|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 27
|
1. Info |
| To: | 1-9, 11-16: ādityās; 10, 17: ādityās, varuṇa |
|
| From: | somahūti bhārgava śaunaka or kūrma gārtsamada | |
| Metres: | 1st set of styles: nicṛttriṣṭup (1, 3, 6, 13-15); triṣṭup (2, 4, 5, 8, 12, 17); svarāṭpaṅkti (9, 10); virāṭtrisṭup (11, 16); bhurikpaṅkti (7) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.027.01 (Mandala. Sukta. Rik)
2.7.06.01 (Ashtaka. Adhyaya. Varga. Rik)
02.03.045 (Mandala. Anuvāka. Rik)
Samhita Devanagari Accented
इ॒मा गिर॑ आदि॒त्येभ्यो॑ घृ॒तस्नूः॑ स॒नाद्राज॑भ्यो जु॒ह्वा॑ जुहोमि ।
शृ॒णोतु॑ मि॒त्रो अ॑र्य॒मा भगो॑ नस्तुविजा॒तो वरु॑णो॒ दक्षो॒ अंशः॑ ॥
Samhita Devanagari Nonaccented
इमा गिर आदित्येभ्यो घृतस्नूः सनाद्राजभ्यो जुह्वा जुहोमि ।
शृणोतु मित्रो अर्यमा भगो नस्तुविजातो वरुणो दक्षो अंशः ॥
Samhita Transcription Accented
imā́ gíra ādityébhyo ghṛtásnūḥ sanā́drā́jabhyo juhvā́ juhomi ǀ
śṛṇótu mitró aryamā́ bhágo nastuvijātó váruṇo dákṣo áṃśaḥ ǁ
Samhita Transcription Nonaccented
imā gira ādityebhyo ghṛtasnūḥ sanādrājabhyo juhvā juhomi ǀ
śṛṇotu mitro aryamā bhago nastuvijāto varuṇo dakṣo aṃśaḥ ǁ
Padapatha Devanagari Accented
इ॒माः । गिरः॑ । आ॒दि॒त्येभ्यः॑ । घृ॒तऽस्नूः॑ । स॒नात् । राज॑ऽभ्यः । जु॒ह्वा॑ । जु॒हो॒मि॒ ।
शृ॒णोतु॑ । मि॒त्रः । अ॒र्य॒मा । भगः॑ । नः॒ । तु॒वि॒ऽजा॒तः । वरु॑णः । दक्षः॑ । अंशः॑ ॥
Padapatha Devanagari Nonaccented
इमाः । गिरः । आदित्येभ्यः । घृतऽस्नूः । सनात् । राजऽभ्यः । जुह्वा । जुहोमि ।
शृणोतु । मित्रः । अर्यमा । भगः । नः । तुविऽजातः । वरुणः । दक्षः । अंशः ॥
Padapatha Transcription Accented
imā́ḥ ǀ gíraḥ ǀ ādityébhyaḥ ǀ ghṛtá-snūḥ ǀ sanā́t ǀ rā́ja-bhyaḥ ǀ juhvā́ ǀ juhomi ǀ
śṛṇótu ǀ mitráḥ ǀ aryamā́ ǀ bhágaḥ ǀ naḥ ǀ tuvi-jātáḥ ǀ váruṇaḥ ǀ dákṣaḥ ǀ áṃśaḥ ǁ
Padapatha Transcription Nonaccented
imāḥ ǀ giraḥ ǀ ādityebhyaḥ ǀ ghṛta-snūḥ ǀ sanāt ǀ rāja-bhyaḥ ǀ juhvā ǀ juhomi ǀ
śṛṇotu ǀ mitraḥ ǀ aryamā ǀ bhagaḥ ǀ naḥ ǀ tuvi-jātaḥ ǀ varuṇaḥ ǀ dakṣaḥ ǀ aṃśaḥ ǁ
02.027.02 (Mandala. Sukta. Rik)
2.7.06.02 (Ashtaka. Adhyaya. Varga. Rik)
02.03.046 (Mandala. Anuvāka. Rik)
Samhita Devanagari Accented
इ॒मं स्तोमं॒ सक्र॑तवो मे अ॒द्य मि॒त्रो अ॑र्य॒मा वरु॑णो जुषंत ।
आ॒दि॒त्यासः॒ शुच॑यो॒ धार॑पूता॒ अवृ॑जिना अनव॒द्या अरि॑ष्टाः ॥
Samhita Devanagari Nonaccented
इमं स्तोमं सक्रतवो मे अद्य मित्रो अर्यमा वरुणो जुषंत ।
आदित्यासः शुचयो धारपूता अवृजिना अनवद्या अरिष्टाः ॥
Samhita Transcription Accented
imám stómam sákratavo me adyá mitró aryamā́ váruṇo juṣanta ǀ
ādityā́saḥ śúcayo dhā́rapūtā ávṛjinā anavadyā́ áriṣṭāḥ ǁ
Samhita Transcription Nonaccented
imam stomam sakratavo me adya mitro aryamā varuṇo juṣanta ǀ
ādityāsaḥ śucayo dhārapūtā avṛjinā anavadyā ariṣṭāḥ ǁ
Padapatha Devanagari Accented
इ॒मम् । स्तोम॑म् । सऽक्र॑तवः । मे॒ । अ॒द्य । मि॒त्रः । अ॒र्य॒मा । वरु॑णः । जु॒ष॒न्त॒ ।
आ॒दि॒त्यासः॑ । शुच॑यः । धार॑ऽपूताः । अवृ॑जिनाः । अ॒न॒व॒द्याः । अरि॑ष्टाः ॥
Padapatha Devanagari Nonaccented
इमम् । स्तोमम् । सऽक्रतवः । मे । अद्य । मित्रः । अर्यमा । वरुणः । जुषन्त ।
आदित्यासः । शुचयः । धारऽपूताः । अवृजिनाः । अनवद्याः । अरिष्टाः ॥
Padapatha Transcription Accented
imám ǀ stómam ǀ sá-kratavaḥ ǀ me ǀ adyá ǀ mitráḥ ǀ aryamā́ ǀ váruṇaḥ ǀ juṣanta ǀ
ādityā́saḥ ǀ śúcayaḥ ǀ dhā́ra-pūtāḥ ǀ ávṛjināḥ ǀ anavadyā́ḥ ǀ áriṣṭāḥ ǁ
Padapatha Transcription Nonaccented
imam ǀ stomam ǀ sa-kratavaḥ ǀ me ǀ adya ǀ mitraḥ ǀ aryamā ǀ varuṇaḥ ǀ juṣanta ǀ
