|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 2
Sūkta 39
|
1. Info |
| To: | aśvins | |
| From: | gṛtsamada bhārgava śaunaka | |
| Metres: | 1st set of styles: triṣṭup (4, 7, 8); svarāṭpaṅkti (5, 6); nicṛttriṣṭup (1); bhurikpaṅkti (2); virāṭtrisṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
02.039.01 (Mandala. Sukta. Rik)
2.8.04.01 (Ashtaka. Adhyaya. Varga. Rik)
02.04.069 (Mandala. Anuvāka. Rik)
Samhita Devanagari Accented
ग्रावा॑णेव॒ तदिदर्थं॑ जरेथे॒ गृध्रे॑व वृ॒क्षं नि॑धि॒मंत॒मच्छ॑ ।
ब्र॒ह्माणे॑व वि॒दथ॑ उक्थ॒शासा॑ दू॒तेव॒ हव्या॒ जन्या॑ पुरु॒त्रा ॥
Samhita Devanagari Nonaccented
ग्रावाणेव तदिदर्थं जरेथे गृध्रेव वृक्षं निधिमंतमच्छ ।
ब्रह्माणेव विदथ उक्थशासा दूतेव हव्या जन्या पुरुत्रा ॥
Samhita Transcription Accented
grā́vāṇeva tádídártham jarethe gṛ́dhreva vṛkṣám nidhimántamáccha ǀ
brahmā́ṇeva vidátha ukthaśā́sā dūtéva hávyā jányā purutrā́ ǁ
Samhita Transcription Nonaccented
grāvāṇeva tadidartham jarethe gṛdhreva vṛkṣam nidhimantamaccha ǀ
brahmāṇeva vidatha ukthaśāsā dūteva havyā janyā purutrā ǁ
Padapatha Devanagari Accented
ग्रावा॑णाऽइव । तत् । इत् । अर्थ॑म् । ज॒रे॒थे॒ इति॑ । गृध्रा॑ऽइव । वृ॒क्षम् । नि॒धि॒ऽमन्त॑म् । अच्छ॑ ।
ब्र॒ह्माणा॑ऽइव । वि॒दथे॑ । उ॒क्थ॒ऽशसा॑ । दू॒ताऽइ॑व । हव्या॑ । जन्या॑ । पु॒रु॒ऽत्रा ॥
Padapatha Devanagari Nonaccented
ग्रावाणाऽइव । तत् । इत् । अर्थम् । जरेथे इति । गृध्राऽइव । वृक्षम् । निधिऽमन्तम् । अच्छ ।
ब्रह्माणाऽइव । विदथे । उक्थऽशसा । दूताऽइव । हव्या । जन्या । पुरुऽत्रा ॥
Padapatha Transcription Accented
grā́vāṇā-iva ǀ tát ǀ ít ǀ ártham ǀ jarethe íti ǀ gṛ́dhrā-iva ǀ vṛkṣám ǀ nidhi-mántam ǀ áccha ǀ
brahmā́ṇā-iva ǀ vidáthe ǀ uktha-śásā ǀ dūtā́-iva ǀ hávyā ǀ jányā ǀ puru-trā́ ǁ
Padapatha Transcription Nonaccented
grāvāṇā-iva ǀ tat ǀ it ǀ artham ǀ jarethe iti ǀ gṛdhrā-iva ǀ vṛkṣam ǀ nidhi-mantam ǀ accha ǀ
brahmāṇā-iva ǀ vidathe ǀ uktha-śasā ǀ dūtā-iva ǀ havyā ǀ janyā ǀ puru-trā ǁ
02.039.02 (Mandala. Sukta. Rik)
2.8.04.02 (Ashtaka. Adhyaya. Varga. Rik)
02.04.070 (Mandala. Anuvāka. Rik)
Samhita Devanagari Accented
प्रा॒त॒र्यावा॑णा र॒थ्ये॑व वी॒राजेव॑ य॒मा वर॒मा स॑चेथे ।
मेने॑ इव त॒न्वा॒३॒॑ शुंभ॑माने॒ दंप॑तीव क्रतु॒विदा॒ जने॑षु ॥
