|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 2
|
1. Info |
| To: | agni | |
| From: | gṛtsamada bhārgava śaunaka | |
| Metres: | 1st set of styles: virāḍjagatī (1, 2, 7, 12); bhuriktriṣṭup (3, 8, 10, 11); nicṛjjagatī (5, 6, 9, 13); jagatī (4) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.002.01 (Mandala. Sukta. Rik)
2.5.20.01 (Ashtaka. Adhyaya. Varga. Rik)
02.01.017 (Mandala. Anuvāka. Rik)
Samhita Devanagari Accented
य॒ज्ञेन॑ वर्धत जा॒तवे॑दसम॒ग्निं य॑जध्वं ह॒विषा॒ तना॑ गि॒रा ।
स॒मि॒धा॒नं सु॑प्र॒यसं॒ स्व॑र्णरं द्यु॒क्षं होता॑रं वृ॒जने॑षु धू॒र्षदं॑ ॥
Samhita Devanagari Nonaccented
यज्ञेन वर्धत जातवेदसमग्निं यजध्वं हविषा तना गिरा ।
समिधानं सुप्रयसं स्वर्णरं द्युक्षं होतारं वृजनेषु धूर्षदं ॥
Samhita Transcription Accented
yajñéna vardhata jātávedasamagním yajadhvam havíṣā tánā girā́ ǀ
samidhānám suprayásam svárṇaram dyukṣám hótāram vṛjáneṣu dhūrṣádam ǁ
Samhita Transcription Nonaccented
yajñena vardhata jātavedasamagnim yajadhvam haviṣā tanā girā ǀ
samidhānam suprayasam svarṇaram dyukṣam hotāram vṛjaneṣu dhūrṣadam ǁ
Padapatha Devanagari Accented
य॒ज्ञेन॑ । व॒र्ध॒त॒ । जा॒तऽवे॑दसम् । अ॒ग्निम् । य॒ज॒ध्व॒म् । ह॒विषा॑ । तना॑ । गि॒रा ।
स॒म्ऽइ॒धा॒नम् । सु॒ऽप्र॒यस॑म् । स्वः॑ऽनरम् । द्यु॒क्षम् । होता॑रम् । वृ॒जने॑षु । धूः॒ऽसद॑म् ॥
Padapatha Devanagari Nonaccented
यज्ञेन । वर्धत । जातऽवेदसम् । अग्निम् । यजध्वम् । हविषा । तना । गिरा ।
सम्ऽइधानम् । सुऽप्रयसम् । स्वःऽनरम् । द्युक्षम् । होतारम् । वृजनेषु । धूःऽसदम् ॥
Padapatha Transcription Accented
yajñéna ǀ vardhata ǀ jātá-vedasam ǀ agním ǀ yajadhvam ǀ havíṣā ǀ tánā ǀ girā́ ǀ
sam-idhānám ǀ su-prayásam ǀ sváḥ-naram ǀ dyukṣám ǀ hótāram ǀ vṛjáneṣu ǀ dhūḥ-sádam ǁ
Padapatha Transcription Nonaccented
yajñena ǀ vardhata ǀ jāta-vedasam ǀ agnim ǀ yajadhvam ǀ haviṣā ǀ tanā ǀ girā ǀ
sam-idhānam ǀ su-prayasam ǀ svaḥ-naram ǀ dyukṣam ǀ hotāram ǀ vṛjaneṣu ǀ dhūḥ-sadam ǁ
02.002.02 (Mandala. Sukta. Rik)
2.5.20.02 (Ashtaka. Adhyaya. Varga. Rik)
02.01.018 (Mandala. Anuvāka. Rik)
Samhita Devanagari Accented
अ॒भि त्वा॒ नक्ती॑रु॒षसो॑ ववाशि॒रेऽग्ने॑ व॒त्सं न स्वस॑रेषु धे॒नवः॑ ।
दि॒व इ॒वेद॑र॒तिर्मानु॑षा यु॒गा क्षपो॑ भासि पुरुवार सं॒यतः॑ ॥
Samhita Devanagari Nonaccented
अभि त्वा नक्तीरुषसो ववाशिरेऽग्ने वत्सं न स्वसरेषु धेनवः ।
दिव इवेदरतिर्मानुषा युगा क्षपो भासि पुरुवार संयतः ॥
Samhita Transcription Accented
abhí tvā náktīruṣáso vavāśiré’gne vatsám ná svásareṣu dhenávaḥ ǀ
divá ivédaratírmā́nuṣā yugā́ kṣápo bhāsi puruvāra saṃyátaḥ ǁ
Samhita Transcription Nonaccented
abhi tvā naktīruṣaso vavāśire’gne vatsam na svasareṣu dhenavaḥ ǀ
diva ivedaratirmānuṣā yugā kṣapo bhāsi puruvāra saṃyataḥ ǁ
Padapatha Devanagari Accented