ādityāsaḥ ǀ śucayaḥ ǀ dhāra-pūtāḥ ǀ avṛjināḥ ǀ anavadyāḥ ǀ ariṣṭāḥ ǁ
02.027.03 (Mandala. Sukta. Rik)
2.7.06.03 (Ashtaka. Adhyaya. Varga. Rik)
02.03.047 (Mandala. Anuvāka. Rik)
Samhita Devanagari Accented
त आ॑दि॒त्यास॑ उ॒रवो॑ गभी॒रा अद॑ब्धासो॒ दिप्सं॑तो भूर्य॒क्षाः ।
अं॒तः प॑श्यंति वृजि॒नोत सा॒धु सर्वं॒ राज॑भ्यः पर॒मा चि॒दंति॑ ॥
Samhita Devanagari Nonaccented
त आदित्यास उरवो गभीरा अदब्धासो दिप्संतो भूर्यक्षाः ।
अंतः पश्यंति वृजिनोत साधु सर्वं राजभ्यः परमा चिदंति ॥
Samhita Transcription Accented
tá ādityā́sa urávo gabhīrā́ ádabdhāso dípsanto bhūryakṣā́ḥ ǀ
antáḥ paśyanti vṛjinótá sādhú sárvam rā́jabhyaḥ paramā́ cidánti ǁ
Samhita Transcription Nonaccented
ta ādityāsa uravo gabhīrā adabdhāso dipsanto bhūryakṣāḥ ǀ
antaḥ paśyanti vṛjinota sādhu sarvam rājabhyaḥ paramā cidanti ǁ
Padapatha Devanagari Accented
ते । आ॒दि॒त्यासः॑ । उ॒रवः॑ । ग॒भी॒राः । अद॑ब्धासः । दिप्स॑न्तः । भू॒रि॒ऽअ॒क्षाः ।
अ॒न्तरिति॑ । प॒श्य॒न्ति॒ । वृ॒जि॒ना । उ॒त । सा॒धु । सर्व॑म् । राज॑ऽभ्यः । प॒र॒मा । चि॒त् । अन्ति॑ ॥
Padapatha Devanagari Nonaccented
ते । आदित्यासः । उरवः । गभीराः । अदब्धासः । दिप्सन्तः । भूरिऽअक्षाः ।
अन्तरिति । पश्यन्ति । वृजिना । उत । साधु । सर्वम् । राजऽभ्यः । परमा । चित् । अन्ति ॥
Padapatha Transcription Accented
té ǀ ādityā́saḥ ǀ urávaḥ ǀ gabhīrā́ḥ ǀ ádabdhāsaḥ ǀ dípsantaḥ ǀ bhūri-akṣā́ḥ ǀ
antáríti ǀ paśyanti ǀ vṛjinā́ ǀ utá ǀ sādhú ǀ sárvam ǀ rā́ja-bhyaḥ ǀ paramā́ ǀ cit ǀ ánti ǁ
Padapatha Transcription Nonaccented
te ǀ ādityāsaḥ ǀ uravaḥ ǀ gabhīrāḥ ǀ adabdhāsaḥ ǀ dipsantaḥ ǀ bhūri-akṣāḥ ǀ
antariti ǀ paśyanti ǀ vṛjinā ǀ uta ǀ sādhu ǀ sarvam ǀ rāja-bhyaḥ ǀ paramā ǀ cit ǀ anti ǁ
02.027.04 (Mandala. Sukta. Rik)
2.7.06.04 (Ashtaka. Adhyaya. Varga. Rik)
02.03.048 (Mandala. Anuvāka. Rik)
Samhita Devanagari Accented
धा॒रयं॑त आदि॒त्यासो॒ जग॒त्स्था दे॒वा विश्व॑स्य॒ भुव॑नस्य गो॒पाः ।
दी॒र्घाधि॑यो॒ रक्ष॑माणा असु॒र्य॑मृ॒तावा॑न॒श्चय॑माना ऋ॒णानि॑ ॥
Samhita Devanagari Nonaccented
धारयंत आदित्यासो जगत्स्था देवा विश्वस्य भुवनस्य गोपाः ।
दीर्घाधियो रक्षमाणा असुर्यमृतावानश्चयमाना ऋणानि ॥
Samhita Transcription Accented
dhāráyanta ādityā́so jágatsthā́ devā́ víśvasya bhúvanasya gopā́ḥ ǀ
dīrghā́dhiyo rákṣamāṇā asuryámṛtā́vānaścáyamānā ṛṇā́ni ǁ
Samhita Transcription Nonaccented
dhārayanta ādityāso jagatsthā devā viśvasya bhuvanasya gopāḥ ǀ
dīrghādhiyo rakṣamāṇā asuryamṛtāvānaścayamānā ṛṇāni ǁ
Padapatha Devanagari Accented
धा॒रय॑न्तः । आ॒दि॒त्यासः॑ । जग॑त् । स्थाः । दे॒वाः । विश्व॑स्य । भुव॑नस्य । गो॒पाः ।
दी॒र्घऽधि॑यः । रक्ष॑माणाः । अ॒सु॒र्य॑म् । ऋ॒तऽवा॑नः । चय॑मानाः । ऋ॒णानि॑ ॥
Padapatha Devanagari Nonaccented
धारयन्तः । आदित्यासः । जगत् । स्थाः । देवाः । विश्वस्य । भुवनस्य । गोपाः ।
दीर्घऽधियः । रक्षमाणाः । असुर्यम् । ऋतऽवानः । चयमानाः । ऋणानि ॥
Padapatha Transcription Accented
dhāráyantaḥ ǀ ādityā́saḥ ǀ jágat ǀ sthā́ḥ ǀ devā́ḥ ǀ víśvasya ǀ bhúvanasya ǀ gopā́ḥ ǀ
dīrghá-dhiyaḥ ǀ rákṣamāṇāḥ ǀ asuryám ǀ ṛtá-vānaḥ ǀ cáyamānāḥ ǀ ṛṇā́ni ǁ
Padapatha Transcription Nonaccented
dhārayantaḥ ǀ ādityāsaḥ ǀ jagat ǀ sthāḥ ǀ devāḥ ǀ viśvasya ǀ bhuvanasya ǀ gopāḥ ǀ
dīrgha-dhiyaḥ ǀ rakṣamāṇāḥ ǀ asuryam ǀ ṛta-vānaḥ ǀ cayamānāḥ ǀ ṛṇāni ǁ
02.027.05 (Mandala. Sukta. Rik)
2.7.06.05 (Ashtaka. Adhyaya. Varga. Rik)
02.03.049 (Mandala. Anuvāka. Rik)
Samhita Devanagari Accented
वि॒द्यामा॑दित्या॒ अव॑सो वो अ॒स्य यद॑र्यमन्भ॒य आ चि॑न्मयो॒भु ।
