|
2. Audio (Samhita) |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 45
|
1. Info |
| To: | soma pavamāna | |
| From: | ayāsya āṅgirasa | |
| Metres: | 1st set of styles: gāyatrī (1, 3-5); virāḍgāyatrī (2); nicṛdgāyatrī (6) 2nd set of styles: gāyatrī |
|
2. Audio (Samhita) |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Video (Padapatha) |
by Vasudevan Namboodiri in the pada adhyana style of Thirunavaya Veda Padasala with Hasta Mudras |
|
4. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
5. Text |
09.045.01 (Mandala. Sukta. Rik)
7.1.02.01 (Ashtaka. Adhyaya. Varga. Rik)
09.02.121 (Mandala. Anuvāka. Rik)
Samhita Devanagari Accented
स प॑वस्व॒ मदा॑य॒ कं नृ॒चक्षा॑ दे॒ववी॑तये ।
इंद॒विंद्रा॑य पी॒तये॑ ॥
Samhita Devanagari Nonaccented
स पवस्व मदाय कं नृचक्षा देववीतये ।
इंदविंद्राय पीतये ॥
Samhita Transcription Accented
sá pavasva mádāya kám nṛcákṣā devávītaye ǀ
índavíndrāya pītáye ǁ
Samhita Transcription Nonaccented
sa pavasva madāya kam nṛcakṣā devavītaye ǀ
indavindrāya pītaye ǁ
Padapatha Devanagari Accented
सः । प॒व॒स्व॒ । मदा॑य । कम् । नृ॒ऽचक्षाः॑ । दे॒वऽवी॑तये ।
इन्दो॒ इति॑ । इन्द्रा॑य । पी॒तये॑ ॥
Padapatha Devanagari Nonaccented
सः । पवस्व । मदाय । कम् । नृऽचक्षाः । देवऽवीतये ।
इन्दो इति । इन्द्राय । पीतये ॥
Padapatha Transcription Accented
sáḥ ǀ pavasva ǀ mádāya ǀ kám ǀ nṛ-cákṣāḥ ǀ devá-vītaye ǀ
índo íti ǀ índrāya ǀ pītáye ǁ
Padapatha Transcription Nonaccented
saḥ ǀ pavasva ǀ madāya ǀ kam ǀ nṛ-cakṣāḥ ǀ deva-vītaye ǀ
indo iti ǀ indrāya ǀ pītaye ǁ
09.045.02 (Mandala. Sukta. Rik)
7.1.02.02 (Ashtaka. Adhyaya. Varga. Rik)
09.02.122 (Mandala. Anuvāka. Rik)
Samhita Devanagari Accented
स नो॑ अर्षा॒भि दू॒त्यं१॒॑ त्वमिंद्रा॑य तोशसे ।
दे॒वान्त्सखि॑भ्य॒ आ वरं॑ ॥
Samhita Devanagari Nonaccented
स नो अर्षाभि दूत्यं त्वमिंद्राय तोशसे ।
देवान्त्सखिभ्य आ वरं ॥
Samhita Transcription Accented
sá no arṣābhí dūtyám tvámíndrāya tośase ǀ
devā́ntsákhibhya ā́ váram ǁ
Samhita Transcription Nonaccented
sa no arṣābhi dūtyam tvamindrāya tośase ǀ
devāntsakhibhya ā varam ǁ
Padapatha Devanagari Accented
सः । नः॒ । अ॒र्ष॒ । अ॒भि । दू॒त्य॑म् । त्वम् । इन्द्रा॑य । तो॒श॒से॒ ।
दे॒वान् । सखि॑ऽभ्यः । आ । वर॑म् ॥
Padapatha Devanagari Nonaccented
