|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 19
|
1. Info |
| To: | indra | |
| From: | gṛtsamada bhārgava śaunaka | |
| Metres: | 1st set of styles: virāṭtrisṭup (1, 2, 6, 8); bhurikpaṅkti (4, 7); paṅktiḥ (3); nicṛtpaṅkti (5); triṣṭup (9) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.019.01 (Mandala. Sukta. Rik)
2.6.23.01 (Ashtaka. Adhyaya. Varga. Rik)
02.02.078 (Mandala. Anuvāka. Rik)
Samhita Devanagari Accented
अपा॑य्य॒स्यांध॑सो॒ मदा॑य॒ मनी॑षिणः सुवा॒नस्य॒ प्रय॑सः ।
यस्मि॒न्निंद्रः॑ प्र॒दिवि॑ वावृधा॒न ओको॑ द॒धे ब्र॑ह्म॒ण्यंत॑श्च॒ नरः॑ ॥
Samhita Devanagari Nonaccented
अपाय्यस्यांधसो मदाय मनीषिणः सुवानस्य प्रयसः ।
यस्मिन्निंद्रः प्रदिवि वावृधान ओको दधे ब्रह्मण्यंतश्च नरः ॥
Samhita Transcription Accented
ápāyyasyā́ndhaso mádāya mánīṣiṇaḥ suvānásya práyasaḥ ǀ
yásminníndraḥ pradívi vāvṛdhāná óko dadhé brahmaṇyántaśca náraḥ ǁ
Samhita Transcription Nonaccented
apāyyasyāndhaso madāya manīṣiṇaḥ suvānasya prayasaḥ ǀ
yasminnindraḥ pradivi vāvṛdhāna oko dadhe brahmaṇyantaśca naraḥ ǁ
Padapatha Devanagari Accented
अपा॑यि । अ॒स्य । अन्ध॑सः । मदा॑य । मनी॑षिणः । सु॒वा॒नस्य॑ । प्रय॑सः ।
यस्मि॑न् । इन्द्रः॑ । प्र॒ऽदिवि॑ । व॒वृ॒धा॒नः । ओकः॑ । द॒धे । ब्र॒ह्म॒ण्यन्तः॑ । च॒ । नरः॑ ॥
Padapatha Devanagari Nonaccented
अपायि । अस्य । अन्धसः । मदाय । मनीषिणः । सुवानस्य । प्रयसः ।
यस्मिन् । इन्द्रः । प्रऽदिवि । ववृधानः । ओकः । दधे । ब्रह्मण्यन्तः । च । नरः ॥
Padapatha Transcription Accented
ápāyi ǀ asyá ǀ ándhasaḥ ǀ mádāya ǀ mánīṣiṇaḥ ǀ suvānásya ǀ práyasaḥ ǀ
yásmin ǀ índraḥ ǀ pra-dívi ǀ vavṛdhānáḥ ǀ ókaḥ ǀ dadhé ǀ brahmaṇyántaḥ ǀ ca ǀ náraḥ ǁ
Padapatha Transcription Nonaccented
apāyi ǀ asya ǀ andhasaḥ ǀ madāya ǀ manīṣiṇaḥ ǀ suvānasya ǀ prayasaḥ ǀ
yasmin ǀ indraḥ ǀ pra-divi ǀ vavṛdhānaḥ ǀ okaḥ ǀ dadhe ǀ brahmaṇyantaḥ ǀ ca ǀ naraḥ ǁ
02.019.02 (Mandala. Sukta. Rik)
2.6.23.02 (Ashtaka. Adhyaya. Varga. Rik)
02.02.079 (Mandala. Anuvāka. Rik)
Samhita Devanagari Accented
अ॒स्य मं॑दा॒नो मध्वो॒ वज्र॑ह॒स्तोऽहि॒मिंद्रो॑ अर्णो॒वृतं॒ वि वृ॑श्चत् ।
