|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 170
|
1. Info |
| To: | sūrya | |
| From: | vibhrāj saurya | |
| Metres: | 1st set of styles: virāḍjagatī (1, 3); jagatī (2); āstārapaṅkti (4) 2nd set of styles: jagatī (1-3); āstārapaṅkti (4) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.170.01 (Mandala. Sukta. Rik)
8.8.28.01 (Ashtaka. Adhyaya. Varga. Rik)
10.12.091 (Mandala. Anuvāka. Rik)
Samhita Devanagari Accented
वि॒भ्राड्बृ॒हत्पि॑बतु सो॒म्यं मध्वायु॒र्दध॑द्य॒ज्ञप॑ता॒ववि॑ह्रुतं ।
वात॑जूतो॒ यो अ॑भि॒रक्ष॑ति॒ त्मना॑ प्र॒जाः पु॑पोष पुरु॒धा वि रा॑जति ॥
Samhita Devanagari Nonaccented
विभ्राड्बृहत्पिबतु सोम्यं मध्वायुर्दधद्यज्ञपतावविह्रुतं ।
वातजूतो यो अभिरक्षति त्मना प्रजाः पुपोष पुरुधा वि राजति ॥
Samhita Transcription Accented
vibhrā́ḍbṛhátpibatu somyám mádhvā́yurdádhadyajñápatāvávihrutam ǀ
vā́tajūto yó abhirákṣati tmánā prajā́ḥ pupoṣa purudhā́ ví rājati ǁ
Samhita Transcription Nonaccented
vibhrāḍbṛhatpibatu somyam madhvāyurdadhadyajñapatāvavihrutam ǀ
vātajūto yo abhirakṣati tmanā prajāḥ pupoṣa purudhā vi rājati ǁ
Padapatha Devanagari Accented
वि॒ऽभ्राट् । बृ॒हत् । पि॒ब॒तु॒ । सो॒म्यम् । मधु॑ । आयुः॑ । दध॑त् । य॒ज्ञऽप॑तौ । अवि॑ऽह्रुतम् ।
वात॑ऽजूतः । यः । अ॒भि॒ऽरक्ष॑ति । त्मना॑ । प्र॒ऽजाः । पु॒पो॒ष॒ । पु॒रु॒धा । वि । रा॒ज॒ति॒ ॥
Padapatha Devanagari Nonaccented
विऽभ्राट् । बृहत् । पिबतु । सोम्यम् । मधु । आयुः । दधत् । यज्ञऽपतौ । अविऽह्रुतम् ।
वातऽजूतः । यः । अभिऽरक्षति । त्मना । प्रऽजाः । पुपोष । पुरुधा । वि । राजति ॥
Padapatha Transcription Accented
vi-bhrā́ṭ ǀ bṛhát ǀ pibatu ǀ somyám ǀ mádhu ǀ ā́yuḥ ǀ dádhat ǀ yajñá-patau ǀ ávi-hrutam ǀ
vā́ta-jūtaḥ ǀ yáḥ ǀ abhi-rákṣati ǀ tmánā ǀ pra-jā́ḥ ǀ pupoṣa ǀ purudhā́ ǀ ví ǀ rājati ǁ
Padapatha Transcription Nonaccented
vi-bhrāṭ ǀ bṛhat ǀ pibatu ǀ somyam ǀ madhu ǀ āyuḥ ǀ dadhat ǀ yajña-patau ǀ avi-hrutam ǀ
vāta-jūtaḥ ǀ yaḥ ǀ abhi-rakṣati ǀ tmanā ǀ pra-jāḥ ǀ pupoṣa ǀ purudhā ǀ vi ǀ rājati ǁ
10.170.02 (Mandala. Sukta. Rik)
8.8.28.02 (Ashtaka. Adhyaya. Varga. Rik)
10.12.092 (Mandala. Anuvāka. Rik)
Samhita Devanagari Accented
वि॒भ्राड्बृ॒हत्सुभृ॑तं वाज॒सात॑मं॒ धर्मं॑दि॒वो ध॒रुणे॑ स॒त्यमर्पि॑तं ।
अ॒मि॒त्र॒हा वृ॑त्र॒हा द॑स्यु॒हंत॑मं॒ ज्योति॑र्जज्ञे असुर॒हा स॑पत्न॒हा ॥