सः । नः । अर्ष । अभि । दूत्यम् । त्वम् । इन्द्राय । तोशसे ।
देवान् । सखिऽभ्यः । आ । वरम् ॥
Padapatha Transcription Accented
sáḥ ǀ naḥ ǀ arṣa ǀ abhí ǀ dūtyám ǀ tvám ǀ índrāya ǀ tośase ǀ
devā́n ǀ sákhi-bhyaḥ ǀ ā́ ǀ váram ǁ
Padapatha Transcription Nonaccented
saḥ ǀ naḥ ǀ arṣa ǀ abhi ǀ dūtyam ǀ tvam ǀ indrāya ǀ tośase ǀ
devān ǀ sakhi-bhyaḥ ǀ ā ǀ varam ǁ
09.045.03 (Mandala. Sukta. Rik)
7.1.02.03 (Ashtaka. Adhyaya. Varga. Rik)
09.02.123 (Mandala. Anuvāka. Rik)
Samhita Devanagari Accented
उ॒त त्वाम॑रु॒णं व॒यं गोभि॑रंज्मो॒ मदा॑य॒ कं ।
वि नो॑ रा॒ये दुरो॑ वृधि ॥
Samhita Devanagari Nonaccented
उत त्वामरुणं वयं गोभिरंज्मो मदाय कं ।
वि नो राये दुरो वृधि ॥
Samhita Transcription Accented
utá tvā́maruṇám vayám góbhirañjmo mádāya kám ǀ
ví no rāyé dúro vṛdhi ǁ
Samhita Transcription Nonaccented
uta tvāmaruṇam vayam gobhirañjmo madāya kam ǀ
vi no rāye duro vṛdhi ǁ
Padapatha Devanagari Accented
उ॒त । त्वाम् । अ॒रु॒णम् । व॒यम् । गोभिः॑ । अ॒ञ्ज्मः॒ । मदा॑य । कम् ।
वि । नः॒ । रा॒ये । दुरः॑ । वृ॒धि॒ ॥
Padapatha Devanagari Nonaccented
उत । त्वाम् । अरुणम् । वयम् । गोभिः । अञ्ज्मः । मदाय । कम् ।
वि । नः । राये । दुरः । वृधि ॥
Padapatha Transcription Accented
utá ǀ tvā́m ǀ aruṇám ǀ vayám ǀ góbhiḥ ǀ añjmaḥ ǀ mádāya ǀ kám ǀ
ví ǀ naḥ ǀ rāyé ǀ dúraḥ ǀ vṛdhi ǁ
Padapatha Transcription Nonaccented
uta ǀ tvām ǀ aruṇam ǀ vayam ǀ gobhiḥ ǀ añjmaḥ ǀ madāya ǀ kam ǀ
vi ǀ naḥ ǀ rāye ǀ duraḥ ǀ vṛdhi ǁ
09.045.04 (Mandala. Sukta. Rik)
7.1.02.04 (Ashtaka. Adhyaya. Varga. Rik)
09.02.124 (Mandala. Anuvāka. Rik)
Samhita Devanagari Accented
अत्यू॑ प॒वित्र॑मक्रमीद्वा॒जी धुरं॒ न याम॑नि ।
इंदु॑र्दे॒वेषु॑ पत्यते ॥
Samhita Devanagari Nonaccented
अत्यू पवित्रमक्रमीद्वाजी धुरं न यामनि ।
इंदुर्देवेषु पत्यते ॥
Samhita Transcription Accented
átyū pavítramakramīdvājī́ dhúram ná yā́mani ǀ
índurdevéṣu patyate ǁ
Samhita Transcription Nonaccented
atyū pavitramakramīdvājī dhuram na yāmani ǀ
indurdeveṣu patyate ǁ
Padapatha Devanagari Accented
अति॑ । ऊं॒ इति॑ । प॒वित्र॑म् । अ॒क्र॒मी॒त् । वा॒जी । धुर॑म् । न । याम॑नि ।
इन्दुः॑ । दे॒वेषु॑ । प॒त्य॒ते॒ ॥
Padapatha Devanagari Nonaccented
अति । ऊं इति । पवित्रम् । अक्रमीत् । वाजी । धुरम् । न । यामनि ।
इन्दुः । देवेषु । पत्यते ॥
Padapatha Transcription Accented
