|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 23
|
1. Info |
| To: | indra | |
| From: | vimada aindra or vimada prājāpatya or vimada aindra and vasukṛt vāsukra | |
| Metres: | 1st set of styles: bhurigārcījagatī (2, 4); nicṛttriṣṭup (5, 7); virāṭtrisṭup (1); nicṛjjagatī (3); svarāḍārcījagatī (6) 2nd set of styles: jagatī (2-4, 6); triṣṭubh (1, 7); abhisāriṇī (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.023.01 (Mandala. Sukta. Rik)
7.7.09.01 (Ashtaka. Adhyaya. Varga. Rik)
10.02.070 (Mandala. Anuvāka. Rik)
Samhita Devanagari Accented
यजा॑मह॒ इंद्रं॒ वज्र॑दक्षिणं॒ हरी॑णां र॒थ्यं१॒॑ विव्र॑तानां ।
प्र श्मश्रु॒ दोधु॑वदू॒र्ध्वथा॑ भू॒द्वि सेना॑भि॒र्दय॑मानो॒ वि राध॑सा ॥
Samhita Devanagari Nonaccented
यजामह इंद्रं वज्रदक्षिणं हरीणां रथ्यं विव्रतानां ।
प्र श्मश्रु दोधुवदूर्ध्वथा भूद्वि सेनाभिर्दयमानो वि राधसा ॥
Samhita Transcription Accented
yájāmaha índram vájradakṣiṇam hárīṇām rathyám vívratānām ǀ
prá śmáśru dódhuvadūrdhváthā bhūdví sénābhirdáyamāno ví rā́dhasā ǁ
Samhita Transcription Nonaccented
yajāmaha indram vajradakṣiṇam harīṇām rathyam vivratānām ǀ
pra śmaśru dodhuvadūrdhvathā bhūdvi senābhirdayamāno vi rādhasā ǁ
Padapatha Devanagari Accented
यजा॑महे । इन्द्र॑म् । वज्र॑ऽदक्षिणम् । हरी॑णाम् । र॒थ्य॑म् । विऽव्र॑तानाम् ।
प्र । श्मश्रु॑ । दोधु॑वत् । ऊ॒र्ध्वऽथा॑ । भू॒त् । वि । सेना॑भिः । दय॑मानः । वि । राध॑सा ॥
Padapatha Devanagari Nonaccented
यजामहे । इन्द्रम् । वज्रऽदक्षिणम् । हरीणाम् । रथ्यम् । विऽव्रतानाम् ।
प्र । श्मश्रु । दोधुवत् । ऊर्ध्वऽथा । भूत् । वि । सेनाभिः । दयमानः । वि । राधसा ॥
Padapatha Transcription Accented
yájāmahe ǀ índram ǀ vájra-dakṣiṇam ǀ hárīṇām ǀ rathyám ǀ ví-vratānām ǀ
prá ǀ śmáśru ǀ dódhuvat ǀ ūrdhvá-thā ǀ bhūt ǀ ví ǀ sénābhiḥ ǀ dáyamānaḥ ǀ ví ǀ rā́dhasā ǁ
Padapatha Transcription Nonaccented
yajāmahe ǀ indram ǀ vajra-dakṣiṇam ǀ harīṇām ǀ rathyam ǀ vi-vratānām ǀ
pra ǀ śmaśru ǀ dodhuvat ǀ ūrdhva-thā ǀ bhūt ǀ vi ǀ senābhiḥ ǀ dayamānaḥ ǀ vi ǀ rādhasā ǁ