Samhita Devanagari Nonaccented
विभ्राड्बृहत्सुभृतं वाजसातमं धर्मंदिवो धरुणे सत्यमर्पितं ।
अमित्रहा वृत्रहा दस्युहंतमं ज्योतिर्जज्ञे असुरहा सपत्नहा ॥
Samhita Transcription Accented
vibhrā́ḍbṛhátsúbhṛtam vājasā́tamam dhármandivó dharúṇe satyámárpitam ǀ
amitrahā́ vṛtrahā́ dasyuhántamam jyótirjajñe asurahā́ sapatnahā́ ǁ
Samhita Transcription Nonaccented
vibhrāḍbṛhatsubhṛtam vājasātamam dharmandivo dharuṇe satyamarpitam ǀ
amitrahā vṛtrahā dasyuhantamam jyotirjajñe asurahā sapatnahā ǁ
Padapatha Devanagari Accented
वि॒ऽभ्राट् । बृ॒हत् । सुऽभृ॑तम् । वा॒ज॒ऽसात॑मम् । धर्म॑न् । दि॒वः । ध॒रुणे॑ । स॒त्यम् । अर्पि॑तम् ।
अ॒मि॒त्र॒ऽहा । वृ॒त्र॒ऽहा । द॒स्यु॒हन्ऽत॑मम् । ज्योतिः॑ । ज॒ज्ञे॒ । अ॒सु॒र॒ऽहा । स॒प॒त्न॒ऽहा ॥
Padapatha Devanagari Nonaccented
विऽभ्राट् । बृहत् । सुऽभृतम् । वाजऽसातमम् । धर्मन् । दिवः । धरुणे । सत्यम् । अर्पितम् ।
अमित्रऽहा । वृत्रऽहा । दस्युहन्ऽतमम् । ज्योतिः । जज्ञे । असुरऽहा । सपत्नऽहा ॥
Padapatha Transcription Accented
vi-bhrā́ṭ ǀ bṛhát ǀ sú-bhṛtam ǀ vāja-sā́tamam ǀ dhárman ǀ diváḥ ǀ dharúṇe ǀ satyám ǀ árpitam ǀ
amitra-hā́ ǀ vṛtra-hā́ ǀ dasyuhán-tamam ǀ jyótiḥ ǀ jajñe ǀ asura-hā́ ǀ sapatna-hā́ ǁ
Padapatha Transcription Nonaccented
vi-bhrāṭ ǀ bṛhat ǀ su-bhṛtam ǀ vāja-sātamam ǀ dharman ǀ divaḥ ǀ dharuṇe ǀ satyam ǀ arpitam ǀ
amitra-hā ǀ vṛtra-hā ǀ dasyuhan-tamam ǀ jyotiḥ ǀ jajñe ǀ asura-hā ǀ sapatna-hā ǁ
10.170.03 (Mandala. Sukta. Rik)
8.8.28.03 (Ashtaka. Adhyaya. Varga. Rik)
10.12.093 (Mandala. Anuvāka. Rik)
Samhita Devanagari Accented
इ॒दं श्रेष्ठं॒ ज्योति॑षां॒ ज्योति॑रुत्त॒मं वि॑श्व॒जिद्ध॑न॒जिदु॑च्यते बृ॒हत् ।
वि॒श्व॒भ्राड्भ्रा॒जो महि॒ सूर्यो॑ दृ॒श उ॒रु प॑प्रथे॒ सह॒ ओजो॒ अच्यु॑तं ॥
Samhita Devanagari Nonaccented
इदं श्रेष्ठं ज्योतिषां ज्योतिरुत्तमं विश्वजिद्धनजिदुच्यते बृहत् ।
विश्वभ्राड्भ्राजो महि सूर्यो दृश उरु पप्रथे सह ओजो अच्युतं ॥
Samhita Transcription Accented
idám śréṣṭham jyótiṣām jyótiruttamám viśvajíddhanajíducyate bṛhát ǀ
viśvabhrā́ḍbhrājó máhi sū́ryo dṛśá urú paprathe sáha ójo ácyutam ǁ
Samhita Transcription Nonaccented
idam śreṣṭham jyotiṣām jyotiruttamam viśvajiddhanajiducyate bṛhat ǀ
viśvabhrāḍbhrājo mahi sūryo dṛśa uru paprathe saha ojo acyutam ǁ
Padapatha Devanagari Accented
