|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 8
|
1. Info |
| To: | agni | |
| From: | gṛtsamada bhārgava śaunaka | |
| Metres: | 1st set of styles: nicṛdgāyatrī (3, 5); gāyatrī (1); nicṛtpipīlikāmadhyāgāyatrī (2); virāḍgāyatrī (4); nicṛdanuṣṭup (6) 2nd set of styles: gāyatrī (1-5); anuṣṭubh (6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.008.01 (Mandala. Sukta. Rik)
2.5.29.01 (Ashtaka. Adhyaya. Varga. Rik)
02.01.072 (Mandala. Anuvāka. Rik)
Samhita Devanagari Accented
वा॒ज॒यन्नि॑व॒ नू रथा॒न्योगाँ॑ अ॒ग्नेरुप॑ स्तुहि ।
य॒शस्त॑मस्य मी॒ळ्हुषः॑ ॥
Samhita Devanagari Nonaccented
वाजयन्निव नू रथान्योगाँ अग्नेरुप स्तुहि ।
यशस्तमस्य मीळ्हुषः ॥
Samhita Transcription Accented
vājayánniva nū́ ráthānyógām̐ agnérúpa stuhi ǀ
yaśástamasya mīḷhúṣaḥ ǁ
Samhita Transcription Nonaccented
vājayanniva nū rathānyogām̐ agnerupa stuhi ǀ
yaśastamasya mīḷhuṣaḥ ǁ
Padapatha Devanagari Accented
वा॒ज॒यन्ऽइ॑व । नु । रथा॑न् । योगा॑न् । अ॒ग्नेः । उप॑ । स्तु॒हि॒ ।
य॒शःऽत॑मस्य । मी॒ळ्हुषः॑ ॥
Padapatha Devanagari Nonaccented
वाजयन्ऽइव । नु । रथान् । योगान् । अग्नेः । उप । स्तुहि ।
यशःऽतमस्य । मीळ्हुषः ॥
Padapatha Transcription Accented
vājayán-iva ǀ nú ǀ ráthān ǀ yógān ǀ agnéḥ ǀ úpa ǀ stuhi ǀ
yaśáḥ-tamasya ǀ mīḷhúṣaḥ ǁ
Padapatha Transcription Nonaccented
vājayan-iva ǀ nu ǀ rathān ǀ yogān ǀ agneḥ ǀ upa ǀ stuhi ǀ
yaśaḥ-tamasya ǀ mīḷhuṣaḥ ǁ
02.008.02 (Mandala. Sukta. Rik)
2.5.29.02 (Ashtaka. Adhyaya. Varga. Rik)
02.01.073 (Mandala. Anuvāka. Rik)
Samhita Devanagari Accented
यः सु॑नी॒थो द॑दा॒शुषे॑ऽजु॒र्यो ज॒रय॑न्न॒रिं ।
चारु॑प्रतीक॒ आहु॑तः ॥
Samhita Devanagari Nonaccented
यः सुनीथो ददाशुषेऽजुर्यो जरयन्नरिं ।
चारुप्रतीक आहुतः ॥
Samhita Transcription Accented
yáḥ sunīthó dadāśúṣe’juryó jaráyannarím ǀ
cā́rupratīka ā́hutaḥ ǁ
Samhita Transcription Nonaccented
yaḥ sunītho dadāśuṣe’juryo jarayannarim ǀ
cārupratīka āhutaḥ ǁ
Padapatha Devanagari Accented
यः । सु॒ऽनी॒थः । द॒दा॒शुषे॑ । अ॒जु॒र्यः । ज॒रय॑न् । अ॒रिम् ।
चारु॑ऽप्रतीकः । आऽहु॑तः ॥
Padapatha Devanagari Nonaccented
यः । सुऽनीथः । ददाशुषे । अजुर्यः । जरयन् । अरिम् ।
चारुऽप्रतीकः । आऽहुतः ॥
Padapatha Transcription Accented
yáḥ ǀ su-nītháḥ ǀ dadāśúṣe ǀ ajuryáḥ ǀ jaráyan ǀ arím ǀ
cā́ru-pratīkaḥ ǀ ā́-hutaḥ ǁ
