|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 30
|
1. Info |
| To: | 1: indra, savitṛ; 2, 3, 5, 7, 10: indra; 4: indra, bṛhaspati; 6: indra, soma; 8: sarasvatī (a), indra (b); 9: bṛhaspati; 11: maruts |
|
| From: | gṛtsamada bhārgava śaunaka | |
| Metres: | 1st set of styles: triṣṭup (4-7, 9); bhurikpaṅkti (1, 3); nicṛttriṣṭup (2, 8); virāṭtrisṭup (10); bhuriktriṣṭup (11) 2nd set of styles: triṣṭubh (1-10); jagatī (11) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.030.01 (Mandala. Sukta. Rik)
2.7.12.01 (Ashtaka. Adhyaya. Varga. Rik)
02.03.080 (Mandala. Anuvāka. Rik)
Samhita Devanagari Accented
ऋ॒तं दे॒वाय॑ कृण्व॒ते स॑वि॒त्र इंद्रा॑याहि॒घ्ने न र॑मंत॒ आपः॑ ।
अह॑रहर्यात्य॒क्तुर॒पां किया॒त्या प्र॑थ॒मः सर्ग॑ आसां ॥
Samhita Devanagari Nonaccented
ऋतं देवाय कृण्वते सवित्र इंद्रायाहिघ्ने न रमंत आपः ।
अहरहर्यात्यक्तुरपां कियात्या प्रथमः सर्ग आसां ॥
Samhita Transcription Accented
ṛtám devā́ya kṛṇvaté savitrá índrāyāhighné ná ramanta ā́paḥ ǀ
áharaharyātyaktúrapā́m kíyātyā́ prathamáḥ sárga āsām ǁ
Samhita Transcription Nonaccented
ṛtam devāya kṛṇvate savitra indrāyāhighne na ramanta āpaḥ ǀ
aharaharyātyakturapām kiyātyā prathamaḥ sarga āsām ǁ
Padapatha Devanagari Accented
ऋ॒तम् । दे॒वाय॑ । कृ॒ण्व॒ते । स॒वि॒त्रे । इन्द्रा॑य । अ॒हि॒ऽघ्ने । न । र॒म॒न्ते॒ । आपः॑ ।
अहः॑ऽअहः । या॒ति॒ । अ॒क्तुः । अ॒पाम् । किय॑ति । आ । प्र॒थ॒मः । सर्गः॑ । आ॒सा॒म् ॥
Padapatha Devanagari Nonaccented
ऋतम् । देवाय । कृण्वते । सवित्रे । इन्द्राय । अहिऽघ्ने । न । रमन्ते । आपः ।
अहःऽअहः । याति । अक्तुः । अपाम् । कियति । आ । प्रथमः । सर्गः । आसाम् ॥
Padapatha Transcription Accented
ṛtám ǀ devā́ya ǀ kṛṇvaté ǀ savitré ǀ índrāya ǀ ahi-ghné ǀ ná ǀ ramante ǀ ā́paḥ ǀ
áhaḥ-ahaḥ ǀ yāti ǀ aktúḥ ǀ apā́m ǀ kíyati ǀ ā́ ǀ prathamáḥ ǀ sárgaḥ ǀ āsām ǁ
Padapatha Transcription Nonaccented
ṛtam ǀ devāya ǀ kṛṇvate ǀ savitre ǀ indrāya ǀ ahi-ghne ǀ na ǀ ramante ǀ āpaḥ ǀ
ahaḥ-ahaḥ ǀ yāti ǀ aktuḥ ǀ apām ǀ kiyati ǀ ā ǀ prathamaḥ ǀ sargaḥ ǀ āsām ǁ
02.030.02 (Mandala. Sukta. Rik)
2.7.12.02 (Ashtaka. Adhyaya. Varga. Rik)
02.03.081 (Mandala. Anuvāka. Rik)
Samhita Devanagari Accented
यो वृ॒त्राय॒ सिन॒मत्राभ॑रिष्य॒त्प्र तं जनि॑त्री वि॒दुष॑ उवाच ।
प॒थो रदं॑ती॒रनु॒ जोष॑मस्मै दि॒वेदि॑वे॒ धुन॑यो यं॒त्यर्थं॑ ॥
