|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 32
|
1. Info |
| To: | 1: divaḥ, pṛthivī; 2, 3: indra or tvaṣṭṛ; 4, 5: rākā; 6, 7: sinīvālī; 8: indrāṇī, rākā, varuṇānī, sarasvatī, sinīvālī |
|
| From: | gṛtsamada bhārgava śaunaka | |
| Metres: | 1st set of styles: virāḍjagatī (4, 5); jagatī (1); triṣṭup (2); nicṛjjagatī (3); anuṣṭup (6); virāḍanuṣṭup (7); nicrṛdanuṣṭup (8) 2nd set of styles: jagatī (1-5); anuṣṭubh (6-8) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.032.01 (Mandala. Sukta. Rik)
2.7.15.01 (Ashtaka. Adhyaya. Varga. Rik)
02.03.098 (Mandala. Anuvāka. Rik)
Samhita Devanagari Accented
अ॒स्य मे॑ द्यावापृथिवी ऋताय॒तो भू॒तम॑वि॒त्री वच॑सः॒ सिषा॑सतः ।
ययो॒रायुः॑ प्रत॒रं ते इ॒दं पु॒र उप॑स्तुते वसू॒युर्वां॑ म॒हो द॑धे ॥
Samhita Devanagari Nonaccented
अस्य मे द्यावापृथिवी ऋतायतो भूतमवित्री वचसः सिषासतः ।
ययोरायुः प्रतरं ते इदं पुर उपस्तुते वसूयुर्वां महो दधे ॥
Samhita Transcription Accented
asyá me dyāvāpṛthivī ṛtāyató bhūtámavitrī́ vácasaḥ síṣāsataḥ ǀ
yáyorā́yuḥ pratarám té idám purá úpastute vasūyúrvām mahó dadhe ǁ
Samhita Transcription Nonaccented
asya me dyāvāpṛthivī ṛtāyato bhūtamavitrī vacasaḥ siṣāsataḥ ǀ
yayorāyuḥ prataram te idam pura upastute vasūyurvām maho dadhe ǁ
Padapatha Devanagari Accented
अ॒स्य । मे॒ । द्या॒वा॒पृ॒थि॒वी॒ इति॑ । ऋ॒त॒ऽय॒तः । भू॒तम् । अ॒वि॒त्री इति॑ । वच॑सः । सिसा॑सतः ।
ययोः॑ । आयुः॑ । प्र॒ऽत॒रम् । ते इति॑ । इ॒दम् । पु॒रः । उप॑स्तुते॒ इत्युप॑ऽस्तुते । व॒सु॒ऽयुः । वा॒ । म॒हः । द॒धे॒ ॥
Padapatha Devanagari Nonaccented
अस्य । मे । द्यावापृथिवी इति । ऋतऽयतः । भूतम् । अवित्री इति । वचसः । सिसासतः ।
ययोः । आयुः । प्रऽतरम् । ते इति । इदम् । पुरः । उपस्तुते इत्युपऽस्तुते । वसुऽयुः । वा । महः । दधे ॥
Padapatha Transcription Accented
asyá ǀ me ǀ dyāvāpṛthivī íti ǀ ṛta-yatáḥ ǀ bhūtám ǀ avitrī́ íti ǀ vácasaḥ ǀ sísāsataḥ ǀ
yáyoḥ ǀ ā́yuḥ ǀ pra-tarám ǀ té íti ǀ idám ǀ puráḥ ǀ úpastute ítyúpa-stute ǀ vasu-yúḥ ǀ vā ǀ maháḥ ǀ dadhe ǁ
Padapatha Transcription Nonaccented
asya ǀ me ǀ dyāvāpṛthivī iti ǀ ṛta-yataḥ ǀ bhūtam ǀ avitrī iti ǀ vacasaḥ ǀ sisāsataḥ ǀ
