|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 5
|
1. Info |
| To: | agni | |
| From: | viśvāmitra gāthina | |
| Metres: | 1st set of styles: bhurikpaṅkti (1, 2, 11); nicṛttriṣṭup (5, 7, 10); virāṭtrisṭup (8, 9); paṅktiḥ (3); triṣṭup (4); svarāṭpaṅkti (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.005.01 (Mandala. Sukta. Rik)
2.8.24.01 (Ashtaka. Adhyaya. Varga. Rik)
03.01.061 (Mandala. Anuvāka. Rik)
Samhita Devanagari Accented
प्रत्य॒ग्निरु॒षस॒श्चेकि॑ता॒नोऽबो॑धि॒ विप्रः॑ पद॒वीः क॑वी॒नां ।
पृ॒थु॒पाजा॑ देव॒यद्भिः॒ समि॒द्धोऽप॒ द्वारा॒ तम॑सो॒ वह्नि॑रावः ॥
Samhita Devanagari Nonaccented
प्रत्यग्निरुषसश्चेकितानोऽबोधि विप्रः पदवीः कवीनां ।
पृथुपाजा देवयद्भिः समिद्धोऽप द्वारा तमसो वह्निरावः ॥
Samhita Transcription Accented
prátyagníruṣásaścékitānó’bodhi vípraḥ padavī́ḥ kavīnā́m ǀ
pṛthupā́jā devayádbhiḥ sámiddhó’pa dvā́rā támaso váhnirāvaḥ ǁ
Samhita Transcription Nonaccented
pratyagniruṣasaścekitāno’bodhi vipraḥ padavīḥ kavīnām ǀ
pṛthupājā devayadbhiḥ samiddho’pa dvārā tamaso vahnirāvaḥ ǁ
Padapatha Devanagari Accented
प्रति॑ । अ॒ग्निः । उ॒षसः॑ । चेकि॑तानः । अबो॑धि । विप्रः॑ । प॒द॒ऽवीः । क॒वी॒नाम् ।
पृ॒थु॒ऽपाजाः॑ । दे॒व॒यत्ऽभिः॑ । सम्ऽइ॑द्धः । अप॑ । द्वारा॑ । तम॑सः । वह्निः॑ । आ॒व॒रित्या॑वः ॥
Padapatha Devanagari Nonaccented
प्रति । अग्निः । उषसः । चेकितानः । अबोधि । विप्रः । पदऽवीः । कवीनाम् ।
पृथुऽपाजाः । देवयत्ऽभिः । सम्ऽइद्धः । अप । द्वारा । तमसः । वह्निः । आवरित्यावः ॥
Padapatha Transcription Accented
práti ǀ agníḥ ǀ uṣásaḥ ǀ cékitānaḥ ǀ ábodhi ǀ vípraḥ ǀ pada-vī́ḥ ǀ kavīnā́m ǀ
pṛthu-pā́jāḥ ǀ devayát-bhiḥ ǀ sám-iddhaḥ ǀ ápa ǀ dvā́rā ǀ támasaḥ ǀ váhniḥ ǀ āvarítyāvaḥ ǁ
Padapatha Transcription Nonaccented
prati ǀ agniḥ ǀ uṣasaḥ ǀ cekitānaḥ ǀ abodhi ǀ vipraḥ ǀ pada-vīḥ ǀ kavīnām ǀ
pṛthu-pājāḥ ǀ devayat-bhiḥ ǀ sam-iddhaḥ ǀ apa ǀ dvārā ǀ tamasaḥ ǀ vahniḥ ǀ āvarityāvaḥ ǁ
03.005.02 (Mandala. Sukta. Rik)
2.8.24.02 (Ashtaka. Adhyaya. Varga. Rik)
03.01.062 (Mandala. Anuvāka. Rik)
Samhita Devanagari Accented
प्रेद्व॒ग्निर्वा॑वृधे॒ स्तोमे॑भिर्गी॒र्भिः स्तो॑तॄ॒णां न॑म॒स्य॑ उ॒क्थैः ।
पू॒र्वीर्ऋ॒तस्य॑ सं॒दृश॑श्चका॒नः सं दू॒तो अ॑द्यौदु॒षसो॑ विरो॒के ॥
Samhita Devanagari Nonaccented
