|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 34
|
1. Info |
| To: | maruts | |
| From: | gṛtsamada bhārgava śaunaka | |
| Metres: | 1st set of styles: virāḍjagatī (2, 10-13); jagatī (4-7, 14); nicṛjjagatī (1, 3, 8, 9); nicṛttriṣṭup (15) 2nd set of styles: jagatī (1-14); triṣṭubh (15) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.034.01 (Mandala. Sukta. Rik)
2.7.19.01 (Ashtaka. Adhyaya. Varga. Rik)
02.04.016 (Mandala. Anuvāka. Rik)
Samhita Devanagari Accented
धा॒रा॒व॒रा म॒रुतो॑ धृ॒ष्ण्वो॑जसो मृ॒गा न भी॒मास्तवि॑षीभिर॒र्चिनः॑ ।
अ॒ग्नयो॒ न शु॑शुचा॒ना ऋ॑जी॒षिणो॒ भृमिं॒ धमं॑तो॒ अप॒ गा अ॑वृण्वत ॥
Samhita Devanagari Nonaccented
धारावरा मरुतो धृष्ण्वोजसो मृगा न भीमास्तविषीभिरर्चिनः ।
अग्नयो न शुशुचाना ऋजीषिणो भृमिं धमंतो अप गा अवृण्वत ॥
Samhita Transcription Accented
dhārāvarā́ marúto dhṛṣṇvójaso mṛgā́ ná bhīmā́stáviṣībhirarcínaḥ ǀ
agnáyo ná śuśucānā́ ṛjīṣíṇo bhṛ́mim dhámanto ápa gā́ avṛṇvata ǁ
Samhita Transcription Nonaccented
dhārāvarā maruto dhṛṣṇvojaso mṛgā na bhīmāstaviṣībhirarcinaḥ ǀ
agnayo na śuśucānā ṛjīṣiṇo bhṛmim dhamanto apa gā avṛṇvata ǁ
Padapatha Devanagari Accented
धा॒रा॒व॒राः । म॒रुतः॑ । धृ॒ष्णुऽओ॑जसः । मृ॒गाः । न । भी॒माः । तवि॑षीभिः । अ॒र्चिनः॑ ।
अ॒ग्नयः॑ । न । शु॒शु॒चा॒नाः । ऋ॒जी॒षिणः॑ । भृमि॑म् । धम॑न्तः । अप॑ । गाः । अ॒वृ॒ण्व॒त॒ ॥
Padapatha Devanagari Nonaccented
धारावराः । मरुतः । धृष्णुऽओजसः । मृगाः । न । भीमाः । तविषीभिः । अर्चिनः ।
अग्नयः । न । शुशुचानाः । ऋजीषिणः । भृमिम् । धमन्तः । अप । गाः । अवृण्वत ॥
Padapatha Transcription Accented
dhārāvarā́ḥ ǀ marútaḥ ǀ dhṛṣṇú-ojasaḥ ǀ mṛgā́ḥ ǀ ná ǀ bhīmā́ḥ ǀ táviṣībhiḥ ǀ arcínaḥ ǀ
agnáyaḥ ǀ ná ǀ śuśucānā́ḥ ǀ ṛjīṣíṇaḥ ǀ bhṛ́mim ǀ dhámantaḥ ǀ ápa ǀ gā́ḥ ǀ avṛṇvata ǁ
Padapatha Transcription Nonaccented
dhārāvarāḥ ǀ marutaḥ ǀ dhṛṣṇu-ojasaḥ ǀ mṛgāḥ ǀ na ǀ bhīmāḥ ǀ taviṣībhiḥ ǀ arcinaḥ ǀ
agnayaḥ ǀ na ǀ śuśucānāḥ ǀ ṛjīṣiṇaḥ ǀ bhṛmim ǀ dhamantaḥ ǀ apa ǀ gāḥ ǀ avṛṇvata ǁ
02.034.02 (Mandala. Sukta. Rik)
2.7.19.02 (Ashtaka. Adhyaya. Varga. Rik)
02.04.017 (Mandala. Anuvāka. Rik)
Samhita Devanagari Accented
द्यावो॒ न स्तृभि॑श्चितयंत खा॒दिनो॒ व्य१॒॑भ्रिया॒ न द्यु॑तयंत वृ॒ष्टयः॑ ।
रु॒द्रो यद्वो॑ मरुतो रुक्मवक्षसो॒ वृषाज॑नि॒ पृश्न्याः॑ शु॒क्र ऊध॑नि ॥
Samhita Devanagari Nonaccented
द्यावो न स्तृभिश्चितयंत खादिनो व्यभ्रिया न द्युतयंत वृष्टयः ।
रुद्रो यद्वो मरुतो रुक्मवक्षसो वृषाजनि पृश्न्याः शुक्र ऊधनि ॥
Samhita Transcription Accented
dyā́vo ná stṛ́bhiścitayanta khādíno vyábhríyā ná dyutayanta vṛṣṭáyaḥ ǀ
rudró yádvo maruto rukmavakṣaso vṛ́ṣā́jani pṛ́śnyāḥ śukrá ū́dhani ǁ
Samhita Transcription Nonaccented
dyāvo na stṛbhiścitayanta khādino vyabhriyā na dyutayanta vṛṣṭayaḥ ǀ
rudro yadvo maruto rukmavakṣaso vṛṣājani pṛśnyāḥ śukra ūdhani ǁ
Padapatha Devanagari Accented
द्यावः॑ । न । स्तृऽभिः॑ । चि॒त॒य॒न्त॒ । खा॒दिनः॑ । वि । अ॒भ्रियाः॑ । न । द्यु॒त॒य॒न्त॒ । वृ॒ष्टयः॑ ।
रु॒द्रः । यत् । वः॒ । म॒रु॒तः॒ । रु॒क्म॒ऽव॒क्ष॒सः॒ । वृषा॑ । अज॑नि । पृश्न्याः॑ । शु॒क्रे । ऊध॑नि ॥
Padapatha Devanagari Nonaccented
द्यावः । न । स्तृऽभिः । चितयन्त । खादिनः । वि । अभ्रियाः । न । द्युतयन्त । वृष्टयः ।