10.023.02 (Mandala. Sukta. Rik)
7.7.09.02 (Ashtaka. Adhyaya. Varga. Rik)
10.02.071 (Mandala. Anuvāka. Rik)
Samhita Devanagari Accented
हरी॒ न्व॑स्य॒ या वने॑ वि॒दे वस्विंद्रो॑ म॒घैर्म॒घवा॑ वृत्र॒हा भु॑वत् ।
ऋ॒भुर्वाज॑ ऋभु॒क्षाः प॑त्यते॒ शवोऽव॑ क्ष्णौमि॒ दास॑स्य॒ नाम॑ चित् ॥
Samhita Devanagari Nonaccented
हरी न्वस्य या वने विदे वस्विंद्रो मघैर्मघवा वृत्रहा भुवत् ।
ऋभुर्वाज ऋभुक्षाः पत्यते शवोऽव क्ष्णौमि दासस्य नाम चित् ॥
Samhita Transcription Accented
hárī nvásya yā́ váne vidé vásvíndro magháirmaghávā vṛtrahā́ bhuvat ǀ
ṛbhúrvā́ja ṛbhukṣā́ḥ patyate śávó’va kṣṇaumi dā́sasya nā́ma cit ǁ
Samhita Transcription Nonaccented
harī nvasya yā vane vide vasvindro maghairmaghavā vṛtrahā bhuvat ǀ
ṛbhurvāja ṛbhukṣāḥ patyate śavo’va kṣṇaumi dāsasya nāma cit ǁ
Padapatha Devanagari Accented
हरी॒ इति॑ । नु । अ॒स्य॒ । या । वने॑ । वि॒दे । वसु॑ । इन्द्रः॑ । म॒घैः । म॒घऽवा॑ । वृ॒त्र॒ऽहा । भु॒व॒त् ।
ऋ॒भुः । वाजः॑ । ऋ॒भु॒क्षाः । प॒त्य॒ते॒ । शवः॑ । अव॑ । क्ष्णौ॒मि॒ । दास॑स्य । नाम॑ । चि॒त् ॥
Padapatha Devanagari Nonaccented
हरी इति । नु । अस्य । या । वने । विदे । वसु । इन्द्रः । मघैः । मघऽवा । वृत्रऽहा । भुवत् ।
ऋभुः । वाजः । ऋभुक्षाः । पत्यते । शवः । अव । क्ष्णौमि । दासस्य । नाम । चित् ॥
Padapatha Transcription Accented
hárī íti ǀ nú ǀ asya ǀ yā́ ǀ váne ǀ vidé ǀ vásu ǀ índraḥ ǀ magháiḥ ǀ maghá-vā ǀ vṛtra-hā́ ǀ bhuvat ǀ
ṛbhúḥ ǀ vā́jaḥ ǀ ṛbhukṣā́ḥ ǀ patyate ǀ śávaḥ ǀ áva ǀ kṣṇaumi ǀ dā́sasya ǀ nā́ma ǀ cit ǁ
Padapatha Transcription Nonaccented
harī iti ǀ nu ǀ asya ǀ yā ǀ vane ǀ vide ǀ vasu ǀ indraḥ ǀ maghaiḥ ǀ magha-vā ǀ vṛtra-hā ǀ bhuvat ǀ
ṛbhuḥ ǀ vājaḥ ǀ ṛbhukṣāḥ ǀ patyate ǀ śavaḥ ǀ ava ǀ kṣṇaumi ǀ dāsasya ǀ nāma ǀ cit ǁ
10.023.03 (Mandala. Sukta. Rik)
7.7.09.03 (Ashtaka. Adhyaya. Varga. Rik)
10.02.072 (Mandala. Anuvāka. Rik)
Samhita Devanagari Accented
य॒दा वज्रं॒ हिर॑ण्य॒मिदथा॒ रथं॒ हरी॒ यम॑स्य॒ वह॑तो॒ वि सू॒रिभिः॑ ।
आ ति॑ष्ठति म॒घवा॒ सन॑श्रुत॒ इंद्रो॒ वाज॑स्य दी॒र्घश्र॑वस॒स्पतिः॑ ॥