प्र यद्वयो॒ न स्वस॑रा॒ण्यच्छा॒ प्रयां॑सि च न॒दीनां॒ चक्र॑मंत ॥
Samhita Devanagari Nonaccented
अस्य मंदानो मध्वो वज्रहस्तोऽहिमिंद्रो अर्णोवृतं वि वृश्चत् ।
प्र यद्वयो न स्वसराण्यच्छा प्रयांसि च नदीनां चक्रमंत ॥
Samhita Transcription Accented
asyá mandānó mádhvo vájrahastó’himíndro arṇovṛ́tam ví vṛścat ǀ
prá yádváyo ná svásarāṇyácchā práyāṃsi ca nadī́nām cákramanta ǁ
Samhita Transcription Nonaccented
asya mandāno madhvo vajrahasto’himindro arṇovṛtam vi vṛścat ǀ
pra yadvayo na svasarāṇyacchā prayāṃsi ca nadīnām cakramanta ǁ
Padapatha Devanagari Accented
अ॒स्य । म॒न्दा॒नः । मध्वः॑ । वज्र॑ऽहस्तः । अहि॑म् । इन्द्रः॑ । अ॒र्णः॒ऽवृत॑म् । वि । वृ॒श्च॒त् ।
प्र । यत् । वयः॑ । न । स्वस॑राणि । अच्छ॑ । प्रयां॑सि । च॒ । न॒दीना॑म् । चक्र॑मन्त ॥
Padapatha Devanagari Nonaccented
अस्य । मन्दानः । मध्वः । वज्रऽहस्तः । अहिम् । इन्द्रः । अर्णःऽवृतम् । वि । वृश्चत् ।
प्र । यत् । वयः । न । स्वसराणि । अच्छ । प्रयांसि । च । नदीनाम् । चक्रमन्त ॥
Padapatha Transcription Accented
asyá ǀ mandānáḥ ǀ mádhvaḥ ǀ vájra-hastaḥ ǀ áhim ǀ índraḥ ǀ arṇaḥ-vṛ́tam ǀ ví ǀ vṛścat ǀ
prá ǀ yát ǀ váyaḥ ǀ ná ǀ svásarāṇi ǀ áccha ǀ práyāṃsi ǀ ca ǀ nadī́nām ǀ cákramanta ǁ
Padapatha Transcription Nonaccented
asya ǀ mandānaḥ ǀ madhvaḥ ǀ vajra-hastaḥ ǀ ahim ǀ indraḥ ǀ arṇaḥ-vṛtam ǀ vi ǀ vṛścat ǀ
pra ǀ yat ǀ vayaḥ ǀ na ǀ svasarāṇi ǀ accha ǀ prayāṃsi ǀ ca ǀ nadīnām ǀ cakramanta ǁ
02.019.03 (Mandala. Sukta. Rik)
2.6.23.03 (Ashtaka. Adhyaya. Varga. Rik)
02.02.080 (Mandala. Anuvāka. Rik)
Samhita Devanagari Accented
स माहि॑न॒ इंद्रो॒ अर्णो॑ अ॒पां प्रैर॑यदहि॒हाच्छा॑ समु॒द्रं ।
अज॑नय॒त्सूर्यं॑ वि॒दद्गा अ॒क्तुनाह्नां॑ व॒युना॑नि साधत् ॥
Samhita Devanagari Nonaccented
स माहिन इंद्रो अर्णो अपां प्रैरयदहिहाच्छा समुद्रं ।
अजनयत्सूर्यं विदद्गा अक्तुनाह्नां वयुनानि साधत् ॥
Samhita Transcription Accented
sá mā́hina índro árṇo apā́m práirayadahihā́cchā samudrám ǀ
ájanayatsū́ryam vidádgā́ aktúnā́hnām vayúnāni sādhat ǁ
Samhita Transcription Nonaccented