अ॒भि । त्वा॒ । नक्तीः॑ । उ॒षसः॑ । व॒वा॒शि॒रे॒ । अग्ने॑ । व॒त्सम् । न । स्वस॑रेषु । धे॒नवः॑ ।
दि॒वःऽइ॑व । इत् । अ॒र॒तिः । मानु॑षा । यु॒गा । आ । क्षपः॑ । भा॒सि॒ । पु॒रु॒ऽवा॒र॒ । स॒म्ऽयतः॑ ॥
Padapatha Devanagari Nonaccented
अभि । त्वा । नक्तीः । उषसः । ववाशिरे । अग्ने । वत्सम् । न । स्वसरेषु । धेनवः ।
दिवःऽइव । इत् । अरतिः । मानुषा । युगा । आ । क्षपः । भासि । पुरुऽवार । सम्ऽयतः ॥
Padapatha Transcription Accented
abhí ǀ tvā ǀ náktīḥ ǀ uṣásaḥ ǀ vavāśire ǀ ágne ǀ vatsám ǀ ná ǀ svásareṣu ǀ dhenávaḥ ǀ
diváḥ-iva ǀ ít ǀ aratíḥ ǀ mā́nuṣā ǀ yugā́ ǀ ā́ ǀ kṣápaḥ ǀ bhāsi ǀ puru-vāra ǀ sam-yátaḥ ǁ
Padapatha Transcription Nonaccented
abhi ǀ tvā ǀ naktīḥ ǀ uṣasaḥ ǀ vavāśire ǀ agne ǀ vatsam ǀ na ǀ svasareṣu ǀ dhenavaḥ ǀ
divaḥ-iva ǀ it ǀ aratiḥ ǀ mānuṣā ǀ yugā ǀ ā ǀ kṣapaḥ ǀ bhāsi ǀ puru-vāra ǀ sam-yataḥ ǁ
02.002.03 (Mandala. Sukta. Rik)
2.5.20.03 (Ashtaka. Adhyaya. Varga. Rik)
02.01.019 (Mandala. Anuvāka. Rik)
Samhita Devanagari Accented
तं दे॒वा बु॒ध्ने रज॑सः सु॒दंस॑सं दि॒वस्पृ॑थि॒व्योर॑र॒तिं न्ये॑रिरे ।
रथ॑मिव॒ वेद्यं॑ शु॒क्रशो॑चिषम॒ग्निं मि॒त्रं न क्षि॒तिषु॑ प्र॒शंस्यं॑ ॥
Samhita Devanagari Nonaccented
तं देवा बुध्ने रजसः सुदंससं दिवस्पृथिव्योररतिं न्येरिरे ।
रथमिव वेद्यं शुक्रशोचिषमग्निं मित्रं न क्षितिषु प्रशंस्यं ॥
Samhita Transcription Accented
tám devā́ budhné rájasaḥ sudáṃsasam diváspṛthivyóraratím nyérire ǀ
ráthamiva védyam śukráśociṣamagním mitrám ná kṣitíṣu praśáṃsyam ǁ
Samhita Transcription Nonaccented
tam devā budhne rajasaḥ sudaṃsasam divaspṛthivyoraratim nyerire ǀ
rathamiva vedyam śukraśociṣamagnim mitram na kṣitiṣu praśaṃsyam ǁ
Padapatha Devanagari Accented
तम् । दे॒वाः । बु॒ध्ने । रज॑सः । सु॒ऽदंस॑सम् । दि॒वःपृ॑थि॒व्योः । अ॒र॒तिम् । नि । ए॒रि॒रे॒ ।
रथ॑म्ऽइव । वेद्य॑म् । शु॒क्रऽशो॑चिषम् । अ॒ग्निम् । मि॒त्रम् । न । क्षि॒तिषु॑ । प्र॒ऽशंस्य॑म् ॥
Padapatha Devanagari Nonaccented
तम् । देवाः । बुध्ने । रजसः । सुऽदंससम् । दिवःपृथिव्योः । अरतिम् । नि । एरिरे ।
रथम्ऽइव । वेद्यम् । शुक्रऽशोचिषम् । अग्निम् । मित्रम् । न । क्षितिषु । प्रऽशंस्यम् ॥
Padapatha Transcription Accented
tám ǀ devā́ḥ ǀ budhné ǀ rájasaḥ ǀ su-dáṃsasam ǀ diváḥpṛthivyóḥ ǀ aratím ǀ ní ǀ erire ǀ
rátham-iva ǀ védyam ǀ śukrá-śociṣam ǀ agním ǀ mitrám ǀ ná ǀ kṣitíṣu ǀ pra-śáṃsyam ǁ
Padapatha Transcription Nonaccented
tam ǀ devāḥ ǀ budhne ǀ rajasaḥ ǀ su-daṃsasam ǀ divaḥpṛthivyoḥ ǀ aratim ǀ ni ǀ erire ǀ
ratham-iva ǀ vedyam ǀ śukra-śociṣam ǀ agnim ǀ mitram ǀ na ǀ kṣitiṣu ǀ pra-śaṃsyam ǁ
02.002.04 (Mandala. Sukta. Rik)
2.5.20.04 (Ashtaka. Adhyaya. Varga. Rik)
02.01.020 (Mandala. Anuvāka. Rik)
Samhita Devanagari Accented
तमु॒क्षमा॑णं॒ रज॑सि॒ स्व आ दमे॑ चं॒द्रमि॑व सु॒रुचं॑ ह्वा॒र आ द॑धुः ।
पृश्न्याः॑ पत॒रं चि॒तयं॑तम॒क्षभिः॑ पा॒थो न पा॒युं जन॑सी उ॒भे अनु॑ ॥