प्रेद्वग्निर्वावृधे स्तोमेभिर्गीर्भिः स्तोतॄणां नमस्य उक्थैः ।
पूर्वीर्ऋतस्य संदृशश्चकानः सं दूतो अद्यौदुषसो विरोके ॥
Samhita Transcription Accented
prédvagnírvāvṛdhe stómebhirgīrbhíḥ stotṝṇā́m namasyá uktháiḥ ǀ
pūrvī́rṛtásya saṃdṛ́śaścakānáḥ sám dūtó adyauduṣáso viroké ǁ
Samhita Transcription Nonaccented
predvagnirvāvṛdhe stomebhirgīrbhiḥ stotṝṇām namasya ukthaiḥ ǀ
pūrvīrṛtasya saṃdṛśaścakānaḥ sam dūto adyauduṣaso viroke ǁ
Padapatha Devanagari Accented
प्र । इत् । ऊं॒ इति॑ । अ॒ग्निः । व॒वृ॒धे॒ । स्तोमे॑भिः । गीः॒ऽभिः । स्तो॒तॄ॒णाम् । न॒म॒स्यः॑ । उ॒क्थैः ।
पू॒र्वीः । ऋ॒तस्य॑ । स॒म्ऽदृशः॑ । च॒का॒नः । सम् । दू॒तः । अ॒द्यौ॒त् । उ॒षसः॑ । वि॒ऽरो॒के ॥
Padapatha Devanagari Nonaccented
प्र । इत् । ऊं इति । अग्निः । ववृधे । स्तोमेभिः । गीःऽभिः । स्तोतॄणाम् । नमस्यः । उक्थैः ।
पूर्वीः । ऋतस्य । सम्ऽदृशः । चकानः । सम् । दूतः । अद्यौत् । उषसः । विऽरोके ॥
Padapatha Transcription Accented
prá ǀ ít ǀ ūṃ íti ǀ agníḥ ǀ vavṛdhe ǀ stómebhiḥ ǀ gīḥ-bhíḥ ǀ stotṝṇā́m ǀ namasyáḥ ǀ uktháiḥ ǀ
pūrvī́ḥ ǀ ṛtásya ǀ sam-dṛ́śaḥ ǀ cakānáḥ ǀ sám ǀ dūtáḥ ǀ adyaut ǀ uṣásaḥ ǀ vi-roké ǁ
Padapatha Transcription Nonaccented
pra ǀ it ǀ ūṃ iti ǀ agniḥ ǀ vavṛdhe ǀ stomebhiḥ ǀ gīḥ-bhiḥ ǀ stotṝṇām ǀ namasyaḥ ǀ ukthaiḥ ǀ
pūrvīḥ ǀ ṛtasya ǀ sam-dṛśaḥ ǀ cakānaḥ ǀ sam ǀ dūtaḥ ǀ adyaut ǀ uṣasaḥ ǀ vi-roke ǁ
03.005.03 (Mandala. Sukta. Rik)
2.8.24.03 (Ashtaka. Adhyaya. Varga. Rik)
03.01.063 (Mandala. Anuvāka. Rik)
Samhita Devanagari Accented
अधा॑य्य॒ग्निर्मानु॑षीषु वि॒क्ष्व१॒॑पां गर्भो॑ मि॒त्र ऋ॒तेन॒ साध॑न् ।
आ ह॑र्य॒तो य॑ज॒तः सान्व॑स्था॒दभू॑दु॒ विप्रो॒ हव्यो॑ मती॒नां ॥
Samhita Devanagari Nonaccented
अधाय्यग्निर्मानुषीषु विक्ष्वपां गर्भो मित्र ऋतेन साधन् ।
आ हर्यतो यजतः सान्वस्थादभूदु विप्रो हव्यो मतीनां ॥
Samhita Transcription Accented
ádhāyyagnírmā́nuṣīṣu vikṣvápā́m gárbho mitrá ṛténa sā́dhan ǀ
ā́ haryató yajatáḥ sā́nvasthādábhūdu vípro hávyo matīnā́m ǁ
Samhita Transcription Nonaccented
adhāyyagnirmānuṣīṣu vikṣvapām garbho mitra ṛtena sādhan ǀ
ā haryato yajataḥ sānvasthādabhūdu vipro havyo matīnām ǁ
Padapatha Devanagari Accented
अधा॑यि । अ॒ग्निः । मानु॑षीषु । वि॒क्षु । अ॒पाम् । गर्भः॑ । मि॒त्रः । ऋ॒तेन॑ । साध॑न् ।
आ । ह॒र्य॒तः । य॒ज॒तः । सानु॑ । अ॒स्था॒त् । अभू॑त् । ऊं॒ इति॑ । विप्रः॑ । हव्यः॑ । म॒ती॒नाम् ॥
