|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 37
|
1. Info |
| To: | 1-4: draviṇodā; 5: aśvins; 6: agni |
|
| From: | gṛtsamada bhārgava śaunaka | |
| Metres: | 1st set of styles: nicṛjjagatī (1, 5); bhuriktriṣṭup (4, 6); jagatī (2); virāḍjagatī (3) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.037.01 (Mandala. Sukta. Rik)
2.8.01.01 (Ashtaka. Adhyaya. Varga. Rik)
02.04.052 (Mandala. Anuvāka. Rik)
Samhita Devanagari Accented
मंद॑स्व हो॒त्रादनु॒ जोष॒मंध॒सोऽध्व॑र्यवः॒ स पू॒र्णां व॑ष्ट्या॒सिचं॑ ।
तस्मा॑ ए॒तं भ॑रत तद्व॒शो द॒दिर्हो॒त्रात्सोमं॑ द्रविणोदः॒ पिब॑ ऋ॒तुभिः॑ ॥
Samhita Devanagari Nonaccented
मंदस्व होत्रादनु जोषमंधसोऽध्वर्यवः स पूर्णां वष्ट्यासिचं ।
तस्मा एतं भरत तद्वशो ददिर्होत्रात्सोमं द्रविणोदः पिब ऋतुभिः ॥
Samhita Transcription Accented
mándasva hotrā́dánu jóṣamándhasó’dhvaryavaḥ sá pūrṇā́m vaṣṭyāsícam ǀ
tásmā etám bharata tadvaśó dadírhotrā́tsómam draviṇodaḥ píba ṛtúbhiḥ ǁ
Samhita Transcription Nonaccented
mandasva hotrādanu joṣamandhaso’dhvaryavaḥ sa pūrṇām vaṣṭyāsicam ǀ
tasmā etam bharata tadvaśo dadirhotrātsomam draviṇodaḥ piba ṛtubhiḥ ǁ
Padapatha Devanagari Accented
मन्द॑स्व । हो॒त्रात् । अनु॑ । जोष॑म् । अन्ध॑सः । अध्व॑र्यवः । सः । पू॒र्णाम् । व॒ष्टि॒ । आ॒ऽसिच॑म् ।
तस्मै॑ । ए॒तम् । भ॒र॒त॒ । त॒त्ऽव॒शः । द॒दिः । हो॒त्रात् । सोम॑म् । द्र॒वि॒णः॒ऽदः॒ । पिब॑ । ऋ॒तुऽभिः॑ ॥
Padapatha Devanagari Nonaccented
मन्दस्व । होत्रात् । अनु । जोषम् । अन्धसः । अध्वर्यवः । सः । पूर्णाम् । वष्टि । आऽसिचम् ।
तस्मै । एतम् । भरत । तत्ऽवशः । ददिः । होत्रात् । सोमम् । द्रविणःऽदः । पिब । ऋतुऽभिः ॥
Padapatha Transcription Accented
mándasva ǀ hotrā́t ǀ ánu ǀ jóṣam ǀ ándhasaḥ ǀ ádhvaryavaḥ ǀ sáḥ ǀ pūrṇā́m ǀ vaṣṭi ǀ ā-sícam ǀ
tásmai ǀ etám ǀ bharata ǀ tat-vaśáḥ ǀ dadíḥ ǀ hotrā́t ǀ sómam ǀ draviṇaḥ-daḥ ǀ píba ǀ ṛtú-bhiḥ ǁ
Padapatha Transcription Nonaccented
mandasva ǀ hotrāt ǀ anu ǀ joṣam ǀ andhasaḥ ǀ adhvaryavaḥ ǀ saḥ ǀ pūrṇām ǀ vaṣṭi ǀ ā-sicam ǀ
tasmai ǀ etam ǀ bharata ǀ tat-vaśaḥ ǀ dadiḥ ǀ hotrāt ǀ somam ǀ draviṇaḥ-daḥ ǀ piba ǀ ṛtu-bhiḥ ǁ
02.037.02 (Mandala. Sukta. Rik)
2.8.01.02 (Ashtaka. Adhyaya. Varga. Rik)
