|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 21
|
1. Info |
| To: | agni | |
| From: | gāthin kauśika | |
| Metres: | 1st set of styles: bhurikpaṅkti (2, 3); triṣṭup (1); virāḍanuṣṭup (4); nicṛtpaṅkti (5) 2nd set of styles: triṣṭubh (1, 4); anuṣṭubh (2-3); satobṛhatī of the virāṭ type (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.021.01 (Mandala. Sukta. Rik)
3.1.21.01 (Ashtaka. Adhyaya. Varga. Rik)
03.02.048 (Mandala. Anuvāka. Rik)
Samhita Devanagari Accented
इ॒मं नो॑ य॒ज्ञम॒मृते॑षु धेही॒मा ह॒व्या जा॑तवेदो जुषस्व ।
स्तो॒काना॑मग्ने॒ मेद॑सो घृ॒तस्य॒ होतः॒ प्राशा॑न प्रथ॒मो नि॒षद्य॑ ॥
Samhita Devanagari Nonaccented
इमं नो यज्ञममृतेषु धेहीमा हव्या जातवेदो जुषस्व ।
स्तोकानामग्ने मेदसो घृतस्य होतः प्राशान प्रथमो निषद्य ॥
Samhita Transcription Accented
imám no yajñámamṛ́teṣu dhehīmā́ havyā́ jātavedo juṣasva ǀ
stokā́nāmagne médaso ghṛtásya hótaḥ prā́śāna prathamó niṣádya ǁ
Samhita Transcription Nonaccented
imam no yajñamamṛteṣu dhehīmā havyā jātavedo juṣasva ǀ
stokānāmagne medaso ghṛtasya hotaḥ prāśāna prathamo niṣadya ǁ
Padapatha Devanagari Accented
इ॒मम् । नः॒ । य॒ज्ञम् । अ॒मृते॑षु । धे॒हि॒ । इ॒मा । ह॒व्या । जा॒त॒ऽवे॒दः॒ । जु॒ष॒स्व॒ ।
स्तो॒काना॑म् । अ॒ग्ने॒ । मेद॑सः । घृ॒तस्य॑ । होत॒रिति॑ । प्र । अ॒शा॒न॒ । प्र॒थ॒मः । नि॒ऽसद्य॑ ॥
Padapatha Devanagari Nonaccented
इमम् । नः । यज्ञम् । अमृतेषु । धेहि । इमा । हव्या । जातऽवेदः । जुषस्व ।
स्तोकानाम् । अग्ने । मेदसः । घृतस्य । होतरिति । प्र । अशान । प्रथमः । निऽसद्य ॥
Padapatha Transcription Accented
imám ǀ naḥ ǀ yajñám ǀ amṛ́teṣu ǀ dhehi ǀ imā́ ǀ havyā́ ǀ jāta-vedaḥ ǀ juṣasva ǀ
stokā́nām ǀ agne ǀ médasaḥ ǀ ghṛtásya ǀ hótaríti ǀ prá ǀ aśāna ǀ prathamáḥ ǀ ni-sádya ǁ
Padapatha Transcription Nonaccented
imam ǀ naḥ ǀ yajñam ǀ amṛteṣu ǀ dhehi ǀ imā ǀ havyā ǀ jāta-vedaḥ ǀ juṣasva ǀ
stokānām ǀ agne ǀ medasaḥ ǀ ghṛtasya ǀ hotariti ǀ pra ǀ aśāna ǀ prathamaḥ ǀ ni-sadya ǁ
03.021.02 (Mandala. Sukta. Rik)
3.1.21.02 (Ashtaka. Adhyaya. Varga. Rik)
03.02.049 (Mandala. Anuvāka. Rik)
Samhita Devanagari Accented
घृ॒तवं॑तः पावक ते स्तो॒काः श्चो॑तंति॒ मेद॑सः ।
स्वध॑र्मंदे॒ववी॑तये॒ श्रेष्ठं॑ नो धेहि॒ वार्यं॑ ॥
Samhita Devanagari Nonaccented
घृतवंतः पावक ते स्तोकाः श्चोतंति मेदसः ।
स्वधर्मंदेववीतये श्रेष्ठं नो धेहि वार्यं ॥
Samhita Transcription Accented
ghṛtávantaḥ pāvaka te stokā́ḥ ścotanti médasaḥ ǀ
svádharmandevávītaye śréṣṭham no dhehi vā́ryam ǁ
Samhita Transcription Nonaccented
ghṛtavantaḥ pāvaka te stokāḥ ścotanti medasaḥ ǀ
svadharmandevavītaye śreṣṭham no dhehi vāryam ǁ