Samhita Devanagari Nonaccented
प्रातर्यावाणा रथ्येव वीराजेव यमा वरमा सचेथे ।
मेने इव तन्वा शुंभमाने दंपतीव क्रतुविदा जनेषु ॥
Samhita Transcription Accented
prātaryā́vāṇā rathyéva vīrā́jéva yamā́ váramā́ sacethe ǀ
méne iva tanvā́ śúmbhamāne dámpatīva kratuvídā jáneṣu ǁ
Samhita Transcription Nonaccented
prātaryāvāṇā rathyeva vīrājeva yamā varamā sacethe ǀ
mene iva tanvā śumbhamāne dampatīva kratuvidā janeṣu ǁ
Padapatha Devanagari Accented
प्रा॒तः॒ऽयावा॑ना । र॒थ्या॑ऽइव । वी॒रा । अ॒जाऽइ॑व । य॒मा । वर॑म् । आ । स॒चे॒थे॒ इति॑ ।
मेने॑ इ॒वेति॒ मेने॑ऽइव । त॒न्वा॑ । शुम्भ॑माने॒ इति॑ । दम्प॑ती इ॒वेति॒ दम्प॑तीऽइव । क्र॒तु॒ऽविदा॑ । जने॑षु ॥
Padapatha Devanagari Nonaccented
प्रातःऽयावाना । रथ्याऽइव । वीरा । अजाऽइव । यमा । वरम् । आ । सचेथे इति ।
मेने इवेति मेनेऽइव । तन्वा । शुम्भमाने इति । दम्पती इवेति दम्पतीऽइव । क्रतुऽविदा । जनेषु ॥
Padapatha Transcription Accented
prātaḥ-yā́vānā ǀ rathyā́-iva ǀ vīrā́ ǀ ajā́-iva ǀ yamā́ ǀ váram ǀ ā́ ǀ sacethe íti ǀ
méne ivéti méne-iva ǀ tanvā́ ǀ śúmbhamāne íti ǀ dámpatī ivéti dámpatī-iva ǀ kratu-vídā ǀ jáneṣu ǁ
Padapatha Transcription Nonaccented
prātaḥ-yāvānā ǀ rathyā-iva ǀ vīrā ǀ ajā-iva ǀ yamā ǀ varam ǀ ā ǀ sacethe iti ǀ
mene iveti mene-iva ǀ tanvā ǀ śumbhamāne iti ǀ dampatī iveti dampatī-iva ǀ kratu-vidā ǀ janeṣu ǁ
02.039.03 (Mandala. Sukta. Rik)
2.8.04.03 (Ashtaka. Adhyaya. Varga. Rik)
02.04.071 (Mandala. Anuvāka. Rik)
Samhita Devanagari Accented
शृंगे॑व नः प्रथ॒मा गं॑तम॒र्वाक् छ॒फावि॑व॒ जर्भु॑राणा॒ तरो॑भिः ।
च॒क्र॒वा॒केव॒ प्रति॒ वस्तो॑रुस्रा॒र्वांचा॑ यातं र॒थ्ये॑व शक्रा ॥
Samhita Devanagari Nonaccented
शृंगेव नः प्रथमा गंतमर्वाक् छफाविव जर्भुराणा तरोभिः ।
चक्रवाकेव प्रति वस्तोरुस्रार्वांचा यातं रथ्येव शक्रा ॥
Samhita Transcription Accented
śṛ́ṅgeva naḥ prathamā́ gantamarvā́k chaphā́viva járbhurāṇā tárobhiḥ ǀ
cakravākéva práti vástorusrārvā́ñcā yātam rathyéva śakrā ǁ
Samhita Transcription Nonaccented
śṛṅgeva naḥ prathamā gantamarvāk chaphāviva jarbhurāṇā tarobhiḥ ǀ
cakravākeva prati vastorusrārvāñcā yātam rathyeva śakrā ǁ
Padapatha Devanagari Accented
शृङ्गा॑ऽइव । नः॒ । प्र॒थ॒मा । ग॒न्त॒म् । अ॒र्वाक् । श॒फौऽइ॑व । जर्भु॑राणा । तरः॑ऽभिः ।