Samhita Devanagari Nonaccented
तमुक्षमाणं रजसि स्व आ दमे चंद्रमिव सुरुचं ह्वार आ दधुः ।
पृश्न्याः पतरं चितयंतमक्षभिः पाथो न पायुं जनसी उभे अनु ॥
Samhita Transcription Accented
támukṣámāṇam rájasi svá ā́ dáme candrámiva surúcam hvārá ā́ dadhuḥ ǀ
pṛ́śnyāḥ patarám citáyantamakṣábhiḥ pāthó ná pāyúm jánasī ubhé ánu ǁ
Samhita Transcription Nonaccented
tamukṣamāṇam rajasi sva ā dame candramiva surucam hvāra ā dadhuḥ ǀ
pṛśnyāḥ pataram citayantamakṣabhiḥ pātho na pāyum janasī ubhe anu ǁ
Padapatha Devanagari Accented
तम् । उ॒क्षमा॑णम् । रज॑सि । स्वे । आ । दमे॑ । च॒न्द्रम्ऽइ॑व । सु॒ऽरुच॑म् । ह्वा॒रे । आ । द॒धुः॒ ।
पृश्न्याः॑ । प॒त॒रम् । चि॒तय॑न्तम् । अ॒क्षऽभिः॑ । पा॒थः । न । पा॒युम् । जन॑सी॒ इति॑ । उ॒भे इति॑ । अनु॑ ॥
Padapatha Devanagari Nonaccented
तम् । उक्षमाणम् । रजसि । स्वे । आ । दमे । चन्द्रम्ऽइव । सुऽरुचम् । ह्वारे । आ । दधुः ।
पृश्न्याः । पतरम् । चितयन्तम् । अक्षऽभिः । पाथः । न । पायुम् । जनसी इति । उभे इति । अनु ॥
Padapatha Transcription Accented
tám ǀ ukṣámāṇam ǀ rájasi ǀ své ǀ ā́ ǀ dáme ǀ candrám-iva ǀ su-rúcam ǀ hvāré ǀ ā́ ǀ dadhuḥ ǀ
pṛ́śnyāḥ ǀ patarám ǀ citáyantam ǀ akṣá-bhiḥ ǀ pātháḥ ǀ ná ǀ pāyúm ǀ jánasī íti ǀ ubhé íti ǀ ánu ǁ
Padapatha Transcription Nonaccented
tam ǀ ukṣamāṇam ǀ rajasi ǀ sve ǀ ā ǀ dame ǀ candram-iva ǀ su-rucam ǀ hvāre ǀ ā ǀ dadhuḥ ǀ
pṛśnyāḥ ǀ pataram ǀ citayantam ǀ akṣa-bhiḥ ǀ pāthaḥ ǀ na ǀ pāyum ǀ janasī iti ǀ ubhe iti ǀ anu ǁ
02.002.05 (Mandala. Sukta. Rik)
2.5.20.05 (Ashtaka. Adhyaya. Varga. Rik)
02.01.021 (Mandala. Anuvāka. Rik)
Samhita Devanagari Accented
स होता॒ विश्वं॒ परि॑ भूत्वध्व॒रं तमु॑ ह॒व्यैर्मनु॑ष ऋंजते गि॒रा ।
हि॒रि॒शि॒प्रो वृ॑धसा॒नासु॒ जर्भु॑र॒द्द्यौर्न स्तृभि॑श्चितय॒द्रोद॑सी॒ अनु॑ ॥
Samhita Devanagari Nonaccented
स होता विश्वं परि भूत्वध्वरं तमु हव्यैर्मनुष ऋंजते गिरा ।
हिरिशिप्रो वृधसानासु जर्भुरद्द्यौर्न स्तृभिश्चितयद्रोदसी अनु ॥
Samhita Transcription Accented
sá hótā víśvam pári bhūtvadhvarám támu havyáirmánuṣa ṛñjate girā́ ǀ
hiriśipró vṛdhasānā́su járbhuraddyáurná stṛ́bhiścitayadródasī ánu ǁ
Samhita Transcription Nonaccented
sa hotā viśvam pari bhūtvadhvaram tamu havyairmanuṣa ṛñjate girā ǀ
hiriśipro vṛdhasānāsu jarbhuraddyaurna stṛbhiścitayadrodasī anu ǁ
Padapatha Devanagari Accented
सः । होता॑ । विश्व॑म् । परि॑ । भू॒तु॒ । अ॒ध्व॒रम् । तम् । ऊं॒ इति॑ । ह॒व्यैः । मनु॑षः । ऋ॒ञ्ज॒ते॒ । गि॒रा ।
हि॒रि॒ऽशि॒प्रः । वृ॒ध॒सा॒नासु॑ । जर्भु॑रत् । द्यौः । न । स्तृऽभिः॑ । चि॒त॒य॒त् । रोद॑सी॒ इति॑ । अनु॑ ॥
Padapatha Devanagari Nonaccented
सः । होता । विश्वम् । परि । भूतु । अध्वरम् । तम् । ऊं इति । हव्यैः । मनुषः । ऋञ्जते । गिरा ।
हिरिऽशिप्रः । वृधसानासु । जर्भुरत् । द्यौः । न । स्तृऽभिः । चितयत् । रोदसी इति । अनु ॥
