|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 10
|
1. Info |
| To: | agni | |
| From: | viśvāmitra gāthina | |
| Metres: | 1st set of styles: nicṛduṣṇik (4, 6, 7, 9); virāḍuṣnik (1, 5, 8); bhuriggāyatrī (2); uṣṇik (3) 2nd set of styles: uṣṇih |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.010.01 (Mandala. Sukta. Rik)
3.1.07.01 (Ashtaka. Adhyaya. Varga. Rik)
03.01.114 (Mandala. Anuvāka. Rik)
Samhita Devanagari Accented
त्वाम॑ग्ने मनी॒षिणः॑ स॒म्राजं॑ चर्षणी॒नां ।
दे॒वं मर्ता॑स इंधते॒ सम॑ध्व॒रे ॥
Samhita Devanagari Nonaccented
त्वामग्ने मनीषिणः सम्राजं चर्षणीनां ।
देवं मर्तास इंधते समध्वरे ॥
Samhita Transcription Accented
tvā́magne manīṣíṇaḥ samrā́jam carṣaṇīnā́m ǀ
devám mártāsa indhate sámadhvaré ǁ
Samhita Transcription Nonaccented
tvāmagne manīṣiṇaḥ samrājam carṣaṇīnām ǀ
devam martāsa indhate samadhvare ǁ
Padapatha Devanagari Accented
त्वाम् । अ॒ग्ने॒ । म॒नी॒षिणः॑ । स॒म्ऽराज॑म् । च॒र्ष॒णी॒नाम् ।
दे॒वम् । मर्ता॑सः । इ॒न्ध॒ते॒ । सम् । अ॒ध्व॒रे ॥
Padapatha Devanagari Nonaccented
त्वाम् । अग्ने । मनीषिणः । सम्ऽराजम् । चर्षणीनाम् ।
देवम् । मर्तासः । इन्धते । सम् । अध्वरे ॥
Padapatha Transcription Accented
tvā́m ǀ agne ǀ manīṣíṇaḥ ǀ sam-rā́jam ǀ carṣaṇīnā́m ǀ
devám ǀ mártāsaḥ ǀ indhate ǀ sám ǀ adhvaré ǁ
Padapatha Transcription Nonaccented
tvām ǀ agne ǀ manīṣiṇaḥ ǀ sam-rājam ǀ carṣaṇīnām ǀ
devam ǀ martāsaḥ ǀ indhate ǀ sam ǀ adhvare ǁ
03.010.02 (Mandala. Sukta. Rik)
3.1.07.02 (Ashtaka. Adhyaya. Varga. Rik)
03.01.115 (Mandala. Anuvāka. Rik)
Samhita Devanagari Accented
त्वां य॒ज्ञेष्वृ॒त्विज॒मग्ने॒ होता॑रमीळते ।
गो॒पा ऋ॒तस्य॑ दीदिहि॒ स्वे दमे॑ ॥
Samhita Devanagari Nonaccented
त्वां यज्ञेष्वृत्विजमग्ने होतारमीळते ।
गोपा ऋतस्य दीदिहि स्वे दमे ॥
Samhita Transcription Accented
tvā́m yajñéṣvṛtvíjamágne hótāramīḷate ǀ
gopā́ ṛtásya dīdihi své dáme ǁ
Samhita Transcription Nonaccented
tvām yajñeṣvṛtvijamagne hotāramīḷate ǀ
gopā ṛtasya dīdihi sve dame ǁ
Padapatha Devanagari Accented
त्वाम् । य॒ज्ञेषु॑ । ऋ॒त्विज॑म् । अग्ने॑ । होता॑रम् । ई॒ळ॒ते॒ ।
गो॒पाः । ऋ॒तस्य॑ । दी॒दि॒हि॒ । स्वे । दमे॑ ॥