yayoḥ ǀ āyuḥ ǀ pra-taram ǀ te iti ǀ idam ǀ puraḥ ǀ upastute ityupa-stute ǀ vasu-yuḥ ǀ vā ǀ mahaḥ ǀ dadhe ǁ
02.032.02 (Mandala. Sukta. Rik)
2.7.15.02 (Ashtaka. Adhyaya. Varga. Rik)
02.03.099 (Mandala. Anuvāka. Rik)
Samhita Devanagari Accented
मा नो॒ गुह्या॒ रिप॑ आ॒योरहं॑दभ॒न्मा न॑ आ॒भ्यो री॑रधो दु॒च्छुना॑भ्यः ।
मा नो॒ वि यौः॑ स॒ख्या वि॒द्धि तस्य॑ नः सुम्नाय॒ता मन॑सा॒ तत्त्वे॑महे ॥
Samhita Devanagari Nonaccented
मा नो गुह्या रिप आयोरहंदभन्मा न आभ्यो रीरधो दुच्छुनाभ्यः ।
मा नो वि यौः सख्या विद्धि तस्य नः सुम्नायता मनसा तत्त्वेमहे ॥
Samhita Transcription Accented
mā́ no gúhyā rípa āyóráhandabhanmā́ na ābhyó rīradho ducchúnābhyaḥ ǀ
mā́ no ví yauḥ sakhyā́ viddhí tásya naḥ sumnāyatā́ mánasā táttvemahe ǁ
Samhita Transcription Nonaccented
mā no guhyā ripa āyorahandabhanmā na ābhyo rīradho ducchunābhyaḥ ǀ
mā no vi yauḥ sakhyā viddhi tasya naḥ sumnāyatā manasā tattvemahe ǁ
Padapatha Devanagari Accented
मा । नः॒ । गुह्याः॑ । रिपः॑ । आ॒योः । अह॑न् । द॒भ॒न् । मा । नः॒ । आ॒भ्यः । री॒र॒धः॒ । दु॒च्छुना॑भ्यः ।
मा । नः॒ । वि । यौः॒ । स॒ख्या । वि॒द्धि । तस्य॑ । नः॒ । सु॒म्न॒ऽय॒ता । मन॑सा । तत् । त्वा॒ । ई॒म॒हे॒ ॥
Padapatha Devanagari Nonaccented
मा । नः । गुह्याः । रिपः । आयोः । अहन् । दभन् । मा । नः । आभ्यः । रीरधः । दुच्छुनाभ्यः ।
मा । नः । वि । यौः । सख्या । विद्धि । तस्य । नः । सुम्नऽयता । मनसा । तत् । त्वा । ईमहे ॥
Padapatha Transcription Accented
mā́ ǀ naḥ ǀ gúhyāḥ ǀ rípaḥ ǀ āyóḥ ǀ áhan ǀ dabhan ǀ mā́ ǀ naḥ ǀ ābhyáḥ ǀ rīradhaḥ ǀ ducchúnābhyaḥ ǀ
mā́ ǀ naḥ ǀ ví ǀ yauḥ ǀ sakhyā́ ǀ viddhí ǀ tásya ǀ naḥ ǀ sumna-yatā́ ǀ mánasā ǀ tát ǀ tvā ǀ īmahe ǁ
Padapatha Transcription Nonaccented
mā ǀ naḥ ǀ guhyāḥ ǀ ripaḥ ǀ āyoḥ ǀ ahan ǀ dabhan ǀ mā ǀ naḥ ǀ ābhyaḥ ǀ rīradhaḥ ǀ ducchunābhyaḥ ǀ
mā ǀ naḥ ǀ vi ǀ yauḥ ǀ sakhyā ǀ viddhi ǀ tasya ǀ naḥ ǀ sumna-yatā ǀ manasā ǀ tat ǀ tvā ǀ īmahe ǁ
02.032.03 (Mandala. Sukta. Rik)
2.7.15.03 (Ashtaka. Adhyaya. Varga. Rik)
02.03.100 (Mandala. Anuvāka. Rik)
Samhita Devanagari Accented
अहे॑ळता॒ मन॑सा श्रु॒ष्टिमा व॑ह॒ दुहा॑नां धे॒नुं पि॒प्युषी॑मस॒श्चतं॑ ।
