|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 10
|
1. Info |
| To: | agni | |
| From: | gṛtsamada bhārgava śaunaka | |
| Metres: | 1st set of styles: virāṭtrisṭup (1, 2, 6); triṣṭup (3); nicṛttriṣṭup (4); paṅktiḥ (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.010.01 (Mandala. Sukta. Rik)
2.6.02.01 (Ashtaka. Adhyaya. Varga. Rik)
02.01.084 (Mandala. Anuvāka. Rik)
Samhita Devanagari Accented
जो॒हूत्रो॑ अ॒ग्निः प्र॑थ॒मः पि॒तेवे॒ळस्प॒दे मनु॑षा॒ यत्समि॑द्धः ।
श्रियं॒ वसा॑नो अ॒मृतो॒ विचे॑ता मर्मृ॒जेन्यः॑ श्रव॒स्यः१॒॑ स वा॒जी ॥
Samhita Devanagari Nonaccented
जोहूत्रो अग्निः प्रथमः पितेवेळस्पदे मनुषा यत्समिद्धः ।
श्रियं वसानो अमृतो विचेता मर्मृजेन्यः श्रवस्यः स वाजी ॥
Samhita Transcription Accented
johū́tro agníḥ prathamáḥ pitéveḷáspadé mánuṣā yátsámiddhaḥ ǀ
śríyam vásāno amṛ́to vícetā marmṛjényaḥ śravasyáḥ sá vājī́ ǁ
Samhita Transcription Nonaccented
johūtro agniḥ prathamaḥ piteveḷaspade manuṣā yatsamiddhaḥ ǀ
śriyam vasāno amṛto vicetā marmṛjenyaḥ śravasyaḥ sa vājī ǁ
Padapatha Devanagari Accented
जो॒हूत्रः॑ । अ॒ग्निः । प्र॒थ॒मः । पि॒ताऽइ॑व । इ॒ळः । प॒दे । मनु॑षा । यत् । सम्ऽइ॑द्धः ।
श्रिय॑म् । वसा॑नः । अ॒मृतः॑ । विऽचे॑ताः । म॒र्मृ॒जेन्यः॑ । श्र॒व॒स्यः॑ । सः । वा॒जी ॥
Padapatha Devanagari Nonaccented
जोहूत्रः । अग्निः । प्रथमः । पिताऽइव । इळः । पदे । मनुषा । यत् । सम्ऽइद्धः ।
श्रियम् । वसानः । अमृतः । विऽचेताः । मर्मृजेन्यः । श्रवस्यः । सः । वाजी ॥
Padapatha Transcription Accented
johū́traḥ ǀ agníḥ ǀ prathamáḥ ǀ pitā́-iva ǀ iḷáḥ ǀ padé ǀ mánuṣā ǀ yát ǀ sám-iddhaḥ ǀ
śríyam ǀ vásānaḥ ǀ amṛ́taḥ ǀ ví-cetāḥ ǀ marmṛjényaḥ ǀ śravasyáḥ ǀ sáḥ ǀ vājī́ ǁ
Padapatha Transcription Nonaccented
johūtraḥ ǀ agniḥ ǀ prathamaḥ ǀ pitā-iva ǀ iḷaḥ ǀ pade ǀ manuṣā ǀ yat ǀ sam-iddhaḥ ǀ
śriyam ǀ vasānaḥ ǀ amṛtaḥ ǀ vi-cetāḥ ǀ marmṛjenyaḥ ǀ śravasyaḥ ǀ saḥ ǀ vājī ǁ
02.010.02 (Mandala. Sukta. Rik)
2.6.02.02 (Ashtaka. Adhyaya. Varga. Rik)
02.01.085 (Mandala. Anuvāka. Rik)
Samhita Devanagari Accented
श्रू॒या अ॒ग्निश्चि॒त्रभा॑नु॒र्हवं॑ मे॒ विश्वा॑भिर्गी॒र्भिर॒मृतो॒ विचे॑ताः ।
श्या॒वा रथं॑ वहतो॒ रोहि॑ता वो॒तारु॒षाह॑ चक्रे॒ विभृ॑त्रः ॥
Samhita Devanagari Nonaccented
श्रूया अग्निश्चित्रभानुर्हवं मे विश्वाभिर्गीर्भिरमृतो विचेताः ।
श्यावा रथं वहतो रोहिता वोतारुषाह चक्रे विभृत्रः ॥
Samhita Transcription Accented
śrūyā́ agníścitrábhānurhávam me víśvābhirgīrbhíramṛ́to vícetāḥ ǀ
