|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 5
|
1. Info |
| To: | agni | |
| From: | somahūti bhārgava | |
| Metres: | 1st set of styles: nicṛttriṣṭup (1, 3, 6); anuṣṭup (2, 4, 5); bhuriguṣṇik (7); virāḍanuṣṭup (8) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.005.01 (Mandala. Sukta. Rik)
2.5.26.01 (Ashtaka. Adhyaya. Varga. Rik)
02.01.050 (Mandala. Anuvāka. Rik)
Samhita Devanagari Accented
होता॑जनिष्ट॒ चेत॑नः पि॒ता पि॒तृभ्य॑ ऊ॒तये॑ ।
प्र॒यक्षं॒जेन्यं॒ वसु॑ श॒केम॑ वा॒जिनो॒ यमं॑ ॥
Samhita Devanagari Nonaccented
होताजनिष्ट चेतनः पिता पितृभ्य ऊतये ।
प्रयक्षंजेन्यं वसु शकेम वाजिनो यमं ॥
Samhita Transcription Accented
hótājaniṣṭa cétanaḥ pitā́ pitṛ́bhya ūtáye ǀ
prayákṣañjényam vásu śakéma vājíno yámam ǁ
Samhita Transcription Nonaccented
hotājaniṣṭa cetanaḥ pitā pitṛbhya ūtaye ǀ
prayakṣañjenyam vasu śakema vājino yamam ǁ
Padapatha Devanagari Accented
होता॑ । अ॒ज॒नि॒ष्ट॒ । चेत॑नः । पि॒ता । पि॒तृऽभ्यः॑ । ऊ॒तये॑ ।
प्र॒ऽयक्ष॑न् । जेन्य॑म् । वसु॑ । श॒केम॑ । वा॒जिनः॑ । यम॑म् ॥
Padapatha Devanagari Nonaccented
होता । अजनिष्ट । चेतनः । पिता । पितृऽभ्यः । ऊतये ।
प्रऽयक्षन् । जेन्यम् । वसु । शकेम । वाजिनः । यमम् ॥
Padapatha Transcription Accented
hótā ǀ ajaniṣṭa ǀ cétanaḥ ǀ pitā́ ǀ pitṛ́-bhyaḥ ǀ ūtáye ǀ
pra-yákṣan ǀ jényam ǀ vásu ǀ śakéma ǀ vājínaḥ ǀ yámam ǁ
Padapatha Transcription Nonaccented
hotā ǀ ajaniṣṭa ǀ cetanaḥ ǀ pitā ǀ pitṛ-bhyaḥ ǀ ūtaye ǀ
pra-yakṣan ǀ jenyam ǀ vasu ǀ śakema ǀ vājinaḥ ǀ yamam ǁ
02.005.02 (Mandala. Sukta. Rik)
2.5.26.02 (Ashtaka. Adhyaya. Varga. Rik)
02.01.051 (Mandala. Anuvāka. Rik)
Samhita Devanagari Accented
आ यस्मि॑न्त्स॒प्त र॒श्मय॑स्त॒ता य॒ज्ञस्य॑ ने॒तरि॑ ।
म॒नु॒ष्वद्दैव्य॑मष्ट॒मं पोता॒ विश्वं॒ तदि॑न्वति ॥
Samhita Devanagari Nonaccented
आ यस्मिन्त्सप्त रश्मयस्तता यज्ञस्य नेतरि ।
मनुष्वद्दैव्यमष्टमं पोता विश्वं तदिन्वति ॥
Samhita Transcription Accented
ā́ yásmintsaptá raśmáyastatā́ yajñásya netári ǀ
manuṣváddáivyamaṣṭamám pótā víśvam tádinvati ǁ
Samhita Transcription Nonaccented
ā yasmintsapta raśmayastatā yajñasya netari ǀ
