|
2. Audio (Samhita) |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 46
|
1. Info |
| To: | soma pavamāna | |
| From: | ayāsya āṅgirasa | |
| Metres: | 1st set of styles: nicṛdgāyatrī (2, 4, 6); gāyatrī (3, 5); kakummatīgāyatrī (1) 2nd set of styles: gāyatrī |
|
2. Audio (Samhita) |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Video (Padapatha) |
by Vasudevan Namboodiri in the pada adhyana style of Thirunavaya Veda Padasala with Hasta Mudras |
|
4. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
5. Text |
09.046.01 (Mandala. Sukta. Rik)
7.1.03.01 (Ashtaka. Adhyaya. Varga. Rik)
09.02.127 (Mandala. Anuvāka. Rik)
Samhita Devanagari Accented
असृ॑ग्रंदे॒ववी॑त॒येऽत्या॑सः॒ कृत्व्या॑ इव ।
क्षरं॑तः पर्वता॒वृधः॑ ॥
Samhita Devanagari Nonaccented
असृग्रंदेववीतयेऽत्यासः कृत्व्या इव ।
क्षरंतः पर्वतावृधः ॥
Samhita Transcription Accented
ásṛgrandevávītayé’tyāsaḥ kṛ́tvyā iva ǀ
kṣárantaḥ parvatāvṛ́dhaḥ ǁ
Samhita Transcription Nonaccented
asṛgrandevavītaye’tyāsaḥ kṛtvyā iva ǀ
kṣarantaḥ parvatāvṛdhaḥ ǁ
Padapatha Devanagari Accented
असृ॑ग्रन् । दे॒वऽवी॑तये । अत्या॑सः । कृत्व्याः॑ऽइव ।
क्षर॑न्तः । प॒र्व॒त॒ऽवृधः॑ ॥
Padapatha Devanagari Nonaccented
असृग्रन् । देवऽवीतये । अत्यासः । कृत्व्याःऽइव ।
क्षरन्तः । पर्वतऽवृधः ॥
Padapatha Transcription Accented
ásṛgran ǀ devá-vītaye ǀ átyāsaḥ ǀ kṛ́tvyāḥ-iva ǀ
kṣárantaḥ ǀ parvata-vṛ́dhaḥ ǁ
Padapatha Transcription Nonaccented
asṛgran ǀ deva-vītaye ǀ atyāsaḥ ǀ kṛtvyāḥ-iva ǀ
kṣarantaḥ ǀ parvata-vṛdhaḥ ǁ
09.046.02 (Mandala. Sukta. Rik)
7.1.03.02 (Ashtaka. Adhyaya. Varga. Rik)
09.02.128 (Mandala. Anuvāka. Rik)
Samhita Devanagari Accented
परि॑ष्कृतास॒ इंद॑वो॒ योषे॑व॒ पित्र्या॑वती ।
वा॒युं सोमा॑ असृक्षत ॥
Samhita Devanagari Nonaccented
परिष्कृतास इंदवो योषेव पित्र्यावती ।
वायुं सोमा असृक्षत ॥
Samhita Transcription Accented
páriṣkṛtāsa índavo yóṣeva pítryāvatī ǀ
vāyúm sómā asṛkṣata ǁ
Samhita Transcription Nonaccented
pariṣkṛtāsa indavo yoṣeva pitryāvatī ǀ
vāyum somā asṛkṣata ǁ
Padapatha Devanagari Accented
परि॑ऽकृतासः । इन्द॑वः । योषा॑ऽइव । पित्र्य॑ऽवती ।
वा॒युम् । सोमाः॑ । अ॒सृ॒क्ष॒त॒ ॥
Padapatha Devanagari Nonaccented
परिऽकृतासः । इन्दवः । योषाऽइव । पित्र्यऽवती ।