śyāvā́ rátham vahato róhitā votā́ruṣā́ha cakre víbhṛtraḥ ǁ
Samhita Transcription Nonaccented
śrūyā agniścitrabhānurhavam me viśvābhirgīrbhiramṛto vicetāḥ ǀ
śyāvā ratham vahato rohitā votāruṣāha cakre vibhṛtraḥ ǁ
Padapatha Devanagari Accented
श्रु॒याः । अ॒ग्निः । चि॒त्रऽभा॑नुः । हव॑म् । मे॒ । विश्वा॑भिः । गीः॒ऽभिः । अ॒मृतः॑ । विऽचे॑ताः ।
श्या॒वा । रथ॑म् । व॒ह॒तः॒ । रोहि॑ता । वा॒ । उ॒त । अ॒रु॒षा । अह॑ । च॒क्रे॒ । विऽभृ॑त्रः ॥
Padapatha Devanagari Nonaccented
श्रुयाः । अग्निः । चित्रऽभानुः । हवम् । मे । विश्वाभिः । गीःऽभिः । अमृतः । विऽचेताः ।
श्यावा । रथम् । वहतः । रोहिता । वा । उत । अरुषा । अह । चक्रे । विऽभृत्रः ॥
Padapatha Transcription Accented
śruyā́ḥ ǀ agníḥ ǀ citrá-bhānuḥ ǀ hávam ǀ me ǀ víśvābhiḥ ǀ gīḥ-bhíḥ ǀ amṛ́taḥ ǀ ví-cetāḥ ǀ
śyāvā́ ǀ rátham ǀ vahataḥ ǀ róhitā ǀ vā ǀ utá ǀ aruṣā́ ǀ áha ǀ cakre ǀ ví-bhṛtraḥ ǁ
Padapatha Transcription Nonaccented
śruyāḥ ǀ agniḥ ǀ citra-bhānuḥ ǀ havam ǀ me ǀ viśvābhiḥ ǀ gīḥ-bhiḥ ǀ amṛtaḥ ǀ vi-cetāḥ ǀ
śyāvā ǀ ratham ǀ vahataḥ ǀ rohitā ǀ vā ǀ uta ǀ aruṣā ǀ aha ǀ cakre ǀ vi-bhṛtraḥ ǁ
02.010.03 (Mandala. Sukta. Rik)
2.6.02.03 (Ashtaka. Adhyaya. Varga. Rik)
02.01.086 (Mandala. Anuvāka. Rik)
Samhita Devanagari Accented
उ॒त्ता॒नाया॑मजनय॒न्त्सुषू॑तं॒ भुव॑द॒ग्निः पु॑रु॒पेशा॑सु॒ गर्भः॑ ।
शिरि॑णायां चिद॒क्तुना॒ महो॑भि॒रप॑रीवृतो वसति॒ प्रचे॑ताः ॥
Samhita Devanagari Nonaccented
उत्तानायामजनयन्त्सुषूतं भुवदग्निः पुरुपेशासु गर्भः ।
शिरिणायां चिदक्तुना महोभिरपरीवृतो वसति प्रचेताः ॥
Samhita Transcription Accented
uttānā́yāmajanayantsúṣūtam bhúvadagníḥ purupéśāsu gárbhaḥ ǀ
śíriṇāyām cidaktúnā máhobhiráparīvṛto vasati prácetāḥ ǁ
Samhita Transcription Nonaccented
uttānāyāmajanayantsuṣūtam bhuvadagniḥ purupeśāsu garbhaḥ ǀ
śiriṇāyām cidaktunā mahobhiraparīvṛto vasati pracetāḥ ǁ
Padapatha Devanagari Accented
उ॒त्ता॒नाया॑म् । अ॒ज॒न॒य॒न् । सुऽसू॑तम् । भुव॑त् । अ॒ग्निः । पु॒रु॒ऽपेशा॑सु । गर्भः॑ ।
शिरि॑णायाम् । चि॒त् । अ॒क्तुना॑ । महः॑ऽभिः । अप॑रिऽवृतः । व॒स॒ति॒ । प्रऽचे॑ताः ॥
Padapatha Devanagari Nonaccented
उत्तानायाम् । अजनयन् । सुऽसूतम् । भुवत् । अग्निः । पुरुऽपेशासु । गर्भः ।
शिरिणायाम् । चित् । अक्तुना । महःऽभिः । अपरिऽवृतः । वसति । प्रऽचेताः ॥
Padapatha Transcription Accented
uttānā́yām ǀ ajanayan ǀ sú-sūtam ǀ bhúvat ǀ agníḥ ǀ puru-péśāsu ǀ gárbhaḥ ǀ
śíriṇāyām ǀ cit ǀ aktúnā ǀ máhaḥ-bhiḥ ǀ ápari-vṛtaḥ ǀ vasati ǀ prá-cetāḥ ǁ