Padapatha Transcription Accented
sáḥ ǀ hótā ǀ víśvam ǀ pári ǀ bhūtu ǀ adhvarám ǀ tám ǀ ūṃ íti ǀ havyáiḥ ǀ mánuṣaḥ ǀ ṛñjate ǀ girā́ ǀ
hiri-śipráḥ ǀ vṛdhasānā́su ǀ járbhurat ǀ dyáuḥ ǀ ná ǀ stṛ́-bhiḥ ǀ citayat ǀ ródasī íti ǀ ánu ǁ
Padapatha Transcription Nonaccented
saḥ ǀ hotā ǀ viśvam ǀ pari ǀ bhūtu ǀ adhvaram ǀ tam ǀ ūṃ iti ǀ havyaiḥ ǀ manuṣaḥ ǀ ṛñjate ǀ girā ǀ
hiri-śipraḥ ǀ vṛdhasānāsu ǀ jarbhurat ǀ dyauḥ ǀ na ǀ stṛ-bhiḥ ǀ citayat ǀ rodasī iti ǀ anu ǁ
02.002.06 (Mandala. Sukta. Rik)
2.5.21.01 (Ashtaka. Adhyaya. Varga. Rik)
02.01.022 (Mandala. Anuvāka. Rik)
Samhita Devanagari Accented
स नो॑ रे॒वत्स॑मिधा॒नः स्व॒स्तये॑ संदद॒स्वान्र॒यिम॒स्मासु॑ दीदिहि ।
आ नः॑ कृणुष्व सुवि॒ताय॒ रोद॑सी॒ अग्ने॑ ह॒व्या मनु॑षो देव वी॒तये॑ ॥
Samhita Devanagari Nonaccented
स नो रेवत्समिधानः स्वस्तये संददस्वान्रयिमस्मासु दीदिहि ।
आ नः कृणुष्व सुविताय रोदसी अग्ने हव्या मनुषो देव वीतये ॥
Samhita Transcription Accented
sá no revátsamidhānáḥ svastáye saṃdadasvā́nrayímasmā́su dīdihi ǀ
ā́ naḥ kṛṇuṣva suvitā́ya ródasī ágne havyā́ mánuṣo deva vītáye ǁ
Samhita Transcription Nonaccented
sa no revatsamidhānaḥ svastaye saṃdadasvānrayimasmāsu dīdihi ǀ
ā naḥ kṛṇuṣva suvitāya rodasī agne havyā manuṣo deva vītaye ǁ
Padapatha Devanagari Accented
सः । नः॒ । रे॒वत् । स॒म्ऽइ॒धा॒नः । स्व॒स्तये॑ । स॒म्ऽद॒द॒स्वान् । र॒यिम् । अ॒स्मासु॑ । दी॒दि॒हि॒ ।
आ । नः॒ । कृ॒णु॒ष्व॒ । सु॒वि॒ताय॑ । रोद॑सी॒ इति॑ । अग्ने॑ । ह॒व्या । मनु॑षः । दे॒व॒ । वी॒तये॑ ॥
Padapatha Devanagari Nonaccented
सः । नः । रेवत् । सम्ऽइधानः । स्वस्तये । सम्ऽददस्वान् । रयिम् । अस्मासु । दीदिहि ।
आ । नः । कृणुष्व । सुविताय । रोदसी इति । अग्ने । हव्या । मनुषः । देव । वीतये ॥
Padapatha Transcription Accented
sáḥ ǀ naḥ ǀ revát ǀ sam-idhānáḥ ǀ svastáye ǀ sam-dadasvā́n ǀ rayím ǀ asmā́su ǀ dīdihi ǀ
ā́ ǀ naḥ ǀ kṛṇuṣva ǀ suvitā́ya ǀ ródasī íti ǀ ágne ǀ havyā́ ǀ mánuṣaḥ ǀ deva ǀ vītáye ǁ
Padapatha Transcription Nonaccented
saḥ ǀ naḥ ǀ revat ǀ sam-idhānaḥ ǀ svastaye ǀ sam-dadasvān ǀ rayim ǀ asmāsu ǀ dīdihi ǀ
ā ǀ naḥ ǀ kṛṇuṣva ǀ suvitāya ǀ rodasī iti ǀ agne ǀ havyā ǀ manuṣaḥ ǀ deva ǀ vītaye ǁ
02.002.07 (Mandala. Sukta. Rik)
2.5.21.02 (Ashtaka. Adhyaya. Varga. Rik)
02.01.023 (Mandala. Anuvāka. Rik)
Samhita Devanagari Accented
दा नो॑ अग्ने बृह॒तो दाः स॑ह॒स्रिणो॑ दु॒रो न वाजं॒ श्रुत्या॒ अपा॑ वृधि ।
प्राची॒ द्यावा॑पृथि॒वी ब्रह्म॑णा कृधि॒ स्व१॒॑र्ण शु॒क्रमु॒षसो॒ वि दि॑द्युतः ॥
Samhita Devanagari Nonaccented
दा नो अग्ने बृहतो दाः सहस्रिणो दुरो न वाजं श्रुत्या अपा वृधि ।
प्राची द्यावापृथिवी ब्रह्मणा कृधि स्वर्ण शुक्रमुषसो वि दिद्युतः ॥
Samhita Transcription Accented
dā́ no agne bṛható dā́ḥ sahasríṇo duró ná vā́jam śrútyā ápā vṛdhi ǀ
prā́cī dyā́vāpṛthivī́ bráhmaṇā kṛdhi svárṇá śukrámuṣáso ví didyutaḥ ǁ
