|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 25
|
1. Info |
| To: | brahmaṇaspati | |
| From: | gṛtsamada bhārgava śaunaka | |
| Metres: | 1st set of styles: jagatī (1, 2); virāḍjagatī (4, 5); nicṛjjagatī (3) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.025.01 (Mandala. Sukta. Rik)
2.7.04.01 (Ashtaka. Adhyaya. Varga. Rik)
02.03.036 (Mandala. Anuvāka. Rik)
Samhita Devanagari Accented
इंधा॑नो अ॒ग्निं व॑नवद्वनुष्य॒तः कृ॒तब्र॑ह्मा शूशुवद्रा॒तह॑व्य॒ इत् ।
जा॒तेन॑ जा॒तमति॒ स प्र स॑र्सृते॒ यंयं॒ युजं॑ कृणु॒ते ब्रह्म॑ण॒स्पतिः॑ ॥
Samhita Devanagari Nonaccented
इंधानो अग्निं वनवद्वनुष्यतः कृतब्रह्मा शूशुवद्रातहव्य इत् ।
जातेन जातमति स प्र सर्सृते यंयं युजं कृणुते ब्रह्मणस्पतिः ॥
Samhita Transcription Accented
índhāno agním vanavadvanuṣyatáḥ kṛtábrahmā śūśuvadrātáhavya ít ǀ
jāténa jātámáti sá prá sarsṛte yáṃyam yújam kṛṇuté bráhmaṇaspátiḥ ǁ
Samhita Transcription Nonaccented
indhāno agnim vanavadvanuṣyataḥ kṛtabrahmā śūśuvadrātahavya it ǀ
jātena jātamati sa pra sarsṛte yaṃyam yujam kṛṇute brahmaṇaspatiḥ ǁ
Padapatha Devanagari Accented
इन्धा॑नः । अ॒ग्निम् । व॒न॒व॒त् । व॒नु॒ष्य॒तः । कृ॒तऽब्र॑ह्मा । शू॒शु॒व॒त् । रा॒तऽह॑व्यः । इत् ।
जा॒तेन॑ । जा॒तम् । अति॑ । सः । प्र । स॒र्सृ॒ते॒ । यम्ऽय॑म् । युज॑म् । कृ॒णु॒ते । ब्रह्म॑णः । पतिः॑ ॥
Padapatha Devanagari Nonaccented
इन्धानः । अग्निम् । वनवत् । वनुष्यतः । कृतऽब्रह्मा । शूशुवत् । रातऽहव्यः । इत् ।
जातेन । जातम् । अति । सः । प्र । सर्सृते । यम्ऽयम् । युजम् । कृणुते । ब्रह्मणः । पतिः ॥
Padapatha Transcription Accented
índhānaḥ ǀ agním ǀ vanavat ǀ vanuṣyatáḥ ǀ kṛtá-brahmā ǀ śūśuvat ǀ rātá-havyaḥ ǀ ít ǀ
jāténa ǀ jātám ǀ áti ǀ sáḥ ǀ prá ǀ sarsṛte ǀ yám-yam ǀ yújam ǀ kṛṇuté ǀ bráhmaṇaḥ ǀ pátiḥ ǁ
Padapatha Transcription Nonaccented
indhānaḥ ǀ agnim ǀ vanavat ǀ vanuṣyataḥ ǀ kṛta-brahmā ǀ śūśuvat ǀ rāta-havyaḥ ǀ it ǀ
jātena ǀ jātam ǀ ati ǀ saḥ ǀ pra ǀ sarsṛte ǀ yam-yam ǀ yujam ǀ kṛṇute ǀ brahmaṇaḥ ǀ patiḥ ǁ
02.025.02 (Mandala. Sukta. Rik)
2.7.04.02 (Ashtaka. Adhyaya. Varga. Rik)
02.03.037 (Mandala. Anuvāka. Rik)
Samhita Devanagari Accented
वी॒रेभि॑र्वी॒रान्व॑नवद्वनुष्य॒तो गोभी॑ र॒यिं प॑प्रथ॒द्बोध॑ति॒ त्मना॑ ।
