|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 43
|
1. Info |
| To: | soma pavamāna | |
| From: | medhyātithi kāṇva | |
| Metres: | 1st set of styles: gāyatrī (1, 2, 4, 5); nicṛdgāyatrī (3, 6) 2nd set of styles: gāyatrī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.043.01 (Mandala. Sukta. Rik)
6.8.33.01 (Ashtaka. Adhyaya. Varga. Rik)
09.02.109 (Mandala. Anuvāka. Rik)
Samhita Devanagari Accented
यो अत्य॑ इव मृ॒ज्यते॒ गोभि॒र्मदा॑य हर्य॒तः ।
तं गी॒र्भिर्वा॑सयामसि ॥
Samhita Devanagari Nonaccented
यो अत्य इव मृज्यते गोभिर्मदाय हर्यतः ।
तं गीर्भिर्वासयामसि ॥
Samhita Transcription Accented
yó átya iva mṛjyáte góbhirmádāya haryatáḥ ǀ
tám gīrbhírvāsayāmasi ǁ
Samhita Transcription Nonaccented
yo atya iva mṛjyate gobhirmadāya haryataḥ ǀ
tam gīrbhirvāsayāmasi ǁ
Padapatha Devanagari Accented
यः । अत्यः॑ऽइव । मृ॒ज्यते॑ । गोभिः॑ । मदा॑य । ह॒र्य॒तः ।
तम् । गीः॒ऽभिः । वा॒स॒या॒म॒सि॒ ॥
Padapatha Devanagari Nonaccented
यः । अत्यःऽइव । मृज्यते । गोभिः । मदाय । हर्यतः ।
तम् । गीःऽभिः । वासयामसि ॥
Padapatha Transcription Accented
yáḥ ǀ átyaḥ-iva ǀ mṛjyáte ǀ góbhiḥ ǀ mádāya ǀ haryatáḥ ǀ
tám ǀ gīḥ-bhíḥ ǀ vāsayāmasi ǁ
Padapatha Transcription Nonaccented
yaḥ ǀ atyaḥ-iva ǀ mṛjyate ǀ gobhiḥ ǀ madāya ǀ haryataḥ ǀ
tam ǀ gīḥ-bhiḥ ǀ vāsayāmasi ǁ
09.043.02 (Mandala. Sukta. Rik)
6.8.33.02 (Ashtaka. Adhyaya. Varga. Rik)
09.02.110 (Mandala. Anuvāka. Rik)
Samhita Devanagari Accented
तं नो॒ विश्वा॑ अव॒स्युवो॒ गिरः॑ शुंभंति पू॒र्वथा॑ ।
इंदु॒मिंद्रा॑य पी॒तये॑ ॥
Samhita Devanagari Nonaccented
तं नो विश्वा अवस्युवो गिरः शुंभंति पूर्वथा ।
इंदुमिंद्राय पीतये ॥
Samhita Transcription Accented
tám no víśvā avasyúvo gíraḥ śumbhanti pūrváthā ǀ
índumíndrāya pītáye ǁ
Samhita Transcription Nonaccented
tam no viśvā avasyuvo giraḥ śumbhanti pūrvathā ǀ
indumindrāya pītaye ǁ
Padapatha Devanagari Accented
तम् । नः॒ । विश्वाः॑ । अ॒व॒स्युवः॑ । गिरः॑ । शु॒म्भ॒न्ति॒ । पू॒र्वऽथा॑ ।
इन्दु॑म् । इन्द्रा॑य । पी॒तये॑ ॥
Padapatha Devanagari Nonaccented
तम् । नः । विश्वाः । अवस्युवः । गिरः । शुम्भन्ति । पूर्वऽथा ।
इन्दुम् । इन्द्राय । पीतये ॥
Padapatha Transcription Accented