02.04.053 (Mandala. Anuvāka. Rik)
Samhita Devanagari Accented
यमु॒ पूर्व॒महु॑वे॒ तमि॒दं हु॑वे॒ सेदु॒ हव्यो॑ द॒दिर्यो नाम॒ पत्य॑ते ।
अ॒ध्व॒र्युभिः॒ प्रस्थि॑तं सो॒म्यं मधु॑ पो॒त्रात्सोमं॑ द्रविणोदः॒ पिब॑ ऋ॒तुभिः॑ ॥
Samhita Devanagari Nonaccented
यमु पूर्वमहुवे तमिदं हुवे सेदु हव्यो ददिर्यो नाम पत्यते ।
अध्वर्युभिः प्रस्थितं सोम्यं मधु पोत्रात्सोमं द्रविणोदः पिब ऋतुभिः ॥
Samhita Transcription Accented
yámu pū́rvamáhuve támidám huve sédu hávyo dadíryó nā́ma pátyate ǀ
adhvaryúbhiḥ prásthitam somyám mádhu potrā́tsómam draviṇodaḥ píba ṛtúbhiḥ ǁ
Samhita Transcription Nonaccented
yamu pūrvamahuve tamidam huve sedu havyo dadiryo nāma patyate ǀ
adhvaryubhiḥ prasthitam somyam madhu potrātsomam draviṇodaḥ piba ṛtubhiḥ ǁ
Padapatha Devanagari Accented
यम् । ऊं॒ इति॑ । पूर्व॑म् । अहु॑वे । तम् । इ॒दम् । हु॒वे॒ । सः । इत् । ऊं॒ इति॑ । हव्यः॑ । द॒दिः । यः । नाम॑ । पत्य॑ते ।
अ॒ध्व॒र्युऽभिः॑ । प्रऽस्थि॑तम् । सो॒म्यम् । मधु॑ । पो॒त्रात् । सोम॑म् । द्र॒वि॒णः॒ऽदः॒ । पिब॑ । ऋ॒तुऽभिः॑ ॥
Padapatha Devanagari Nonaccented
यम् । ऊं इति । पूर्वम् । अहुवे । तम् । इदम् । हुवे । सः । इत् । ऊं इति । हव्यः । ददिः । यः । नाम । पत्यते ।
अध्वर्युऽभिः । प्रऽस्थितम् । सोम्यम् । मधु । पोत्रात् । सोमम् । द्रविणःऽदः । पिब । ऋतुऽभिः ॥
Padapatha Transcription Accented
yám ǀ ūṃ íti ǀ pū́rvam ǀ áhuve ǀ tám ǀ idám ǀ huve ǀ sáḥ ǀ ít ǀ ūṃ íti ǀ hávyaḥ ǀ dadíḥ ǀ yáḥ ǀ nā́ma ǀ pátyate ǀ
adhvaryú-bhiḥ ǀ prá-sthitam ǀ somyám ǀ mádhu ǀ potrā́t ǀ sómam ǀ draviṇaḥ-daḥ ǀ píba ǀ ṛtú-bhiḥ ǁ
Padapatha Transcription Nonaccented
yam ǀ ūṃ iti ǀ pūrvam ǀ ahuve ǀ tam ǀ idam ǀ huve ǀ saḥ ǀ it ǀ ūṃ iti ǀ havyaḥ ǀ dadiḥ ǀ yaḥ ǀ nāma ǀ patyate ǀ
adhvaryu-bhiḥ ǀ pra-sthitam ǀ somyam ǀ madhu ǀ potrāt ǀ somam ǀ draviṇaḥ-daḥ ǀ piba ǀ ṛtu-bhiḥ ǁ
02.037.03 (Mandala. Sukta. Rik)
2.8.01.03 (Ashtaka. Adhyaya. Varga. Rik)
02.04.054 (Mandala. Anuvāka. Rik)
Samhita Devanagari Accented
मेद्यं॑तु ते॒ वह्न॑यो॒ येभि॒रीय॒सेऽरि॑षण्यन्वीळयस्वा वनस्पते ।
आ॒यूया॑ धृष्णो अभि॒गूर्या॒ त्वं ने॒ष्ट्रात्सोमं॑ द्रविणोदः॒ पिब॑ ऋ॒तुभिः॑ ॥
Samhita Devanagari Nonaccented