Samhita Devanagari Nonaccented
यो वृत्राय सिनमत्राभरिष्यत्प्र तं जनित्री विदुष उवाच ।
पथो रदंतीरनु जोषमस्मै दिवेदिवे धुनयो यंत्यर्थं ॥
Samhita Transcription Accented
yó vṛtrā́ya sínamátrā́bhariṣyatprá tám jánitrī vidúṣa uvāca ǀ
pathó rádantīránu jóṣamasmai divédive dhúnayo yantyártham ǁ
Samhita Transcription Nonaccented
yo vṛtrāya sinamatrābhariṣyatpra tam janitrī viduṣa uvāca ǀ
patho radantīranu joṣamasmai divedive dhunayo yantyartham ǁ
Padapatha Devanagari Accented
यः । वृ॒त्राय॑ । सिन॑म् । अत्र॑ । अभ॑रिष्यत् । प्र । तम् । जनि॑त्री । वि॒दुषे॑ । उ॒वा॒च॒ ।
प॒थः । रद॑न्तीः । अनु॑ । जोष॑म् । अ॒स्मै॒ । दि॒वेऽदि॑वे । धुन॑यः । य॒न्ति॒ । अर्थ॑म् ॥
Padapatha Devanagari Nonaccented
यः । वृत्राय । सिनम् । अत्र । अभरिष्यत् । प्र । तम् । जनित्री । विदुषे । उवाच ।
पथः । रदन्तीः । अनु । जोषम् । अस्मै । दिवेऽदिवे । धुनयः । यन्ति । अर्थम् ॥
Padapatha Transcription Accented
yáḥ ǀ vṛtrā́ya ǀ sínam ǀ átra ǀ ábhariṣyat ǀ prá ǀ tám ǀ jánitrī ǀ vidúṣe ǀ uvāca ǀ
patháḥ ǀ rádantīḥ ǀ ánu ǀ jóṣam ǀ asmai ǀ divé-dive ǀ dhúnayaḥ ǀ yanti ǀ ártham ǁ
Padapatha Transcription Nonaccented
yaḥ ǀ vṛtrāya ǀ sinam ǀ atra ǀ abhariṣyat ǀ pra ǀ tam ǀ janitrī ǀ viduṣe ǀ uvāca ǀ
pathaḥ ǀ radantīḥ ǀ anu ǀ joṣam ǀ asmai ǀ dive-dive ǀ dhunayaḥ ǀ yanti ǀ artham ǁ
02.030.03 (Mandala. Sukta. Rik)
2.7.12.03 (Ashtaka. Adhyaya. Varga. Rik)
02.03.082 (Mandala. Anuvāka. Rik)
Samhita Devanagari Accented
ऊ॒र्ध्वो ह्यस्था॒दध्यं॒तरि॒क्षेऽधा॑ वृ॒त्राय॒ प्र व॒धं ज॑भार ।
मिहं॒ वसा॑न॒ उप॒ हीमदु॑द्रोत्ति॒ग्मायु॑धो अजय॒च्छत्रु॒मिंद्रः॑ ॥
Samhita Devanagari Nonaccented
ऊर्ध्वो ह्यस्थादध्यंतरिक्षेऽधा वृत्राय प्र वधं जभार ।
मिहं वसान उप हीमदुद्रोत्तिग्मायुधो अजयच्छत्रुमिंद्रः ॥
Samhita Transcription Accented
ūrdhvó hyásthādádhyantárikṣé’dhā vṛtrā́ya prá vadhám jabhāra ǀ
míham vásāna úpa hī́mádudrottigmā́yudho ajayacchátrumíndraḥ ǁ
Samhita Transcription Nonaccented
ūrdhvo hyasthādadhyantarikṣe’dhā vṛtrāya pra vadham jabhāra ǀ
miham vasāna upa hīmadudrottigmāyudho ajayacchatrumindraḥ ǁ
Padapatha Devanagari Accented
ऊ॒र्ध्वः । हि । अस्था॑त् । अधि॑ । अ॒न्तरि॑क्षे । अध॑ । वृ॒त्राय॑ । प्र । व॒धम् । ज॒भा॒र॒ ।
मिह॑म् । वसा॑नः । उप॑ । हि । ई॒म् । अदु॑द्रोत् । ति॒ग्मऽआ॑युधः । अ॒ज॒य॒त् । शत्रु॑म् । इन्द्रः॑ ॥
