|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 152
|
1. Info |
| To: | indra | |
| From: | śāsa bhāradvāja | |
| Metres: | 1st set of styles: nicṛdanuṣṭup (1, 2, 4); anuṣṭup (3); virāḍanuṣṭup (5) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.152.01 (Mandala. Sukta. Rik)
8.8.10.01 (Ashtaka. Adhyaya. Varga. Rik)
10.12.001 (Mandala. Anuvāka. Rik)
Samhita Devanagari Accented
शा॒स इ॒त्था म॒हाँ अ॑स्यमित्रखा॒दो अद्भु॑तः ।
न यस्य॑ ह॒न्यते॒ सखा॒ न जीय॑ते॒ कदा॑ च॒न ॥
Samhita Devanagari Nonaccented
शास इत्था महाँ अस्यमित्रखादो अद्भुतः ।
न यस्य हन्यते सखा न जीयते कदा चन ॥
Samhita Transcription Accented
śāsá itthā́ mahā́m̐ asyamitrakhādó ádbhutaḥ ǀ
ná yásya hanyáte sákhā ná jī́yate kádā caná ǁ
Samhita Transcription Nonaccented
śāsa itthā mahām̐ asyamitrakhādo adbhutaḥ ǀ
na yasya hanyate sakhā na jīyate kadā cana ǁ
Padapatha Devanagari Accented
शा॒सः । इ॒त्था । म॒हान् । अ॒सि॒ । अ॒मि॒त्र॒ऽखा॒दः । अद्भु॑तः ।
न । यस्य॑ । ह॒न्यते॑ । सखा॑ । न । जीय॑ते । कदा॑ । च॒न ॥
Padapatha Devanagari Nonaccented
शासः । इत्था । महान् । असि । अमित्रऽखादः । अद्भुतः ।
न । यस्य । हन्यते । सखा । न । जीयते । कदा । चन ॥
Padapatha Transcription Accented
śāsáḥ ǀ itthā́ ǀ mahā́n ǀ asi ǀ amitra-khādáḥ ǀ ádbhutaḥ ǀ
ná ǀ yásya ǀ hanyáte ǀ sákhā ǀ ná ǀ jī́yate ǀ kádā ǀ caná ǁ
Padapatha Transcription Nonaccented
śāsaḥ ǀ itthā ǀ mahān ǀ asi ǀ amitra-khādaḥ ǀ adbhutaḥ ǀ
na ǀ yasya ǀ hanyate ǀ sakhā ǀ na ǀ jīyate ǀ kadā ǀ cana ǁ
10.152.02 (Mandala. Sukta. Rik)
8.8.10.02 (Ashtaka. Adhyaya. Varga. Rik)
10.12.002 (Mandala. Anuvāka. Rik)
Samhita Devanagari Accented
स्व॒स्ति॒दा वि॒शस्पति॑र्वृत्र॒हा वि॑मृ॒धो व॒शी ।
वृषेंद्रः॑ पु॒र ए॑तु नः सोम॒पा अ॑भयंक॒रः ॥
Samhita Devanagari Nonaccented
स्वस्तिदा विशस्पतिर्वृत्रहा विमृधो वशी ।
वृषेंद्रः पुर एतु नः सोमपा अभयंकरः ॥
Samhita Transcription Accented
svastidā́ viśáspátirvṛtrahā́ vimṛdhó vaśī́ ǀ
vṛ́ṣéndraḥ purá etu naḥ somapā́ abhayaṃkaráḥ ǁ
Samhita Transcription Nonaccented
svastidā viśaspatirvṛtrahā vimṛdho vaśī ǀ
vṛṣendraḥ pura etu naḥ somapā abhayaṃkaraḥ ǁ
Padapatha Devanagari Accented
स्व॒स्ति॒ऽदाः । वि॒शः । पतिः॑ । वृ॒त्र॒ऽहा । वि॒ऽमृ॒धः । व॒शी ।