मेद्यंतु ते वह्नयो येभिरीयसेऽरिषण्यन्वीळयस्वा वनस्पते ।
आयूया धृष्णो अभिगूर्या त्वं नेष्ट्रात्सोमं द्रविणोदः पिब ऋतुभिः ॥
Samhita Transcription Accented
médyantu te váhnayo yébhirī́yasé’riṣaṇyanvīḷayasvā vanaspate ǀ
āyū́yā dhṛṣṇo abhigū́ryā tvám neṣṭrā́tsómam draviṇodaḥ píba ṛtúbhiḥ ǁ
Samhita Transcription Nonaccented
medyantu te vahnayo yebhirīyase’riṣaṇyanvīḷayasvā vanaspate ǀ
āyūyā dhṛṣṇo abhigūryā tvam neṣṭrātsomam draviṇodaḥ piba ṛtubhiḥ ǁ
Padapatha Devanagari Accented
मेद्य॑न्तु । ते॒ । वह्न॑यः । येभिः॑ । ईय॑से । अरि॑षण्यन् । वी॒ळ॒य॒स्व॒ । व॒न॒स्प॒ते॒ ।
आ॒ऽयूय॑ । धृ॒ष्णो॒ इति॑ । अ॒भि॒ऽगूर्य॑ । त्वम् । ने॒ष्ट्रात् । सोम॑म् । द्र॒वि॒णः॒ऽदः॒ । पिब॑ । ऋ॒तुऽभिः॑ ॥
Padapatha Devanagari Nonaccented
मेद्यन्तु । ते । वह्नयः । येभिः । ईयसे । अरिषण्यन् । वीळयस्व । वनस्पते ।
आऽयूय । धृष्णो इति । अभिऽगूर्य । त्वम् । नेष्ट्रात् । सोमम् । द्रविणःऽदः । पिब । ऋतुऽभिः ॥
Padapatha Transcription Accented
médyantu ǀ te ǀ váhnayaḥ ǀ yébhiḥ ǀ ī́yase ǀ áriṣaṇyan ǀ vīḷayasva ǀ vanaspate ǀ
ā-yū́ya ǀ dhṛṣṇo íti ǀ abhi-gū́rya ǀ tvám ǀ neṣṭrā́t ǀ sómam ǀ draviṇaḥ-daḥ ǀ píba ǀ ṛtú-bhiḥ ǁ
Padapatha Transcription Nonaccented
medyantu ǀ te ǀ vahnayaḥ ǀ yebhiḥ ǀ īyase ǀ ariṣaṇyan ǀ vīḷayasva ǀ vanaspate ǀ
ā-yūya ǀ dhṛṣṇo iti ǀ abhi-gūrya ǀ tvam ǀ neṣṭrāt ǀ somam ǀ draviṇaḥ-daḥ ǀ piba ǀ ṛtu-bhiḥ ǁ
02.037.04 (Mandala. Sukta. Rik)
2.8.01.04 (Ashtaka. Adhyaya. Varga. Rik)
02.04.055 (Mandala. Anuvāka. Rik)
Samhita Devanagari Accented
अपा॑द्धो॒त्रादु॒त पो॒त्राद॑मत्तो॒त ने॒ष्ट्राद॑जुषत॒ प्रयो॑ हि॒तं ।
तु॒रीयं॒ पात्र॒ममृ॑क्त॒मम॑र्त्यं द्रविणो॒दाः पि॑बतु द्राविणोद॒सः ॥
Samhita Devanagari Nonaccented
अपाद्धोत्रादुत पोत्रादमत्तोत नेष्ट्रादजुषत प्रयो हितं ।
तुरीयं पात्रममृक्तममर्त्यं द्रविणोदाः पिबतु द्राविणोदसः ॥
Samhita Transcription Accented
ápāddhotrā́dutá potrā́damattotá neṣṭrā́dajuṣata práyo hitám ǀ
turī́yam pā́tramámṛktamámartyam draviṇodā́ḥ pibatu drāviṇodasáḥ ǁ
Samhita Transcription Nonaccented
apāddhotrāduta potrādamattota neṣṭrādajuṣata prayo hitam ǀ
turīyam pātramamṛktamamartyam draviṇodāḥ pibatu drāviṇodasaḥ ǁ
Padapatha Devanagari Accented
