|
2. Audio (Samhita) |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 47
|
1. Info |
| To: | soma pavamāna | |
| From: | kavi bhārgava | |
| Metres: | 1st set of styles: gāyatrī (1, 3, 4); nicṛdgāyatrī (2); virāḍgāyatrī (5) 2nd set of styles: gāyatrī |
|
2. Audio (Samhita) |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Video (Padapatha) |
by Vasudevan Namboodiri in the pada adhyana style of Thirunavaya Veda Padasala with Hasta Mudras |
|
4. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
5. Text |
09.047.01 (Mandala. Sukta. Rik)
7.1.04.01 (Ashtaka. Adhyaya. Varga. Rik)
09.02.133 (Mandala. Anuvāka. Rik)
Samhita Devanagari Accented
अ॒या सोमः॑ सुकृ॒त्यया॑ म॒हश्चि॑द॒भ्य॑वर्धत ।
मं॒दा॒न उद्वृ॑षायते ॥
Samhita Devanagari Nonaccented
अया सोमः सुकृत्यया महश्चिदभ्यवर्धत ।
मंदान उद्वृषायते ॥
Samhita Transcription Accented
ayā́ sómaḥ sukṛtyáyā maháścidabhyávardhata ǀ
mandāná údvṛṣāyate ǁ
Samhita Transcription Nonaccented
ayā somaḥ sukṛtyayā mahaścidabhyavardhata ǀ
mandāna udvṛṣāyate ǁ
Padapatha Devanagari Accented
अ॒या । सोमः॑ । सु॒ऽकृ॒त्यया॑ । म॒हः । चि॒त् । अ॒भि । अ॒व॒र्ध॒त॒ ।
म॒न्दा॒नः । उत् । वृ॒ष॒ऽय॒ते॒ ॥
Padapatha Devanagari Nonaccented
अया । सोमः । सुऽकृत्यया । महः । चित् । अभि । अवर्धत ।
मन्दानः । उत् । वृषऽयते ॥
Padapatha Transcription Accented
ayā́ ǀ sómaḥ ǀ su-kṛtyáyā ǀ maháḥ ǀ cit ǀ abhí ǀ avardhata ǀ
mandānáḥ ǀ út ǀ vṛṣa-yate ǁ
Padapatha Transcription Nonaccented
ayā ǀ somaḥ ǀ su-kṛtyayā ǀ mahaḥ ǀ cit ǀ abhi ǀ avardhata ǀ
mandānaḥ ǀ ut ǀ vṛṣa-yate ǁ
09.047.02 (Mandala. Sukta. Rik)
7.1.04.02 (Ashtaka. Adhyaya. Varga. Rik)
09.02.134 (Mandala. Anuvāka. Rik)
Samhita Devanagari Accented
कृ॒तानीद॑स्य॒ कर्त्वा॒ चेतं॑ते दस्यु॒तर्ह॑णा ।
ऋ॒णा च॑ धृ॒ष्णुश्च॑यते ॥
Samhita Devanagari Nonaccented
कृतानीदस्य कर्त्वा चेतंते दस्युतर्हणा ।
ऋणा च धृष्णुश्चयते ॥
Samhita Transcription Accented
kṛtā́nī́dasya kártvā cétante dasyutárhaṇā ǀ
ṛṇā́ ca dhṛṣṇúścayate ǁ
Samhita Transcription Nonaccented
kṛtānīdasya kartvā cetante dasyutarhaṇā ǀ
ṛṇā ca dhṛṣṇuścayate ǁ
Padapatha Devanagari Accented
कृ॒तानि॑ । इत् । अ॒स्य॒ । कर्त्वा॑ । चेत॑न्ते । द॒स्यु॒ऽतर्ह॑णा ।
ऋ॒णा । च॒ । धृ॒ष्णुः । च॒य॒ते॒ ॥
Padapatha Devanagari Nonaccented
कृतानि । इत् । अस्य । कर्त्वा । चेतन्ते । दस्युऽतर्हणा ।
ऋणा । च । धृष्णुः । चयते ॥
Padapatha Transcription Accented
kṛtā́ni ǀ ít ǀ asya ǀ kártvā ǀ cétante ǀ dasyu-tárhaṇā ǀ
ṛṇā́ ǀ ca ǀ dhṛṣṇúḥ ǀ cayate ǁ
Padapatha Transcription Nonaccented
kṛtāni ǀ it ǀ asya ǀ kartvā ǀ cetante ǀ dasyu-tarhaṇā ǀ
ṛṇā ǀ ca ǀ dhṛṣṇuḥ ǀ cayate ǁ
09.047.03 (Mandala. Sukta. Rik)
7.1.04.03 (Ashtaka. Adhyaya. Varga. Rik)
09.02.135 (Mandala. Anuvāka. Rik)
Samhita Devanagari Accented
आत्सोम॑ इंद्रि॒यो रसो॒ वज्रः॑ सहस्र॒सा भु॑वत् ।
उ॒क्थं यद॑स्य॒ जाय॑ते ॥