Padapatha Devanagari Nonaccented
ऊर्ध्वः । हि । अस्थात् । अधि । अन्तरिक्षे । अध । वृत्राय । प्र । वधम् । जभार ।
मिहम् । वसानः । उप । हि । ईम् । अदुद्रोत् । तिग्मऽआयुधः । अजयत् । शत्रुम् । इन्द्रः ॥
Padapatha Transcription Accented
ūrdhváḥ ǀ hí ǀ ásthāt ǀ ádhi ǀ antárikṣe ǀ ádha ǀ vṛtrā́ya ǀ prá ǀ vadhám ǀ jabhāra ǀ
míham ǀ vásānaḥ ǀ úpa ǀ hí ǀ īm ǀ ádudrot ǀ tigmá-āyudhaḥ ǀ ajayat ǀ śátrum ǀ índraḥ ǁ
Padapatha Transcription Nonaccented
ūrdhvaḥ ǀ hi ǀ asthāt ǀ adhi ǀ antarikṣe ǀ adha ǀ vṛtrāya ǀ pra ǀ vadham ǀ jabhāra ǀ
miham ǀ vasānaḥ ǀ upa ǀ hi ǀ īm ǀ adudrot ǀ tigma-āyudhaḥ ǀ ajayat ǀ śatrum ǀ indraḥ ǁ
02.030.04 (Mandala. Sukta. Rik)
2.7.12.04 (Ashtaka. Adhyaya. Varga. Rik)
02.03.083 (Mandala. Anuvāka. Rik)
Samhita Devanagari Accented
बृह॑स्पते॒ तपु॒षाश्ने॑व विध्य॒ वृक॑द्वरसो॒ असु॑रस्य वी॒रान् ।
यथा॑ ज॒घंथ॑ धृष॒ता पु॒रा चि॑दे॒वा ज॑हि॒ शत्रु॑म॒स्माक॑मिंद्र ॥
Samhita Devanagari Nonaccented
बृहस्पते तपुषाश्नेव विध्य वृकद्वरसो असुरस्य वीरान् ।
यथा जघंथ धृषता पुरा चिदेवा जहि शत्रुमस्माकमिंद्र ॥
Samhita Transcription Accented
bṛ́haspate tápuṣā́śneva vidhya vṛ́kadvaraso ásurasya vīrā́n ǀ
yáthā jaghántha dhṛṣatā́ purā́ cidevā́ jahi śátrumasmā́kamindra ǁ
Samhita Transcription Nonaccented
bṛhaspate tapuṣāśneva vidhya vṛkadvaraso asurasya vīrān ǀ
yathā jaghantha dhṛṣatā purā cidevā jahi śatrumasmākamindra ǁ
Padapatha Devanagari Accented
बृह॑स्पते । तपु॑षा । अश्ना॑ऽइव । वि॒ध्य॒ । वृक॑ऽद्वरसः । असु॑रस्य । वी॒रान् ।
यथा॑ । ज॒घन्थ॑ । धृ॒ष॒ता । पु॒रा । चि॒त् । ए॒व । ज॒हि॒ । शत्रु॑म् । अ॒स्माक॑म् । इ॒न्द्र॒ ॥
Padapatha Devanagari Nonaccented
बृहस्पते । तपुषा । अश्नाऽइव । विध्य । वृकऽद्वरसः । असुरस्य । वीरान् ।
यथा । जघन्थ । धृषता । पुरा । चित् । एव । जहि । शत्रुम् । अस्माकम् । इन्द्र ॥
Padapatha Transcription Accented
bṛ́haspate ǀ tápuṣā ǀ áśnā-iva ǀ vidhya ǀ vṛ́ka-dvarasaḥ ǀ ásurasya ǀ vīrā́n ǀ
yáthā ǀ jaghántha ǀ dhṛṣatā́ ǀ purā́ ǀ cit ǀ evá ǀ jahi ǀ śátrum ǀ asmā́kam ǀ indra ǁ
Padapatha Transcription Nonaccented
bṛhaspate ǀ tapuṣā ǀ aśnā-iva ǀ vidhya ǀ vṛka-dvarasaḥ ǀ asurasya ǀ vīrān ǀ
yathā ǀ jaghantha ǀ dhṛṣatā ǀ purā ǀ cit ǀ eva ǀ jahi ǀ śatrum ǀ asmākam ǀ indra ǁ
02.030.05 (Mandala. Sukta. Rik)
2.7.12.05 (Ashtaka. Adhyaya. Varga. Rik)