Samhita Transcription Nonaccented
dā no agne bṛhato dāḥ sahasriṇo duro na vājam śrutyā apā vṛdhi ǀ
prācī dyāvāpṛthivī brahmaṇā kṛdhi svarṇa śukramuṣaso vi didyutaḥ ǁ
Padapatha Devanagari Accented
दाः । नः॒ । अ॒ग्ने॒ । बृ॒ह॒तः । दाः । स॒ह॒स्रिणः॑ । दु॒रः । न । वाज॑म् । श्रुत्यै॑ । अप॑ । वृ॒धि॒ ।
प्राची॒ इति॑ । द्यावा॑पृथि॒वी इति॑ । ब्रह्म॑णा । कृ॒धि॒ । स्वः॑ । न । शु॒क्रम् । उ॒षसः॑ । वि । दि॒द्यु॒तः॒ ॥
Padapatha Devanagari Nonaccented
दाः । नः । अग्ने । बृहतः । दाः । सहस्रिणः । दुरः । न । वाजम् । श्रुत्यै । अप । वृधि ।
प्राची इति । द्यावापृथिवी इति । ब्रह्मणा । कृधि । स्वः । न । शुक्रम् । उषसः । वि । दिद्युतः ॥
Padapatha Transcription Accented
dā́ḥ ǀ naḥ ǀ agne ǀ bṛhatáḥ ǀ dā́ḥ ǀ sahasríṇaḥ ǀ duráḥ ǀ ná ǀ vā́jam ǀ śrútyai ǀ ápa ǀ vṛdhi ǀ
prā́cī íti ǀ dyā́vāpṛthivī́ íti ǀ bráhmaṇā ǀ kṛdhi ǀ sváḥ ǀ ná ǀ śukrám ǀ uṣásaḥ ǀ ví ǀ didyutaḥ ǁ
Padapatha Transcription Nonaccented
dāḥ ǀ naḥ ǀ agne ǀ bṛhataḥ ǀ dāḥ ǀ sahasriṇaḥ ǀ duraḥ ǀ na ǀ vājam ǀ śrutyai ǀ apa ǀ vṛdhi ǀ
prācī iti ǀ dyāvāpṛthivī iti ǀ brahmaṇā ǀ kṛdhi ǀ svaḥ ǀ na ǀ śukram ǀ uṣasaḥ ǀ vi ǀ didyutaḥ ǁ
02.002.08 (Mandala. Sukta. Rik)
2.5.21.03 (Ashtaka. Adhyaya. Varga. Rik)
02.01.024 (Mandala. Anuvāka. Rik)
Samhita Devanagari Accented
स इ॑धा॒न उ॒षसो॒ राम्या॒ अनु॒ स्व१॒॑र्ण दी॑देदरु॒षेण॑ भा॒नुना॑ ।
होत्रा॑भिर॒ग्निर्मनु॑षः स्वध्व॒रो राजा॑ वि॒शामति॑थि॒श्चारु॑रा॒यवे॑ ॥
Samhita Devanagari Nonaccented
स इधान उषसो राम्या अनु स्वर्ण दीदेदरुषेण भानुना ।
होत्राभिरग्निर्मनुषः स्वध्वरो राजा विशामतिथिश्चारुरायवे ॥
Samhita Transcription Accented
sá idhāná uṣáso rā́myā ánu svárṇá dīdedaruṣéṇa bhānúnā ǀ
hótrābhiragnírmánuṣaḥ svadhvaró rā́jā viśā́mátithiścā́rurāyáve ǁ
Samhita Transcription Nonaccented
sa idhāna uṣaso rāmyā anu svarṇa dīdedaruṣeṇa bhānunā ǀ
hotrābhiragnirmanuṣaḥ svadhvaro rājā viśāmatithiścārurāyave ǁ
Padapatha Devanagari Accented
सः । इ॒धा॒नः । उ॒षसः॑ । राम्याः॑ । अनु॑ । स्वः॑ । न । दी॒दे॒त् । अ॒रु॒षेण॑ । भा॒नुना॑ ।
होत्रा॑भिः । अ॒ग्निः । मनु॑षः । सु॒ऽअ॒ध्व॒रः । राजा॑ । वि॒शाम् । अति॑थिः । चारुः॑ । आ॒यवे॑ ॥
Padapatha Devanagari Nonaccented
सः । इधानः । उषसः । राम्याः । अनु । स्वः । न । दीदेत् । अरुषेण । भानुना ।
होत्राभिः । अग्निः । मनुषः । सुऽअध्वरः । राजा । विशाम् । अतिथिः । चारुः । आयवे ॥
Padapatha Transcription Accented
sáḥ ǀ idhānáḥ ǀ uṣásaḥ ǀ rā́myāḥ ǀ ánu ǀ sváḥ ǀ ná ǀ dīdet ǀ aruṣéṇa ǀ bhānúnā ǀ
hótrābhiḥ ǀ agníḥ ǀ mánuṣaḥ ǀ su-adhvaráḥ ǀ rā́jā ǀ viśā́m ǀ átithiḥ ǀ cā́ruḥ ǀ āyáve ǁ
Padapatha Transcription Nonaccented
saḥ ǀ idhānaḥ ǀ uṣasaḥ ǀ rāmyāḥ ǀ anu ǀ svaḥ ǀ na ǀ dīdet ǀ aruṣeṇa ǀ bhānunā ǀ
hotrābhiḥ ǀ agniḥ ǀ manuṣaḥ ǀ su-adhvaraḥ ǀ rājā ǀ viśām ǀ atithiḥ ǀ cāruḥ ǀ āyave ǁ
