|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 169
|
1. Info |
| To: | gāvaḥ | |
| From: | śabara kākṣīvata | |
| Metres: | 1st set of styles: triṣṭup (2, 4); virāṭtrisṭup (1); nicṛttriṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.169.01 (Mandala. Sukta. Rik)
8.8.27.01 (Ashtaka. Adhyaya. Varga. Rik)
10.12.087 (Mandala. Anuvāka. Rik)
Samhita Devanagari Accented
म॒यो॒भूर्वातो॑ अ॒भि वा॑तू॒स्रा ऊर्ज॑स्वती॒रोष॑धी॒रा रि॑शंतां ।
पीव॑स्वतीर्जी॒वध॑न्याः पिबंत्वव॒साय॑ प॒द्वते॑ रुद्र मृळ ॥
Samhita Devanagari Nonaccented
मयोभूर्वातो अभि वातूस्रा ऊर्जस्वतीरोषधीरा रिशंतां ।
पीवस्वतीर्जीवधन्याः पिबंत्ववसाय पद्वते रुद्र मृळ ॥
Samhita Transcription Accented
mayobhū́rvā́to abhí vātūsrā́ ū́rjasvatīróṣadhīrā́ riśantām ǀ
pī́vasvatīrjīvádhanyāḥ pibantvavasā́ya padváte rudra mṛḷa ǁ
Samhita Transcription Nonaccented
mayobhūrvāto abhi vātūsrā ūrjasvatīroṣadhīrā riśantām ǀ
pīvasvatīrjīvadhanyāḥ pibantvavasāya padvate rudra mṛḷa ǁ
Padapatha Devanagari Accented
म॒यः॒ऽभूः । वातः॑ । अ॒भि । वा॒तु॒ । उ॒स्राः । ऊर्ज॑स्वतीः । ओष॑धीः । आ । रि॒श॒न्ता॒म् ।
पीव॑स्वतीः । जी॒वऽध॑न्याः । पि॒ब॒न्तु॒ । अ॒व॒साय॑ । प॒त्ऽवते॑ । रु॒द्र॒ । मृ॒ळ॒ ॥
Padapatha Devanagari Nonaccented
मयःऽभूः । वातः । अभि । वातु । उस्राः । ऊर्जस्वतीः । ओषधीः । आ । रिशन्ताम् ।
पीवस्वतीः । जीवऽधन्याः । पिबन्तु । अवसाय । पत्ऽवते । रुद्र । मृळ ॥
Padapatha Transcription Accented
mayaḥ-bhū́ḥ ǀ vā́taḥ ǀ abhí ǀ vātu ǀ usrā́ḥ ǀ ū́rjasvatīḥ ǀ óṣadhīḥ ǀ ā́ ǀ riśantām ǀ
pī́vasvatīḥ ǀ jīvá-dhanyāḥ ǀ pibantu ǀ avasā́ya ǀ pat-váte ǀ rudra ǀ mṛḷa ǁ
Padapatha Transcription Nonaccented
mayaḥ-bhūḥ ǀ vātaḥ ǀ abhi ǀ vātu ǀ usrāḥ ǀ ūrjasvatīḥ ǀ oṣadhīḥ ǀ ā ǀ riśantām ǀ
pīvasvatīḥ ǀ jīva-dhanyāḥ ǀ pibantu ǀ avasāya ǀ pat-vate ǀ rudra ǀ mṛḷa ǁ
10.169.02 (Mandala. Sukta. Rik)
8.8.27.02 (Ashtaka. Adhyaya. Varga. Rik)
10.12.088 (Mandala. Anuvāka. Rik)
Samhita Devanagari Accented
याः सरू॑पा॒ विरू॑पा॒ एक॑रूपा॒ यासा॑म॒ग्निरिष्ट्या॒ नामा॑नि॒ वेद॑ ।
या अंगि॑रस॒स्तप॑से॒ह च॒क्रुस्ताभ्यः॑ पर्जन्य॒ महि॒ शर्म॑ यच्छ ॥
Samhita Devanagari Nonaccented
याः सरूपा विरूपा एकरूपा यासामग्निरिष्ट्या नामानि वेद ।
या अंगिरसस्तपसेह चक्रुस्ताभ्यः पर्जन्य महि शर्म यच्छ ॥