रुद्रः । यत् । वः । मरुतः । रुक्मऽवक्षसः । वृषा । अजनि । पृश्न्याः । शुक्रे । ऊधनि ॥
Padapatha Transcription Accented
dyā́vaḥ ǀ ná ǀ stṛ́-bhiḥ ǀ citayanta ǀ khādínaḥ ǀ ví ǀ abhríyāḥ ǀ ná ǀ dyutayanta ǀ vṛṣṭáyaḥ ǀ
rudráḥ ǀ yát ǀ vaḥ ǀ marutaḥ ǀ rukma-vakṣasaḥ ǀ vṛ́ṣā ǀ ájani ǀ pṛ́śnyāḥ ǀ śukré ǀ ū́dhani ǁ
Padapatha Transcription Nonaccented
dyāvaḥ ǀ na ǀ stṛ-bhiḥ ǀ citayanta ǀ khādinaḥ ǀ vi ǀ abhriyāḥ ǀ na ǀ dyutayanta ǀ vṛṣṭayaḥ ǀ
rudraḥ ǀ yat ǀ vaḥ ǀ marutaḥ ǀ rukma-vakṣasaḥ ǀ vṛṣā ǀ ajani ǀ pṛśnyāḥ ǀ śukre ǀ ūdhani ǁ
02.034.03 (Mandala. Sukta. Rik)
2.7.19.03 (Ashtaka. Adhyaya. Varga. Rik)
02.04.018 (Mandala. Anuvāka. Rik)
Samhita Devanagari Accented
उ॒क्षंते॒ अश्वाँ॒ अत्याँ॑ इवा॒जिषु॑ न॒दस्य॒ कर्णै॑स्तुरयंत आ॒शुभिः॑ ।
हिर॑ण्यशिप्रा मरुतो॒ दवि॑ध्वतः पृ॒क्षं या॑थ॒ पृष॑तीभिः समन्यवः ॥
Samhita Devanagari Nonaccented
उक्षंते अश्वाँ अत्याँ इवाजिषु नदस्य कर्णैस्तुरयंत आशुभिः ।
हिरण्यशिप्रा मरुतो दविध्वतः पृक्षं याथ पृषतीभिः समन्यवः ॥
Samhita Transcription Accented
ukṣánte áśvām̐ átyām̐ ivājíṣu nadásya kárṇaisturayanta āśúbhiḥ ǀ
híraṇyaśiprā maruto dávidhvataḥ pṛkṣám yātha pṛ́ṣatībhiḥ samanyavaḥ ǁ
Samhita Transcription Nonaccented
ukṣante aśvām̐ atyām̐ ivājiṣu nadasya karṇaisturayanta āśubhiḥ ǀ
hiraṇyaśiprā maruto davidhvataḥ pṛkṣam yātha pṛṣatībhiḥ samanyavaḥ ǁ
Padapatha Devanagari Accented
उ॒क्षन्ते॑ । अश्वा॑न् । अत्या॑न्ऽइव । आ॒जिषु॑ । न॒दस्य॑ । कर्णैः॑ । तु॒र॒य॒न्ते॒ । आ॒शुऽभिः॑ ।
हिर॑ण्यऽशिप्राः । म॒रु॒तः॒ । दवि॑ध्वतः । पृ॒क्षम् । या॒थ॒ । पृष॑तीभिः । स॒ऽम॒न्य॒वः॒ ॥
Padapatha Devanagari Nonaccented
उक्षन्ते । अश्वान् । अत्यान्ऽइव । आजिषु । नदस्य । कर्णैः । तुरयन्ते । आशुऽभिः ।
हिरण्यऽशिप्राः । मरुतः । दविध्वतः । पृक्षम् । याथ । पृषतीभिः । सऽमन्यवः ॥
Padapatha Transcription Accented
ukṣánte ǀ áśvān ǀ átyān-iva ǀ ājíṣu ǀ nadásya ǀ kárṇaiḥ ǀ turayante ǀ āśú-bhiḥ ǀ
híraṇya-śiprāḥ ǀ marutaḥ ǀ dávidhvataḥ ǀ pṛkṣám ǀ yātha ǀ pṛ́ṣatībhiḥ ǀ sa-manyavaḥ ǁ
Padapatha Transcription Nonaccented
ukṣante ǀ aśvān ǀ atyān-iva ǀ ājiṣu ǀ nadasya ǀ karṇaiḥ ǀ turayante ǀ āśu-bhiḥ ǀ
hiraṇya-śiprāḥ ǀ marutaḥ ǀ davidhvataḥ ǀ pṛkṣam ǀ yātha ǀ pṛṣatībhiḥ ǀ sa-manyavaḥ ǁ
02.034.04 (Mandala. Sukta. Rik)
2.7.19.04 (Ashtaka. Adhyaya. Varga. Rik)
02.04.019 (Mandala. Anuvāka. Rik)
Samhita Devanagari Accented
पृ॒क्षे ता विश्वा॒ भुव॑ना ववक्षिरे मि॒त्राय॑ वा॒ सद॒मा जी॒रदा॑नवः ।
पृष॑दश्वासो अनव॒भ्ररा॑धस ऋजि॒प्यासो॒ न व॒युने॑षु धू॒र्षदः॑ ॥
Samhita Devanagari Nonaccented
पृक्षे ता विश्वा भुवना ववक्षिरे मित्राय वा सदमा जीरदानवः ।
पृषदश्वासो अनवभ्रराधस ऋजिप्यासो न वयुनेषु धूर्षदः ॥
Samhita Transcription Accented
pṛkṣé tā́ víśvā bhúvanā vavakṣire mitrā́ya vā sádamā́ jīrádānavaḥ ǀ
pṛ́ṣadaśvāso anavabhrárādhasa ṛjipyā́so ná vayúneṣu dhūrṣádaḥ ǁ
Samhita Transcription Nonaccented
pṛkṣe tā viśvā bhuvanā vavakṣire mitrāya vā sadamā jīradānavaḥ ǀ
pṛṣadaśvāso anavabhrarādhasa ṛjipyāso na vayuneṣu dhūrṣadaḥ ǁ
Padapatha Devanagari Accented
पृ॒क्षे । ता । विश्वा॑ । भुव॑ना । व॒व॒क्षि॒रे॒ । मि॒त्राय॑ । वा॒ । सद॑म् । आ । जी॒रऽदा॑नवः ।