Padapatha Transcription Nonaccented
uttānāyām ǀ ajanayan ǀ su-sūtam ǀ bhuvat ǀ agniḥ ǀ puru-peśāsu ǀ garbhaḥ ǀ
śiriṇāyām ǀ cit ǀ aktunā ǀ mahaḥ-bhiḥ ǀ apari-vṛtaḥ ǀ vasati ǀ pra-cetāḥ ǁ
02.010.04 (Mandala. Sukta. Rik)
2.6.02.04 (Ashtaka. Adhyaya. Varga. Rik)
02.01.087 (Mandala. Anuvāka. Rik)
Samhita Devanagari Accented
जिघ॑र्म्य॒ग्निं ह॒विषा॑ घृ॒तेन॑ प्रतिक्षि॒यंतं॒ भुव॑नानि॒ विश्वा॑ ।
पृ॒थुं ति॑र॒श्चा वय॑सा बृ॒हंतं॒ व्यचि॑ष्ठ॒मन्नै॑ रभ॒सं दृशा॑नं ॥
Samhita Devanagari Nonaccented
जिघर्म्यग्निं हविषा घृतेन प्रतिक्षियंतं भुवनानि विश्वा ।
पृथुं तिरश्चा वयसा बृहंतं व्यचिष्ठमन्नै रभसं दृशानं ॥
Samhita Transcription Accented
jígharmyagním havíṣā ghṛténa pratikṣiyántam bhúvanāni víśvā ǀ
pṛthúm tiraścā́ váyasā bṛhántam vyáciṣṭhamánnai rabhasám dṛ́śānam ǁ
Samhita Transcription Nonaccented
jigharmyagnim haviṣā ghṛtena pratikṣiyantam bhuvanāni viśvā ǀ
pṛthum tiraścā vayasā bṛhantam vyaciṣṭhamannai rabhasam dṛśānam ǁ
Padapatha Devanagari Accented
जिघ॑र्मि । अ॒ग्निम् । ह॒विषा॑ । घृ॒तेन॑ । प्र॒ति॒ऽक्षि॒यन्त॑म् । भुव॑नानि । विश्वा॑ ।
पृ॒थुम् । ति॒र॒श्चा । वय॑सा । बृ॒हन्त॑म् । व्यचि॑ष्ठम् । अन्नैः॑ । र॒भ॒सम् । दृशा॑नम् ॥
Padapatha Devanagari Nonaccented
जिघर्मि । अग्निम् । हविषा । घृतेन । प्रतिऽक्षियन्तम् । भुवनानि । विश्वा ।
पृथुम् । तिरश्चा । वयसा । बृहन्तम् । व्यचिष्ठम् । अन्नैः । रभसम् । दृशानम् ॥
Padapatha Transcription Accented
jígharmi ǀ agním ǀ havíṣā ǀ ghṛténa ǀ prati-kṣiyántam ǀ bhúvanāni ǀ víśvā ǀ
pṛthúm ǀ tiraścā́ ǀ váyasā ǀ bṛhántam ǀ vyáciṣṭham ǀ ánnaiḥ ǀ rabhasám ǀ dṛ́śānam ǁ
Padapatha Transcription Nonaccented
jigharmi ǀ agnim ǀ haviṣā ǀ ghṛtena ǀ prati-kṣiyantam ǀ bhuvanāni ǀ viśvā ǀ
pṛthum ǀ tiraścā ǀ vayasā ǀ bṛhantam ǀ vyaciṣṭham ǀ annaiḥ ǀ rabhasam ǀ dṛśānam ǁ
02.010.05 (Mandala. Sukta. Rik)
2.6.02.05 (Ashtaka. Adhyaya. Varga. Rik)
02.01.088 (Mandala. Anuvāka. Rik)
Samhita Devanagari Accented
आ वि॒श्वतः॑ प्र॒त्यंचं॑ जिघर्म्यर॒क्षसा॒ मन॑सा॒ तज्जु॑षेत ।
मर्य॑श्रीः स्पृह॒यद्व॑र्णो अ॒ग्निर्नाभि॒मृशे॑ त॒न्वा॒३॒॑ जर्भु॑राणः ॥
Samhita Devanagari Nonaccented
आ विश्वतः प्रत्यंचं जिघर्म्यरक्षसा मनसा तज्जुषेत ।
मर्यश्रीः स्पृहयद्वर्णो अग्निर्नाभिमृशे तन्वा जर्भुराणः ॥
Samhita Transcription Accented
ā́ viśvátaḥ pratyáñcam jigharmyarakṣásā mánasā tájjuṣeta ǀ
máryaśrīḥ spṛhayádvarṇo agnírnā́bhimṛ́śe tanvā́ járbhurāṇaḥ ǁ
