|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 174
|
1. Info |
| To: | rājñaḥ stutiḥ | |
| From: | abhīvarta āṅgirasa | |
| Metres: | 1st set of styles: nicṛdanuṣṭup (1, 5); virāḍanuṣṭup (2, 3); pādanicṛdanuṣṭup (4) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.174.01 (Mandala. Sukta. Rik)
8.8.32.01 (Ashtaka. Adhyaya. Varga. Rik)
10.12.109 (Mandala. Anuvāka. Rik)
Samhita Devanagari Accented
अ॒भी॒व॒र्तेन॑ ह॒विषा॒ येनेंद्रो॑ अभिवावृ॒ते ।
तेना॒स्मान्ब्र॑ह्मणस्पते॒ऽभि रा॒ष्ट्राय॑ वर्तय ॥
Samhita Devanagari Nonaccented
अभीवर्तेन हविषा येनेंद्रो अभिवावृते ।
तेनास्मान्ब्रह्मणस्पतेऽभि राष्ट्राय वर्तय ॥
Samhita Transcription Accented
abhīvarténa havíṣā yénéndro abhivāvṛté ǀ
ténāsmā́nbrahmaṇaspate’bhí rāṣṭrā́ya vartaya ǁ
Samhita Transcription Nonaccented
abhīvartena haviṣā yenendro abhivāvṛte ǀ
tenāsmānbrahmaṇaspate’bhi rāṣṭrāya vartaya ǁ
Padapatha Devanagari Accented
अ॒भि॒ऽव॒र्तेन॑ । ह॒विषा॑ । येन॑ । इन्द्रः॑ । अ॒भि॒ऽव॒वृ॒ते ।
तेन॑ । अ॒स्मान् । ब्र॒ह्म॒णः॒ । प॒ते॒ । अ॒भि । रा॒ष्ट्राय॑ । व॒र्त॒य॒ ॥
Padapatha Devanagari Nonaccented
अभिऽवर्तेन । हविषा । येन । इन्द्रः । अभिऽववृते ।
तेन । अस्मान् । ब्रह्मणः । पते । अभि । राष्ट्राय । वर्तय ॥
Padapatha Transcription Accented
abhi-varténa ǀ havíṣā ǀ yéna ǀ índraḥ ǀ abhi-vavṛté ǀ
téna ǀ asmā́n ǀ brahmaṇaḥ ǀ pate ǀ abhí ǀ rāṣṭrā́ya ǀ vartaya ǁ
Padapatha Transcription Nonaccented
abhi-vartena ǀ haviṣā ǀ yena ǀ indraḥ ǀ abhi-vavṛte ǀ
tena ǀ asmān ǀ brahmaṇaḥ ǀ pate ǀ abhi ǀ rāṣṭrāya ǀ vartaya ǁ
10.174.02 (Mandala. Sukta. Rik)
8.8.32.02 (Ashtaka. Adhyaya. Varga. Rik)
10.12.110 (Mandala. Anuvāka. Rik)
Samhita Devanagari Accented
अ॒भि॒वृत्य॑ स॒पत्ना॑न॒भि या नो॒ अरा॑तयः ।
अ॒भि पृ॑त॒न्यंतं॑ तिष्ठा॒भि यो न॑ इर॒स्यति॑ ॥
Samhita Devanagari Nonaccented
अभिवृत्य सपत्नानभि या नो अरातयः ।
अभि पृतन्यंतं तिष्ठाभि यो न इरस्यति ॥
Samhita Transcription Accented
abhivṛ́tya sapátnānabhí yā́ no árātayaḥ ǀ
abhí pṛtanyántam tiṣṭhābhí yó na irasyáti ǁ
Samhita Transcription Nonaccented
abhivṛtya sapatnānabhi yā no arātayaḥ ǀ
abhi pṛtanyantam tiṣṭhābhi yo na irasyati ǁ
Padapatha Devanagari Accented