पद्या॑भिरा॒शुं वच॑सा च वा॒जिनं॒ त्वां हि॑नोमि पुरुहूत वि॒श्वहा॑ ॥
Samhita Devanagari Nonaccented
अहेळता मनसा श्रुष्टिमा वह दुहानां धेनुं पिप्युषीमसश्चतं ।
पद्याभिराशुं वचसा च वाजिनं त्वां हिनोमि पुरुहूत विश्वहा ॥
Samhita Transcription Accented
áheḷatā mánasā śruṣṭímā́ vaha dúhānām dhenúm pipyúṣīmasaścátam ǀ
pádyābhirāśúm vácasā ca vājínam tvā́m hinomi puruhūta viśváhā ǁ
Samhita Transcription Nonaccented
aheḷatā manasā śruṣṭimā vaha duhānām dhenum pipyuṣīmasaścatam ǀ
padyābhirāśum vacasā ca vājinam tvām hinomi puruhūta viśvahā ǁ
Padapatha Devanagari Accented
अहे॑ळता । मन॑सा । श्रु॒ष्टिम् । आ । व॒ह॒ । दुहा॑नाम् । धे॒नुम् । पि॒प्युषी॑म् । अ॒स॒श्चत॑म् ।
पद्या॑भिः । आ॒शुम् । वच॑सा । च॒ । वा॒जिन॑म् । त्वाम् । हि॒नो॒मि॒ । पु॒रु॒ऽहू॒त॒ । वि॒श्वहा॑ ॥
Padapatha Devanagari Nonaccented
अहेळता । मनसा । श्रुष्टिम् । आ । वह । दुहानाम् । धेनुम् । पिप्युषीम् । असश्चतम् ।
पद्याभिः । आशुम् । वचसा । च । वाजिनम् । त्वाम् । हिनोमि । पुरुऽहूत । विश्वहा ॥
Padapatha Transcription Accented
áheḷatā ǀ mánasā ǀ śruṣṭím ǀ ā́ ǀ vaha ǀ dúhānām ǀ dhenúm ǀ pipyúṣīm ǀ asaścátam ǀ
pádyābhiḥ ǀ āśúm ǀ vácasā ǀ ca ǀ vājínam ǀ tvā́m ǀ hinomi ǀ puru-hūta ǀ viśváhā ǁ
Padapatha Transcription Nonaccented
aheḷatā ǀ manasā ǀ śruṣṭim ǀ ā ǀ vaha ǀ duhānām ǀ dhenum ǀ pipyuṣīm ǀ asaścatam ǀ
padyābhiḥ ǀ āśum ǀ vacasā ǀ ca ǀ vājinam ǀ tvām ǀ hinomi ǀ puru-hūta ǀ viśvahā ǁ
02.032.04 (Mandala. Sukta. Rik)
2.7.15.04 (Ashtaka. Adhyaya. Varga. Rik)
02.03.101 (Mandala. Anuvāka. Rik)
Samhita Devanagari Accented
रा॒काम॒हं सु॒हवां॑ सुष्टु॒ती हु॑वे शृ॒णोतु॑ नः सु॒भगा॒ बोध॑तु॒ त्मना॑ ।
सीव्य॒त्वपः॑ सू॒च्याच्छि॑द्यमानया॒ ददा॑तु वी॒रं श॒तदा॑यमु॒क्थ्यं॑ ॥
Samhita Devanagari Nonaccented
राकामहं सुहवां सुष्टुती हुवे शृणोतु नः सुभगा बोधतु त्मना ।
सीव्यत्वपः सूच्याच्छिद्यमानया ददातु वीरं शतदायमुक्थ्यं ॥
Samhita Transcription Accented
rākā́mahám suhávām suṣṭutī́ huve śṛṇótu naḥ subhágā bódhatu tmánā ǀ
sī́vyatvápaḥ sūcyā́cchidyamānayā dádātu vīrám śatádāyamukthyám ǁ
Samhita Transcription Nonaccented