02.03.084 (Mandala. Anuvāka. Rik)
Samhita Devanagari Accented
अव॑ क्षिप दि॒वो अश्मा॑नमु॒च्चा येन॒ शत्रुं॑ मंदसा॒नो नि॒जूर्वाः॑ ।
तो॒कस्य॑ सा॒तौ तन॑यस्य॒ भूरे॑र॒स्माँ अ॒र्धं कृ॑णुतादिंद्र॒ गोनां॑ ॥
Samhita Devanagari Nonaccented
अव क्षिप दिवो अश्मानमुच्चा येन शत्रुं मंदसानो निजूर्वाः ।
तोकस्य सातौ तनयस्य भूरेरस्माँ अर्धं कृणुतादिंद्र गोनां ॥
Samhita Transcription Accented
áva kṣipa divó áśmānamuccā́ yéna śátrum mandasānó nijū́rvāḥ ǀ
tokásya sātáu tánayasya bhū́rerasmā́m̐ ardhám kṛṇutādindra gónām ǁ
Samhita Transcription Nonaccented
ava kṣipa divo aśmānamuccā yena śatrum mandasāno nijūrvāḥ ǀ
tokasya sātau tanayasya bhūrerasmām̐ ardham kṛṇutādindra gonām ǁ
Padapatha Devanagari Accented
अव॑ । क्षि॒प॒ । दि॒वः । अश्मा॑नम् । उ॒च्चा । येन॑ । शत्रु॑म् । म॒न्द॒सा॒नः । नि॒ऽजूर्वाः॑ ।
तो॒कस्य॑ । सा॒तौ । तन॑यस्य । भूरेः॑ । अ॒स्मान् । अ॒र्धम् । कृ॒णु॒ता॒त् । इ॒न्द्र॒ । गोना॑म् ॥
Padapatha Devanagari Nonaccented
अव । क्षिप । दिवः । अश्मानम् । उच्चा । येन । शत्रुम् । मन्दसानः । निऽजूर्वाः ।
तोकस्य । सातौ । तनयस्य । भूरेः । अस्मान् । अर्धम् । कृणुतात् । इन्द्र । गोनाम् ॥
Padapatha Transcription Accented
áva ǀ kṣipa ǀ diváḥ ǀ áśmānam ǀ uccā́ ǀ yéna ǀ śátrum ǀ mandasānáḥ ǀ ni-jū́rvāḥ ǀ
tokásya ǀ sātáu ǀ tánayasya ǀ bhū́reḥ ǀ asmā́n ǀ ardhám ǀ kṛṇutāt ǀ indra ǀ gónām ǁ
Padapatha Transcription Nonaccented
ava ǀ kṣipa ǀ divaḥ ǀ aśmānam ǀ uccā ǀ yena ǀ śatrum ǀ mandasānaḥ ǀ ni-jūrvāḥ ǀ
tokasya ǀ sātau ǀ tanayasya ǀ bhūreḥ ǀ asmān ǀ ardham ǀ kṛṇutāt ǀ indra ǀ gonām ǁ
02.030.06 (Mandala. Sukta. Rik)
2.7.13.01 (Ashtaka. Adhyaya. Varga. Rik)
02.03.085 (Mandala. Anuvāka. Rik)
Samhita Devanagari Accented
प्र हि क्रतुं॑ वृ॒हथो॒ यं व॑नु॒थो र॒ध्रस्य॑ स्थो॒ यज॑मानस्य चो॒दौ ।
इंद्रा॑सोमा यु॒वम॒स्माँ अ॑विष्टम॒स्मिन्भ॒यस्थे॑ कृणुतमु लो॒कं ॥
Samhita Devanagari Nonaccented
प्र हि क्रतुं वृहथो यं वनुथो रध्रस्य स्थो यजमानस्य चोदौ ।
इंद्रासोमा युवमस्माँ अविष्टमस्मिन्भयस्थे कृणुतमु लोकं ॥
Samhita Transcription Accented
prá hí krátum vṛhátho yám vanuthó radhrásya stho yájamānasya codáu ǀ
índrāsomā yuvámasmā́m̐ aviṣṭamasmínbhayásthe kṛṇutamu lokám ǁ
Samhita Transcription Nonaccented
pra hi kratum vṛhatho yam vanutho radhrasya stho yajamānasya codau ǀ