पृष॑त्ऽअश्वासः । अ॒न॒व॒भ्रऽरा॑धसः । ऋ॒जि॒प्यासः॑ । न । व॒युने॑षु । धूः॒ऽसदः॑ ॥
Padapatha Devanagari Nonaccented
पृक्षे । ता । विश्वा । भुवना । ववक्षिरे । मित्राय । वा । सदम् । आ । जीरऽदानवः ।
पृषत्ऽअश्वासः । अनवभ्रऽराधसः । ऋजिप्यासः । न । वयुनेषु । धूःऽसदः ॥
Padapatha Transcription Accented
pṛkṣé ǀ tā́ ǀ víśvā ǀ bhúvanā ǀ vavakṣire ǀ mitrā́ya ǀ vā ǀ sádam ǀ ā́ ǀ jīrá-dānavaḥ ǀ
pṛ́ṣat-aśvāsaḥ ǀ anavabhrá-rādhasaḥ ǀ ṛjipyā́saḥ ǀ ná ǀ vayúneṣu ǀ dhūḥ-sádaḥ ǁ
Padapatha Transcription Nonaccented
pṛkṣe ǀ tā ǀ viśvā ǀ bhuvanā ǀ vavakṣire ǀ mitrāya ǀ vā ǀ sadam ǀ ā ǀ jīra-dānavaḥ ǀ
pṛṣat-aśvāsaḥ ǀ anavabhra-rādhasaḥ ǀ ṛjipyāsaḥ ǀ na ǀ vayuneṣu ǀ dhūḥ-sadaḥ ǁ
02.034.05 (Mandala. Sukta. Rik)
2.7.19.05 (Ashtaka. Adhyaya. Varga. Rik)
02.04.020 (Mandala. Anuvāka. Rik)
Samhita Devanagari Accented
इंध॑न्वभिर्धे॒नुभी॑ र॒प्शदू॑धभिरध्व॒स्मभिः॑ प॒थिभि॑र्भ्राजदृष्टयः ।
आ हं॒सासो॒ न स्वस॑राणि गंतन॒ मधो॒र्मदा॑य मरुतः समन्यवः ॥
Samhita Devanagari Nonaccented
इंधन्वभिर्धेनुभी रप्शदूधभिरध्वस्मभिः पथिभिर्भ्राजदृष्टयः ।
आ हंसासो न स्वसराणि गंतन मधोर्मदाय मरुतः समन्यवः ॥
Samhita Transcription Accented
índhanvabhirdhenúbhī rapśádūdhabhiradhvasmábhiḥ pathíbhirbhrājadṛṣṭayaḥ ǀ
ā́ haṃsā́so ná svásarāṇi gantana mádhormádāya marutaḥ samanyavaḥ ǁ
Samhita Transcription Nonaccented
indhanvabhirdhenubhī rapśadūdhabhiradhvasmabhiḥ pathibhirbhrājadṛṣṭayaḥ ǀ
ā haṃsāso na svasarāṇi gantana madhormadāya marutaḥ samanyavaḥ ǁ
Padapatha Devanagari Accented
इन्ध॑न्वऽभिः । धे॒नुऽभिः॑ । र॒प्शदू॑धऽभिः । अ॒ध्व॒स्मऽभिः॑ । प॒थिऽभिः॑ । भ्रा॒ज॒त्ऽऋ॒ष्ट॒यः॒ ।
आ । हं॒सासः॑ । न । स्वस॑राणि । ग॒न्त॒न॒ । मधोः॑ । मदा॑य । म॒रु॒तः॒ । स॒ऽम॒न्य॒वः॒ ॥
Padapatha Devanagari Nonaccented
इन्धन्वऽभिः । धेनुऽभिः । रप्शदूधऽभिः । अध्वस्मऽभिः । पथिऽभिः । भ्राजत्ऽऋष्टयः ।
आ । हंसासः । न । स्वसराणि । गन्तन । मधोः । मदाय । मरुतः । सऽमन्यवः ॥
Padapatha Transcription Accented
índhanva-bhiḥ ǀ dhenú-bhiḥ ǀ rapśádūdha-bhiḥ ǀ adhvasmá-bhiḥ ǀ pathí-bhiḥ ǀ bhrājat-ṛṣṭayaḥ ǀ
ā́ ǀ haṃsā́saḥ ǀ ná ǀ svásarāṇi ǀ gantana ǀ mádhoḥ ǀ mádāya ǀ marutaḥ ǀ sa-manyavaḥ ǁ
Padapatha Transcription Nonaccented
indhanva-bhiḥ ǀ dhenu-bhiḥ ǀ rapśadūdha-bhiḥ ǀ adhvasma-bhiḥ ǀ pathi-bhiḥ ǀ bhrājat-ṛṣṭayaḥ ǀ
ā ǀ haṃsāsaḥ ǀ na ǀ svasarāṇi ǀ gantana ǀ madhoḥ ǀ madāya ǀ marutaḥ ǀ sa-manyavaḥ ǁ
02.034.06 (Mandala. Sukta. Rik)
2.7.20.01 (Ashtaka. Adhyaya. Varga. Rik)
02.04.021 (Mandala. Anuvāka. Rik)
Samhita Devanagari Accented
आ नो॒ ब्रह्मा॑णि मरुतः समन्यवो न॒रां न शंसः॒ सव॑नानि गंतन ।
अश्वा॑मिव पिप्यत धे॒नुमूध॑नि॒ कर्ता॒ धियं॑ जरि॒त्रे वाज॑पेशसं ॥
Samhita Devanagari Nonaccented
आ नो ब्रह्माणि मरुतः समन्यवो नरां न शंसः सवनानि गंतन ।
अश्वामिव पिप्यत धेनुमूधनि कर्ता धियं जरित्रे वाजपेशसं ॥
Samhita Transcription Accented
ā́ no bráhmāṇi marutaḥ samanyavo narā́m ná śáṃsaḥ sávanāni gantana ǀ
áśvāmiva pipyata dhenúmū́dhani kártā dhíyam jaritré vā́japeśasam ǁ
Samhita Transcription Nonaccented
ā no brahmāṇi marutaḥ samanyavo narām na śaṃsaḥ savanāni gantana ǀ
aśvāmiva pipyata dhenumūdhani kartā dhiyam jaritre vājapeśasam ǁ