áti ǀ ūṃ íti ǀ pavítram ǀ akramīt ǀ vājī́ ǀ dhúram ǀ ná ǀ yā́mani ǀ
índuḥ ǀ devéṣu ǀ patyate ǁ
Padapatha Transcription Nonaccented
ati ǀ ūṃ iti ǀ pavitram ǀ akramīt ǀ vājī ǀ dhuram ǀ na ǀ yāmani ǀ
induḥ ǀ deveṣu ǀ patyate ǁ
09.045.05 (Mandala. Sukta. Rik)
7.1.02.05 (Ashtaka. Adhyaya. Varga. Rik)
09.02.125 (Mandala. Anuvāka. Rik)
Samhita Devanagari Accented
समी॒ सखा॑यो अस्वर॒न्वने॒ क्रीळं॑त॒मत्य॑विं ।
इंदुं॑ ना॒वा अ॑नूषत ॥
Samhita Devanagari Nonaccented
समी सखायो अस्वरन्वने क्रीळंतमत्यविं ।
इंदुं नावा अनूषत ॥
Samhita Transcription Accented
sámī sákhāyo asvaranváne krī́ḷantamátyavim ǀ
índum nāvā́ anūṣata ǁ
Samhita Transcription Nonaccented
samī sakhāyo asvaranvane krīḷantamatyavim ǀ
indum nāvā anūṣata ǁ
Padapatha Devanagari Accented
सम् । ई॒मिति॑ । सखा॑यः । अ॒स्व॒र॒न् । वने॑ । क्रीळ॑न्तम् । अति॑ऽअविम् ।
इन्दु॑म् । ना॒वाः । अ॒नू॒ष॒त॒ ॥
Padapatha Devanagari Nonaccented
सम् । ईमिति । सखायः । अस्वरन् । वने । क्रीळन्तम् । अतिऽअविम् ।
इन्दुम् । नावाः । अनूषत ॥
Padapatha Transcription Accented
sám ǀ īmíti ǀ sákhāyaḥ ǀ asvaran ǀ váne ǀ krī́ḷantam ǀ áti-avim ǀ
índum ǀ nāvā́ḥ ǀ anūṣata ǁ
Padapatha Transcription Nonaccented
sam ǀ īmiti ǀ sakhāyaḥ ǀ asvaran ǀ vane ǀ krīḷantam ǀ ati-avim ǀ
indum ǀ nāvāḥ ǀ anūṣata ǁ
09.045.06 (Mandala. Sukta. Rik)
7.1.02.06 (Ashtaka. Adhyaya. Varga. Rik)
09.02.126 (Mandala. Anuvāka. Rik)
Samhita Devanagari Accented
तया॑ पवस्व॒ धार॑या॒ यया॑ पी॒तो वि॒चक्ष॑से ।
इंदो॑ स्तो॒त्रे सु॒वीर्यं॑ ॥
Samhita Devanagari Nonaccented
तया पवस्व धारया यया पीतो विचक्षसे ।
इंदो स्तोत्रे सुवीर्यं ॥
Samhita Transcription Accented
táyā pavasva dhā́rayā yáyā pītó vicákṣase ǀ
índo stotré suvī́ryam ǁ
Samhita Transcription Nonaccented
tayā pavasva dhārayā yayā pīto vicakṣase ǀ
indo stotre suvīryam ǁ
Padapatha Devanagari Accented
तया॑ । प॒व॒स्व॒ । धार॑या । यया॑ । पी॒तः । वि॒ऽचक्ष॑से ।
इन्दो॒ इति॑ । स्तो॒त्रे । सु॒ऽवीर्य॑म् ॥
Padapatha Devanagari Nonaccented
तया । पवस्व । धारया । यया । पीतः । विऽचक्षसे ।
इन्दो इति । स्तोत्रे । सुऽवीर्यम् ॥
Padapatha Transcription Accented
táyā ǀ pavasva ǀ dhā́rayā ǀ yáyā ǀ pītáḥ ǀ vi-cákṣase ǀ
índo íti ǀ stotré ǀ su-vī́ryam ǁ
Padapatha Transcription Nonaccented
tayā ǀ pavasva ǀ dhārayā ǀ yayā ǀ pītaḥ ǀ vi-cakṣase ǀ
indo iti ǀ stotre ǀ su-vīryam ǁ