Padapatha Transcription Nonaccented
yaḥ ǀ su-nīthaḥ ǀ dadāśuṣe ǀ ajuryaḥ ǀ jarayan ǀ arim ǀ
cāru-pratīkaḥ ǀ ā-hutaḥ ǁ
02.008.03 (Mandala. Sukta. Rik)
2.5.29.03 (Ashtaka. Adhyaya. Varga. Rik)
02.01.074 (Mandala. Anuvāka. Rik)
Samhita Devanagari Accented
य उ॑ श्रि॒या दमे॒ष्वा दो॒षोषसि॑ प्रश॒स्यते॑ ।
यस्य॑ व्र॒तं न मीय॑ते ॥
Samhita Devanagari Nonaccented
य उ श्रिया दमेष्वा दोषोषसि प्रशस्यते ।
यस्य व्रतं न मीयते ॥
Samhita Transcription Accented
yá u śriyā́ dámeṣvā́ doṣóṣási praśasyáte ǀ
yásya vratám ná mī́yate ǁ
Samhita Transcription Nonaccented
ya u śriyā dameṣvā doṣoṣasi praśasyate ǀ
yasya vratam na mīyate ǁ
Padapatha Devanagari Accented
यः । ऊं॒ इति॑ । श्रि॒या । दमे॑षु । आ । दो॒षा । उ॒षसि॑ । प्र॒ऽश॒स्यते॑ ।
यस्य॑ । व्र॒तम् । न । मीय॑ते ॥
Padapatha Devanagari Nonaccented
यः । ऊं इति । श्रिया । दमेषु । आ । दोषा । उषसि । प्रऽशस्यते ।
यस्य । व्रतम् । न । मीयते ॥
Padapatha Transcription Accented
yáḥ ǀ ūṃ íti ǀ śriyā́ ǀ dámeṣu ǀ ā́ ǀ doṣā́ ǀ uṣási ǀ pra-śasyáte ǀ
yásya ǀ vratám ǀ ná ǀ mī́yate ǁ
Padapatha Transcription Nonaccented
yaḥ ǀ ūṃ iti ǀ śriyā ǀ dameṣu ǀ ā ǀ doṣā ǀ uṣasi ǀ pra-śasyate ǀ
yasya ǀ vratam ǀ na ǀ mīyate ǁ
02.008.04 (Mandala. Sukta. Rik)
2.5.29.04 (Ashtaka. Adhyaya. Varga. Rik)
02.01.075 (Mandala. Anuvāka. Rik)
Samhita Devanagari Accented
आ यः स्व१॒॑र्ण भा॒नुना॑ चि॒त्रो वि॒भात्य॒र्चिषा॑ ।
अं॒जा॒नो अ॒जरै॑र॒भि ॥
Samhita Devanagari Nonaccented
आ यः स्वर्ण भानुना चित्रो विभात्यर्चिषा ।
अंजानो अजरैरभि ॥
Samhita Transcription Accented
ā́ yáḥ svárṇá bhānúnā citró vibhā́tyarcíṣā ǀ
añjānó ajárairabhí ǁ
Samhita Transcription Nonaccented
ā yaḥ svarṇa bhānunā citro vibhātyarciṣā ǀ
añjāno ajarairabhi ǁ
Padapatha Devanagari Accented
आ । यः । स्वः॑ । न । भा॒नुना॑ । चि॒त्रः । वि॒ऽभाति॑ । अ॒र्चिषा॑ ।
अ॒ञ्जा॒नः । अ॒जरैः॑ । अ॒भि ॥
Padapatha Devanagari Nonaccented
आ । यः । स्वः । न । भानुना । चित्रः । विऽभाति । अर्चिषा ।
अञ्जानः । अजरैः । अभि ॥
Padapatha Transcription Accented
ā́ ǀ yáḥ ǀ sváḥ ǀ ná ǀ bhānúnā ǀ citráḥ ǀ vi-bhā́ti ǀ arcíṣā ǀ
añjānáḥ ǀ ajáraiḥ ǀ abhí ǁ
Padapatha Transcription Nonaccented
ā ǀ yaḥ ǀ svaḥ ǀ na ǀ bhānunā ǀ citraḥ ǀ vi-bhāti ǀ arciṣā ǀ
añjānaḥ ǀ ajaraiḥ ǀ abhi ǁ
02.008.05 (Mandala. Sukta. Rik)