Padapatha Devanagari Nonaccented
अधायि । अग्निः । मानुषीषु । विक्षु । अपाम् । गर्भः । मित्रः । ऋतेन । साधन् ।
आ । हर्यतः । यजतः । सानु । अस्थात् । अभूत् । ऊं इति । विप्रः । हव्यः । मतीनाम् ॥
Padapatha Transcription Accented
ádhāyi ǀ agníḥ ǀ mā́nuṣīṣu ǀ vikṣú ǀ apā́m ǀ gárbhaḥ ǀ mitráḥ ǀ ṛténa ǀ sā́dhan ǀ
ā́ ǀ haryatáḥ ǀ yajatáḥ ǀ sā́nu ǀ asthāt ǀ ábhūt ǀ ūṃ íti ǀ vípraḥ ǀ hávyaḥ ǀ matīnā́m ǁ
Padapatha Transcription Nonaccented
adhāyi ǀ agniḥ ǀ mānuṣīṣu ǀ vikṣu ǀ apām ǀ garbhaḥ ǀ mitraḥ ǀ ṛtena ǀ sādhan ǀ
ā ǀ haryataḥ ǀ yajataḥ ǀ sānu ǀ asthāt ǀ abhūt ǀ ūṃ iti ǀ vipraḥ ǀ havyaḥ ǀ matīnām ǁ
03.005.04 (Mandala. Sukta. Rik)
2.8.24.04 (Ashtaka. Adhyaya. Varga. Rik)
03.01.064 (Mandala. Anuvāka. Rik)
Samhita Devanagari Accented
मि॒त्रो अ॒ग्निर्भ॑वति॒ यत्समि॑द्धो मि॒त्रो होता॒ वरु॑णो जा॒तवे॑दाः ।
मि॒त्रो अ॑ध्व॒र्युरि॑षि॒रो दमू॑ना मि॒त्रः सिंधू॑नामु॒त पर्व॑तानां ॥
Samhita Devanagari Nonaccented
मित्रो अग्निर्भवति यत्समिद्धो मित्रो होता वरुणो जातवेदाः ।
मित्रो अध्वर्युरिषिरो दमूना मित्रः सिंधूनामुत पर्वतानां ॥
Samhita Transcription Accented
mitró agnírbhavati yátsámiddho mitró hótā váruṇo jātávedāḥ ǀ
mitró adhvaryúriṣiró dámūnā mitráḥ síndhūnāmutá párvatānām ǁ
Samhita Transcription Nonaccented
mitro agnirbhavati yatsamiddho mitro hotā varuṇo jātavedāḥ ǀ
mitro adhvaryuriṣiro damūnā mitraḥ sindhūnāmuta parvatānām ǁ
Padapatha Devanagari Accented
मि॒त्रः । अ॒ग्निः । भ॒व॒ति॒ । यत् । सम्ऽइ॑द्धः । मि॒त्रः । होता॑ । वरु॑णः । जा॒तऽवे॑दाः ।
मि॒त्रः । अ॒ध्व॒र्युः । इ॒षि॒रः । दमू॑नाः । मि॒त्रः । सिन्धू॑नाम् । उ॒त । पर्व॑तानाम् ॥
Padapatha Devanagari Nonaccented
मित्रः । अग्निः । भवति । यत् । सम्ऽइद्धः । मित्रः । होता । वरुणः । जातऽवेदाः ।
मित्रः । अध्वर्युः । इषिरः । दमूनाः । मित्रः । सिन्धूनाम् । उत । पर्वतानाम् ॥
Padapatha Transcription Accented
mitráḥ ǀ agníḥ ǀ bhavati ǀ yát ǀ sám-iddhaḥ ǀ mitráḥ ǀ hótā ǀ váruṇaḥ ǀ jātá-vedāḥ ǀ
mitráḥ ǀ adhvaryúḥ ǀ iṣiráḥ ǀ dámūnāḥ ǀ mitráḥ ǀ síndhūnām ǀ utá ǀ párvatānām ǁ
Padapatha Transcription Nonaccented
mitraḥ ǀ agniḥ ǀ bhavati ǀ yat ǀ sam-iddhaḥ ǀ mitraḥ ǀ hotā ǀ varuṇaḥ ǀ jāta-vedāḥ ǀ
mitraḥ ǀ adhvaryuḥ ǀ iṣiraḥ ǀ damūnāḥ ǀ mitraḥ ǀ sindhūnām ǀ uta ǀ parvatānām ǁ