manuṣvaddaivyamaṣṭamam potā viśvam tadinvati ǁ
Padapatha Devanagari Accented
आ । यस्मि॑न् । स॒प्त । र॒श्मयः॑ । त॒ताः । य॒ज्ञस्य॑ । ने॒तरि॑ ।
म॒नु॒ष्वत् । दैव्य॑म् । अ॒ष्ट॒मम् । पोता॑ । विश्व॑म् । तत् । इ॒न्व॒ति॒ ॥
Padapatha Devanagari Nonaccented
आ । यस्मिन् । सप्त । रश्मयः । तताः । यज्ञस्य । नेतरि ।
मनुष्वत् । दैव्यम् । अष्टमम् । पोता । विश्वम् । तत् । इन्वति ॥
Padapatha Transcription Accented
ā́ ǀ yásmin ǀ saptá ǀ raśmáyaḥ ǀ tatā́ḥ ǀ yajñásya ǀ netári ǀ
manuṣvát ǀ dáivyam ǀ aṣṭamám ǀ pótā ǀ víśvam ǀ tát ǀ invati ǁ
Padapatha Transcription Nonaccented
ā ǀ yasmin ǀ sapta ǀ raśmayaḥ ǀ tatāḥ ǀ yajñasya ǀ netari ǀ
manuṣvat ǀ daivyam ǀ aṣṭamam ǀ potā ǀ viśvam ǀ tat ǀ invati ǁ
02.005.03 (Mandala. Sukta. Rik)
2.5.26.03 (Ashtaka. Adhyaya. Varga. Rik)
02.01.052 (Mandala. Anuvāka. Rik)
Samhita Devanagari Accented
द॒ध॒न्वे वा॒ यदी॒मनु॒ वोच॒द्ब्रह्मा॑णि॒ वेरु॒ तत् ।
परि॒ विश्वा॑नि॒ काव्या॑ ने॒मिश्च॒क्रमि॑वाभवत् ॥
Samhita Devanagari Nonaccented
दधन्वे वा यदीमनु वोचद्ब्रह्माणि वेरु तत् ।
परि विश्वानि काव्या नेमिश्चक्रमिवाभवत् ॥
Samhita Transcription Accented
dadhanvé vā yádīmánu vócadbráhmāṇi véru tát ǀ
pári víśvāni kā́vyā nemíścakrámivābhavat ǁ
Samhita Transcription Nonaccented
dadhanve vā yadīmanu vocadbrahmāṇi veru tat ǀ
pari viśvāni kāvyā nemiścakramivābhavat ǁ
Padapatha Devanagari Accented
द॒ध॒न्वे । वा॒ । यत् । ई॒म् । अनु॑ । वोच॑त् । ब्रह्मा॑णि । वेः । ऊं॒ इति॑ । तत् ।
परि॑ । विश्वा॑नि । काव्या॑ । ने॒मिः । च॒क्रम्ऽइ॑व । अ॒भ॒व॒त् ॥
Padapatha Devanagari Nonaccented
दधन्वे । वा । यत् । ईम् । अनु । वोचत् । ब्रह्माणि । वेः । ऊं इति । तत् ।
परि । विश्वानि । काव्या । नेमिः । चक्रम्ऽइव । अभवत् ॥
Padapatha Transcription Accented
dadhanvé ǀ vā ǀ yát ǀ īm ǀ ánu ǀ vócat ǀ bráhmāṇi ǀ véḥ ǀ ūṃ íti ǀ tát ǀ
pári ǀ víśvāni ǀ kā́vyā ǀ nemíḥ ǀ cakrám-iva ǀ abhavat ǁ
Padapatha Transcription Nonaccented
dadhanve ǀ vā ǀ yat ǀ īm ǀ anu ǀ vocat ǀ brahmāṇi ǀ veḥ ǀ ūṃ iti ǀ tat ǀ
pari ǀ viśvāni ǀ kāvyā ǀ nemiḥ ǀ cakram-iva ǀ abhavat ǁ
02.005.04 (Mandala. Sukta. Rik)
2.5.26.04 (Ashtaka. Adhyaya. Varga. Rik)