Samhita Devanagari Nonaccented
यदा वज्रं हिरण्यमिदथा रथं हरी यमस्य वहतो वि सूरिभिः ।
आ तिष्ठति मघवा सनश्रुत इंद्रो वाजस्य दीर्घश्रवसस्पतिः ॥
Samhita Transcription Accented
yadā́ vájram híraṇyamídáthā rátham hárī yámasya váhato ví sūríbhiḥ ǀ
ā́ tiṣṭhati maghávā sánaśruta índro vā́jasya dīrgháśravasaspátiḥ ǁ
Samhita Transcription Nonaccented
yadā vajram hiraṇyamidathā ratham harī yamasya vahato vi sūribhiḥ ǀ
ā tiṣṭhati maghavā sanaśruta indro vājasya dīrghaśravasaspatiḥ ǁ
Padapatha Devanagari Accented
य॒दा । वज्र॑म् । हिर॑ण्यम् । इत् । अथ॑ । रथ॑म् । हरी॒ इति॑ । यम् । अ॒स्य॒ । वह॑तः । वि । सू॒रिऽभिः॑ ।
आ । ति॒ष्ठ॒ति॒ । म॒घऽवा॑ । सन॑ऽश्रुतः । इन्द्रः॑ । वाज॑स्य । दी॒र्घऽश्र॑वसः । पतिः॑ ॥
Padapatha Devanagari Nonaccented
यदा । वज्रम् । हिरण्यम् । इत् । अथ । रथम् । हरी इति । यम् । अस्य । वहतः । वि । सूरिऽभिः ।
आ । तिष्ठति । मघऽवा । सनऽश्रुतः । इन्द्रः । वाजस्य । दीर्घऽश्रवसः । पतिः ॥
Padapatha Transcription Accented
yadā́ ǀ vájram ǀ híraṇyam ǀ ít ǀ átha ǀ rátham ǀ hárī íti ǀ yám ǀ asya ǀ váhataḥ ǀ ví ǀ sūrí-bhiḥ ǀ
ā́ ǀ tiṣṭhati ǀ maghá-vā ǀ sána-śrutaḥ ǀ índraḥ ǀ vā́jasya ǀ dīrghá-śravasaḥ ǀ pátiḥ ǁ
Padapatha Transcription Nonaccented
yadā ǀ vajram ǀ hiraṇyam ǀ it ǀ atha ǀ ratham ǀ harī iti ǀ yam ǀ asya ǀ vahataḥ ǀ vi ǀ sūri-bhiḥ ǀ
ā ǀ tiṣṭhati ǀ magha-vā ǀ sana-śrutaḥ ǀ indraḥ ǀ vājasya ǀ dīrgha-śravasaḥ ǀ patiḥ ǁ
10.023.04 (Mandala. Sukta. Rik)
7.7.09.04 (Ashtaka. Adhyaya. Varga. Rik)
10.02.073 (Mandala. Anuvāka. Rik)
Samhita Devanagari Accented
सो चि॒न्नु वृ॒ष्टिर्यू॒थ्या॒३॒॑ स्वा सचाँ॒ इंद्रः॒ श्मश्रू॑णि॒ हरि॑ता॒भि प्रु॑ष्णुते ।
अव॑ वेति सु॒क्षयं॑ सु॒ते मधूदिद्धू॑नोति॒ वातो॒ यथा॒ वनं॑ ॥
Samhita Devanagari Nonaccented
सो चिन्नु वृष्टिर्यूथ्या स्वा सचाँ इंद्रः श्मश्रूणि हरिताभि प्रुष्णुते ।
अव वेति सुक्षयं सुते मधूदिद्धूनोति वातो यथा वनं ॥
Samhita Transcription Accented
só cinnú vṛṣṭíryūthyā́ svā́ sácām̐ índraḥ śmáśrūṇi háritābhí pruṣṇute ǀ
