|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 105
|
1. Info |
| To: | soma pavamāna | |
| From: | nārada kāṇva; parvata kāṇva | |
| Metres: | 1st set of styles: nicṛduṣṇik (3, 4, 6); uṣṇik (1, 2); virāḍuṣnik (5) 2nd set of styles: uṣṇih |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.105.01 (Mandala. Sukta. Rik)
7.5.08.01 (Ashtaka. Adhyaya. Varga. Rik)
09.07.007 (Mandala. Anuvāka. Rik)
Samhita Devanagari Accented
तं वः॑ सखायो॒ मदा॑य पुना॒नम॒भि गा॑यत ।
शिशुं॒ न य॒ज्ञैः स्व॑दयंत गू॒र्तिभिः॑ ॥
Samhita Devanagari Nonaccented
तं वः सखायो मदाय पुनानमभि गायत ।
शिशुं न यज्ञैः स्वदयंत गूर्तिभिः ॥
Samhita Transcription Accented
tám vaḥ sakhāyo mádāya punānámabhí gāyata ǀ
śíśum ná yajñáiḥ svadayanta gūrtíbhiḥ ǁ
Samhita Transcription Nonaccented
tam vaḥ sakhāyo madāya punānamabhi gāyata ǀ
śiśum na yajñaiḥ svadayanta gūrtibhiḥ ǁ
Padapatha Devanagari Accented
तम् । वः॒ । स॒खा॒यः॒ । मदा॑य । पु॒ना॒नम् । अ॒भि । गा॒य॒त॒ ।
शिशु॑म् । न । य॒ज्ञैः । स्व॒द॒य॒न्त॒ । गू॒र्तिऽभिः॑ ॥
Padapatha Devanagari Nonaccented
तम् । वः । सखायः । मदाय । पुनानम् । अभि । गायत ।
शिशुम् । न । यज्ञैः । स्वदयन्त । गूर्तिऽभिः ॥
Padapatha Transcription Accented
tám ǀ vaḥ ǀ sakhāyaḥ ǀ mádāya ǀ punānám ǀ abhí ǀ gāyata ǀ
śíśum ǀ ná ǀ yajñáiḥ ǀ svadayanta ǀ gūrtí-bhiḥ ǁ
Padapatha Transcription Nonaccented
tam ǀ vaḥ ǀ sakhāyaḥ ǀ madāya ǀ punānam ǀ abhi ǀ gāyata ǀ
śiśum ǀ na ǀ yajñaiḥ ǀ svadayanta ǀ gūrti-bhiḥ ǁ
09.105.02 (Mandala. Sukta. Rik)
7.5.08.02 (Ashtaka. Adhyaya. Varga. Rik)
09.07.008 (Mandala. Anuvāka. Rik)
Samhita Devanagari Accented
सं व॒त्स इ॑व मा॒तृभि॒रिंदु॑र्हिन्वा॒नो अ॑ज्यते ।
दे॒वा॒वीर्मदो॑ म॒तिभिः॒ परि॑ष्कृतः ॥
Samhita Devanagari Nonaccented
सं वत्स इव मातृभिरिंदुर्हिन्वानो अज्यते ।
देवावीर्मदो मतिभिः परिष्कृतः ॥
Samhita Transcription Accented
sám vatsá iva mātṛ́bhiríndurhinvānó ajyate ǀ
devāvī́rmádo matíbhiḥ páriṣkṛtaḥ ǁ
Samhita Transcription Nonaccented
sam vatsa iva mātṛbhirindurhinvāno ajyate ǀ
devāvīrmado matibhiḥ pariṣkṛtaḥ ǁ
Padapatha Devanagari Accented
सम् । व॒त्सःऽइ॑व । मा॒तृऽभिः॑ । इन्दुः॑ । हि॒न्वा॒नः । अ॒ज्य॒ते॒ ।
दे॒व॒ऽअ॒वीः । मदः॑ । म॒तिऽभिः॑ । परि॑ऽकृतः ॥
Padapatha Devanagari Nonaccented
सम् । वत्सःऽइव । मातृऽभिः । इन्दुः । हिन्वानः । अज्यते ।
देवऽअवीः । मदः । मतिऽभिः । परिऽकृतः ॥
Padapatha Transcription Accented
sám ǀ vatsáḥ-iva ǀ mātṛ́-bhiḥ ǀ índuḥ ǀ hinvānáḥ ǀ ajyate ǀ