sa māhina indro arṇo apām prairayadahihācchā samudram ǀ
ajanayatsūryam vidadgā aktunāhnām vayunāni sādhat ǁ
Padapatha Devanagari Accented
सः । माहि॑नः । इन्द्रः॑ । अर्णः॑ । अ॒पाम् । प्र । ऐ॒र॒य॒त् । अ॒हि॒ऽहा । अच्छ॑ । स॒मु॒द्रम् ।
अज॑नयत् । सूर्य॑म् । वि॒दत् । गाः । अ॒क्तुना॑ । अह्ना॑म् । व॒युना॑नि । सा॒ध॒त् ॥
Padapatha Devanagari Nonaccented
सः । माहिनः । इन्द्रः । अर्णः । अपाम् । प्र । ऐरयत् । अहिऽहा । अच्छ । समुद्रम् ।
अजनयत् । सूर्यम् । विदत् । गाः । अक्तुना । अह्नाम् । वयुनानि । साधत् ॥
Padapatha Transcription Accented
sáḥ ǀ mā́hinaḥ ǀ índraḥ ǀ árṇaḥ ǀ apā́m ǀ prá ǀ airayat ǀ ahi-hā́ ǀ áccha ǀ samudrám ǀ
ájanayat ǀ sū́ryam ǀ vidát ǀ gā́ḥ ǀ aktúnā ǀ áhnām ǀ vayúnāni ǀ sādhat ǁ
Padapatha Transcription Nonaccented
saḥ ǀ māhinaḥ ǀ indraḥ ǀ arṇaḥ ǀ apām ǀ pra ǀ airayat ǀ ahi-hā ǀ accha ǀ samudram ǀ
ajanayat ǀ sūryam ǀ vidat ǀ gāḥ ǀ aktunā ǀ ahnām ǀ vayunāni ǀ sādhat ǁ
02.019.04 (Mandala. Sukta. Rik)
2.6.23.04 (Ashtaka. Adhyaya. Varga. Rik)
02.02.081 (Mandala. Anuvāka. Rik)
Samhita Devanagari Accented
सो अ॑प्र॒तीनि॒ मन॑वे पु॒रूणींद्रो॑ दाशद्दा॒शुषे॒ हंति॑ वृ॒त्रं ।
स॒द्यो यो नृभ्यो॑ अत॒साय्यो॒ भूत्प॑स्पृधा॒नेभ्यः॒ सूर्य॑स्य सा॒तौ ॥
Samhita Devanagari Nonaccented
सो अप्रतीनि मनवे पुरूणींद्रो दाशद्दाशुषे हंति वृत्रं ।
सद्यो यो नृभ्यो अतसाय्यो भूत्पस्पृधानेभ्यः सूर्यस्य सातौ ॥
Samhita Transcription Accented
só apratī́ni mánave purū́ṇī́ndro dāśaddāśúṣe hánti vṛtrám ǀ
sadyó yó nṛ́bhyo atasā́yyo bhū́tpaspṛdhānébhyaḥ sū́ryasya sātáu ǁ
Samhita Transcription Nonaccented
so apratīni manave purūṇīndro dāśaddāśuṣe hanti vṛtram ǀ
sadyo yo nṛbhyo atasāyyo bhūtpaspṛdhānebhyaḥ sūryasya sātau ǁ
Padapatha Devanagari Accented
सः । अ॒प्र॒तीनि॑ । मन॑वे । पु॒रूणि॑ । इन्द्रः॑ । दा॒श॒त् । दा॒शुषे॑ । हन्ति॑ । वृ॒त्रम् ।
स॒द्यः । यः । नृऽभ्यः॑ । अ॒त॒साय्यः॑ । भूत् । प॒स्पृ॒धा॒नेभ्यः॑ । सूर्य॑स्य । सा॒तौ ॥
Padapatha Devanagari Nonaccented
सः । अप्रतीनि । मनवे । पुरूणि । इन्द्रः । दाशत् । दाशुषे । हन्ति । वृत्रम् ।
सद्यः । यः । नृऽभ्यः । अतसाय्यः । भूत् । पस्पृधानेभ्यः । सूर्यस्य । सातौ ॥