वृषा॑ । इन्द्रः॑ । पु॒रः । ए॒तु॒ । नः॒ । सो॒म॒ऽपाः । अ॒भ॒य॒म्ऽक॒रः ॥
Padapatha Devanagari Nonaccented
स्वस्तिऽदाः । विशः । पतिः । वृत्रऽहा । विऽमृधः । वशी ।
वृषा । इन्द्रः । पुरः । एतु । नः । सोमऽपाः । अभयम्ऽकरः ॥
Padapatha Transcription Accented
svasti-dā́ḥ ǀ viśáḥ ǀ pátiḥ ǀ vṛtra-hā́ ǀ vi-mṛdháḥ ǀ vaśī́ ǀ
vṛ́ṣā ǀ índraḥ ǀ puráḥ ǀ etu ǀ naḥ ǀ soma-pā́ḥ ǀ abhayam-karáḥ ǁ
Padapatha Transcription Nonaccented
svasti-dāḥ ǀ viśaḥ ǀ patiḥ ǀ vṛtra-hā ǀ vi-mṛdhaḥ ǀ vaśī ǀ
vṛṣā ǀ indraḥ ǀ puraḥ ǀ etu ǀ naḥ ǀ soma-pāḥ ǀ abhayam-karaḥ ǁ
10.152.03 (Mandala. Sukta. Rik)
8.8.10.03 (Ashtaka. Adhyaya. Varga. Rik)
10.12.003 (Mandala. Anuvāka. Rik)
Samhita Devanagari Accented
वि रक्षो॒ वि मृधो॑ जहि॒ वि वृ॒त्रस्य॒ हनू॑ रुज ।
वि म॒न्युमिं॑द्र वृत्रहन्न॒मित्र॑स्याभि॒दास॑तः ॥
Samhita Devanagari Nonaccented
वि रक्षो वि मृधो जहि वि वृत्रस्य हनू रुज ।
वि मन्युमिंद्र वृत्रहन्नमित्रस्याभिदासतः ॥
Samhita Transcription Accented
ví rákṣo ví mṛ́dho jahi ví vṛtrásya hánū ruja ǀ
ví manyúmindra vṛtrahannamítrasyābhidā́sataḥ ǁ
Samhita Transcription Nonaccented
vi rakṣo vi mṛdho jahi vi vṛtrasya hanū ruja ǀ
vi manyumindra vṛtrahannamitrasyābhidāsataḥ ǁ
Padapatha Devanagari Accented
वि । रक्षः॑ । वि । मृधः॑ । ज॒हि॒ । वि । वृ॒त्रस्य॑ । हनू॒ इति॑ । रु॒ज॒ ।
वि । म॒न्युम् । इ॒न्द्र॒ । वृ॒त्र॒ऽह॒न् । अ॒मित्र॑स्य । अ॒भि॒ऽदास॑तः ॥
Padapatha Devanagari Nonaccented
वि । रक्षः । वि । मृधः । जहि । वि । वृत्रस्य । हनू इति । रुज ।
वि । मन्युम् । इन्द्र । वृत्रऽहन् । अमित्रस्य । अभिऽदासतः ॥
Padapatha Transcription Accented
ví ǀ rákṣaḥ ǀ ví ǀ mṛ́dhaḥ ǀ jahi ǀ ví ǀ vṛtrásya ǀ hánū íti ǀ ruja ǀ
ví ǀ manyúm ǀ indra ǀ vṛtra-han ǀ amítrasya ǀ abhi-dā́sataḥ ǁ
Padapatha Transcription Nonaccented
vi ǀ rakṣaḥ ǀ vi ǀ mṛdhaḥ ǀ jahi ǀ vi ǀ vṛtrasya ǀ hanū iti ǀ ruja ǀ
vi ǀ manyum ǀ indra ǀ vṛtra-han ǀ amitrasya ǀ abhi-dāsataḥ ǁ
10.152.04 (Mandala. Sukta. Rik)
8.8.10.04 (Ashtaka. Adhyaya. Varga. Rik)
10.12.004 (Mandala. Anuvāka. Rik)
Samhita Devanagari Accented
वि न॑ इंद्र॒ मृधो॑ जहि नी॒चा य॑च्छ पृतन्य॒तः ।
यो अ॒स्माँ अ॑भि॒दास॒त्यध॑रं गमया॒ तमः॑ ॥
Samhita Devanagari Nonaccented
