|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 191
|
1. Info |
| To: | 1: agni; 2-4: sañjñānam |
|
| From: | saṃvanana āṅgirasa | |
| Metres: | 1st set of styles: virāḍanuṣṭup (1); anuṣṭup (2); triṣṭup (3); nicṛdanuṣṭup (4) 2nd set of styles: anuṣṭubh (1, 2, 4); triṣṭubh (3) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.191.01 (Mandala. Sukta. Rik)
8.8.49.01 (Ashtaka. Adhyaya. Varga. Rik)
10.12.166 (Mandala. Anuvāka. Rik)
Samhita Devanagari Accented
संस॒मिद्यु॑वसे वृष॒न्नग्ने॒ विश्वा॑न्य॒र्य आ ।
इ॒ळस्प॒दे समि॑ध्यसे॒ स नो॒ वसू॒न्या भ॑र ॥
Samhita Devanagari Nonaccented
संसमिद्युवसे वृषन्नग्ने विश्वान्यर्य आ ।
इळस्पदे समिध्यसे स नो वसून्या भर ॥
Samhita Transcription Accented
sáṃsamídyuvase vṛṣannágne víśvānyaryá ā́ ǀ
iḷáspadé sámidhyase sá no vásūnyā́ bhara ǁ
Samhita Transcription Nonaccented
saṃsamidyuvase vṛṣannagne viśvānyarya ā ǀ
iḷaspade samidhyase sa no vasūnyā bhara ǁ
Padapatha Devanagari Accented
सम्ऽस॑म् । इत् । यु॒व॒से॒ । वृ॒ष॒न् । अग्ने॑ । विश्वा॑नि । अ॒र्यः । आ ।
इ॒ळः । प॒दे । सम् । इ॒ध्य॒से॒ । सः । नः॒ । वसू॑नि । आ । भ॒र॒ ॥
Padapatha Devanagari Nonaccented
सम्ऽसम् । इत् । युवसे । वृषन् । अग्ने । विश्वानि । अर्यः । आ ।
इळः । पदे । सम् । इध्यसे । सः । नः । वसूनि । आ । भर ॥
Padapatha Transcription Accented
sám-sam ǀ ít ǀ yuvase ǀ vṛṣan ǀ ágne ǀ víśvāni ǀ aryáḥ ǀ ā́ ǀ
iḷáḥ ǀ padé ǀ sám ǀ idhyase ǀ sáḥ ǀ naḥ ǀ vásūni ǀ ā́ ǀ bhara ǁ
Padapatha Transcription Nonaccented
sam-sam ǀ it ǀ yuvase ǀ vṛṣan ǀ agne ǀ viśvāni ǀ aryaḥ ǀ ā ǀ
iḷaḥ ǀ pade ǀ sam ǀ idhyase ǀ saḥ ǀ naḥ ǀ vasūni ǀ ā ǀ bhara ǁ
10.191.02 (Mandala. Sukta. Rik)
8.8.49.02 (Ashtaka. Adhyaya. Varga. Rik)
10.12.167 (Mandala. Anuvāka. Rik)
Samhita Devanagari Accented
सं ग॑च्छध्वं॒ सं व॑दध्वं॒ सं वो॒ मनां॑सि जानतां ।
दे॒वा भा॒गं यथा॒ पूर्वे॑ संजाना॒ना उ॒पास॑ते ॥
Samhita Devanagari Nonaccented
सं गच्छध्वं सं वदध्वं सं वो मनांसि जानतां ।
देवा भागं यथा पूर्वे संजानाना उपासते ॥
Samhita Transcription Accented
sám gacchadhvam sám vadadhvam sám vo mánāṃsi jānatām ǀ
devā́ bhāgám yáthā pū́rve saṃjānānā́ upā́sate ǁ
Samhita Transcription Nonaccented
sam gacchadhvam sam vadadhvam sam vo manāṃsi jānatām ǀ
devā bhāgam yathā pūrve saṃjānānā upāsate ǁ
Padapatha Devanagari Accented
सम् । ग॒च्छ॒ध्व॒म् । सम् । व॒द॒ध्व॒म् । सम् । वः॒ । मनां॑सि । जा॒न॒ता॒म् ।
दे॒वाः । भा॒गम् । यथा॑ । पूर्वे॑ । स॒म्ऽजा॒ना॒नाः । उ॒प॒ऽआस॑ते ॥
Padapatha Devanagari Nonaccented
सम् । गच्छध्वम् । सम् । वदध्वम् । सम् । वः । मनांसि । जानताम् ।
देवाः । भागम् । यथा । पूर्वे । सम्ऽजानानाः । उपऽआसते ॥
Padapatha Transcription Accented
sám ǀ gacchadhvam ǀ sám ǀ vadadhvam ǀ sám ǀ vaḥ ǀ mánāṃsi ǀ jānatām ǀ
devā́ḥ ǀ bhāgám ǀ yáthā ǀ pū́rve ǀ sam-jānānā́ḥ ǀ upa-ā́sate ǁ
Padapatha Transcription Nonaccented
sam ǀ gacchadhvam ǀ sam ǀ vadadhvam ǀ sam ǀ vaḥ ǀ manāṃsi ǀ jānatām ǀ