अपा॑त् । हो॒त्रात् । उ॒त । पो॒त्रात् । अ॒म॒त्त॒ । उ॒त । ने॒ष्ट्रात् । अ॒जु॒ष॒त॒ । प्रयः॑ । हि॒तम् ।
तु॒रीय॑म् । पात्र॑म् । अमृ॑क्तम् । अम॑र्त्यम् । द्र॒वि॒णः॒ऽदाः । पि॒ब॒तु॒ । द्रा॒वि॒णः॒ऽद॒सः ॥
Padapatha Devanagari Nonaccented
अपात् । होत्रात् । उत । पोत्रात् । अमत्त । उत । नेष्ट्रात् । अजुषत । प्रयः । हितम् ।
तुरीयम् । पात्रम् । अमृक्तम् । अमर्त्यम् । द्रविणःऽदाः । पिबतु । द्राविणःऽदसः ॥
Padapatha Transcription Accented
ápāt ǀ hotrā́t ǀ utá ǀ potrā́t ǀ amatta ǀ utá ǀ neṣṭrā́t ǀ ajuṣata ǀ práyaḥ ǀ hitám ǀ
turī́yam ǀ pā́tram ǀ ámṛktam ǀ ámartyam ǀ draviṇaḥ-dā́ḥ ǀ pibatu ǀ drāviṇaḥ-dasáḥ ǁ
Padapatha Transcription Nonaccented
apāt ǀ hotrāt ǀ uta ǀ potrāt ǀ amatta ǀ uta ǀ neṣṭrāt ǀ ajuṣata ǀ prayaḥ ǀ hitam ǀ
turīyam ǀ pātram ǀ amṛktam ǀ amartyam ǀ draviṇaḥ-dāḥ ǀ pibatu ǀ drāviṇaḥ-dasaḥ ǁ
02.037.05 (Mandala. Sukta. Rik)
2.8.01.05 (Ashtaka. Adhyaya. Varga. Rik)
02.04.056 (Mandala. Anuvāka. Rik)
Samhita Devanagari Accented
अ॒र्वांच॑म॒द्य य॒य्यं॑ नृ॒वाह॑णं॒ रथं॑ युंजाथामि॒ह वां॑ वि॒मोच॑नं ।
पृं॒क्तं ह॒वींषि॒ मधु॒ना हि कं॑ ग॒तमथा॒ सोमं॑ पिबतं वाजिनीवसू ॥
Samhita Devanagari Nonaccented
अर्वांचमद्य यय्यं नृवाहणं रथं युंजाथामिह वां विमोचनं ।
पृंक्तं हवींषि मधुना हि कं गतमथा सोमं पिबतं वाजिनीवसू ॥
Samhita Transcription Accented
arvā́ñcamadyá yayyám nṛvā́haṇam rátham yuñjāthāmihá vām vimócanam ǀ
pṛṅktám havī́ṃṣi mádhunā́ hí kam gatámáthā sómam pibatam vājinīvasū ǁ
Samhita Transcription Nonaccented
arvāñcamadya yayyam nṛvāhaṇam ratham yuñjāthāmiha vām vimocanam ǀ
pṛṅktam havīṃṣi madhunā hi kam gatamathā somam pibatam vājinīvasū ǁ
Padapatha Devanagari Accented
अ॒र्वाञ्च॑म् । अ॒द्य । य॒य्य॑म् । नृ॒ऽवाह॑नम् । रथ॑म् । यु॒ञ्जा॒था॒म् । इ॒ह । वा॒म् । वि॒ऽमोच॑नम् ।
पृ॒ङ्क्तम् । ह॒वींषि॑ । मधु॑ना । आ । हि । क॒म् । ग॒तम् । अथ॑ । सोम॑म् । पि॒ब॒त॒म् । वा॒जि॒नी॒व॒सू॒ इति॑ वाजिनीऽवसू ॥
Padapatha Devanagari Nonaccented
अर्वाञ्चम् । अद्य । यय्यम् । नृऽवाहनम् । रथम् । युञ्जाथाम् । इह । वाम् । विऽमोचनम् ।
पृङ्क्तम् । हवींषि । मधुना । आ । हि । कम् । गतम् । अथ । सोमम् । पिबतम् । वाजिनीवसू इति वाजिनीऽवसू ॥
Padapatha Transcription Accented