indrāsomā yuvamasmām̐ aviṣṭamasminbhayasthe kṛṇutamu lokam ǁ
Padapatha Devanagari Accented
प्र । हि । क्रतु॑म् । वृ॒हथः॑ । यम् । व॒नु॒थः । र॒ध्रस्य॑ । स्थः॒ । यज॑मानस्य । चो॒दौ ।
इन्द्रा॑सोमा । यु॒वम् । अ॒स्मान् । अ॒वि॒ष्ट॒म् । अ॒स्मिन् । भ॒यऽस्थे॑ । कृ॒णु॒त॒म् । ऊं॒ इति॑ । लो॒कम् ॥
Padapatha Devanagari Nonaccented
प्र । हि । क्रतुम् । वृहथः । यम् । वनुथः । रध्रस्य । स्थः । यजमानस्य । चोदौ ।
इन्द्रासोमा । युवम् । अस्मान् । अविष्टम् । अस्मिन् । भयऽस्थे । कृणुतम् । ऊं इति । लोकम् ॥
Padapatha Transcription Accented
prá ǀ hí ǀ krátum ǀ vṛháthaḥ ǀ yám ǀ vanutháḥ ǀ radhrásya ǀ sthaḥ ǀ yájamānasya ǀ codáu ǀ
índrāsomā ǀ yuvám ǀ asmā́n ǀ aviṣṭam ǀ asmín ǀ bhayá-sthe ǀ kṛṇutam ǀ ūṃ íti ǀ lokám ǁ
Padapatha Transcription Nonaccented
pra ǀ hi ǀ kratum ǀ vṛhathaḥ ǀ yam ǀ vanuthaḥ ǀ radhrasya ǀ sthaḥ ǀ yajamānasya ǀ codau ǀ
indrāsomā ǀ yuvam ǀ asmān ǀ aviṣṭam ǀ asmin ǀ bhaya-sthe ǀ kṛṇutam ǀ ūṃ iti ǀ lokam ǁ
02.030.07 (Mandala. Sukta. Rik)
2.7.13.02 (Ashtaka. Adhyaya. Varga. Rik)
02.03.086 (Mandala. Anuvāka. Rik)
Samhita Devanagari Accented
न मा॑ तम॒न्न श्र॑म॒न्नोत तं॑द्र॒न्न वो॑चाम॒ मा सु॑नो॒तेति॒ सोमं॑ ।
यो मे॑ पृ॒णाद्यो दद॒द्यो नि॒बोधा॒द्यो मा॑ सु॒न्वंत॒मुप॒ गोभि॒राय॑त् ॥
Samhita Devanagari Nonaccented
न मा तमन्न श्रमन्नोत तंद्रन्न वोचाम मा सुनोतेति सोमं ।
यो मे पृणाद्यो ददद्यो निबोधाद्यो मा सुन्वंतमुप गोभिरायत् ॥
Samhita Transcription Accented
ná mā tamanná śramannótá tandranná vocāma mā́ sunotéti sómam ǀ
yó me pṛṇā́dyó dádadyó nibódhādyó mā sunvántamúpa góbhirā́yat ǁ
Samhita Transcription Nonaccented
na mā tamanna śramannota tandranna vocāma mā sunoteti somam ǀ
yo me pṛṇādyo dadadyo nibodhādyo mā sunvantamupa gobhirāyat ǁ
Padapatha Devanagari Accented
न । मा॒ । त॒म॒त् । न । श्र॒म॒त् । न । उ॒त । त॒न्द्र॒त् । न । वो॒चा॒म॒ । मा । सु॒नो॒त॒ । इति॑ । सोम॑म् ।
यः । मे॒ । पृ॒णात् । यः । दद॑त् । यः । नि॒ऽबोधा॑त् । यः । मा॒ । सु॒न्वन्त॑म् । उप॑ । गोभिः॑ । आ । अय॑त् ॥
Padapatha Devanagari Nonaccented
न । मा । तमत् । न । श्रमत् । न । उत । तन्द्रत् । न । वोचाम । मा । सुनोत । इति । सोमम् ।
यः । मे । पृणात् । यः । ददत् । यः । निऽबोधात् । यः । मा । सुन्वन्तम् । उप । गोभिः । आ । अयत् ॥
Padapatha Transcription Accented