rākāmaham suhavām suṣṭutī huve śṛṇotu naḥ subhagā bodhatu tmanā ǀ
sīvyatvapaḥ sūcyācchidyamānayā dadātu vīram śatadāyamukthyam ǁ
Padapatha Devanagari Accented
रा॒काम् । अ॒हम् । सु॒ऽहवा॑म् । सु॒ऽस्तु॒ती । हु॒वे॒ । शृ॒णोतु॑ । नः॒ । सु॒ऽभगा॑ । बोध॑तु । त्मना॑ ।
सीव्य॑तु । अपः॑ । सू॒च्या । अच्छि॑द्यमानया । ददा॑तु । वी॒रम् । श॒तऽदा॑यम् । उ॒क्थ्य॑म् ॥
Padapatha Devanagari Nonaccented
राकाम् । अहम् । सुऽहवाम् । सुऽस्तुती । हुवे । शृणोतु । नः । सुऽभगा । बोधतु । त्मना ।
सीव्यतु । अपः । सूच्या । अच्छिद्यमानया । ददातु । वीरम् । शतऽदायम् । उक्थ्यम् ॥
Padapatha Transcription Accented
rākā́m ǀ ahám ǀ su-hávām ǀ su-stutī́ ǀ huve ǀ śṛṇótu ǀ naḥ ǀ su-bhágā ǀ bódhatu ǀ tmánā ǀ
sī́vyatu ǀ ápaḥ ǀ sūcyā́ ǀ ácchidyamānayā ǀ dádātu ǀ vīrám ǀ śatá-dāyam ǀ ukthyám ǁ
Padapatha Transcription Nonaccented
rākām ǀ aham ǀ su-havām ǀ su-stutī ǀ huve ǀ śṛṇotu ǀ naḥ ǀ su-bhagā ǀ bodhatu ǀ tmanā ǀ
sīvyatu ǀ apaḥ ǀ sūcyā ǀ acchidyamānayā ǀ dadātu ǀ vīram ǀ śata-dāyam ǀ ukthyam ǁ
02.032.05 (Mandala. Sukta. Rik)
2.7.15.05 (Ashtaka. Adhyaya. Varga. Rik)
02.03.102 (Mandala. Anuvāka. Rik)
Samhita Devanagari Accented
यास्ते॑ राके सुम॒तयः॑ सु॒पेश॑सो॒ याभि॒र्ददा॑सि दा॒शुषे॒ वसू॑नि ।
ताभि॑र्नो अ॒द्य सु॒मना॑ उ॒पाग॑हि सहस्रपो॒षं सु॑भगे॒ ररा॑णा ॥
Samhita Devanagari Nonaccented
यास्ते राके सुमतयः सुपेशसो याभिर्ददासि दाशुषे वसूनि ।
ताभिर्नो अद्य सुमना उपागहि सहस्रपोषं सुभगे रराणा ॥
Samhita Transcription Accented
yā́ste rāke sumatáyaḥ supéśaso yā́bhirdádāsi dāśúṣe vásūni ǀ
tā́bhirno adyá sumánā upā́gahi sahasrapoṣám subhage rárāṇā ǁ
Samhita Transcription Nonaccented
yāste rāke sumatayaḥ supeśaso yābhirdadāsi dāśuṣe vasūni ǀ
tābhirno adya sumanā upāgahi sahasrapoṣam subhage rarāṇā ǁ
Padapatha Devanagari Accented
याः । ते॒ । रा॒के॒ । सु॒ऽम॒तयः॑ । सु॒ऽपेश॑सः । याभिः॑ । ददा॑सि । दा॒शुषे॑ । वसू॑नि ।
ताभिः॑ । नः॒ । अ॒द्य । सु॒ऽमनाः॑ । उ॒प॒ऽआग॑हि । स॒ह॒स्र॒ऽपो॒षम् । सु॒ऽभ॒गे॒ । ररा॑णा ॥
Padapatha Devanagari Nonaccented
याः । ते । राके । सुऽमतयः । सुऽपेशसः । याभिः । ददासि । दाशुषे । वसूनि ।
ताभिः । नः । अद्य । सुऽमनाः । उपऽआगहि । सहस्रऽपोषम् । सुऽभगे । रराणा ॥