03.005.05 (Mandala. Sukta. Rik)
2.8.24.05 (Ashtaka. Adhyaya. Varga. Rik)
03.01.065 (Mandala. Anuvāka. Rik)
Samhita Devanagari Accented
पाति॑ प्रि॒यं रि॒पो अग्रं॑ प॒दं वेः पाति॑ य॒ह्वश्चर॑णं॒ सूर्य॑स्य ।
पाति॒ नाभा॑ स॒प्तशी॑र्षाणम॒ग्निः पाति॑ दे॒वाना॑मुप॒माद॑मृ॒ष्वः ॥
Samhita Devanagari Nonaccented
पाति प्रियं रिपो अग्रं पदं वेः पाति यह्वश्चरणं सूर्यस्य ।
पाति नाभा सप्तशीर्षाणमग्निः पाति देवानामुपमादमृष्वः ॥
Samhita Transcription Accented
pā́ti priyám ripó ágram padám véḥ pā́ti yahváścáraṇam sū́ryasya ǀ
pā́ti nā́bhā saptáśīrṣāṇamagníḥ pā́ti devā́nāmupamā́damṛṣváḥ ǁ
Samhita Transcription Nonaccented
pāti priyam ripo agram padam veḥ pāti yahvaścaraṇam sūryasya ǀ
pāti nābhā saptaśīrṣāṇamagniḥ pāti devānāmupamādamṛṣvaḥ ǁ
Padapatha Devanagari Accented
पाति॑ । प्रि॒यम् । रि॒पः । अग्र॑म् । प॒दम् । वेः । पाति॑ । य॒ह्वः । चर॑णम् । सूर्य॑स्य ।
पाति॑ । नाभा॑ । स॒प्तऽशी॑र्षाणम् । अ॒ग्निः । पाति॑ । दे॒वाना॑म् । उ॒प॒ऽमाद॑म् । ऋ॒ष्वः ॥
Padapatha Devanagari Nonaccented
पाति । प्रियम् । रिपः । अग्रम् । पदम् । वेः । पाति । यह्वः । चरणम् । सूर्यस्य ।
पाति । नाभा । सप्तऽशीर्षाणम् । अग्निः । पाति । देवानाम् । उपऽमादम् । ऋष्वः ॥
Padapatha Transcription Accented
pā́ti ǀ priyám ǀ ripáḥ ǀ ágram ǀ padám ǀ véḥ ǀ pā́ti ǀ yahváḥ ǀ cáraṇam ǀ sū́ryasya ǀ
pā́ti ǀ nā́bhā ǀ saptá-śīrṣāṇam ǀ agníḥ ǀ pā́ti ǀ devā́nām ǀ upa-mā́dam ǀ ṛṣváḥ ǁ
Padapatha Transcription Nonaccented
pāti ǀ priyam ǀ ripaḥ ǀ agram ǀ padam ǀ veḥ ǀ pāti ǀ yahvaḥ ǀ caraṇam ǀ sūryasya ǀ
pāti ǀ nābhā ǀ sapta-śīrṣāṇam ǀ agniḥ ǀ pāti ǀ devānām ǀ upa-mādam ǀ ṛṣvaḥ ǁ
03.005.06 (Mandala. Sukta. Rik)
2.8.25.01 (Ashtaka. Adhyaya. Varga. Rik)
03.01.066 (Mandala. Anuvāka. Rik)
Samhita Devanagari Accented
ऋ॒भुश्च॑क्र॒ ईड्यं॒ चारु॒ नाम॒ विश्वा॑नि दे॒वो व॒युना॑नि वि॒द्वान् ।
स॒सस्य॒ चर्म॑ घृ॒तव॑त्प॒दं वेस्तदिद॒ग्नी र॑क्ष॒त्यप्र॑युच्छन् ॥
Samhita Devanagari Nonaccented
ऋभुश्चक्र ईड्यं चारु नाम विश्वानि देवो वयुनानि विद्वान् ।
ससस्य चर्म घृतवत्पदं वेस्तदिदग्नी रक्षत्यप्रयुच्छन् ॥
Samhita Transcription Accented
ṛbhúścakra ī́ḍyam cā́ru nā́ma víśvāni devó vayúnāni vidvā́n ǀ
sasásya cárma ghṛtávatpadám véstádídagnī́ rakṣatyáprayucchan ǁ