Padapatha Devanagari Accented
घृ॒तऽव॑न्तः । पा॒व॒क॒ । ते॒ । स्तो॒काः । श्चो॒त॒न्ति॒ । मेद॑सः ।
स्वऽध॑र्मन् । दे॒वऽवी॑तये । श्रेष्ठ॑म् । नः॒ । धे॒हि॒ । वार्य॑म् ॥
Padapatha Devanagari Nonaccented
घृतऽवन्तः । पावक । ते । स्तोकाः । श्चोतन्ति । मेदसः ।
स्वऽधर्मन् । देवऽवीतये । श्रेष्ठम् । नः । धेहि । वार्यम् ॥
Padapatha Transcription Accented
ghṛtá-vantaḥ ǀ pāvaka ǀ te ǀ stokā́ḥ ǀ ścotanti ǀ médasaḥ ǀ
svá-dharman ǀ devá-vītaye ǀ śréṣṭham ǀ naḥ ǀ dhehi ǀ vā́ryam ǁ
Padapatha Transcription Nonaccented
ghṛta-vantaḥ ǀ pāvaka ǀ te ǀ stokāḥ ǀ ścotanti ǀ medasaḥ ǀ
sva-dharman ǀ deva-vītaye ǀ śreṣṭham ǀ naḥ ǀ dhehi ǀ vāryam ǁ
03.021.03 (Mandala. Sukta. Rik)
3.1.21.03 (Ashtaka. Adhyaya. Varga. Rik)
03.02.050 (Mandala. Anuvāka. Rik)
Samhita Devanagari Accented
तुभ्यं॑ स्तो॒का घृ॑त॒श्चुतोऽग्ने॒ विप्रा॑य संत्य ।
ऋषिः॒ श्रेष्ठः॒ समि॑ध्यसे य॒ज्ञस्य॑ प्रावि॒ता भ॑व ॥
Samhita Devanagari Nonaccented
तुभ्यं स्तोका घृतश्चुतोऽग्ने विप्राय संत्य ।
ऋषिः श्रेष्ठः समिध्यसे यज्ञस्य प्राविता भव ॥
Samhita Transcription Accented
túbhyam stokā́ ghṛtaścútó’gne víprāya santya ǀ
ṛ́ṣiḥ śréṣṭhaḥ sámidhyase yajñásya prāvitā́ bhava ǁ
Samhita Transcription Nonaccented
tubhyam stokā ghṛtaścuto’gne viprāya santya ǀ
ṛṣiḥ śreṣṭhaḥ samidhyase yajñasya prāvitā bhava ǁ
Padapatha Devanagari Accented
तुभ्य॑म् । स्तो॒काः । घृ॒त॒ऽश्चुतः॑ । अग्ने॑ । विप्रा॑य । स॒न्त्य॒ ।
ऋषिः॑ । श्रेष्ठः॑ । सम् । इ॒ध्य॒से॒ । य॒ज्ञस्य॑ । प्र॒ऽअ॒वि॒ता । भ॒व॒ ॥
Padapatha Devanagari Nonaccented
तुभ्यम् । स्तोकाः । घृतऽश्चुतः । अग्ने । विप्राय । सन्त्य ।
ऋषिः । श्रेष्ठः । सम् । इध्यसे । यज्ञस्य । प्रऽअविता । भव ॥
Padapatha Transcription Accented
túbhyam ǀ stokā́ḥ ǀ ghṛta-ścútaḥ ǀ ágne ǀ víprāya ǀ santya ǀ
ṛ́ṣiḥ ǀ śréṣṭhaḥ ǀ sám ǀ idhyase ǀ yajñásya ǀ pra-avitā́ ǀ bhava ǁ
Padapatha Transcription Nonaccented
tubhyam ǀ stokāḥ ǀ ghṛta-ścutaḥ ǀ agne ǀ viprāya ǀ santya ǀ
ṛṣiḥ ǀ śreṣṭhaḥ ǀ sam ǀ idhyase ǀ yajñasya ǀ pra-avitā ǀ bhava ǁ
03.021.04 (Mandala. Sukta. Rik)
3.1.21.04 (Ashtaka. Adhyaya. Varga. Rik)
03.02.051 (Mandala. Anuvāka. Rik)
Samhita Devanagari Accented
तुभ्यं॑ श्चोतंत्यध्रिगो शचीवः स्तो॒कासो॑ अग्ने॒ मेद॑सो घृ॒तस्य॑ ।
क॒वि॒श॒स्तो बृ॑ह॒ता भा॒नुनागा॑ ह॒व्या जु॑षस्व मेधिर ॥
Samhita Devanagari Nonaccented
तुभ्यं श्चोतंत्यध्रिगो शचीवः स्तोकासो अग्ने मेदसो घृतस्य ।
कविशस्तो बृहता भानुनागा हव्या जुषस्व मेधिर ॥
Samhita Transcription Accented
túbhyam ścotantyadhrigo śacīvaḥ stokā́so agne médaso ghṛtásya ǀ
kaviśastó bṛhatā́ bhānúnā́gā havyā́ juṣasva medhira ǁ
