita Transcription Accented
víśvo yásya vraté jáno dādhā́ra dhármaṇaspáteḥ ǀ
punānásya prabhū́vasoḥ ǁ
Samhita Transcription Nonaccented
viśvo yasya vrate jano dādhāra dharmaṇaspateḥ ǀ
punānasya prabhūvasoḥ ǁ
Padapatha Devanagari Accented
विश्वः॑ । यस्य॑ । व्र॒ते । जनः॑ । दा॒धार॑ । धर्म॑णः । पतेः॑ ।
पु॒ना॒नस्य॑ । प्र॒भुऽव॑सोः ॥
Padapatha Devanagari Nonaccented
विश्वः । यस्य । व्रते । जनः । दाधार । धर्मणः । पतेः ।
पुनानस्य । प्रभुऽवसोः ॥
Padapatha Transcription Accented
víśvaḥ ǀ yásya ǀ vraté ǀ jánaḥ ǀ dādhā́ra ǀ dhármaṇaḥ ǀ páteḥ ǀ
punānásya ǀ prabhú-vasoḥ ǁ
Padapatha Transcription Nonaccented
viśvaḥ ǀ yasya ǀ vrate ǀ janaḥ ǀ dādhāra ǀ dharmaṇaḥ ǀ pateḥ ǀ
punānasya ǀ prabhu-vasoḥ ǁ