áva veti sukṣáyam suté mádhū́díddhūnoti vā́to yáthā vánam ǁ
Samhita Transcription Nonaccented
so cinnu vṛṣṭiryūthyā svā sacām̐ indraḥ śmaśrūṇi haritābhi pruṣṇute ǀ
ava veti sukṣayam sute madhūdiddhūnoti vāto yathā vanam ǁ
Padapatha Devanagari Accented
सो इति॑ । चि॒त् । नु । वृ॒ष्टिः । यू॒थ्या॑ । स्वा । सचा॑ । इन्द्रः॑ । श्मश्रू॑णि । हरि॑ता । अ॒भि । प्रु॒ष्णु॒ते॒ ।
अव॑ । वे॒ति॒ । सु॒ऽक्षय॑म् । सु॒ते । मधु॑ । उत् । इत् । धू॒नो॒ति॒ । वातः॑ । यथा॑ । वन॑म् ॥
Padapatha Devanagari Nonaccented
सो इति । चित् । नु । वृष्टिः । यूथ्या । स्वा । सचा । इन्द्रः । श्मश्रूणि । हरिता । अभि । प्रुष्णुते ।
अव । वेति । सुऽक्षयम् । सुते । मधु । उत् । इत् । धूनोति । वातः । यथा । वनम् ॥
Padapatha Transcription Accented
só íti ǀ cit ǀ nú ǀ vṛṣṭíḥ ǀ yūthyā́ ǀ svā́ ǀ sácā ǀ índraḥ ǀ śmáśrūṇi ǀ háritā ǀ abhí ǀ pruṣṇute ǀ
áva ǀ veti ǀ su-kṣáyam ǀ suté ǀ mádhu ǀ út ǀ ít ǀ dhūnoti ǀ vā́taḥ ǀ yáthā ǀ vánam ǁ
Padapatha Transcription Nonaccented
so iti ǀ cit ǀ nu ǀ vṛṣṭiḥ ǀ yūthyā ǀ svā ǀ sacā ǀ indraḥ ǀ śmaśrūṇi ǀ haritā ǀ abhi ǀ pruṣṇute ǀ
ava ǀ veti ǀ su-kṣayam ǀ sute ǀ madhu ǀ ut ǀ it ǀ dhūnoti ǀ vātaḥ ǀ yathā ǀ vanam ǁ
10.023.05 (Mandala. Sukta. Rik)
7.7.09.05 (Ashtaka. Adhyaya. Varga. Rik)
10.02.074 (Mandala. Anuvāka. Rik)
Samhita Devanagari Accented
यो वा॒चा विवा॑चो मृ॒ध्रवा॑चः पु॒रू स॒हस्राशि॑वा ज॒घान॑ ।
तत्त॒दिद॑स्य॒ पौंस्यं॑ गृणीमसि पि॒तेव॒ यस्तवि॑षीं वावृ॒धे शवः॑ ॥
Samhita Devanagari Nonaccented
यो वाचा विवाचो मृध्रवाचः पुरू सहस्राशिवा जघान ।
तत्तदिदस्य पौंस्यं गृणीमसि पितेव यस्तविषीं वावृधे शवः ॥
Samhita Transcription Accented
yó vācā́ vívāco mṛdhrávācaḥ purū́ sahásrā́śivā jaghā́na ǀ
táttadídasya páuṃsyam gṛṇīmasi pitéva yástáviṣīm vāvṛdhé śávaḥ ǁ
Samhita Transcription Nonaccented
yo vācā vivāco mṛdhravācaḥ purū sahasrāśivā jaghāna ǀ
tattadidasya pauṃsyam gṛṇīmasi piteva yastaviṣīm vāvṛdhe śavaḥ ǁ
Padapatha Devanagari Accented
यः । वा॒चा । विऽवा॑चः । मृ॒ध्रऽवा॑चः । पु॒रु । स॒हस्रा॑ । अशि॑वा । ज॒घान॑ ।