तो॒कं च॒ तस्य॒ तन॑यं च वर्धते॒ यंयं॒ युजं॑ कृणु॒ते ब्रह्म॑ण॒स्पतिः॑ ॥
Samhita Devanagari Nonaccented
वीरेभिर्वीरान्वनवद्वनुष्यतो गोभी रयिं पप्रथद्बोधति त्मना ।
तोकं च तस्य तनयं च वर्धते यंयं युजं कृणुते ब्रह्मणस्पतिः ॥
Samhita Transcription Accented
vīrébhirvīrā́nvanavadvanuṣyató góbhī rayím paprathadbódhati tmánā ǀ
tokám ca tásya tánayam ca vardhate yáṃyam yújam kṛṇuté bráhmaṇaspátiḥ ǁ
Samhita Transcription Nonaccented
vīrebhirvīrānvanavadvanuṣyato gobhī rayim paprathadbodhati tmanā ǀ
tokam ca tasya tanayam ca vardhate yaṃyam yujam kṛṇute brahmaṇaspatiḥ ǁ
Padapatha Devanagari Accented
वी॒रेभिः॑ । वी॒रान् । व॒न॒व॒त् । व॒नु॒ष्य॒तः । गोभिः॑ । र॒यिम् । प॒प्र॒थ॒त् । बोध॑ति । त्मना॑ ।
तो॒कम् । च॒ । तस्य॑ । तन॑यम् । च॒ । व॒र्ध॒ते॒ । यम्ऽय॑म् । युज॑म् । कृ॒णु॒ते । ब्रह्म॑णः । पतिः॑ ॥
Padapatha Devanagari Nonaccented
वीरेभिः । वीरान् । वनवत् । वनुष्यतः । गोभिः । रयिम् । पप्रथत् । बोधति । त्मना ।
तोकम् । च । तस्य । तनयम् । च । वर्धते । यम्ऽयम् । युजम् । कृणुते । ब्रह्मणः । पतिः ॥
Padapatha Transcription Accented
vīrébhiḥ ǀ vīrā́n ǀ vanavat ǀ vanuṣyatáḥ ǀ góbhiḥ ǀ rayím ǀ paprathat ǀ bódhati ǀ tmánā ǀ
tokám ǀ ca ǀ tásya ǀ tánayam ǀ ca ǀ vardhate ǀ yám-yam ǀ yújam ǀ kṛṇuté ǀ bráhmaṇaḥ ǀ pátiḥ ǁ
Padapatha Transcription Nonaccented
vīrebhiḥ ǀ vīrān ǀ vanavat ǀ vanuṣyataḥ ǀ gobhiḥ ǀ rayim ǀ paprathat ǀ bodhati ǀ tmanā ǀ
tokam ǀ ca ǀ tasya ǀ tanayam ǀ ca ǀ vardhate ǀ yam-yam ǀ yujam ǀ kṛṇute ǀ brahmaṇaḥ ǀ patiḥ ǁ
02.025.03 (Mandala. Sukta. Rik)
2.7.04.03 (Ashtaka. Adhyaya. Varga. Rik)
02.03.038 (Mandala. Anuvāka. Rik)
Samhita Devanagari Accented
सिंधु॒र्न क्षोदः॒ शिमी॑वाँ ऋघाय॒तो वृषे॑व॒ वध्रीँ॑र॒भि व॒ष्ट्योज॑सा ।
अ॒ग्नेरि॑व॒ प्रसि॑ति॒र्नाह॒ वर्त॑वे॒ यंयं॒ युजं॑ कृणु॒ते ब्रह्म॑ण॒स्पतिः॑ ॥
Samhita Devanagari Nonaccented
सिंधुर्न क्षोदः शिमीवाँ ऋघायतो वृषेव वध्रीँरभि वष्ट्योजसा ।
अग्नेरिव प्रसितिर्नाह वर्तवे यंयं युजं कृणुते ब्रह्मणस्पतिः ॥
Samhita Transcription Accented
síndhurná kṣódaḥ śímīvām̐ ṛghāyató vṛ́ṣeva vádhrīm̐rabhí vaṣṭyójasā ǀ
agnériva prásitirnā́ha vártave yáṃyam yújam kṛṇuté bráhmaṇaspátiḥ ǁ
Samhita Transcription Nonaccented