2.5.29.05 (Ashtaka. Adhyaya. Varga. Rik)
02.01.076 (Mandala. Anuvāka. Rik)
Samhita Devanagari Accented
अत्रि॒मनु॑ स्व॒राज्य॑म॒ग्निमु॒क्थानि॑ वावृधुः ।
विश्वा॒ अधि॒ श्रियो॑ दधे ॥
Samhita Devanagari Nonaccented
अत्रिमनु स्वराज्यमग्निमुक्थानि वावृधुः ।
विश्वा अधि श्रियो दधे ॥
Samhita Transcription Accented
átrimánu svarā́jyamagnímukthā́ni vāvṛdhuḥ ǀ
víśvā ádhi śríyo dadhe ǁ
Samhita Transcription Nonaccented
atrimanu svarājyamagnimukthāni vāvṛdhuḥ ǀ
viśvā adhi śriyo dadhe ǁ
Padapatha Devanagari Accented
अत्रि॑म् । अनु॑ । स्व॒ऽराज्य॑म् । अ॒ग्निम् । उ॒क्थानि॑ । व॒वृ॒धुः॒ ।
विश्वाः॑ । अधि॑ । श्रियः॑ । द॒धे॒ ॥
Padapatha Devanagari Nonaccented
अत्रिम् । अनु । स्वऽराज्यम् । अग्निम् । उक्थानि । ववृधुः ।
विश्वाः । अधि । श्रियः । दधे ॥
Padapatha Transcription Accented
átrim ǀ ánu ǀ sva-rā́jyam ǀ agním ǀ ukthā́ni ǀ vavṛdhuḥ ǀ
víśvāḥ ǀ ádhi ǀ śríyaḥ ǀ dadhe ǁ
Padapatha Transcription Nonaccented
atrim ǀ anu ǀ sva-rājyam ǀ agnim ǀ ukthāni ǀ vavṛdhuḥ ǀ
viśvāḥ ǀ adhi ǀ śriyaḥ ǀ dadhe ǁ
02.008.06 (Mandala. Sukta. Rik)
2.5.29.06 (Ashtaka. Adhyaya. Varga. Rik)
02.01.077 (Mandala. Anuvāka. Rik)
Samhita Devanagari Accented
अ॒ग्नेरिंद्र॑स्य॒ सोम॑स्य दे॒वाना॑मू॒तिभि॑र्व॒यं ।
अरि॑ष्यंतः सचेमह्य॒भि ष्या॑म पृतन्य॒तः ॥
Samhita Devanagari Nonaccented
अग्नेरिंद्रस्य सोमस्य देवानामूतिभिर्वयं ।
अरिष्यंतः सचेमह्यभि ष्याम पृतन्यतः ॥
Samhita Transcription Accented
agnéríndrasya sómasya devā́nāmūtíbhirvayám ǀ
áriṣyantaḥ sacemahyabhí ṣyāma pṛtanyatáḥ ǁ
Samhita Transcription Nonaccented
agnerindrasya somasya devānāmūtibhirvayam ǀ
ariṣyantaḥ sacemahyabhi ṣyāma pṛtanyataḥ ǁ
Padapatha Devanagari Accented
अ॒ग्नेः । इन्द्र॑स्य । सोम॑स्य । दे॒वाना॑म् । ऊ॒तिऽभिः॑ । व॒यम् ।
अरि॑ष्यन्तः । स॒चे॒म॒हि॒ । अ॒भि । स्या॒म॒ । पृ॒त॒न्य॒तः ॥
Padapatha Devanagari Nonaccented
अग्नेः । इन्द्रस्य । सोमस्य । देवानाम् । ऊतिऽभिः । वयम् ।
अरिष्यन्तः । सचेमहि । अभि । स्याम । पृतन्यतः ॥
Padapatha Transcription Accented
agnéḥ ǀ índrasya ǀ sómasya ǀ devā́nām ǀ ūtí-bhiḥ ǀ vayám ǀ
áriṣyantaḥ ǀ sacemahi ǀ abhí ǀ syāma ǀ pṛtanyatáḥ ǁ
Padapatha Transcription Nonaccented
agneḥ ǀ indrasya ǀ somasya ǀ devānām ǀ ūti-bhiḥ ǀ vayam ǀ
ariṣyantaḥ ǀ sacemahi ǀ abhi ǀ syāma ǀ pṛtanyataḥ ǁ