02.01.053 (Mandala. Anuvāka. Rik)
Samhita Devanagari Accented
सा॒कं हि शुचि॑ना॒ शुचिः॑ प्रशा॒स्ता क्रतु॒नाज॑नि ।
वि॒द्वाँ अ॑स्य व्र॒ता ध्रु॒वा व॒या इ॒वानु॑ रोहते ॥
Samhita Devanagari Nonaccented
साकं हि शुचिना शुचिः प्रशास्ता क्रतुनाजनि ।
विद्वाँ अस्य व्रता ध्रुवा वया इवानु रोहते ॥
Samhita Transcription Accented
sākám hí śúcinā śúciḥ praśāstā́ krátunā́jani ǀ
vidvā́m̐ asya vratā́ dhruvā́ vayā́ ivā́nu rohate ǁ
Samhita Transcription Nonaccented
sākam hi śucinā śuciḥ praśāstā kratunājani ǀ
vidvām̐ asya vratā dhruvā vayā ivānu rohate ǁ
Padapatha Devanagari Accented
सा॒कम् । हि । शुचि॑ना । शुचिः॑ । प्र॒ऽशा॒स्ता । क्रतु॑ना । अज॑नि ।
वि॒द्वान् । अ॒स्य॒ । व्र॒ता । ध्रु॒वा । व॒याःऽइ॑व । अनु॑ । रो॒ह॒ते॒ ॥
Padapatha Devanagari Nonaccented
साकम् । हि । शुचिना । शुचिः । प्रऽशास्ता । क्रतुना । अजनि ।
विद्वान् । अस्य । व्रता । ध्रुवा । वयाःऽइव । अनु । रोहते ॥
Padapatha Transcription Accented
sākám ǀ hí ǀ śúcinā ǀ śúciḥ ǀ pra-śāstā́ ǀ krátunā ǀ ájani ǀ
vidvā́n ǀ asya ǀ vratā́ ǀ dhruvā́ ǀ vayā́ḥ-iva ǀ ánu ǀ rohate ǁ
Padapatha Transcription Nonaccented
sākam ǀ hi ǀ śucinā ǀ śuciḥ ǀ pra-śāstā ǀ kratunā ǀ ajani ǀ
vidvān ǀ asya ǀ vratā ǀ dhruvā ǀ vayāḥ-iva ǀ anu ǀ rohate ǁ
02.005.05 (Mandala. Sukta. Rik)
2.5.26.05 (Ashtaka. Adhyaya. Varga. Rik)
02.01.054 (Mandala. Anuvāka. Rik)
Samhita Devanagari Accented
ता अ॑स्य॒ वर्ण॑मा॒युवो॒ नेष्टुः॑ सचंत धे॒नवः॑ ।
कु॒वित्ति॒सृभ्य॒ आ वरं॒ स्वसा॑रो॒ या इ॒दं य॒युः ॥
Samhita Devanagari Nonaccented
ता अस्य वर्णमायुवो नेष्टुः सचंत धेनवः ।
कुवित्तिसृभ्य आ वरं स्वसारो या इदं ययुः ॥
Samhita Transcription Accented
tā́ asya várṇamāyúvo néṣṭuḥ sacanta dhenávaḥ ǀ
kuvíttisṛ́bhya ā́ váram svásāro yā́ idám yayúḥ ǁ
Samhita Transcription Nonaccented
tā asya varṇamāyuvo neṣṭuḥ sacanta dhenavaḥ ǀ
kuvittisṛbhya ā varam svasāro yā idam yayuḥ ǁ
Padapatha Devanagari Accented
ताः । अ॒स्य॒ । वर्ण॑म् । आ॒युवः॑ । नेष्टुः॑ । स॒च॒न्त॒ । धे॒नवः॑ ।
कु॒वित् । ति॒सृऽभ्यः॑ । आ । वर॑म् । स्वसा॑रः । याः । इ॒दम् । य॒युः ॥
Padapatha Devanagari Nonaccented