Padapatha Devanagari Nonaccented
त्वाम् । यज्ञेषु । ऋत्विजम् । अग्ने । होतारम् । ईळते ।
गोपाः । ऋतस्य । दीदिहि । स्वे । दमे ॥
Padapatha Transcription Accented
tvā́m ǀ yajñéṣu ǀ ṛtvíjam ǀ ágne ǀ hótāram ǀ īḷate ǀ
gopā́ḥ ǀ ṛtásya ǀ dīdihi ǀ své ǀ dáme ǁ
Padapatha Transcription Nonaccented
tvām ǀ yajñeṣu ǀ ṛtvijam ǀ agne ǀ hotāram ǀ īḷate ǀ
gopāḥ ǀ ṛtasya ǀ dīdihi ǀ sve ǀ dame ǁ
03.010.03 (Mandala. Sukta. Rik)
3.1.07.03 (Ashtaka. Adhyaya. Varga. Rik)
03.01.116 (Mandala. Anuvāka. Rik)
Samhita Devanagari Accented
स घा॒ यस्ते॒ ददा॑शति स॒मिधा॑ जा॒तवे॑दसे ।
सो अ॑ग्ने धत्ते सु॒वीर्यं॒ स पु॑ष्यति ॥
Samhita Devanagari Nonaccented
स घा यस्ते ददाशति समिधा जातवेदसे ।
सो अग्ने धत्ते सुवीर्यं स पुष्यति ॥
Samhita Transcription Accented
sá ghā yáste dádāśati samídhā jātávedase ǀ
só agne dhatte suvī́ryam sá puṣyati ǁ
Samhita Transcription Nonaccented
sa ghā yaste dadāśati samidhā jātavedase ǀ
so agne dhatte suvīryam sa puṣyati ǁ
Padapatha Devanagari Accented
सः । घ॒ । यः । ते॒ । ददा॑शति । स॒म्ऽइधा॑ । जा॒तऽवे॑दसे ।
सः । अ॒ग्ने॒ । ध॒त्ते॒ । सु॒ऽवीर्य॑म् । सः । पु॒ष्य॒ति॒ ॥
Padapatha Devanagari Nonaccented
सः । घ । यः । ते । ददाशति । सम्ऽइधा । जातऽवेदसे ।
सः । अग्ने । धत्ते । सुऽवीर्यम् । सः । पुष्यति ॥
Padapatha Transcription Accented
sáḥ ǀ gha ǀ yáḥ ǀ te ǀ dádāśati ǀ sam-ídhā ǀ jātá-vedase ǀ
sáḥ ǀ agne ǀ dhatte ǀ su-vī́ryam ǀ sáḥ ǀ puṣyati ǁ
Padapatha Transcription Nonaccented
saḥ ǀ gha ǀ yaḥ ǀ te ǀ dadāśati ǀ sam-idhā ǀ jāta-vedase ǀ
saḥ ǀ agne ǀ dhatte ǀ su-vīryam ǀ saḥ ǀ puṣyati ǁ
03.010.04 (Mandala. Sukta. Rik)
3.1.07.04 (Ashtaka. Adhyaya. Varga. Rik)
03.01.117 (Mandala. Anuvāka. Rik)
Samhita Devanagari Accented
स के॒तुर॑ध्व॒राणा॑म॒ग्निर्दे॒वेभि॒रा ग॑मत् ।
अं॒जा॒नः स॒प्त होतृ॑भिर्ह॒विष्म॑ते ॥
Samhita Devanagari Nonaccented
स केतुरध्वराणामग्निर्देवेभिरा गमत् ।
अंजानः सप्त होतृभिर्हविष्मते ॥
Samhita Transcription Accented
sá ketúradhvarā́ṇāmagnírdevébhirā́ gamat ǀ
añjānáḥ saptá hótṛbhirhavíṣmate ǁ
Samhita Transcription Nonaccented
sa keturadhvarāṇāmagnirdevebhirā gamat ǀ
añjānaḥ sapta hotṛbhirhaviṣmate ǁ