Samhita Devanagari Nonaccented
आत्सोम इंद्रियो रसो वज्रः सहस्रसा भुवत् ।
उक्थं यदस्य जायते ॥
Samhita Transcription Accented
ā́tsóma indriyó ráso vájraḥ sahasrasā́ bhuvat ǀ
ukthám yádasya jā́yate ǁ
Samhita Transcription Nonaccented
ātsoma indriyo raso vajraḥ sahasrasā bhuvat ǀ
uktham yadasya jāyate ǁ
Padapatha Devanagari Accented
आत् । सोमः॑ । इ॒न्द्रि॒यः । रसः॑ । वज्रः॑ । स॒ह॒स्र॒ऽसाः । भु॒व॒त् ।
उ॒क्थम् । यत् । अ॒स्य॒ । जाय॑ते ॥
Padapatha Devanagari Nonaccented
आत् । सोमः । इन्द्रियः । रसः । वज्रः । सहस्रऽसाः । भुवत् ।
उक्थम् । यत् । अस्य । जायते ॥
Padapatha Transcription Accented
ā́t ǀ sómaḥ ǀ indriyáḥ ǀ rásaḥ ǀ vájraḥ ǀ sahasra-sā́ḥ ǀ bhuvat ǀ
ukthám ǀ yát ǀ asya ǀ jā́yate ǁ
Padapatha Transcription Nonaccented
āt ǀ somaḥ ǀ indriyaḥ ǀ rasaḥ ǀ vajraḥ ǀ sahasra-sāḥ ǀ bhuvat ǀ
uktham ǀ yat ǀ asya ǀ jāyate ǁ
09.047.04 (Mandala. Sukta. Rik)
7.1.04.04 (Ashtaka. Adhyaya. Varga. Rik)
09.02.136 (Mandala. Anuvāka. Rik)
Samhita Devanagari Accented
स्व॒यं क॒विर्वि॑ध॒र्तरि॒ विप्रा॑य॒ रत्न॑मिच्छति ।
यदी॑ मर्मृ॒ज्यते॒ धियः॑ ॥
Samhita Devanagari Nonaccented
स्वयं कविर्विधर्तरि विप्राय रत्नमिच्छति ।
यदी मर्मृज्यते धियः ॥
Samhita Transcription Accented
svayám kavírvidhartári víprāya rátnamicchati ǀ
yádī marmṛjyáte dhíyaḥ ǁ
Samhita Transcription Nonaccented
svayam kavirvidhartari viprāya ratnamicchati ǀ
yadī marmṛjyate dhiyaḥ ǁ
Padapatha Devanagari Accented
स्व॒यम् । क॒विः । वि॒ऽध॒र्तरि॑ । विप्रा॑य । रत्न॑म् । इ॒च्छ॒ति॒ ।
यदि॑ । म॒र्मृ॒ज्यते॑ । धियः॑ ॥
Padapatha Devanagari Nonaccented
स्वयम् । कविः । विऽधर्तरि । विप्राय । रत्नम् । इच्छति ।
यदि । मर्मृज्यते । धियः ॥
Padapatha Transcription Accented
svayám ǀ kavíḥ ǀ vi-dhartári ǀ víprāya ǀ rátnam ǀ icchati ǀ
yádi ǀ marmṛjyáte ǀ dhíyaḥ ǁ
Padapatha Transcription Nonaccented
svayam ǀ kaviḥ ǀ vi-dhartari ǀ viprāya ǀ ratnam ǀ icchati ǀ
yadi ǀ marmṛjyate ǀ dhiyaḥ ǁ
09.047.05 (Mandala. Sukta. Rik)
7.1.04.05 (Ashtaka. Adhyaya. Varga. Rik)
09.02.137 (Mandala. Anuvāka. Rik)
Samhita Devanagari Accented
सि॒षा॒सतू॑ रयी॒णां वाजे॒ष्वर्व॑तामिव ।
भरे॑षु जि॒ग्युषा॑मसि ॥
Samhita Devanagari Nonaccented
सिषासतू रयीणां वाजेष्वर्वतामिव ।
भरेषु जिग्युषामसि ॥
Samhita Transcription Accented
siṣāsátū rayīṇā́m vā́jeṣvárvatāmiva ǀ
bháreṣu jigyúṣāmasi ǁ
Samhita Transcription Nonaccented
siṣāsatū rayīṇām vājeṣvarvatāmiva ǀ
bhareṣu jigyuṣāmasi ǁ
Padapatha Devanagari Accented
सि॒सा॒सतुः॑ । र॒यी॒णाम् । वाजे॑षु । अर्व॑ताम्ऽइव ।
भरे॑षु । जि॒ग्युषा॑म् । अ॒सि॒ ॥
Padapatha Devanagari Nonaccented
सिसासतुः । रयीणाम् । वाजेषु । अर्वताम्ऽइव ।
भरेषु । जिग्युषाम् । असि ॥
Padapatha Transcription Accented
sisāsátuḥ ǀ rayīṇā́m ǀ vā́jeṣu ǀ árvatām-iva ǀ
bháreṣu ǀ jigyúṣām ǀ asi ǁ
Padapatha Transcription Nonaccented
sisāsatuḥ ǀ rayīṇām ǀ vājeṣu ǀ arvatām-iva ǀ
bhareṣu ǀ jigyuṣām ǀ asi ǁ