यु॒ष्माकं॑ मित्रावरुणा॒ प्रणी॑तौ॒ परि॒ श्वभ्रे॑व दुरि॒तानि॑ वृज्यां ॥
Samhita Devanagari Nonaccented
विद्यामादित्या अवसो वो अस्य यदर्यमन्भय आ चिन्मयोभु ।
युष्माकं मित्रावरुणा प्रणीतौ परि श्वभ्रेव दुरितानि वृज्यां ॥
Samhita Transcription Accented
vidyā́mādityā ávaso vo asyá yádaryamanbhayá ā́ cinmayobhú ǀ
yuṣmā́kam mitrāvaruṇā práṇītau pári śvábhreva duritā́ni vṛjyām ǁ
Samhita Transcription Nonaccented
vidyāmādityā avaso vo asya yadaryamanbhaya ā cinmayobhu ǀ
yuṣmākam mitrāvaruṇā praṇītau pari śvabhreva duritāni vṛjyām ǁ
Padapatha Devanagari Accented
वि॒द्याम् । आ॒दि॒त्याः॒ । अव॑सः । वः॒ । अ॒स्य । यत् । अ॒र्य॒म॒न् । भ॒ये । आ । चि॒त् । म॒यः॒ऽभु ।
यु॒ष्माक॑म् । मि॒त्रा॒व॒रु॒णा॒ । प्रऽनी॑तौ । परि॑ । श्वभ्रा॑ऽइव । दुः॒ऽइ॒तानि॑ । वृ॒ज्या॒म् ॥
Padapatha Devanagari Nonaccented
विद्याम् । आदित्याः । अवसः । वः । अस्य । यत् । अर्यमन् । भये । आ । चित् । मयःऽभु ।
युष्माकम् । मित्रावरुणा । प्रऽनीतौ । परि । श्वभ्राऽइव । दुःऽइतानि । वृज्याम् ॥
Padapatha Transcription Accented
vidyā́m ǀ ādityāḥ ǀ ávasaḥ ǀ vaḥ ǀ asyá ǀ yát ǀ aryaman ǀ bhayé ǀ ā́ ǀ cit ǀ mayaḥ-bhú ǀ
yuṣmā́kam ǀ mitrāvaruṇā ǀ prá-nītau ǀ pári ǀ śvábhrā-iva ǀ duḥ-itā́ni ǀ vṛjyām ǁ
Padapatha Transcription Nonaccented
vidyām ǀ ādityāḥ ǀ avasaḥ ǀ vaḥ ǀ asya ǀ yat ǀ aryaman ǀ bhaye ǀ ā ǀ cit ǀ mayaḥ-bhu ǀ
yuṣmākam ǀ mitrāvaruṇā ǀ pra-nītau ǀ pari ǀ śvabhrā-iva ǀ duḥ-itāni ǀ vṛjyām ǁ
02.027.06 (Mandala. Sukta. Rik)
2.7.07.01 (Ashtaka. Adhyaya. Varga. Rik)
02.03.050 (Mandala. Anuvāka. Rik)
Samhita Devanagari Accented
सु॒गो हि वो॑ अर्यमन्मित्र॒ पंथा॑ अनृक्ष॒रो व॑रुण सा॒धुरस्ति॑ ।
तेना॑दित्या॒ अधि॑ वोचता नो॒ यच्छ॑ता नो दुष्परि॒हंतु॒ शर्म॑ ॥
Samhita Devanagari Nonaccented
सुगो हि वो अर्यमन्मित्र पंथा अनृक्षरो वरुण साधुरस्ति ।
तेनादित्या अधि वोचता नो यच्छता नो दुष्परिहंतु शर्म ॥
Samhita Transcription Accented
sugó hí vo aryamanmitra pánthā anṛkṣaró varuṇa sādhúrásti ǀ
ténādityā ádhi vocatā no yácchatā no duṣparihántu śárma ǁ
Samhita Transcription Nonaccented
sugo hi vo aryamanmitra panthā anṛkṣaro varuṇa sādhurasti ǀ
tenādityā adhi vocatā no yacchatā no duṣparihantu śarma ǁ
Padapatha Devanagari Accented
सु॒ऽगः । हि । वः॒ । अ॒र्य॒म॒न् । मि॒त्र॒ । पन्थाः॑ । अ॒नृ॒क्ष॒रः । व॒रु॒ण॒ । सा॒धुः । अस्ति॑ ।
तेन॑ । आ॒दि॒त्याः॒ । अधि॑ । वो॒च॒त॒ । नः॒ । यच्छ॑त । नः॒ । दुः॒ऽप॒रि॒हन्तु॑ । शर्म॑ ॥
Padapatha Devanagari Nonaccented
सुऽगः । हि । वः । अर्यमन् । मित्र । पन्थाः । अनृक्षरः । वरुण । साधुः । अस्ति ।
तेन । आदित्याः । अधि । वोचत । नः । यच्छत । नः । दुःऽपरिहन्तु । शर्म ॥
Padapatha Transcription Accented
su-gáḥ ǀ hí ǀ vaḥ ǀ aryaman ǀ mitra ǀ pánthāḥ ǀ anṛkṣaráḥ ǀ varuṇa ǀ sādhúḥ ǀ ásti ǀ
téna ǀ ādityāḥ ǀ ádhi ǀ vocata ǀ naḥ ǀ yácchata ǀ naḥ ǀ duḥ-parihántu ǀ śárma ǁ
Padapatha Transcription Nonaccented
su-gaḥ ǀ hi ǀ vaḥ ǀ aryaman ǀ mitra ǀ panthāḥ ǀ anṛkṣaraḥ ǀ varuṇa ǀ sādhuḥ ǀ asti ǀ
tena ǀ ādityāḥ ǀ adhi ǀ vocata ǀ naḥ ǀ yacchata ǀ naḥ ǀ duḥ-parihantu ǀ śarma ǁ
02.027.07 (Mandala. Sukta. Rik)
2.7.07.02 (Ashtaka. Adhyaya. Varga. Rik)
02.03.051 (Mandala. Anuvāka. Rik)
Samhita Devanagari Accented
पिप॑र्तु नो॒ अदि॑ती॒ राज॑पु॒त्राति॒ द्वेषां॑स्यर्य॒मा सु॒गेभिः॑ ।
बृ॒हन्मि॒त्रस्य॒ वरु॑णस्य॒ शर्मोप॑ स्याम पुरु॒वीरा॒ अरि॑ष्टाः ॥
Samhita Devanagari Nonaccented
पिपर्तु नो अदिती राजपुत्राति द्वेषांस्यर्यमा सुगेभिः ।
बृहन्मित्रस्य वरुणस्य शर्मोप स्याम पुरुवीरा अरिष्टाः ॥
Samhita Transcription Accented