वायुम् । सोमाः । असृक्षत ॥
Padapatha Transcription Accented
pári-kṛtāsaḥ ǀ índavaḥ ǀ yóṣā-iva ǀ pítrya-vatī ǀ
vāyúm ǀ sómāḥ ǀ asṛkṣata ǁ
Padapatha Transcription Nonaccented
pari-kṛtāsaḥ ǀ indavaḥ ǀ yoṣā-iva ǀ pitrya-vatī ǀ
vāyum ǀ somāḥ ǀ asṛkṣata ǁ
09.046.03 (Mandala. Sukta. Rik)
7.1.03.03 (Ashtaka. Adhyaya. Varga. Rik)
09.02.129 (Mandala. Anuvāka. Rik)
Samhita Devanagari Accented
ए॒ते सोमा॑स॒ इंद॑वः॒ प्रय॑स्वंतश्च॒मू सु॒ताः ।
इंद्रं॑ वर्धंति॒ कर्म॑भिः ॥
Samhita Devanagari Nonaccented
एते सोमास इंदवः प्रयस्वंतश्चमू सुताः ।
इंद्रं वर्धंति कर्मभिः ॥
Samhita Transcription Accented
eté sómāsa índavaḥ práyasvantaścamū́ sutā́ḥ ǀ
índram vardhanti kármabhiḥ ǁ
Samhita Transcription Nonaccented
ete somāsa indavaḥ prayasvantaścamū sutāḥ ǀ
indram vardhanti karmabhiḥ ǁ
Padapatha Devanagari Accented
ए॒ते । सोमा॑सः । इन्द॑वः । प्रय॑स्वन्तः । च॒मू इति॑ । सु॒ताः ।
इन्द्र॑म् । व॒र्ध॒न्ति॒ । कर्म॑ऽभिः ॥
Padapatha Devanagari Nonaccented
एते । सोमासः । इन्दवः । प्रयस्वन्तः । चमू इति । सुताः ।
इन्द्रम् । वर्धन्ति । कर्मऽभिः ॥
Padapatha Transcription Accented
eté ǀ sómāsaḥ ǀ índavaḥ ǀ práyasvantaḥ ǀ camū́ íti ǀ sutā́ḥ ǀ
índram ǀ vardhanti ǀ kárma-bhiḥ ǁ
Padapatha Transcription Nonaccented
ete ǀ somāsaḥ ǀ indavaḥ ǀ prayasvantaḥ ǀ camū iti ǀ sutāḥ ǀ
indram ǀ vardhanti ǀ karma-bhiḥ ǁ
09.046.04 (Mandala. Sukta. Rik)
7.1.03.04 (Ashtaka. Adhyaya. Varga. Rik)
09.02.130 (Mandala. Anuvāka. Rik)
Samhita Devanagari Accented
आ धा॑वता सुहस्त्यः शु॒क्रा गृ॑भ्णीत मं॒थिना॑ ।
गोभिः॑ श्रीणीत मत्स॒रं ॥
Samhita Devanagari Nonaccented
आ धावता सुहस्त्यः शुक्रा गृभ्णीत मंथिना ।
गोभिः श्रीणीत मत्सरं ॥
Samhita Transcription Accented
ā́ dhāvatā suhastyaḥ śukrā́ gṛbhṇīta manthínā ǀ
góbhiḥ śrīṇīta matsarám ǁ
Samhita Transcription Nonaccented
ā dhāvatā suhastyaḥ śukrā gṛbhṇīta manthinā ǀ
gobhiḥ śrīṇīta matsaram ǁ
Padapatha Devanagari Accented
आ । धा॒व॒त॒ । सु॒ऽह॒स्त्यः॒ । शु॒क्रा । गृ॒भ्णी॒त॒ । म॒न्थिना॑ ।
गोभिः॑ । श्री॒णी॒त॒ । म॒त्स॒रम् ॥
Padapatha Devanagari Nonaccented
आ । धावत । सुऽहस्त्यः । शुक्रा । गृभ्णीत । मन्थिना ।
गोभिः । श्रीणीत । मत्सरम् ॥
Padapatha Transcription Accented
ā́ ǀ dhāvata ǀ su-hastyaḥ ǀ śukrā́ ǀ gṛbhṇīta ǀ manthínā ǀ