sindhurna kṣodaḥ śimīvām̐ ṛghāyato vṛṣeva vadhrīm̐rabhi vaṣṭyojasā ǀ
agneriva prasitirnāha vartave yaṃyam yujam kṛṇute brahmaṇaspatiḥ ǁ
Padapatha Devanagari Accented
सिन्धुः॑ । न । क्षोदः॑ । शिमी॑ऽवान् । ऋ॒घा॒य॒तः । वृषा॑ऽइव । वध्री॑न् । अ॒भि । व॒ष्टि॒ । ओज॑सा ।
अ॒ग्नेःऽइ॑व । प्रऽसि॑तिः । न । अह॑ । वर्त॑वे । यम्ऽय॑म् । युज॑म् । कृ॒णु॒ते । ब्रह्म॑णः । पतिः॑ ॥
Padapatha Devanagari Nonaccented
सिन्धुः । न । क्षोदः । शिमीऽवान् । ऋघायतः । वृषाऽइव । वध्रीन् । अभि । वष्टि । ओजसा ।
अग्नेःऽइव । प्रऽसितिः । न । अह । वर्तवे । यम्ऽयम् । युजम् । कृणुते । ब्रह्मणः । पतिः ॥
Padapatha Transcription Accented
síndhuḥ ǀ ná ǀ kṣódaḥ ǀ śímī-vān ǀ ṛghāyatáḥ ǀ vṛ́ṣā-iva ǀ vádhrīn ǀ abhí ǀ vaṣṭi ǀ ójasā ǀ
agnéḥ-iva ǀ prá-sitiḥ ǀ ná ǀ áha ǀ vártave ǀ yám-yam ǀ yújam ǀ kṛṇuté ǀ bráhmaṇaḥ ǀ pátiḥ ǁ
Padapatha Transcription Nonaccented
sindhuḥ ǀ na ǀ kṣodaḥ ǀ śimī-vān ǀ ṛghāyataḥ ǀ vṛṣā-iva ǀ vadhrīn ǀ abhi ǀ vaṣṭi ǀ ojasā ǀ
agneḥ-iva ǀ pra-sitiḥ ǀ na ǀ aha ǀ vartave ǀ yam-yam ǀ yujam ǀ kṛṇute ǀ brahmaṇaḥ ǀ patiḥ ǁ
02.025.04 (Mandala. Sukta. Rik)
2.7.04.04 (Ashtaka. Adhyaya. Varga. Rik)
02.03.039 (Mandala. Anuvāka. Rik)
Samhita Devanagari Accented
तस्मा॑ अर्षंति दि॒व्या अ॑स॒श्चतः॒ स सत्व॑भिः प्रथ॒मो गोषु॑ गच्छति ।
अनि॑भृष्टतविषिर्हं॒त्योज॑सा॒ यंयं॒ युजं॑ कृणु॒ते ब्रह्म॑ण॒स्पतिः॑ ॥
Samhita Devanagari Nonaccented
तस्मा अर्षंति दिव्या असश्चतः स सत्वभिः प्रथमो गोषु गच्छति ।
अनिभृष्टतविषिर्हंत्योजसा यंयं युजं कृणुते ब्रह्मणस्पतिः ॥
Samhita Transcription Accented
tásmā arṣanti divyā́ asaścátaḥ sá sátvabhiḥ prathamó góṣu gacchati ǀ
ánibhṛṣṭataviṣirhantyójasā yáṃyam yújam kṛṇuté bráhmaṇaspátiḥ ǁ
Samhita Transcription Nonaccented
tasmā arṣanti divyā asaścataḥ sa satvabhiḥ prathamo goṣu gacchati ǀ
anibhṛṣṭataviṣirhantyojasā yaṃyam yujam kṛṇute brahmaṇaspatiḥ ǁ
Padapatha Devanagari Accented
तस्मै॑ । अ॒र्ष॒न्ति॒ । दि॒व्याः । अ॒स॒श्चतः॑ । सः । सत्व॑ऽभिः । प्र॒थ॒मः । गोषु॑ । ग॒च्छ॒ति॒ ।
अनि॑भृष्टऽतविषिः । ह॒न्ति॒ । ओज॑सा । यम्ऽय॑म् । युज॑म् । कृ॒णु॒ते । ब्रह्म॑णः । पतिः॑ ॥
Padapatha Devanagari Nonaccented
तस्मै । अर्षन्ति । दिव्याः । असश्चतः । सः । सत्वऽभिः । प्रथमः । गोषु । गच्छति ।