pípartu no áditī rā́japutrā́ti dvéṣāṃsyaryamā́ sugébhiḥ ǀ
bṛhánmitrásya váruṇasya śármópa syāma puruvī́rā áriṣṭāḥ ǁ
Samhita Transcription Nonaccented
pipartu no aditī rājaputrāti dveṣāṃsyaryamā sugebhiḥ ǀ
bṛhanmitrasya varuṇasya śarmopa syāma puruvīrā ariṣṭāḥ ǁ
Padapatha Devanagari Accented
पिप॑र्तु । नः॒ । अदि॑तिः । राज॑ऽपु॒त्रा । अति॑ । द्वेषां॑सि । अ॒र्य॒मा । सु॒ऽगेभिः॑ ।
बृ॒हत् । मि॒त्रस्य॑ । वरु॑णस्य । शर्म॑ । उप॑ । स्या॒म॒ । पु॒रु॒ऽवीराः॑ । अरि॑ष्टाः ॥
Padapatha Devanagari Nonaccented
पिपर्तु । नः । अदितिः । राजऽपुत्रा । अति । द्वेषांसि । अर्यमा । सुऽगेभिः ।
बृहत् । मित्रस्य । वरुणस्य । शर्म । उप । स्याम । पुरुऽवीराः । अरिष्टाः ॥
Padapatha Transcription Accented
pípartu ǀ naḥ ǀ áditiḥ ǀ rā́ja-putrā́ ǀ áti ǀ dvéṣāṃsi ǀ aryamā́ ǀ su-gébhiḥ ǀ
bṛhát ǀ mitrásya ǀ váruṇasya ǀ śárma ǀ úpa ǀ syāma ǀ puru-vī́rāḥ ǀ áriṣṭāḥ ǁ
Padapatha Transcription Nonaccented
pipartu ǀ naḥ ǀ aditiḥ ǀ rāja-putrā ǀ ati ǀ dveṣāṃsi ǀ aryamā ǀ su-gebhiḥ ǀ
bṛhat ǀ mitrasya ǀ varuṇasya ǀ śarma ǀ upa ǀ syāma ǀ puru-vīrāḥ ǀ ariṣṭāḥ ǁ
02.027.08 (Mandala. Sukta. Rik)
2.7.07.03 (Ashtaka. Adhyaya. Varga. Rik)
02.03.052 (Mandala. Anuvāka. Rik)
Samhita Devanagari Accented
ति॒स्रो भूमी॑र्धारय॒न् त्रीँरु॒त द्यूंत्रीणि॑ व्र॒ता वि॒दथे॑ अं॒तरे॑षां ।
ऋ॒तेना॑दित्या॒ महि॑ वो महि॒त्वं तद॑र्यमन्वरुण मित्र॒ चारु॑ ॥
Samhita Devanagari Nonaccented
तिस्रो भूमीर्धारयन् त्रीँरुत द्यूंत्रीणि व्रता विदथे अंतरेषां ।
ऋतेनादित्या महि वो महित्वं तदर्यमन्वरुण मित्र चारु ॥
Samhita Transcription Accented
tisró bhū́mīrdhārayan trī́m̐rutá dyū́ntrī́ṇi vratā́ vidáthe antáreṣām ǀ
ṛténādityā máhi vo mahitvám tádaryamanvaruṇa mitra cā́ru ǁ
Samhita Transcription Nonaccented
tisro bhūmīrdhārayan trīm̐ruta dyūntrīṇi vratā vidathe antareṣām ǀ
ṛtenādityā mahi vo mahitvam tadaryamanvaruṇa mitra cāru ǁ
Padapatha Devanagari Accented
ति॒स्रः । भूमीः॑ । धा॒र॒य॒न् । त्रीन् । उ॒त । द्यून् । त्रीणि॑ । व्र॒ता । वि॒दथे॑ । अ॒न्तः । ए॒षा॒म् ।
ऋ॒तेन॑ । आ॒दि॒त्याः॒ । महि॑ । वः॒ । म॒हि॒ऽत्वम् । तत् । अ॒र्य॒म॒न् । व॒रु॒ण॒ । मि॒त्र॒ । चारु॑ ॥
Padapatha Devanagari Nonaccented
तिस्रः । भूमीः । धारयन् । त्रीन् । उत । द्यून् । त्रीणि । व्रता । विदथे । अन्तः । एषाम् ।
ऋतेन । आदित्याः । महि । वः । महिऽत्वम् । तत् । अर्यमन् । वरुण । मित्र । चारु ॥
Padapatha Transcription Accented
tisráḥ ǀ bhū́mīḥ ǀ dhārayan ǀ trī́n ǀ utá ǀ dyū́n ǀ trī́ṇi ǀ vratā́ ǀ vidáthe ǀ antáḥ ǀ eṣām ǀ
ṛténa ǀ ādityāḥ ǀ máhi ǀ vaḥ ǀ mahi-tvám ǀ tát ǀ aryaman ǀ varuṇa ǀ mitra ǀ cā́ru ǁ
Padapatha Transcription Nonaccented
tisraḥ ǀ bhūmīḥ ǀ dhārayan ǀ trīn ǀ uta ǀ dyūn ǀ trīṇi ǀ vratā ǀ vidathe ǀ antaḥ ǀ eṣām ǀ
ṛtena ǀ ādityāḥ ǀ mahi ǀ vaḥ ǀ mahi-tvam ǀ tat ǀ aryaman ǀ varuṇa ǀ mitra ǀ cāru ǁ
02.027.09 (Mandala. Sukta. Rik)
2.7.07.04 (Ashtaka. Adhyaya. Varga. Rik)
02.03.053 (Mandala. Anuvāka. Rik)
Samhita Devanagari Accented
त्री रो॑च॒ना दि॒व्या धा॑रयंत हिर॒ण्ययाः॒ शुच॑यो॒ धार॑पूताः ।
अस्व॑प्नजो अनिमि॒षा अद॑ब्धा उरु॒शंसा॑ ऋ॒जवे॒ मर्त्या॑य ॥
Samhita Devanagari Nonaccented
त्री रोचना दिव्या धारयंत हिरण्ययाः शुचयो धारपूताः ।
अस्वप्नजो अनिमिषा अदब्धा उरुशंसा ऋजवे मर्त्याय ॥
Samhita Transcription Accented
trī́ rocanā́ divyā́ dhārayanta hiraṇyáyāḥ śúcayo dhā́rapūtāḥ ǀ
ásvapnajo animiṣā́ ádabdhā uruśáṃsā ṛjáve mártyāya ǁ
Samhita Transcription Nonaccented
trī rocanā divyā dhārayanta hiraṇyayāḥ śucayo dhārapūtāḥ ǀ
asvapnajo animiṣā adabdhā uruśaṃsā ṛjave martyāya ǁ