ná ǀ mā ǀ tamat ǀ ná ǀ śramat ǀ ná ǀ utá ǀ tandrat ǀ ná ǀ vocāma ǀ mā́ ǀ sunota ǀ íti ǀ sómam ǀ
yáḥ ǀ me ǀ pṛṇā́t ǀ yáḥ ǀ dádat ǀ yáḥ ǀ ni-bódhāt ǀ yáḥ ǀ mā ǀ sunvántam ǀ úpa ǀ góbhiḥ ǀ ā́ ǀ áyat ǁ
Padapatha Transcription Nonaccented
na ǀ mā ǀ tamat ǀ na ǀ śramat ǀ na ǀ uta ǀ tandrat ǀ na ǀ vocāma ǀ mā ǀ sunota ǀ iti ǀ somam ǀ
yaḥ ǀ me ǀ pṛṇāt ǀ yaḥ ǀ dadat ǀ yaḥ ǀ ni-bodhāt ǀ yaḥ ǀ mā ǀ sunvantam ǀ upa ǀ gobhiḥ ǀ ā ǀ ayat ǁ
02.030.08 (Mandala. Sukta. Rik)
2.7.13.03 (Ashtaka. Adhyaya. Varga. Rik)
02.03.087 (Mandala. Anuvāka. Rik)
Samhita Devanagari Accented
सर॑स्वति॒ त्वम॒स्माँ अ॑विड्ढि म॒रुत्व॑ती धृष॒ती जे॑षि॒ शत्रू॑न् ।
त्यं चि॒च्छर्धं॑तं तविषी॒यमा॑ण॒मिंद्रो॑ हंति वृष॒भं शंडि॑कानां ॥
Samhita Devanagari Nonaccented
सरस्वति त्वमस्माँ अविड्ढि मरुत्वती धृषती जेषि शत्रून् ।
त्यं चिच्छर्धंतं तविषीयमाणमिंद्रो हंति वृषभं शंडिकानां ॥
Samhita Transcription Accented
sárasvati tvámasmā́m̐ aviḍḍhi marútvatī dhṛṣatī́ jeṣi śátrūn ǀ
tyám cicchárdhantam taviṣīyámāṇamíndro hanti vṛṣabhám śáṇḍikānām ǁ
Samhita Transcription Nonaccented
sarasvati tvamasmām̐ aviḍḍhi marutvatī dhṛṣatī jeṣi śatrūn ǀ
tyam cicchardhantam taviṣīyamāṇamindro hanti vṛṣabham śaṇḍikānām ǁ
Padapatha Devanagari Accented
सर॑स्वति । त्वम् । अ॒स्मान् । अ॒वि॒ड्ढि॒ । म॒रुत्व॑ती । धृ॒ष॒ती । जे॒षि॒ । शत्रू॑न् ।
त्यम् । चि॒त् । शर्ध॑न्तम् । त॒वि॒षी॒ऽयमा॑णम् । इन्द्रः॑ । ह॒न्ति॒ । वृ॒ष॒भम् । शण्डि॑कानाम् ॥
Padapatha Devanagari Nonaccented
सरस्वति । त्वम् । अस्मान् । अविड्ढि । मरुत्वती । धृषती । जेषि । शत्रून् ।
त्यम् । चित् । शर्धन्तम् । तविषीऽयमाणम् । इन्द्रः । हन्ति । वृषभम् । शण्डिकानाम् ॥
Padapatha Transcription Accented
sárasvati ǀ tvám ǀ asmā́n ǀ aviḍḍhi ǀ marútvatī ǀ dhṛṣatī́ ǀ jeṣi ǀ śátrūn ǀ
tyám ǀ cit ǀ śárdhantam ǀ taviṣī-yámāṇam ǀ índraḥ ǀ hanti ǀ vṛṣabhám ǀ śáṇḍikānām ǁ
Padapatha Transcription Nonaccented
sarasvati ǀ tvam ǀ asmān ǀ aviḍḍhi ǀ marutvatī ǀ dhṛṣatī ǀ jeṣi ǀ śatrūn ǀ
tyam ǀ cit ǀ śardhantam ǀ taviṣī-yamāṇam ǀ indraḥ ǀ hanti ǀ vṛṣabham ǀ śaṇḍikānām ǁ
02.030.09 (Mandala. Sukta. Rik)
2.7.13.04 (Ashtaka. Adhyaya. Varga. Rik)
02.03.088 (Mandala. Anuvāka. Rik)
Samhita Devanagari Accented
यो नः॒ सनु॑त्य उ॒त वा॑ जिघ॒त्नुर॑भि॒ख्याय॒ तं ति॑गि॒तेन॑ विध्य ।
बृह॑स्पत॒ आयु॑धैर्जेषि॒ शत्रूं॑द्रु॒हे रीषं॑तं॒ परि॑ धेहि राजन् ॥