Samhita Transcription Accented
yā́ḥ sárūpā vírūpā ékarūpā yā́sāmagníríṣṭyā nā́māni véda ǀ
yā́ áṅgirasastápasehá cakrústā́bhyaḥ parjanya máhi śárma yaccha ǁ
Samhita Transcription Nonaccented
yāḥ sarūpā virūpā ekarūpā yāsāmagniriṣṭyā nāmāni veda ǀ
yā aṅgirasastapaseha cakrustābhyaḥ parjanya mahi śarma yaccha ǁ
Padapatha Devanagari Accented
याः । सऽरू॑पाः । विऽरू॑पाः । एक॑ऽरूपाः । यासा॑म् । अ॒ग्निः । इष्ट्या॑ । नामा॑नि । वेद॑ ।
याः । अङ्गि॑रसः । तप॑सा । इ॒ह । च॒क्रुः । ताभ्यः॑ । प॒र्ज॒न्य॒ । महि॑ । शर्म॑ । य॒च्छ॒ ॥
Padapatha Devanagari Nonaccented
याः । सऽरूपाः । विऽरूपाः । एकऽरूपाः । यासाम् । अग्निः । इष्ट्या । नामानि । वेद ।
याः । अङ्गिरसः । तपसा । इह । चक्रुः । ताभ्यः । पर्जन्य । महि । शर्म । यच्छ ॥
Padapatha Transcription Accented
yā́ḥ ǀ sá-rūpāḥ ǀ ví-rūpāḥ ǀ éka-rūpāḥ ǀ yā́sām ǀ agníḥ ǀ íṣṭyā ǀ nā́māni ǀ véda ǀ
yā́ḥ ǀ áṅgirasaḥ ǀ tápasā ǀ ihá ǀ cakrúḥ ǀ tā́bhyaḥ ǀ parjanya ǀ máhi ǀ śárma ǀ yaccha ǁ
Padapatha Transcription Nonaccented
yāḥ ǀ sa-rūpāḥ ǀ vi-rūpāḥ ǀ eka-rūpāḥ ǀ yāsām ǀ agniḥ ǀ iṣṭyā ǀ nāmāni ǀ veda ǀ
yāḥ ǀ aṅgirasaḥ ǀ tapasā ǀ iha ǀ cakruḥ ǀ tābhyaḥ ǀ parjanya ǀ mahi ǀ śarma ǀ yaccha ǁ
10.169.03 (Mandala. Sukta. Rik)
8.8.27.03 (Ashtaka. Adhyaya. Varga. Rik)
10.12.089 (Mandala. Anuvāka. Rik)
Samhita Devanagari Accented
या दे॒वेषु॑ त॒न्व१॒॑मैर॑यंत॒ यासां॒ सोमो॒ विश्वा॑ रू॒पाणि॒ वेद॑ ।
ता अ॒स्मभ्यं॒ पय॑सा॒ पिन्व॑मानाः प्र॒जाव॑तीरिंद्र गो॒ष्ठे रि॑रीहि ॥
Samhita Devanagari Nonaccented
या देवेषु तन्वमैरयंत यासां सोमो विश्वा रूपाणि वेद ।
ता अस्मभ्यं पयसा पिन्वमानाः प्रजावतीरिंद्र गोष्ठे रिरीहि ॥
Samhita Transcription Accented
yā́ devéṣu tanvámáirayanta yā́sām sómo víśvā rūpā́ṇi véda ǀ
tā́ asmábhyam páyasā pínvamānāḥ prajā́vatīrindra goṣṭhé rirīhi ǁ
Samhita Transcription Nonaccented
yā deveṣu tanvamairayanta yāsām somo viśvā rūpāṇi veda ǀ
tā asmabhyam payasā pinvamānāḥ prajāvatīrindra goṣṭhe rirīhi ǁ
Padapatha Devanagari Accented
याः । दे॒वेषु॑ । त॒न्व॑म् । ऐर॑यन्त । यासा॑म् । सोमः॑ । विश्वा॑ । रू॒पाणि॑ । वेद॑ ।
ताः । अ॒स्मभ्य॑म् । पय॑सा । पिन्व॑मानाः । प्र॒जाऽव॑तीः । इ॒न्द्र॒ । गो॒ऽस्थे । रि॒री॒हि॒ ॥
Padapatha Devanagari Nonaccented
याः । देवेषु । तन्वम् । ऐरयन्त । यासाम् । सोमः । विश्वा । रूपाणि । वेद ।