Padapatha Devanagari Accented
त्री । रो॒च॒ना । दि॒व्या । धा॒र॒य॒न्त॒ । हि॒र॒ण्ययाः॑ । शुच॑यः । धार॑ऽपूताः ।
अस्व॑प्नऽजः । अ॒नि॒ऽमि॒षाः । अद॑ब्धाः । उ॒रु॒ऽशंसाः॑ । ऋ॒जवे॑ । मर्त्या॑य ॥
Padapatha Devanagari Nonaccented
त्री । रोचना । दिव्या । धारयन्त । हिरण्ययाः । शुचयः । धारऽपूताः ।
अस्वप्नऽजः । अनिऽमिषाः । अदब्धाः । उरुऽशंसाः । ऋजवे । मर्त्याय ॥
Padapatha Transcription Accented
trī́ ǀ rocanā́ ǀ divyā́ ǀ dhārayanta ǀ hiraṇyáyāḥ ǀ śúcayaḥ ǀ dhā́ra-pūtāḥ ǀ
ásvapna-jaḥ ǀ ani-miṣā́ḥ ǀ ádabdhāḥ ǀ uru-śáṃsāḥ ǀ ṛjáve ǀ mártyāya ǁ
Padapatha Transcription Nonaccented
trī ǀ rocanā ǀ divyā ǀ dhārayanta ǀ hiraṇyayāḥ ǀ śucayaḥ ǀ dhāra-pūtāḥ ǀ
asvapna-jaḥ ǀ ani-miṣāḥ ǀ adabdhāḥ ǀ uru-śaṃsāḥ ǀ ṛjave ǀ martyāya ǁ
02.027.10 (Mandala. Sukta. Rik)
2.7.07.05 (Ashtaka. Adhyaya. Varga. Rik)
02.03.054 (Mandala. Anuvāka. Rik)
Samhita Devanagari Accented
त्वं विश्वे॑षां वरुणासि॒ राजा॒ ये च॑ दे॒वा अ॑सुर॒ ये च॒ मर्ताः॑ ।
श॒तं नो॑ रास्व श॒रदो॑ वि॒चक्षे॒ऽश्यामायूं॑षि॒ सुधि॑तानि॒ पूर्वा॑ ॥
Samhita Devanagari Nonaccented
त्वं विश्वेषां वरुणासि राजा ये च देवा असुर ये च मर्ताः ।
शतं नो रास्व शरदो विचक्षेऽश्यामायूंषि सुधितानि पूर्वा ॥
Samhita Transcription Accented
tvám víśveṣām varuṇāsi rā́jā yé ca devā́ asura yé ca mártāḥ ǀ
śatám no rāsva śarádo vicákṣe’śyā́mā́yūṃṣi súdhitāni pū́rvā ǁ
Samhita Transcription Nonaccented
tvam viśveṣām varuṇāsi rājā ye ca devā asura ye ca martāḥ ǀ
śatam no rāsva śarado vicakṣe’śyāmāyūṃṣi sudhitāni pūrvā ǁ
Padapatha Devanagari Accented
त्वम् । विश्वे॑षाम् । व॒रु॒ण॒ । अ॒सि॒ । राजा॑ । ये । च॒ । दे॒वाः । अ॒सु॒र॒ । ये । च॒ । मर्ताः॑ ।
श॒तम् । नः॒ । रा॒स्व॒ । श॒रदः॑ । वि॒ऽचक्षे॑ । अ॒श्याम॑ । आयूं॑षि । सुऽधि॑तानि । पूर्वा॑ ॥
Padapatha Devanagari Nonaccented
त्वम् । विश्वेषाम् । वरुण । असि । राजा । ये । च । देवाः । असुर । ये । च । मर्ताः ।
शतम् । नः । रास्व । शरदः । विऽचक्षे । अश्याम । आयूंषि । सुऽधितानि । पूर्वा ॥
Padapatha Transcription Accented
tvám ǀ víśveṣām ǀ varuṇa ǀ asi ǀ rā́jā ǀ yé ǀ ca ǀ devā́ḥ ǀ asura ǀ yé ǀ ca ǀ mártāḥ ǀ
śatám ǀ naḥ ǀ rāsva ǀ śarádaḥ ǀ vi-cákṣe ǀ aśyā́ma ǀ ā́yūṃṣi ǀ sú-dhitāni ǀ pū́rvā ǁ
Padapatha Transcription Nonaccented
tvam ǀ viśveṣām ǀ varuṇa ǀ asi ǀ rājā ǀ ye ǀ ca ǀ devāḥ ǀ asura ǀ ye ǀ ca ǀ martāḥ ǀ
śatam ǀ naḥ ǀ rāsva ǀ śaradaḥ ǀ vi-cakṣe ǀ aśyāma ǀ āyūṃṣi ǀ su-dhitāni ǀ pūrvā ǁ
02.027.11 (Mandala. Sukta. Rik)
2.7.08.01 (Ashtaka. Adhyaya. Varga. Rik)
02.03.055 (Mandala. Anuvāka. Rik)
Samhita Devanagari Accented
न द॑क्षि॒णा वि चि॑किते॒ न स॒व्या न प्रा॒चीन॑मादित्या॒ नोत प॒श्चा ।
पा॒क्या॑ चिद्वसवो धी॒र्या॑ चिद्यु॒ष्मानी॑तो॒ अभ॑यं॒ ज्योति॑रश्यां ॥
Samhita Devanagari Nonaccented
न दक्षिणा वि चिकिते न सव्या न प्राचीनमादित्या नोत पश्चा ।
पाक्या चिद्वसवो धीर्या चिद्युष्मानीतो अभयं ज्योतिरश्यां ॥
Samhita Transcription Accented
ná dakṣiṇā́ ví cikite ná savyā́ ná prācī́namādityā nótá paścā́ ǀ
pākyā́ cidvasavo dhīryā́ cidyuṣmā́nīto ábhayam jyótiraśyām ǁ
Samhita Transcription Nonaccented
na dakṣiṇā vi cikite na savyā na prācīnamādityā nota paścā ǀ
pākyā cidvasavo dhīryā cidyuṣmānīto abhayam jyotiraśyām ǁ
Padapatha Devanagari Accented
न । द॒क्षि॒णा । वि । चि॒कि॒ते॒ । न । स॒व्या । न । प्रा॒चीन॑म् । आ॒दि॒त्याः॒ । न । उ॒त । प॒श्चा ।
पा॒क्या॑ । चि॒त् । व॒स॒वः॒ । धी॒र्या॑ । चि॒त् । यु॒ष्माऽनी॑तः । अभ॑यम् । ज्योतिः॑ । अ॒श्या॒म् ॥
Padapatha Devanagari Nonaccented