Samhita Transcription Nonaccented
ṛbhuścakra īḍyam cāru nāma viśvāni devo vayunāni vidvān ǀ
sasasya carma ghṛtavatpadam vestadidagnī rakṣatyaprayucchan ǁ
Padapatha Devanagari Accented
ऋ॒भुः । च॒क्रे॒ । ईड्य॑म् । चारु॑ । नाम॑ । विश्वा॑नि । दे॒वः । व॒युना॑नि । वि॒द्वान् ।
स॒सस्य॑ । चर्म॑ । घृ॒तऽव॑त् । प॒दम् । वेः । तत् । इत् । अ॒ग्निः । र॒क्ष॒ति॒ । अप्र॑ऽयुच्छन् ॥
Padapatha Devanagari Nonaccented
ऋभुः । चक्रे । ईड्यम् । चारु । नाम । विश्वानि । देवः । वयुनानि । विद्वान् ।
ससस्य । चर्म । घृतऽवत् । पदम् । वेः । तत् । इत् । अग्निः । रक्षति । अप्रऽयुच्छन् ॥
Padapatha Transcription Accented
ṛbhúḥ ǀ cakre ǀ ī́ḍyam ǀ cā́ru ǀ nā́ma ǀ víśvāni ǀ deváḥ ǀ vayúnāni ǀ vidvā́n ǀ
sasásya ǀ cárma ǀ ghṛtá-vat ǀ padám ǀ véḥ ǀ tát ǀ ít ǀ agníḥ ǀ rakṣati ǀ ápra-yucchan ǁ
Padapatha Transcription Nonaccented
ṛbhuḥ ǀ cakre ǀ īḍyam ǀ cāru ǀ nāma ǀ viśvāni ǀ devaḥ ǀ vayunāni ǀ vidvān ǀ
sasasya ǀ carma ǀ ghṛta-vat ǀ padam ǀ veḥ ǀ tat ǀ it ǀ agniḥ ǀ rakṣati ǀ apra-yucchan ǁ
03.005.07 (Mandala. Sukta. Rik)
2.8.25.02 (Ashtaka. Adhyaya. Varga. Rik)
03.01.067 (Mandala. Anuvāka. Rik)
Samhita Devanagari Accented
आ योनि॑म॒ग्निर्घृ॒तवं॑तमस्थात्पृ॒थुप्र॑गाणमु॒शंत॑मुशा॒नः ।
दीद्या॑नः॒ शुचि॑र्ऋ॒ष्वः पा॑व॒कः पुनः॑पुनर्मा॒तरा॒ नव्य॑सी कः ॥
Samhita Devanagari Nonaccented
आ योनिमग्निर्घृतवंतमस्थात्पृथुप्रगाणमुशंतमुशानः ।
दीद्यानः शुचिर्ऋष्वः पावकः पुनःपुनर्मातरा नव्यसी कः ॥
Samhita Transcription Accented
ā́ yónimagnírghṛtávantamasthātpṛthúpragāṇamuśántamuśānáḥ ǀ
dī́dyānaḥ śúcirṛṣváḥ pāvakáḥ púnaḥpunarmātárā návyasī kaḥ ǁ
Samhita Transcription Nonaccented
ā yonimagnirghṛtavantamasthātpṛthupragāṇamuśantamuśānaḥ ǀ
dīdyānaḥ śucirṛṣvaḥ pāvakaḥ punaḥpunarmātarā navyasī kaḥ ǁ
Padapatha Devanagari Accented
आ । योनि॑म् । अ॒ग्निः । घृ॒तऽव॑न्तम् । अ॒स्था॒त् । पृ॒थुऽप्र॑गानम् । उ॒शन्त॑म् । उ॒शा॒नः ।
दीद्या॑नः । शुचिः॑ । ऋ॒ष्वः । पा॒व॒कः । पुनः॑ऽपुनः । मा॒तरा॑ । नव्य॑सी॒ इति॑ । क॒रिति॑ कः ॥
Padapatha Devanagari Nonaccented
आ । योनिम् । अग्निः । घृतऽवन्तम् । अस्थात् । पृथुऽप्रगानम् । उशन्तम् । उशानः ।
दीद्यानः । शुचिः । ऋष्वः । पावकः । पुनःऽपुनः । मातरा । नव्यसी इति । करिति कः ॥
Padapatha Transcription Accented
ā́ ǀ yónim ǀ agníḥ ǀ ghṛtá-vantam ǀ asthāt ǀ pṛthú-pragānam ǀ uśántam ǀ uśānáḥ ǀ