ताः । अस्मभ्यम् । पयसा । पिन्वमानाः । प्रजाऽवतीः । इन्द्र । गोऽस्थे । रिरीहि ॥
Padapatha Transcription Accented
yā́ḥ ǀ devéṣu ǀ tanvám ǀ áirayanta ǀ yā́sām ǀ sómaḥ ǀ víśvā ǀ rūpā́ṇi ǀ véda ǀ
tā́ḥ ǀ asmábhyam ǀ páyasā ǀ pínvamānāḥ ǀ prajā́-vatīḥ ǀ indra ǀ go-sthé ǀ rirīhi ǁ
Padapatha Transcription Nonaccented
yāḥ ǀ deveṣu ǀ tanvam ǀ airayanta ǀ yāsām ǀ somaḥ ǀ viśvā ǀ rūpāṇi ǀ veda ǀ
tāḥ ǀ asmabhyam ǀ payasā ǀ pinvamānāḥ ǀ prajā-vatīḥ ǀ indra ǀ go-sthe ǀ rirīhi ǁ
10.169.04 (Mandala. Sukta. Rik)
8.8.27.04 (Ashtaka. Adhyaya. Varga. Rik)
10.12.090 (Mandala. Anuvāka. Rik)
Samhita Devanagari Accented
प्र॒जाप॑ति॒र्मह्य॑मे॒ता ररा॑णो॒ विश्वै॑र्दे॒वैः पि॒तृभिः॑ संविदा॒नः ।
शि॒वाः स॒तीरुप॑ नो गो॒ष्ठमाक॒स्तासां॑ व॒यं प्र॒जया॒ सं स॑देम ॥
Samhita Devanagari Nonaccented
प्रजापतिर्मह्यमेता रराणो विश्वैर्देवैः पितृभिः संविदानः ।
शिवाः सतीरुप नो गोष्ठमाकस्तासां वयं प्रजया सं सदेम ॥
Samhita Transcription Accented
prajā́patirmáhyametā́ rárāṇo víśvairdeváiḥ pitṛ́bhiḥ saṃvidānáḥ ǀ
śivā́ḥ satī́rúpa no goṣṭhámā́kastā́sām vayám prajáyā sám sadema ǁ
Samhita Transcription Nonaccented
prajāpatirmahyametā rarāṇo viśvairdevaiḥ pitṛbhiḥ saṃvidānaḥ ǀ
śivāḥ satīrupa no goṣṭhamākastāsām vayam prajayā sam sadema ǁ
Padapatha Devanagari Accented
प्र॒जाऽप॑तिः । मह्य॑म् । ए॒ताः । ररा॑णः । विश्वैः॑ । दे॒वैः । पि॒तृऽभिः॑ । स॒म्ऽवि॒दा॒नः ।
शि॒वाः । स॒तीः । उप॑ । नः॒ । गो॒ऽस्थम् । आ । अ॒क॒रित्य॑कः । तासा॑म् । व॒यम् । प्र॒ऽजया॑ । सम् । स॒दे॒म॒ ॥
Padapatha Devanagari Nonaccented
प्रजाऽपतिः । मह्यम् । एताः । रराणः । विश्वैः । देवैः । पितृऽभिः । सम्ऽविदानः ।
शिवाः । सतीः । उप । नः । गोऽस्थम् । आ । अकरित्यकः । तासाम् । वयम् । प्रऽजया । सम् । सदेम ॥
Padapatha Transcription Accented
prajā́-patiḥ ǀ máhyam ǀ etā́ḥ ǀ rárāṇaḥ ǀ víśvaiḥ ǀ deváiḥ ǀ pitṛ́-bhiḥ ǀ sam-vidānáḥ ǀ
śivā́ḥ ǀ satī́ḥ ǀ úpa ǀ naḥ ǀ go-sthám ǀ ā́ ǀ akarítyakaḥ ǀ tā́sām ǀ vayám ǀ pra-jáyā ǀ sám ǀ sadema ǁ
Padapatha Transcription Nonaccented
prajā-patiḥ ǀ mahyam ǀ etāḥ ǀ rarāṇaḥ ǀ viśvaiḥ ǀ devaiḥ ǀ pitṛ-bhiḥ ǀ sam-vidānaḥ ǀ
śivāḥ ǀ satīḥ ǀ upa ǀ naḥ ǀ go-stham ǀ ā ǀ akarityakaḥ ǀ tāsām ǀ vayam ǀ pra-jayā ǀ sam ǀ sadema ǁ