न । दक्षिणा । वि । चिकिते । न । सव्या । न । प्राचीनम् । आदित्याः । न । उत । पश्चा ।
पाक्या । चित् । वसवः । धीर्या । चित् । युष्माऽनीतः । अभयम् । ज्योतिः । अश्याम् ॥
Padapatha Transcription Accented
ná ǀ dakṣiṇā́ ǀ ví ǀ cikite ǀ ná ǀ savyā́ ǀ ná ǀ prācī́nam ǀ ādityāḥ ǀ ná ǀ utá ǀ paścā́ ǀ
pākyā́ ǀ cit ǀ vasavaḥ ǀ dhīryā́ ǀ cit ǀ yuṣmā́-nītaḥ ǀ ábhayam ǀ jyótiḥ ǀ aśyām ǁ
Padapatha Transcription Nonaccented
na ǀ dakṣiṇā ǀ vi ǀ cikite ǀ na ǀ savyā ǀ na ǀ prācīnam ǀ ādityāḥ ǀ na ǀ uta ǀ paścā ǀ
pākyā ǀ cit ǀ vasavaḥ ǀ dhīryā ǀ cit ǀ yuṣmā-nītaḥ ǀ abhayam ǀ jyotiḥ ǀ aśyām ǁ
02.027.12 (Mandala. Sukta. Rik)
2.7.08.02 (Ashtaka. Adhyaya. Varga. Rik)
02.03.056 (Mandala. Anuvāka. Rik)
Samhita Devanagari Accented
यो राज॑भ्य ऋत॒निभ्यो॑ द॒दाश॒ यं व॒र्धयं॑ति पु॒ष्टय॑श्च॒ नित्याः॑ ।
स रे॒वान्या॑ति प्रथ॒मो रथे॑न वसु॒दावा॑ वि॒दथे॑षु प्रश॒स्तः ॥
Samhita Devanagari Nonaccented
यो राजभ्य ऋतनिभ्यो ददाश यं वर्धयंति पुष्टयश्च नित्याः ।
स रेवान्याति प्रथमो रथेन वसुदावा विदथेषु प्रशस्तः ॥
Samhita Transcription Accented
yó rā́jabhya ṛtaníbhyo dadā́śa yám vardháyanti puṣṭáyaśca nítyāḥ ǀ
sá revā́nyāti prathamó ráthena vasudā́vā vidátheṣu praśastáḥ ǁ
Samhita Transcription Nonaccented
yo rājabhya ṛtanibhyo dadāśa yam vardhayanti puṣṭayaśca nityāḥ ǀ
sa revānyāti prathamo rathena vasudāvā vidatheṣu praśastaḥ ǁ
Padapatha Devanagari Accented
यः । राज॑ऽभ्यः । ऋ॒त॒निऽभ्यः॑ । द॒दाश॑ । यम् । व॒र्धय॑न्ति । पु॒ष्टयः॑ । च॒ । नित्याः॑ ।
सः । रे॒वान् । या॒ति॒ । प्र॒थ॒मः । रथे॑न । व॒सु॒ऽदावा॑ । वि॒दथे॑षु । प्र॒ऽश॒स्तः ॥
Padapatha Devanagari Nonaccented
यः । राजऽभ्यः । ऋतनिऽभ्यः । ददाश । यम् । वर्धयन्ति । पुष्टयः । च । नित्याः ।
सः । रेवान् । याति । प्रथमः । रथेन । वसुऽदावा । विदथेषु । प्रऽशस्तः ॥
Padapatha Transcription Accented
yáḥ ǀ rā́ja-bhyaḥ ǀ ṛtaní-bhyaḥ ǀ dadā́śa ǀ yám ǀ vardháyanti ǀ puṣṭáyaḥ ǀ ca ǀ nítyāḥ ǀ
sáḥ ǀ revā́n ǀ yāti ǀ prathamáḥ ǀ ráthena ǀ vasu-dā́vā ǀ vidátheṣu ǀ pra-śastáḥ ǁ
Padapatha Transcription Nonaccented
yaḥ ǀ rāja-bhyaḥ ǀ ṛtani-bhyaḥ ǀ dadāśa ǀ yam ǀ vardhayanti ǀ puṣṭayaḥ ǀ ca ǀ nityāḥ ǀ
saḥ ǀ revān ǀ yāti ǀ prathamaḥ ǀ rathena ǀ vasu-dāvā ǀ vidatheṣu ǀ pra-śastaḥ ǁ
02.027.13 (Mandala. Sukta. Rik)
2.7.08.03 (Ashtaka. Adhyaya. Varga. Rik)
02.03.057 (Mandala. Anuvāka. Rik)
Samhita Devanagari Accented
शुचि॑र॒पः सू॒यव॑सा॒ अद॑ब्ध॒ उप॑ क्षेति वृ॒द्धव॑याः सु॒वीरः॑ ।
नकि॒ष्टं घ्नं॒त्यंति॑तो॒ न दू॒राद्य आ॑दि॒त्यानां॒ भव॑ति॒ प्रणी॑तौ ॥
Samhita Devanagari Nonaccented
शुचिरपः सूयवसा अदब्ध उप क्षेति वृद्धवयाः सुवीरः ।
नकिष्टं घ्नंत्यंतितो न दूराद्य आदित्यानां भवति प्रणीतौ ॥
Samhita Transcription Accented
śúcirapáḥ sūyávasā ádabdha úpa kṣeti vṛddhávayāḥ suvī́raḥ ǀ
nákiṣṭám ghnantyántito ná dūrā́dyá ādityā́nām bhávati práṇītau ǁ
Samhita Transcription Nonaccented
śucirapaḥ sūyavasā adabdha upa kṣeti vṛddhavayāḥ suvīraḥ ǀ
nakiṣṭam ghnantyantito na dūrādya ādityānām bhavati praṇītau ǁ
Padapatha Devanagari Accented
शुचिः॑ । अ॒पः । सु॒ऽयव॑साः । अद॑ब्धः । उप॑ । क्षे॒ति॒ । वृ॒द्धऽव॑याः । सु॒ऽवीरः॑ ।
नकिः॑ । तम् । घ्न॒न्ति॒ । अन्ति॑तः । न । दू॒रात् । यः । आ॒दि॒त्याना॑म् । भव॑ति । प्रऽनी॑तौ ॥
Padapatha Devanagari Nonaccented
शुचिः । अपः । सुऽयवसाः । अदब्धः । उप । क्षेति । वृद्धऽवयाः । सुऽवीरः ।
नकिः । तम् । घ्नन्ति । अन्तितः । न । दूरात् । यः । आदित्यानाम् । भवति । प्रऽनीतौ ॥
Padapatha Transcription Accented
śúciḥ ǀ apáḥ ǀ su-yávasāḥ ǀ ádabdhaḥ ǀ úpa ǀ kṣeti ǀ vṛddhá-vayāḥ ǀ su-vī́raḥ ǀ