Padapatha Transcription Accented
yā́ḥ ǀ te ǀ rāke ǀ su-matáyaḥ ǀ su-péśasaḥ ǀ yā́bhiḥ ǀ dádāsi ǀ dāśúṣe ǀ vásūni ǀ
tā́bhiḥ ǀ naḥ ǀ adyá ǀ su-mánāḥ ǀ upa-ā́gahi ǀ sahasra-poṣám ǀ su-bhage ǀ rárāṇā ǁ
Padapatha Transcription Nonaccented
yāḥ ǀ te ǀ rāke ǀ su-matayaḥ ǀ su-peśasaḥ ǀ yābhiḥ ǀ dadāsi ǀ dāśuṣe ǀ vasūni ǀ
tābhiḥ ǀ naḥ ǀ adya ǀ su-manāḥ ǀ upa-āgahi ǀ sahasra-poṣam ǀ su-bhage ǀ rarāṇā ǁ
02.032.06 (Mandala. Sukta. Rik)
2.7.15.06 (Ashtaka. Adhyaya. Varga. Rik)
02.03.103 (Mandala. Anuvāka. Rik)
Samhita Devanagari Accented
सिनी॑वालि॒ पृथु॑ष्टुके॒ या दे॒वाना॒मसि॒ स्वसा॑ ।
जु॒षस्व॑ ह॒व्यमाहु॑तं प्र॒जां दे॑वि दिदिड्ढि नः ॥
Samhita Devanagari Nonaccented
सिनीवालि पृथुष्टुके या देवानामसि स्वसा ।
जुषस्व हव्यमाहुतं प्रजां देवि दिदिड्ढि नः ॥
Samhita Transcription Accented
sínīvāli pṛ́thuṣṭuke yā́ devā́nāmási svásā ǀ
juṣásva havyámā́hutam prajā́m devi didiḍḍhi naḥ ǁ
Samhita Transcription Nonaccented
sinīvāli pṛthuṣṭuke yā devānāmasi svasā ǀ
juṣasva havyamāhutam prajām devi didiḍḍhi naḥ ǁ
Padapatha Devanagari Accented
सिनी॑वालि । पृथु॑ऽस्तुके । या । दे॒वाना॑म् । असि॑ । स्वसा॑ ।
जु॒षस्व॑ । ह॒व्यम् । आऽहु॑तम् । प्र॒ऽजाम् । दे॒वि॒ । दि॒दि॒ड्ढि॒ । नः॒ ॥
Padapatha Devanagari Nonaccented
सिनीवालि । पृथुऽस्तुके । या । देवानाम् । असि । स्वसा ।
जुषस्व । हव्यम् । आऽहुतम् । प्रऽजाम् । देवि । दिदिड्ढि । नः ॥
Padapatha Transcription Accented
sínīvāli ǀ pṛ́thu-stuke ǀ yā́ ǀ devā́nām ǀ ási ǀ svásā ǀ
juṣásva ǀ havyám ǀ ā́-hutam ǀ pra-jā́m ǀ devi ǀ didiḍḍhi ǀ naḥ ǁ
Padapatha Transcription Nonaccented
sinīvāli ǀ pṛthu-stuke ǀ yā ǀ devānām ǀ asi ǀ svasā ǀ
juṣasva ǀ havyam ǀ ā-hutam ǀ pra-jām ǀ devi ǀ didiḍḍhi ǀ naḥ ǁ
02.032.07 (Mandala. Sukta. Rik)
2.7.15.07 (Ashtaka. Adhyaya. Varga. Rik)
02.03.104 (Mandala. Anuvāka. Rik)
Samhita Devanagari Accented
या सु॑बा॒हुः स्वं॑गु॒रिः सु॒षूमा॑ बहु॒सूव॑री ।
तस्यै॑ वि॒श्पत्न्यै॑ ह॒विः सि॑नीवा॒ल्यै जु॑होतन ॥
Samhita Devanagari Nonaccented
या सुबाहुः स्वंगुरिः सुषूमा बहुसूवरी ।
तस्यै विश्पत्न्यै हविः सिनीवाल्यै जुहोतन ॥