Padapatha Devanagari Accented
आ । नः॒ । ब्रह्मा॑णि । म॒रु॒तः॒ । स॒ऽम॒न्य॒वः॒ । न॒राम् । न । शंसः॑ । सव॑नानि । ग॒न्त॒न॒ ।
अश्वा॑म्ऽइव । पि॒प्य॒त॒ । धे॒नुम् । ऊध॑नि । कर्ता॑ । धिय॑म् । ज॒रि॒त्रे । वाज॑ऽपेशसम् ॥
Padapatha Devanagari Nonaccented
आ । नः । ब्रह्माणि । मरुतः । सऽमन्यवः । नराम् । न । शंसः । सवनानि । गन्तन ।
अश्वाम्ऽइव । पिप्यत । धेनुम् । ऊधनि । कर्ता । धियम् । जरित्रे । वाजऽपेशसम् ॥
Padapatha Transcription Accented
ā́ ǀ naḥ ǀ bráhmāṇi ǀ marutaḥ ǀ sa-manyavaḥ ǀ narā́m ǀ ná ǀ śáṃsaḥ ǀ sávanāni ǀ gantana ǀ
áśvām-iva ǀ pipyata ǀ dhenúm ǀ ū́dhani ǀ kártā ǀ dhíyam ǀ jaritré ǀ vā́ja-peśasam ǁ
Padapatha Transcription Nonaccented
ā ǀ naḥ ǀ brahmāṇi ǀ marutaḥ ǀ sa-manyavaḥ ǀ narām ǀ na ǀ śaṃsaḥ ǀ savanāni ǀ gantana ǀ
aśvām-iva ǀ pipyata ǀ dhenum ǀ ūdhani ǀ kartā ǀ dhiyam ǀ jaritre ǀ vāja-peśasam ǁ
02.034.07 (Mandala. Sukta. Rik)
2.7.20.02 (Ashtaka. Adhyaya. Varga. Rik)
02.04.022 (Mandala. Anuvāka. Rik)
Samhita Devanagari Accented
तं नो॑ दात मरुतो वा॒जिनं॒ रथ॑ आपा॒नं ब्रह्म॑ चि॒तय॑द्दि॒वेदि॑वे ।
इषं॑ स्तो॒तृभ्यो॑ वृ॒जने॑षु का॒रवे॑ स॒निं मे॒धामरि॑ष्टं दु॒ष्टरं॒ सहः॑ ॥
Samhita Devanagari Nonaccented
तं नो दात मरुतो वाजिनं रथ आपानं ब्रह्म चितयद्दिवेदिवे ।
इषं स्तोतृभ्यो वृजनेषु कारवे सनिं मेधामरिष्टं दुष्टरं सहः ॥
Samhita Transcription Accented
tám no dāta maruto vājínam rátha āpānám bráhma citáyaddivédive ǀ
íṣam stotṛ́bhyo vṛjáneṣu kāráve saním medhā́máriṣṭam duṣṭáram sáhaḥ ǁ
Samhita Transcription Nonaccented
tam no dāta maruto vājinam ratha āpānam brahma citayaddivedive ǀ
iṣam stotṛbhyo vṛjaneṣu kārave sanim medhāmariṣṭam duṣṭaram sahaḥ ǁ
Padapatha Devanagari Accented
तम् । नः॒ । दा॒त॒ । म॒रु॒तः॒ । वा॒जिन॑म् । रथे॑ । आ॒पा॒नम् । ब्रह्म॑ । चि॒तय॑त् । दि॒वेऽदि॑वे ।
इष॑म् । स्तो॒तृऽभ्यः॑ । वृ॒जने॑षु । का॒रवे॑ । स॒निम् । मे॒धाम् । अरि॑ष्टम् । दु॒स्तर॑म् । सहः॑ ॥
Padapatha Devanagari Nonaccented
तम् । नः । दात । मरुतः । वाजिनम् । रथे । आपानम् । ब्रह्म । चितयत् । दिवेऽदिवे ।
इषम् । स्तोतृऽभ्यः । वृजनेषु । कारवे । सनिम् । मेधाम् । अरिष्टम् । दुस्तरम् । सहः ॥
Padapatha Transcription Accented
tám ǀ naḥ ǀ dāta ǀ marutaḥ ǀ vājínam ǀ ráthe ǀ āpānám ǀ bráhma ǀ citáyat ǀ divé-dive ǀ
íṣam ǀ stotṛ́-bhyaḥ ǀ vṛjáneṣu ǀ kāráve ǀ saním ǀ medhā́m ǀ áriṣṭam ǀ dustáram ǀ sáhaḥ ǁ
Padapatha Transcription Nonaccented
tam ǀ naḥ ǀ dāta ǀ marutaḥ ǀ vājinam ǀ rathe ǀ āpānam ǀ brahma ǀ citayat ǀ dive-dive ǀ
iṣam ǀ stotṛ-bhyaḥ ǀ vṛjaneṣu ǀ kārave ǀ sanim ǀ medhām ǀ ariṣṭam ǀ dustaram ǀ sahaḥ ǁ
02.034.08 (Mandala. Sukta. Rik)
2.7.20.03 (Ashtaka. Adhyaya. Varga. Rik)
02.04.023 (Mandala. Anuvāka. Rik)
Samhita Devanagari Accented
यद्युं॒जते॑ म॒रुतो॑ रु॒क्मव॑क्ष॒सोऽश्वा॒न्रथे॑षु॒ भग॒ आ सु॒दान॑वः ।
धे॒नुर्न शिश्वे॒ स्वस॑रेषु पिन्वते॒ जना॑य रा॒तह॑विषे म॒हीमिषं॑ ॥
Samhita Devanagari Nonaccented
यद्युंजते मरुतो रुक्मवक्षसोऽश्वान्रथेषु भग आ सुदानवः ।
धेनुर्न शिश्वे स्वसरेषु पिन्वते जनाय रातहविषे महीमिषं ॥
Samhita Transcription Accented
yádyuñjáte marúto rukmávakṣasó’śvānrátheṣu bhága ā́ sudā́navaḥ ǀ
dhenúrná śíśve svásareṣu pinvate jánāya rātáhaviṣe mahī́míṣam ǁ