02.002.09 (Mandala. Sukta. Rik)
2.5.21.04 (Ashtaka. Adhyaya. Varga. Rik)
02.01.025 (Mandala. Anuvāka. Rik)
Samhita Devanagari Accented
ए॒वा नो॑ अग्ने अ॒मृते॑षु पूर्व्य॒ धीष्पी॑पाय बृ॒हद्दि॑वेषु॒ मानु॑षा ।
दुहा॑ना धे॒नुर्वृ॒जने॑षु का॒रवे॒ त्मना॑ श॒तिनं॑ पुरु॒रूप॑मि॒षणि॑ ॥
Samhita Devanagari Nonaccented
एवा नो अग्ने अमृतेषु पूर्व्य धीष्पीपाय बृहद्दिवेषु मानुषा ।
दुहाना धेनुर्वृजनेषु कारवे त्मना शतिनं पुरुरूपमिषणि ॥
Samhita Transcription Accented
evā́ no agne amṛ́teṣu pūrvya dhī́ṣpīpāya bṛháddiveṣu mā́nuṣā ǀ
dúhānā dhenúrvṛjáneṣu kāráve tmánā śatínam pururū́pamiṣáṇi ǁ
Samhita Transcription Nonaccented
evā no agne amṛteṣu pūrvya dhīṣpīpāya bṛhaddiveṣu mānuṣā ǀ
duhānā dhenurvṛjaneṣu kārave tmanā śatinam pururūpamiṣaṇi ǁ
Padapatha Devanagari Accented
ए॒व । नः॒ । अ॒ग्ने॒ । अ॒मृते॑षु । पू॒र्व्य॒ । धीः । पी॒पा॒य॒ । बृ॒हत्ऽदि॑वेषु । मानु॑षा ।
दुहा॑ना । धे॒नुः । वृ॒जने॑षु । का॒रवे॑ । त्मना॑ । श॒तिन॑म् । पु॒रु॒ऽरूप॑म् । इ॒षणि॑ ॥
Padapatha Devanagari Nonaccented
एव । नः । अग्ने । अमृतेषु । पूर्व्य । धीः । पीपाय । बृहत्ऽदिवेषु । मानुषा ।
दुहाना । धेनुः । वृजनेषु । कारवे । त्मना । शतिनम् । पुरुऽरूपम् । इषणि ॥
Padapatha Transcription Accented
evá ǀ naḥ ǀ agne ǀ amṛ́teṣu ǀ pūrvya ǀ dhī́ḥ ǀ pīpāya ǀ bṛhát-diveṣu ǀ mā́nuṣā ǀ
dúhānā ǀ dhenúḥ ǀ vṛjáneṣu ǀ kāráve ǀ tmánā ǀ śatínam ǀ puru-rū́pam ǀ iṣáṇi ǁ
Padapatha Transcription Nonaccented
eva ǀ naḥ ǀ agne ǀ amṛteṣu ǀ pūrvya ǀ dhīḥ ǀ pīpāya ǀ bṛhat-diveṣu ǀ mānuṣā ǀ
duhānā ǀ dhenuḥ ǀ vṛjaneṣu ǀ kārave ǀ tmanā ǀ śatinam ǀ puru-rūpam ǀ iṣaṇi ǁ
02.002.10 (Mandala. Sukta. Rik)
2.5.21.05 (Ashtaka. Adhyaya. Varga. Rik)
02.01.026 (Mandala. Anuvāka. Rik)
Samhita Devanagari Accented
व॒यम॑ग्ने॒ अर्व॑ता वा सु॒वीर्यं॒ ब्रह्म॑णा वा चितयेमा॒ जनाँ॒ अति॑ ।
अ॒स्माकं॑ द्यु॒म्नमधि॒ पंच॑ कृ॒ष्टिषू॒च्चा स्व१॒॑र्ण शु॑शुचीत दु॒ष्टरं॑ ॥
Samhita Devanagari Nonaccented
वयमग्ने अर्वता वा सुवीर्यं ब्रह्मणा वा चितयेमा जनाँ अति ।
अस्माकं द्युम्नमधि पंच कृष्टिषूच्चा स्वर्ण शुशुचीत दुष्टरं ॥
Samhita Transcription Accented
vayámagne árvatā vā suvī́ryam bráhmaṇā vā citayemā jánām̐ áti ǀ
asmā́kam dyumnámádhi páñca kṛṣṭíṣūccā́ svárṇá śuśucīta duṣṭáram ǁ
Samhita Transcription Nonaccented
vayamagne arvatā vā suvīryam brahmaṇā vā citayemā janām̐ ati ǀ
asmākam dyumnamadhi pañca kṛṣṭiṣūccā svarṇa śuśucīta duṣṭaram ǁ
Padapatha Devanagari Accented
व॒यम् । अ॒ग्ने॒ । अर्व॑ता । वा॒ । सु॒ऽवीर्य॑म् । ब्रह्म॑णा । वा॒ । चि॒त॒ये॒म॒ । जना॑न् । अति॑ ।
अ॒स्माक॑म् । द्यु॒म्नम् । अधि॑ । पञ्च॑ । कृ॒ष्टिषु॑ । उ॒च्चा । स्वः॑ । न । शु॒शु॒ची॒त॒ । दु॒स्तर॑म् ॥
Padapatha Devanagari Nonaccented
वयम् । अग्ने । अर्वता । वा । सुऽवीर्यम् । ब्रह्मणा । वा । चितयेम । जनान् । अति ।