nákiḥ ǀ tám ǀ ghnanti ǀ ántitaḥ ǀ ná ǀ dūrā́t ǀ yáḥ ǀ ādityā́nām ǀ bhávati ǀ prá-nītau ǁ
Padapatha Transcription Nonaccented
śuciḥ ǀ apaḥ ǀ su-yavasāḥ ǀ adabdhaḥ ǀ upa ǀ kṣeti ǀ vṛddha-vayāḥ ǀ su-vīraḥ ǀ
nakiḥ ǀ tam ǀ ghnanti ǀ antitaḥ ǀ na ǀ dūrāt ǀ yaḥ ǀ ādityānām ǀ bhavati ǀ pra-nītau ǁ
02.027.14 (Mandala. Sukta. Rik)
2.7.08.04 (Ashtaka. Adhyaya. Varga. Rik)
02.03.058 (Mandala. Anuvāka. Rik)
Samhita Devanagari Accented
अदि॑ते॒ मित्र॒ वरु॑णो॒त मृ॑ळ॒ यद्वो॑ व॒यं च॑कृ॒मा कच्चि॒दागः॑ ।
उ॒र्व॑श्या॒मभ॑यं॒ ज्योति॑रिंद्र॒ मा नो॑ दी॒र्घा अ॒भि न॑शं॒तमि॑स्राः ॥
Samhita Devanagari Nonaccented
अदिते मित्र वरुणोत मृळ यद्वो वयं चकृमा कच्चिदागः ।
उर्वश्यामभयं ज्योतिरिंद्र मा नो दीर्घा अभि नशंतमिस्राः ॥
Samhita Transcription Accented
ádite mítra váruṇotá mṛḷa yádvo vayám cakṛmā́ káccidā́gaḥ ǀ
urváśyāmábhayam jyótirindra mā́ no dīrghā́ abhí naśantámisrāḥ ǁ
Samhita Transcription Nonaccented
adite mitra varuṇota mṛḷa yadvo vayam cakṛmā kaccidāgaḥ ǀ
urvaśyāmabhayam jyotirindra mā no dīrghā abhi naśantamisrāḥ ǁ
Padapatha Devanagari Accented
अदि॑ते । मित्र॑ । वरु॑ण । उ॒त । मृ॒ळ॒ । यत् । वः॒ । व॒यम् । च॒कृ॒म । कत् । चि॒त् । आगः॑ ।
उ॒रु । अ॒श्या॒म् । अभ॑यम् । ज्योतिः॑ । इ॒न्द्र॒ । मा । नः॒ । दी॒र्घाः । अ॒भि । न॒श॒न् । तमि॑स्राः ॥
Padapatha Devanagari Nonaccented
अदिते । मित्र । वरुण । उत । मृळ । यत् । वः । वयम् । चकृम । कत् । चित् । आगः ।
उरु । अश्याम् । अभयम् । ज्योतिः । इन्द्र । मा । नः । दीर्घाः । अभि । नशन् । तमिस्राः ॥
Padapatha Transcription Accented
ádite ǀ mítra ǀ váruṇa ǀ utá ǀ mṛḷa ǀ yát ǀ vaḥ ǀ vayám ǀ cakṛmá ǀ kát ǀ cit ǀ ā́gaḥ ǀ
urú ǀ aśyām ǀ ábhayam ǀ jyótiḥ ǀ indra ǀ mā́ ǀ naḥ ǀ dīrghā́ḥ ǀ abhí ǀ naśan ǀ támisrāḥ ǁ
Padapatha Transcription Nonaccented
adite ǀ mitra ǀ varuṇa ǀ uta ǀ mṛḷa ǀ yat ǀ vaḥ ǀ vayam ǀ cakṛma ǀ kat ǀ cit ǀ āgaḥ ǀ
uru ǀ aśyām ǀ abhayam ǀ jyotiḥ ǀ indra ǀ mā ǀ naḥ ǀ dīrghāḥ ǀ abhi ǀ naśan ǀ tamisrāḥ ǁ
02.027.15 (Mandala. Sukta. Rik)
2.7.08.05 (Ashtaka. Adhyaya. Varga. Rik)
02.03.059 (Mandala. Anuvāka. Rik)
Samhita Devanagari Accented
उ॒भे अ॑स्मै पीपयतः समी॒ची दि॒वो वृ॒ष्टिं सु॒भगो॒ नाम॒ पुष्य॑न् ।
उ॒भा क्षया॑वा॒जय॑न्याति पृ॒त्सूभावर्धौ॑ भवतः सा॒धू अ॑स्मै ॥
Samhita Devanagari Nonaccented
उभे अस्मै पीपयतः समीची दिवो वृष्टिं सुभगो नाम पुष्यन् ।
उभा क्षयावाजयन्याति पृत्सूभावर्धौ भवतः साधू अस्मै ॥
Samhita Transcription Accented
ubhé asmai pīpayataḥ samīcī́ divó vṛṣṭím subhágo nā́ma púṣyan ǀ
ubhā́ kṣáyāvājáyanyāti pṛtsū́bhā́várdhau bhavataḥ sādhū́ asmai ǁ
Samhita Transcription Nonaccented
ubhe asmai pīpayataḥ samīcī divo vṛṣṭim subhago nāma puṣyan ǀ
ubhā kṣayāvājayanyāti pṛtsūbhāvardhau bhavataḥ sādhū asmai ǁ
Padapatha Devanagari Accented
उ॒भे इति॑ । अ॒स्मै॒ । पी॒प॒य॒तः॒ । स॒मी॒ची इति॑ स॒म्ऽई॒ची । दि॒वः । वृ॒ष्टिम् । सु॒ऽभगः॑ । नाम॑ । पुष्य॑न् ।
उ॒भा । क्षयौ॑ । आ॒ऽजय॑न् । या॒ति॒ । पृ॒त्ऽसु । उ॒भौ । अर्धौ॑ । भ॒व॒तः॒ । सा॒धू इति॑ । अ॒स्मै॒ ॥
Padapatha Devanagari Nonaccented
उभे इति । अस्मै । पीपयतः । समीची इति सम्ऽईची । दिवः । वृष्टिम् । सुऽभगः । नाम । पुष्यन् ।
उभा । क्षयौ । आऽजयन् । याति । पृत्ऽसु । उभौ । अर्धौ । भवतः । साधू इति । अस्मै ॥
Padapatha Transcription Accented
ubhé íti ǀ asmai ǀ pīpayataḥ ǀ samīcī́ íti sam-īcī́ ǀ diváḥ ǀ vṛṣṭím ǀ su-bhágaḥ ǀ nā́ma ǀ púṣyan ǀ
ubhā́ ǀ kṣáyau ǀ ā-jáyan ǀ yāti ǀ pṛt-sú ǀ ubháu ǀ árdhau ǀ bhavataḥ ǀ sādhū́ íti ǀ asmai ǁ
Padapatha Transcription Nonaccented
