|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 155
|
1. Info |
| To: | 1, 4: alakṣmīghnam; 2, 3: brahmaṇaspati; 5: viśvedevās |
|
| From: | śirimbiṭha bhāradvāja | |
| Metres: | 1st set of styles: nicṛdanuṣṭup (1, 2, 4); anuṣṭup (3); virāḍanuṣṭup (5) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.155.01 (Mandala. Sukta. Rik)
8.8.13.01 (Ashtaka. Adhyaya. Varga. Rik)
10.12.016 (Mandala. Anuvāka. Rik)
Samhita Devanagari Accented
अरा॑यि॒ काणे॒ विक॑टे गि॒रिं ग॑च्छ सदान्वे ।
शि॒रिंबि॑ठस्य॒ सत्व॑भि॒स्तेभि॑ष्ट्वा चातयामसि ॥
Samhita Devanagari Nonaccented
अरायि काणे विकटे गिरिं गच्छ सदान्वे ।
शिरिंबिठस्य सत्वभिस्तेभिष्ट्वा चातयामसि ॥
Samhita Transcription Accented
árāyi kā́ṇe víkaṭe girím gaccha sadānve ǀ
śirímbiṭhasya sátvabhistébhiṣṭvā cātayāmasi ǁ
Samhita Transcription Nonaccented
arāyi kāṇe vikaṭe girim gaccha sadānve ǀ
śirimbiṭhasya satvabhistebhiṣṭvā cātayāmasi ǁ
Padapatha Devanagari Accented
अरा॑यि । काणे॑ । विऽक॑टे । गि॒रिम् । ग॒च्छ॒ । स॒दा॒न्वे॒ ।
शि॒रिम्बि॑ठस्य । सत्व॑ऽभिः । तेभिः॑ । त्वा॒ । चा॒त॒या॒म॒सि॒ ॥
Padapatha Devanagari Nonaccented
अरायि । काणे । विऽकटे । गिरिम् । गच्छ । सदान्वे ।
शिरिम्बिठस्य । सत्वऽभिः । तेभिः । त्वा । चातयामसि ॥
Padapatha Transcription Accented
árāyi ǀ kā́ṇe ǀ ví-kaṭe ǀ girím ǀ gaccha ǀ sadānve ǀ
śirímbiṭhasya ǀ sátva-bhiḥ ǀ tébhiḥ ǀ tvā ǀ cātayāmasi ǁ
Padapatha Transcription Nonaccented
arāyi ǀ kāṇe ǀ vi-kaṭe ǀ girim ǀ gaccha ǀ sadānve ǀ
śirimbiṭhasya ǀ satva-bhiḥ ǀ tebhiḥ ǀ tvā ǀ cātayāmasi ǁ
10.155.02 (Mandala. Sukta. Rik)
8.8.13.02 (Ashtaka. Adhyaya. Varga. Rik)
10.12.017 (Mandala. Anuvāka. Rik)
Samhita Devanagari Accented
च॒त्तो इ॒तश्च॒त्तामुतः॒ सर्वा॑ भ्रू॒णान्या॒रुषी॑ ।
अ॒रा॒य्यं॑ ब्रह्मणस्पते॒ तीक्ष्ण॑शृण्गोदृ॒षन्नि॑हि ॥
Samhita Devanagari Nonaccented
चत्तो इतश्चत्तामुतः सर्वा भ्रूणान्यारुषी ।
अराय्यं ब्रह्मणस्पते तीक्ष्णशृण्गोदृषन्निहि ॥
Samhita Transcription Accented
cattó itáścattā́mútaḥ sárvā bhrūṇā́nyārúṣī ǀ
arāyyám brahmaṇaspate tī́kṣṇaśṛṅgodṛṣánnihi ǁ
Samhita Transcription Nonaccented
catto itaścattāmutaḥ sarvā bhrūṇānyāruṣī ǀ
arāyyam brahmaṇaspate tīkṣṇaśṛṅgodṛṣannihi ǁ
Padapatha Devanagari Accented