tám ǀ naḥ ǀ víśvāḥ ǀ avasyúvaḥ ǀ gíraḥ ǀ śumbhanti ǀ pūrvá-thā ǀ
índum ǀ índrāya ǀ pītáye ǁ
Padapatha Transcription Nonaccented
tam ǀ naḥ ǀ viśvāḥ ǀ avasyuvaḥ ǀ giraḥ ǀ śumbhanti ǀ pūrva-thā ǀ
indum ǀ indrāya ǀ pītaye ǁ
09.043.03 (Mandala. Sukta. Rik)
6.8.33.03 (Ashtaka. Adhyaya. Varga. Rik)
09.02.111 (Mandala. Anuvāka. Rik)
Samhita Devanagari Accented
पु॒ना॒नो या॑ति हर्य॒तः सोमो॑ गी॒र्भिः परि॑ष्कृतः ।
विप्र॑स्य॒ मेध्या॑तिथेः ॥
Samhita Devanagari Nonaccented
पुनानो याति हर्यतः सोमो गीर्भिः परिष्कृतः ।
विप्रस्य मेध्यातिथेः ॥
Samhita Transcription Accented
punānó yāti haryatáḥ sómo gīrbhíḥ páriṣkṛtaḥ ǀ
víprasya médhyātitheḥ ǁ
Samhita Transcription Nonaccented
punāno yāti haryataḥ somo gīrbhiḥ pariṣkṛtaḥ ǀ
viprasya medhyātitheḥ ǁ
Padapatha Devanagari Accented
पु॒ना॒नः । या॒ति॒ । ह॒र्य॒तः । सोमः॑ । गीः॒ऽभिः । परि॑ऽकृतः ।
विप्र॑स्य । मेध्य॑ऽअतिथेः ॥
Padapatha Devanagari Nonaccented
पुनानः । याति । हर्यतः । सोमः । गीःऽभिः । परिऽकृतः ।
विप्रस्य । मेध्यऽअतिथेः ॥
Padapatha Transcription Accented
punānáḥ ǀ yāti ǀ haryatáḥ ǀ sómaḥ ǀ gīḥ-bhíḥ ǀ pári-kṛtaḥ ǀ
víprasya ǀ médhya-atitheḥ ǁ
Padapatha Transcription Nonaccented
punānaḥ ǀ yāti ǀ haryataḥ ǀ somaḥ ǀ gīḥ-bhiḥ ǀ pari-kṛtaḥ ǀ
viprasya ǀ medhya-atitheḥ ǁ
09.043.04 (Mandala. Sukta. Rik)
6.8.33.04 (Ashtaka. Adhyaya. Varga. Rik)
09.02.112 (Mandala. Anuvāka. Rik)
Samhita Devanagari Accented
पव॑मान वि॒दा र॒यिम॒स्मभ्यं॑ सोम सु॒श्रियं॑ ।
इंदो॑ स॒हस्र॑वर्चसं ॥
Samhita Devanagari Nonaccented
पवमान विदा रयिमस्मभ्यं सोम सुश्रियं ।
इंदो सहस्रवर्चसं ॥
Samhita Transcription Accented
pávamāna vidā́ rayímasmábhyam soma suśríyam ǀ
índo sahásravarcasam ǁ
Samhita Transcription Nonaccented
pavamāna vidā rayimasmabhyam soma suśriyam ǀ
indo sahasravarcasam ǁ
Padapatha Devanagari Accented
पव॑मान । वि॒दाः । र॒यिम् । अ॒स्मभ्य॑म् । सो॒म॒ । सु॒ऽश्रिय॑म् ।
इन्दो॒ इति॑ । स॒हस्र॑ऽवर्चसम् ॥
Padapatha Devanagari Nonaccented
पवमान । विदाः । रयिम् । अस्मभ्यम् । सोम । सुऽश्रियम् ।
इन्दो इति । सहस्रऽवर्चसम् ॥
Padapatha Transcription Accented
pávamāna ǀ vidā́ḥ ǀ rayím ǀ asmábhyam ǀ soma ǀ su-śríyam ǀ
índo íti ǀ sahásra-varcasam ǁ