arvā́ñcam ǀ adyá ǀ yayyám ǀ nṛ-vā́hanam ǀ rátham ǀ yuñjāthām ǀ ihá ǀ vām ǀ vi-mócanam ǀ
pṛṅktám ǀ havī́ṃṣi ǀ mádhunā ǀ ā́ ǀ hí ǀ kam ǀ gatám ǀ átha ǀ sómam ǀ pibatam ǀ vājinīvasū íti vājinī-vasū ǁ
Padapatha Transcription Nonaccented
arvāñcam ǀ adya ǀ yayyam ǀ nṛ-vāhanam ǀ ratham ǀ yuñjāthām ǀ iha ǀ vām ǀ vi-mocanam ǀ
pṛṅktam ǀ havīṃṣi ǀ madhunā ǀ ā ǀ hi ǀ kam ǀ gatam ǀ atha ǀ somam ǀ pibatam ǀ vājinīvasū iti vājinī-vasū ǁ
02.037.06 (Mandala. Sukta. Rik)
2.8.01.06 (Ashtaka. Adhyaya. Varga. Rik)
02.04.057 (Mandala. Anuvāka. Rik)
Samhita Devanagari Accented
जोष्य॑ग्ने स॒मिधं॒ जोष्याहु॑तिं॒ जोषि॒ ब्रह्म॒ जन्यं॒ जोषि॑ सुष्टु॒तिं ।
विश्वे॑भि॒र्विश्वाँ॑ ऋ॒तुना॑ वसो म॒ह उ॒शंदे॒वाँ उ॑श॒तः पा॑यया ह॒विः ॥
Samhita Devanagari Nonaccented
जोष्यग्ने समिधं जोष्याहुतिं जोषि ब्रह्म जन्यं जोषि सुष्टुतिं ।
विश्वेभिर्विश्वाँ ऋतुना वसो मह उशंदेवाँ उशतः पायया हविः ॥
Samhita Transcription Accented
jóṣyagne samídham jóṣyā́hutim jóṣi bráhma jányam jóṣi suṣṭutím ǀ
víśvebhirvíśvām̐ ṛtúnā vaso mahá uśándevā́m̐ uśatáḥ pāyayā havíḥ ǁ
Samhita Transcription Nonaccented
joṣyagne samidham joṣyāhutim joṣi brahma janyam joṣi suṣṭutim ǀ
viśvebhirviśvām̐ ṛtunā vaso maha uśandevām̐ uśataḥ pāyayā haviḥ ǁ
Padapatha Devanagari Accented
जोषि॑ । अ॒ग्ने॒ । स॒म्ऽइध॑म् । जोषि॑ । आऽहु॑तिम् । जोषि॑ । ब्रह्म॑ । जन्य॑म् । जोषि॑ । सु॒ऽस्तु॒तिम् ।
विश्वे॑भिः । विश्वा॑न् । ऋ॒तुना॑ । व॒सो॒ इति॑ । म॒हः । उ॒शन् । दे॒वान् । उ॒श॒तः । पा॒य॒य॒ । ह॒विः ॥
Padapatha Devanagari Nonaccented
जोषि । अग्ने । सम्ऽइधम् । जोषि । आऽहुतिम् । जोषि । ब्रह्म । जन्यम् । जोषि । सुऽस्तुतिम् ।
विश्वेभिः । विश्वान् । ऋतुना । वसो इति । महः । उशन् । देवान् । उशतः । पायय । हविः ॥
Padapatha Transcription Accented
jóṣi ǀ agne ǀ sam-ídham ǀ jóṣi ǀ ā́-hutim ǀ jóṣi ǀ bráhma ǀ jányam ǀ jóṣi ǀ su-stutím ǀ
víśvebhiḥ ǀ víśvān ǀ ṛtúnā ǀ vaso íti ǀ maháḥ ǀ uśán ǀ devā́n ǀ uśatáḥ ǀ pāyaya ǀ havíḥ ǁ
Padapatha Transcription Nonaccented
joṣi ǀ agne ǀ sam-idham ǀ joṣi ǀ ā-hutim ǀ joṣi ǀ brahma ǀ janyam ǀ joṣi ǀ su-stutim ǀ
viśvebhiḥ ǀ viśvān ǀ ṛtunā ǀ vaso iti ǀ mahaḥ ǀ uśan ǀ devān ǀ uśataḥ ǀ pāyaya ǀ haviḥ ǁ