च॒त्तो इति॑ । इ॒तः । च॒त्ता । अ॒मुतः॑ । सर्वा॑ । भ्रू॒णानि॑ । आ॒रुषी॑ ।
अ॒रा॒य्य॑म् । ब्र॒ह्म॒णः॒ । प॒ते॒ । तीक्ष्ण॑ऽशृङ्ग । उ॒त्ऽऋ॒षन् । इ॒हि॒ ॥
Padapatha Devanagari Nonaccented
चत्तो इति । इतः । चत्ता । अमुतः । सर्वा । भ्रूणानि । आरुषी ।
अराय्यम् । ब्रह्मणः । पते । तीक्ष्णऽशृङ्ग । उत्ऽऋषन् । इहि ॥
Padapatha Transcription Accented
cattó íti ǀ itáḥ ǀ cattā́ ǀ amútaḥ ǀ sárvā ǀ bhrūṇā́ni ǀ ārúṣī ǀ
arāyyám ǀ brahmaṇaḥ ǀ pate ǀ tī́kṣṇa-śṛṅga ǀ ut-ṛṣán ǀ ihi ǁ
Padapatha Transcription Nonaccented
catto iti ǀ itaḥ ǀ cattā ǀ amutaḥ ǀ sarvā ǀ bhrūṇāni ǀ āruṣī ǀ
arāyyam ǀ brahmaṇaḥ ǀ pate ǀ tīkṣṇa-śṛṅga ǀ ut-ṛṣan ǀ ihi ǁ
10.155.03 (Mandala. Sukta. Rik)
8.8.13.03 (Ashtaka. Adhyaya. Varga. Rik)
10.12.018 (Mandala. Anuvāka. Rik)
Samhita Devanagari Accented
अ॒दो यद्दारु॒ प्लव॑ते॒ सिंधोः॑ पा॒रे अ॑पूरु॒षं ।
तदा र॑भस्व दुर्हणो॒ तेन॑ गच्छ परस्त॒रं ॥
Samhita Devanagari Nonaccented
अदो यद्दारु प्लवते सिंधोः पारे अपूरुषं ।
तदा रभस्व दुर्हणो तेन गच्छ परस्तरं ॥
Samhita Transcription Accented
adó yáddā́ru plávate síndhoḥ pāré apūruṣám ǀ
tádā́ rabhasva durhaṇo téna gaccha parastarám ǁ
Samhita Transcription Nonaccented
ado yaddāru plavate sindhoḥ pāre apūruṣam ǀ
tadā rabhasva durhaṇo tena gaccha parastaram ǁ
Padapatha Devanagari Accented
अ॒दः । यत् । दारु॑ । प्लव॑ते । सिन्धोः॑ । पा॒रे । अ॒पु॒रु॒षम् ।
तत् । आ । र॒भ॒स्व॒ । दु॒र्ह॒नो॒ इति॑ दुःऽहनो । तेन॑ । ग॒च्छ॒ । प॒रः॒ऽत॒रम् ॥
Padapatha Devanagari Nonaccented
अदः । यत् । दारु । प्लवते । सिन्धोः । पारे । अपुरुषम् ।
तत् । आ । रभस्व । दुर्हनो इति दुःऽहनो । तेन । गच्छ । परःऽतरम् ॥
Padapatha Transcription Accented
adáḥ ǀ yát ǀ dā́ru ǀ plávate ǀ síndhoḥ ǀ pāré ǀ apuruṣám ǀ
tát ǀ ā́ ǀ rabhasva ǀ durhano íti duḥ-hano ǀ téna ǀ gaccha ǀ paraḥ-tarám ǁ
Padapatha Transcription Nonaccented
adaḥ ǀ yat ǀ dāru ǀ plavate ǀ sindhoḥ ǀ pāre ǀ apuruṣam ǀ
tat ǀ ā ǀ rabhasva ǀ durhano iti duḥ-hano ǀ tena ǀ gaccha ǀ paraḥ-taram ǁ
10.155.04 (Mandala. Sukta. Rik)
8.8.13.04 (Ashtaka. Adhyaya. Varga. Rik)
10.12.019 (Mandala. Anuvāka. Rik)
Samhita Devanagari Accented
यद्ध॒ प्राची॒रज॑गं॒तोरो॑ मंडूरधाणिकीः ।
ह॒ता इंद्र॑स्य॒ शत्र॑वः॒ सर्वे॑ बुद्बु॒दया॑शवः ॥
