|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 190
|
1. Info |
| To: | bhāvavṛttam | |
| From: | aghamarṣaṇa mādhucchandasa | |
| Metres: | 1st set of styles: virāḍanuṣṭup (1); anuṣṭup (2); pādanicṛttriṣṭup (3) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.190.01 (Mandala. Sukta. Rik)
8.8.48.01 (Ashtaka. Adhyaya. Varga. Rik)
10.12.163 (Mandala. Anuvāka. Rik)
Samhita Devanagari Accented
ऋ॒तं च॑ स॒त्यं चा॒भी॑द्धा॒त्तप॒सोऽध्य॑जायत ।
ततो॒ रात्र्य॑जायत॒ ततः॑ समु॒द्रो अ॑र्ण॒वः ॥
Samhita Devanagari Nonaccented
ऋतं च सत्यं चाभीद्धात्तपसोऽध्यजायत ।
ततो रात्र्यजायत ततः समुद्रो अर्णवः ॥
Samhita Transcription Accented
ṛtám ca satyám cābhī́ddhāttápasó’dhyajāyata ǀ
táto rā́tryajāyata tátaḥ samudró arṇaváḥ ǁ
Samhita Transcription Nonaccented
ṛtam ca satyam cābhīddhāttapaso’dhyajāyata ǀ
tato rātryajāyata tataḥ samudro arṇavaḥ ǁ
Padapatha Devanagari Accented
ऋ॒तम् । च॒ । स॒त्यम् । च॒ । अ॒भी॑द्धात् । तप॑सः । अधि॑ । अ॒जा॒य॒त॒ ।
ततः॑ । रात्री॑ । अ॒जा॒य॒त॒ । ततः॑ । स॒मु॒द्रः । अ॒र्ण॒वः ॥
Padapatha Devanagari Nonaccented
ऋतम् । च । सत्यम् । च । अभीद्धात् । तपसः । अधि । अजायत ।
ततः । रात्री । अजायत । ततः । समुद्रः । अर्णवः ॥
Padapatha Transcription Accented
ṛtám ǀ ca ǀ satyám ǀ ca ǀ abhī́ddhāt ǀ tápasaḥ ǀ ádhi ǀ ajāyata ǀ
tátaḥ ǀ rā́trī ǀ ajāyata ǀ tátaḥ ǀ samudráḥ ǀ arṇaváḥ ǁ
Padapatha Transcription Nonaccented
ṛtam ǀ ca ǀ satyam ǀ ca ǀ abhīddhāt ǀ tapasaḥ ǀ adhi ǀ ajāyata ǀ
tataḥ ǀ rātrī ǀ ajāyata ǀ tataḥ ǀ samudraḥ ǀ arṇavaḥ ǁ
10.190.02 (Mandala. Sukta. Rik)
8.8.48.02 (Ashtaka. Adhyaya. Varga. Rik)
10.12.164 (Mandala. Anuvāka. Rik)
Samhita Devanagari Accented
स॒मु॒द्राद॑र्ण॒वादधि॑ संवत्स॒रो अ॑जायत ।
अ॒हो॒रा॒त्राणि॑ वि॒दध॒द्विश्व॑स्य मिष॒तो व॒शी ॥
Samhita Devanagari Nonaccented
समुद्रादर्णवादधि संवत्सरो अजायत ।
अहोरात्राणि विदधद्विश्वस्य मिषतो वशी ॥
Samhita Transcription Accented
samudrā́darṇavā́dádhi saṃvatsaró ajāyata ǀ
ahorātrā́ṇi vidádhadvíśvasya miṣató vaśī́ ǁ
Samhita Transcription Nonaccented
samudrādarṇavādadhi saṃvatsaro ajāyata ǀ
ahorātrāṇi vidadhadviśvasya miṣato vaśī ǁ
Padapatha Devanagari Accented
स॒मु॒द्रात् । अ॒र्ण॒वात् । अधि॑ । सं॒व॒त्स॒रः । अ॒जा॒य॒त॒ ।
अ॒हो॒रा॒त्राणि॑ । वि॒ऽदध॑त् । विश्व॑स्य । मि॒ष॒तः । व॒शी ॥
Padapatha Devanagari Nonaccented
समुद्रात् । अर्णवात् । अधि । संवत्सरः । अजायत ।
अहोरात्राणि । विऽदधत् । विश्वस्य । मिषतः । वशी ॥
Padapatha Transcription Accented
samudrā́t ǀ arṇavā́t ǀ ádhi ǀ saṃvatsaráḥ ǀ ajāyata ǀ
ahorātrā́ṇi ǀ vi-dádhat ǀ víśvasya ǀ miṣatáḥ ǀ vaśī́ ǁ
Padapatha Transcription Nonaccented
samudrāt ǀ arṇavāt ǀ adhi ǀ saṃvatsaraḥ ǀ ajāyata ǀ
ahorātrāṇi ǀ vi-dadhat ǀ viśvasya ǀ miṣataḥ ǀ vaśī ǁ
10.190.03 (Mandala. Sukta. Rik)
8.8.48.03 (Ashtaka. Adhyaya. Varga. Rik)
10.12.165 (Mandala. Anuvāka. Rik)
Samhita Devanagari Accented
सू॒र्या॒चं॒द्र॒मसौ॑ धा॒ता य॑थापू॒र्वम॑कल्पयत् ।
दिवं॑ च पृथि॒वीं चां॒तरि॑क्ष॒मथो॒ स्वः॑ ॥
Samhita Devanagari Nonaccented
सूर्याचंद्रमसौ धाता यथापूर्वमकल्पयत् ।
दिवं च पृथिवीं चांतरिक्षमथो स्वः ॥
Samhita Transcription Accented
sūryācandramásau dhātā́ yathāpūrvámakalpayat ǀ
dívam ca pṛthivī́m cāntárikṣamátho sváḥ ǁ
Samhita Transcription Nonaccented
sūryācandramasau dhātā yathāpūrvamakalpayat ǀ
divam ca pṛthivīm cāntarikṣamatho svaḥ ǁ
Padapatha Devanagari Accented
सू॒र्या॒च॒न्द्र॒मसौ॑ । धा॒ता । य॒था॒पू॒र्वम् । अ॒क॒ल्प॒य॒त् ।
दिव॑म् । च॒ । पृ॒थि॒वीम् । च॒ । अ॒न्तरि॑क्षम् । अथो॒ इति॑ । स्वः॑ ॥
Padapatha Devanagari Nonaccented
सूर्याचन्द्रमसौ । धाता । यथापूर्वम् । अकल्पयत् ।
दिवम् । च । पृथिवीम् । च । अन्तरिक्षम् । अथो इति । स्वः ॥
Padapatha Transcription Accented
sūryācandramásau ǀ dhātā́ ǀ yathāpūrvám ǀ akalpayat ǀ
dívam ǀ ca ǀ pṛthivī́m ǀ ca ǀ antárikṣam ǀ átho íti ǀ sváḥ ǁ
Padapatha Transcription Nonaccented
sūryācandramasau ǀ dhātā ǀ yathāpūrvam ǀ akalpayat ǀ
divam ǀ ca ǀ pṛthivīm ǀ ca ǀ antarikṣam ǀ atho iti ǀ svaḥ ǁ