अ॒भि॒ऽवृत्य॑ । स॒ऽपत्ना॑न् । अ॒भि । याः । नः॒ । अरा॑तयः ।
अ॒भि । पृ॒त॒न्यन्त॑म् । ति॒ष्ठ॒ । अ॒भि । यः । नः॒ । इ॒र॒स्यति॑ ॥
Padapatha Devanagari Nonaccented
अभिऽवृत्य । सऽपत्नान् । अभि । याः । नः । अरातयः ।
अभि । पृतन्यन्तम् । तिष्ठ । अभि । यः । नः । इरस्यति ॥
Padapatha Transcription Accented
abhi-vṛ́tya ǀ sa-pátnān ǀ abhí ǀ yā́ḥ ǀ naḥ ǀ árātayaḥ ǀ
abhí ǀ pṛtanyántam ǀ tiṣṭha ǀ abhí ǀ yáḥ ǀ naḥ ǀ irasyáti ǁ
Padapatha Transcription Nonaccented
abhi-vṛtya ǀ sa-patnān ǀ abhi ǀ yāḥ ǀ naḥ ǀ arātayaḥ ǀ
abhi ǀ pṛtanyantam ǀ tiṣṭha ǀ abhi ǀ yaḥ ǀ naḥ ǀ irasyati ǁ
10.174.03 (Mandala. Sukta. Rik)
8.8.32.03 (Ashtaka. Adhyaya. Varga. Rik)
10.12.111 (Mandala. Anuvāka. Rik)
Samhita Devanagari Accented
अ॒भि त्वा॑ दे॒वः स॑वि॒ताभि सोमो॑ अवीवृतत् ।
अ॒भि त्वा॒ विश्वा॑ भू॒तान्य॑भीव॒र्तो यथास॑सि ॥
Samhita Devanagari Nonaccented
अभि त्वा देवः सविताभि सोमो अवीवृतत् ।
अभि त्वा विश्वा भूतान्यभीवर्तो यथाससि ॥
Samhita Transcription Accented
abhí tvā deváḥ savitā́bhí sómo avīvṛtat ǀ
abhí tvā víśvā bhūtā́nyabhīvartó yáthā́sasi ǁ
Samhita Transcription Nonaccented
abhi tvā devaḥ savitābhi somo avīvṛtat ǀ
abhi tvā viśvā bhūtānyabhīvarto yathāsasi ǁ
Padapatha Devanagari Accented
अ॒भि । त्वा॒ । दे॒वः । स॒वि॒ता । अ॒भि । सोमः॑ । अ॒वी॒वृ॒त॒त् ।
अ॒भि । त्वा॒ । विश्वा॑ । भू॒तानि॑ । अ॒भि॒ऽव॒र्तः । यथा॑ । अस॑सि ॥
Padapatha Devanagari Nonaccented
अभि । त्वा । देवः । सविता । अभि । सोमः । अवीवृतत् ।
अभि । त्वा । विश्वा । भूतानि । अभिऽवर्तः । यथा । अससि ॥
Padapatha Transcription Accented
abhí ǀ tvā ǀ deváḥ ǀ savitā́ ǀ abhí ǀ sómaḥ ǀ avīvṛtat ǀ
abhí ǀ tvā ǀ víśvā ǀ bhūtā́ni ǀ abhi-vartáḥ ǀ yáthā ǀ ásasi ǁ
Padapatha Transcription Nonaccented
abhi ǀ tvā ǀ devaḥ ǀ savitā ǀ abhi ǀ somaḥ ǀ avīvṛtat ǀ
abhi ǀ tvā ǀ viśvā ǀ bhūtāni ǀ abhi-vartaḥ ǀ yathā ǀ asasi ǁ
10.174.04 (Mandala. Sukta. Rik)
8.8.32.04 (Ashtaka. Adhyaya. Varga. Rik)
10.12.112 (Mandala. Anuvāka. Rik)
Samhita Devanagari Accented
येनेंद्रो॑ ह॒विषा॑ कृ॒त्व्यभ॑वद्द्यु॒म्न्यु॑त्त॒मः ।
इ॒दं तद॑क्रि देवा असप॒त्नः किला॑भुवं ॥
Samhita Devanagari Nonaccented
येनेंद्रो हविषा कृत्व्यभवद्द्युम्न्युत्तमः ।