Samhita Transcription Nonaccented
yadyuñjate maruto rukmavakṣaso’śvānratheṣu bhaga ā sudānavaḥ ǀ
dhenurna śiśve svasareṣu pinvate janāya rātahaviṣe mahīmiṣam ǁ
Padapatha Devanagari Accented
यत् । यु॒ञ्जते॑ । म॒रुतः॑ । रु॒क्मऽव॑क्षसः । अश्वा॑न् । रथे॑षु । भगे॑ । आ । सु॒ऽदान॑वः ।
धे॒नुः । न । शिश्वे॑ । स्वस॑रेषु । पि॒न्व॒ते॒ । जना॑य । रा॒तऽह॑विषे । म॒हीम् । इष॑म् ॥
Padapatha Devanagari Nonaccented
यत् । युञ्जते । मरुतः । रुक्मऽवक्षसः । अश्वान् । रथेषु । भगे । आ । सुऽदानवः ।
धेनुः । न । शिश्वे । स्वसरेषु । पिन्वते । जनाय । रातऽहविषे । महीम् । इषम् ॥
Padapatha Transcription Accented
yát ǀ yuñjáte ǀ marútaḥ ǀ rukmá-vakṣasaḥ ǀ áśvān ǀ rátheṣu ǀ bháge ǀ ā́ ǀ su-dā́navaḥ ǀ
dhenúḥ ǀ ná ǀ śíśve ǀ svásareṣu ǀ pinvate ǀ jánāya ǀ rātá-haviṣe ǀ mahī́m ǀ íṣam ǁ
Padapatha Transcription Nonaccented
yat ǀ yuñjate ǀ marutaḥ ǀ rukma-vakṣasaḥ ǀ aśvān ǀ ratheṣu ǀ bhage ǀ ā ǀ su-dānavaḥ ǀ
dhenuḥ ǀ na ǀ śiśve ǀ svasareṣu ǀ pinvate ǀ janāya ǀ rāta-haviṣe ǀ mahīm ǀ iṣam ǁ
02.034.09 (Mandala. Sukta. Rik)
2.7.20.04 (Ashtaka. Adhyaya. Varga. Rik)
02.04.024 (Mandala. Anuvāka. Rik)
Samhita Devanagari Accented
यो नो॑ मरुतो वृ॒कता॑ति॒ मर्त्यो॑ रि॒पुर्द॒धे व॑सवो॒ रक्ष॑ता रि॒षः ।
व॒र्तय॑त॒ तपु॑षा च॒क्रिया॒भि तमव॑ रुद्रा अ॒शसो॑ हंतना॒ वधः॑ ॥
Samhita Devanagari Nonaccented
यो नो मरुतो वृकताति मर्त्यो रिपुर्दधे वसवो रक्षता रिषः ।
वर्तयत तपुषा चक्रियाभि तमव रुद्रा अशसो हंतना वधः ॥
Samhita Transcription Accented
yó no maruto vṛkátāti mártyo ripúrdadhé vasavo rákṣatā riṣáḥ ǀ
vartáyata tápuṣā cakríyābhí támáva rudrā aśáso hantanā vádhaḥ ǁ
Samhita Transcription Nonaccented
yo no maruto vṛkatāti martyo ripurdadhe vasavo rakṣatā riṣaḥ ǀ
vartayata tapuṣā cakriyābhi tamava rudrā aśaso hantanā vadhaḥ ǁ
Padapatha Devanagari Accented
यः । नः॒ । म॒रु॒तः॒ । वृ॒कऽता॑ति । मर्त्यः॑ । रि॒पुः । द॒धे । व॒स॒वः॒ । रक्ष॑त । रि॒षः ।
व॒र्तय॑त । तपु॑षा । च॒क्रिया॑ । अ॒भि । तम् । अव॑ । रु॒द्राः॒ । अ॒शसः॑ । ह॒न्त॒न॒ । वध॒रिति॑ ॥
Padapatha Devanagari Nonaccented
यः । नः । मरुतः । वृकऽताति । मर्त्यः । रिपुः । दधे । वसवः । रक्षत । रिषः ।
वर्तयत । तपुषा । चक्रिया । अभि । तम् । अव । रुद्राः । अशसः । हन्तन । वधरिति ॥
Padapatha Transcription Accented
yáḥ ǀ naḥ ǀ marutaḥ ǀ vṛká-tāti ǀ mártyaḥ ǀ ripúḥ ǀ dadhé ǀ vasavaḥ ǀ rákṣata ǀ riṣáḥ ǀ
vartáyata ǀ tápuṣā ǀ cakríyā ǀ abhí ǀ tám ǀ áva ǀ rudrāḥ ǀ aśásaḥ ǀ hantana ǀ vádharíti ǁ
Padapatha Transcription Nonaccented
yaḥ ǀ naḥ ǀ marutaḥ ǀ vṛka-tāti ǀ martyaḥ ǀ ripuḥ ǀ dadhe ǀ vasavaḥ ǀ rakṣata ǀ riṣaḥ ǀ
vartayata ǀ tapuṣā ǀ cakriyā ǀ abhi ǀ tam ǀ ava ǀ rudrāḥ ǀ aśasaḥ ǀ hantana ǀ vadhariti ǁ
02.034.10 (Mandala. Sukta. Rik)
2.7.20.05 (Ashtaka. Adhyaya. Varga. Rik)
02.04.025 (Mandala. Anuvāka. Rik)
Samhita Devanagari Accented
चि॒त्रं तद्वो॑ मरुतो॒ याम॑ चेकिते॒ पृश्न्या॒ यदूध॒रप्या॒पयो॑ दु॒हुः ।
यद्वा॑ नि॒दे नव॑मानस्य रुद्रियास्त्रि॒तं जरा॑य जुर॒ताम॑दाभ्याः ॥
Samhita Devanagari Nonaccented
चित्रं तद्वो मरुतो याम चेकिते पृश्न्या यदूधरप्यापयो दुहुः ।
यद्वा निदे नवमानस्य रुद्रियास्त्रितं जराय जुरतामदाभ्याः ॥