Samhita Devanagari Nonaccented
यद्ध प्राचीरजगंतोरो मंडूरधाणिकीः ।
हता इंद्रस्य शत्रवः सर्वे बुद्बुदयाशवः ॥
Samhita Transcription Accented
yáddha prā́cīrájagantóro maṇḍūradhāṇikīḥ ǀ
hatā́ índrasya śátravaḥ sárve budbudáyāśavaḥ ǁ
Samhita Transcription Nonaccented
yaddha prācīrajagantoro maṇḍūradhāṇikīḥ ǀ
hatā indrasya śatravaḥ sarve budbudayāśavaḥ ǁ
Padapatha Devanagari Accented
यत् । ह॒ । प्राचीः॑ । अज॑गन्त । उरः॑ । म॒ण्डू॒र॒ऽधा॒णि॒कीः॒ ।
ह॒ताः । इन्द्र॑स्य । शत्र॑वः । सर्वे॑ । बु॒द्बु॒दऽया॑शवः ॥
Padapatha Devanagari Nonaccented
यत् । ह । प्राचीः । अजगन्त । उरः । मण्डूरऽधाणिकीः ।
हताः । इन्द्रस्य । शत्रवः । सर्वे । बुद्बुदऽयाशवः ॥
Padapatha Transcription Accented
yát ǀ ha ǀ prā́cīḥ ǀ ájaganta ǀ úraḥ ǀ maṇḍūra-dhāṇikīḥ ǀ
hatā́ḥ ǀ índrasya ǀ śátravaḥ ǀ sárve ǀ budbudá-yāśavaḥ ǁ
Padapatha Transcription Nonaccented
yat ǀ ha ǀ prācīḥ ǀ ajaganta ǀ uraḥ ǀ maṇḍūra-dhāṇikīḥ ǀ
hatāḥ ǀ indrasya ǀ śatravaḥ ǀ sarve ǀ budbuda-yāśavaḥ ǁ
10.155.05 (Mandala. Sukta. Rik)
8.8.13.05 (Ashtaka. Adhyaya. Varga. Rik)
10.12.020 (Mandala. Anuvāka. Rik)
Samhita Devanagari Accented
परी॒मे गाम॑नेषत॒ पर्य॒ग्निम॑हृषत ।
दे॒वेष्व॑क्रत॒ श्रवः॒ क इ॒माँ आ द॑धर्षति ॥
Samhita Devanagari Nonaccented
परीमे गामनेषत पर्यग्निमहृषत ।
देवेष्वक्रत श्रवः क इमाँ आ दधर्षति ॥
Samhita Transcription Accented
párīmé gā́maneṣata páryagnímahṛṣata ǀ
devéṣvakrata śrávaḥ ká imā́m̐ ā́ dadharṣati ǁ
Samhita Transcription Nonaccented
parīme gāmaneṣata paryagnimahṛṣata ǀ
deveṣvakrata śravaḥ ka imām̐ ā dadharṣati ǁ
Padapatha Devanagari Accented
परि॑ । इ॒मे । गाम् । अ॒ने॒ष॒त॒ । परि॑ । अ॒ग्निम् । अ॒हृ॒ष॒त॒ ।
दे॒वेषु॑ । अ॒क्र॒त॒ । श्रवः॑ । कः । इ॒मान् । आ । द॒ध॒र्ष॒ति॒ ॥
Padapatha Devanagari Nonaccented
परि । इमे । गाम् । अनेषत । परि । अग्निम् । अहृषत ।
देवेषु । अक्रत । श्रवः । कः । इमान् । आ । दधर्षति ॥
Padapatha Transcription Accented
pári ǀ imé ǀ gā́m ǀ aneṣata ǀ pári ǀ agním ǀ ahṛṣata ǀ
devéṣu ǀ akrata ǀ śrávaḥ ǀ káḥ ǀ imā́n ǀ ā́ ǀ dadharṣati ǁ
Padapatha Transcription Nonaccented
pari ǀ ime ǀ gām ǀ aneṣata ǀ pari ǀ agnim ǀ ahṛṣata ǀ
deveṣu ǀ akrata ǀ śravaḥ ǀ kaḥ ǀ imān ǀ ā ǀ dadharṣati ǁ