dī́dyānaḥ ǀ śúciḥ ǀ ṛṣváḥ ǀ pāvakáḥ ǀ púnaḥ-punaḥ ǀ mātárā ǀ návyasī íti ǀ karíti kaḥ ǁ
Padapatha Transcription Nonaccented
ā ǀ yonim ǀ agniḥ ǀ ghṛta-vantam ǀ asthāt ǀ pṛthu-pragānam ǀ uśantam ǀ uśānaḥ ǀ
dīdyānaḥ ǀ śuciḥ ǀ ṛṣvaḥ ǀ pāvakaḥ ǀ punaḥ-punaḥ ǀ mātarā ǀ navyasī iti ǀ kariti kaḥ ǁ
03.005.08 (Mandala. Sukta. Rik)
2.8.25.03 (Ashtaka. Adhyaya. Varga. Rik)
03.01.068 (Mandala. Anuvāka. Rik)
Samhita Devanagari Accented
स॒द्यो जा॒त ओष॑धीभिर्ववक्षे॒ यदी॒ वर्धं॑ति प्र॒स्वो॑ घृ॒तेन॑ ।
आप॑ इव प्र॒वता॒ शुंभ॑माना उरु॒ष्यद॒ग्निः पि॒त्रोरु॒पस्थे॑ ॥
Samhita Devanagari Nonaccented
सद्यो जात ओषधीभिर्ववक्षे यदी वर्धंति प्रस्वो घृतेन ।
आप इव प्रवता शुंभमाना उरुष्यदग्निः पित्रोरुपस्थे ॥
Samhita Transcription Accented
sadyó jātá óṣadhībhirvavakṣe yádī várdhanti prasvo ghṛténa ǀ
ā́pa iva pravátā śúmbhamānā uruṣyádagníḥ pitrórupásthe ǁ
Samhita Transcription Nonaccented
sadyo jāta oṣadhībhirvavakṣe yadī vardhanti prasvo ghṛtena ǀ
āpa iva pravatā śumbhamānā uruṣyadagniḥ pitrorupasthe ǁ
Padapatha Devanagari Accented
स॒द्यः । जा॒तः । ओष॑धीभिः । व॒व॒क्षे॒ । यदि॑ । वर्ध॑न्ति । प्र॒ऽस्वः॑ । घृ॒तेन॑ ।
आपः॑ऽइव । प्र॒ऽवता॑ । शुम्भ॑मानाः । उ॒रु॒ष्यत् । अ॒ग्निः । पि॒त्रोः । उ॒पऽस्थे॑ ॥
Padapatha Devanagari Nonaccented
सद्यः । जातः । ओषधीभिः । ववक्षे । यदि । वर्धन्ति । प्रऽस्वः । घृतेन ।
आपःऽइव । प्रऽवता । शुम्भमानाः । उरुष्यत् । अग्निः । पित्रोः । उपऽस्थे ॥
Padapatha Transcription Accented
sadyáḥ ǀ jātáḥ ǀ óṣadhībhiḥ ǀ vavakṣe ǀ yádi ǀ várdhanti ǀ pra-sváḥ ǀ ghṛténa ǀ
ā́paḥ-iva ǀ pra-vátā ǀ śúmbhamānāḥ ǀ uruṣyát ǀ agníḥ ǀ pitróḥ ǀ upá-sthe ǁ
Padapatha Transcription Nonaccented
sadyaḥ ǀ jātaḥ ǀ oṣadhībhiḥ ǀ vavakṣe ǀ yadi ǀ vardhanti ǀ pra-svaḥ ǀ ghṛtena ǀ
āpaḥ-iva ǀ pra-vatā ǀ śumbhamānāḥ ǀ uruṣyat ǀ agniḥ ǀ pitroḥ ǀ upa-sthe ǁ
03.005.09 (Mandala. Sukta. Rik)
2.8.25.04 (Ashtaka. Adhyaya. Varga. Rik)
03.01.069 (Mandala. Anuvāka. Rik)
Samhita Devanagari Accented
उदु॑ ष्टु॒तः स॒मिधा॑ य॒ह्वो अ॑द्यौ॒द्वर्ष्मं॑दि॒वो अधि॒ नाभा॑ पृथि॒व्याः ।
मि॒त्रो अ॒ग्निरीड्यो॑ मात॒रिश्वा दू॒तो व॑क्षद्य॒जथा॑य दे॒वान् ॥
Samhita Devanagari Nonaccented
उदु ष्टुतः समिधा यह्वो अद्यौद्वर्ष्मंदिवो अधि नाभा पृथिव्याः ।