Samhita Transcription Accented
citrám tádvo maruto yā́ma cekite pṛ́śnyā yádū́dharápyāpáyo duhúḥ ǀ
yádvā nidé návamānasya rudriyāstritám járāya juratā́madābhyāḥ ǁ
Samhita Transcription Nonaccented
citram tadvo maruto yāma cekite pṛśnyā yadūdharapyāpayo duhuḥ ǀ
yadvā nide navamānasya rudriyāstritam jarāya juratāmadābhyāḥ ǁ
Padapatha Devanagari Accented
चि॒त्रम् । तत् । वः॒ । म॒रु॒तः॒ । याम॑ । चे॒कि॒ते॒ । पृश्न्याः॑ । यत् । ऊधः॑ । अपि॑ । आ॒पयः॑ । दु॒हुः ।
यत् । वा॒ । नि॒दे । नव॑मानस्य । रु॒द्रि॒याः॒ । त्रि॒तम् । जरा॑य । जु॒र॒ताम् । अ॒दा॒भ्याः॒ ॥
Padapatha Devanagari Nonaccented
चित्रम् । तत् । वः । मरुतः । याम । चेकिते । पृश्न्याः । यत् । ऊधः । अपि । आपयः । दुहुः ।
यत् । वा । निदे । नवमानस्य । रुद्रियाः । त्रितम् । जराय । जुरताम् । अदाभ्याः ॥
Padapatha Transcription Accented
citrám ǀ tát ǀ vaḥ ǀ marutaḥ ǀ yā́ma ǀ cekite ǀ pṛ́śnyāḥ ǀ yát ǀ ū́dhaḥ ǀ ápi ǀ āpáyaḥ ǀ duhúḥ ǀ
yát ǀ vā ǀ nidé ǀ návamānasya ǀ rudriyāḥ ǀ tritám ǀ járāya ǀ juratā́m ǀ adābhyāḥ ǁ
Padapatha Transcription Nonaccented
citram ǀ tat ǀ vaḥ ǀ marutaḥ ǀ yāma ǀ cekite ǀ pṛśnyāḥ ǀ yat ǀ ūdhaḥ ǀ api ǀ āpayaḥ ǀ duhuḥ ǀ
yat ǀ vā ǀ nide ǀ navamānasya ǀ rudriyāḥ ǀ tritam ǀ jarāya ǀ juratām ǀ adābhyāḥ ǁ
02.034.11 (Mandala. Sukta. Rik)
2.7.21.01 (Ashtaka. Adhyaya. Varga. Rik)
02.04.026 (Mandala. Anuvāka. Rik)
Samhita Devanagari Accented
तान्वो॑ म॒हो म॒रुत॑ एव॒याव्नो॒ विष्णो॑रे॒षस्य॑ प्रभृ॒थे ह॑वामहे ।
हिर॑ण्यवर्णान्ककु॒हान्य॒तस्रु॑चो ब्रह्म॒ण्यंतः॒ शंस्यं॒ राध॑ ईमहे ॥
Samhita Devanagari Nonaccented
तान्वो महो मरुत एवयाव्नो विष्णोरेषस्य प्रभृथे हवामहे ।
हिरण्यवर्णान्ककुहान्यतस्रुचो ब्रह्मण्यंतः शंस्यं राध ईमहे ॥
Samhita Transcription Accented
tā́nvo mahó marúta evayā́vno víṣṇoreṣásya prabhṛthé havāmahe ǀ
híraṇyavarṇānkakuhā́nyatásruco brahmaṇyántaḥ śáṃsyam rā́dha īmahe ǁ
Samhita Transcription Nonaccented
tānvo maho maruta evayāvno viṣṇoreṣasya prabhṛthe havāmahe ǀ
hiraṇyavarṇānkakuhānyatasruco brahmaṇyantaḥ śaṃsyam rādha īmahe ǁ
Padapatha Devanagari Accented
तान् । वः॒ । म॒हः । म॒रुतः॑ । ए॒व॒ऽयाव्नः॑ । विष्णोः॑ । ए॒षस्य॑ । प्र॒ऽभृ॒थे । ह॒वा॒म॒हे॒ ।
हिर॑ण्यऽवर्णान् । क॒कु॒हान् । य॒तऽस्रु॑चः । ब्र॒ह्म॒ण्यन्तः॑ । शंस्य॑म् । राधः॑ । ई॒म॒हे॒ ॥
Padapatha Devanagari Nonaccented
तान् । वः । महः । मरुतः । एवऽयाव्नः । विष्णोः । एषस्य । प्रऽभृथे । हवामहे ।
हिरण्यऽवर्णान् । ककुहान् । यतऽस्रुचः । ब्रह्मण्यन्तः । शंस्यम् । राधः । ईमहे ॥
Padapatha Transcription Accented
tā́n ǀ vaḥ ǀ maháḥ ǀ marútaḥ ǀ eva-yā́vnaḥ ǀ víṣṇoḥ ǀ eṣásya ǀ pra-bhṛthé ǀ havāmahe ǀ
híraṇya-varṇān ǀ kakuhā́n ǀ yatá-srucaḥ ǀ brahmaṇyántaḥ ǀ śáṃsyam ǀ rā́dhaḥ ǀ īmahe ǁ
Padapatha Transcription Nonaccented
tān ǀ vaḥ ǀ mahaḥ ǀ marutaḥ ǀ eva-yāvnaḥ ǀ viṣṇoḥ ǀ eṣasya ǀ pra-bhṛthe ǀ havāmahe ǀ
hiraṇya-varṇān ǀ kakuhān ǀ yata-srucaḥ ǀ brahmaṇyantaḥ ǀ śaṃsyam ǀ rādhaḥ ǀ īmahe ǁ
02.034.12 (Mandala. Sukta. Rik)
2.7.21.02 (Ashtaka. Adhyaya. Varga. Rik)
02.04.027 (Mandala. Anuvāka. Rik)
Samhita Devanagari Accented
ते दश॑ग्वाः प्रथ॒मा य॒ज्ञमू॑हिरे॒ ते नो॑ हिन्वंतू॒षसो॒ व्यु॑ष्टिषु ।