góbhiḥ ǀ śrīṇīta ǀ matsarám ǁ
Padapatha Transcription Nonaccented
ā ǀ dhāvata ǀ su-hastyaḥ ǀ śukrā ǀ gṛbhṇīta ǀ manthinā ǀ
gobhiḥ ǀ śrīṇīta ǀ matsaram ǁ
09.046.05 (Mandala. Sukta. Rik)
7.1.03.05 (Ashtaka. Adhyaya. Varga. Rik)
09.02.131 (Mandala. Anuvāka. Rik)
Samhita Devanagari Accented
स प॑वस्व धनंजय प्रयं॒ता राध॑सो म॒हः ।
अ॒स्मभ्यं॑ सोम गातु॒वित् ॥
Samhita Devanagari Nonaccented
स पवस्व धनंजय प्रयंता राधसो महः ।
अस्मभ्यं सोम गातुवित् ॥
Samhita Transcription Accented
sá pavasva dhanaṃjaya prayantā́ rā́dhaso maháḥ ǀ
asmábhyam soma gātuvít ǁ
Samhita Transcription Nonaccented
sa pavasva dhanaṃjaya prayantā rādhaso mahaḥ ǀ
asmabhyam soma gātuvit ǁ
Padapatha Devanagari Accented
सः । प॒व॒स्व॒ । ध॒न॒म्ऽज॒य॒ । प्र॒ऽय॒न्ता । राध॑सः । म॒हः ।
अ॒स्मभ्य॑म् । सो॒म॒ । गा॒तु॒ऽवित् ॥
Padapatha Devanagari Nonaccented
सः । पवस्व । धनम्ऽजय । प्रऽयन्ता । राधसः । महः ।
अस्मभ्यम् । सोम । गातुऽवित् ॥
Padapatha Transcription Accented
sáḥ ǀ pavasva ǀ dhanam-jaya ǀ pra-yantā́ ǀ rā́dhasaḥ ǀ maháḥ ǀ
asmábhyam ǀ soma ǀ gātu-vít ǁ
Padapatha Transcription Nonaccented
saḥ ǀ pavasva ǀ dhanam-jaya ǀ pra-yantā ǀ rādhasaḥ ǀ mahaḥ ǀ
asmabhyam ǀ soma ǀ gātu-vit ǁ
09.046.06 (Mandala. Sukta. Rik)
7.1.03.06 (Ashtaka. Adhyaya. Varga. Rik)
09.02.132 (Mandala. Anuvāka. Rik)
Samhita Devanagari Accented
ए॒तं मृ॑जंति॒ मर्ज्यं॒ पव॑मानं॒ दश॒ क्षिपः॑ ।
इंद्रा॑य मत्स॒रं मदं॑ ॥
Samhita Devanagari Nonaccented
एतं मृजंति मर्ज्यं पवमानं दश क्षिपः ।
इंद्राय मत्सरं मदं ॥
Samhita Transcription Accented
etám mṛjanti márjyam pávamānam dáśa kṣípaḥ ǀ
índrāya matsarám mádam ǁ
Samhita Transcription Nonaccented
etam mṛjanti marjyam pavamānam daśa kṣipaḥ ǀ
indrāya matsaram madam ǁ
Padapatha Devanagari Accented
ए॒तम् । मृ॒ज॒न्ति॒ । मर्ज्य॑म् । पव॑मानम् । दश॑ । क्षिपः॑ ।
इन्द्रा॑य । म॒त्स॒रम् । मद॑म् ॥
Padapatha Devanagari Nonaccented
एतम् । मृजन्ति । मर्ज्यम् । पवमानम् । दश । क्षिपः ।
इन्द्राय । मत्सरम् । मदम् ॥
Padapatha Transcription Accented
etám ǀ mṛjanti ǀ márjyam ǀ pávamānam ǀ dáśa ǀ kṣípaḥ ǀ
índrāya ǀ matsarám ǀ mádam ǁ
Padapatha Transcription Nonaccented
etam ǀ mṛjanti ǀ marjyam ǀ pavamānam ǀ daśa ǀ kṣipaḥ ǀ
indrāya ǀ matsaram ǀ madam ǁ