मित्रो अग्निरीड्यो मातरिश्वा दूतो वक्षद्यजथाय देवान् ॥
Samhita Transcription Accented
údu ṣṭutáḥ samídhā yahvó adyaudvárṣmandivó ádhi nā́bhā pṛthivyā́ḥ ǀ
mitró agnírī́ḍyo mātaríśvā́ dūtó vakṣadyajáthāya devā́n ǁ
Samhita Transcription Nonaccented
udu ṣṭutaḥ samidhā yahvo adyaudvarṣmandivo adhi nābhā pṛthivyāḥ ǀ
mitro agnirīḍyo mātariśvā dūto vakṣadyajathāya devān ǁ
Padapatha Devanagari Accented
उत् । ऊं॒ इति॑ । स्तु॒तः । स॒म्ऽइधा॑ । य॒ह्वः । अ॒द्यौ॒त् । वर्ष्म॑न् । दि॒वः । अधि॑ । नाभा॑ । पृ॒थि॒व्याः ।
मि॒त्रः । अ॒ग्निः । ईड्यः॑ । मा॒त॒रिश्वा॑ । आ । दू॒तः । व॒क्ष॒त् । य॒जथा॑य । दे॒वान् ॥
Padapatha Devanagari Nonaccented
उत् । ऊं इति । स्तुतः । सम्ऽइधा । यह्वः । अद्यौत् । वर्ष्मन् । दिवः । अधि । नाभा । पृथिव्याः ।
मित्रः । अग्निः । ईड्यः । मातरिश्वा । आ । दूतः । वक्षत् । यजथाय । देवान् ॥
Padapatha Transcription Accented
út ǀ ūṃ íti ǀ stutáḥ ǀ sam-ídhā ǀ yahváḥ ǀ adyaut ǀ várṣman ǀ diváḥ ǀ ádhi ǀ nā́bhā ǀ pṛthivyā́ḥ ǀ
mitráḥ ǀ agníḥ ǀ ī́ḍyaḥ ǀ mātaríśvā ǀ ā́ ǀ dūtáḥ ǀ vakṣat ǀ yajáthāya ǀ devā́n ǁ
Padapatha Transcription Nonaccented
ut ǀ ūṃ iti ǀ stutaḥ ǀ sam-idhā ǀ yahvaḥ ǀ adyaut ǀ varṣman ǀ divaḥ ǀ adhi ǀ nābhā ǀ pṛthivyāḥ ǀ
mitraḥ ǀ agniḥ ǀ īḍyaḥ ǀ mātariśvā ǀ ā ǀ dūtaḥ ǀ vakṣat ǀ yajathāya ǀ devān ǁ
03.005.10 (Mandala. Sukta. Rik)
2.8.25.05 (Ashtaka. Adhyaya. Varga. Rik)
03.01.070 (Mandala. Anuvāka. Rik)
Samhita Devanagari Accented
उद॑स्तंभीत्स॒मिधा॒ नाक॑मृ॒ष्वो॒३॒॑ऽग्निर्भव॑न्नुत्त॒मो रो॑च॒नानां॑ ।
यदी॒ भृगु॑भ्यः॒ परि॑ मात॒रिश्वा॒ गुहा॒ संतं॑ हव्य॒वाहं॑ समी॒धे ॥
Samhita Devanagari Nonaccented
उदस्तंभीत्समिधा नाकमृष्वोऽग्निर्भवन्नुत्तमो रोचनानां ।
यदी भृगुभ्यः परि मातरिश्वा गुहा संतं हव्यवाहं समीधे ॥
Samhita Transcription Accented
údastambhītsamídhā nā́kamṛṣvo’gnírbhávannuttamó rocanā́nām ǀ
yádī bhṛ́gubhyaḥ pári mātaríśvā gúhā sántam havyavā́ham samīdhé ǁ
Samhita Transcription Nonaccented
udastambhītsamidhā nākamṛṣvo’gnirbhavannuttamo rocanānām ǀ
yadī bhṛgubhyaḥ pari mātariśvā guhā santam havyavāham samīdhe ǁ
Padapatha Devanagari Accented
उत् । अ॒स्त॒म्भी॒त् । स॒म्ऽइधा॑ । नाक॑म् । ऋ॒ष्वः । अ॒ग्निः । भव॑न् । उ॒त्ऽत॒मः । रो॒च॒नाना॑म् ।
यदि॑ । भृगु॑ऽभ्यः । परि॑ । मा॒त॒रिश्वा॑ । गुहा॑ । सन्त॑म् । ह॒व्य॒ऽवाह॑म् । स॒म्ऽई॒धे ॥