deva-avī́ḥ ǀ mádaḥ ǀ matí-bhiḥ ǀ pári-kṛtaḥ ǁ
Padapatha Transcription Nonaccented
sam ǀ vatsaḥ-iva ǀ mātṛ-bhiḥ ǀ induḥ ǀ hinvānaḥ ǀ ajyate ǀ
deva-avīḥ ǀ madaḥ ǀ mati-bhiḥ ǀ pari-kṛtaḥ ǁ
09.105.03 (Mandala. Sukta. Rik)
7.5.08.03 (Ashtaka. Adhyaya. Varga. Rik)
09.07.009 (Mandala. Anuvāka. Rik)
Samhita Devanagari Accented
अ॒यं दक्षा॑य॒ साध॑नो॒ऽयं शर्धा॑य वी॒तये॑ ।
अ॒यं दे॒वेभ्यो॒ मधु॑मत्तमः सु॒तः ॥
Samhita Devanagari Nonaccented
अयं दक्षाय साधनोऽयं शर्धाय वीतये ।
अयं देवेभ्यो मधुमत्तमः सुतः ॥
Samhita Transcription Accented
ayám dákṣāya sā́dhano’yám śárdhāya vītáye ǀ
ayám devébhyo mádhumattamaḥ sutáḥ ǁ
Samhita Transcription Nonaccented
ayam dakṣāya sādhano’yam śardhāya vītaye ǀ
ayam devebhyo madhumattamaḥ sutaḥ ǁ
Padapatha Devanagari Accented
अ॒यम् । दक्षा॑य । साध॑नः । अ॒यम् । शर्धा॑य । वी॒तये॑ ।
अ॒यम् । दे॒वेभ्यः॑ । मधु॑मत्ऽतमः । सु॒तः ॥
Padapatha Devanagari Nonaccented
अयम् । दक्षाय । साधनः । अयम् । शर्धाय । वीतये ।
अयम् । देवेभ्यः । मधुमत्ऽतमः । सुतः ॥
Padapatha Transcription Accented
ayám ǀ dákṣāya ǀ sā́dhanaḥ ǀ ayám ǀ śárdhāya ǀ vītáye ǀ
ayám ǀ devébhyaḥ ǀ mádhumat-tamaḥ ǀ sutáḥ ǁ
Padapatha Transcription Nonaccented
ayam ǀ dakṣāya ǀ sādhanaḥ ǀ ayam ǀ śardhāya ǀ vītaye ǀ
ayam ǀ devebhyaḥ ǀ madhumat-tamaḥ ǀ sutaḥ ǁ
09.105.04 (Mandala. Sukta. Rik)
7.5.08.04 (Ashtaka. Adhyaya. Varga. Rik)
09.07.010 (Mandala. Anuvāka. Rik)
Samhita Devanagari Accented
गोम॑न्न इंदो॒ अश्व॑वत्सु॒तः सु॑दक्ष धन्व ।
शुचिं॑ ते॒ वर्ण॒मधि॒ गोषु॑ दीधरं ॥
Samhita Devanagari Nonaccented
गोमन्न इंदो अश्ववत्सुतः सुदक्ष धन्व ।
शुचिं ते वर्णमधि गोषु दीधरं ॥
Samhita Transcription Accented
gómanna indo áśvavatsutáḥ sudakṣa dhanva ǀ
śúcim te várṇamádhi góṣu dīdharam ǁ
Samhita Transcription Nonaccented
gomanna indo aśvavatsutaḥ sudakṣa dhanva ǀ
śucim te varṇamadhi goṣu dīdharam ǁ
Padapatha Devanagari Accented
गोऽम॑त् । नः॒ । इ॒न्दो॒ इति॑ । अश्व॑ऽवत् । सु॒तः । सु॒ऽद॒क्ष॒ । ध॒न्व॒ ।
शुचि॑म् । ते॒ । वर्ण॑म् । अधि॑ । गोषु॑ । दी॒ध॒र॒म् ॥
Padapatha Devanagari Nonaccented
गोऽमत् । नः । इन्दो इति । अश्वऽवत् । सुतः । सुऽदक्ष । धन्व ।
शुचिम् । ते । वर्णम् । अधि । गोषु । दीधरम् ॥
Padapatha Transcription Accented
gó-mat ǀ naḥ ǀ indo íti ǀ áśva-vat ǀ sutáḥ ǀ su-dakṣa ǀ dhanva ǀ
śúcim ǀ te ǀ várṇam ǀ ádhi ǀ góṣu ǀ dīdharam ǁ
Padapatha Transcription Nonaccented