उ॒षा न रा॒मीर॑रु॒णैरपो॑र्णुते म॒हो ज्योति॑षा शुच॒ता गोअ॑र्णसा ॥
Samhita Devanagari Nonaccented
ते दशग्वाः प्रथमा यज्ञमूहिरे ते नो हिन्वंतूषसो व्युष्टिषु ।
उषा न रामीररुणैरपोर्णुते महो ज्योतिषा शुचता गोअर्णसा ॥
Samhita Transcription Accented
té dáśagvāḥ prathamā́ yajñámūhire té no hinvantūṣáso vyúṣṭiṣu ǀ
uṣā́ ná rāmī́raruṇáiráporṇute mahó jyótiṣā śucatā́ góarṇasā ǁ
Samhita Transcription Nonaccented
te daśagvāḥ prathamā yajñamūhire te no hinvantūṣaso vyuṣṭiṣu ǀ
uṣā na rāmīraruṇairaporṇute maho jyotiṣā śucatā goarṇasā ǁ
Padapatha Devanagari Accented
ते । दश॑ऽग्वाः । प्र॒थ॒माः । य॒ज्ञम् । ऊ॒हि॒रे॒ । ते । नः॒ । हि॒न्व॒न्तु॒ । उ॒षसः॑ । विऽउ॑ष्टिषु ।
उ॒षाः । न । रा॒मीः । अ॒रु॒णैः । अप॑ । ऊ॒र्णु॒ते॒ । म॒हः । ज्योति॑षा । शु॒च॒ता । गोऽअ॑र्णसा ॥
Padapatha Devanagari Nonaccented
ते । दशऽग्वाः । प्रथमाः । यज्ञम् । ऊहिरे । ते । नः । हिन्वन्तु । उषसः । विऽउष्टिषु ।
उषाः । न । रामीः । अरुणैः । अप । ऊर्णुते । महः । ज्योतिषा । शुचता । गोऽअर्णसा ॥
Padapatha Transcription Accented
té ǀ dáśa-gvāḥ ǀ prathamā́ḥ ǀ yajñám ǀ ūhire ǀ té ǀ naḥ ǀ hinvantu ǀ uṣásaḥ ǀ ví-uṣṭiṣu ǀ
uṣā́ḥ ǀ ná ǀ rāmī́ḥ ǀ aruṇáiḥ ǀ ápa ǀ ūrṇute ǀ maháḥ ǀ jyótiṣā ǀ śucatā́ ǀ gó-arṇasā ǁ
Padapatha Transcription Nonaccented
te ǀ daśa-gvāḥ ǀ prathamāḥ ǀ yajñam ǀ ūhire ǀ te ǀ naḥ ǀ hinvantu ǀ uṣasaḥ ǀ vi-uṣṭiṣu ǀ
uṣāḥ ǀ na ǀ rāmīḥ ǀ aruṇaiḥ ǀ apa ǀ ūrṇute ǀ mahaḥ ǀ jyotiṣā ǀ śucatā ǀ go-arṇasā ǁ
02.034.13 (Mandala. Sukta. Rik)
2.7.21.03 (Ashtaka. Adhyaya. Varga. Rik)
02.04.028 (Mandala. Anuvāka. Rik)
Samhita Devanagari Accented
ते क्षो॒णीभि॑ररु॒णेभि॒र्नांजिभी॑ रु॒द्रा ऋ॒तस्य॒ सद॑नेषु वावृधुः ।
नि॒मेघ॑माना॒ अत्ये॑न॒ पाज॑सा सुश्चं॒द्रं वर्णं॑ दधिरे सु॒पेश॑सं ॥
Samhita Devanagari Nonaccented
ते क्षोणीभिररुणेभिर्नांजिभी रुद्रा ऋतस्य सदनेषु वावृधुः ।
निमेघमाना अत्येन पाजसा सुश्चंद्रं वर्णं दधिरे सुपेशसं ॥
Samhita Transcription Accented
té kṣoṇī́bhiraruṇébhirnā́ñjíbhī rudrā́ ṛtásya sádaneṣu vāvṛdhuḥ ǀ
niméghamānā átyena pā́jasā suścandrám várṇam dadhire supéśasam ǁ
Samhita Transcription Nonaccented
te kṣoṇībhiraruṇebhirnāñjibhī rudrā ṛtasya sadaneṣu vāvṛdhuḥ ǀ
nimeghamānā atyena pājasā suścandram varṇam dadhire supeśasam ǁ
Padapatha Devanagari Accented
ते । क्षो॒णीभिः॑ । अ॒रु॒णेभिः॑ । न । अ॒ञ्जिऽभिः॑ । रु॒द्राः । ऋ॒तस्य॑ । सद॑नेषु । व॒वृ॒धुः॒ ।
नि॒ऽमेघ॑मानाः । अत्ये॑न । पाज॑सा । सु॒ऽच॒न्द्रम् । वर्ण॑म् । द॒धि॒रे॒ । सु॒ऽपेश॑सम् ॥
Padapatha Devanagari Nonaccented
ते । क्षोणीभिः । अरुणेभिः । न । अञ्जिऽभिः । रुद्राः । ऋतस्य । सदनेषु । ववृधुः ।
निऽमेघमानाः । अत्येन । पाजसा । सुऽचन्द्रम् । वर्णम् । दधिरे । सुऽपेशसम् ॥
Padapatha Transcription Accented
té ǀ kṣoṇī́bhiḥ ǀ aruṇébhiḥ ǀ ná ǀ añjí-bhiḥ ǀ rudrā́ḥ ǀ ṛtásya ǀ sádaneṣu ǀ vavṛdhuḥ ǀ
ni-méghamānāḥ ǀ átyena ǀ pā́jasā ǀ su-candrám ǀ várṇam ǀ dadhire ǀ su-péśasam ǁ
Padapatha Transcription Nonaccented
te ǀ kṣoṇībhiḥ ǀ aruṇebhiḥ ǀ na ǀ añji-bhiḥ ǀ rudrāḥ ǀ ṛtasya ǀ sadaneṣu ǀ vavṛdhuḥ ǀ
ni-meghamānāḥ ǀ atyena ǀ pājasā ǀ su-candram ǀ varṇam ǀ dadhire ǀ su-peśasam ǁ
02.034.14 (Mandala. Sukta. Rik)
2.7.21.04 (Ashtaka. Adhyaya. Varga. Rik)