ubhe iti ǀ asmai ǀ pīpayataḥ ǀ samīcī iti sam-īcī ǀ divaḥ ǀ vṛṣṭim ǀ su-bhagaḥ ǀ nāma ǀ puṣyan ǀ
ubhā ǀ kṣayau ǀ ā-jayan ǀ yāti ǀ pṛt-su ǀ ubhau ǀ ardhau ǀ bhavataḥ ǀ sādhū iti ǀ asmai ǁ
02.027.16 (Mandala. Sukta. Rik)
2.7.08.06 (Ashtaka. Adhyaya. Varga. Rik)
02.03.060 (Mandala. Anuvāka. Rik)
Samhita Devanagari Accented
या वो॑ मा॒या अ॑भि॒द्रुहे॑ यजत्राः॒ पाशा॑ आदित्या रि॒पवे॒ विचृ॑त्ताः ।
अ॒श्वीव॒ ताँ अति॑ येषं॒ रथे॒नारि॑ष्टा उ॒रावा शर्म॑न्त्स्याम ॥
Samhita Devanagari Nonaccented
या वो माया अभिद्रुहे यजत्राः पाशा आदित्या रिपवे विचृत्ताः ।
अश्वीव ताँ अति येषं रथेनारिष्टा उरावा शर्मन्त्स्याम ॥
Samhita Transcription Accented
yā́ vo māyā́ abhidrúhe yajatrāḥ pā́śā ādityā ripáve vícṛttāḥ ǀ
aśvī́va tā́m̐ áti yeṣam ráthenā́riṣṭā urā́vā́ śármantsyāma ǁ
Samhita Transcription Nonaccented
yā vo māyā abhidruhe yajatrāḥ pāśā ādityā ripave vicṛttāḥ ǀ
aśvīva tām̐ ati yeṣam rathenāriṣṭā urāvā śarmantsyāma ǁ
Padapatha Devanagari Accented
याः । वः॒ । मा॒याः । अ॒भि॒ऽद्रुहे॑ । य॒ज॒त्राः॒ । पाशाः॑ । आ॒दि॒त्याः॒ । रि॒पवे॑ । विऽचृ॑त्ताः ।
अ॒श्वीऽइ॑व । तान् । अति॑ । ये॒ष॒म् । रथे॑न । अरि॑ष्टाः । उ॒रौ । आ । शर्म॑न् । स्या॒म॒ ॥
Padapatha Devanagari Nonaccented
याः । वः । मायाः । अभिऽद्रुहे । यजत्राः । पाशाः । आदित्याः । रिपवे । विऽचृत्ताः ।
अश्वीऽइव । तान् । अति । येषम् । रथेन । अरिष्टाः । उरौ । आ । शर्मन् । स्याम ॥
Padapatha Transcription Accented
yā́ḥ ǀ vaḥ ǀ māyā́ḥ ǀ abhi-drúhe ǀ yajatrāḥ ǀ pā́śāḥ ǀ ādityāḥ ǀ ripáve ǀ ví-cṛttāḥ ǀ
aśvī́-iva ǀ tā́n ǀ áti ǀ yeṣam ǀ ráthena ǀ áriṣṭāḥ ǀ uráu ǀ ā́ ǀ śárman ǀ syāma ǁ
Padapatha Transcription Nonaccented
yāḥ ǀ vaḥ ǀ māyāḥ ǀ abhi-druhe ǀ yajatrāḥ ǀ pāśāḥ ǀ ādityāḥ ǀ ripave ǀ vi-cṛttāḥ ǀ
aśvī-iva ǀ tān ǀ ati ǀ yeṣam ǀ rathena ǀ ariṣṭāḥ ǀ urau ǀ ā ǀ śarman ǀ syāma ǁ
02.027.17 (Mandala. Sukta. Rik)
2.7.08.07 (Ashtaka. Adhyaya. Varga. Rik)
02.03.061 (Mandala. Anuvāka. Rik)
Samhita Devanagari Accented
माहं म॒घोनो॑ वरुण प्रि॒यस्य॑ भूरि॒दाव्न॒ आ वि॑दं॒ शून॑मा॒पेः ।
मा रा॒यो रा॑जन्त्सु॒यमा॒दव॑ स्थां बृ॒हद्व॑देम वि॒दथे॑ सु॒वीराः॑ ॥
Samhita Devanagari Nonaccented
माहं मघोनो वरुण प्रियस्य भूरिदाव्न आ विदं शूनमापेः ।
मा रायो राजन्त्सुयमादव स्थां बृहद्वदेम विदथे सुवीराः ॥
Samhita Transcription Accented
mā́hám maghóno varuṇa priyásya bhūridā́vna ā́ vidam śū́namāpéḥ ǀ
mā́ rāyó rājantsuyámādáva sthām bṛhádvadema vidáthe suvī́rāḥ ǁ
Samhita Transcription Nonaccented
māham maghono varuṇa priyasya bhūridāvna ā vidam śūnamāpeḥ ǀ
mā rāyo rājantsuyamādava sthām bṛhadvadema vidathe suvīrāḥ ǁ
Padapatha Devanagari Accented
मा । अ॒हम् । म॒घोनः॑ । व॒रु॒ण॒ । प्रि॒यस्य॑ । भू॒रि॒ऽदाव्नः॑ । आ । वि॒द॒म् । शून॑म् । आ॒पेः ।
मा । रा॒यः । रा॒ज॒न् । सु॒ऽयमा॑त् । अव॑ । स्था॒म् । बृ॒हत् । व॒दे॒म॒ । वि॒दथे॑ । सु॒ऽवीराः॑ ॥
Padapatha Devanagari Nonaccented
मा । अहम् । मघोनः । वरुण । प्रियस्य । भूरिऽदाव्नः । आ । विदम् । शूनम् । आपेः ।
मा । रायः । राजन् । सुऽयमात् । अव । स्थाम् । बृहत् । वदेम । विदथे । सुऽवीराः ॥
Padapatha Transcription Accented
mā́ ǀ ahám ǀ maghónaḥ ǀ varuṇa ǀ priyásya ǀ bhūri-dā́vnaḥ ǀ ā́ ǀ vidam ǀ śū́nam ǀ āpéḥ ǀ
mā́ ǀ rāyáḥ ǀ rājan ǀ su-yámāt ǀ áva ǀ sthām ǀ bṛhát ǀ vadema ǀ vidáthe ǀ su-vī́rāḥ ǁ
Padapatha Transcription Nonaccented
mā ǀ aham ǀ maghonaḥ ǀ varuṇa ǀ priyasya ǀ bhūri-dāvnaḥ ǀ ā ǀ vidam ǀ śūnam ǀ āpeḥ ǀ
mā ǀ rāyaḥ ǀ rājan ǀ su-yamāt ǀ ava ǀ sthām ǀ bṛhat ǀ vadema ǀ vidathe ǀ su-vīrāḥ ǁ