Padapatha Devanagari Nonaccented
उत् । अस्तम्भीत् । सम्ऽइधा । नाकम् । ऋष्वः । अग्निः । भवन् । उत्ऽतमः । रोचनानाम् ।
यदि । भृगुऽभ्यः । परि । मातरिश्वा । गुहा । सन्तम् । हव्यऽवाहम् । सम्ऽईधे ॥
Padapatha Transcription Accented
út ǀ astambhīt ǀ sam-ídhā ǀ nā́kam ǀ ṛṣváḥ ǀ agníḥ ǀ bhávan ǀ ut-tamáḥ ǀ rocanā́nām ǀ
yádi ǀ bhṛ́gu-bhyaḥ ǀ pári ǀ mātaríśvā ǀ gúhā ǀ sántam ǀ havya-vā́ham ǀ sam-īdhé ǁ
Padapatha Transcription Nonaccented
ut ǀ astambhīt ǀ sam-idhā ǀ nākam ǀ ṛṣvaḥ ǀ agniḥ ǀ bhavan ǀ ut-tamaḥ ǀ rocanānām ǀ
yadi ǀ bhṛgu-bhyaḥ ǀ pari ǀ mātariśvā ǀ guhā ǀ santam ǀ havya-vāham ǀ sam-īdhe ǁ
03.005.11 (Mandala. Sukta. Rik)
2.8.25.06 (Ashtaka. Adhyaya. Varga. Rik)
03.01.071 (Mandala. Anuvāka. Rik)
Samhita Devanagari Accented
इळा॑मग्ने पुरु॒दंसं॑ स॒निं गोः श॑श्वत्त॒मं हव॑मानाय साध ।
स्यान्नः॑ सू॒नुस्तन॑यो वि॒जावाग्ने॒ सा ते॑ सुम॒तिर्भू॑त्व॒स्मे ॥
Samhita Devanagari Nonaccented
इळामग्ने पुरुदंसं सनिं गोः शश्वत्तमं हवमानाय साध ।
स्यान्नः सूनुस्तनयो विजावाग्ने सा ते सुमतिर्भूत्वस्मे ॥
Samhita Transcription Accented
íḷāmagne purudáṃsam saním góḥ śaśvattamám hávamānāya sādha ǀ
syā́nnaḥ sūnústánayo vijā́vā́gne sā́ te sumatírbhūtvasmé ǁ
Samhita Transcription Nonaccented
iḷāmagne purudaṃsam sanim goḥ śaśvattamam havamānāya sādha ǀ
syānnaḥ sūnustanayo vijāvāgne sā te sumatirbhūtvasme ǁ
Padapatha Devanagari Accented
इळा॑म् । अ॒ग्ने॒ । पु॒रु॒ऽदंस॑म् । स॒निम् । गोः । श॒श्व॒त्ऽत॒मम् । हव॑मानाय । सा॒ध॒ ।
स्यात् । नः॒ । सू॒नुः । तन॑यः । वि॒जाऽवा॑ । अ॒ग्ने॒ । सा । ते॒ । सु॒ऽम॒तिः । भू॒तु॒ । अ॒स्मे इति॑ ॥
Padapatha Devanagari Nonaccented
इळाम् । अग्ने । पुरुऽदंसम् । सनिम् । गोः । शश्वत्ऽतमम् । हवमानाय । साध ।
स्यात् । नः । सूनुः । तनयः । विजाऽवा । अग्ने । सा । ते । सुऽमतिः । भूतु । अस्मे इति ॥
Padapatha Transcription Accented
íḷām ǀ agne ǀ puru-dáṃsam ǀ saním ǀ góḥ ǀ śaśvat-tamám ǀ hávamānāya ǀ sādha ǀ
syā́t ǀ naḥ ǀ sūnúḥ ǀ tánayaḥ ǀ vijā́-vā ǀ agne ǀ sā́ ǀ te ǀ su-matíḥ ǀ bhūtu ǀ asmé íti ǁ
Padapatha Transcription Nonaccented
iḷām ǀ agne ǀ puru-daṃsam ǀ sanim ǀ goḥ ǀ śaśvat-tamam ǀ havamānāya ǀ sādha ǀ
syāt ǀ naḥ ǀ sūnuḥ ǀ tanayaḥ ǀ vijā-vā ǀ agne ǀ sā ǀ te ǀ su-matiḥ ǀ bhūtu ǀ asme iti ǁ