Samhita Devanagari Nonaccented
यो नः सनुत्य उत वा जिघत्नुरभिख्याय तं तिगितेन विध्य ।
बृहस्पत आयुधैर्जेषि शत्रूंद्रुहे रीषंतं परि धेहि राजन् ॥
Samhita Transcription Accented
yó naḥ sánutya utá vā jighatnúrabhikhyā́ya tám tigiténa vidhya ǀ
bṛ́haspata ā́yudhairjeṣi śátrūndruhé rī́ṣantam pári dhehi rājan ǁ
Samhita Transcription Nonaccented
yo naḥ sanutya uta vā jighatnurabhikhyāya tam tigitena vidhya ǀ
bṛhaspata āyudhairjeṣi śatrūndruhe rīṣantam pari dhehi rājan ǁ
Padapatha Devanagari Accented
यः । नः॒ । सनु॑त्यः । उ॒त । वा॒ । जि॒घ॒त्नुः । अ॒भि॒ऽख्याय॑ । तम् । ति॒गि॒तेन॑ । वि॒ध्य॒ ।
बृह॑स्पते । आयु॑धैः । जे॒षि॒ । शत्रू॑न् । द्रु॒हे । रिष॑न्तम् । परि॑ । धे॒हि॒ । रा॒ज॒न् ॥
Padapatha Devanagari Nonaccented
यः । नः । सनुत्यः । उत । वा । जिघत्नुः । अभिऽख्याय । तम् । तिगितेन । विध्य ।
बृहस्पते । आयुधैः । जेषि । शत्रून् । द्रुहे । रिषन्तम् । परि । धेहि । राजन् ॥
Padapatha Transcription Accented
yáḥ ǀ naḥ ǀ sánutyaḥ ǀ utá ǀ vā ǀ jighatnúḥ ǀ abhi-khyā́ya ǀ tám ǀ tigiténa ǀ vidhya ǀ
bṛ́haspate ǀ ā́yudhaiḥ ǀ jeṣi ǀ śátrūn ǀ druhé ǀ ríṣantam ǀ pári ǀ dhehi ǀ rājan ǁ
Padapatha Transcription Nonaccented
yaḥ ǀ naḥ ǀ sanutyaḥ ǀ uta ǀ vā ǀ jighatnuḥ ǀ abhi-khyāya ǀ tam ǀ tigitena ǀ vidhya ǀ
bṛhaspate ǀ āyudhaiḥ ǀ jeṣi ǀ śatrūn ǀ druhe ǀ riṣantam ǀ pari ǀ dhehi ǀ rājan ǁ
02.030.10 (Mandala. Sukta. Rik)
2.7.13.05 (Ashtaka. Adhyaya. Varga. Rik)
02.03.089 (Mandala. Anuvāka. Rik)
Samhita Devanagari Accented
अ॒स्माके॑भिः॒ सत्व॑भिः शूर॒ शूरै॑र्वी॒र्या॑ कृधि॒ यानि॑ ते॒ कर्त्वा॑नि ।
ज्योग॑भूव॒न्ननु॑धूपितासो ह॒त्वी तेषा॒मा भ॑रा नो॒ वसू॑नि ॥
Samhita Devanagari Nonaccented
अस्माकेभिः सत्वभिः शूर शूरैर्वीर्या कृधि यानि ते कर्त्वानि ।
ज्योगभूवन्ननुधूपितासो हत्वी तेषामा भरा नो वसूनि ॥
Samhita Transcription Accented
asmā́kebhiḥ sátvabhiḥ śūra śū́rairvīryā́ kṛdhi yā́ni te kártvāni ǀ
jyógabhūvannánudhūpitāso hatvī́ téṣāmā́ bharā no vásūni ǁ
Samhita Transcription Nonaccented
asmākebhiḥ satvabhiḥ śūra śūrairvīryā kṛdhi yāni te kartvāni ǀ
jyogabhūvannanudhūpitāso hatvī teṣāmā bharā no vasūni ǁ
Padapatha Devanagari Accented
अ॒स्माके॑भिः । सत्व॑ऽभिः । शू॒र॒ । शूरैः॑ । वी॒र्या॑ । कृ॒धि॒ । यानि॑ । ते॒ । कर्त्वा॑नि ।
ज्योक् । अ॒भू॒व॒न् । अनु॑ऽधूपितासः । ह॒त्वी । तेषा॑म् । आ । भ॒र॒ । नः॒ । वसू॑नि ॥