ताः । अस्य । वर्णम् । आयुवः । नेष्टुः । सचन्त । धेनवः ।
कुवित् । तिसृऽभ्यः । आ । वरम् । स्वसारः । याः । इदम् । ययुः ॥
Padapatha Transcription Accented
tā́ḥ ǀ asya ǀ várṇam ǀ āyúvaḥ ǀ néṣṭuḥ ǀ sacanta ǀ dhenávaḥ ǀ
kuvít ǀ tisṛ́-bhyaḥ ǀ ā́ ǀ váram ǀ svásāraḥ ǀ yā́ḥ ǀ idám ǀ yayúḥ ǁ
Padapatha Transcription Nonaccented
tāḥ ǀ asya ǀ varṇam ǀ āyuvaḥ ǀ neṣṭuḥ ǀ sacanta ǀ dhenavaḥ ǀ
kuvit ǀ tisṛ-bhyaḥ ǀ ā ǀ varam ǀ svasāraḥ ǀ yāḥ ǀ idam ǀ yayuḥ ǁ
02.005.06 (Mandala. Sukta. Rik)
2.5.26.06 (Ashtaka. Adhyaya. Varga. Rik)
02.01.055 (Mandala. Anuvāka. Rik)
Samhita Devanagari Accented
यदी॑ मा॒तुरुप॒ स्वसा॑ घृ॒तं भरं॒त्यस्थि॑त ।
तासा॑मध्व॒र्युराग॑तौ॒ यवो॑ वृ॒ष्टीव॑ मोदते ॥
Samhita Devanagari Nonaccented
यदी मातुरुप स्वसा घृतं भरंत्यस्थित ।
तासामध्वर्युरागतौ यवो वृष्टीव मोदते ॥
Samhita Transcription Accented
yádī mātúrúpa svásā ghṛtám bhárantyásthita ǀ
tā́sāmadhvaryúrā́gatau yávo vṛṣṭī́va modate ǁ
Samhita Transcription Nonaccented
yadī māturupa svasā ghṛtam bharantyasthita ǀ
tāsāmadhvaryurāgatau yavo vṛṣṭīva modate ǁ
Padapatha Devanagari Accented
यदि॑ । मा॒तुः । उप॑ । स्वसा॑ । घृ॒तम् । भर॑न्ती । अस्थि॑त ।
तासा॑म् । अ॒ध्व॒र्युः । आऽग॑तौ । यवः॑ । वृ॒ष्टीऽइ॑व । मो॒द॒ते॒ ॥
Padapatha Devanagari Nonaccented
यदि । मातुः । उप । स्वसा । घृतम् । भरन्ती । अस्थित ।
तासाम् । अध्वर्युः । आऽगतौ । यवः । वृष्टीऽइव । मोदते ॥
Padapatha Transcription Accented
yádi ǀ mātúḥ ǀ úpa ǀ svásā ǀ ghṛtám ǀ bhárantī ǀ ásthita ǀ
tā́sām ǀ adhvaryúḥ ǀ ā́-gatau ǀ yávaḥ ǀ vṛṣṭī́-iva ǀ modate ǁ
Padapatha Transcription Nonaccented
yadi ǀ mātuḥ ǀ upa ǀ svasā ǀ ghṛtam ǀ bharantī ǀ asthita ǀ
tāsām ǀ adhvaryuḥ ǀ ā-gatau ǀ yavaḥ ǀ vṛṣṭī-iva ǀ modate ǁ
02.005.07 (Mandala. Sukta. Rik)
2.5.26.07 (Ashtaka. Adhyaya. Varga. Rik)
02.01.056 (Mandala. Anuvāka. Rik)
Samhita Devanagari Accented
स्वः स्वाय॒ धाय॑से कृणु॒तामृ॒त्विगृ॒त्विजं॑ ।
स्तोमं॑ य॒ज्ञं चादरं॑ व॒नेमा॑ ररि॒मा व॒यं ॥
Samhita Devanagari Nonaccented
स्वः स्वाय धायसे कृणुतामृत्विगृत्विजं ।
स्तोमं यज्ञं चादरं वनेमा ररिमा वयं ॥
Samhita Transcription Accented
sváḥ svā́ya dhā́yase kṛṇutā́mṛtvígṛtvíjam ǀ