Samhita Transcription Accented
yā́ subāhúḥ svaṅguríḥ suṣū́mā bahusū́varī ǀ
tásyai viśpátnyai havíḥ sinīvālyái juhotana ǁ
Samhita Transcription Nonaccented
yā subāhuḥ svaṅguriḥ suṣūmā bahusūvarī ǀ
tasyai viśpatnyai haviḥ sinīvālyai juhotana ǁ
Padapatha Devanagari Accented
या । सु॒ऽबा॒हुः । सु॒ऽअ॒ङ्गु॒रिः । सु॒ऽसूमा॑ । ब॒हु॒ऽसूव॑री ।
तस्यै॑ । वि॒श्पत्न्यै॑ । ह॒विः । सि॒नी॒वा॒ल्यै । जु॒हो॒त॒न॒ ॥
Padapatha Devanagari Nonaccented
या । सुऽबाहुः । सुऽअङ्गुरिः । सुऽसूमा । बहुऽसूवरी ।
तस्यै । विश्पत्न्यै । हविः । सिनीवाल्यै । जुहोतन ॥
Padapatha Transcription Accented
yā́ ǀ su-bāhúḥ ǀ su-aṅguríḥ ǀ su-sū́mā ǀ bahu-sū́varī ǀ
tásyai ǀ viśpátnyai ǀ havíḥ ǀ sinīvālyái ǀ juhotana ǁ
Padapatha Transcription Nonaccented
yā ǀ su-bāhuḥ ǀ su-aṅguriḥ ǀ su-sūmā ǀ bahu-sūvarī ǀ
tasyai ǀ viśpatnyai ǀ haviḥ ǀ sinīvālyai ǀ juhotana ǁ
02.032.08 (Mandala. Sukta. Rik)
2.7.15.08 (Ashtaka. Adhyaya. Varga. Rik)
02.03.105 (Mandala. Anuvāka. Rik)
Samhita Devanagari Accented
या गुं॒गूर्या सि॑नीवा॒ली या रा॒का या सर॑स्वती ।
इं॒द्रा॒णीम॑ह्व ऊ॒तये॑ वरुणा॒नीं स्व॒स्तये॑ ॥
Samhita Devanagari Nonaccented
या गुंगूर्या सिनीवाली या राका या सरस्वती ।
इंद्राणीमह्व ऊतये वरुणानीं स्वस्तये ॥
Samhita Transcription Accented
yā́ guṅgū́ryā́ sinīvālī́ yā́ rākā́ yā́ sárasvatī ǀ
indrāṇī́mahva ūtáye varuṇānī́m svastáye ǁ
Samhita Transcription Nonaccented
yā guṅgūryā sinīvālī yā rākā yā sarasvatī ǀ
indrāṇīmahva ūtaye varuṇānīm svastaye ǁ
Padapatha Devanagari Accented
या । गु॒ङ्गूः । या । सि॒नी॒वा॒ली । या । रा॒का । या । सर॑स्वती ।
इ॒न्द्रा॒णीम् । अ॒ह्वे॒ । ऊ॒तये॑ । व॒रु॒णा॒नीम् । स्व॒स्तये॑ ॥
Padapatha Devanagari Nonaccented
या । गुङ्गूः । या । सिनीवाली । या । राका । या । सरस्वती ।
इन्द्राणीम् । अह्वे । ऊतये । वरुणानीम् । स्वस्तये ॥
Padapatha Transcription Accented
yā́ ǀ guṅgū́ḥ ǀ yā́ ǀ sinīvālī́ ǀ yā́ ǀ rākā́ ǀ yā́ ǀ sárasvatī ǀ
indrāṇī́m ǀ ahve ǀ ūtáye ǀ varuṇānī́m ǀ svastáye ǁ
Padapatha Transcription Nonaccented
yā ǀ guṅgūḥ ǀ yā ǀ sinīvālī ǀ yā ǀ rākā ǀ yā ǀ sarasvatī ǀ
indrāṇīm ǀ ahve ǀ ūtaye ǀ varuṇānīm ǀ svastaye ǁ