Padapatha Devanagari Nonaccented
अस्माकेभिः । सत्वऽभिः । शूर । शूरैः । वीर्या । कृधि । यानि । ते । कर्त्वानि ।
ज्योक् । अभूवन् । अनुऽधूपितासः । हत्वी । तेषाम् । आ । भर । नः । वसूनि ॥
Padapatha Transcription Accented
asmā́kebhiḥ ǀ sátva-bhiḥ ǀ śūra ǀ śū́raiḥ ǀ vīryā́ ǀ kṛdhi ǀ yā́ni ǀ te ǀ kártvāni ǀ
jyók ǀ abhūvan ǀ ánu-dhūpitāsaḥ ǀ hatvī́ ǀ téṣām ǀ ā́ ǀ bhara ǀ naḥ ǀ vásūni ǁ
Padapatha Transcription Nonaccented
asmākebhiḥ ǀ satva-bhiḥ ǀ śūra ǀ śūraiḥ ǀ vīryā ǀ kṛdhi ǀ yāni ǀ te ǀ kartvāni ǀ
jyok ǀ abhūvan ǀ anu-dhūpitāsaḥ ǀ hatvī ǀ teṣām ǀ ā ǀ bhara ǀ naḥ ǀ vasūni ǁ
02.030.11 (Mandala. Sukta. Rik)
2.7.13.06 (Ashtaka. Adhyaya. Varga. Rik)
02.03.090 (Mandala. Anuvāka. Rik)
Samhita Devanagari Accented
तं वः॒ शर्धं॒ मारु॑तं सुम्न॒युर्गि॒रोप॑ ब्रुवे॒ नम॑सा॒ दैव्यं॒ जनं॑ ।
यथा॑ र॒यिं सर्व॑वीरं॒ नशा॑महा अपत्य॒साचं॒ श्रुत्यं॑ दि॒वेदि॑वे ॥
Samhita Devanagari Nonaccented
तं वः शर्धं मारुतं सुम्नयुर्गिरोप ब्रुवे नमसा दैव्यं जनं ।
यथा रयिं सर्ववीरं नशामहा अपत्यसाचं श्रुत्यं दिवेदिवे ॥
Samhita Transcription Accented
tám vaḥ śárdham mā́rutam sumnayúrgirópa bruve námasā dáivyam jánam ǀ
yáthā rayím sárvavīram náśāmahā apatyasā́cam śrútyam divédive ǁ
Samhita Transcription Nonaccented
tam vaḥ śardham mārutam sumnayurgiropa bruve namasā daivyam janam ǀ
yathā rayim sarvavīram naśāmahā apatyasācam śrutyam divedive ǁ
Padapatha Devanagari Accented
तम् । वः॒ । शर्ध॑म् । मारु॑तम् । सु॒म्न॒ऽयुः । गि॒रा । उप॑ । ब्रु॒वे॒ । नम॑सा । दैव्य॑म् । जन॑म् ।
यथा॑ । र॒यिम् । सर्व॑ऽवीरम् । नशा॑महै । अ॒प॒त्य॒ऽसाच॑म् । श्रुत्य॑म् । दि॒वेऽदि॑वे ॥
Padapatha Devanagari Nonaccented
तम् । वः । शर्धम् । मारुतम् । सुम्नऽयुः । गिरा । उप । ब्रुवे । नमसा । दैव्यम् । जनम् ।
यथा । रयिम् । सर्वऽवीरम् । नशामहै । अपत्यऽसाचम् । श्रुत्यम् । दिवेऽदिवे ॥
Padapatha Transcription Accented
tám ǀ vaḥ ǀ śárdham ǀ mā́rutam ǀ sumna-yúḥ ǀ girā́ ǀ úpa ǀ bruve ǀ námasā ǀ dáivyam ǀ jánam ǀ
yáthā ǀ rayím ǀ sárva-vīram ǀ náśāmahai ǀ apatya-sā́cam ǀ śrútyam ǀ divé-dive ǁ
Padapatha Transcription Nonaccented
tam ǀ vaḥ ǀ śardham ǀ mārutam ǀ sumna-yuḥ ǀ girā ǀ upa ǀ bruve ǀ namasā ǀ daivyam ǀ janam ǀ
yathā ǀ rayim ǀ sarva-vīram ǀ naśāmahai ǀ apatya-sācam ǀ śrutyam ǀ dive-dive ǁ