अस्माकम् । द्युम्नम् । अधि । पञ्च । कृष्टिषु । उच्चा । स्वः । न । शुशुचीत । दुस्तरम् ॥
Padapatha Transcription Accented
vayám ǀ agne ǀ árvatā ǀ vā ǀ su-vī́ryam ǀ bráhmaṇā ǀ vā ǀ citayema ǀ jánān ǀ áti ǀ
asmā́kam ǀ dyumnám ǀ ádhi ǀ páñca ǀ kṛṣṭíṣu ǀ uccā́ ǀ sváḥ ǀ ná ǀ śuśucīta ǀ dustáram ǁ
Padapatha Transcription Nonaccented
vayam ǀ agne ǀ arvatā ǀ vā ǀ su-vīryam ǀ brahmaṇā ǀ vā ǀ citayema ǀ janān ǀ ati ǀ
asmākam ǀ dyumnam ǀ adhi ǀ pañca ǀ kṛṣṭiṣu ǀ uccā ǀ svaḥ ǀ na ǀ śuśucīta ǀ dustaram ǁ
02.002.11 (Mandala. Sukta. Rik)
2.5.21.06 (Ashtaka. Adhyaya. Varga. Rik)
02.01.027 (Mandala. Anuvāka. Rik)
Samhita Devanagari Accented
स नो॑ बोधि सहस्य प्र॒शंस्यो॒ यस्मि॑न्त्सुजा॒ता इ॒षयं॑त सू॒रयः॑ ।
यम॑ग्ने य॒ज्ञमु॑प॒यंति॑ वा॒जिनो॒ नित्ये॑ तो॒के दी॑दि॒वांसं॒ स्वे दमे॑ ॥
Samhita Devanagari Nonaccented
स नो बोधि सहस्य प्रशंस्यो यस्मिन्त्सुजाता इषयंत सूरयः ।
यमग्ने यज्ञमुपयंति वाजिनो नित्ये तोके दीदिवांसं स्वे दमे ॥
Samhita Transcription Accented
sá no bodhi sahasya praśáṃsyo yásmintsujātā́ iṣáyanta sūráyaḥ ǀ
yámagne yajñámupayánti vājíno nítye toké dīdivā́ṃsam své dáme ǁ
Samhita Transcription Nonaccented
sa no bodhi sahasya praśaṃsyo yasmintsujātā iṣayanta sūrayaḥ ǀ
yamagne yajñamupayanti vājino nitye toke dīdivāṃsam sve dame ǁ
Padapatha Devanagari Accented
सः । नः॒ । बो॒धि॒ । स॒ह॒स्य॒ । प्र॒ऽशंस्यः॑ । यस्मि॑न् । सु॒ऽजा॒ताः । इ॒षय॑न्त । सू॒रयः॑ ।
यम् । अ॒ग्ने॒ । य॒ज्ञम् । उ॒प॒ऽयन्ति॑ । वा॒जिनः॑ । नित्ये॑ । तो॒के । दी॒दि॒ऽवांस॑म् । स्वे । दमे॑ ॥
Padapatha Devanagari Nonaccented
सः । नः । बोधि । सहस्य । प्रऽशंस्यः । यस्मिन् । सुऽजाताः । इषयन्त । सूरयः ।
यम् । अग्ने । यज्ञम् । उपऽयन्ति । वाजिनः । नित्ये । तोके । दीदिऽवांसम् । स्वे । दमे ॥
Padapatha Transcription Accented
sáḥ ǀ naḥ ǀ bodhi ǀ sahasya ǀ pra-śáṃsyaḥ ǀ yásmin ǀ su-jātā́ḥ ǀ iṣáyanta ǀ sūráyaḥ ǀ
yám ǀ agne ǀ yajñám ǀ upa-yánti ǀ vājínaḥ ǀ nítye ǀ toké ǀ dīdi-vā́ṃsam ǀ své ǀ dáme ǁ
Padapatha Transcription Nonaccented
saḥ ǀ naḥ ǀ bodhi ǀ sahasya ǀ pra-śaṃsyaḥ ǀ yasmin ǀ su-jātāḥ ǀ iṣayanta ǀ sūrayaḥ ǀ
yam ǀ agne ǀ yajñam ǀ upa-yanti ǀ vājinaḥ ǀ nitye ǀ toke ǀ dīdi-vāṃsam ǀ sve ǀ dame ǁ
02.002.12 (Mandala. Sukta. Rik)
2.5.21.07 (Ashtaka. Adhyaya. Varga. Rik)
02.01.028 (Mandala. Anuvāka. Rik)
Samhita Devanagari Accented
उ॒भया॑सो जातवेदः स्याम ते स्तो॒तारो॑ अग्ने सू॒रय॑श्च॒ शर्म॑णि ।
वस्वो॑ रा॒यः पु॑रुश्चं॒द्रस्य॒ भूय॑सः प्र॒जाव॑तः स्वप॒त्यस्य॑ शग्धि नः ॥
Samhita Devanagari Nonaccented
उभयासो जातवेदः स्याम ते स्तोतारो अग्ने सूरयश्च शर्मणि ।
वस्वो रायः पुरुश्चंद्रस्य भूयसः प्रजावतः स्वपत्यस्य शग्धि नः ॥
Samhita Transcription Accented
ubháyāso jātavedaḥ syāma te stotā́ro agne sūráyaśca śármaṇi ǀ
vásvo rāyáḥ puruścandrásya bhū́yasaḥ prajā́vataḥ svapatyásya śagdhi naḥ ǁ