तत्ऽत॑त् । इत् । अ॒स्य॒ । पौंस्य॑म् । गृ॒णी॒म॒सि॒ । पि॒ताऽइ॑व । यः । तवि॑षीम् । व॒वृ॒धे । शवः॑ ॥
Padapatha Devanagari Nonaccented
यः । वाचा । विऽवाचः । मृध्रऽवाचः । पुरु । सहस्रा । अशिवा । जघान ।
तत्ऽतत् । इत् । अस्य । पौंस्यम् । गृणीमसि । पिताऽइव । यः । तविषीम् । ववृधे । शवः ॥
Padapatha Transcription Accented
yáḥ ǀ vācā́ ǀ ví-vācaḥ ǀ mṛdhrá-vācaḥ ǀ purú ǀ sahásrā ǀ áśivā ǀ jaghā́na ǀ
tát-tat ǀ ít ǀ asya ǀ páuṃsyam ǀ gṛṇīmasi ǀ pitā́-iva ǀ yáḥ ǀ táviṣīm ǀ vavṛdhé ǀ śávaḥ ǁ
Padapatha Transcription Nonaccented
yaḥ ǀ vācā ǀ vi-vācaḥ ǀ mṛdhra-vācaḥ ǀ puru ǀ sahasrā ǀ aśivā ǀ jaghāna ǀ
tat-tat ǀ it ǀ asya ǀ pauṃsyam ǀ gṛṇīmasi ǀ pitā-iva ǀ yaḥ ǀ taviṣīm ǀ vavṛdhe ǀ śavaḥ ǁ
10.023.06 (Mandala. Sukta. Rik)
7.7.09.06 (Ashtaka. Adhyaya. Varga. Rik)
10.02.075 (Mandala. Anuvāka. Rik)
Samhita Devanagari Accented
स्तोमं॑ त इंद्र विम॒दा अ॑जीजन॒न्नपू॑र्व्यं पुरु॒तमं॑ सु॒दान॑वे ।
वि॒द्मा ह्य॑स्य॒ भोज॑नमि॒नस्य॒ यदा प॒शुं न गो॒पाः क॑रामहे ॥
Samhita Devanagari Nonaccented
स्तोमं त इंद्र विमदा अजीजनन्नपूर्व्यं पुरुतमं सुदानवे ।
विद्मा ह्यस्य भोजनमिनस्य यदा पशुं न गोपाः करामहे ॥
Samhita Transcription Accented
stómam ta indra vimadā́ ajījanannápūrvyam purutámam sudā́nave ǀ
vidmā́ hyásya bhójanaminásya yádā́ paśúm ná gopā́ḥ karāmahe ǁ
Samhita Transcription Nonaccented
stomam ta indra vimadā ajījanannapūrvyam purutamam sudānave ǀ
vidmā hyasya bhojanaminasya yadā paśum na gopāḥ karāmahe ǁ
Padapatha Devanagari Accented
स्तोम॑म् । ते॒ । इ॒न्द्र॒ । वि॒ऽम॒दाः । अ॒जी॒ज॒न॒न् । अपू॑र्व्यम् । पु॒रु॒ऽतम॑म् । सु॒ऽदान॑वे ।
वि॒द्म । हि । अ॒स्य॒ । भोज॑नम् । इ॒नस्य॑ । यत् । आ । प॒शुम् । न । गो॒पाः । क॒रा॒म॒हे॒ ॥
Padapatha Devanagari Nonaccented
स्तोमम् । ते । इन्द्र । विऽमदाः । अजीजनन् । अपूर्व्यम् । पुरुऽतमम् । सुऽदानवे ।
विद्म । हि । अस्य । भोजनम् । इनस्य । यत् । आ । पशुम् । न । गोपाः । करामहे ॥
Padapatha Transcription Accented
stómam ǀ te ǀ indra ǀ vi-madā́ḥ ǀ ajījanan ǀ ápūrvyam ǀ puru-támam ǀ su-dā́nave ǀ