च॒क्र॒वा॒काऽइ॑व । प्रति॑ । वस्तोः॑ । उ॒स्रा॒ । अ॒र्वाञ्चा॑ । या॒त॒म् । र॒थ्या॑ऽइव । श॒क्रा॒ ॥
Padapatha Devanagari Nonaccented
शृङ्गाऽइव । नः । प्रथमा । गन्तम् । अर्वाक् । शफौऽइव । जर्भुराणा । तरःऽभिः ।
चक्रवाकाऽइव । प्रति । वस्तोः । उस्रा । अर्वाञ्चा । यातम् । रथ्याऽइव । शक्रा ॥
Padapatha Transcription Accented
śṛ́ṅgā-iva ǀ naḥ ǀ prathamā́ ǀ gantam ǀ arvā́k ǀ śapháu-iva ǀ járbhurāṇā ǀ táraḥ-bhiḥ ǀ
cakravākā́-iva ǀ práti ǀ vástoḥ ǀ usrā ǀ arvā́ñcā ǀ yātam ǀ rathyā́-iva ǀ śakrā ǁ
Padapatha Transcription Nonaccented
śṛṅgā-iva ǀ naḥ ǀ prathamā ǀ gantam ǀ arvāk ǀ śaphau-iva ǀ jarbhurāṇā ǀ taraḥ-bhiḥ ǀ
cakravākā-iva ǀ prati ǀ vastoḥ ǀ usrā ǀ arvāñcā ǀ yātam ǀ rathyā-iva ǀ śakrā ǁ
02.039.04 (Mandala. Sukta. Rik)
2.8.04.04 (Ashtaka. Adhyaya. Varga. Rik)
02.04.072 (Mandala. Anuvāka. Rik)
Samhita Devanagari Accented
ना॒वेव॑ नः पारयतं यु॒गेव॒ नभ्ये॑व न उप॒धीव॑ प्र॒धीव॑ ।
श्वाने॑व नो॒ अरि॑षण्या त॒नूनां॒ खृग॑लेव वि॒स्रसः॑ पातम॒स्मान् ॥
Samhita Devanagari Nonaccented
नावेव नः पारयतं युगेव नभ्येव न उपधीव प्रधीव ।
श्वानेव नो अरिषण्या तनूनां खृगलेव विस्रसः पातमस्मान् ॥
Samhita Transcription Accented
nāvéva naḥ pārayatam yugéva nábhyeva na upadhī́va pradhī́va ǀ
śvā́neva no áriṣaṇyā tanū́nām khṛ́galeva visrásaḥ pātamasmā́n ǁ
Samhita Transcription Nonaccented
nāveva naḥ pārayatam yugeva nabhyeva na upadhīva pradhīva ǀ
śvāneva no ariṣaṇyā tanūnām khṛgaleva visrasaḥ pātamasmān ǁ
Padapatha Devanagari Accented
ना॒वाऽइ॑व । नः॒ । पा॒र॒य॒त॒म् । यु॒गाऽइ॑व । नभ्या॑ऽइव । नः॒ । उ॒प॒धी इ॒वेत्यु॑प॒धीऽइ॑व । प्र॒धी इ॒वेति॑ प्र॒धीऽइ॑व ।
श्वाना॑ऽइव । नः॒ । अरि॑षण्या । त॒नूना॑म् । खृग॑लाऽइव । वि॒ऽस्रसः॑ । पा॒त॒म् । अ॒स्मान् ॥
Padapatha Devanagari Nonaccented
नावाऽइव । नः । पारयतम् । युगाऽइव । नभ्याऽइव । नः । उपधी इवेत्युपधीऽइव । प्रधी इवेति प्रधीऽइव ।
श्वानाऽइव । नः । अरिषण्या । तनूनाम् । खृगलाऽइव । विऽस्रसः । पातम् । अस्मान् ॥
Padapatha Transcription Accented
nāvā́-iva ǀ naḥ ǀ pārayatam ǀ yugā́-iva ǀ nábhyā-iva ǀ naḥ ǀ upadhī́ ivétyupadhī́-iva ǀ pradhī́ ivéti pradhī́-iva ǀ
śvā́nā-iva ǀ naḥ ǀ áriṣaṇyā ǀ tanū́nām ǀ khṛ́galā-iva ǀ vi-srásaḥ ǀ pātam ǀ asmā́n ǁ
Padapatha Transcription Nonaccented