वि न इंद्र मृधो जहि नीचा यच्छ पृतन्यतः ।
यो अस्माँ अभिदासत्यधरं गमया तमः ॥
Samhita Transcription Accented
ví na indra mṛ́dho jahi nīcā́ yaccha pṛtanyatáḥ ǀ
yó asmā́m̐ abhidā́satyádharam gamayā támaḥ ǁ
Samhita Transcription Nonaccented
vi na indra mṛdho jahi nīcā yaccha pṛtanyataḥ ǀ
yo asmām̐ abhidāsatyadharam gamayā tamaḥ ǁ
Padapatha Devanagari Accented
वि । नः॒ । इ॒न्द्र॒ । मृधः॑ । ज॒हि॒ । नी॒चा । य॒च्छ॒ । पृ॒त॒न्य॒तः ।
यः । अ॒स्मान् । अ॒भि॒ऽदास॑ति । अध॑रम् । ग॒म॒य॒ । तमः॑ ॥
Padapatha Devanagari Nonaccented
वि । नः । इन्द्र । मृधः । जहि । नीचा । यच्छ । पृतन्यतः ।
यः । अस्मान् । अभिऽदासति । अधरम् । गमय । तमः ॥
Padapatha Transcription Accented
ví ǀ naḥ ǀ indra ǀ mṛ́dhaḥ ǀ jahi ǀ nīcā́ ǀ yaccha ǀ pṛtanyatáḥ ǀ
yáḥ ǀ asmā́n ǀ abhi-dā́sati ǀ ádharam ǀ gamaya ǀ támaḥ ǁ
Padapatha Transcription Nonaccented
vi ǀ naḥ ǀ indra ǀ mṛdhaḥ ǀ jahi ǀ nīcā ǀ yaccha ǀ pṛtanyataḥ ǀ
yaḥ ǀ asmān ǀ abhi-dāsati ǀ adharam ǀ gamaya ǀ tamaḥ ǁ
10.152.05 (Mandala. Sukta. Rik)
8.8.10.05 (Ashtaka. Adhyaya. Varga. Rik)
10.12.005 (Mandala. Anuvāka. Rik)
Samhita Devanagari Accented
अपें॑द्र द्विष॒तो मनोऽप॒ जिज्या॑सतो व॒धं ।
वि म॒न्योः शर्म॑ यच्छ॒ वरी॑यो यवया व॒धं ॥
Samhita Devanagari Nonaccented
अपेंद्र द्विषतो मनोऽप जिज्यासतो वधं ।
वि मन्योः शर्म यच्छ वरीयो यवया वधं ॥
Samhita Transcription Accented
ápendra dviṣató mánó’pa jíjyāsato vadhám ǀ
ví manyóḥ śárma yaccha várīyo yavayā vadhám ǁ
Samhita Transcription Nonaccented
apendra dviṣato mano’pa jijyāsato vadham ǀ
vi manyoḥ śarma yaccha varīyo yavayā vadham ǁ
Padapatha Devanagari Accented
अप॑ । इ॒न्द्र॒ । द्वि॒ष॒तः । मनः॑ । अप॑ । जिज्या॑सतः । व॒धम् ।
वि । म॒न्योः । शर्म॑ । य॒च्छ॒ । वरी॑यः । य॒व॒य॒ । व॒धम् ॥
Padapatha Devanagari Nonaccented
अप । इन्द्र । द्विषतः । मनः । अप । जिज्यासतः । वधम् ।
वि । मन्योः । शर्म । यच्छ । वरीयः । यवय । वधम् ॥
Padapatha Transcription Accented
ápa ǀ indra ǀ dviṣatáḥ ǀ mánaḥ ǀ ápa ǀ jíjyāsataḥ ǀ vadhám ǀ
ví ǀ manyóḥ ǀ śárma ǀ yaccha ǀ várīyaḥ ǀ yavaya ǀ vadhám ǁ
Padapatha Transcription Nonaccented
apa ǀ indra ǀ dviṣataḥ ǀ manaḥ ǀ apa ǀ jijyāsataḥ ǀ vadham ǀ
vi ǀ manyoḥ ǀ śarma ǀ yaccha ǀ varīyaḥ ǀ yavaya ǀ vadham ǁ