vidmá ǀ hí ǀ asya ǀ bhójanam ǀ inásya ǀ yát ǀ ā́ ǀ paśúm ǀ ná ǀ gopā́ḥ ǀ karāmahe ǁ
Padapatha Transcription Nonaccented
stomam ǀ te ǀ indra ǀ vi-madāḥ ǀ ajījanan ǀ apūrvyam ǀ puru-tamam ǀ su-dānave ǀ
vidma ǀ hi ǀ asya ǀ bhojanam ǀ inasya ǀ yat ǀ ā ǀ paśum ǀ na ǀ gopāḥ ǀ karāmahe ǁ
10.023.07 (Mandala. Sukta. Rik)
7.7.09.07 (Ashtaka. Adhyaya. Varga. Rik)
10.02.076 (Mandala. Anuvāka. Rik)
Samhita Devanagari Accented
माकि॑र्न ए॒ना स॒ख्या वि यौ॑षु॒स्तव॑ चेंद्र विम॒दस्य॑ च॒ ऋषेः॑ ।
वि॒द्मा हि ते॒ प्रम॑तिं देव जामि॒वद॒स्मे ते॑ संतु स॒ख्या शि॒वानि॑ ॥
Samhita Devanagari Nonaccented
माकिर्न एना सख्या वि यौषुस्तव चेंद्र विमदस्य च ऋषेः ।
विद्मा हि ते प्रमतिं देव जामिवदस्मे ते संतु सख्या शिवानि ॥
Samhita Transcription Accented
mā́kirna enā́ sakhyā́ ví yauṣustáva cendra vimadásya ca ṛ́ṣeḥ ǀ
vidmā́ hí te prámatim deva jāmivádasmé te santu sakhyā́ śivā́ni ǁ
Samhita Transcription Nonaccented
mākirna enā sakhyā vi yauṣustava cendra vimadasya ca ṛṣeḥ ǀ
vidmā hi te pramatim deva jāmivadasme te santu sakhyā śivāni ǁ
Padapatha Devanagari Accented
माकिः॑ । नः॒ । ए॒ना । स॒ख्या । वि । यौ॒षुः॒ । तव॑ । च॒ । इ॒न्द्र॒ । वि॒ऽम॒दस्य॑ । च॒ । ऋषेः॑ ।
वि॒द्म । हि । ते॒ । प्रऽम॑तिम् । दे॒व॒ । जा॒मि॒ऽवत् । अ॒स्मे इति॑ । ते॒ । स॒न्तु॒ । स॒ख्या । शि॒वानि॑ ॥
Padapatha Devanagari Nonaccented
माकिः । नः । एना । सख्या । वि । यौषुः । तव । च । इन्द्र । विऽमदस्य । च । ऋषेः ।
विद्म । हि । ते । प्रऽमतिम् । देव । जामिऽवत् । अस्मे इति । ते । सन्तु । सख्या । शिवानि ॥
Padapatha Transcription Accented
mā́kiḥ ǀ naḥ ǀ enā́ ǀ sakhyā́ ǀ ví ǀ yauṣuḥ ǀ táva ǀ ca ǀ indra ǀ vi-madásya ǀ ca ǀ ṛ́ṣeḥ ǀ
vidmá ǀ hí ǀ te ǀ prá-matim ǀ deva ǀ jāmi-vát ǀ asmé íti ǀ te ǀ santu ǀ sakhyā́ ǀ śivā́ni ǁ
Padapatha Transcription Nonaccented
mākiḥ ǀ naḥ ǀ enā ǀ sakhyā ǀ vi ǀ yauṣuḥ ǀ tava ǀ ca ǀ indra ǀ vi-madasya ǀ ca ǀ ṛṣeḥ ǀ
vidma ǀ hi ǀ te ǀ pra-matim ǀ deva ǀ jāmi-vat ǀ asme iti ǀ te ǀ santu ǀ sakhyā ǀ śivāni ǁ