nāvā-iva ǀ naḥ ǀ pārayatam ǀ yugā-iva ǀ nabhyā-iva ǀ naḥ ǀ upadhī ivetyupadhī-iva ǀ pradhī iveti pradhī-iva ǀ
śvānā-iva ǀ naḥ ǀ ariṣaṇyā ǀ tanūnām ǀ khṛgalā-iva ǀ vi-srasaḥ ǀ pātam ǀ asmān ǁ
02.039.05 (Mandala. Sukta. Rik)
2.8.04.05 (Ashtaka. Adhyaya. Varga. Rik)
02.04.073 (Mandala. Anuvāka. Rik)
Samhita Devanagari Accented
वाते॑वाजु॒र्या न॒द्ये॑व री॒तिर॒क्षी इ॑व॒ चक्षु॒षा या॑तम॒र्वाक् ।
हस्ता॑विव त॒न्वे॒३॒॑शंभ॑विष्ठा॒ पादे॑व नो नयतं॒ वस्यो॒ अच्छ॑ ॥
Samhita Devanagari Nonaccented
वातेवाजुर्या नद्येव रीतिरक्षी इव चक्षुषा यातमर्वाक् ।
हस्ताविव तन्वेशंभविष्ठा पादेव नो नयतं वस्यो अच्छ ॥
Samhita Transcription Accented
vā́tevājuryā́ nadyéva rītírakṣī́ iva cákṣuṣā́ yātamarvā́k ǀ
hástāviva tanvéśámbhaviṣṭhā pā́deva no nayatam vásyo áccha ǁ
Samhita Transcription Nonaccented
vātevājuryā nadyeva rītirakṣī iva cakṣuṣā yātamarvāk ǀ
hastāviva tanveśambhaviṣṭhā pādeva no nayatam vasyo accha ǁ
Padapatha Devanagari Accented
वाता॑ऽइव । अ॒जु॒र्या । न॒द्या॑ऽइव । री॒तिः । अ॒क्षी इ॒वेत्य॒क्षीऽइ॑व । चक्षु॑षा । आ । या॒त॒म् । अ॒र्वाक् ।
हस्तौ॑ऽइव । त॒न्वे॑ । शम्ऽभ॑विष्ठा । पादा॑ऽइव । नः॒ । न॒य॒त॒म् । वस्यः॑ । अच्छ॑ ॥
Padapatha Devanagari Nonaccented
वाताऽइव । अजुर्या । नद्याऽइव । रीतिः । अक्षी इवेत्यक्षीऽइव । चक्षुषा । आ । यातम् । अर्वाक् ।
हस्तौऽइव । तन्वे । शम्ऽभविष्ठा । पादाऽइव । नः । नयतम् । वस्यः । अच्छ ॥
Padapatha Transcription Accented
vā́tā-iva ǀ ajuryā́ ǀ nadyā́-iva ǀ rītíḥ ǀ akṣī́ ivétyakṣī́-iva ǀ cákṣuṣā ǀ ā́ ǀ yātam ǀ arvā́k ǀ
hástau-iva ǀ tanvé ǀ śám-bhaviṣṭhā ǀ pā́dā-iva ǀ naḥ ǀ nayatam ǀ vásyaḥ ǀ áccha ǁ
Padapatha Transcription Nonaccented
vātā-iva ǀ ajuryā ǀ nadyā-iva ǀ rītiḥ ǀ akṣī ivetyakṣī-iva ǀ cakṣuṣā ǀ ā ǀ yātam ǀ arvāk ǀ
hastau-iva ǀ tanve ǀ śam-bhaviṣṭhā ǀ pādā-iva ǀ naḥ ǀ nayatam ǀ vasyaḥ ǀ accha ǁ
02.039.06 (Mandala. Sukta. Rik)
2.8.05.01 (Ashtaka. Adhyaya. Varga. Rik)
02.04.074 (Mandala. Anuvāka. Rik)
Samhita Devanagari Accented
ओष्ठा॑विव॒ मध्वा॒स्ने वदं॑ता॒ स्तना॑विव पिप्यतं जी॒वसे॑ नः ।
नासे॑व नस्त॒न्वो॑ रक्षि॒तारा॒ कर्णा॑विव सु॒श्रुता॑ भूतम॒स्मे ॥
Samhita Devanagari Nonaccented
ओष्ठाविव मध्वास्ने वदंता स्तनाविव पिप्यतं जीवसे नः ।
नासेव नस्तन्वो रक्षितारा कर्णाविव सुश्रुता भूतमस्मे ॥