Samhita Transcription Nonaccented
ā viśvataḥ pratyañcam jigharmyarakṣasā manasā tajjuṣeta ǀ
maryaśrīḥ spṛhayadvarṇo agnirnābhimṛśe tanvā jarbhurāṇaḥ ǁ
Padapatha Devanagari Accented
आ । वि॒श्वतः॑ । प्र॒त्यञ्च॑म् । जि॒घ॒र्मि॒ । अ॒र॒क्षसा॑ । मन॑सा । तत् । जु॒षे॒त॒ ।
मर्य॑ऽश्रीः । स्पृ॒ह॒यत्ऽव॑र्णः । अ॒ग्निः । न । अ॒भि॒ऽमृशे॑ । त॒न्वा॑ । जर्भु॑राणः ॥
Padapatha Devanagari Nonaccented
आ । विश्वतः । प्रत्यञ्चम् । जिघर्मि । अरक्षसा । मनसा । तत् । जुषेत ।
मर्यऽश्रीः । स्पृहयत्ऽवर्णः । अग्निः । न । अभिऽमृशे । तन्वा । जर्भुराणः ॥
Padapatha Transcription Accented
ā́ ǀ viśvátaḥ ǀ pratyáñcam ǀ jigharmi ǀ arakṣásā ǀ mánasā ǀ tát ǀ juṣeta ǀ
márya-śrīḥ ǀ spṛhayát-varṇaḥ ǀ agníḥ ǀ ná ǀ abhi-mṛ́śe ǀ tanvā́ ǀ járbhurāṇaḥ ǁ
Padapatha Transcription Nonaccented
ā ǀ viśvataḥ ǀ pratyañcam ǀ jigharmi ǀ arakṣasā ǀ manasā ǀ tat ǀ juṣeta ǀ
marya-śrīḥ ǀ spṛhayat-varṇaḥ ǀ agniḥ ǀ na ǀ abhi-mṛśe ǀ tanvā ǀ jarbhurāṇaḥ ǁ
02.010.06 (Mandala. Sukta. Rik)
2.6.02.06 (Ashtaka. Adhyaya. Varga. Rik)
02.01.089 (Mandala. Anuvāka. Rik)
Samhita Devanagari Accented
ज्ञे॒या भा॒गं स॑हसा॒नो वरे॑ण॒ त्वादू॑तासो मनु॒वद्व॑देम ।
अनू॑नम॒ग्निं जु॒ह्वा॑ वच॒स्या म॑धु॒पृचं॑ धन॒सा जो॑हवीमि ॥
Samhita Devanagari Nonaccented
ज्ञेया भागं सहसानो वरेण त्वादूतासो मनुवद्वदेम ।
अनूनमग्निं जुह्वा वचस्या मधुपृचं धनसा जोहवीमि ॥
Samhita Transcription Accented
jñeyā́ bhāgám sahasānó váreṇa tvā́dūtāso manuvádvadema ǀ
ánūnamagním juhvā́ vacasyā́ madhupṛ́cam dhanasā́ johavīmi ǁ
Samhita Transcription Nonaccented
jñeyā bhāgam sahasāno vareṇa tvādūtāso manuvadvadema ǀ
anūnamagnim juhvā vacasyā madhupṛcam dhanasā johavīmi ǁ
Padapatha Devanagari Accented
ज्ञे॒याः । भा॒गम् । स॒ह॒सा॒नः । वरे॑ण । त्वाऽदू॑तासः । म॒नु॒ऽवत् । व॒दे॒म॒ ।
अनू॑नम् । अ॒ग्निम् । जु॒ह्वा॑ । व॒च॒स्या । म॒धु॒ऽपृच॑म् । ध॒न॒ऽसाः । जो॒ह॒वी॒मि॒ ॥
Padapatha Devanagari Nonaccented
ज्ञेयाः । भागम् । सहसानः । वरेण । त्वाऽदूतासः । मनुऽवत् । वदेम ।
अनूनम् । अग्निम् । जुह्वा । वचस्या । मधुऽपृचम् । धनऽसाः । जोहवीमि ॥
Padapatha Transcription Accented
jñeyā́ḥ ǀ bhāgám ǀ sahasānáḥ ǀ váreṇa ǀ tvā́-dūtāsaḥ ǀ manu-vát ǀ vadema ǀ
ánūnam ǀ agním ǀ juhvā́ ǀ vacasyā́ ǀ madhu-pṛ́cam ǀ dhana-sā́ḥ ǀ johavīmi ǁ
Padapatha Transcription Nonaccented
jñeyāḥ ǀ bhāgam ǀ sahasānaḥ ǀ vareṇa ǀ tvā-dūtāsaḥ ǀ manu-vat ǀ vadema ǀ
anūnam ǀ agnim ǀ juhvā ǀ vacasyā ǀ madhu-pṛcam ǀ dhana-sāḥ ǀ johavīmi ǁ