Padapatha Transcription Accented
sáḥ ǀ apratī́ni ǀ mánave ǀ purū́ṇi ǀ índraḥ ǀ dāśat ǀ dāśúṣe ǀ hánti ǀ vṛtrám ǀ
sadyáḥ ǀ yáḥ ǀ nṛ́-bhyaḥ ǀ atasā́yyaḥ ǀ bhū́t ǀ paspṛdhānébhyaḥ ǀ sū́ryasya ǀ sātáu ǁ
Padapatha Transcription Nonaccented
saḥ ǀ apratīni ǀ manave ǀ purūṇi ǀ indraḥ ǀ dāśat ǀ dāśuṣe ǀ hanti ǀ vṛtram ǀ
sadyaḥ ǀ yaḥ ǀ nṛ-bhyaḥ ǀ atasāyyaḥ ǀ bhūt ǀ paspṛdhānebhyaḥ ǀ sūryasya ǀ sātau ǁ
02.019.05 (Mandala. Sukta. Rik)
2.6.23.05 (Ashtaka. Adhyaya. Varga. Rik)
02.02.082 (Mandala. Anuvāka. Rik)
Samhita Devanagari Accented
स सु॑न्व॒त इंद्रः॒ सूर्य॒मा दे॒वो रि॑ण॒ङ्मर्त्या॑य स्त॒वान् ।
आ यद्र॒यिं गु॒हद॑वद्यमस्मै॒ भर॒दंशं॒ नैत॑शो दश॒स्यन् ॥
Samhita Devanagari Nonaccented
स सुन्वत इंद्रः सूर्यमा देवो रिणङ्मर्त्याय स्तवान् ।
आ यद्रयिं गुहदवद्यमस्मै भरदंशं नैतशो दशस्यन् ॥
Samhita Transcription Accented
sá sunvatá índraḥ sū́ryamā́ devó riṇaṅmártyāya stavā́n ǀ
ā́ yádrayím guhádavadyamasmai bháradáṃśam náitaśo daśasyán ǁ
Samhita Transcription Nonaccented
sa sunvata indraḥ sūryamā devo riṇaṅmartyāya stavān ǀ
ā yadrayim guhadavadyamasmai bharadaṃśam naitaśo daśasyan ǁ
Padapatha Devanagari Accented
सः । सु॒न्व॒ते । इन्द्रः॑ । सूर्य॑म् । आ । दे॒वः । रि॒ण॒क् । मर्त्या॑य । स्त॒वान् ।
आ । यत् । र॒यिम् । गु॒हत्ऽअ॑वद्यम् । अ॒स्मै॒ । भर॑त् । अंश॑म् । न । एत॑शः । द॒श॒स्यन् ॥
Padapatha Devanagari Nonaccented
सः । सुन्वते । इन्द्रः । सूर्यम् । आ । देवः । रिणक् । मर्त्याय । स्तवान् ।
आ । यत् । रयिम् । गुहत्ऽअवद्यम् । अस्मै । भरत् । अंशम् । न । एतशः । दशस्यन् ॥
Padapatha Transcription Accented
sáḥ ǀ sunvaté ǀ índraḥ ǀ sū́ryam ǀ ā́ ǀ deváḥ ǀ riṇak ǀ mártyāya ǀ stavā́n ǀ
ā́ ǀ yát ǀ rayím ǀ guhát-avadyam ǀ asmai ǀ bhárat ǀ áṃśam ǀ ná ǀ étaśaḥ ǀ daśasyán ǁ
Padapatha Transcription Nonaccented
saḥ ǀ sunvate ǀ indraḥ ǀ sūryam ǀ ā ǀ devaḥ ǀ riṇak ǀ martyāya ǀ stavān ǀ
ā ǀ yat ǀ rayim ǀ guhat-avadyam ǀ asmai ǀ bharat ǀ aṃśam ǀ na ǀ etaśaḥ ǀ daśasyan ǁ
02.019.06 (Mandala. Sukta. Rik)
2.6.24.01 (Ashtaka. Adhyaya. Varga. Rik)