Samhita Transcription Accented
óṣṭhāviva mádhvāsné vádantā stánāviva pipyatam jīváse naḥ ǀ
nā́seva nastanvó rakṣitā́rā kárṇāviva suśrútā bhūtamasmé ǁ
Samhita Transcription Nonaccented
oṣṭhāviva madhvāsne vadantā stanāviva pipyatam jīvase naḥ ǀ
nāseva nastanvo rakṣitārā karṇāviva suśrutā bhūtamasme ǁ
Padapatha Devanagari Accented
ओष्ठौ॑ऽइव । मधु॑ । आ॒स्ने । वद॑न्ता । स्तनौ॑ऽइव । पि॒प्य॒त॒म् । जी॒वसे॑ । नः॒ ।
नासा॑ऽइव । नः॒ । त॒न्वः॑ । र॒क्षि॒तारा॑ । कर्णौ॑ऽइव । सु॒ऽश्रुता॑ । भू॒त॒म् । अ॒स्मे इति॑ ॥
Padapatha Devanagari Nonaccented
ओष्ठौऽइव । मधु । आस्ने । वदन्ता । स्तनौऽइव । पिप्यतम् । जीवसे । नः ।
नासाऽइव । नः । तन्वः । रक्षितारा । कर्णौऽइव । सुऽश्रुता । भूतम् । अस्मे इति ॥
Padapatha Transcription Accented
óṣṭhau-iva ǀ mádhu ǀ āsné ǀ vádantā ǀ stánau-iva ǀ pipyatam ǀ jīváse ǀ naḥ ǀ
nā́sā-iva ǀ naḥ ǀ tanváḥ ǀ rakṣitā́rā ǀ kárṇau-iva ǀ su-śrútā ǀ bhūtam ǀ asmé íti ǁ
Padapatha Transcription Nonaccented
oṣṭhau-iva ǀ madhu ǀ āsne ǀ vadantā ǀ stanau-iva ǀ pipyatam ǀ jīvase ǀ naḥ ǀ
nāsā-iva ǀ naḥ ǀ tanvaḥ ǀ rakṣitārā ǀ karṇau-iva ǀ su-śrutā ǀ bhūtam ǀ asme iti ǁ
02.039.07 (Mandala. Sukta. Rik)
2.8.05.02 (Ashtaka. Adhyaya. Varga. Rik)
02.04.075 (Mandala. Anuvāka. Rik)
Samhita Devanagari Accented
हस्ते॑व श॒क्तिम॒भि सं॑द॒दी नः॒ क्षामे॑व नः॒ सम॑जतं॒ रजां॑सि ।
इ॒मा गिरो॑ अश्विना युष्म॒यंतीः॒ क्ष्णोत्रे॑णेव॒ स्वधि॑तिं॒ सं शि॑शीतं ॥
Samhita Devanagari Nonaccented
हस्तेव शक्तिमभि संददी नः क्षामेव नः समजतं रजांसि ।
इमा गिरो अश्विना युष्मयंतीः क्ष्णोत्रेणेव स्वधितिं सं शिशीतं ॥
Samhita Transcription Accented
hásteva śaktímabhí saṃdadī́ naḥ kṣā́meva naḥ sámajatam rájāṃsi ǀ
imā́ gíro aśvinā yuṣmayántīḥ kṣṇótreṇeva svádhitim sám śiśītam ǁ
Samhita Transcription Nonaccented
hasteva śaktimabhi saṃdadī naḥ kṣāmeva naḥ samajatam rajāṃsi ǀ
imā giro aśvinā yuṣmayantīḥ kṣṇotreṇeva svadhitim sam śiśītam ǁ
Padapatha Devanagari Accented
हस्ता॑ऽइव । श॒क्तिम् । अ॒भि । स॒न्द॒दी इति॑ स॒म्ऽद॒दी । नः॒ । क्षामा॑ऽइव । नः॒ । सम् । अ॒ज॒त॒म् । रजां॑सि ।
इ॒माः । गिरः॑ । अ॒श्वि॒ना॒ । यु॒ष्म॒ऽयन्तीः॑ । क्ष्णोत्रे॑णऽइव । स्वऽधि॑तिम् । सम् । शि॒शी॒त॒म् ॥
Padapatha Devanagari Nonaccented