stómam yajñám cā́dáram vanémā rarimā́ vayám ǁ
Samhita Transcription Nonaccented
svaḥ svāya dhāyase kṛṇutāmṛtvigṛtvijam ǀ
stomam yajñam cādaram vanemā rarimā vayam ǁ
Padapatha Devanagari Accented
स्वः । स्वाय॑ । धाय॑से । कृ॒णु॒ताम् । ऋ॒त्विक् । ऋ॒त्विज॑म् ।
स्तोम॑म् । य॒ज्ञम् । च॒ । आत् । अर॑म् । व॒नेम॑ । र॒रि॒म । व॒यम् ॥
Padapatha Devanagari Nonaccented
स्वः । स्वाय । धायसे । कृणुताम् । ऋत्विक् । ऋत्विजम् ।
स्तोमम् । यज्ञम् । च । आत् । अरम् । वनेम । ररिम । वयम् ॥
Padapatha Transcription Accented
sváḥ ǀ svā́ya ǀ dhā́yase ǀ kṛṇutā́m ǀ ṛtvík ǀ ṛtvíjam ǀ
stómam ǀ yajñám ǀ ca ǀ ā́t ǀ áram ǀ vanéma ǀ rarimá ǀ vayám ǁ
Padapatha Transcription Nonaccented
svaḥ ǀ svāya ǀ dhāyase ǀ kṛṇutām ǀ ṛtvik ǀ ṛtvijam ǀ
stomam ǀ yajñam ǀ ca ǀ āt ǀ aram ǀ vanema ǀ rarima ǀ vayam ǁ
02.005.08 (Mandala. Sukta. Rik)
2.5.26.08 (Ashtaka. Adhyaya. Varga. Rik)
02.01.057 (Mandala. Anuvāka. Rik)
Samhita Devanagari Accented
यथा॑ वि॒द्वाँ अरं॒ कर॒द्विश्वे॑भ्यो यज॒तेभ्यः॑ ।
अ॒यम॑ग्ने॒ त्वे अपि॒ यं य॒ज्ञं च॑कृ॒मा व॒यं ॥
Samhita Devanagari Nonaccented
यथा विद्वाँ अरं करद्विश्वेभ्यो यजतेभ्यः ।
अयमग्ने त्वे अपि यं यज्ञं चकृमा वयं ॥
Samhita Transcription Accented
yáthā vidvā́m̐ áram káradvíśvebhyo yajatébhyaḥ ǀ
ayámagne tvé ápi yám yajñám cakṛmā́ vayám ǁ
Samhita Transcription Nonaccented
yathā vidvām̐ aram karadviśvebhyo yajatebhyaḥ ǀ
ayamagne tve api yam yajñam cakṛmā vayam ǁ
Padapatha Devanagari Accented
यथा॑ । वि॒द्वान् । अर॑म् । कर॑त् । विश्वे॑भ्यः । य॒ज॒तेभ्यः॑ ।
अ॒यम् । अ॒ग्ने॒ । त्वे इति॑ । अपि॑ । यम् । य॒ज्ञम् । च॒कृ॒म । व॒यम् ॥
Padapatha Devanagari Nonaccented
यथा । विद्वान् । अरम् । करत् । विश्वेभ्यः । यजतेभ्यः ।
अयम् । अग्ने । त्वे इति । अपि । यम् । यज्ञम् । चकृम । वयम् ॥
Padapatha Transcription Accented
yáthā ǀ vidvā́n ǀ áram ǀ kárat ǀ víśvebhyaḥ ǀ yajatébhyaḥ ǀ
ayám ǀ agne ǀ tvé íti ǀ ápi ǀ yám ǀ yajñám ǀ cakṛmá ǀ vayám ǁ
Padapatha Transcription Nonaccented
yathā ǀ vidvān ǀ aram ǀ karat ǀ viśvebhyaḥ ǀ yajatebhyaḥ ǀ
ayam ǀ agne ǀ tve iti ǀ api ǀ yam ǀ yajñam ǀ cakṛma ǀ vayam ǁ