devāḥ ǀ bhāgam ǀ yathā ǀ pūrve ǀ sam-jānānāḥ ǀ upa-āsate ǁ
10.191.03 (Mandala. Sukta. Rik)
8.8.49.03 (Ashtaka. Adhyaya. Varga. Rik)
10.12.168 (Mandala. Anuvāka. Rik)
Samhita Devanagari Accented
स॒मा॒नो मंत्रः॒ समि॑तिः समा॒नी स॑मा॒नं मनः॑ स॒ह चि॒त्तमे॑षां ।
स॒मा॒नं मंत्र॑म॒भि मं॑त्रये वः समा॒नेन॑ वो ह॒विषा॑ जुहोमि ॥
Samhita Devanagari Nonaccented
समानो मंत्रः समितिः समानी समानं मनः सह चित्तमेषां ।
समानं मंत्रमभि मंत्रये वः समानेन वो हविषा जुहोमि ॥
Samhita Transcription Accented
samānó mántraḥ sámitiḥ samānī́ samānám mánaḥ sahá cittámeṣām ǀ
samānám mántramabhí mantraye vaḥ samānéna vo havíṣā juhomi ǁ
Samhita Transcription Nonaccented
samāno mantraḥ samitiḥ samānī samānam manaḥ saha cittameṣām ǀ
samānam mantramabhi mantraye vaḥ samānena vo haviṣā juhomi ǁ
Padapatha Devanagari Accented
स॒मा॒नः । मन्त्रः॑ । सम्ऽइ॑तिः । स॒मा॒नी । स॒मा॒नम् । मनः॑ । स॒ह । चि॒त्तम् । ए॒षा॒म् ।
स॒मा॒नम् । मन्त्र॑म् । अ॒भि । म॒न्त्र॒ये॒ । वः॒ । स॒मा॒नेन॑ । वः॒ । ह॒विषा॑ । जु॒हो॒मि॒ ॥
Padapatha Devanagari Nonaccented
समानः । मन्त्रः । सम्ऽइतिः । समानी । समानम् । मनः । सह । चित्तम् । एषाम् ।
समानम् । मन्त्रम् । अभि । मन्त्रये । वः । समानेन । वः । हविषा । जुहोमि ॥
Padapatha Transcription Accented
samānáḥ ǀ mántraḥ ǀ sám-itiḥ ǀ samānī́ ǀ samānám ǀ mánaḥ ǀ sahá ǀ cittám ǀ eṣām ǀ
samānám ǀ mántram ǀ abhí ǀ mantraye ǀ vaḥ ǀ samānéna ǀ vaḥ ǀ havíṣā ǀ juhomi ǁ
Padapatha Transcription Nonaccented
samānaḥ ǀ mantraḥ ǀ sam-itiḥ ǀ samānī ǀ samānam ǀ manaḥ ǀ saha ǀ cittam ǀ eṣām ǀ
samānam ǀ mantram ǀ abhi ǀ mantraye ǀ vaḥ ǀ samānena ǀ vaḥ ǀ haviṣā ǀ juhomi ǁ
10.191.04 (Mandala. Sukta. Rik)
8.8.49.04 (Ashtaka. Adhyaya. Varga. Rik)
10.12.169 (Mandala. Anuvāka. Rik)
Samhita Devanagari Accented
स॒मा॒नी व॒ आकू॑तिः समा॒ना हृद॑यानि वः ।
स॒मा॒नम॑स्तु वो॒ मनो॒ यथा॑ वः॒ सुस॒हास॑ति ॥
Samhita Devanagari Nonaccented
समानी व आकूतिः समाना हृदयानि वः ।
समानमस्तु वो मनो यथा वः सुसहासति ॥
Samhita Transcription Accented
samānī́ va ā́kūtiḥ samānā́ hṛ́dayāni vaḥ ǀ
samānámastu vo máno yáthā vaḥ súsahā́sati ǁ
Samhita Transcription Nonaccented
samānī va ākūtiḥ samānā hṛdayāni vaḥ ǀ
samānamastu vo mano yathā vaḥ susahāsati ǁ
Padapatha Devanagari Accented
स॒मा॒नी । वः॒ । आऽकू॑तिः । स॒मा॒ना । हृद॑यानि । वः॒ ।
स॒मा॒नम् । अ॒स्तु॒ । वः॒ । मनः॑ । यथा॑ । वः॒ । सुऽस॑ह । अस॑ति ॥
Padapatha Devanagari Nonaccented
समानी । वः । आऽकूतिः । समाना । हृदयानि । वः ।
समानम् । अस्तु । वः । मनः । यथा । वः । सुऽसह । असति ॥
Padapatha Transcription Accented
samānī́ ǀ vaḥ ǀ ā́-kūtiḥ ǀ samānā́ ǀ hṛ́dayāni ǀ vaḥ ǀ
samānám ǀ astu ǀ vaḥ ǀ mánaḥ ǀ yáthā ǀ vaḥ ǀ sú-saha ǀ ásati ǁ
Padapatha Transcription Nonaccented
samānī ǀ vaḥ ǀ ā-kūtiḥ ǀ samānā ǀ hṛdayāni ǀ vaḥ ǀ
samānam ǀ astu ǀ vaḥ ǀ manaḥ ǀ yathā ǀ vaḥ ǀ su-saha ǀ asati ǁ