हस्ताऽइव । शक्तिम् । अभि । सन्ददी इति सम्ऽददी । नः । क्षामाऽइव । नः । सम् । अजतम् । रजांसि ।
इमाः । गिरः । अश्विना । युष्मऽयन्तीः । क्ष्णोत्रेणऽइव । स्वऽधितिम् । सम् । शिशीतम् ॥
Padapatha Transcription Accented
hástā-iva ǀ śaktím ǀ abhí ǀ sandadī́ íti sam-dadī́ ǀ naḥ ǀ kṣā́mā-iva ǀ naḥ ǀ sám ǀ ajatam ǀ rájāṃsi ǀ
imā́ḥ ǀ gíraḥ ǀ aśvinā ǀ yuṣma-yántīḥ ǀ kṣṇótreṇa-iva ǀ svá-dhitim ǀ sám ǀ śiśītam ǁ
Padapatha Transcription Nonaccented
hastā-iva ǀ śaktim ǀ abhi ǀ sandadī iti sam-dadī ǀ naḥ ǀ kṣāmā-iva ǀ naḥ ǀ sam ǀ ajatam ǀ rajāṃsi ǀ
imāḥ ǀ giraḥ ǀ aśvinā ǀ yuṣma-yantīḥ ǀ kṣṇotreṇa-iva ǀ sva-dhitim ǀ sam ǀ śiśītam ǁ
02.039.08 (Mandala. Sukta. Rik)
2.8.05.03 (Ashtaka. Adhyaya. Varga. Rik)
02.04.076 (Mandala. Anuvāka. Rik)
Samhita Devanagari Accented
ए॒तानि॑ वामश्विना॒ वर्ध॑नानि॒ ब्रह्म॒ स्तोमं॑ गृत्सम॒दासो॑ अक्रन् ।
तानि॑ नरा जुजुषा॒णोप॑ यातं बृ॒हद्व॑देम वि॒दथे॑ सु॒वीराः॑ ॥
Samhita Devanagari Nonaccented
एतानि वामश्विना वर्धनानि ब्रह्म स्तोमं गृत्समदासो अक्रन् ।
तानि नरा जुजुषाणोप यातं बृहद्वदेम विदथे सुवीराः ॥
Samhita Transcription Accented
etā́ni vāmaśvinā várdhanāni bráhma stómam gṛtsamadā́so akran ǀ
tā́ni narā jujuṣāṇópa yātam bṛhádvadema vidáthe suvī́rāḥ ǁ
Samhita Transcription Nonaccented
etāni vāmaśvinā vardhanāni brahma stomam gṛtsamadāso akran ǀ
tāni narā jujuṣāṇopa yātam bṛhadvadema vidathe suvīrāḥ ǁ
Padapatha Devanagari Accented
ए॒तानि॑ । वा॒म् । अ॒श्वि॒ना॒ । वर्ध॑नानि । ब्रह्म॑ । स्तोम॑म् । गृ॒त्स॒ऽम॒दासः॑ । अ॒क्र॒न् ।
तानि॑ । न॒रा॒ । जु॒जु॒षा॒णा । उप॑ । या॒त॒म् । बृ॒हत् । व॒दे॒म॒ । वि॒दथे॑ । सु॒ऽवीराः॑ ॥
Padapatha Devanagari Nonaccented
एतानि । वाम् । अश्विना । वर्धनानि । ब्रह्म । स्तोमम् । गृत्सऽमदासः । अक्रन् ।
तानि । नरा । जुजुषाणा । उप । यातम् । बृहत् । वदेम । विदथे । सुऽवीराः ॥
Padapatha Transcription Accented
etā́ni ǀ vām ǀ aśvinā ǀ várdhanāni ǀ bráhma ǀ stómam ǀ gṛtsa-madā́saḥ ǀ akran ǀ
tā́ni ǀ narā ǀ jujuṣāṇā́ ǀ úpa ǀ yātam ǀ bṛhát ǀ vadema ǀ vidáthe ǀ su-vī́rāḥ ǁ
Padapatha Transcription Nonaccented
etāni ǀ vām ǀ aśvinā ǀ vardhanāni ǀ brahma ǀ stomam ǀ gṛtsa-madāsaḥ ǀ akran ǀ
tāni ǀ narā ǀ jujuṣāṇā ǀ upa ǀ yātam ǀ bṛhat ǀ vadema ǀ vidathe ǀ su-vīrāḥ ǁ