Padapatha Devanagari Accented
सः । के॒तुः । अ॒ध्व॒राणा॑म् । अ॒ग्निः । दे॒वेभिः॑ । आ । ग॒म॒त् ।
अ॒ञ्जा॒नः । स॒प्त । होतृ॑ऽभिः । ह॒विष्म॑ते ॥
Padapatha Devanagari Nonaccented
सः । केतुः । अध्वराणाम् । अग्निः । देवेभिः । आ । गमत् ।
अञ्जानः । सप्त । होतृऽभिः । हविष्मते ॥
Padapatha Transcription Accented
sáḥ ǀ ketúḥ ǀ adhvarā́ṇām ǀ agníḥ ǀ devébhiḥ ǀ ā́ ǀ gamat ǀ
añjānáḥ ǀ saptá ǀ hótṛ-bhiḥ ǀ havíṣmate ǁ
Padapatha Transcription Nonaccented
saḥ ǀ ketuḥ ǀ adhvarāṇām ǀ agniḥ ǀ devebhiḥ ǀ ā ǀ gamat ǀ
añjānaḥ ǀ sapta ǀ hotṛ-bhiḥ ǀ haviṣmate ǁ
03.010.05 (Mandala. Sukta. Rik)
3.1.07.05 (Ashtaka. Adhyaya. Varga. Rik)
03.01.118 (Mandala. Anuvāka. Rik)
Samhita Devanagari Accented
प्र होत्रे॑ पू॒र्व्यं वचो॒ऽग्नये॑ भरता बृ॒हत् ।
वि॒पां ज्योतीं॑षि॒ बिभ्र॑ते॒ न वे॒धसे॑ ॥
Samhita Devanagari Nonaccented
प्र होत्रे पूर्व्यं वचोऽग्नये भरता बृहत् ।
विपां ज्योतींषि बिभ्रते न वेधसे ॥
Samhita Transcription Accented
prá hótre pūrvyám váco’gnáye bharatā bṛhát ǀ
vipā́m jyótīṃṣi bíbhrate ná vedháse ǁ
Samhita Transcription Nonaccented
pra hotre pūrvyam vaco’gnaye bharatā bṛhat ǀ
vipām jyotīṃṣi bibhrate na vedhase ǁ
Padapatha Devanagari Accented
प्र । होत्रे॑ । पू॒र्व्यम् । वचः॑ । अ॒ग्नये॑ । भ॒र॒त॒ । बृ॒हत् ।
वि॒पाम् । ज्योतीं॑षि । बिभ्र॑ते । न । वे॒धसे॑ ॥
Padapatha Devanagari Nonaccented
प्र । होत्रे । पूर्व्यम् । वचः । अग्नये । भरत । बृहत् ।
विपाम् । ज्योतींषि । बिभ्रते । न । वेधसे ॥
Padapatha Transcription Accented
prá ǀ hótre ǀ pūrvyám ǀ vácaḥ ǀ agnáye ǀ bharata ǀ bṛhát ǀ
vipā́m ǀ jyótīṃṣi ǀ bíbhrate ǀ ná ǀ vedháse ǁ
Padapatha Transcription Nonaccented
pra ǀ hotre ǀ pūrvyam ǀ vacaḥ ǀ agnaye ǀ bharata ǀ bṛhat ǀ
vipām ǀ jyotīṃṣi ǀ bibhrate ǀ na ǀ vedhase ǁ
03.010.06 (Mandala. Sukta. Rik)
3.1.08.01 (Ashtaka. Adhyaya. Varga. Rik)
03.01.119 (Mandala. Anuvāka. Rik)
Samhita Devanagari Accented
अ॒ग्निं व॑र्धंतु नो॒ गिरो॒ यतो॒ जाय॑त उ॒क्थ्यः॑ ।
म॒हे वाजा॑य॒ द्रवि॑णाय दर्श॒तः ॥
Samhita Devanagari Nonaccented
अग्निं वर्धंतु नो गिरो यतो जायत उक्थ्यः ।
महे वाजाय द्रविणाय दर्शतः ॥
Samhita Transcription Accented