अनिभृष्टऽतविषिः । हन्ति । ओजसा । यम्ऽयम् । युजम् । कृणुते । ब्रह्मणः । पतिः ॥
Padapatha Transcription Accented
tásmai ǀ arṣanti ǀ divyā́ḥ ǀ asaścátaḥ ǀ sáḥ ǀ sátva-bhiḥ ǀ prathamáḥ ǀ góṣu ǀ gacchati ǀ
ánibhṛṣṭa-taviṣiḥ ǀ hanti ǀ ójasā ǀ yám-yam ǀ yújam ǀ kṛṇuté ǀ bráhmaṇaḥ ǀ pátiḥ ǁ
Padapatha Transcription Nonaccented
tasmai ǀ arṣanti ǀ divyāḥ ǀ asaścataḥ ǀ saḥ ǀ satva-bhiḥ ǀ prathamaḥ ǀ goṣu ǀ gacchati ǀ
anibhṛṣṭa-taviṣiḥ ǀ hanti ǀ ojasā ǀ yam-yam ǀ yujam ǀ kṛṇute ǀ brahmaṇaḥ ǀ patiḥ ǁ
02.025.05 (Mandala. Sukta. Rik)
2.7.04.05 (Ashtaka. Adhyaya. Varga. Rik)
02.03.040 (Mandala. Anuvāka. Rik)
Samhita Devanagari Accented
तस्मा॒ इद्विश्वे॑ धुनयंत॒ सिंध॒वोऽच्छि॑द्रा॒ शर्म॑ दधिरे पु॒रूणि॑ ।
दे॒वानां॑ सु॒म्ने सु॒भगः॒ स ए॑धते॒ यंयं॒ युजं॑ कृणु॒ते ब्रह्म॑ण॒स्पतिः॑ ॥
Samhita Devanagari Nonaccented
तस्मा इद्विश्वे धुनयंत सिंधवोऽच्छिद्रा शर्म दधिरे पुरूणि ।
देवानां सुम्ने सुभगः स एधते यंयं युजं कृणुते ब्रह्मणस्पतिः ॥
Samhita Transcription Accented
tásmā ídvíśve dhunayanta síndhavó’cchidrā śárma dadhire purū́ṇi ǀ
devā́nām sumné subhágaḥ sá edhate yáṃyam yújam kṛṇuté bráhmaṇaspátiḥ ǁ
Samhita Transcription Nonaccented
tasmā idviśve dhunayanta sindhavo’cchidrā śarma dadhire purūṇi ǀ
devānām sumne subhagaḥ sa edhate yaṃyam yujam kṛṇute brahmaṇaspatiḥ ǁ
Padapatha Devanagari Accented
तस्मै॑ । इत् । विश्वे॑ । धु॒न॒य॒न्त॒ । सिन्ध॑वः । अच्छि॑द्रा । शर्म॑ । द॒धि॒रे॒ । पु॒रूणि॑ ।
दे॒वाना॑म् । सु॒म्ने । सु॒ऽभगः॑ । सः । ए॒ध॒ते॒ । यम्ऽय॑म् । युज॑म् । कृ॒णु॒ते । ब्रह्म॑णः । पतिः॑ ॥
Padapatha Devanagari Nonaccented
तस्मै । इत् । विश्वे । धुनयन्त । सिन्धवः । अच्छिद्रा । शर्म । दधिरे । पुरूणि ।
देवानाम् । सुम्ने । सुऽभगः । सः । एधते । यम्ऽयम् । युजम् । कृणुते । ब्रह्मणः । पतिः ॥
Padapatha Transcription Accented
tásmai ǀ ít ǀ víśve ǀ dhunayanta ǀ síndhavaḥ ǀ ácchidrā ǀ śárma ǀ dadhire ǀ purū́ṇi ǀ
devā́nām ǀ sumné ǀ su-bhágaḥ ǀ sáḥ ǀ edhate ǀ yám-yam ǀ yújam ǀ kṛṇuté ǀ bráhmaṇaḥ ǀ pátiḥ ǁ
Padapatha Transcription Nonaccented
tasmai ǀ it ǀ viśve ǀ dhunayanta ǀ sindhavaḥ ǀ acchidrā ǀ śarma ǀ dadhire ǀ purūṇi ǀ
devānām ǀ sumne ǀ su-bhagaḥ ǀ saḥ ǀ edhate ǀ yam-yam ǀ yujam ǀ kṛṇute ǀ brahmaṇaḥ ǀ patiḥ ǁ