go-mat ǀ naḥ ǀ indo iti ǀ aśva-vat ǀ sutaḥ ǀ su-dakṣa ǀ dhanva ǀ
śucim ǀ te ǀ varṇam ǀ adhi ǀ goṣu ǀ dīdharam ǁ
09.105.05 (Mandala. Sukta. Rik)
7.5.08.05 (Ashtaka. Adhyaya. Varga. Rik)
09.07.011 (Mandala. Anuvāka. Rik)
Samhita Devanagari Accented
स नो॑ हरीणां पत॒ इंदो॑ दे॒वप्स॑रस्तमः ।
सखे॑व॒ सख्ये॒ नर्यो॑ रु॒चे भ॑व ॥
Samhita Devanagari Nonaccented
स नो हरीणां पत इंदो देवप्सरस्तमः ।
सखेव सख्ये नर्यो रुचे भव ॥
Samhita Transcription Accented
sá no harīṇām pata índo devápsarastamaḥ ǀ
sákheva sákhye náryo rucé bhava ǁ
Samhita Transcription Nonaccented
sa no harīṇām pata indo devapsarastamaḥ ǀ
sakheva sakhye naryo ruce bhava ǁ
Padapatha Devanagari Accented
सः । नः॒ । ह॒री॒णा॒म् । प॒ते॒ । इन्दो॒ इति॑ । दे॒वप्स॑रःऽतमः ।
सखा॑ऽइव । सख्ये॑ । नर्यः॑ । रु॒चे । भ॒व॒ ॥
Padapatha Devanagari Nonaccented
सः । नः । हरीणाम् । पते । इन्दो इति । देवप्सरःऽतमः ।
सखाऽइव । सख्ये । नर्यः । रुचे । भव ॥
Padapatha Transcription Accented
sáḥ ǀ naḥ ǀ harīṇām ǀ pate ǀ índo íti ǀ devápsaraḥ-tamaḥ ǀ
sákhā-iva ǀ sákhye ǀ náryaḥ ǀ rucé ǀ bhava ǁ
Padapatha Transcription Nonaccented
saḥ ǀ naḥ ǀ harīṇām ǀ pate ǀ indo iti ǀ devapsaraḥ-tamaḥ ǀ
sakhā-iva ǀ sakhye ǀ naryaḥ ǀ ruce ǀ bhava ǁ
09.105.06 (Mandala. Sukta. Rik)
7.5.08.06 (Ashtaka. Adhyaya. Varga. Rik)
09.07.012 (Mandala. Anuvāka. Rik)
Samhita Devanagari Accented
सने॑मि॒ त्वम॒स्मदाँ अदे॑वं॒ कं चि॑द॒त्रिणं॑ ।
सा॒ह्वाँ इं॑दो॒ परि॒ बाधो॒ अप॑ द्व॒युं ॥
Samhita Devanagari Nonaccented
सनेमि त्वमस्मदाँ अदेवं कं चिदत्रिणं ।
साह्वाँ इंदो परि बाधो अप द्वयुं ॥
Samhita Transcription Accented
sánemi tvámasmádā́m̐ ádevam kám cidatríṇam ǀ
sāhvā́m̐ indo pári bā́dho ápa dvayúm ǁ
Samhita Transcription Nonaccented
sanemi tvamasmadām̐ adevam kam cidatriṇam ǀ
sāhvām̐ indo pari bādho apa dvayum ǁ
Padapatha Devanagari Accented
सने॑मि । त्वम् । अ॒स्मत् । आ । अदे॑वम् । कम् । चि॒त् । अ॒त्रिण॑म् ।
स॒ह्वान् । इ॒न्दो॒ इति॑ । परि॑ । बाधः॑ । अप॑ । द्व॒युम् ॥
Padapatha Devanagari Nonaccented
सनेमि । त्वम् । अस्मत् । आ । अदेवम् । कम् । चित् । अत्रिणम् ।
सह्वान् । इन्दो इति । परि । बाधः । अप । द्वयुम् ॥
Padapatha Transcription Accented
sánemi ǀ tvám ǀ asmát ǀ ā́ ǀ ádevam ǀ kám ǀ cit ǀ atríṇam ǀ
sahvā́n ǀ indo íti ǀ pári ǀ bā́dhaḥ ǀ ápa ǀ dvayúm ǁ
Padapatha Transcription Nonaccented
sanemi ǀ tvam ǀ asmat ǀ ā ǀ adevam ǀ kam ǀ cit ǀ atriṇam ǀ
sahvān ǀ indo iti ǀ pari ǀ bādhaḥ ǀ apa ǀ dvayum ǁ