02.02.083 (Mandala. Anuvāka. Rik)
Samhita Devanagari Accented
स रं॑धयत्स॒दिवः॒ सार॑थये॒ शुष्ण॑म॒शुषं॒ कुय॑वं॒ कुत्सा॑य ।
दिवो॑दासाय नव॒तिं च॒ नवेंद्रः॒ पुरो॒ व्यै॑र॒च्छंब॑रस्य ॥
Samhita Devanagari Nonaccented
स रंधयत्सदिवः सारथये शुष्णमशुषं कुयवं कुत्साय ।
दिवोदासाय नवतिं च नवेंद्रः पुरो व्यैरच्छंबरस्य ॥
Samhita Transcription Accented
sá randhayatsadívaḥ sā́rathaye śúṣṇamaśúṣam kúyavam kútsāya ǀ
dívodāsāya navatím ca návéndraḥ púro vyáiracchámbarasya ǁ
Samhita Transcription Nonaccented
sa randhayatsadivaḥ sārathaye śuṣṇamaśuṣam kuyavam kutsāya ǀ
divodāsāya navatim ca navendraḥ puro vyairacchambarasya ǁ
Padapatha Devanagari Accented
सः । र॒न्ध॒य॒त् । स॒ऽदिवः॑ । सार॑थये । शुष्ण॑म् । अ॒शुष॑म् । कुय॑वम् । कुत्सा॑य ।
दिवः॑ऽदासाय । न॒व॒तिम् । च॒ । नव॑ । इन्द्रः॑ । पुरः॑ । वि । ऐ॒र॒त् । शम्ब॑रस्य ॥
Padapatha Devanagari Nonaccented
सः । रन्धयत् । सऽदिवः । सारथये । शुष्णम् । अशुषम् । कुयवम् । कुत्साय ।
दिवःऽदासाय । नवतिम् । च । नव । इन्द्रः । पुरः । वि । ऐरत् । शम्बरस्य ॥
Padapatha Transcription Accented
sáḥ ǀ randhayat ǀ sa-dívaḥ ǀ sā́rathaye ǀ śúṣṇam ǀ aśúṣam ǀ kúyavam ǀ kútsāya ǀ
dívaḥ-dāsāya ǀ navatím ǀ ca ǀ náva ǀ índraḥ ǀ púraḥ ǀ ví ǀ airat ǀ śámbarasya ǁ
Padapatha Transcription Nonaccented
saḥ ǀ randhayat ǀ sa-divaḥ ǀ sārathaye ǀ śuṣṇam ǀ aśuṣam ǀ kuyavam ǀ kutsāya ǀ
divaḥ-dāsāya ǀ navatim ǀ ca ǀ nava ǀ indraḥ ǀ puraḥ ǀ vi ǀ airat ǀ śambarasya ǁ
02.019.07 (Mandala. Sukta. Rik)
2.6.24.02 (Ashtaka. Adhyaya. Varga. Rik)
02.02.084 (Mandala. Anuvāka. Rik)
Samhita Devanagari Accented
ए॒वा त॑ इंद्रो॒चथ॑महेम श्रव॒स्या न त्मना॑ वा॒जयं॑तः ।
अ॒श्याम॒ तत्साप्त॑माशुषा॒णा न॒नमो॒ वध॒रदे॑वस्य पी॒योः ॥
Samhita Devanagari Nonaccented
एवा त इंद्रोचथमहेम श्रवस्या न त्मना वाजयंतः ।
अश्याम तत्साप्तमाशुषाणा ननमो वधरदेवस्य पीयोः ॥
Samhita Transcription Accented
evā́ ta indrocáthamahema śravasyā́ ná tmánā vājáyantaḥ ǀ
aśyā́ma tátsā́ptamāśuṣāṇā́ nanámo vádharádevasya pīyóḥ ǁ
Samhita Transcription Nonaccented
evā ta indrocathamahema śravasyā na tmanā vājayantaḥ ǀ