इदं तदक्रि देवा असपत्नः किलाभुवं ॥
Samhita Transcription Accented
yénéndro havíṣā kṛtvyábhavaddyumnyúttamáḥ ǀ
idám tádakri devā asapatnáḥ kílābhuvam ǁ
Samhita Transcription Nonaccented
yenendro haviṣā kṛtvyabhavaddyumnyuttamaḥ ǀ
idam tadakri devā asapatnaḥ kilābhuvam ǁ
Padapatha Devanagari Accented
येन॑ । इन्द्रः॑ । ह॒विषा॑ । कृ॒त्वी । अभ॑वत् । द्यु॒म्नी । उ॒त्ऽत॒मः ।
इ॒दम् । तत् । अ॒क्रि॒ । दे॒वाः॒ । अ॒स॒प॒त्नः । किल॑ । अ॒भु॒व॒म् ॥
Padapatha Devanagari Nonaccented
येन । इन्द्रः । हविषा । कृत्वी । अभवत् । द्युम्नी । उत्ऽतमः ।
इदम् । तत् । अक्रि । देवाः । असपत्नः । किल । अभुवम् ॥
Padapatha Transcription Accented
yéna ǀ índraḥ ǀ havíṣā ǀ kṛtvī́ ǀ ábhavat ǀ dyumnī́ ǀ ut-tamáḥ ǀ
idám ǀ tát ǀ akri ǀ devāḥ ǀ asapatnáḥ ǀ kíla ǀ abhuvam ǁ
Padapatha Transcription Nonaccented
yena ǀ indraḥ ǀ haviṣā ǀ kṛtvī ǀ abhavat ǀ dyumnī ǀ ut-tamaḥ ǀ
idam ǀ tat ǀ akri ǀ devāḥ ǀ asapatnaḥ ǀ kila ǀ abhuvam ǁ
10.174.05 (Mandala. Sukta. Rik)
8.8.32.05 (Ashtaka. Adhyaya. Varga. Rik)
10.12.113 (Mandala. Anuvāka. Rik)
Samhita Devanagari Accented
अ॒स॒प॒त्नः स॑पत्न॒हाभिरा॑ष्ट्रो विषास॒हिः ।
यथा॒हमे॑षां भू॒तानां॑ वि॒राजा॑नि॒ जन॑स्य च ॥
Samhita Devanagari Nonaccented
असपत्नः सपत्नहाभिराष्ट्रो विषासहिः ।
यथाहमेषां भूतानां विराजानि जनस्य च ॥
Samhita Transcription Accented
asapatnáḥ sapatnahā́bhírāṣṭro viṣāsahíḥ ǀ
yáthāhámeṣām bhūtā́nām virā́jāni jánasya ca ǁ
Samhita Transcription Nonaccented
asapatnaḥ sapatnahābhirāṣṭro viṣāsahiḥ ǀ
yathāhameṣām bhūtānām virājāni janasya ca ǁ
Padapatha Devanagari Accented
अ॒स॒प॒त्नः । स॒प॒त्न॒ऽहा । अ॒भिऽरा॑ष्ट्रः । वि॒ऽस॒स॒हिः ।
यथा॑ । अ॒हम् । ए॒षाम् । भू॒ताना॑म् । वि॒ऽराजा॑नि । जन॑स्य । च॒ ॥
Padapatha Devanagari Nonaccented
असपत्नः । सपत्नऽहा । अभिऽराष्ट्रः । विऽससहिः ।
यथा । अहम् । एषाम् । भूतानाम् । विऽराजानि । जनस्य । च ॥
Padapatha Transcription Accented
asapatnáḥ ǀ sapatna-hā́ ǀ abhí-rāṣṭraḥ ǀ vi-sasahíḥ ǀ
yáthā ǀ ahám ǀ eṣā́m ǀ bhūtā́nām ǀ vi-rā́jāni ǀ jánasya ǀ ca ǁ
Padapatha Transcription Nonaccented
asapatnaḥ ǀ sapatna-hā ǀ abhi-rāṣṭraḥ ǀ vi-sasahiḥ ǀ
yathā ǀ aham ǀ eṣām ǀ bhūtānām ǀ vi-rājāni ǀ janasya ǀ ca ǁ