Samhita Transcription Nonaccented
tubhyam ścotantyadhrigo śacīvaḥ stokāso agne medaso ghṛtasya ǀ
kaviśasto bṛhatā bhānunāgā havyā juṣasva medhira ǁ
Padapatha Devanagari Accented
तुभ्य॑म् । श्चो॒त॒न्ति॒ । अ॒ध्रि॒गो॒ इत्य॑ध्रिऽगो । श॒ची॒ऽवः॒ । स्तो॒कासः॑ । अ॒ग्ने॒ । मेद॑सः । घृ॒तस्य॑ ।
क॒वि॒ऽश॒स्तः । बृ॒ह॒ता । भा॒नुना॑ । आ । अ॒गाः॒ । ह॒व्या । जु॒ष॒स्व॒ । मे॒धि॒र॒ ॥
Padapatha Devanagari Nonaccented
तुभ्यम् । श्चोतन्ति । अध्रिगो इत्यध्रिऽगो । शचीऽवः । स्तोकासः । अग्ने । मेदसः । घृतस्य ।
कविऽशस्तः । बृहता । भानुना । आ । अगाः । हव्या । जुषस्व । मेधिर ॥
Padapatha Transcription Accented
túbhyam ǀ ścotanti ǀ adhrigo ítyadhri-go ǀ śacī-vaḥ ǀ stokā́saḥ ǀ agne ǀ médasaḥ ǀ ghṛtásya ǀ
kavi-śastáḥ ǀ bṛhatā́ ǀ bhānúnā ǀ ā́ ǀ agāḥ ǀ havyā́ ǀ juṣasva ǀ medhira ǁ
Padapatha Transcription Nonaccented
tubhyam ǀ ścotanti ǀ adhrigo ityadhri-go ǀ śacī-vaḥ ǀ stokāsaḥ ǀ agne ǀ medasaḥ ǀ ghṛtasya ǀ
kavi-śastaḥ ǀ bṛhatā ǀ bhānunā ǀ ā ǀ agāḥ ǀ havyā ǀ juṣasva ǀ medhira ǁ
03.021.05 (Mandala. Sukta. Rik)
3.1.21.05 (Ashtaka. Adhyaya. Varga. Rik)
03.02.052 (Mandala. Anuvāka. Rik)
Samhita Devanagari Accented
ओजि॑ष्ठं ते मध्य॒तो मेद॒ उद्भृ॑तं॒ प्र ते॑ व॒यं द॑दामहे ।
श्चोतं॑ति ते वसो स्तो॒का अधि॑ त्व॒चि प्रति॒ तांदे॑व॒शो वि॑हि ॥
Samhita Devanagari Nonaccented
ओजिष्ठं ते मध्यतो मेद उद्भृतं प्र ते वयं ददामहे ।
श्चोतंति ते वसो स्तोका अधि त्वचि प्रति तांदेवशो विहि ॥
Samhita Transcription Accented
ójiṣṭham te madhyató méda údbhṛtam prá te vayám dadāmahe ǀ
ścótanti te vaso stokā́ ádhi tvací práti tā́ndevaśó vihi ǁ
Samhita Transcription Nonaccented
ojiṣṭham te madhyato meda udbhṛtam pra te vayam dadāmahe ǀ
ścotanti te vaso stokā adhi tvaci prati tāndevaśo vihi ǁ
Padapatha Devanagari Accented
ओजि॑ष्ठम् । ते॒ । म॒ध्य॒तः । मेदः॑ । उत्ऽभृ॑तम् । प्र । ते॒ । व॒यम् । द॒दा॒म॒हे॒ ।
श्चोत॑न्ति । ते॒ । व॒सो॒ऽइति॑ । स्तो॒काः । अधि॑ । त्व॒चि । प्रति॑ । तान् । दे॒व॒ऽशः । वि॒हि॒ ॥
Padapatha Devanagari Nonaccented
ओजिष्ठम् । ते । मध्यतः । मेदः । उत्ऽभृतम् । प्र । ते । वयम् । ददामहे ।
श्चोतन्ति । ते । वसोऽइति । स्तोकाः । अधि । त्वचि । प्रति । तान् । देवऽशः । विहि ॥
Padapatha Transcription Accented
ójiṣṭham ǀ te ǀ madhyatáḥ ǀ médaḥ ǀ út-bhṛtam ǀ prá ǀ te ǀ vayám ǀ dadāmahe ǀ
ścótanti ǀ te ǀ vaso-íti ǀ stokā́ḥ ǀ ádhi ǀ tvací ǀ práti ǀ tā́n ǀ deva-śáḥ ǀ vihi ǁ
Padapatha Transcription Nonaccented
ojiṣṭham ǀ te ǀ madhyataḥ ǀ medaḥ ǀ ut-bhṛtam ǀ pra ǀ te ǀ vayam ǀ dadāmahe ǀ
ścotanti ǀ te ǀ vaso-iti ǀ stokāḥ ǀ adhi ǀ tvaci ǀ prati ǀ tān ǀ deva-śaḥ ǀ vihi ǁ