aśyāma tatsāptamāśuṣāṇā nanamo vadharadevasya pīyoḥ ǁ
Padapatha Devanagari Accented
ए॒व । ते॒ । इ॒न्द्र॒ । उ॒चथ॑म् । अ॒हे॒म॒ । श्र॒व॒स्या । न । त्मना॑ । वा॒जय॑न्तः ।
अ॒श्याम॑ । तत् । साप्त॑म् । आ॒शु॒षा॒णाः । न॒नमः॑ । वधः॑ । अदे॑वस्य । पी॒योः ॥
Padapatha Devanagari Nonaccented
एव । ते । इन्द्र । उचथम् । अहेम । श्रवस्या । न । त्मना । वाजयन्तः ।
अश्याम । तत् । साप्तम् । आशुषाणाः । ननमः । वधः । अदेवस्य । पीयोः ॥
Padapatha Transcription Accented
evá ǀ te ǀ indra ǀ ucátham ǀ ahema ǀ śravasyā́ ǀ ná ǀ tmánā ǀ vājáyantaḥ ǀ
aśyā́ma ǀ tát ǀ sā́ptam ǀ āśuṣāṇā́ḥ ǀ nanámaḥ ǀ vádhaḥ ǀ ádevasya ǀ pīyóḥ ǁ
Padapatha Transcription Nonaccented
eva ǀ te ǀ indra ǀ ucatham ǀ ahema ǀ śravasyā ǀ na ǀ tmanā ǀ vājayantaḥ ǀ
aśyāma ǀ tat ǀ sāptam ǀ āśuṣāṇāḥ ǀ nanamaḥ ǀ vadhaḥ ǀ adevasya ǀ pīyoḥ ǁ
02.019.08 (Mandala. Sukta. Rik)
2.6.24.03 (Ashtaka. Adhyaya. Varga. Rik)
02.02.085 (Mandala. Anuvāka. Rik)
Samhita Devanagari Accented
ए॒वा ते॑ गृत्सम॒दाः शू॑र॒ मन्मा॑व॒स्यवो॒ न व॒युना॑नि तक्षुः ।
ब्र॒ह्म॒ण्यंत॑ इंद्र ते॒ नवी॑य॒ इष॒मूर्जं॑ सुक्षि॒तिं सु॒म्नम॑श्युः ॥
Samhita Devanagari Nonaccented
एवा ते गृत्समदाः शूर मन्मावस्यवो न वयुनानि तक्षुः ।
ब्रह्मण्यंत इंद्र ते नवीय इषमूर्जं सुक्षितिं सुम्नमश्युः ॥
Samhita Transcription Accented
evā́ te gṛtsamadā́ḥ śūra mánmāvasyávo ná vayúnāni takṣuḥ ǀ
brahmaṇyánta indra te návīya íṣamū́rjam sukṣitím sumnámaśyuḥ ǁ
Samhita Transcription Nonaccented
evā te gṛtsamadāḥ śūra manmāvasyavo na vayunāni takṣuḥ ǀ
brahmaṇyanta indra te navīya iṣamūrjam sukṣitim sumnamaśyuḥ ǁ
Padapatha Devanagari Accented
ए॒व । ते॒ । गृ॒त्स॒ऽम॒दाः । शू॒र॒ । मन्म॑ । अ॒व॒स्यवः॑ । न । व॒युना॑नि । त॒क्षुः॒ ।
ब्र॒ह्म॒ण्यन्तः॑ । इ॒न्द्र॒ । ते॒ । नवी॑यः । इष॑म् । ऊर्ज॑म् । सु॒ऽक्षि॒तिम् । सु॒म्नम् । अ॒श्युः॒ ॥
Padapatha Devanagari Nonaccented
एव । ते । गृत्सऽमदाः । शूर । मन्म । अवस्यवः । न । वयुनानि । तक्षुः ।
ब्रह्मण्यन्तः । इन्द्र । ते । नवीयः । इषम् । ऊर्जम् । सुऽक्षितिम् । सुम्नम् । अश्युः ॥
Padapatha Transcription Accented