agním vardhantu no gíro yáto jā́yata ukthyáḥ ǀ
mahé vā́jāya dráviṇāya darśatáḥ ǁ
Samhita Transcription Nonaccented
agnim vardhantu no giro yato jāyata ukthyaḥ ǀ
mahe vājāya draviṇāya darśataḥ ǁ
Padapatha Devanagari Accented
अ॒ग्निम् । व॒र्ध॒न्तु॒ । नः॒ । गिरः॑ । यतः॑ । जाय॑ते । उ॒क्थ्यः॑ ।
म॒हे । वाजा॑य । द्रवि॑णाय । द॒र्श॒तः ॥
Padapatha Devanagari Nonaccented
अग्निम् । वर्धन्तु । नः । गिरः । यतः । जायते । उक्थ्यः ।
महे । वाजाय । द्रविणाय । दर्शतः ॥
Padapatha Transcription Accented
agním ǀ vardhantu ǀ naḥ ǀ gíraḥ ǀ yátaḥ ǀ jā́yate ǀ ukthyáḥ ǀ
mahé ǀ vā́jāya ǀ dráviṇāya ǀ darśatáḥ ǁ
Padapatha Transcription Nonaccented
agnim ǀ vardhantu ǀ naḥ ǀ giraḥ ǀ yataḥ ǀ jāyate ǀ ukthyaḥ ǀ
mahe ǀ vājāya ǀ draviṇāya ǀ darśataḥ ǁ
03.010.07 (Mandala. Sukta. Rik)
3.1.08.02 (Ashtaka. Adhyaya. Varga. Rik)
03.01.120 (Mandala. Anuvāka. Rik)
Samhita Devanagari Accented
अग्ने॒ यजि॑ष्ठो अध्व॒रे दे॒वांदे॑वय॒ते य॑ज ।
होता॑ मं॒द्रो वि रा॑ज॒स्यति॒ स्रिधः॑ ॥
Samhita Devanagari Nonaccented
अग्ने यजिष्ठो अध्वरे देवांदेवयते यज ।
होता मंद्रो वि राजस्यति स्रिधः ॥
Samhita Transcription Accented
ágne yájiṣṭho adhvaré devā́ndevayaté yaja ǀ
hótā mandró ví rājasyáti srídhaḥ ǁ
Samhita Transcription Nonaccented
agne yajiṣṭho adhvare devāndevayate yaja ǀ
hotā mandro vi rājasyati sridhaḥ ǁ
Padapatha Devanagari Accented
अग्ने॑ । यजि॑ष्ठः । अ॒ध्व॒रे । दे॒वान् । दे॒व॒ऽय॒ते । य॒ज॒ ।
होता॑ । म॒न्द्रः । वि । रा॒ज॒सि॒ । अति॑ । स्रिधः॑ ॥
Padapatha Devanagari Nonaccented
अग्ने । यजिष्ठः । अध्वरे । देवान् । देवऽयते । यज ।
होता । मन्द्रः । वि । राजसि । अति । स्रिधः ॥
Padapatha Transcription Accented
ágne ǀ yájiṣṭhaḥ ǀ adhvaré ǀ devā́n ǀ deva-yaté ǀ yaja ǀ
hótā ǀ mandráḥ ǀ ví ǀ rājasi ǀ áti ǀ srídhaḥ ǁ
Padapatha Transcription Nonaccented
agne ǀ yajiṣṭhaḥ ǀ adhvare ǀ devān ǀ deva-yate ǀ yaja ǀ
hotā ǀ mandraḥ ǀ vi ǀ rājasi ǀ ati ǀ sridhaḥ ǁ
03.010.08 (Mandala. Sukta. Rik)
3.1.08.03 (Ashtaka. Adhyaya. Varga. Rik)
03.01.121 (Mandala. Anuvāka. Rik)
Samhita Devanagari Accented
स नः॑ पावक दीदिहि द्यु॒मद॒स्मे सु॒वीर्यं॑ ।