02.04.029 (Mandala. Anuvāka. Rik)
Samhita Devanagari Accented
ताँ इ॑या॒नो महि॒ वरू॑थमू॒तय॒ उप॒ घेदे॒ना नम॑सा गृणीमसि ।
त्रि॒तो न यान्पंच॒ होतॄ॑न॒भिष्ट॑य आव॒वर्त॒दव॑रांच॒क्रियाव॑से ॥
Samhita Devanagari Nonaccented
ताँ इयानो महि वरूथमूतय उप घेदेना नमसा गृणीमसि ।
त्रितो न यान्पंच होतॄनभिष्टय आववर्तदवरांचक्रियावसे ॥
Samhita Transcription Accented
tā́m̐ iyānó máhi várūthamūtáya úpa ghédenā́ námasā gṛṇīmasi ǀ
tritó ná yā́npáñca hótṝnabhíṣṭaya āvavártadávarāñcakríyā́vase ǁ
Samhita Transcription Nonaccented
tām̐ iyāno mahi varūthamūtaya upa ghedenā namasā gṛṇīmasi ǀ
trito na yānpañca hotṝnabhiṣṭaya āvavartadavarāñcakriyāvase ǁ
Padapatha Devanagari Accented
तान् । इ॒या॒नः । महि॑ । वरू॑थम् । ऊ॒तये॑ । उप॑ । घ॒ । इत् । ए॒ना । नम॑सा । गृ॒णी॒म॒सि॒ ।
त्रि॒तः । न । यान् । पञ्च॑ । होतॄ॑न् । अ॒भिष्ट॑ये । आ॒ऽव॒वर्त॑त् । अव॑रान् । च॒क्रिया॑ । अव॑से ॥
Padapatha Devanagari Nonaccented
तान् । इयानः । महि । वरूथम् । ऊतये । उप । घ । इत् । एना । नमसा । गृणीमसि ।
त्रितः । न । यान् । पञ्च । होतॄन् । अभिष्टये । आऽववर्तत् । अवरान् । चक्रिया । अवसे ॥
Padapatha Transcription Accented
tā́n ǀ iyānáḥ ǀ máhi ǀ várūtham ǀ ūtáye ǀ úpa ǀ gha ǀ ít ǀ enā́ ǀ námasā ǀ gṛṇīmasi ǀ
tritáḥ ǀ ná ǀ yā́n ǀ páñca ǀ hótṝn ǀ abhíṣṭaye ǀ ā-vavártat ǀ ávarān ǀ cakríyā ǀ ávase ǁ
Padapatha Transcription Nonaccented
tān ǀ iyānaḥ ǀ mahi ǀ varūtham ǀ ūtaye ǀ upa ǀ gha ǀ it ǀ enā ǀ namasā ǀ gṛṇīmasi ǀ
tritaḥ ǀ na ǀ yān ǀ pañca ǀ hotṝn ǀ abhiṣṭaye ǀ ā-vavartat ǀ avarān ǀ cakriyā ǀ avase ǁ
02.034.15 (Mandala. Sukta. Rik)
2.7.21.05 (Ashtaka. Adhyaya. Varga. Rik)
02.04.030 (Mandala. Anuvāka. Rik)
Samhita Devanagari Accented
यया॑ र॒ध्रं पा॒रय॒थात्यंहो॒ यया॑ नि॒दो मुं॒चथ॑ वंदि॒तारं॑ ।
अ॒र्वाची॒ सा म॑रुतो॒ या व॑ ऊ॒तिरो षु वा॒श्रेव॑ सुम॒तिर्जि॑गातु ॥
Samhita Devanagari Nonaccented
यया रध्रं पारयथात्यंहो यया निदो मुंचथ वंदितारं ।
अर्वाची सा मरुतो या व ऊतिरो षु वाश्रेव सुमतिर्जिगातु ॥
Samhita Transcription Accented
yáyā radhrám pāráyathā́tyáṃho yáyā nidó muñcátha vanditā́ram ǀ
arvā́cī sā́ maruto yā́ va ūtíró ṣú vāśréva sumatírjigātu ǁ
Samhita Transcription Nonaccented
yayā radhram pārayathātyaṃho yayā nido muñcatha vanditāram ǀ
arvācī sā maruto yā va ūtiro ṣu vāśreva sumatirjigātu ǁ
Padapatha Devanagari Accented
यया॑ । र॒ध्रम् । पा॒रय॑थ । अति॑ । अंहः॑ । यया॑ । नि॒दः । मु॒ञ्चथ॑ । व॒न्दि॒तार॑म् ।
अ॒र्वाची॑ । सा । म॒रु॒तः॒ । या । वः॒ । ऊ॒तिः । ओ इति॑ । सु । वा॒श्राऽइ॑व । सु॒ऽम॒तिः । जि॒गा॒तु॒ ॥
Padapatha Devanagari Nonaccented
यया । रध्रम् । पारयथ । अति । अंहः । यया । निदः । मुञ्चथ । वन्दितारम् ।
अर्वाची । सा । मरुतः । या । वः । ऊतिः । ओ इति । सु । वाश्राऽइव । सुऽमतिः । जिगातु ॥
Padapatha Transcription Accented
yáyā ǀ radhrám ǀ pāráyatha ǀ áti ǀ áṃhaḥ ǀ yáyā ǀ nidáḥ ǀ muñcátha ǀ vanditā́ram ǀ
arvā́cī ǀ sā́ ǀ marutaḥ ǀ yā́ ǀ vaḥ ǀ ūtíḥ ǀ ó íti ǀ sú ǀ vāśrā́-iva ǀ su-matíḥ ǀ jigātu ǁ
Padapatha Transcription Nonaccented
yayā ǀ radhram ǀ pārayatha ǀ ati ǀ aṃhaḥ ǀ yayā ǀ nidaḥ ǀ muñcatha ǀ vanditāram ǀ
arvācī ǀ sā ǀ marutaḥ ǀ yā ǀ vaḥ ǀ ūtiḥ ǀ o iti ǀ su ǀ vāśrā-iva ǀ su-matiḥ ǀ jigātu ǁ