evá ǀ te ǀ gṛtsa-madā́ḥ ǀ śūra ǀ mánma ǀ avasyávaḥ ǀ ná ǀ vayúnāni ǀ takṣuḥ ǀ
brahmaṇyántaḥ ǀ indra ǀ te ǀ návīyaḥ ǀ íṣam ǀ ū́rjam ǀ su-kṣitím ǀ sumnám ǀ aśyuḥ ǁ
Padapatha Transcription Nonaccented
eva ǀ te ǀ gṛtsa-madāḥ ǀ śūra ǀ manma ǀ avasyavaḥ ǀ na ǀ vayunāni ǀ takṣuḥ ǀ
brahmaṇyantaḥ ǀ indra ǀ te ǀ navīyaḥ ǀ iṣam ǀ ūrjam ǀ su-kṣitim ǀ sumnam ǀ aśyuḥ ǁ
02.019.09 (Mandala. Sukta. Rik)
2.6.24.04 (Ashtaka. Adhyaya. Varga. Rik)
02.02.086 (Mandala. Anuvāka. Rik)
Samhita Devanagari Accented
नू॒नं सा ते॒ प्रति॒ वरं॑ जरि॒त्रे दु॑ही॒यदिं॑द्र॒ दक्षि॑णा म॒घोनी॑ ।
शिक्षा॑ स्तो॒तृभ्यो॒ माति॑ ध॒ग्भगो॑ नो बृ॒हद्व॑देम वि॒दथे॑ सु॒वीराः॑ ॥
Samhita Devanagari Nonaccented
नूनं सा ते प्रति वरं जरित्रे दुहीयदिंद्र दक्षिणा मघोनी ।
शिक्षा स्तोतृभ्यो माति धग्भगो नो बृहद्वदेम विदथे सुवीराः ॥
Samhita Transcription Accented
nūnám sā́ te práti váram jaritré duhīyádindra dákṣiṇā maghónī ǀ
śíkṣā stotṛ́bhyo mā́ti dhagbhágo no bṛhádvadema vidáthe suvī́rāḥ ǁ
Samhita Transcription Nonaccented
nūnam sā te prati varam jaritre duhīyadindra dakṣiṇā maghonī ǀ
śikṣā stotṛbhyo māti dhagbhago no bṛhadvadema vidathe suvīrāḥ ǁ
Padapatha Devanagari Accented
नू॒नम् । सा । ते॒ । प्रति॑ । वर॑म् । ज॒रि॒त्रे । दु॒ही॒यत् । इ॒न्द्र॒ । दक्षि॑णा । म॒घोनी॑ ।
शिक्ष॑ । स्तो॒तृऽभ्यः॑ । मा । अति॑ । ध॒क् । भगः॑ । नः॒ । बृ॒हत् । व॒दे॒म॒ । वि॒दथे॑ । सु॒ऽवीराः॑ ॥
Padapatha Devanagari Nonaccented
नूनम् । सा । ते । प्रति । वरम् । जरित्रे । दुहीयत् । इन्द्र । दक्षिणा । मघोनी ।
शिक्ष । स्तोतृऽभ्यः । मा । अति । धक् । भगः । नः । बृहत् । वदेम । विदथे । सुऽवीराः ॥
Padapatha Transcription Accented
nūnám ǀ sā́ ǀ te ǀ práti ǀ váram ǀ jaritré ǀ duhīyát ǀ indra ǀ dákṣiṇā ǀ maghónī ǀ
śíkṣa ǀ stotṛ́-bhyaḥ ǀ mā́ ǀ áti ǀ dhak ǀ bhágaḥ ǀ naḥ ǀ bṛhát ǀ vadema ǀ vidáthe ǀ su-vī́rāḥ ǁ
Padapatha Transcription Nonaccented
nūnam ǀ sā ǀ te ǀ prati ǀ varam ǀ jaritre ǀ duhīyat ǀ indra ǀ dakṣiṇā ǀ maghonī ǀ
śikṣa ǀ stotṛ-bhyaḥ ǀ mā ǀ ati ǀ dhak ǀ bhagaḥ ǀ naḥ ǀ bṛhat ǀ vadema ǀ vidathe ǀ su-vīrāḥ ǁ