भवा॑ स्तो॒तृभ्यो॒ अंत॑मः स्व॒स्तये॑ ॥
Samhita Devanagari Nonaccented
स नः पावक दीदिहि द्युमदस्मे सुवीर्यं ।
भवा स्तोतृभ्यो अंतमः स्वस्तये ॥
Samhita Transcription Accented
sá naḥ pāvaka dīdihi dyumádasmé suvī́ryam ǀ
bhávā stotṛ́bhyo ántamaḥ svastáye ǁ
Samhita Transcription Nonaccented
sa naḥ pāvaka dīdihi dyumadasme suvīryam ǀ
bhavā stotṛbhyo antamaḥ svastaye ǁ
Padapatha Devanagari Accented
सः । नः॒ । पा॒व॒क॒ । दी॒दि॒हि॒ । द्यु॒ऽमत् । अ॒स्मे इति॑ । सु॒ऽवीर्य॑म् ।
भव॑ । स्तो॒तृऽभ्यः॑ । अन्त॑मः । स्व॒स्तये॑ ॥
Padapatha Devanagari Nonaccented
सः । नः । पावक । दीदिहि । द्युऽमत् । अस्मे इति । सुऽवीर्यम् ।
भव । स्तोतृऽभ्यः । अन्तमः । स्वस्तये ॥
Padapatha Transcription Accented
sáḥ ǀ naḥ ǀ pāvaka ǀ dīdihi ǀ dyu-mát ǀ asmé íti ǀ su-vī́ryam ǀ
bháva ǀ stotṛ́-bhyaḥ ǀ ántamaḥ ǀ svastáye ǁ
Padapatha Transcription Nonaccented
saḥ ǀ naḥ ǀ pāvaka ǀ dīdihi ǀ dyu-mat ǀ asme iti ǀ su-vīryam ǀ
bhava ǀ stotṛ-bhyaḥ ǀ antamaḥ ǀ svastaye ǁ
03.010.09 (Mandala. Sukta. Rik)
3.1.08.04 (Ashtaka. Adhyaya. Varga. Rik)
03.01.122 (Mandala. Anuvāka. Rik)
Samhita Devanagari Accented
तं त्वा॒ विप्रा॑ विप॒न्यवो॑ जागृ॒वांसः॒ समिं॑धते ।
ह॒व्य॒वाह॒मम॑र्त्यं सहो॒वृधं॑ ॥
Samhita Devanagari Nonaccented
तं त्वा विप्रा विपन्यवो जागृवांसः समिंधते ।
हव्यवाहममर्त्यं सहोवृधं ॥
Samhita Transcription Accented
tám tvā víprā vipanyávo jāgṛvā́ṃsaḥ sámindhate ǀ
havyavā́hamámartyam sahovṛ́dham ǁ
Samhita Transcription Nonaccented
tam tvā viprā vipanyavo jāgṛvāṃsaḥ samindhate ǀ
havyavāhamamartyam sahovṛdham ǁ
Padapatha Devanagari Accented
तम् । त्वा॒ । विप्राः॑ । वि॒प॒न्यवः॑ । जा॒गृ॒ऽवांसः॑ । सम् । इ॒न्ध॒ते॒ ।
ह॒व्य॒ऽवाह॑म् । अम॑र्त्यम् । स॒हः॒ऽवृध॑म् ॥
Padapatha Devanagari Nonaccented
तम् । त्वा । विप्राः । विपन्यवः । जागृऽवांसः । सम् । इन्धते ।
हव्यऽवाहम् । अमर्त्यम् । सहःऽवृधम् ॥
Padapatha Transcription Accented
tám ǀ tvā ǀ víprāḥ ǀ vipanyávaḥ ǀ jāgṛ-vā́ṃsaḥ ǀ sám ǀ indhate ǀ
havya-vā́ham ǀ ámartyam ǀ sahaḥ-vṛ́dham ǁ
Padapatha Transcription Nonaccented
tam ǀ tvā ǀ viprāḥ ǀ vipanyavaḥ ǀ jāgṛ-vāṃsaḥ ǀ sam ǀ indhate ǀ
havya-vāham ǀ amartyam ǀ sahaḥ-vṛdham ǁ