इ॒दम् । श्रेष्ठ॑म् । ज्योति॑षाम् । ज्योतिः॑ । उ॒त्ऽत॒मम् । वि॒श्व॒ऽजित् । ध॒न॒ऽजित् । उ॒च्य॒ते॒ । बृ॒हत् ।
वि॒श्व॒ऽभ्राट् । भ्रा॒जः । महि॑ । सूर्यः॑ । दृ॒शे । उ॒रु । प॒प्र॒थे॒ । सहः॑ । ओजः॑ । अच्यु॑तम् ॥
Padapatha Devanagari Nonaccented
इदम् । श्रेष्ठम् । ज्योतिषाम् । ज्योतिः । उत्ऽतमम् । विश्वऽजित् । धनऽजित् । उच्यते । बृहत् ।
विश्वऽभ्राट् । भ्राजः । महि । सूर्यः । दृशे । उरु । पप्रथे । सहः । ओजः । अच्युतम् ॥
Padapatha Transcription Accented
idám ǀ śréṣṭham ǀ jyótiṣām ǀ jyótiḥ ǀ ut-tamám ǀ viśva-jít ǀ dhana-jít ǀ ucyate ǀ bṛhát ǀ
viśva-bhrā́ṭ ǀ bhrājáḥ ǀ máhi ǀ sū́ryaḥ ǀ dṛśé ǀ urú ǀ paprathe ǀ sáhaḥ ǀ ójaḥ ǀ ácyutam ǁ
Padapatha Transcription Nonaccented
idam ǀ śreṣṭham ǀ jyotiṣām ǀ jyotiḥ ǀ ut-tamam ǀ viśva-jit ǀ dhana-jit ǀ ucyate ǀ bṛhat ǀ
viśva-bhrāṭ ǀ bhrājaḥ ǀ mahi ǀ sūryaḥ ǀ dṛśe ǀ uru ǀ paprathe ǀ sahaḥ ǀ ojaḥ ǀ acyutam ǁ
10.170.04 (Mandala. Sukta. Rik)
8.8.28.04 (Ashtaka. Adhyaya. Varga. Rik)
10.12.094 (Mandala. Anuvāka. Rik)
Samhita Devanagari Accented
वि॒भ्राजं॒ज्योति॑षा॒ स्व१॒॑रग॑च्छो रोच॒नं दि॒वः ।
येने॒मा विश्वा॒ भुव॑ना॒न्याभृ॑ता वि॒श्वक॑र्मणा वि॒श्वदे॑व्यावता ॥
Samhita Devanagari Nonaccented
विभ्राजंज्योतिषा स्वरगच्छो रोचनं दिवः ।
येनेमा विश्वा भुवनान्याभृता विश्वकर्मणा विश्वदेव्यावता ॥
Samhita Transcription Accented
vibhrā́jañjyótiṣā svárágaccho rocanám diváḥ ǀ
yénemā́ víśvā bhúvanānyā́bhṛtā viśvákarmaṇā viśvádevyāvatā ǁ
Samhita Transcription Nonaccented
vibhrājañjyotiṣā svaragaccho rocanam divaḥ ǀ
yenemā viśvā bhuvanānyābhṛtā viśvakarmaṇā viśvadevyāvatā ǁ
Padapatha Devanagari Accented
वि॒ऽभ्राज॑न् । ज्योति॑षा । स्वः॑ । अग॑च्छः । रो॒च॒नम् । दि॒वः ।
येन॑ । इ॒मा । विश्वा॑ । भुव॑नानि । आऽभृ॑ता । वि॒श्वऽक॑र्मणा । वि॒श्वदे॑व्यऽवता ॥
Padapatha Devanagari Nonaccented
विऽभ्राजन् । ज्योतिषा । स्वः । अगच्छः । रोचनम् । दिवः ।
येन । इमा । विश्वा । भुवनानि । आऽभृता । विश्वऽकर्मणा । विश्वदेव्यऽवता ॥
Padapatha Transcription Accented
vi-bhrā́jan ǀ jyótiṣā ǀ sváḥ ǀ ágacchaḥ ǀ rocanám ǀ diváḥ ǀ
yéna ǀ imā́ ǀ víśvā ǀ bhúvanāni ǀ ā́-bhṛtā ǀ viśvá-karmaṇā ǀ viśvádevya-vatā ǁ
Padapatha Transcription Nonaccented
vi-bhrājan ǀ jyotiṣā ǀ svaḥ ǀ agacchaḥ ǀ rocanam ǀ divaḥ ǀ
yena ǀ imā ǀ viśvā ǀ bhuvanāni ǀ ā-bhṛtā ǀ viśva-karmaṇā ǀ viśvadevya-vatā ǁ