Samhita Transcription Nonaccented
ubhayāso jātavedaḥ syāma te stotāro agne sūrayaśca śarmaṇi ǀ
vasvo rāyaḥ puruścandrasya bhūyasaḥ prajāvataḥ svapatyasya śagdhi naḥ ǁ
Padapatha Devanagari Accented
उ॒भया॑सः । जा॒त॒ऽवे॒दः॒ । स्या॒म॒ । ते॒ । स्तो॒तारः॑ । अ॒ग्ने॒ । सू॒रयः॑ । च॒ । शर्म॑णि ।
वस्वः॑ । रा॒यः । पु॒रु॒ऽच॒न्द्रस्य॑ । भूय॑सः । प्र॒जाऽव॑तः । सु॒ऽअ॒प॒त्यस्य॑ । श॒ग्धि॒ । नः॒ ॥
Padapatha Devanagari Nonaccented
उभयासः । जातऽवेदः । स्याम । ते । स्तोतारः । अग्ने । सूरयः । च । शर्मणि ।
वस्वः । रायः । पुरुऽचन्द्रस्य । भूयसः । प्रजाऽवतः । सुऽअपत्यस्य । शग्धि । नः ॥
Padapatha Transcription Accented
ubháyāsaḥ ǀ jāta-vedaḥ ǀ syāma ǀ te ǀ stotā́raḥ ǀ agne ǀ sūráyaḥ ǀ ca ǀ śármaṇi ǀ
vásvaḥ ǀ rāyáḥ ǀ puru-candrásya ǀ bhū́yasaḥ ǀ prajā́-vataḥ ǀ su-apatyásya ǀ śagdhi ǀ naḥ ǁ
Padapatha Transcription Nonaccented
ubhayāsaḥ ǀ jāta-vedaḥ ǀ syāma ǀ te ǀ stotāraḥ ǀ agne ǀ sūrayaḥ ǀ ca ǀ śarmaṇi ǀ
vasvaḥ ǀ rāyaḥ ǀ puru-candrasya ǀ bhūyasaḥ ǀ prajā-vataḥ ǀ su-apatyasya ǀ śagdhi ǀ naḥ ǁ
02.002.13 (Mandala. Sukta. Rik)
2.5.21.08 (Ashtaka. Adhyaya. Varga. Rik)
02.01.029 (Mandala. Anuvāka. Rik)
Samhita Devanagari Accented
ये स्तो॒तृभ्यो॒ गोअ॑ग्रा॒मश्व॑पेशस॒मग्ने॑ रा॒तिमु॑पसृ॒जंति॑ सू॒रयः॑ ।
अ॒स्मांच॒ तांश्च॒ प्र हि नेषि॒ वस्य॒ आ बृ॒हद्व॑देम वि॒दथे॑ सु॒वीराः॑ ॥
Samhita Devanagari Nonaccented
ये स्तोतृभ्यो गोअग्रामश्वपेशसमग्ने रातिमुपसृजंति सूरयः ।
अस्मांच तांश्च प्र हि नेषि वस्य आ बृहद्वदेम विदथे सुवीराः ॥
Samhita Transcription Accented
yé stotṛ́bhyo góagrāmáśvapeśasamágne rātímupasṛjánti sūráyaḥ ǀ
asmā́ñca tā́ṃśca prá hí néṣi vásya ā́ bṛhádvadema vidáthe suvī́rāḥ ǁ
Samhita Transcription Nonaccented
ye stotṛbhyo goagrāmaśvapeśasamagne rātimupasṛjanti sūrayaḥ ǀ
asmāñca tāṃśca pra hi neṣi vasya ā bṛhadvadema vidathe suvīrāḥ ǁ
Padapatha Devanagari Accented
ये । स्तो॒तृऽभ्यः॑ । गोऽअ॑ग्राम् । अश्व॑ऽपेशसम् । अग्ने॑ । रा॒तिम् । उ॒प॒ऽसृ॒जन्ति॑ । सू॒रयः॑ ।
अ॒स्मान् । च॒ । तान् । च॒ । प्र । हि । नेषि॑ । वस्यः॑ । आ । बृ॒हत् । व॒दे॒म॒ । वि॒दथे॑ । सु॒ऽवीराः॑ ॥
Padapatha Devanagari Nonaccented
ये । स्तोतृऽभ्यः । गोऽअग्राम् । अश्वऽपेशसम् । अग्ने । रातिम् । उपऽसृजन्ति । सूरयः ।
अस्मान् । च । तान् । च । प्र । हि । नेषि । वस्यः । आ । बृहत् । वदेम । विदथे । सुऽवीराः ॥
Padapatha Transcription Accented
yé ǀ stotṛ́-bhyaḥ ǀ gó-agrām ǀ áśva-peśasam ǀ ágne ǀ rātím ǀ upa-sṛjánti ǀ sūráyaḥ ǀ
asmā́n ǀ ca ǀ tā́n ǀ ca ǀ prá ǀ hí ǀ néṣi ǀ vásyaḥ ǀ ā́ ǀ bṛhát ǀ vadema ǀ vidáthe ǀ su-vī́rāḥ ǁ
Padapatha Transcription Nonaccented
ye ǀ stotṛ-bhyaḥ ǀ go-agrām ǀ aśva-peśasam ǀ agne ǀ rātim ǀ upa-sṛjanti ǀ sūrayaḥ ǀ
asmān ǀ ca ǀ tān ǀ ca ǀ pra ǀ hi ǀ neṣi ǀ vasyaḥ ǀ ā ǀ bṛhat ǀ vadema ǀ vidathe ǀ su-vīrāḥ ǁ