Padapatha Transcription Nonaccented
pavamāna ǀ vidāḥ ǀ rayim ǀ asmabhyam ǀ soma ǀ su-śriyam ǀ
indo iti ǀ sahasra-varcasam ǁ
09.043.05 (Mandala. Sukta. Rik)
6.8.33.05 (Ashtaka. Adhyaya. Varga. Rik)
09.02.113 (Mandala. Anuvāka. Rik)
Samhita Devanagari Accented
इंदु॒रत्यो॒ न वा॑ज॒सृत्कनि॑क्रंति प॒वित्र॒ आ ।
यदक्षा॒रति॑ देव॒युः ॥
Samhita Devanagari Nonaccented
इंदुरत्यो न वाजसृत्कनिक्रंति पवित्र आ ।
यदक्षारति देवयुः ॥
Samhita Transcription Accented
índurátyo ná vājasṛ́tkánikranti pavítra ā́ ǀ
yádákṣāráti devayúḥ ǁ
Samhita Transcription Nonaccented
induratyo na vājasṛtkanikranti pavitra ā ǀ
yadakṣārati devayuḥ ǁ
Padapatha Devanagari Accented
इन्दुः॑ । अत्यः॑ । न । वा॒ज॒ऽसृत् । कनि॑क्रन्ति । प॒वित्रे॑ । आ ।
यत् । अक्षाः॑ । अति॑ । दे॒व॒ऽयुः ॥
Padapatha Devanagari Nonaccented
इन्दुः । अत्यः । न । वाजऽसृत् । कनिक्रन्ति । पवित्रे । आ ।
यत् । अक्षाः । अति । देवऽयुः ॥
Padapatha Transcription Accented
índuḥ ǀ átyaḥ ǀ ná ǀ vāja-sṛ́t ǀ kánikranti ǀ pavítre ǀ ā́ ǀ
yát ǀ ákṣāḥ ǀ áti ǀ deva-yúḥ ǁ
Padapatha Transcription Nonaccented
induḥ ǀ atyaḥ ǀ na ǀ vāja-sṛt ǀ kanikranti ǀ pavitre ǀ ā ǀ
yat ǀ akṣāḥ ǀ ati ǀ deva-yuḥ ǁ
09.043.06 (Mandala. Sukta. Rik)
6.8.33.06 (Ashtaka. Adhyaya. Varga. Rik)
09.02.114 (Mandala. Anuvāka. Rik)
Samhita Devanagari Accented
पव॑स्व॒ वाज॑सातये॒ विप्र॑स्य गृण॒तो वृ॒धे ।
सोम॒ रास्व॑ सु॒वीर्यं॑ ॥
Samhita Devanagari Nonaccented
पवस्व वाजसातये विप्रस्य गृणतो वृधे ।
सोम रास्व सुवीर्यं ॥
Samhita Transcription Accented
pávasva vā́jasātaye víprasya gṛṇató vṛdhé ǀ
sóma rā́sva suvī́ryam ǁ
Samhita Transcription Nonaccented
pavasva vājasātaye viprasya gṛṇato vṛdhe ǀ
soma rāsva suvīryam ǁ
Padapatha Devanagari Accented
पव॑स्व । वाज॑ऽसातये । विप्र॑स्य । गृ॒ण॒तः । वृ॒धे ।
सोम॑ । रास्व॑ । सु॒ऽवीर्य॑म् ॥
Padapatha Devanagari Nonaccented
पवस्व । वाजऽसातये । विप्रस्य । गृणतः । वृधे ।
सोम । रास्व । सुऽवीर्यम् ॥
Padapatha Transcription Accented
pávasva ǀ vā́ja-sātaye ǀ víprasya ǀ gṛṇatáḥ ǀ vṛdhé ǀ
sóma ǀ rā́sva ǀ su-vī́ryam ǁ
Padapatha Transcription Nonaccented
pavasva ǀ vāja-sātaye ǀ viprasya ǀ gṛṇataḥ ǀ vṛdhe ǀ
soma ǀ rāsva ǀ su-vīryam ǁ